السبت، 27 أكتوبر 2007

الاسلام ال..........

بسم الله والصلاه والسلام علي رسول الله ,,,,, مش عارف في الحقيقه اكلم معاكوا عن ايه ممكن علشان اول مره اكتب موضوع علي مدونه مش عارف طب اتكلم معاكوا عن الاسلام السياسي ولا الاجتماعي ولا الاقتصادي ولا ولا مش عارف بس عايز عارف هو في حاجه اسمها كده عن نفسي لااظن طب في ايه اه في حاجه اسمها الاسلام الشامل ! شامل ايه بالضبط اقولكم (ان الاسلام عقيده وعباده\ووطن وجنسيه \وسماحه وقوه \وخلق وماده \وثقافه وقانون) وعلي ذلك عاش النبي واصحابه فبالاسلام كانوا يحكمون وله كانوا يجاهدون وعلي قواعده كانوا يتعاملون وفي حدوده كانوا يسيرون , لالالابص ياعم انا بصلي وبصوم وبحج اه انما الدين دين والسياسه سياسه مدخلناش كله في بعضه يعني ايه احكم بالاسلام ازاي يعني انت هدخل الدييييييين في السياسه استغفر الله العظيم ,طب معلش اسمعني وهفصلك يقول الله تعالي (ياايها الناس قد جاءكم برهان من ربكم وانزلنا اليكم نورا مبينا .فأما الذين امنوا بالله واعتصموا به فسيدخلهم في رحمه منه وفضل ويهديهم صراطا مستقيما) يعني ايه مش فاهم ,هقولك اهو يعني (السلام عقيده وشريعه .والشريعه عبادات ومعاملات واخلاق ,والمعاملات تشريعات تنظيميه واداريه وجزائيه تشمل كل جوانب الحياه,فالعقيده والعباده والاخلاق هي التي يقوم عليها الجانب اليربوي في الاسلام الذي من شأنه ان يوقظ الضمير ويوجد ملكه مراقبه الله عز وجل,,,واما المعاملات التنظيميه فتشمل الجوانب المدنيه واحكام الاسره واحكام القضاء ونظام الحكم وقواعده وكيفيه اختيار رئيس الجمهوريه وشكل الحكومه وعلاقات الافراد بها وحقوقهم ازائها ,وتنظيم العلاقات الماليه المتعلقه بموارد الدوله ومصارفها والعلاقه بين الدوله والافراد, واما المعاملات الجزائيه فتتعلق بتحديد علاقه الفرد بالدوله من جهة الافعال المنهي عنها......ولما كان الاسلام دين شاملا وخالدا فقد اتسمت شريعته بالمرونه والتطور لان الحياه بطبيعتها متطوره,ولذلك فقد جاءت الشريعه بقواعد عامه ومباديء كليه في جوانب الحياه المتغيره والمتطوره وسمحت بل امرت (العلماء العلماء العلماء) المجتهدين في استنباط الاحكام المناسبه لكل عصر ومكان) لذا فأن الاسلام منهج شامل وشريعه كامله لايأتيه الباطل من بين يديه ولا من خلفه ,وان الاسلام اقتصاد وسياسه واجتماعيات ومعاملات واخلاق وسلام وحرب بل وترفيه وحياه فلا فرق بين اي من هذه المعاني ,,,, خلاص وصلت اي ياعم انت نمت ولا ايه , وجزاكم الله خير اللهم اني اعوذ بك ان اشرك بك شيء اعلمه واستغفرك لما لااعلمه(فستذكرون ما اقول لكم وافوض امري الي الله ان الله بصير بالعباد)

هناك 19 تعليقًا:

الفاتح اليعقوبي يقول...

والله وتربيتي طمرت فيك ياعم النجم
كلامك جامد جدا ربنا يتقبل منك
الاسلام في كل شئ وكل امر فهو فيه حلول كل المشاكل التي تعتري البشرية وعلاج لها

يقول تعالي :(مافرطنا في الكتاب من شئ)0

الاسلام دين ودولة
فهو ينظم علاقة الفرد بالفرد وقبل ذلك تنظيم علاقة العبد بالرب

تقدر تقول الاسلام منهج حياة
والسلام

Unknown يقول...

الاول مبروك علي المشاركه في المدونه
مش عارفه هو غباء مني ولا ايه بس انا مش قادره افهم ايه الي انت عايز توصله بالضبط
انا معاك ان الدين شامل و معامله و عباده و اخلاق بس ايه النقطه الي انت عايز توصلهانا من البوست ده

عصفور المدينة يقول...

جزاك الله خيرا

فعلا أسلوب مختلف عن اليعقوبي انا كنت خايف اتلخبط بينكم

Unknown يقول...

