السبت، 19 يناير، 2008

لقد قتلوا فيهم الانتماء




بسم الله والصلاة والسلام علي رسول الله


بدات الاستاذه ميرمايد بأثاره موضوع هجرة الشباب الي اسرائيل ثم تلتها الاستاذه ايمي بطرح موضوع الانتماء للوطن ,وهوفعلا امر خطير ومهم جدا لاننا اصبحنا نتحدث عن امر بديهي جدا بشكل خطير ومثير فهل حب الاب والام والعائله والوطن يستحق الكتابه والشرح والتحليل انه امر فطري فطر الله الناس عليه .يعني لو واحد لاليه اب ولاام ولااي حاجه وطلع اتسئل هل تحب وطنك؟ فمن البديهي ان يجيب نعم بلا تردد0
طيب ماذا حدث ليه الناس دلوقتي مش طايقه البلد ولاطايقه تسمع سيرتها ليه الناس عايزه اي فرصه تسافر وحتي لو كانت ربع فرصه وفيها خطر علي حياتهم يقولك احاول واهو كده كده ميت0
طب نيجي ننظر حولنا ونحلل هو ايه هي ابسط حقوق الشاب انه يلاقي وظيفه محترمه او وظيفه يستطيع ان يعيش منها علشان بعد فتره يقدر يتجوز ويبني اسره ويصرف عليها وده ابسط حقوقه الانسانيه .تخيلوا انتوا بقي حجم الكارثه اللي فكر فيها هو انتم ياجماعه عارفين ارخص شقه في اقل منطقه في القاهره بكام!طيب عنده شقه عارفين العفش والعزال بكام طيب تعرفوا ثمن طربيزه السفره بكام طيب هيفرشوا الشقه علي حتتين حصيره ومرتبة سرير طيب تعرفوا مرتبة السرير بكام؟!هو انتوا فاكريني بهزر فعلا ياجماعه طيب بقي الموضوع عدي واتجوز ولاقدر الله خلف عيل دي لوحدها مشكله لان العيل عايزدكتور وبامبرز واكل وشرب0
يااااااااه ده انا باتكلم عن الشاب العادي طيب ياجماعه انتوا متخيلين بلد زي اسيوط اللي هي ارقي بلد في الصعيد 50%من اهلها عايشين تحت خط الفقر يعني دخلهم اليومي 5 جنيه وحوالي 75 %من اهلها دخلهم 10 جنيه طبعا في اليوم طيب تخيل باقي الصعيد
طيب ياجماعه انتوا متخيلين حجم عمالة الاطفال اللي في البلد تخيلوا طفل بريء عايز يتعلم ويلعب زي باقي الناس تلاقيه ميكانيكي ولاتباع ولاسواق توك توك طيب ده يطلع عامل ازاي 0
طيب ياجماعه حد راح يعمل رخصه عربيه في المرور وشاف حجم الرشاوي اللي بتدفع او حد راح يعمل اي موضوع في اي مصلحه وشاف حجم الرشاوي يعني دلوقتي الشاب مابين نارين لايجيب وسطه تشغله لايبقي حرامي ومرتشي لايسافر وهووحظه لايقعد يشحت في البلد
يعني تخيلوا شاب متعلم محترم ممعهوش وسطه شاف زمايله اتخرجوه واتعينوه بالوسطه وهو قاعد عمال ينحت في الصخر طول عمره طيب ده يعمل ايه 0طيب تخيلوا موظف محترم شريف بياخد 400 او 500 قول 1000 جنيه في الشهر وطبعا صعب جدا وعنده عيال عايز يربيهم وشايف غيره من المرتشين والحراميه معاهم الوف مؤلفه طيب يعمل ايه0طبعا ناهيك عن مناهج التعليم المتخلفه العقيمه التي تزرع في الطالب الغباء الفطري المركز يعني اصلا افشل نظام تعليم في العالم قائم اصلا علي النظام المنزلي يعني العيل يروح المدرسه شهرين ويقعد شهرين ويمتحن ناهيك عن مناهج بشعه قائمه علي الحفظ فقط اما طبعا المدارس تخيلوا التكدس الطلابي والدسك قاعد فيه 3 عيال ومدغدغ والمدرسه ايله للسقوط والفصول اللي اشبه بالثكنات العسكريه 0اما المدرسين فحدث ولاحرج ياتاخد درس اوتاخد درس ده لوعايز تنجح ولو هتسقط برده هتاخد درس والمعامله ولا الصول عطيه الامن رحم ربي وعاصم0
يعني شوية انظمه فاشله من نظام سياسي علي نظام تعليمي علي نظام اقتصادي علي نظام اجتماعي يستشري فيها الفساد من الراس الي اخمص الاصابع اجتمعوا علي كائن يسمي الانسان لاحول له ولاقوه الا بالله فقضوا علي اي انتماء اوفكر اوابدع واصبح يعيش من اجل البقاء والمحافظه علي السلاله المصريه0
بوست سوداوي ومؤلم مش كده بس ياجماعه صدقوني هي دي الحقيقه اللي كلكم بتلمسوها بالواقع وحاسيين بيها علشان كده هو ده السبب ان الشاب لايشعر بانتماء وهو لايستطيع ان يحصل علي ابسط حقوقه وليس الشاب وحده فهناك حقوق للانسان ياجماعه حق الدواء العلاج يعني مش متاح الان حق الطعام وحق الثياب حق الحياه الكريمه يااخواني بلااعتقال ومصادرة اموال وتعذيب0
علشان كده يجماعه الرجوع الي الله المولي الحق يقول الله تعالي (ولو ان اهل القري آمنوا واتقوالفتحنا عليهم بركات من السماء والارض ولكن كذبوا فأخذناهم بما كانوا يكسبون) يااخواني في الله لايصيب الله قوما الا بما يستحقوا علي كل الكلام ده صدقوني الناس برده في من ونعمه من الله واحنا عايشين بس ببركة ربنا والله ياجماعه والولاء لله والرسول والوطن امربديهي ليس فيه عذر وان الحراميه والمرتشين وغيرهم ليسوا هم الوطن الوطن اهلك واخوانك وارضك ونفسك واللي بيجري وري الفلوس بس بدون اي اعتبار بيجري وري سراب ,ياجماعه عايزين نلجأ الي الله وحده فليس باكشف للضر الاهو سبحانه وتعالي ونعلم اولادنا الدين دين الله فهو خير عاصم
بلادي وان هانت علي عزيزة:::واهلها وان ذلوا علي كرم
واسف جدا للاطاله
فستذكرون مااقول لكم وافوض امري الي الله ان الله بصير بالعباد

