الثلاثاء، 15 يناير، 2008

ماذا اقول ؟


بسم الله والصلاة والسلام علي رسول الله
لااعرف في الحقيقه ماذا اقول وصدقوني معرفتش احط عنوان قولت الصور خير عنوان ولم احب ان اكثر منها ودعوا الحديث يأخذنا ,في الحقيقه بافتح الايميل لقيت رساله من استاذي عمرمحمود بيقول فيها ان نجل محمود الزهار وزير الخارجيه السابق التابع لحركه حماس قد قتل قولت لاحول ولاقوة الا بالله وقمت رايح فاتح موقع الجزيرة قولت اشوف ايه اللي حصل لاقيت الحكايه كبيره اوي لاقيت 18 قتيل نحسبهم من الشهداء و45 جريح في قطاع غزة 0
طب الواحد يقول ايه مش عارف والله بس هو دماء المسلمين سهله اوي كده ليه هو ليه المسلمين مبيزعلوش اوي لما مسلم يقتل وبيزعلوا اوي لما فريق كره ينهزم ,يوم هزيمة الاهلي من النجم الساحلي عربية الاسعاف دخلت الاستاد وناس كتير اغمي عليها,طب ويوم احتلال العراق ويوم ضرب لبنان والان في مجزرة غزة ليه الناس لايغمي عليها,ياجماعه دم المسلم عند الله اعظم من حرمه الكعبه ياجماعه دم المسلم عند الله اعظم من زوال الدنيا قال رسول الله صلي الله عليه وسلم (لزوال الدنيا اهون عند الله من دم امريء مسلم )يااااااااااااااااااااااه المسلمين حالهم بقي كده ده النبي خرج جيش كامل لغزوة مؤته علشان الغساسنه قتلوا مسلم نعم مسلم واحد خرج علشانه جيش كامل والامر يستحق0
طيب تفتكروا ليه العزه ضاعت مننا ليه الكرامه ضاعت تفتكروا ليه ؟
الجواب واضح واتقال كتير قبل كده قالهاعمر من قبل نحن قوم اعزنا الله بالاسلام فأن ابتغينا العزة في غيره اذلنا الله ونعم والله قد رايناها 0
نرجع تاني للاحداث محمود الزهار ذلك الرجل الصابر كالجبل كباقي جبال حماس نعم والله ولانزكيه علي الله ذلك الرجل يااخواني ليس ابنه حسام هو اول من استشهد من ابناءه بل سبقه اخيه من 4 سنوات ومحمود الزهار نفسه تعرض لعدة محاولات اغتيال وهاهو يضع ابناءه واحد تلو الاخر في قبورهم ومااصعب ذلك الا علي من يسره الله عليه 0
وهاهي حماس تقدم ابنائها لله عزوجل وتقدم قادتها قبلهم حتي يعلم هؤلاء الحمقي البلهاء انهم لايلعبون بعقول الشباب ليتخذوهم دروع يحتموا بها انظروا الي حماس قدمت ياسين والرنتيسي وعياش وقبلهم الكثير وبعدهم ستقدم الاكثر يقدمون قادتهم وابناء قادتهم والان الاخوان من يحاكم يحاكم الشباب ام يحاكم القاده ولكنكم لاترون الاماتحبون ان تروا والله المستعان علي ماتصفون0
تقف حماس الان صامده ضد عدوان ظالم غاشم ضد مؤامرات ومؤتمرات قاسيه ظالمه تقف وتصمد وتلام علي ذلك تلام لانها تعيش غزة في خوف وجوع لانها لاتعلم مصلحة الوطن وياسبحان الله وهل حماس هذه كيان خارجي دخيل ام هم اهل الديار اليس فيها ازواجهم وابنائهم اويلامون علي حربهم في اخذ حقهم المغتصب في تحرير الارض الضائعه 0
الان المستشفيات في غزة تصرخ لاتجد الدواء والاطفال لايجدون الطعام الان غزة تعيش في ظلام الان غزة تحاصر لتذبح وليس لهم الا الله ودعاء المسلمين العاجزين الضعفاء 0
قال رسول الله (لاتزال طائفة من امتي ظاهرين علي الحق لايضرهم من خذلهم حتي ياتي امر الله فقالوا واين هم يارسول الله قال ببيت المقدس واكنافها )رواه احمد0
انا اسف يااخواني ان كان في كلامي حده بس صدقوني الواحد تعبان جدا من اللي بيشوفه وبيصعب عليه حال امته الضعيفه الضائعه بين امم الشرق والغرب كان فيه ابيات شعر بحبها جدا
ياامتي ان قسوت اليوم معذرة:::فأن كفي في النيرن تلتهبوا
فكم يحزبقلبي ان اري امما:::طارت الي المجد والعربان قد رسبوا
ونحن كنا بهذا الكون الوية:::ونحن كنا لمجد الشمس ننتسبوا
مهما دجي الليل فالتاريخ انبأني :::ان النهار بأحشاء الدجي يثبوا
وفتيه في رياض الحق مرتعهم :::لله ماصنعوا لله ماوهبوا
جاءوا علي قدر والله يحرسهم:::وشرعة الله نعم الغاي والنسبوا
هذه يااخواني تذكره كنت اذكركم بفلسطين الحبيبه وان كنت اعلم انكم تذكرونها وتعملون من اجل تحريرها خير مني ولكن كان يجب الاننسي والانصمت علي مايحدث ,ولاتنسوا اخوانكم من الدعاء فأنه سلاح لايعرفه الا المؤمن
كنت اذكر نفسي واياكم وجزاكم الله كل خير0
فستذكرون مااقول لكم وافوض امري الي الله ان الله بصير بالعباد0