اولا اهلا بحضرتك وجزاكم الله خير ثانيا النقطه اللي عايز اوصلها ان الاسلام نظام شامل يعني مفيش حاجه اسمها اسلام سياسي او غيره انما في اسلام شامل والسياسه والاقتصاد والاجتماع كل ده جزء منه واننا مينفعش نفصل الدين عن السياسه لاننا بذلك ننقص من الدين وان وهل النبي وخلفاءه الاربعه والصحابه لم يتكلموا في السياسه انا بقول السياسه علي سبيل المثال بس في فروع كتير جدا يحتويها الاسلام عشان كده مينفعش واحد يقول انا بصلي وبصوم وبحج بس مليش دعوه بالسياسه وده طبعا عدم فهم لشموليه الاسلام لان السياسه تنقسم الي قسمين داخلي وهو معرفه احوال الدوله الداخليه من تنظيم امر الحكومه وبيان مهماتها ومراقبه الحاكمين ليطاعوا اذا احسنوا وينقدوا اذا اساءوا اما السياسه الخارجيه فهي المحافظه علي استقلال الامه وحريتها وبيان دورها بين الامم فهذا احد معاني السياسه الرئيسيه لذا فأني اقول ان فصل الدين عن السياسه هو انتقاص من الدين لان الله امر المسلم ان يهتم بشئون امته وقال النبي (من لم يهتم بأمر المسلمين فليس منهم) و

جمعاوى يقول...

أيه يا جدعان ؟

أول ما قريت البوست قولت الواد عز أسلوبه مش كده

" حلوة الواد دى ..على اساس إنه على طول بيقولى إنت عمى و عم عييالى "


قلت أكيد الواد اسلوبة اتغيير

بس للأحسن


طيب غسر المدونة ليه ؟


و الموضوع كمان موضوع مهم جدا


بس لقيت أول تعليق لليعقوبى


قلت بس أكيد ده الجعفرى
و الحمد لله طلع هو


بالمناسبة يا جعفرى

عز بيوصل لك السلام و لا لأ؟

محمد عبد الرحمن يقول...

ما شاء الله عليك
تمام كده يا اى الحبيب
بس فين اللى يسمع بقى
اصحاب الحناجر الإهلاميةصدعونا بالفصل الوهمى بين ما هو دينى وما هو حياتى
والغريب إنهم مش بيسألو نفسهم طيب إيه فايدة الدين إذا مكانش ينظم حياتنا ويربينا على قيم معينة

الجعفرى هياكل الجو منك يا محمود ياحبيبى
هههه
بهزر طبعا حلوة فكرة المدونة المشتركة لما يكون أصحابها لهم نفس الفكر وبيعبرو بأساليب مختلفة

Unknown يقول...

ياجماعه لازم تعرفوا ان عز ده عمي وعم عيالي وهو اللي علمني المشي والكلام واول مافتحت عنيا علي الدنيا لاقيت عز وهو بابا وهو ماما وهو انور وجدي وكمان هو الي علمني الفيفا وكل حاجه وعلي فكره ياجمعاوي عز مبيوصلش السلام ولا حاجه بس السلام بيوصل لوحده ايه سلامي ماوصلكش وجزاكم الله خير

Coca يقول...

الجعفري مبروك علي المشاركه
يعني اللي فهتمه ضروره تطبيق الاسلام في حياتنا كمنهم اجتماعي وسياسي واقتصادي
ودجا سبب الخلاف ما بين اي حد كما الاخوان والحكومه مثلا لانها عايزه تفصل ما بين الدين والدوله
صدقني كتير بحسن الدين جه علشان ينظم حياتنا ونقرب لربنا بشريعته
والسياسه من المفترض برضو انها تنظم حياتنا يعني مش لاقيه تعارض
وبعدين اقري انه مينفعش نخلط الدين بالسياسه وبكل حاجه
محتاره ولسا بقرأ كتير علشان افهم احسن

Unknown يقول...

الله يبارك في حضرتك بس حضرتك انا مقولتش ان الدين حاجه والسياسه حاجه انا قولت ان السياسه جزء من الدين لاني قولت احد التعريفات الدارجه للسياسه وانا لما بعرض موضوع اكيد الموضوع بيبقي مختصر بس الغرض اننا نفتح طريق للتفكير والبحث في الموضوع وانا احترم جدا جهد حضرتك في ان تقرأي وتبحثي عن الحقيقه بس في نصيحه ان حضرتك متعتمديش علي نفسك في البحث عن الخطأ والصواب ولكن الجأي الي الله لان الله وحده هو الذي يهدي السبيل علشان كده كل لما تبحثي في موضوع ادعي الله ان يهدكي الي خير الامر ثانيا انصح حضرتك ان تقرأي في هذا الموضوع كتيب رساله الي الطلاب للامام البنا سيفيد حضرتك كثيرا وجزاكم الله خير

مهندس مصري بيحب مصر يقول...