هناك 24 تعليقًا:

عصفور المدينة يقول...

وبعضنا أعداء لبعض ونزيد الضغط على بعض وندوس على بعض وننهش لحوم بعض
ونضاعف المصائب على بعض

EmY يقول...

ايه الكآبه دي ليه كده بس ماكنتش اعرف انك ليك في النكد

بس فعلآ معاك حق الشباب بين 100 نار
نار الغربه و الذل و الفقر جوا الوطن و انه مش هايقدر يتجوز ولا يكون حاجه و انه يسيب اهله و بلده ناسه

موضوع معقد جدآ و كل يوم العقده بتزيد اكتر

الفاتح الجعفري يقول...

استاذي الحبيب
نعم والله صدقت يااستاذي اصبح التربص والتصيد للاخطاء سمه عامه وثقافه مؤصله واصبح الهجوم علي الغير واخذ حقوق الغير امر وارد جدا واصبح الانسان يمد يده للحرام وكأنه حقه الطبيعي
نسأل الله العفو والعافيه وان يوحد وينقي قلوب وصدور المسلمين
وجزاكم الله خير استاذنا

الفاتح الجعفري يقول...

استاذه ايمي
عامله ايه يارب تكوني بخير
والله فعلا انا ماليش في النكد والكآبه بس هنعمل ايه الاحوال دي تنكد اللي ميتنكدش ,ولازم الناس كلها وجميع الاجهزه تتحد من اجل انقاذ الناس لان هذه الحكايه قنبله موقوته وهي الان توشك علي الانفجار واليك ماحدث في الارجنتين 2003 لما الناس خرجت وبهدلت الدنيا وسرقوا المحلات وحرقوا البنوك وكانت كارثه فيجب ان يضعوا حلول قبل فوات الاوان
وعلي العموم ربنا ييسر لهذه البلاد الخير
وجزاكم الله خير

MerMaid يقول...

عزيزي الجعفري

بجد انا خلاص مش عارفة اقولك ايه بعد كل الكلام اللي انت قلته في البوست
انت قلت فعلا اللي انا حاسة بيه و شايفاه و عايشاه و لامساه في كل اللي حوالية ...وانا كتبت عن احساسي بفقدان الانتماء لبلدي و امنيتي في السفر الي الغرب بالفعل في موضوع اسمه مصر هي مصر بس انت معلقتش عليه لانك كنت لسة متعرفنيش .
فعلا انا فقدت الانتماء ..اخواتي كمان فقدوه ..اختي الصغيرة بتقوللي انا بحب حاكم الامارات اكتر من حسني مبارك ومن مصر لانها عاشت هناك مع جوزها شوية صغيرة و شافت المعاملة و الحياة
مصر بس تستاثر بموضوع فقدان الانتماء عن سائر الدول العربية ..انا شايفاهم بيحبوا بلادهم جدا و بلادهم كمان محترماهم قوي ..عكسنا تماما
عارف يا جعفري ؟؟
انا بجد مبقتش بحس بالنتماء ..طبعا انتمائي و سعيي ليس وراء المال ..انا بدور علي مكان كويس مكان اسميه وطن
الوطن فعلا مش مجرد شوبة حكام فاسدين ولا وظيفة ولا فلوس
الوطن بالنسبة لية هو مكان احس فيه بقيمتي و اخد فيه حقي كبني ادم
وممكن الاقي شغل من غير واسطة و اترقي في وظيفتي من غير حقد من حد
المصريين في اي مكان تلاقيهم بيكرهوا بعض و بيضربوا في بعض زنب من ورا بعضهم
تحس ان المصري بيكره المصري في الخارج دي حاجة انا عايشتها فعلا ..علي عكس مواطنين تانيين زي السودانيين تلاقيهم مترابطين قوي وكويسين
بص يا جعفري ...اقولك ليه الناس زمان مكنتش بتسافر ؟ لان كان فيه حالة حرب واحتلال و مكنش فيه فساد جامد كدة
لكن دلوقتي السرقة بالكوم و الفساد مستشري و مفيش فلوس لاغلب الناس و مفيش حالة حرب ولا احتلال
بيبقي هيقعدوا ليه؟؟
علشان كدة بيدوروا علي السفر
انا مع السفر ومع الهجرة
بس طبعا بفضل احب بلدي و ارضي و ناسي ...
الحقيقة هاقولك اللي انا شايفاه
انا شايفة ان مصر مفيهاش امل و مفيهاش مكان احلم فيه بنفسي..
ده رايي انا
و طبعا الايه اللي ذكرتها ايه فعلا بتورينا حالنا قد ايه كان ممكن يبقي احسن لو كنا افضل
بس برضه السبب في النهاية فينا احنا ..بس وصلنا لدرجة مينفعش فيها الاصلاح...
يمكن انا متشائمة شوية ...بس ده اللي انا شايفاه
:)
بجد انا حاسة ان اليعقوبي زعلان مني قوي
ممكن تقوله يروح المدونة عندي و يعلق زي الاول؟؟؟؟ و قوله انا كنت بهزر معاك يا يعقوبي بجد وانت لسة متعرفش هاجر كويس علشان كدة زعلت منها.
سلملي عليه كتير و قوله اني بحترم جدا فكر الاخوان المسلمين حتي لو مكنتش انا من ضمن الجماعة ..
تحياتي ليك يا جعفري و اشكرك علي اهتمامك
تحياتي لليعقوبي و قوله الصلح خير
:))
منوريني دايما