هناك 33 تعليقًا:

الفاتح الجعفري يقول...

موقف ماحبتش اعديه
في الحقيقه وانا بنزل البوست لاقيت عز برده منزل بوست وفي نفس الموضوع وفي نفس الوقت فرق دقايق بسيطه جدا
سبحان الله فعلا ان الارواح جند مجنده من جنود الله

الفاتح اليعقوبي يقول...

السلام عليكم
علي فكرة انا مسحت البوست بتاعي بوستك اجمل اسال الله لك الاخلاص


انا مش عارف اقول ايه الواحد اتهم مش زعل عليهم بل هم مجاهدون صابرون من مات منهم شهيد باذن الله ومن عاش فهو في جهاد

ولكني احزن علي نفسي وعلي حالي الذي اصبح كحال الاموات وياليتنا جميعا نستيقظ من نومتنا الطويلة هذه


اشد لحظات الليل سوادا هي التي تسبق الفجر

وفجر الاسلام قادم بنا او بغيرنا
والسلام

EmY يقول...

ليه كده بس يا عز صور توجع القلب و الضمير و تكسف ان في ناس دمها فدي بلدها و ناس معندهاش اي انتماء و لا نقطة دم

ناس بتموت كل يوم علشان القضيه تعيش و ناس كل همها اخر حفله في مارينا

الله يرحم الجميع احياء و اموات

تحياتي ليك

جمعاوى روش طحن يقول...

مش قادر أعلق

الفاتح الجعفري يقول...

استغفرالله ياعم ياعز
بس ده علشان كرم اخلاقك ياصاحب السعاده وخلاص بقي انت هتعيش في الدور بس انت مسحت البوست خوف ورعب مني علي فكره مكنتش هعملك حاجه
علي العموم لابنا يتقبل وانا قولتلك نزل البوست التاني علي عاصفة النار بس انت اللي مرضتش علي العموم الله المستعان
والله فعلا الواحد زعلان علي نفسه جدا حاسس انه عاجز وقعيد حاسس انه اصبح مشلولا ليس له الا الصراخ والعويل
اللهم استخدمنا يارب العالمين

الفاتح الجعفري يقول...

استاذه ايمي
اهلا بحضرتك
والله عند حق في كل كلمه قولتيها وفعلا حاجه تكسف الناس دي هتقابل ربنا بعذر ودمائها شاهده عليهم انما الناس التانيين دول ايه عذرهم طب هيقولوا ايه لربنا
تحرير الاوطان مش بكلمات ومعاهدات وامال وانما بدماء وجهاد وشهداء هكذا سنة الله في كونه
وجزاكم الله خير ويسر الله لكم في الامتحانات وشدوا حيلكم
والصور فكرت كتير مانزلهاش بس قولت انزل صورتين كفايه وسعات الصور بتغني الف مره عن الكلمات

الفاتح الجعفري يقول...

جمعاوي حبيب قلبي
ربنا يبارك فيك
سعات في احداث فعلا يعجز اللسان عن التعليق عليها وصدقني كنت كتير باقف واتردد وانا بكتب البوست مش عارف هكتب ايه وهقول ايه بس ربنا اعاني وكتبته كده بتوفيق ربنا
علي العموم لاتنسي اخوانك وتنسانا من صالح دعائك

عصفور المدينة يقول...

اللهم ارحم شهداءنا وصبر ذويهم وأعنهم على الثأر لهم

عاشقه الفردوس يقول...

انا لله وانا اليه راجعون
يارب تقبلهم في الشهداء اللهم امين

انا مقفلتش قناه الاقصي النهارده
بجد حسبي الله ونعم الوكيل
قلبي اتقطع

حسيت بالدل والضعف والخدلان

ربنا ينصرهم وينصر المسلمين في كل مكان

امام الجيل يقول...