قشطة يا جعفري
الله ينور عليك يا يعقوبي
أهو كده الكلام
متفق مع البوست كله
اللهم إجعل شريعتك الحق تحكمنا جميعاً يارب العالمين

دعوة الفردوس يقول...

جزاكم الله خيرا
ورزقكم الله الاخلاص
وياريت نشوف لحضرتك تدوينات اكتر علشان الاخ اليعقوبي
ميفضلش يقول بدربه وبعلمه وبتاع

بالنسبة للبوست فهو محاولة جميله لتوضيح شمولية الاسلام
واجمل ماقرات في ذلك مقال للامام البنا بيوضح فيه ان الصلاه في حد ذاتها لها بعد اجتماعي و اقتصادي و ديني
مقال اكثر من رائع
هحاول انقله لكم ان شاء الله

mo'men mohamed يقول...

خلاصة الكلام أخى جعفرى
الإسلام = حياه
مش عبادة بس
ولا عقيدة بس
ولا سياسة بس
الإسلام دين الظاهر والباطن
جزاكم الله كل خير
السلام عليكم

Unknown يقول...

اولا مرحبا بك اخي الحبيب وربنا يجزيك خير ثانيا فعلا الاسلام حياه ومن يعش بغير اسلام فهو ميت اللهم احينا علي الاسلام وامتنا علي الاسلام

ياسر مدني ...دينامو الإخوان يقول...

في ذكري وعد بلفور ...لا تنسوا الدعاء لإخوانكم في فلسطين
والدعاء علي الظالمين..واللهم تقبل...وتيقنوا أن الدعاء سلاح مهم لكل المسلمين

Unknown يقول...

الاسلام دين كل شئ و كل زمن و كل عصر
الأسلام دين الحياه فيه كل ما تحتاجه في حياتك

Unknown يقول...

نعم صدقت الاسلام دين حياه جزاكم الله خير

asmaa ibnatalislam يقول...

السلام عليكم
كل ده صح بس نفسي كل الناس تفهم كده وتقتنع وهو ده واجبنا والامانه اللي احنا شايلنها علي اكتافنا وهنسأل عنها يوم القيامه
افخر بأني ابنه هذا الدين العظيم
جزاكم الله خيرا

ياسر شمس الدين يقول...

السلام عليكم
انا عن نفسى بقولك لازم تفرق بين حاجتين اول حاجة بين الدولة الاسلامية التى يقرها الاسلام او الصورة المثالية للدولة وبين ما قام من حكم اسلامى تم ظلم الناس والعباد فية تحت عباءة الدين
هتقولى ايه الكلام ده مين اللى اتظلم فى تاريخ الدولة الاسلامية
هقولك راجع
ما كان يفعلة الوليد بن عقبة فى عهد سيدنا عثمان
لقد ماتت بذور الديمقراطية عندما قتل سيدنا عمر
هتقولى طيب وسيدنا عثمان ما كانش عادل لا كان عادل بس بص بيتعامل ازاى مع من يخالفة يعنى سيدنا ابو ذر لما عارضة ابعدة للشام
وبعد كده انتكس نظام الحكم بعد سيدنا على لنظام حكم ملكى مستبد الحجاج وامثالىة كتير فى حكم الدولة الاسلامية
وانا مقتنع ان مش هو ده الاسلام لا الاسلام امثل من كده واحسن ولكن يتم الحكم على قيام دولة اسلاميه من خلال التجربة السابقة فلم توفر الدولة الاسلاميه حفوقا للانسان فمثلا سيدنا عمر بن عبد العزيز كان يلبس النصارى زيا موحدا حتى يتم التعرف عليهم بسهولة
هذا من ناحية التاريخ
الواقع الحالى يقول انه ليس هناك جماعه بعينها تستطيع ان تتحمل مسؤليات قيام دولة فمثلا بصفتك تحب الاخوان او تنتمى اليهم
---------انا احبهم على فكرة-----
جماعة لا تستطيع قيادة دولة
فبرغم اننا نواجة صعاب كثيرة جدا فى بلدنا
ورغم وجود قوة للاخوان تتمثل فى افراد المجتمع المدنى من قضاة واعضاء مجلس شعب ومحاسبين ومحامين واصحاب حرف تجدها لا تواجة احدا ولا ترفع صوتا ولا تتخذ اجراء فى مواجة الظلم
بل تتخذ وضعية عدم المواجهة دائما غير ذلك ما يفعلة المرشد العام على الفضائيات والجرائد من احاديث واقوال غير مسئولة مع انى اعرف ان تاريخة مشرف جدا فى العمل الوطنى
بس للاسف صعب انه يدير جماعة بقوه الاخوان
حاجة تانية برضه ان الدولة الاسلاميه
تنفرد بالحق المطلق فمثلا لو اختلفنا انا وانت فى حاجة هتقولى الاتى
طيب ربنا بيقول ايه مثلا فى الموضوع الفلانى وهتجبلى الايات انا
فانت كده اختزلت الحق الى جانبك بفرضك نص قرانى لا استطيع ان انكرة
ده عيب فى السياسة لان الحق الذى تقبلة غيرك قد لا يقبله ولا تستطيع ان تجبرة عليه ومن هنا تبدء المشاكل مع الطرف الاخر
اسف للاطالة

Unknown يقول...