MerMaid يقول...

معلش

كنت بشوف التعليقات اللي فاتت
لقيت تعليق واحد مريض نفسيا
لو سمحت ابقي امسحه شكلك لسة مشفتوش

تحياتي

الفاتح الجعفري يقول...

استاذه ميرمايد
اهلا بحضرتك وربنا يبارك فيكي
والله يااستاذه انا عارف ان المسئله دي صعبه جدا وان احنا اصبحت مشاعرنا متلخبطه احنا فعلا بنحب البلد دي ولابنكرها ولامتفرقش معانا
هو حضرتك انا هحلل معاكي الوضع علشان نوصل لنقاط محدده
اولا مصر هي جزء من بلاد الشرق الاوسط والعرب وحالها كحال باقي البلاد تعيش في جهل وتخلف وتأخر يعني عالم تالت ودوله ناميه طبعا هتوقليلي دول الخليج اغنيه وتقدموا هقوليك صح بس الفلوس والرفاهيه ليست معيار للتقدم لذا فهم في جهل ايضا
ودي نقطه مهمه
يعني مصر جزء من امه متخلفه وحضاره منهاره زيها زي باقي الدول الاسلاميه لاولن تنصلح الا بجهود ونضال ابنائها
______________________
ثانيا المصريين برده جزء من الامه العربيه والاسلاميه وصدقيني يااستاذه حالهم احسن بكتير من شعوب تانيه طب انتي عارفه المكان اللي انا ساكن فيه به العديد من الجنسيات المختلفه مثل يمنيين وجزائريين وسودانيين وسعودييين وناس بقي من اريتريا وموريتانيا وفعلا انا محظوظ جدا اني قدرت اتعرف علي جانب من ثقافات مختلفه فتلاقيهم رغم انهم ناس بتحضر دكتوراه ومعظمهم كمان في القانون تلاقيهم خايفين جدا يتكلموا في السياسه والاصلاح وغيره رغم ثقافتهم العاليه جدا بس عندهم نقطة الخوف0
وتلاقي ايضا بلاد اخري عندهم كبت فكري واجتماعي يعني ماهو لوكان المصريين كما ينبغي ماكنش ده بقي حالنا ولو كانت الامه كما يريد الله مكنش ده برده حالها
علشان كده مش عايزين نظلم المصريين وبعدين انا خالي مثلا بقاله حوالي 25 سنه في السعوديه وبيحكيلي علي علي حكاية الذنب دي بس برده النبي قال المصريين في رباط الي يوم القيامه0 يعني فعلا تلاقيهم وقت الشده متجمعين وواقفين مع بعض 0
وصدقيني النبي لما قال اذا منا الله عليكم بفتح مصر فاتخذوا منها جندا كثيفا فهم خير اجناد الارض0
كان يعلم قيمة مصر وصدقيني برده الامه دي لو في امل فيها انها تنهض وتقوم وتعيد الامجاد من جديد هيكون برده من هنا من مصر لانها دائما الشوكه في ظهر اعداء الاسلام وريتشارد قلب الاسد عندما ارسل تقريره الي البابا في روما انه اذا اراد ان يقضي علي المقاومه في هذه البلاد فعليه بمصر كان صادقا0
وبرده نقطه تانيه الانسان لايبحث عن وطنه لان وطني هو تاريخي ودمائي يعني ممكن اتولد واعيش في اي بلد بعيده وعمري ماشوفت وطني الا في حكايات ابي وامي ولكن الدماء التي تجري في عروقي تجعلني مجذوبا الي بلادي الاصليه
__________________________
وبرده عمر مابلدنا هتقسي علينا كما قسي اهل مكه علي النبي يعني تخيلي تعذيب وقتل للاصحاب ومقاطعه وجوع وفي النهايه طرد فيخرج النبي ضاربا اسمي معاني حب الوطن (والله انك لاحب بلاد الله الي قلبي ولولا ان اهلكي اخرجوني منك ماخرجت)
_______________________
وبعدين قال النبي صلي الله عليه وسلم(حب الوطن من الايمان)
___________________________
انا عارف ان الاحوال صعبه علي جميع الشباب بس هو احنا هنسيب البلد دي لمين ملازم نصلح فيها ونناضل وصدقيني الحرب هنا اشد واقسي من الحروب زمان لاننا بنحارب عدو منا عدو جوانا عدو غير محدد اومرئي بس هو ده واجبنا اننا نحمل هم امتنا اوربا مكنتش كده كانت اشد وافظع واقسي كانت عايشه بين الجهل والخرافه والملكيه والاقطاع والمرض وغيره بس جم ناس حملوا هم بلادهم فخلوها ارقي بلاد الارض في منهم هرب لاراضي اخري وفي منهم ظل يصلح ومات ولم يري بلاده متقدمه 0 وكذلك فعل الصحابه حل الهروب سهل والهروب هو الهجره انما اخرج اشتغل واتعلم وارجع افيد بلادي طبعا هناك فرق 0يااستاذه احنا من واجبنا اننا نقعد ونصلح في البلد ونناضل من اجل امتنا وعودة امجاد الاسلام تاني
__________________________
طبعا انا مش بدي لحضرتك محاضره في الوطنيه لاني عارف انك بتحاولي تصلحي في اليلد اكتر من عشره زيي بس انا حبيت اوضح ان الانتماء مش علشان لاقيت بلد جميله وحلوه وفيها كل اللي انا عايزه انتمي لها لا الانتماء هو فطره وحب غريزي في القلب
_________________-
علشان كده الحل اننا نقعد وننشر افكارنا ونوعي الناس لعل الله ان يمن علينا بفضله ومنه وينصرنا

