الأربعاء، 19 سبتمبر، 2007

لاحول ولا قوة الا بالله

بسم الله والصلاة والسلام علي خير الرسل والنبيين محمد عليه من الله افضل الصلاة والتسليم


في جريدة المخبر اليوم اسف(المصري اليوم)يوم الاربعاء تم حوار مع استاذ عبد المنعم محمود واستاذة زهراء خيرت الشاطر واستاذ محمد حبيب والعظيم بن العظيم رفعت باشا السعيد غفر الله لنا وله وجزاه الله بما يستحق


طبعا يااخوانا هدخل في الموضوع علي طول لانه بالفعل نرفزني جدااااااااااااااااااااااااااااا


المحاور كان يسال الاخ منعم عن بعض الامور الشائكة وكان من ضمنها طبعا هل هناك جيل ثالث في الاخوان(علي غرار شبكة المحمول) اكثر انفتاخا علي التيارات الاخري وهل هذا الجيل عنده استغداد اكبر للجلوس نع تلك التيارات ام لا


وهل يقبل الجيل الثالث اذا امسك الحكم بهذه التيارات وفكرة تداول السلطة ,والاقباط والمراة وما الي هذا من الكلام الذي سائمنا وتاففنا من الحديث عنه


فكان هناك بعض الردود التي استفزتني جدا ومن بينها :ا


1ساله المحاور عن الاقباط فقال له منعم :انهم متضهادون مثلنا من قبل النظام الحاكم وما الي ذلك وان مصلحتهم مع التيارات التي تنادي بالاصلاح


سؤال بسيط من الذي قال ان الاقباط متضهادون بل العكس اعتقد انهم اخذوا حقوقا اكثر من حقوقهم ؟


اي اضطهاد يااخ منهم اصدرت اموالهم؟


اجائوهم في الفجر واقتحموا بيوتهم وكشفوا عورات بيوتهم؟


اسحلوا في المعتقلات بسبب ارائهم التي وقفوا فيها بجانب ؟

بلاش

ماذا فعلوا معهم في ازمة وفاء قسطنطين ؟

ماذا فعل بالمرتدين ؟

واعوا تصدقوا ان المرتدين دول دخلوا الاسلام بجد دي تمثيلية عشان يثار الموضوع ويطلع قانون لايجرم الارتداد ويسقط حق الردة

ويكمل المحاور والاخ منعم ويقول الاخ منعم رد غريب

المحاور هل ممكن ان يبقي ان يبقي فيه حزب قبطي او انهم يرفعوا شعار المسيحية هي الحل؟؟؟؟؟؟؟

فيرد الاخ منعم بالايجاب

ومكنش عنده اعتراض انهم يعملوا حزب نصراني او انهم يرفعوا شعار المسيحية هي الحل

مدام هم يعتقدون ان هذا هو السبيل لتحقيق خدمات البلاد وسيسمح لهم بذلك

عايزين نفرق بس يااخوانا بين المسيحية اللي بنؤمن بها وبين المسيحية التي من الاولي اننا نكفر بها

طبعا سيظهر من يقول يجب الايمان بالاديان السماوية الثلاث والكلام ده كله ماشي

لكن هل الدين الذي يعتنقه النصاري الان هو الدين الواجب علينا الايمان به ؟

طبعا لا ،لان الموجود الان هو دين وضعي من البشر وليس من عند الله فلا يجوز لنا الايمان به اوبهم اوبمنهجهم بل اننا امرنا بالكفر به

يقول تعالي:(الله ولي الذين امنوا يخرجهم من الظلمات الي النور والذين كفروا اوليائهم الطاغوت يخرجونهم من النور الي الظلمات )ا

فكيف يااخواني يسمح لهم بتكوين احزاب وبل يرشحون انفسهم ويحكومون بلادنا من المفترض يااخواني الا نفعل امرين :ا

1الا نداهن احد او نرضي احد علي حساب الله عز وجل

2ان اذا تكلمنا تكلمنا بعلم واضح وبينة من القران والسنة الصحيحة والا فالصمت اولي ولايجوز ان نقول هذا راي الشخصي في هذا الموضوع وهذا الامر بالاساس موضوع فقهي صعب فمن انا او انت حتي نرد علي امر مثل هذا من نحن حتي نعطي امر الاجتهاد وهو امر مقصور علي فقهاء الامة فقط وليس دعاتها

