الأربعاء، 10 أكتوبر 2007

اذا ماضاقت واستحمكت حلقاتها فرجت وكنت اظنها لاتفرج

بسم الله والصلاة والسلام علي رسول الله عليه افضل الصلاة واتم التسليم
اولا جزاكم الله خيرا كلكم علي الدعاء والله سبب ان هذا الامرفرج من عند الله اولا واخيرا ثم ببركة دعائكم
القصة ان الحاجة اللي اتخدت مننا الاسبوع اللي فات في الجامعة كنا احنا اساسا ماضين علي استلامها من صحابها
وكان اخوكم ماضي وصل امانة علي بياض عشان استلام السوندات والهيد اللي اتقلبوا مننا وفضلوا مع الامن والراجل صاحب الحاجة كل شوية يكلمني ويستعجل الحاجة وانا اماطل معاه لحد مارحلي البيت بس ولله الحمد استقبله اخويا وكلمني وقالي ان الحاجة لازم تبقي عنده يوم الاربعاء ،فطبعا مشكلة، مش مشكلة انه يعمل مشاكل علي حاجته المشكلة هتبقي مع امي وابويا لما يعرفوا اني ماضي علي حاجات عشان اخواني فطبعا كنت هسمع كلام زي السم ومشاكل لاحصر لها وضغط جامد في البيت والمشاكل
وبعدين الراجل برضه حاجته في رقبتنا
فالحمد لله الحاجة رجعت النهاردة بعد العصر ورجعت لصاحبها وربنا يسر الامور وراح اخواني جابوا الحاجة واستلمنها
علي فكرة دي كانت حاجات بما يوازي 4000او5000جنيه الهيد والحاجة بتاعة المعرض يعني خراب بيوت مستعجل
ولكن ولله الفضل والمنة رجعت الحاجة بفضل الله ثم ببركة دعائكم
وفعلا جزاكم الله خيرا علي الدعاء انا حسيت بيه النهاردة
اني احبكم في الله
والسلام
اخوكم اليعقوبي

هناك 26 تعليقًا:

coca يقول...

الحمد لله يا استاذ عز كنت هتحبس انت ونجبلك عيش وحلاوه بس جت سليمه الحمد لله
بس الحاجه رجعت ازاي بقي

خالد يقول...

حبيبي الحمد لله
والله لما عفرت فرحت كتير جداً

والمسالة مسالة اخلاص عموماص الف مبروم ومتنساش تصلى ركعتين شكر

وادعى لى

اليعقوبي يقول...

السلام عليكم استاذة كوكا
المشكلة مش في الحبس بس المشكلة كانت هتبقي مع ابويا وامي والكلام اللي زي السم اللي كنت هاسمعه

جبنا الحاجة ازاي ؟؟؟؟؟؟؟؟؟؟؟
دا سؤال وجيه جدا
ببساطة كده لينا سكتنا زي ماهما ليهم سكتهم
وجزاك الله خيرا علي الدعاء
والسلام

اليعقوبي يقول...

عمي وعم عيالي مستقبلا ان شاء الله
خالد باشا
فعلا مسئلة اخلاصكم انتم في الدعاء لاخ لكم وربنا يكرمك ياحبي ويرزقك الخير اينما كان واينما كنت
واسال الله ان يزوجك بمن شاء وقتما شاء واينما شاء
انا عارف انك مبسوط عشان الدعاء ده
يلي هيص ياعمي وكل سنة وانت طيب
والسلام

طال الليل يقول...

يارب لك الحمد ياحبيبى عز والله الموضوع ده فعلا مشكلة والمهم إنت تقضى العيد وتانى يوم بأمر الله تدخل عندى فيه حاجة كدة هقترحها بمشاركة أخ كريم ويارب متحرمنيش من مشورتك فيها

EmY يقول...

يا سيدي كنا هانيجي نضمنك في القسم و نحوش عنك في البيت
ماتخفش يعني وراك رجاله
الحمد لله ان الحاجه رجعت
بس اخواتك الي دعوا دول مالهمش نسبه ولا يه

حـريــة الــفـكــر والابــداع يقول...

نحمد الله على سلامة الرجوع وكل عام وحضرتك بالف صحة وسلامة واذا طلبتنى فى اى شى او اى احد اخر انا فى الخدمة وجزيتم خيرا استاذى واخى الفاضل

وائل_صح ولا غلط_ يقول...
أزال المؤلف هذا التعليق.
وائل_صح ولا غلط_ يقول...

