الجمعة، 4 يناير، 2008

العلمانيين (عاصفه النار)3

بسم الله والصلاة والسلام علي رسول الله
ورجعنا تاني لعاصفه النار ولازم نكمل المشوار ايه رايكم ينفع اسم اغنيه ,لابس فعلا لازم نكمل المشوار لان هذه رساله قصدت ان اوصلها بطريقه ما بدون حرج او توريه او بطريقه غير مباشره بل بمنتهي الوضوح وبشكل مباشر حتي يتم وضوح الرساله وفي النهايه استطيع ان اقول طبعا في نهايه البوستات اللهم بلغت اللهم فاشهد وياريت الناس تقرا بشيء من التركيز ويناقشوا اي نقطه غير واضحه وينقدوني كما يحبون بدون اي حرج ولاتنسوني من نصايحكم العزيزه علي قلبي والله المستعان0
العلمانية والعقيدة
يجب ان تعلموا يااخواني ان العلمانيه الليبراليه لاتنكر الجانب العقدي في الاسلام انطلاقا من مبدا عندها ,وهي كفاله الحريه الدينيه لكل انسان وهذا مبدا اقرته المواثيق الدوليه ومعترف به عندهم وهذا من الناحيه النظريه علي الاقل0
ولكن الاسلام في داره وبيته لايكتفي ابدا بأن تكون عقيدته شيء مسموح به ,وليس محظورا كالمخدرات مثلا (انه يريد ان تكون عقيدته روح الحياه وجوهر الوجود وان تكون اساس التكوين النفسي والفكري لافراد الامه اي تكون محور التربيه والثقافه والفن والاعلام والتشريع والتقاليد)0
والعقيده هي اساس الحياة يااخواني والله وهل خلق الله السموات والارض الا من اجلها وهل قام الصراع بين الخير والشر والظلام والنور بين الاسلام وغيره الا من اجل عقيده التوحيد اللهم احينا عليها وامتنا في سبيل نشرها ,لذا فأن الفرد المسلم يستقبل حياته بالتوحيد ويودعها ايضا بالتوحيد ومابين الاستقبال والوداع يعيش ملتزما بها وداعيا اليها0
وان التوحيد الذي هو جوهر الاسلام ليس مجرد كلمه تقال او شهادة تعلن :انه اتجاه فكري ونفسي وخلقي وعملي يفرض علي المسلم (الا يتخذ غير الله ربا ولايتخذ غير الله وليا ولايبتغي غير الله حكما)0
كل ده جميل جدا واكيد العلمانيين المسلمين بيؤمنوا بيه لان ده اساس المسلم ومسلم من غير عقيده ميبقاش مسلم يبقي ايه المشكله اقول لكم ايه المشكله بقي0

ان العلمانيه وان قبلت عقيده الاسلام نظريا ترفض ماتستلزمه هذه العقيده من ابنائها ومعتنقيها ,وذلك واضح في اكثر من امرمنها 0

1/رفضها اتخاذ العقيده اساس للانتماء والولاء ,فهي لاتقيم للرابطه الدينيه وزنا ,بل تقدم عليها رابطه الدم والعنصر ,ورابطه التراب والطين واي رابطه اخري

وهذا مناقضا تماما للاسلام وتعاليمه والذي يقيم الاخوه علي اساس الايمان (انما المؤمنون اخوة) فجعل الله الاخوة في الدين اقوي واعنق من اخوة الدم واي شيء اخر ويجعل ولاء المؤمن لله ورسوله ولجماعه المؤمنين في قوله تعالي (انما وليكم الله ورسوله والذين آمنوا الذين يقيمون الصلاة ويؤتون الزكاة وهم راكعون 0ومن يتول الله ورسوله والذين آمنوا فأن حزب الله هم الغالبون)0

ويلغي كل رابطه مهما يكن قرابتها وقوتها اذا تعارضت مع رابطه الايمان حتي رابطه البنوة والاخوة والابوة فقال تعالي (ياايها الذين آمنوا لاتتخذوا ابائكم واخوانكم اولياء ان استحبوا الكفر علي الايمان ومن يتولهم منكم فأولئك هم الظالمون)

(لاتجد قوما يؤمنون بالله واليوم الاخر يوادون من حاد الله ورسوله ولو كانوا اباءهم ا وابناءهم ا واخوانهم ا وعشيرتهم اولئك كتب في قلوبهم الايمان وايدهم بروح منه)

ومن هنا ياجماعه نشأت عقيده الولاء والبراء احد اهم اساسيات العقيده الاسلاميه ولاشك انه حدث بها خلل شديد جدا نتيجه لاختلاط المفاهيم وسوء الفهم والجهل الشديد واخيرا اتباع الهوي اتباع الهوي ,ولابد ان نفرق بين المعامله الحسنه وحقوق الجار ومالنا اتجاه غير المسلمين وماعلينا بل امرنا الاسلام ان نحسن اليهم وقال الله تعالي (لاينهاكم الله عن الذين لم يقاتلوكم في الدين ولم يخرجوكم من دياركم ان تبروهم وتقسطوا اليهم ان الله يحب المقسطين)بل والاسلام افرد قواعد كامله وابواب مخصصه في التشريع لحقوق الاخر ليحفظ بها حقوقهم من اي اعتداء باسم الدين ومن هنا نفرق بين الموالاه والمناصره والاخوه علي حساب العقيده والحقوق والواجبات ولابد ان نفرق بين كل هذا0