فاين دليلك يااخي من القران او السنة او من اجتهاد العلماء علي صحة كلامك

اين الدليل علي انه يجوز تكوين الاحزاب الاشتركية والليبرالية والشيوعيية والمسيحية ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اليس كل من ينادي الي غير دين الله هو ينادي الي طاغوت كلامي صح ام خطا؟

اليس معركتنا الاساسية مع هؤلاء الناس وليس مع النظام فالنظام سيقع ان عاجلا ام اجلا هذه سنة ثابتة فلو دامت لغيره لما وصلت له لانه في الاصل ليس الا مجموعة من المنتفعين وليسوا اصحاب فكر يعتنق مثل الاشتراكيين والليبرالين والعلمانيين؟

انسينا ما فعله الشيوعيين في المسلمين في الاتحاد السوفييتي ام نسينا مافعله عبد الناصر بالاخوان بايعاذ من الاتحاد السوفييتي
ام لانري الان اكبر قوة ليبرالية في العالم وهي امريكا وهي تحارب الاسلام في كل مكان؟
يااخواني لن يستقيم امر الاسلام مع هذه الطواغييت بل ان المعركة الاساسية هي مع اصحاب الفكر والعقائد
اما الانظمة الظالمة فمن الواجب قولة الحق في وجهها ومقاومة فسادها ولكن هذه الانظمة طالما انها لم تحمل فكر بل هي مجموعة من المنتفعينن فسينتهوا بنهاية منفعتهم او بختلافهم حول منفعتهم
ثم يسال المحاور عن امكانية تولي المراة الحكم
فيقول اخونا منعم انه لامانع وان الفتاوي التي تحرم هذا قد مر عليها فترة كبيرة ويجب ان يتم اعادة النظر فيها من قبل العلماء نظرا للظروف الحالية من تكون دولة المؤسسات والاحزاب
الم يسمع اخي في الله حديث رسولنا عليه الصلاة والسلام(ما افلح قوم ولوا امرهم امراة)ا
واحد هيقول ياعم متعقدهاش مستحيل الشعب بتاعنا يختار نصراني او امراة
واقول لكم هذا الكلام هو مايفك عقد الحركة الاسلامية ويوغل صدور بعضهم الي بعض
والاهم من هذا اننا اصحاب منهج اسلامي وديننا يامرنا بكذا او بكذا فنقول مايرضي الله عزوجل ومايوافق سنة رسولنا عليه الصلاة والسلام
ويكتمل الحوار بسؤال من المحاور لمنعم عن الفن فيقول له وماله الفن فالامام البنا اسس مسرح للاخوان ونحن نؤمن بالفن وماشي محدش اختلف
فيقول له الاخ منعم وفيها ايه ماانا بسمع فيروز وجوليا بطرس في الاغاني الوطنية
الم يسمع اخانا ان اقامة المراة للاذان حرام ؟
فكيف لها ان تغني ونسمع صوتها ؟
وكلام كتير في الحوار يحرق الدم فارجو منكم شئ يااخواني
اننا نهتم شوية بجانب العقيدة والعلم الشرعي مادمنا تصدينا للدفاع عن الاسلام والدعوة الي الله فالرسول عليه الصلاة والسلام بقي ثلاثة عشرة سنة يعلم الناس العقيدة وعشر سنوات يضع اسس الدولة
انا كنت ناوي اتوقف عن التدوين في رمضان ولكن واضح اني هغير راي طالما ان هناك مايستفزني وما يستثيرني ،والله المستعان
والسلام
اخوكم اليعقوبي

الثلاثاء، 11 سبتمبر، 2007

اللهم ارحم اخانا


توفي الي رحمة الله احد اخواني في الكلية
اقسمت عليكم بالله ان تدعو له بالرحمة والغفران والعفو
ادعو له في صلاتكم
انا مش قادر اكتب اكترمن كده
ممكن تدخلوا علي مدونة كش ملك كش ملك
بالله عليكم لاتنسوه من الدعاء
وادعو اللهم بلغنا رمضان
اللهم بلغنا رمضان
ادعوها
دي اول مرة في حياتي ادعيها كتير كده الواحد فعلا خايف يموت ويقابل ربنا باللي هو عمله
اللهم بلغنا رمضان
والسلام