الفاتح الجعفري يقول...

وعلي فكره يااستاذه محمود
زي ماقولت مبيزعلش تماما ولو كان زعل كان قليك بس هو والله مطحون في الامتحانات
وان شاء الله هيجي يعلق عند حضرتك النهارده
وهو مقصر جدا في التعليقات والمتابعات بسبب امتحاناته وحتي هتلقي معلقش علي الموضوع اللي فات
____________________
اما بالنسبه للشخص اللي حضرتك قولتي عليه
يعني الجواب بيبان من عنوانه يعني انتي شايفه اسمه ايه ماطبيعي يبقي مريض نفسيا
وكما قيل ولو ان كل كلبا القمته حجرا لصار الحجر اغلي من الذهب
__________________
وجزاكم الله خير علي متابعتك المفيده دائما
وتمنياتي بالخير والتوفيق في الدنيا والاخره

MerMaid يقول...

يارب يا جعفري يكرمني انا وانت و كل ابناء المسلمين

اشكرك علي كلامك و احييك علي ردك في موضوع كدة انت عارف هو ايه
:))

بجد انا بستفيد منكم جدا انتم الاتنين
ربنا يبارك فيكم

:))
تحياتي

EmY يقول...

يا جعفري هات اليعقوبي و تعالا
انا حشريه و اكيد انتوا عرفتوا ده
فين ايه يا جماعه ايه الي حاصل عند فانتازيا و ليه كده
انا مستغربه جدا من ردوردكوا عندها لاني مش متعوده منكوا علي الاسلوب ده
بالعكس انا اختلفت معاكوا قبل كده و كنتوا في منتهي الادب و الذوق و الاحترام معايا
ولازم اعترف اني ماكنتش بحترم الاخوان الا بعد معرفتي بيكوا ليه الهجوم الحاد عليها
ياريت تتكلموا بهدوء شويه و توضحوا رأيكوا بأسلوب اهدي

EmY يقول...

ليكوا تاج عندي يالا خدوه بسرعه علشان تبقوا تحت القبه

عاشقه الفردوس يقول...

فعلا دي الحقيقه للاسف
تكدست علينا المصائب بما فعلت ايدينا

اللهم اغفرلنا وتب علينا برحمتك ياسميع ياعليم


ربنا يباركلك ويبارك فيك

مهندس مصري يقول...

أنا قلت قبل كده عند إيمي و كوكا
بلدي أنا بأحبها لكن بأكره ظلمها و مشاكلها
و ممكن أسافر بره علشان أكون نفسي بس مش حأهاجر

طال الليل يقول...