يلا المره دي عديت علي خير
محدش عارف المرات الجايه فيها ايه

وبعدين فيهاايه يعني لو مكنتش الحاجه رجعت يعني
هاها حبسه تفوت ولا حد يموت يا عم عز
وزي ما بيقولوا السجن للرجاله

المدونه ماشاء الله شكلها متميز جدا
انا لسه ماقريتش كل التدوينات بس ان شاء الله هاقراها قريبا

دعوة الفردوس يقول...

الحمد لله
ده فضل من الله
وبذلك فليفرحوا
والله ياربنا لقد فرحنا
حضرتك مش متخيل انا حاسه اني عشت المشكله لما حكيتها جدا
وقلقت و خفت وفرحت وحسيت بانفراج الهم
بالفعل يااخواني ويااخواتي
والله اية رمضان ده
كانت في الدعاء
الدعاء كان له مفعول عجيب السنادي
انتوا مش متخيلين الدعاء فرق معايا ازاي السنادي
في ادعية كنت بدعيها من سنين اتحققت السنادي
وصدقني يااخي
والله لم انساك من دعاءي
دعيتلك كتييييييير
وبفضل ربنا
استجاب لدعاء اخوانك واخواتك
الحمد لله
متنساش تشكر ربنا باي طريقة بقى
صدقة
ركعتين
دعاء
انت و مقدرتك

أبرار يقول...

السلام عليكم ورحمه الله وبركاتة
الحمد لله أخى فى الله أن الموضوع إتحل وربنا يارب يفرج هم كل مهموم ويفرج همى أنا كمان
بس نصيحة أخى فى الله بلاش موضوع الشيك على بياض دة تانى بجد بيجيب مشاكل كتييرة جدااا
بارك الله فيك ورزقك الفردوس الأعلى من الجنة
أختك فى الله
أبرار

اليعقوبي يقول...

محمد باشا عامل ايه ياجميل يارب تكون بخير صحة وعافية
يشرفني ويزيدني ان اشرك ولو باي شئ انت عامله وجزاك الله خيرا ياحبي
وكل عام وانت بخير
والسلام

اليعقوبي يقول...

استاذة ايمي
السلام عليكم
وده عشمي برضه في حضرتك
فعلا ورايا رجالة ههههههههههه!!!!!!!!!!!!!0
نسبة ايه اللي بتتكلموا عليها كل واحد دعي لي دعت وخلاص هي شغلانة

وكل عام وحضرتك بصة وعافية
والسلام

اليعقوبي يقول...

حرية الفكر والابداع
نورتني بزيارتك لمدونتي وانا سعيد بزيارتك اوي وده عشمي في حضرتك لو انا احتاجت حاجة هروح لك باذن الله
وكل عام وانت بخير
والسلام

اليعقوبي يقول...

عمي في الله استاذ وائل
انا اول مادخلت التعليقات لقيتها منورة زيادة فقلت اكيد استاذ وائل دخل عليها

نفس الكلام اللي قالوا ايهاب فيها ايه لما تتحبس ياعز
لا مفيهاش حاجة خالص عادي هو اللي يمشي معاكم هيشوف غير كده
بس فيه فرق لما تتحبس في قضية امن دولة عشان انت معارض للظلم ولما تتحبس في انك بتمضي وبتضرب وصلات امانة دي جناية ياكبير يعني مع قتلاين القتلة في السجن مش في المعتقل
وبعدين انا برضه ماكانش يرضيني ان الناس تقول ان الاخوان فيهم واحدمتاخد في ضرب وصلات امانة سمعة الجماعة كانت هتتشوه صح ولا غلط

وربنا يكرمك يااستاذي ويرزقك الاخلاص والثبات علي دينه
وفعلا المدونة مميزة لان مفيش حد مسود مدونته زي بس خير
ومستني تعلقاتك يااستاذي
والسلام

اليعقوبي يقول...

اختنا الفاضلة دعوة الفردوس
ربنا يكرمك يارب ويجزيكي خير علي الدعاء ويتقبل منك وينولك ماتريدين
فعلا السنة دي كانت مختلفة بس اهم حاجة ربنا يتقبل يارب
وربنا يستجيب دعائك ويجعلك من مجابي الدعاء
وكل عام وحضرتك بخير
والسلام

اليعقوبي يقول...