الأحد، 9 سبتمبر، 2007

مستعدين ان شاء الله؟

جاء رجل الي احد الدعاة وقال له ياشيخ
انا منذ خمسة عشر عاما اصلي في جماعة جماعة اولي
واحفظ القران بسبع قراءات ولم انقطع عن القيام منذ خمسة عشر عاما وصيام النوافل وفروض الله لااقصر فيها
فقل لي مالفرق بيني وبين صحابة الرسول (صلي الله عليه وسلم)؟
فقال هذا الداعية له وقد استغرب من العرض والسؤال :انتظر حتي ارد عليك الفجر
وجاء الفجر
وجلس الداعية وجائه الرجل وقد تغيرت ملامح وجهه
فقال له العالم: مابك
قال:الليلة الماضية ولاول مرة منذ خمسة عشر عاما لااصلي القيام
فقال العالم:احمد الله يااخي انها جائت في القيام ولم تاتي في الفجر فهذا درس لك
فقال الرجل: ولكني رايت رؤية غريبة
قال العالم: احكي
قال الرجل:حلمت برسول الله (صلي الله عليه وسلم)وكنت انا وهو عليه الصلاة والسلام وصحابي
ففجاءة ظهرت سيارة مسرعة مقبلة نحونا وتقترب منا لتصدمنا فقال لي عليه الصلاة والسلام
انقذني منها
فجريت ابحث عن حجر ضخم كي اضعه امامها فاحمي الرسول (صلي الله عليه وسلم)وظللت ابحث
فقال عليه الصلاة والسلام للصحابي انقذني منها
فرمي الصحابي نفسه امام السيارة ليوقفها
فقال الرسول(صلي الله عليه وسلم )للرجل في الرؤية
هذا هو الفرق بينك وبينهم
هذه القصة حكاها احد الدعاة الي الله وهي كما يقول واقعية
الصراحة يااخوانا القصة دي مؤثرة ومعبرة للغاية عن الفرق بيننا نحن المدعون الحب وبين من احبوا بصدق
انا حبيت انزل البوست ده عشان يكون اخر بوست قبل رمضان حيث ساتوقف عن التدوين في شهر رمضان
رمضان كلها ثلاث ايام وياتي
ثلاث ايام وتغلق ابواب جهنم
ثلاث ايام وتفتح ابواب الجنة
ثلاث ايام وتنزل رحمة الله تنزيلا
ثلاث ايام ونمسح تراب مصاحفنا
ثلاث ايام ونرجع للقيام بعد توقف طويل
ثلاث يام ونخرج صدقات
وهكذا
رمضان فرصة لمن يحبون رسول الله(صلي الله عليه وسلم)بحق فهذه فرصتهم لكي يستنوا حقا بسنته ويروضوا انفسهم عليها
هذه فرصتهم الي الجنة ليلحقوا به عليه الصلاة والسلام ومن سبقه من انبياء ومن تبعه من صالحين
محتاجين في رمضان ده نعيد حسابتنا فعلا هل نحب الرسول ام...؟
هناك اية جميلة للغاية وهي اختبار حب الرسول الحقيقي
يقول تعالي(قل ان كنتم تحبون الله فاتبعوني يحببكم الله )ايه جميلة
في اخ قالي خاطرة اختم بها البوست
قال المشكلة مش في مين بيحب ربنا
كل الناس بتحب ربنا النصاري والكفار كل البشر بتحب ربنا
المشكلة في ربنا بيحب مين؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
فمستعدين نحب الله كما اراد هو ان نحبه ام نحبه كما ارادنا نحن؟؟
وصية قبل رمضان
حدد ادعية معينة تدعي بها الله في رمضان وتلح عليه بها في القيام وقبل الافطار فان الله يحب العبد اللحوح عليه في الدعاء
وحدد لنفسك عبادة جديدة تخرج بها بعد رمضان وتداوم عليها بعده
يعني مثلا مقصر في القران حدد انا بعد رمضان مش هقصر في وردي
مقصر في القيام يبقي بعد رمضان مش هتقصر
وهكذا
وادعو لي بالله عليكم ان ربنا يتقبل دعائي في رمضان وانا هادعو لكم ان يتقبل الله دعائكم في رمضان

كان معكم من صعيد مصر
اخوكم اليعقوبي
والسلام

.........................................................................................................