وقد جسد ابا الانبياء ابراهيم عليه وعلي نبينا الصلاة والسلام تلك العقيدة عقيدة الولاء والبراء في قوله تعالي (قد كانت لكم اسوة حسنه في ابراهيم والذين معه اذ قالوا لقومهم اٍنا برآء منكم ومما تعبدون من دون الله كفرنا بكم وبدا بيننا وبينكم العداوة والبغضاء ابدا حتي تؤمنوا بالله وحده)

وجسدها النبي ايضا صلي الله عليه وسلم والذين آمنوا معه يوم بدر اذ وقفوا ضد ابائهم وابنائهم في سبيل الله وتجردوا من كل ولاء الا لله الواحد القهار0

الامر الثاني :ان العلمانيه تريد من العقيدة ان تظل حبيسه الضمير , ولاتؤثر في معترك الحياة ولاتؤثر في اهدافها ومناهجها وان سمح لها بالظهور فليكن تحت جدران المساجد علي ان يكونه المسجد نفسه تحت سلطانها ,وبهذا نري المسلم الذي يعيش تحت سلطان العلمانيه يعيش في تناقض فعقيدته تشرق وواقعه يغرب وعقيدته تحرم والعلمانيه تبيح ,عقيدته تلزم والعلمانيه نعارض وهكذا 0

ولاشك او لبس او يأويل ان من مقتضايات الايمان ان تسلم بحكم الله تسليما مطلقا اذ يقول الله (وماكان لمؤمن ولامؤمنه اذا قضي الله ورسوله امرا ان يكون لهم الخيرة من امرهم ومن يعص الله ورسوله فقد ضل ضلالا مبينا)

(انما كان قول المؤمنين اذا دعوا الي الله ورسوله ليحكم بينهم ان يقولوا سمعنا واطعنا واولئك هم المفلحون)

ان العلمانيه كما ذكرنا قسمان قسم ملحد لايؤمن بالدين من اساسه كما في العلمانيه الماركسيه ,وقسم مؤمن بوجود الله تعالي وبالاديان او بدين معين منها ,قد يكون العلماني نصرانيا او يهوديا اوغيره ولايجد حرجا في ان يكون نصرانيا وعلمانيا او يهوديا وعلمانيا0

انما الحرج البالغ بالنسبه للمسلم حين يتخذ العلمانيه منهجا لحياته واسلامه يأبي عليه ذلك نعم ياايها العلمانيين ان اسلامكم يأبي عليكم ذلك ,لان العلمانيه تأخذ من القران والسنه الجانب الاعتقادي والتعبدي وترفض غير ذلك .اي مايتعلق بالجانب العملي للحياه كشؤون المعاملات بين الفقراء والاغنياء بين الحكام والمحكومين بين المسلمين وغير المسلمين اي ترفض الجانب الاقتصادي والاجتماعي والسياسي والثقافي في الاسلام 0

يجب ان تعلموا ان الاسلام ليس مجرد رساله لاهوتيه تهتم بالجانب الاعتقادي والشعائري فحسب اي مايتعلق بالاعتقاد في الله والاخره وشؤون الغيب والتعبد لاليس كذلك فحسب بل هو دين ودوله هو عقيده ومنهاج حياه للفرد وللاسره وللمجتمع وللامه 0

هي في الاساس عقيده تنبثق منها شريعه او منهج شامل للحياه قائم عليه امه ذات دعوه عالميه0

واذكروا قول الله تعالي (وان احكم بينهم بما انزل الله ولاتتبع اهوائهم واحذرهم ان يفتنوك عن بعض ماانزل اليك فاٍن تولوا فاعلم انما يريد الله ان يصيبهم ببعض ذنوبهم وان كثيرا من الناس لفاسقون0افحكم الجاهلية يبغون ومن احسن من الله حكما لقوم يوقنون)

وجزاكم الله خير

وللاخوه اللي بيمتحنوا ربنا يوفقهم وييسر لهم امرهم في الدنيا والاخره

فستذكرون مااقول لكم وافوض امري الي الله ان الله بصير بالعباد

هناك 41 تعليقًا:

الفاتح اليعقوبي يقول...