اختنا ابرار
ربنا يكرم حضرتك ويفرج همك وهم كل مسلم يارب
اما مسئلة الشيك علي بياض فده لو احتاج اخواني اني امضي ستين شيك تاني علي بياض همضي وفيها ايه انا عارف ان الموضوع خطير شوية بس دعوة ربنا غالية اوي واغلي من اي شئ تاني
ادعي كثيرا اللهم خذ من دمائنا واموالنا وحياتنا واوقاتنا واهلنا واولادنا حتي ترضي عنا يارب العالمين

اثبتي يااختنا واستعيني بالله وادعيه كثيرا حتي يفرج عنك
واعلمي انك طالما اخترتي طريق الله فالابتلاء ملازمك حتي تقابلي الله وانت ثابته علي دينه وعلي التزامك حتي اذا سئلك مااصبرك علي هذا يااامتي فتقولي انت يارب حبك يارب دينك يارب
اثبتي
يقول تعالي:(أَحَسِبَ النَّاسُ أَنْ يُتْرَكُوا أَنْ يَقُولُوا آمَنَّا وَهُمْ لا يُفْتَنُونَ )0
والسلام

nourhetler يقول...

كل عام وانتم طيبين بمناسبة عيد الفطر المبارك وانشاء الله نصلي صلاة العيد الجاى في المسجد الاقصي وتكون القدس متحرره

تحياتى لكل عظيم وعظيمه

خبيب يقول...

الحمد لله اللي يسر لك الأمر وفرج كربك
--
بس ازاي تمضي على بياض ؟!!!

اليعقوبي يقول...

NOURHETLER
وكل عام وانت بخير وبصحة وعافية
ان شاء الله السنة الجاية في المسجد الاقصي واللي بعدها في البيت الابيض
واللي بعدها في الكرملين
امين يارب
وتحياتي لك
والسلام

اليعقوبي يقول...

حبيبي في الله خبيب
جزاك الله خيرا ياجميل
كنت لازم امضي علي استلام السوندات لان كان عندنا عمل مهم وكان لازم حد يجيب السوندات وماكانش في غيري
بس خير اهم حاجة ربنا يتقبل
وكل عام وانت بصحة وعافية
والسلام

عصفور المدينة يقول...

كل عام وأنت بخير وتقبل الله منا ومنكم
والحمد لله الذي فرج أزمتك إنه كريم له الحمد والشكر والثناء الحسن

coca يقول...

استاذ عز
اولا متشكره اوي علي اهتمامك
وقريت البوست القديم
بس هي كانت لحظه غضب قررت فيها اني مكملش تدوين

اليعقوبي يقول...

استاذي عصفور المدينة
كل عام وانت بخير ربنا يتقبل منك صالح الاعمال علي فكرة انا كنت مستني ردك

خير يااستاذي
وكل عام وانت بخير
والسلام

اليعقوبي يقول...

استاذة كوكا
انا كنت حاسس انها خناقة وسوء فهم بينكم
اتمني من الله ان تحددي اهدافك ومرادك من التدوين واعلمي ان ماكان لله دام واتصل وما لغير الله تنقطع وانفصل
والسلام

coca يقول...

استاذ عز شوف اخر بوست عندنا وايمي بعتتلك ميل بخصوص الموضوع علي الايميل

ساندوا اخوانكم في القوقاز

ممدونات مهمة للغاية

المدونات دي لازم تعدوا عليها وساندوا اصحابها جزاهم الله خيرا

مدونة ارض الحرب جزا الله صاحبها خيرا

كلنا مقاومة

مدونة اولادنا امانة (كيف نربي الاجيال القادمة)

نشقي ليعز ديننا وتسعد امتنا

نشقي ليعز ديننا وتسعد امتنا

جماعة قاداتها شهداء منصورة باذن الله

جماعة قاداتها شهداء منصورة باذن الله

About Me

صورتي
اليعقوبي احد الفاتحين القادمين باذن الله واتمني انا ذلك كل مااسال الله عليه ان يثبتني علي دينه وعلي طريقه والااضل عنه وان يرضي عني

لغتي الجميلة هويتي واصلي وديني

لغتي الجميلة هويتي واصلي وديني

اللهم ارحم اخي علاء رحمة واسعة

اللهم ارحم  اخي علاء رحمة واسعة

اللهم ارحم اخانا رحمة واسعة واجمعنا به في مستقر رحمتك

اللهم ارحم اخانا رحمة واسعة واجمعنا به في مستقر رحمتك
نسالكم الدعاء لاخانا