تحديث

سمعت احد الدعاة من شوية بيقول اللهم اهدي ولاة امورنا

سالت نفسي لما لاادعو لمبارك ان يهديه الله

ولما لانوحد دعائنا ان يهديه الله ويصلح حاله

انا هاضيف الدعوة دي للدعوات اللي قررت اني هادعو بها في رمضان

والسلام

الثلاثاء، 4 سبتمبر، 2007

النهاية اننن اااااا

واحد يسالني ويقولي انت نيتك ايه ياعز في البوست ده اقولك علي طول ادخال السرور علي قلب مسلم
وقفنا فين المرةاللي فاتت
عند المحاكمات اه كان من نتايجها اني اطردت بره البيت شوية حلوين مش طوال بس نفسي صعبت عليا اوي وقتها وكنت ماشي عيني بتدمع في الشارع
ندخل في المهم في يوم من الايام كنت بسال خطيب المسجد الذي بجانب المنزل وهو شخصية محترمة للغاية ومن الناس اللي بحبها في الله جدا
فبقول له انا خايف ان اهلي لو جالي حاجة او حصلت لاي مشكلة امنية يقفلوا معايا
فقال لي حديث رسول الله (صلي الله عليه وسلم)الذي وكاني سمعته لاول مرةمنه
يقول رسول الله(صلي الله عليه وسلم"):من ارضي الله في سخط الناس رضي الله عنه وارضي عنه الناس ومن اسخط الله في رضي الناس سخط الله عليه واسخط عليه الناس।ا
وكان هذا الكلام في سنة تانية يعني قبل المحاكمات وبس نرجع تاني...............ا
بعد فترة من الزمن ولله الحمد تقبلوا الامر ده تماما في البيت ورموا طوبتي وبقينا في البيت بنتكلم عن الموضوع ده وعن الاخوان بس هما طبعا مش لازم يبينوا انهم موافقين عن كده بنكتفي بالدردشة والاستفزاز ؟؟؟؟؟؟؟؟؟؟؟؟؟؟؟
ايوه الاستفزاز
احنا كعائلة فينا شئ يميزنا اننا ولله الحمد نوعا ما دمنا خفيف ومستفزين يعني ممكن لو حطينا اي حد في دماغنا عندنا قدرة اننا نستفزه بس بهزار طبعا
واليكم بعض استفزاز امي لي (الكلام اللي جاي كان هزار مع امي)فمحدش يخده انه بجد
في مرة كانوا بيتكلموا عن تمويل الاخوان وبيبجيبوا فلوسهم منين
فانا اتنرفزت من البرنامج وحسبنت علي البشر اللي بتدعي علينا الاخوان اساسا لهم شركات كبيرة وكل الفلوس اللي بتيجي فهي تمويل ذاتي
وحاولت اشرح وجهة نظري لامي فهي اقتنعت وبعدها بفترة ناقشنا الموضوع تاني بس بغرض الاستفزاز يعني تجديد النية كان علي الاستفزاز
يعني تقولها ياامي نيتك ايه من الحوار ده ياامي تقولك استفز ابني
فبتقولي يابني انتم اساسا بيجيلكم تمويل من بره وامريكا وايران بتمولكم بتيجيبوا الفلوس دي كلها منين