السلام عليكم
عم عيالي مستقبلا ان شاء الله لوخلفت
كلام زي الفل

ومشكلة الاسلام مع غيره من النظم الوضعية هي العقيدة بالفعل

فيابي الله علي المؤمنين والمسلمين ان يحكموا بغير شرعه وبغير مااراد سبحانه

ويابي الله علي اهل التوحيد ان يكونوا تابعين لشرق شيوعي اشتراكي او غرب ليبرالي راسمالي
ولكن مسلمين موحدين لله لنا شخصية مستقلة قائدين لامقودين
حكام للعالم لامحكومين
ناشروا للحق ومدافعين عنه

وجزاك الله خيرا ياعم النجم وربنا يجعله في ميزان حسناتك
والسلام

عصفور المدينة يقول...

ثبتنا الله وإياك على الحق

بل والاسلام افرد قواعد كامله وابواب مخصصه في التشريع لحقوق الاخر ليحفظ بها حقوقهم من اي اعتداء باسم الدين ومن هنا نفرق بين الموالاه والمناصره والاخوه علي حساب العقيده والحقوق والواجبات ولابد ان نفرق بين كل هذا

جمعاوى روش طحن يقول...

الباشا الكبييير

حاجة كده ع الماشى قبل ما أنزل أروح الإمتحان


عندى بحتة النهادرة إدعيللى


ع العموم

البوسن كبقية بوستات عاصفة النار

موضوعى جدا

و لكن


إنتظر ضرب النار

كرم مسلم يقول...

السلام عليكم

أضافة
العلمانية وترجمتها الصحيحة
اللادينية أو الدنيوية، وهي دعوة إلى إقامة الحياة على العلم الوضعي والعقل، ومراعاة المصلحة بعيداً عن الدين
جزاك الله خيرا أخى

الفاتح الجعفري يقول...

اليعقوبي
اول تعليق ليك جايزه هسيبلك 7 تجوان في برو ايفليوشن النسخه الجديده هههههههههههههه
وتعليقك مش باطل
تنفع يعني
بس بجد ياعز المشكله فعلا مشكله عقيده ومشكله الامه ضعف العقيده لان لو الامه عندها عقيده قويه ماصارت في قاع الامم
ولكن نحن قوما اعزنا الله بالاسلام فأن ابتغينا العزه في غيره اذلنا الله ابتغينا العزه في العلمانيه في ماركس في لينن في الاشتراكيه في الملوخيه يبقي هنتزل حتي نعود ممسكين بزمام العقيده
ومن يكفر بالطاغوت ويؤمن بالله فقد استمسك بالعروة الوثقي لاانفصام لها والله سميع عليم

الفاتح الجعفري يقول...

استاذي الحبيب
والذي برء النسمه وفلق الحبه اني لاحبك في الله
هههههههههههههههه
منورنا دايما يااستاذنا
وفعلا من عظمه الاسلام انه استطاع ان يضع حدود وفواصل واضحه بين المشاعر والحقوق والواجبات فمثلا الاب والابن قد يكون الاب او الابن غير مسلمين فمش معني ان الاب كافر ان الابن يواليه ويناصره علي حساب العقيده ولكن يصاحبه في الدنيا معروفا ويدعوا لهم بالهدايه ولايطيعه في كفره بالله ويفرق بين البر والبراء من كفره
وجزاكم الله خير

الفاتح الجعفري يقول...

عمي الكبير جمعاوي
حبيب قلبي ربنا يوفقك ويعينك وتقفل الامتحان بأذن الله وانت قدها عشر مرات ياكبير
وياعم مستني ضرب النار وربنا يستر الله حافظي الله معي الله وكيلي
وربنا يبارك فيك
وادعي لعز فأنه الان يسأل

الفاتح الجعفري يقول...

استاذ كرم
منور المدونه والله وانا سعدت جدا بزياره حضرتك
والموضوع ده انا ذكرته في اول بوست عاصفه النار 1
وجزاكم الله كل خير ولاتنسانا من صالح دعائك

ابو مفراح يقول...

السلام عليكم
موضوع جدير بالاهتمام
كل عام و انتم الى الله اقرب و على طاعه ادوم
تحياتى ابو مفراح

خالد يقول...

يابني والله بجد...
ربنا يجزيكم خير...
سواء الاخ التخين....أو الأخ الرفيع :)

جملة جامدة يا جعفري
(ان العلمانيه تريد من العقيدة ان تظل حبيسه الضمير , ولاتؤثر في معترك الحياة ولاتؤثر في اهدافها ومناهجها وان سمح لها بالظهور فليكن تحت جدران المساجد علي ان يكونه المسجد نفسه تحت سلطانها )

العاصفة المرة دي شديدة....
اوي عليهم :)

امام الجيل يقول...

السلام عليكما
عم التايسون واخوه عاملين ايه
ربنا يوفقكم فى الامتحانات
مشكلة العلمانين انهم حتى مش بيلتزموا بمبادئهم اللى حطوها
لانهم بلا مبادئى عايزين يعيشوها كده وخلاص
مش عايز قيد يربطهم
كما يقولون ان الدين قيد
يرجع الى الوراء
ربنا يشفى

طال الليل يقول...