سبحان الله

هذا هو الفارق بين حكومة حماس

واى حكومة عربية اخرى

ان يكون ابناؤك فى معترك الميدان

وفى صفوف بل مقدمة صفوف الجهاد

لا ان نضحى بالشعب كله من اجلهم

رحمهم الله وتقبلهم من الشهداء
اللهم امين

الفاتح الجعفري يقول...

استاذي الحبيب
ربنا يبارك فيك
امين يارب ربنا يتقبل منك
ويستخدمنا في نصرتهم
وجزاكم الله كل خير

الفاتح الجعفري يقول...

اختنا عاشقه الفردوس
نعم والله انا لله وانا اليه راجعون
والله مواقف مخزيه وادي غزة بتدفع ضريبه الخونه والعملاء
وستظل دماء الشهداء تطاردهم حتي يحكم الله
وجزاكم الله خير

الفاتح الجعفري يقول...

اخي امام الجيل
ربنا يبارك فيك ويعزك
نعم صدقت يااخي
بس انت عارف ليه لانهم عارفين ان الدنيا زائله وان مقام ربهم خيروابقي
لان عندهم معني التضحيه عالي جدا فعندهم استعداد يضحوا بأولادهم وازواجهم وانفسهم وكل شيء في سبيل الله
وجزاكم الله كل خير

مهندس مصري يقول...

أنا قريت بوست عز على الجوجل ريدر عندي
فعلاً أرواحكم متألفة جداً ربنا يحفظكم لبعض

اللهم اعنا على نصرة دينك و حفظ كتابك و استعملنا و لا تستبدلنا

غفر الله لهم فهم شهداء فماذا عنا نحن
و السفاح بوش يجول في بلادنا و يمرح و يستفبل بالدفوف و الرقص و حفلات الصيد و الشواء في قلب الصحاري و الخيام العربية

و أبو مازن يستنكر الجريمة رغم أن يديه ملطخة بدماء الخيانة

حسبنا الله و نعم الوكيل

MerMaid يقول...

انا مش عارفة انا كمان اقول ايه

------------------------
بس انا اصلا كنت جاية اصالح اليعقوبي علشان شكله زعل مني ونا بقوله هزارك مش مقبول

و بقوله روح يا يعقوبي اقرا التعليق عندي

:))

بجد انا زعلت انك اخدت موقف مني بسرعة كدة
لا لا لا ده انا لسة في موضوعات في دماغي و محتاجر رايكم فيها يا فاتحان
متزعلش يا يعقوبي والله كنت بهزر بجد و لما تقرا التعليق هتعرف كدة

:))
انتوا غاليين علية جدا و سعيدة جدا بالحوار والنقاش معاكم و بجد بستفيد منكم كتير قوي

:))

تحياتي لكما

و اليعقوبي خاصة
معلش يا جعفري
:)

MerMaid يقول...

يا يعقوبي؟؟؟

لسة زعلان؟؟؟

:(((

لما تيجي تعالالي هناك علي طول

سلام

مركز نداء لمقارنه بين الاديان يقول...

كفايه الكلام بيجلنا ويحملنا المسئوليه كمان الصور لا حول ولا قوة لا بالله

طال الليل يقول...

رب لك العتبى حتى ترضى
لا عذر فنعتذر
سامحنا يارب ولو إننا منستاهلش عشان إحنا عجزة بإرادتنا
وأنا أقول ليه كل الضنك والمشاكل اللى تعبتنا ودوختنا دة أكيد ذنب اهلنا المجاهدين

وائل_صح ولا غلط_ يقول...

مايدعونا لان نخجل من انفسنا هو اعمار هؤلاء الشهداء
فلو حد فينا لاحظ الاعمار بتاعتهم هنلاقيها بتبدأ من 18 عام حتي 24 عام واثنين فقط اعمارهم 27 و28 عام

فهؤلاء علي صغر اعمارهم ولكنهم استحقوا ان ينالوا الشهادة
ونحن ماذا قدمنا
دعونا لانتحسر علي احوالهم فهم رجال بمعني الكلمة ولكن يجب ان نتحسر علي احوالنا نحن
فان الواحد منا اذا عمل عملا ولو كان بسيطا في سبيل الله يظن انه قدم الكثير والكثير
وايضا لنسأل انفسنا عن احوالنا في صلاة الفجر وقراءة القرآن ولالنفاق في سبيل الالله بالوقت والجهد والمال

بمعني اخر هل نحيا حياة الشهداء كي نستحق الشهادة مثلهم ام لا

اخيرا اتمني يا عز انك زي ماذكرت الجانب السلبي في واقعنا ان تذكر ايضاالجاني الايجابي حتي لا يصل احدنا الي درجة اليأس وهذا مايريده اعداءنا
فالنصر قادم لامحالة
يقول الحق تبارك وتعالي (انا لننصر رسلنا والذين امنوا في الحياة الدنيا ويوم يقوم الاشهاد)ا

الفاتح الجعفري يقول...