فانا احاول اقنعها وهي فرحانة طبعا انها خرجتني بره الحوار فقلت اشمعني انا ارد رد اكثر استفزازا
فقلت لها :بصي يا حاجة انا هقولك علي الحقيقة احننا بنجيب فلوسنا منين
احنا من الاخر كده بنط علي المحلات باليل ونظبط اللي فيها وناخد اللي فيه النصيب ونمشي الناس لازم تدفع عشان دعوة ربنا
فقالت :بس كده ايوه قول الحقيقة
فضحكت وخلص الحوار ده
مرةتانية
بتقولي يابني انتم علي طول بتتضربوا وبيسحلوكم علي الارض زي العبيد كده
فانا سخنت فاقعد احكيلها عن غزوات المسلة واللي كان بيحصل في الظباط والعساكر
فتقولي ايه:ايوه يابني ماهما بنقواالجتت اللي زيك عشان ينفعوهم في حاجة زي كده في المظاهرات والخناقات انتم يا بني شويةبلطجية
فردعليها:ايوه يا حاجة احنا شوية بلطجية ومن الاخر كده من ليس معنا فهو ضدنا ومن الاخر كده اي حد هيزعلنا هنقفل معاه وهنزعله
طبعا الكلام اللي فات كله هزارمع امي
فانا لما اعوزاستفزها هي اوالواد اخويا اعمل ايه
اشغلهم الكمبيوترعلي اعلي صوت خد عندك
اناشيد بتاعة القسام والشيخ كشك الحاجات اللي بتعمل دوشة جامدة وممكن الكلام ده يكون الفجر
بعد الصلاة طبعا احنا مش عايزين نزعج حد
الكلام اللي فات ده هزاري في البيت اناوامي وبينضم لها اخويا غفر الله لنا
ولله الحمد الدنيا دلوقت كويسة جدا ادام الله هذه النعمة
في مرة الحكاية دي حكاها اخويا لواحد صاحبنا
فبيقول له :في مرة بقلب علي الجهاز بتاعنا قلقيت عليه حاجات تودي في داهية فقلت لامي انا هشيل الحاجات دي من علي الجهاز عشان منحرش في داهية(طبعا انا مكنتش في البيت والا كان سمع الجيران صوت زغاريت واقلام وشلالايت)مهداة لاخي
فقالت له(هكذا يحكي لي صاحبي):سيبها يابني يمكن دي الحاجة الوحيد العدلة اللي علي الجهاز
قلت لكم صدق رسول الله عليه الصلاةوالسلام
وبس
تقدروا تقولوا اننا عايشين في البيبت كويسين دلوقت بعد بعض المناوشات اللي بتاتي من خوفهم علي لاا كثر
وهنا تنتهي جزء من حياة اليعقوبي
وننبه لكم ان حقوق النشر محفوظة لصاحبها
عمو عز
كان في شبل كان علي طول يقولي ياعمو اقوله يابني استاذ بلاش عمو يقولي حاضر يجي المرةاللي بعدها يقولي نفس البتاعة
كان معكم بجوار البحر الابيض المتوسط
والسلام
اخوكم اليعقوبي