يا حبيب قلبى أنا أهدى التدوينات الثلاثة لحبايبهم لحلوين فى روزاليوسف وبرنامج حالة حوار لعن نستريح من صداع العلمانية المزم
كل التدوينة رائعة والأروع مسألة توضيح الإلتباس فى مسألة الولاء

والبراء
المشكلة ياعزيزى إن المتعلمنين بيضحكوا على أنفسهم وبيحاولو إقناعنا بما لا يمكن أن يقتنع به مبتدئ فى المعرفة
العلمانية مفهوم لا يصلح لنا
لست وصيا على الفكر المجتمعى لكن فى الإسلام إما أن تسلم أمرك كله لله من كل الأوجه تعبديا وسلوكيا وعقديا وحياتيا وإلا فرغت الإسلام من مضمونه
يعنى يالكل يا مفيش

الفاتح الجعفري يقول...

استاذ ابومفراح
ربنا يبارك في حضرتك
وسعدت جدا بزيارتك
وجزاكم الله كل خير

الفاتح الجعفري يقول...

الدكتور الكبير اوي
ربنا يبارك فيك يارب
فعلا هما عندهم فوبيا من كل ماهو اسلامي للحيه النقاب والحجاب الحكم الاسلامي كل ده بيعمل لهم مشكله هما عايزين كل ده جوه النفوس والحجاب حجاب القلب
او الفشه او الكرشه
ربنا يهديهم
وجزاكم الله خير

الفاتح الجعفري يقول...

اما الجيل
منورنا دايما
وتايسون محبوس في الكورنر وعمال يتلكم من الامتحانات ربنا يستر عليه
ودي من مشاكلهم الكبري ايضا انهم عايزين يعملوا اللي هما عايزينه بلا قيد اوشرط يعني يعبدوا ربنا زي ماهما عايزين لاكما يحب الله
وفعلا ربنا يشفي قلوبهم من امراضها

الفاتح الجعفري يقول...

طال الليل
عمي الكبير اوي
روزاليوسف الكارثه الكبري
مجله حقيره وساقطه بكل المقاييس
ولايستحقون ان نوجه لهم مجرد كلمه عليهم من الله مايستحقون
صدقني انهم عندما يتكلمون مع الناس يخفون كثير من الحقائق حتي يخدعوا الناس ويضلوهم بل تطرف احدهم حتي قال ان الرسول صلي الله عليه وسلم علماني ارايت الكذب والتدليس
وفعلا هذا الدين يؤخذ كله ولايجوز ان نؤمن ببعض الكتاب ونكفر ببعض
وجزاكم الله خير

عاشقه الفردوس يقول...

جد ماشاء الله يااستاذ جعفرى والله ربنا يبارك فيكو يارب

اتحرق دمى جدا اما كان اخويه فاتح التلفزيون على برنامج 90 دقيقه ده
لقيت وحده بتقول انا معرفش هى شكلها ست مهمه فى البلد يعنى


بتقوله الناس بس بتوع الدين دول يبعدو عن الحكم وعن انهم يبقوا مسؤلين عن حاجه
قالها ليه (ده المذيع يعنى)

قالتله ده لو حد متدين مسك الحكم او منصب كبير هسيب البلد
انا علمانيه
وبتقولها وهى فخورة اوى

ربنا يهدى

ŞoŖśậŖấầ يقول...

السلاااااااام عليكممم

والله العلمانيين واليساريين والشيوعيين والملخبطين والملحوسين وكل هؤلاء ماللى اسمهم بشر زينا
بصراحة انا مش عارفه ااقلم دماغى وافهم الناس دى ايه بالظبط وعاوزة ايه

يمكن لان امرهم مش يهمنى طالما الواحد الحمدلله ليه طريق ماشى فيه وربنا هادينا للحق .. ادعو ربنا انى اكون كدا فعلا

المهم يعنى ماطولش عليكو انا بتنحى جانبا عن اى من هذه الامور التى تسبب لخبطة فدماغى:))

هتقولو طيب وبتعلقى ليه سيادتك وتصدعينا
هقولكم لانى حبيت اتعرف عن الفاتحين وانا فعلا اتشرفت بمعرفتكم جدا
وان شاء الله اكون من الزوار الدائمين المستديمين:)

والسلام عليكم

مناجاة يقول...

ربنا يبارك فيكم يارب
عاوزين عواصف كتير
الموضوع خطير ويستحق والمشكلة الحالية انهم بيزيدوا عددا..كنا زمان نشاور على واحد مشهور ونقول اصله علماني دلوقتي كل اللي مش لاقي الدين ماشي على هواه يتجه للاتجاه ده وخاصة مع احساسهم ان في صعوبة في فهم العقيدة وتلاقي محاورات ومجادلات منهم لمحاولة اثبات انهم صح او لمحاولة نشر افكارهم
المشكلة الفعلية في رأيي في الفئة المزعزعة ايمانيا اللي لا هي التزمت بالدين صح ولا خدت حظها من الدنيا دول بيزودوا العدد وخلاص وبيكونوا خطر على اشباهم
عزائي الوحيد ان في عواصف مضادة
ونسأل الله الثبات لينا جميعا
نسيت اقول اني مستنية ضرب النار على رأي جمعاوي
عاوزين دم
وش شرير

الفاتح الجعفري يقول...