أخى الحبيب
بوصفى أحد من كتب الله لهم الحياة خارج مصر فى بلد عربى فأود أن أقول لكبالعامية الحال من بعضه هناك أيضا الواسطة والمحسوبية والبطالة والظلم والإستحقار وغن إختلفت الأسباب فلا مصر جهنم تستعر ولا هنالك جنة تزدهر الأمر ببساطة أن الواقع كله فاشل وفاسد
لكن طريقنا لابد أن يكون الإصلاح لوجه الله
مسألة الإنتماء ليست محل تباديل وتوافيق هى مسألة قدرية تقريبا قهرية أما عن أخلاقيات المصريين فى الغربة فلها عندى ملف لا يقل سوداوية عن تدوينتك
وأوجز الأسباب لك راجيا سعة صدرك
المشكلة أخى أن نسبة ليست بالقليلة ممن يختارون السفر خصوصا إلى خليج النفط هم أشخاص عانو حرمانا ماديا ومعنويا وأحيانا فكريا ولو كانو يحملون مؤهلات عليا
ولما يصل إلى هناك وينبهر بالمرتب والإستهلاك والكاتشب واللازانيا وخلافه يجعل شغله الشاغل هو الحفاظ على موقعه الجديد الذى أعطى لحياته معنى فى ظنه وهنا يتبدى حقيقة الجوهر فى صراع بين المادة والقيم وللأسف تكون الغلبة غالبا فى جانب المادة فيرخص لديه كل غال ويحل لديه كل ممنوع منأجل البقاء فى كنف الرفاهية المزعومة والمكذوبة والمتوهمة
تقبل تحياتى

جمعاوى روش طحن يقول...

بص يا جعفرى
تعليق كده على السريع

المشكلة فين ؟

المكشلة إن الواحد يدور على شغل مايلقيش و لا وجد شغل يبقى الدخل اللى جاى منه يا دوبك على المواصلات

المشكلة إن فيه ناس عندها فلوس "بالهبل "

فى حين إن فيه ناس مش لاقيه تاكل

المشكلة فى أى واحد يقدم إبتكار ممكن يداس عليه بالجزم لو الإبتكار ده ح يبوظ حاجة لحد كبييير

المشكلة ف نظام وصل لمرحلة الشيخوخة و يستعمل العنف بدرجة لا تطاق



المشكلة إن عندى حصة دلوقتى ولازم أنزل

راجع تانى يا مولانا

الفاتح الجعفري يقول...

استاذه ميرمايد
جزاكم الله كل خير
وانا عارف الموضوع اللي حضرتك تقصديه
وللاسف الكلام هناك مالوش فايده وصدقيني تضييع وقت هو واحد بس اللي يستحق النقاش وهو الوحيد اللي اسلوبه محترم
ونفعنا الله جميعا بما علمنا ورزقنا علما نافعا

الفاتح الجعفري يقول...