الأحد، 2 سبتمبر، 2007

ياعزيزي لولا الابتلاء ماعرفنا الطريق

الوادضاااااااااااااااااع
بهذه الكلمة نطق في احدي المحاكمات التي تمت في بيتنا
نرجع من الاول معلش فلاش باك
كلنا اكيد فاكرين اللي حصل في انتخابات اتحاد الطلاب السنة اللي فاتت في جامعة القاهرة والدنيا لما اتقلبت وكده فالمهم اخوكم نابوا من الحب جانب واتهبشت وقتها ولله الحمد تحقيق
فالمهم طبعا وقتها ابويا وامي تاكدوا تماما ان ابنهم تبع الاخوان وشغال معاهم وكده
فانا وقتها سجدتهم وقولتلهم دي مفيهاش حاجة والعملية هتعدي علي خير
وبعدها بفترة تتطور الحكاية ويبقي ولله الحمد مجلس تاديب
وانا كفيت علي الخبر ماجور وكل مايكلموني في البيت عن الحوار ده اقولهم لا خلاص التحقيق انتهي وهو فعلا انتهي بس اتصعد ونسيوا
فالمهم مرة ابويا راجع من السفر وكان معاه جرائد يقرا فيها في القطار فوجد ان اخواني المحولين معي في الجرنان وبيتكلم عن الحكاية دي وبيحكي (ربنا يسامح اخوانا بتوع الاعلامية )
فابويا فققس الموضوع
وقرروا وقتها عمل محاكمة عسكرية لاخوكم في الله تتكون من الاتي ذكرهم:-
عضو اليمين ابويا وعضو الشمال امي
والقاضي عمي (لانه في الاساس رجل قانون)وبس
محمووووود تعالي
انا كنت في الاوضه وقتها
ابويا:قولنا يابني علي اللي حصل بالظبط
انا :محصلش حاجة يابابا الموضوع هيخلص وهيعدي ان شاء الله
عمي :احكي يابني براحة ووفهمنا ايه اللي حصل
انا:وابدا في سرد الموضوع حتي النهاية
امي :يابني وبعدين هتعملوا ايه دلوقت مستقبلك هيروح في زفت داهية
انا:مفيش احنا دخلنا مع محامين وان شاء الله هتنفك
ابويا:يابني ايه اللي مشاك مع الناس دي اساسا يابني هتودينا في داهية
انا :يابابا عادي انا بخدم ديني وبدعو الي الله مع الناس دي
عمي :يابني هو لازم تدعو كده ده الرسول عليه الصلاة والسلام ابتدا الدعوة في السر
مقاطعة ودي يااخوانا حجة كثير من الناس الدعوة سرا
الدعوة سرا اساسا كانت ثلاث سنوات فاغلب الناس بينسوا العشرين الباقين وعايزين يعمموا الثلاث سنوات دول
انا:بدخل معاهم في نقاش او بمعني ادق جدال وبحاول اقنعهم بالحسني والحجة ومحدش فيهم معاه حجة ولله الحمد اقوي مني بل حجتهم الاساسية انك يابني هتودي نفسك وتودينا في داهية
ابويا :يابني انت مش عايز تسمع الكلام ليه انت خلاص في داهية لما تخرج برا البيت ده اعمل اللي انت عاوزه انا مش عايز حد يكسر الباب علي امك واختك بالليل
انا عايز اربي اخواتك انت خلاص بقيت زي الشحط تقدر تعيش في الدنيا العيال دي مين هيربيها
انا:يابابا متخفش مفيش حاجة هتحصل ان شاء الله
ثم يبدا عمي في سرد القصص والاساطير عن الناس اللي اتخدوا ومرجعوش تاني واللي اختفوا ثم يبدا في سرد السي في الخاص به ويقولي يابني انا كنت بشتغل زمان ايام عبد الناصر وكنت في مصنع وكان معايا مهندسين اخوان ولما دخلت سنه65اختفوا من وسطتنا واللي سمعنا انه مات واللي مخرجش غير بعدها بقد ايه
انا:وابتدي ارد واقولهم عن سنة الابتلاء التي يجب ان تصيب الدعاة الصادقين
وكيف ان رسولنا عليه الصلاة والسلام عندما حكي ظروف بداية الوحي لورقة بن نوفل فقال له ورقة
ياليتني كنت جذعا فانصرك حين يطردك اهلك ويطاردوك
فقال عليه الصلاة والسلام:او هم طاردي
فقال ورقة
(وكل واحد يحفظ الجملة دي كويس ")
ماجاء احد بما جئت به الا اوذي في قومه
نرجع تاني
ولله الحمد طريق الاقناع وكده فشلوا فيه معايا
ندخل علي الطريق التاني
امي :يابني انت مكسوف تخلع منهم وتسيبهم وتسيب شغلك اللي هما مدينهولك في الجامعة
ابويا :شغل ايه اللي في الجامعة(اصله كل ده كان فاكرني ماشي في مظاهرة فحصل معي اللي حصل)انت بقيت تبعهم خلاص بقيت منهم
مقاطعة لاتامن اي امراة علي سر حتي لوكانت امك
مهما حصل هتقول لابوك وتقوله متقولش حاجة ادامه وسيبه انا هتصرف