اختنا عاشقه الفردوس
والله حضرتيك احنا ننصح الست دي انها تحجز من دلوقتي وتسافر لاي بلد لان الاسلام ان شاء الله هيرجع ويسود بس للاسف الست دي هترهرب من الجماعه بتوع الدين وهتروح فين دول بتوع الدين هيحكموا العالم كله
قال رسول الله صلي الله عليه وسلم
(سيبلغ ملك امتي مابلغ الليل والنهار)
يعني ان شاء الله مفيش بقعه من الارض الا وسيدخلها الاسلام
انا مش عارف والله الناس دي بتفكر ازاي التجربه الاسلاميه اثبتت نجاحها لقرون وعقود طويله
اما العلمانيه فأثبتت فشلها في بلاد كثيره مثل تونس وتركيا
فعلا ربنا يهديهم

الفاتح الجعفري يقول...

اختنا ساره
طبعا رؤيه حضرتيك تحترم ولكن صدقيني ممكن تصتدمي بأحدهم في يوم من الايام
وكان في مقوله بتقول لاتعرف كل شيء عن شيء واعرف شيء عن كل شيء
يعني ممكن حضرتيك تتابعي من باب المعرفه
وانا كمان علي فكره مبحبش الدخول مع الناس دي في مناقشات ومهاترات بس هنعمل ايه مكرها اخاك لابطل
مينفعش نسيبهم صوتهم يعلي ويتكلموا ومحدش يرد عليهم
وطبعا شرف لينا ان حضرتيك تتابعي ومنتظرين دايما تعليقاتك
ومتخفيش مش كل المدونه عن العلمانيين في مواضيع كتير تانيه بتناقش وكلها كام بوست بس ونخلص الموضوع ده
وجزاكم الله خير

الفاتح الجعفري يقول...

استاذه مناجاه
والله سعدنا جدا بتشريف حضرتيك للمدونه
وفعلا الموضوع خطير جدا
لانه في ظل غياب الثقافه والتضييق الشديد علي اهل الدين والتضييق علي العلماء
نجد هؤلاء الناس يرتفع صوتهم بلا رادع
ايام السبعينيات لما ترك المجال للاسلاميين واخذوا شيء من الحريه مسحوا العلمانيين فعلا وقضوا تقريبا علي الشيوعيه
علشان كده روسيا وضعت جماعه الاخوان المسلمين علي قائمه الارهاب وتصنيفها الاولي قبل تنظيم القاعده حتي
وفعلا الخوف علي العامه اللي بيعانوا الفقر والبطاله مع غياب الوعي سهل انهم ينساقوا وراء هؤلاء الناس بحثا عن الذات
بس الله خير حافظا وهو ارحم الراحمين
يقول الله تعالي (بل نقذف بالحق علي الباطل فيدمغه فأذا هو زاهق ولكم الويل مماتصفون)
والله المستعان متقلقيش حضرتك في ضرب نار كتير اوي هيحصل
بس ربنا يثبتنا
وجزاكم الله خير

صانعة الحرية يقول...

السلام عليكم
ربنا يكرمك يا رب
ان شاء الله هطبع العواصف دى كلها
علشان كتابى الاول ويارب ميكونش الاخير ادعوالى انا فعلا بدات بس شكله كبيييير اوى على وعلى تفكيرى
المهم جزاكم الله خيرا
وياريت لو تساعدونى باسماء كتب جيده وياريت برضه لعمنا القرضاوى عن الراسماليه والاشتراكيه

ودعواتكم فاضل مادتين
ولى تعليق تانى ان شاء الله عن مقاله كنت قراتها لعمنا الشيخ سيد عسكر عن العلمانيه وعجبتنى جدا


اما يا اخى الفاضل عن تعليق حضرتك عندى فى المدونه بخصوص الرسايل
فالرسايل بتيجى على ميل المدونه مش شات انا مش بدخل شات اساسا لا اسلامى ولا غير اسلامى
وللاسف الرسايل من مدونين وكنا نظنهم على خير بس طلع العكس
وحسبنا الله ونعم الوكيل

الفاتح الجعفري يقول...