السلام عليكم اخي الحبيب اولا يااستاذ ياسر ان الديمقراطيه نظام غير اسلامي لان الديمقراطيه هي حكم الشعب بالشعب للشعب وان الاسلام هو حكم الله رب العالمين للشعب من خلال دشتور واحد وهو الاسلام
اما قولك انها انتهت بموت عمر ابدا والله واستشهادك بموقف سيدنا ابو ذر لم يكن سليم لان هذاالموقف هو نفسه من ادعاه دعاه الفتنه قتلت عثمان ثم ظل العلمانيون يرددوه الي الان في كتاباتهم (وطبعا لم اقصد حضرتك اخي العزيز) والموقف كما جاء في كتاب العواصم من القواصم للقاضي بن عربي ان سيدنا ابو ذر هو من طلب من سيدنا عثمان ان يخرج بعيدا عن الناس وان عهد سيدنا عثمان من اكثر العهود تميزا في تاريخ الارض ناهيك عن الدوله الاسلاميه ولو اطلعت ياخي في تاريخ الدوله الاسلاميه للرايت الكثير من الولاه الذين ملؤا الارض عدلا ورحمه منهم علي سبيل المثال لاالحصر بعد الخلفاء الاربعه
الوليد بن عبد الملك
عمر بن عبد العزيز
هارون الرشيد
نور الدين محمود
صلاح الدين الايوبي
سيف الدين قطز
الظاهر بيبرس
ابو بكر بن عمر اللمتوني
يوسف بن تاشفين
عبد الرحمن الداخل
عبد الرحمن الناصر
ابو يوسف بن يعقوب المنصور الموحدي
بايزيد الصاعقه(الثاني)
عثمان بن ارطغرل
محمد الفاتح
سليمان القانوني
وغيرهم الكثير يااخي والله وان كل منهم يحتاج الي كتب لوصف انجازاته وعدله ورحمته وعمله لامته ولكنهم اختذلوا التاريخ الاسلامي في فترات الفتن والصراعات ليصوروه لنا بهذه الطريقه
اما قولك يااخي اننا اذااختلفنا واحتكمنا الي الايات فأني اختذل الحق لجانبي فيجب ان تعلم ان الحق انما جعل ليأتم ويهتدي به وانه لايأتي الي جانب احد بل الجميع يجب ان يسير وراءه لان الله هو الحق وان الغرض من الاختلاف في الاساس هو الوصول الي الحق
اما قولك عن الاخوان يااخي الحبيب فيجب ان تعلم ان الاخوان شريحه من المجتمع فيهم الصادق والكاذب فيهم الامين والخائن مثل اي شريحه في المجتمع وانهم لايستطيعون ان يفعلوا شيء منفردين ويجب ان يلتحم الشعب جميعا ويصنع لنفسه قضيه يحارب او يناضل من اجلها واسف للاطاله ونورت المدونه

ساندوا اخوانكم في القوقاز

ممدونات مهمة للغاية

المدونات دي لازم تعدوا عليها وساندوا اصحابها جزاهم الله خيرا

مدونة ارض الحرب جزا الله صاحبها خيرا

كلنا مقاومة

مدونة اولادنا امانة (كيف نربي الاجيال القادمة)

نشقي ليعز ديننا وتسعد امتنا

نشقي ليعز ديننا وتسعد امتنا

جماعة قاداتها شهداء منصورة باذن الله

جماعة قاداتها شهداء منصورة باذن الله

About Me

صورتي
اليعقوبي احد الفاتحين القادمين باذن الله واتمني انا ذلك كل مااسال الله عليه ان يثبتني علي دينه وعلي طريقه والااضل عنه وان يرضي عني

لغتي الجميلة هويتي واصلي وديني

لغتي الجميلة هويتي واصلي وديني

اللهم ارحم اخي علاء رحمة واسعة

اللهم ارحم  اخي علاء رحمة واسعة

اللهم ارحم اخانا رحمة واسعة واجمعنا به في مستقر رحمتك

اللهم ارحم اخانا رحمة واسعة واجمعنا به في مستقر رحمتك
نسالكم الدعاء لاخانا