بصي يااستاذه ايمي
والله احنا لانتعصب تماما لنفسنا ومش عايز اقول لحضرتك احب ماعلينا اننا نصبر علي اي اساءه
بس هناك حد اولا الاسلوب اللي احنا اتكلمنا بيه اظن من وجهة نظري البحته انه ارقي واكثر هدوء بكثير جدا من اسلوب الاستاذه وصدقيني الاسلوب اللي هي بتتكلم بيه هو ده اللي نعرفه منها يعني مثلا هتلاقي في الارشيف موضوع اسمه (عاصفة النار 2)دخلت علقت كل تعليقها تهكم وغيره اخذت الموضوع ببساطه ورديت عليها رد طويل جدا بهدوء وبمنتهي الاحترام
_______________________
ثانيا صدقيني لم انفعل مطلقا ولكن كان الكلام به حده لطبيعه موضوعاتها يعني احنا لانتكلم بلسان الاخوان بحال وللاخوان متحدث رسمي والاخوان ليسوا فوق النقد وعلي فكره احنا لانغضب لما يهاجم الاخوان لاننا نراها كثيرا جدا واصبحت سمه عامه فلو انفعلنا علي كل كلمه مش هنخلص ولكن الذي يؤدي الي الاسف والحسره ان يرمي الاخوان في وطنيتهم ورميهم بالخيانه والعماله لامريكا واسرائيل والاتحادالاوربي يااستاذه احنا بنختلف مع العلمانيين اختلاف شديد عمرك شوفتينا القينا عليهم اتهام بالخيانه اوالعماله واي اختلاف نأتي عليه بدليل ولكنها للاسف لك تأتي بأي دليل ونحن نري الاخوان في غزه يذبحون من اجل دينهم ووطنهم والاخوان في مصر معتقلون من اجل دينهم ووطنهم وفي الاخر هذه التهم التي اقل مايقال عنها انها تهم كاذبه
_______________________
ودعنا من الاخوان ولكن الامر يصل الي التطاول علي اصحاب النبي صلوات ربي وسلامه عليه فهذه الكارثه واسمحيلي انقل لك جزء من خطابها
_________________
أهو دلوقتي كل الناس عرفت حكاية الخناقة اللي حصلت على الخلافة اللي حضرتك فرحان بيها أوي.. وازاي جثة الرسول الكريم فضلت من يوم الاثنين لنص ليل يوم الاربع (يعني ليلتين) من دون دفن لغاية ما الخناقة اللي حصلت في سقيفة بني ساعدة تتفض.. ودي كمان مكنتش أي خناقة.. دي كانت نزاع بين المهاجرين والانصار على المنصب اللي مكنشي له وجود من الأساس. وأكيد حضرتك عارف ان الانصار يوميها كانوا عايزين خليفة ليهم لوحدهم.. يعني لو مكنوش لايموها, كان زمان المسلمين بقى عندهم خليفة للمهاجرين وخليفة تاني للانصار
__________________________
تخيلي حضرتك اصحاب النبي بتتكلم عليهم بهذا الاسلوب ده النبي صلوات ربي وسلامه عليه قال (اذا ذكر اصحابي فأمسكوا)وقال (اصحابي كالنجوم بئيهم اقتديتم بئيهم اهتديتم)فتخيلي مين اللي كان في السقيفه كان كنموذج ابوبكر وعمر اللي هما خير الامه بعد نبيها لاوبتصل في سوء الادب مع اصحاب النبي بتقول علي الانصار لو مكنوش لايموها
والله التهكم علي الصحابه هو اكثر مااحزنني في كلامنا معها تخيلي النبي يقول (من سب اصحابي فعليه لعنة الله والملائكه والناس اجمعين)هي لم تصل لدرجه السب ولكن التريقه وغيره درجه بشعه في الكلام عنهم انما هي خدت كلام المستشرقين واستشهدت بيه وبتحليلهم
وشوفي بقي الاسلوب المحترم اللي هي بتتكلم بيه خدي مثال
____________________-
قال الاخوان بقوا بيحترموا حقوق الانسان.. ياخي هأأووو! دا انتوا مش مؤمنين بالمساواة بين المسلم والمسيحي, ولا بين الراجل والست المسلمين حتى! دا انتوا بتقولوا مفيش قبطي ولا مرأة يمسكوا مناصب قيادية ف الدولة! أصلها كانت بلد أبوكوا! حقوق انسان إيه ياللي الخليج بيصرف عليكوا؟ حقوق انسان إيه يا بتوع الست تقعد ف البيت؟ حقوق انسان إيه ياللي الانسان عندكوا ملوش غير تعريف واحد: "راجل مسلم سني اخواني" وبس! أهي دي أسخف نكتة قلتوها. بس كويس انكوا اتكشفتوا على حقيقتكم. بانوا يا إخوانجية على أصلكوا بانوا. دلوقتي عرفت ولاءكم لمين
____________________________-
طيب بالله عليكي ده اسلوب وتوزيع تهم بالباطل بأسلوب مرسل مقزز ليس عليه دليل واحد
وبعدين انظري الي التجريح الشخصي
كمثل
______________________
واضح طبعا إن مستوى حواركما يتدني إلى ما لا نهاية
فلا يوجد حد للمدى الذي يمكن أن تصلا إليه من سوء الخلق
المناقشات المنطقية التي لا تعرفونها أيها الببغاوات
لا تدار بالتشنج وقلة الأدب
فما أسهل الخروج عن الأدب
-------
متخلوا عندكوا شجاعة وتقولوها كدة بالفم المليان لو كنتوا رجالة. لازمته إيه اللف والدوران والتوهان والسرحان دا كله؟ ما كان من الأول, كنتوا وفرتوا الحبتين بتوع السماحة والاختلاف والمساواة وتمثيل الأدب اللي مش عارفين تمثلوه
ولا هما الستات بس اللي عندهم شجاعة وصراحة اليومين دول؟
بالذمة مش مكسوفين من نفسكوا؟ أديكوا أتفضحتوا وفضحتوا الجماعة معاكم
هيا دي الأشكال اللي بيعتمدوا عليها طبعا. ناس ممسوحة العقل والشخصية والهوية
دي الدبة اللي قتلت صاحبها كانت بتفكر على الأقل! إنما إنتوا ماحصلتوهاش
-------------------------
انا بس بوريكي نموذج من حوارها المتدني معنا والله يعلم اننا ماتحدثنا معها الابكلمة حضرتك ويااستاذه وان كان في حده ولكنها ابدا لم توصلنا الي هذا الاسلوب حتي اتهامتنا ليها كانت بدليل حتي كلمة جهل استخدمنا هذه الكلمه بأدب فلانقولها مطلقه ولكن جهل في التاريخ الاسلامي جهل بالتفاسير وغيره
وفعلا انا اسف ان انا دخلت عندها علي مدونتها او اني فتحت معها اساسا باب للحوار قد تكون هي غير مااظن من اسلوب تهكمي غير راقي مع غيري ولكنها معنا كانت كما تري
علشان كده لن نذهب الي مدونتها مره اخري لالشيء الا الدخول في هذه المهاترات وهذا التجريح الشخصي
ونتمني لها التوفيق والخير والهدايه
-----------------
ووالله يااستاذه احب ماعلي الاخوان ان البلد دي تنصلح وتبقي خير البلاد ولو لم يكن هذا علي ايديهم واحب ماعليهم ان يدخل الناس كلها الجنه واحب ماعليهم ان يروا امتهم تنهض من جديد وتحطم تلك القيود
_______________________-
وفي النهايه اسف جدا اني وجعتلك دماغك وعلي العموم الموضوع انتهي واحنا لن ندخل مره اخري الي هذه المدونه
وخليها تحارب الاسلاميين والاخوان كما تحب لن نلتفت الي كل من ينتقد وسنسير في طريقنا
وشاكر جدا لحضرتك استاذه ايمي علي سعة صدرك
وربنا يجزيكي كل خير
وغفر الله لنا ولها

الفاتح الجعفري يقول...