اختنا ام القسام
ربنا يبارك في حضرتيك
والله ده شرف لينا ان حضرتيك تتطبعي المواضيع دي في كتابيك ربنا يجعلها في ميزان حسناتيك وميزان حسنات الدكتور يوسف القرضاوي وميزان حسناتنا امين امين امين
ثانيا
نصيحه مني لحضرتيك اوعي وحذاري ان تستهيني بنفسك او فكرك دي نصيحه قالها لي اخ عزيز جدا عليا قال لي نفس الكلام الاخ المسلم او الاخت المسلمه طريقه تفكيرهم اعلي وارقي من اي حد نحسبهم كذلك مش عايزين نقلل من نفسنا ابدا حضرتيك شايفه العلمانيين ودعاه الفكر والثقافه ماذا يفعلون وهم والله اجهل من الدواب كنت بحضر للدكتور ياسر نصر كان بيقولنا احنا مينفعش نبقي رقم 2 حتي احنا دايما رقم واحد احنا النور للامم احنا مصابيح الهدايه ده تكوينا احنا لااااااااااازم نقود كان بيقول الكلام ده وهو منفعل جدا ربنا يبارك فيه
علشان كده ان شاء الله حضرتيك تعملي كتاب و2 و1000 كمان ومتستهينيش بنفسك واستعيني بالله
اما بالنسبه للكتب ان شاء الله اسأل لحضرتيك
اما عن الايميل الخاص فحضرتيك متعبريش اللي بيعمل كده اوردي عليه باتقي الله واديله كلمتين جامديين في جنابه والله حضرتيك الفتن اصبحت كثير والله هو العاصم
انا كنت بقول لحضرتك الشات الاسلامي عليه مهازل والله فعلا يبقي الواحد داخل علشان يسمع كلمتين كويسين يلاقي شتايم وكلام قبيح جدا واحيانا اغاني يعني النت قدامهم واسع داخلين علي الشات الاسلامي يعملوا كده
وربنا ييسر لحضرتيك ان شاء الله وادعي لليعقوبي علشان هو مطحون
وجزاكم الله خير

نقطة مية يقول...

عزيزي صاحب المدونة
عزيزتي صاحبة المدونة
========================
نتشرف بدعوتك لافتتاح
دار الكتب
هي حلم صاحب البوابة الذي تحقق
طريقة مبتكرة لتوثيق الكتب العربية و نشرها بين الناس بكل سهولة و يسر والدمج بين دور النشر المختلفة لسهولة البحث لاي قارىءوالنشر لاي كاتب
الافتتاح يوم الخميس 10-1-2008
في مكتبة البلد 31 شارع محمد محمود امام الجامعة الامريكية
الساعة السادسة مساءا
يلا نشارك مصطفى فرحته بتحقيق الحلم

appy يقول...

السلام عليكم
اولا اشكرك جدااااااا على وجودك فى كوكبى المتواضع وانا مش اول مرة اقرى لك او اقرأ تعليقاتك فى اماكن تانيه
اما بخصوص البوست بتاعك فانا بصراحه مفهمش فى اى حاجه فى الدنيا غير اننا مسلمين وعندنا قرأن وعندنا سنه ونمشى عليها وبس اما علمانيه ولبيراليه وامبراليه وخزعباليه وحركات غريبه كده ومجموعات من تحت اسم الاسلام وطرق وحاجات كده فاسفه مش مقتنعه بيها
وربنا يوفقنا جميعا للصح وربنا معاكم فىالامتحانات

الفاتح الجعفري يقول...

نقطه مياه
ربنا ييسر لكم
واسف للاسف مش هستطيع التواجد لظروف عندي
ربنا يوفقكم وينفع بكم
واتمني لكم النجاح والتوفيق
وجزاكم الله خير

الفاتح الجعفري يقول...

استاذه اابي
والله حضرتك شرفتينا ونورتي المدونه
وطبعا وجهة نظر حضرتيك تحترم بس الناس دي فعلا متواجده ولهم نشاطتهم وتحركاتهم ولازم يلاقوا من يقف امامهم وامام افكارهم
وللاسف القران والسنه في ناس تشكك اننا نمشي بيهم في العصر الحديث علشان كده احنا بنوضح ان القران والسنه يوافقوا اي عصر ولو كان بعد الاف السنين
وعلي العموم مش كل البوستات بتتناول الموضوع ده في بوستات بتتناول موضوعات مختلفه كتير سواء مشاكل اجتماعيه او سياسيه او هزار وتريقه كل حاجه مش المواضيع الملعبكه دي وبس
وجزاكم الله خير

الجمعاوي الاصيل يقول...

الباشا الكبير

ايه اخبارك واخبار اليعقوبي

ياريت متكنش بتنسانا من الدعاء

الموضوع جميل بارك الله فيك انقشك فيه بعد الامتحانات ان شاء الله علشان الوقت

موضوعي الاخير يابني ايام من امتحاناتي
وسلملي على اليعقوبي

الفاتح الجعفري يقول...

عمي وعم عيالي
الباشا الكبير
ايه ياعم جمعاوي واحشنا والله
انا بدعيلك انت والجمعاوي الروش دعاء مخصوص بزود عليه الشطه والدقه كمان
ربنا يبارك فيك وييسرك واليعقوبي عنده امتحان بكره ادعيله انه ميطلخبطش تاني واحنا مش مقصرين معاه في حاجه بنجبله سنوتشاته والزمزميه واستيكته وقلمه الرصاص وبنكويله القميص الابيض والشورت الكحولي وبنسرحله شعره علي جنب مش عارف نعمل معاه ايه اكتر من كده
ههههههههههههه
ربنا يبارك فيك وجايلك

فرنسا هانم يقول...