بس خلي بالك
برضه هي هتحكيله
نرجع
انا:يابابا وفيها ايه
انا لما كنت بمشي مع بنات محدش فيكم عمل معايا كده
لما كنت بشتم ولساني منيل محدش كلمني كده
لما كنت بشرب سجاير محدش فيكم خد موقف زي ده
ولما اجي امشي مع ناس صالحة ليها فضل علي في التزامي تعملوا معايا كده
ويبدا الشد والجذب والمساومات الي ان ياسوا ولله الحمد فينطق ابي كلمته التي كلما اتذكرها اضحك كثيرا
الواد ضاااااااااع
امي :والله ماضاع ده هيبقي كويس بس هي شوية
ابي وهو ممسك راسه ويهزها:والله ضااااااع وانت السبب انت كنتي عارفة ومقلتيش في
الاول
والمصحف ده والمصحف ده وحط ايده فعلا علي المصحف
هابلغ عليك وخلاص انا مش عايز حد يكسر الباب علي امك واختك بالليل
انا :وبدات فعلا ابكي اني هونت علي والدي وبيقولي الكلام ده رغم اني عارف اني مش هاهون عليه وكده
ونقف لحد هنا
ولي تعليق
ان لم تبتلوا يااخواني فتاكدوا انكم تسيرون خطا والله ماعلمت الطريق الي الله الا عن طريق الابتلاء
يقول رسولنا (صلي الله عليه وسلم):اشد الناس بلائا الانبياء فالصالحين فالامثل فالامثل
واصعب فتنه هتمروا بيها فعلا هي فتنة البيت والاهل والمساومات ونسيانهم كل شئ فعلته من اجلهم ولكن اثبتوا واستعينوا بالله وسيثبت قلوبكم
فيها ايه لما اهلك يعملوا معاك كده
فيها ايه لما تتشد وتتضرب وتتاذي
فيها ايه لما مالك يضيع
الخ
اليست الجنة غالية
اما تعلمون اننا سننسي شقاء دنيانا فيها
انسينا ان الاخرة قريبة وتبدا اخرتك بنهاية حياتك ووقتها ستقتص ممن ظلمك وعذبك وحرض اهلك ضدك
االم الدنيا ام الم الاخرة
ااوجاع الدنيا ام ااوجاع الاخرة
ماذا سنقول لربنا اذا سئلنا عن دينه لماذا لم نمكن له ولماذا لم نعمل له
يامن اذيتومنا وحرضتم اهلنا ضدنا
انتم تعيشون ونحن نعيش
انتم ستموتون ونحن سنموت
ولكن
نرجو من الله مالا ترجون
ونطمع في رحمته اكثر مما تطمعون
الايذاء في سبيل الله له طعم اخر
وتذكروا هذه القصة جيدا التي تؤثر في كثيرا
الاما احمد بن حنبل في فتنة خلق القران ثبت وثبت الله به الدين هي وقفة لله يااخواني
ففي احد المرات راه احد تلامتذته في المنام يلبس اجمل الثياب ويمشي في خيلاء
فقال له يامام لم اراك تلبس هكذا ولاتمشي هكذا في الدنيا ما بك ياامام
فقال الامام احمد له جئت لربي وفقال لي يااحمد لماذا جلدت قلت جلدت فيك يارب
فقال الله له (هكذا يحكي الامام احمد في الرؤيا )فلك الجنة يااحمد ولك المزيد
فقال الامام اهناك مزيد عن الجنة يارب
قال نعم ان تراني يااحمد
فصبرا اخواننا
واثبتوا
ورابطوا في سبيل الله
وكونوا كالجبال الرواسي تاتي رياح الابتلا فتتفرق عنكم ولاتكونوا كالريش تاخذكم وتتلاعب بكم رياح الفتن والابتلاء
والمرة الجاية ان شاء الله هاقولكم ايه اللي حصل مع اهلي وعلاقتي بهم ازاي دلوقت
والسلام
اخوكم اليعقوبي

ساندوا اخوانكم في القوقاز

ممدونات مهمة للغاية

المدونات دي لازم تعدوا عليها وساندوا اصحابها جزاهم الله خيرا

مدونة ارض الحرب جزا الله صاحبها خيرا

كلنا مقاومة

مدونة اولادنا امانة (كيف نربي الاجيال القادمة)

نشقي ليعز ديننا وتسعد امتنا

نشقي ليعز ديننا وتسعد امتنا

جماعة قاداتها شهداء منصورة باذن الله

جماعة قاداتها شهداء منصورة باذن الله

About Me

صورتي
اليعقوبي احد الفاتحين القادمين باذن الله واتمني انا ذلك كل مااسال الله عليه ان يثبتني علي دينه وعلي طريقه والااضل عنه وان يرضي عني

لغتي الجميلة هويتي واصلي وديني

لغتي الجميلة هويتي واصلي وديني

اللهم ارحم اخي علاء رحمة واسعة

اللهم ارحم  اخي علاء رحمة واسعة

اللهم ارحم اخانا رحمة واسعة واجمعنا به في مستقر رحمتك

اللهم ارحم اخانا رحمة واسعة واجمعنا به في مستقر رحمتك
نسالكم الدعاء لاخانا