التاج جالنا كده مرتين مره من المهندس الكبير ومره من حضرتك
وان شاء الله نجاوب النهارده او بكره بالكتير

الفاتح الجعفري يقول...

عاشقه الفردوس
قال الله تعالي
ظَهَرَ الْفَسَادُ فِي الْبَرِّ وَالْبَحْرِ بِمَا كَسَبَتْ أَيْدِي النَّاسِ لِيُذِيقَهُم بَعْضَ الَّذِي عَمِلُوا لَعَلَّهُمْ يَرْجِعُونَ
واحنا فعلا محتاجين نرجع الي الله عزوجل
فليس لنا الا هو سبحانه وتعالي
وجزاكم الله كل خير

الفاتح الجعفري يقول...

فعلا يابشمهندس
الهجره نوع من انواع الهروب
بس هناك فرق في الهجره في وقت خلاص يستحيل ان تعبد الله كما ينبغي فواجب السفر
انظر الي قوله تعالي
إِنَّ الَّذِينَ تَوَفَّاهُمُ الْمَلَائِكَةُ ظَالِمِي أَنْفُسِهِمْ قَالُواْ فِيمَ كُنتُمْ قَالُواْ كُنَّا مُسْتَضْعَفِينَ فِي الأَرْضِ قَالُواْ أَلَمْ تَكُنْ أَرْضُ اللّهِ وَاسِعَةً فَتُهَاجِرُواْ فِيهَا فَأُوْلَئِكَ مَأْوَاهُمْ جَهَنَّمُ وَسَاءَتْ مَصِيرًا
بس الحمد لله نستطيع ان نصلي ونفعل الكثير هنا في مصر بالعكس ده في الغرب ممكن يعسر عليك في اداء عبادتك سواء بالعمل والانشغال او بالتضييق في بعض الاحيان
وجزاكم الله كل خير

الفاتح الجعفري يقول...

اخي الحبيب طال الليل
والله بتوحشنا
وفعلا تحليلاتك رائعه وكمان انت قعدت خارج مصر فعارف بما يحدث وبرده هقولها تاني الشعب المصري احسن من غيره كتير مش تحيز ولكن هي دي الحقيقه
بس ضيق العيش والهم ده النبي كان يقول اللهم اني اعوذبك من الكفر والفقر يعني النبي قرنهم ببعض لان احيانا الفقر يؤدي الي الكفر نسئل الله السلامه
وجزاكم الله خير علي هذا التعليق القيم
وربنا يبارك فيك

الفاتح الجعفري يقول...

عمي وعم عيالي جمعاوي
حبيب قلبي
ماهو برده ياعم المدرسين ليهم دوركبير في اللي بيحصل من الدروس الخصوصيه
خف علي الناس شويه ياعم جمعاوي
ههههههههههههههههه
وكلامك والله فعلا مظبوط وبيحصل وكتير من الناس ياما ضاعت بسبب الموضوع ده
لما الابداع يقتل دي من اكبر الجرائم الانسانيه
ومستنيك ياعمنا
وسلملي علي ميخا
وربنا ييسره امره
وجزاك الله كل خير

coca يقول...

اول اعترف اني مبقتش اعرف افرق ما بين اسلوبك واسلوب اليعقوبي في تشابه

او يمكن انا اللي شايفه كدا

نيجي لموضوعنا

للاسف الواحد بيحب البلد بس وارضي بالي ربنا قسمه لي
لكن الواحد لما يكون عايش مخنوق هيطق في بلده بيدور علي غيره يلاقي راحته علي الاقل الماديه فيها
بس مش قدامنا غير اننا نتفائل وندعي ربنا وادعي معايا كدا يجيلنا وزاره محترمه
ورئيس بس ميعدش علي قبلبنا 27 سنه كتييير اووفر

كان ليا عندك سؤال اسمحلي خارج الموضوع

كيف تحكم علي انسان انه فاسد العقيده

الفاتح الجعفري يقول...