مش عارفه حاسه كده ان فى مخطط جامد جدا لزق رجل مصر الى العلمانيه
ولا انا بهبل ؟؟؟؟؟
على العموم
تدوينه رائعه
ستدفعنى الى الرجوع لباقى العواصف

بحبك يامصر يقول...

تدوينه متكامله يعنى سيادتك ما سيبتش حاجه احنا نقولها
بس عايز اقول حاجه بسيطه ان ربنا سبحانه وتعالى انزل على نبينا القران وبه تشريع للحياه والمعاملات فإذا كان غير ملزم فلما انزله الله وامر رسوله بالحكم بما انزل الله ووصف الحاكم بغير بما انزل الله بانه ظالم وبانه فاسق وبانه كافر طبعا الحاكم المسلم الذى يحكم بغير ما انزل الله هيكون يا اما ظالم يا اما فاسق والحاكم الغير مسلم الذى يحكم اكيد بغير ما انزل الله ده هيكون كافر ...نرجع بقه للموضوع الاساى ان ربنا ختم بالاسلام الرسالات وهو الدين المتمم ورسوله الرسول الخاتم والمتمم لمكارم الاخلاق
فكيف يرضى الله بالاسلام دينا خاتما وهو لا يصلح ان يحكم الى يوم الدين؟
وشكرا

الفاتح الجعفري يقول...

استاذه فرنسا
شرفتينا ومنوره المدونه
طبعا كلام حضرتك صح جدا
العلمانيه خطرها مبدأش دلوقتي او اليومين دول انمابدا منذ ان تعلمنت تركيا وبالفعل يوجد دول كتير تعلمنت منها تونس وايضا مصر تعد دوله علمانيه بالطبع
وكانت العلمانيه تجتاح مصر في الستينيات والسبعينيات واوائل الثمنينات ووصلت الي مكانه كبيره جدا ولكن بفضل الله عز وجل عندما اعطوا المجال للاسلاميين فعلا شبه قضوا علي العلمانيين ولكن صوتهم الان بدا يعلوا من جديد
ووالله شرف لينا ان حضرتيك تتابعي بقيه تدوينات العاصفه وجزاكم الله خير

الفاتح الجعفري يقول...

بحبك يامصر
والله حضرتك شرفتنا وسعدنا جدا بتشريف حضرتك وان شاء الله متكونش اخر زياره
وربنا يبارك فيك علي هذا التعليق
________-__________________________فكيف يرضى الله بالاسلام دينا خاتما وهو لا يصلح ان يحكم الى يوم الدين؟
الكلمه دي بقي ببوستات عاصفه النار كلها حضرتك جبت من الاخر فعلا ازاي ربنا يختم رسالته بدين ليس له القدره علي البقاء والتطور الي يوم الدين يبقي لو كده كان ظل الله يرسل الانبياء والمرسلين
ربنا يبارك فيك ويجزيك خير

hui mu han يقول...

وفي نهاية المشوار لاقيت بوستتات غير موضوعية تماما مبنيةعلى تصورحضرتك للعلمانية وبترد فيها على التصور اللي انت بنيته طب ممكن تقلي مصادرك لمعرفة ماهي العلمانية؟

حتى العنوان كان استهلاكي شديد االتعصب استكمل بحملة تتصفيق من االسادة المعلقين بيطالبو حضرتك فيه بااستكمال الحرب على الزنادقة اللي عاوزين يخربو الدين لو بصيت في التعليقات هاتلقيها في التلات اجزاء واحدة ده على اساس انك كنت بتغير الارقام بس صدقني ساعات كتيرة كنت بحس كدة


وعشان الخص عليك وتعرف انك موصلتش لحاجة العلمانية ملهاش دعوة بالدين تماما يعني ولا تقولي ولا بتعارض ولا الحوارات دي كلها كان نفسي اعرفك بالحوار النتيجة دي بس لقيت مواضيع مكتوبة من الالف للياء بقلمك فقط

اسهلهالك هو الدكتور بيدخل كلية الطب ولا كلية شريعة
طب تعرف يعني ايه حكم ثوقراطي؟

اتمنى انك تاخد التعليق بصدر رحب ولو اني عارف انه تقيل شوية

dr.garf يقول...
أزال المؤلف هذا التعليق.
soldier of allah يقول...

جزيت خيرا

السـيد شبـل يقول...

اتفق معك تماما على معاداة العلمانيه
والليبراليه وهذا ما اوضحته فى مقال ساقوم بالاعلان عنه

ولنتحد جميعا لمقاومته

موضوع هايل وتمنياتى بالتوفيق

ممكن استغل المساحه للاعلان عن موضوع غايه ف الاهميه



ادعوكم لزيارة مدونة


السيد شبل ... بلا اسم

www.bela-esm.blogspot.com


للتعرف على اهم مبادره للتقريب بين الاخوان والناصريين وايضاح صوره كامله حول الاشتراكيه الاسلاميه




لكم خالص تحياتى وتمنياتى بالتوفيق

السيد شبل

الفاتح الجعفري يقول...