مهندسنا الكبير
ربنا يبارك فيك
والله صدقت في كل كلمه قولتها
فعلا بوش وابومازن وغيرهم يطوفون ويجولون وايديهم ملطخه بدماء المسلمين
فعلا حسبي الله ونعم الوكيل

الفاتح الجعفري يقول...

استاذه ميرمايد
لا عز مزعلش ولاحاجه
وخبطي فيه براحتك وميهمكيش لان عز مبيزعلش فعلا
وكمان عز مبيخدش موقف هو لوزعل ولاحاجه كان جه وقال لحضرتيك مكنش خد موقف
وهولما يدخل ويشوف التعليق هيرد عليكي
والف شكر علي الكلام الطيب ده وشكليك مخدوعه فينا جامد ياستي احنا غلاااااااااااااابه خالص
علي العموم جزاكم الله كل خير علي كرم اخلاقيك
وعز هيرد عليكي ان شاء الله

الفاتح الجعفري يقول...

مركزمقارنه بين الاديان
انا فعلا اسف جدا مش فاهم التعليق
وجزاكم الله خير

الفاتح الجعفري يقول...

وائل صح ولاغلط
ربنا يبارك فيك
وعلي فكره انا احمد مش عز تاني مره تتلخبط
وفعلا والله يااخي لنا ان نخجل من انفسنا
انا بس كان دمي محروق ومكنتش عارف اكتب ايه سيبت الكلام يجيب بعضه علشان كده تلاقيني ركزت علي المشاعر السلبيه شويه
وجزاكم الله كل خير علي الزياره والنصيحه

مهندس مصري يقول...

ليكم تاج تعالوا خدوه

دكتور حر يقول...

حسبنا الله ونعم الوكيل


اللهم ألحقنا بهم على خير حال

اللهم أهد امتنا واهدنا واهد أهلينا لما فيه الخير والصلاح

الفاتح الجعفري يقول...

البشمهندس الكبير
تاج مقبول
وان شاء الله ارد عليه

الفاتح الجعفري يقول...

دكتورنا
اللهم امين تقبل الله منك والحقنا بهم ان شاء الله

appy يقول...

مين قال اننا هننسى ولا نسينا فلسطين ربنا يرحمهم برحمته ويجعلنا من الشهداء وياهم ربنا يكون معاهم ويقويهم ويغفر لهم

ا بـن عــمــر يقول...

مش عارف أقول ايه بس عايز أذكركم بآية قرآنية "ان الله لايغير مابقوم حتى يغيروا مابأنفسهم"
ليتنا نترك ذنوبنا حتى ينصرنا الله ونتجه لدعائه بقلب صادق
وجزاك الله خيرا

الفاتح الجعفري يقول...

استاذه اابي
امين يارب ربنا يتقبل منك ويجزيكي كل خير ويلحقنا بالشهداء وينصر الاسلام نصرا عزيزا

الفاتح الجعفري يقول...

اخي بن عمر
نعم والله يااخي صدقت وجزاك الله كل خير
وانما ضاعت فلسطين بذنوبنا
ربنا يكرمك ويعزك
ولاتنسانا من صالح دعائك

mthlykaweyy يقول...
أزال أحد مشرفي المدونة هذا التعليق.
الفاتح الجعفري يقول...
أزال المؤلف هذا التعليق.

ساندوا اخوانكم في القوقاز

ممدونات مهمة للغاية

المدونات دي لازم تعدوا عليها وساندوا اصحابها جزاهم الله خيرا

مدونة ارض الحرب جزا الله صاحبها خيرا

كلنا مقاومة

مدونة اولادنا امانة (كيف نربي الاجيال القادمة)

نشقي ليعز ديننا وتسعد امتنا

نشقي ليعز ديننا وتسعد امتنا

جماعة قاداتها شهداء منصورة باذن الله

جماعة قاداتها شهداء منصورة باذن الله

About Me

صورتي
اليعقوبي احد الفاتحين القادمين باذن الله واتمني انا ذلك كل مااسال الله عليه ان يثبتني علي دينه وعلي طريقه والااضل عنه وان يرضي عني

لغتي الجميلة هويتي واصلي وديني

لغتي الجميلة هويتي واصلي وديني

اللهم ارحم اخي علاء رحمة واسعة

اللهم ارحم  اخي علاء رحمة واسعة

اللهم ارحم اخانا رحمة واسعة واجمعنا به في مستقر رحمتك

اللهم ارحم اخانا رحمة واسعة واجمعنا به في مستقر رحمتك
نسالكم الدعاء لاخانا