استاذه كوكا
شرفتينا والله
وكلام حضرتك مظبوط جدا
واسمحيلي بس انا حذفت التعليق من عندك مش لاني زعلت انا مبزعلش تماما بس بصراحه حسيت ان في نوع من الحرج عند استاذه ايمي ومحبتش اثقل عليها
_____________________
ثانيا رد علي سؤال حضرتك
انتي عارفه يااستاذه انا والله عمري ماواجهت حد بهذه الكلمه ابدا
ولاتظني اني قلتها لها في لحظه غضب او انفعال او انتصارا لنفسي او للاخوان
يشهد الله ماقلتها انتصارا لنفسي اوللاخوان
اهو حلفت لحضرتك
بس انا قولت عندها اكتر من سبب
اولا يااستاذه مسئله وضع الصليب دي مشكله فعلا ليه بقي لان الصليب له اعتقادات عند النصاري مناقضه تماما للعقيده الاسلاميه يقول الله عزوجل (وماصلبوه وماقتلوه ولكن شبه لهم)
وهو رمزمن رموزهم وفي الفقه الاسلامي لايجوز مثلا ارتداء ثوب اشتهر به اصحاب دين معين مخالف للدين الاسلامي مثل الطاقيه عند اليهود طبعا اثناء العباده انما حاجه زي البنطلون والقميص لايرتدونها للعباده0ده الثياب ناهيك عن الرمز نفسه
وفي في الاسلام من اساسيات العقيده عقيده تسمي الولاء والبراء والبراء (هو ان نتبرء ونخالف كل دين يخالف دين الاسلام)
ناهيك عن ان عقيده الصلب بها من التطاول علي الله الحق وكذلك عقيده النصاري فاسمعي الي قول الله تعالي (وقالوا اتخذا الله ولدا لقد جئتم شيئا ادا تكاد السماوات يتفطرن منه وتنشق الارض وتخر الجبال هدا ان دعوا للرحمن ولدا )
يعني تخيلي عظم الذنب الذي اقترفوه حتي يصل الي هذا الحد
افلا نغار لله مثلما تغار الجبال والارض والسماوات
فرفع الصليب معصيه عظيمه 0يعني مثلا الصليب المعقوف لهتلر مش ده رمز للنازيه واللي يرفعه في اوربا يحاكم لان ده رمز للقتل والدمار0طبعا احنا مبنقولش نحاكم ونعمل بس دي عقيدتهم لانضيق عليهم وحسابهم علي الله 0ولكن انا اتحدث عن المسلمين لان رفعهم للصليب يعرضهم للحساب امام الله وتقدري حضرتك تسئلي اي عالم0
اما اللي خلاني اقول لهذا الشخص هذه الكلمه
رفع الصليب حتي مش علي سبيل الوحده الوطنيه وغيره 0ده جزء بس ولكن عايز يثبت صحة عقيده النصاري التي ابطلها القران بآيات صريحه جدا وواضحه مثل (لقد كفر الذين قالوا ان الله ثالث ثلاثه)وعقيده التثليث من اساسيات عقيدتهم يعني الايات واضحه
يقوم هذا الشخص يأتي بايات ويأولها علي غير معناها تماما فأعطي معني مخالف وتقدري حضرتك ترجعي لكتب التفاسير وهذه ايضا من الاسباب
ثم التهكم علي الصحابه وتقدري حضرتك تشوفي ردي علي استاذه ايمي وجبتلها نموذج من خطابها
يعني شوفي حضرتك
تلاعب للايات
تهكم علي الصحابه
بل وانكار ماهو معلوم من الدين بالضروره وتقدري ترجعي لبوست مكتوب ليها عن الحجاب وتقدري تشوفي المهزله في هذا الامر
وفي الاخر نحن مطالبين ان نسير خلف عقلها واجتهادها ونصفق لها والاميبقاش عندنا فكر وشخصيه
وحضرتك برضه انا نقلت صوره من خطابها لينا اللي والله كلامنا ليها اكتر احتراما بكثير جدا وانا اعرف ن حضرتك عندك من الانصاف والعدل ماتستطيعي به ان تحكمي علي اللهجه في الخطابين دون تحيز لاحد
________________________
وعلي العموم يااستاذه نحن لانحارب النصاري ولانؤذيهم والله يعلم اننا نعاملهم احسن معامله ومعاياناس في الشغل والله لايوجد بيننا الااحترام وتعاون وود متبادل ولسه كنت مريض وزميلي النصراني اتصل يطمئن عليه وانا اتصلت بيه كتير اثناء غيابه لاطمئن عليه
ولانعمل الابقول الله تعالي (لاينهاكم الله عن الذين لايقاتلونكم في الدين ولم يخرجوكم من دياركم ان تبروهم وتقسطوا اليهم ان الله يحب المقسطين)
ولم ارفع الصليب ولم اقل عنهم مؤمنين
خلاف ماقال ربي0يااستاذه حكمهم في الدين شيء والمعامله شيء اخر ويجب ان نفرق
وحتي لااطيل عليكي اظن اني شرحت لحضرتك وجهت نظري ولكي جزيل الشكر
تحياتي لكي ولاستاذه ايمي
واسف جدا للاطاله

ساندوا اخوانكم في القوقاز

ممدونات مهمة للغاية

المدونات دي لازم تعدوا عليها وساندوا اصحابها جزاهم الله خيرا

مدونة ارض الحرب جزا الله صاحبها خيرا

كلنا مقاومة

مدونة اولادنا امانة (كيف نربي الاجيال القادمة)

نشقي ليعز ديننا وتسعد امتنا

نشقي ليعز ديننا وتسعد امتنا

جماعة قاداتها شهداء منصورة باذن الله

جماعة قاداتها شهداء منصورة باذن الله

About Me

صورتي
اليعقوبي احد الفاتحين القادمين باذن الله واتمني انا ذلك كل مااسال الله عليه ان يثبتني علي دينه وعلي طريقه والااضل عنه وان يرضي عني

لغتي الجميلة هويتي واصلي وديني

لغتي الجميلة هويتي واصلي وديني

اللهم ارحم اخي علاء رحمة واسعة

اللهم ارحم  اخي علاء رحمة واسعة

اللهم ارحم اخانا رحمة واسعة واجمعنا به في مستقر رحمتك

اللهم ارحم اخانا رحمة واسعة واجمعنا به في مستقر رحمتك
نسالكم الدعاء لاخانا