استاذ موهان
ربنا يبارك فيك ويعزك ولازم تعرف يااخي اننا مبزعلش من النقد مهما كان طالما لايوجد به تجريح شخصي او اهانه وحضرتك شخص محترم جدا وانا بحترم رايك وان انا بطرح الموضوعات علشان نتناقش وطبيعي تلاقي حد بيوافق وحد بيعارض
ثانيا اعلق بقي
اولا المشوار لسه مانتهاش تماما لسه في بوستات كتير بس انا كنت بقول في النهايه اقصد بعدين يعني في اخر بوست وده لسه شويه عليه
ثانيا العنوان مش استهلاكي ولاحاجه دي رؤيتي اللي انا شايفها وانا لاقيته عنوان مناسب للموضوع وبعدين من الطبيعي ان انا مختلف تماما مع العلمانيين فمش هحط عنوان يتفق معاهم
وعلي العموم كل واحد ليه وجهة نظره ووجهة نظر حضرتك تحترم
ثالثا كنت اتمني من حضرتك تدخل في الموضوع بشكل مباشر ولاحجر علي راي باقي الاخوه المعلقين لان دي رؤيتهم ووجهة نظرهم واكيد لو بيختلفوا معايا كانوا وضحوا بكل حريه
ومحدش قال علي العلمانيين زنادقه ولاحاجه وهاتلي كلمه واحده بنكفر فيها العلمانيين ولابنعتبرهم زنادقه وطبعا كل اما الاسلاميين يختلفوا مع العلمانيين يقعدوا يقولوا كفرتونا وخرجتونا بره المله وانا مش عرف الكلام ده ليه محدش اصدر احكام تماما
بوستات غير موضوعيه
كلام جميل طب حضرتك وضح ليه هي غير موضوعيه وهاتلي النقط الاساسيه اللي انت مختلف معايا فيها او حدد نقط معينه وطبعا حضرتك لم تعلق علي البوست تماما حضرتك تكلمت بشكل مرسل وغير واضح يعني البوست بيتكلم عن تناقض العلمانيه والعقيده وانا حددت نقط زي عقيده الولاء والبراء مثلا ليه ةماتكلمتش فيهم
وياسيدي الفاضل ازاي العلمانيه ملهاش دعوه بالدين اقول صدام اهو مع عقيده الولاء والبراء ياسيدي الاسلام جاء ليقود الدنيا ليشارك في جميع انشطه الحياه والعلمانيه عايزاه في المسجد والضمير والنفس يبقي ازاي لم تعارضه
وعلي العموم هتعرف بتعارضه في ايه البوستات القادمه
والثيوقراطيه هي حكم الارض بالسماء او هي حكومه رجال الدين
اتمني اكون ذكرتها بشكل مظبوط لان الثيوقراطيه دي هنزل فيها بوست كامل اثبت فيه بأذن الله تعالي ان الدوله الاسلاميه ليست دوله ثيوقراطيه كما يدعي العلمانيون وهوضح الفرق بينهم
والشريعه ياسيدي احدي شعب الاسلام الرئيسيه وليست هي كل الاسلام
وسنتحدث ايضا عن شموليه الاسلام بالمعني الحقيقي لاالظاهري
والله المستعان
وجزاكم الله كل خير ودايما مشرفنا

الفاتح الجعفري يقول...

ابوطارق الكبير اوي
تصدق انت ليك هيبه ياجدع \
جزيت خيرا منه ياكبير

الفاتح الجعفري يقول...

استاذ السيد الشبل
جزاكم الله خير علي المرور وان شاء الله نزور المدونه
ربنا يبارك في حضرتك

ساندوا اخوانكم في القوقاز

ممدونات مهمة للغاية

المدونات دي لازم تعدوا عليها وساندوا اصحابها جزاهم الله خيرا

مدونة ارض الحرب جزا الله صاحبها خيرا

كلنا مقاومة

مدونة اولادنا امانة (كيف نربي الاجيال القادمة)

نشقي ليعز ديننا وتسعد امتنا

نشقي ليعز ديننا وتسعد امتنا

جماعة قاداتها شهداء منصورة باذن الله

جماعة قاداتها شهداء منصورة باذن الله

About Me

صورتي
اليعقوبي احد الفاتحين القادمين باذن الله واتمني انا ذلك كل مااسال الله عليه ان يثبتني علي دينه وعلي طريقه والااضل عنه وان يرضي عني

لغتي الجميلة هويتي واصلي وديني

لغتي الجميلة هويتي واصلي وديني

اللهم ارحم اخي علاء رحمة واسعة

اللهم ارحم  اخي علاء رحمة واسعة

اللهم ارحم اخانا رحمة واسعة واجمعنا به في مستقر رحمتك

اللهم ارحم اخانا رحمة واسعة واجمعنا به في مستقر رحمتك
نسالكم الدعاء لاخانا