الاثنين، 21 يناير 2008

نظرة امل من غزة الالم




بسم الله والصلاة والسلام علي رسول الله
يااخواني في الله علي الرغم مما نري من الاحداث المريره التي تحدث في غزه الحبيبه وعلي الرغم من القتل والموت والخراب ,علي الرغم من بكاء الاطفال ودموع النساء وصمود الرجال علي الرغم من الجوع والقله في العيش علي الرغم من الظلام وقله العون والمدد علي كل مايحدث يااخواني اجد نفسي متفائل .وصدقوني لم اجن مما يحدث ولكن اصبروا حتي تعرفوا0
علمنا النبي صلوات ربي وسلامه عليه انه لاقنوط ولايأس من رحمه الله انظروا الي قوله تعالي (ولاتيأسوا من روح الله انه لاييأس من روح الله الا القوم الكافرون) طيب جميل جدا يعني منزعلش لا طبعا الحزن امر طبيعي جدا ولكن لانيأس من رحمه الله ونصره0
هكذا والله علمنا التاريخ ,علمنا ان المحن ورائها منح وان الضعف يليه قوه وان دائما احلك لحظات الليل هي التي تسبق الفجر وان النصر دائما يخرج من رحم الهزيمه والمعاناه0 صدقوني ليس كلام انشاء ولكنه واقع بل انه سنه من سنن النصر والتمكين نعم هناك مراحل للتمكين لعل احدها مرحله التمحيص ومرحله الزلزال
بل دعني ااخذكم في رحله قصيره ومختصره من حياه النبي صلي الله عليه وسلم لابرهن لكم علي تلك النقطه
اولم يذهب النبي الي الطائف فيرمي ويضرب بالحجاره وكان في هذه المرحله يعرض نفسه فداه ابي وامي علي القبائل فترده وتصده ثم كانت نهايتها الطائف تلك الرحله المليئه بالمعاناه والالام ولكنه عندما رجع ودخل مكه في حمي احد المشركين اولم يدعوا 6 فقط من شباب الانصار فكانت البذره الصغيره لقيام الدوله الاسلاميه والتمكين للدين0
اولم يحاصر النبي واصحابه 3سنوات بلا طعام ولاشراب حتي اكلوا ورق الشجر ثم بعدها ماتت زوجته وعمه ثم كانت الهجره الي دار الايمان0
اولم يحاصر النبي واصحابه مره اخري في المدينه في غزوة الاحزاب وتجمع عشرة الاف مقاتل حول المدينه ثم غدر اليهود وكانوا كل مايريدون تدمير دوله النبي وهدم الدين0ثم هزم الله الاحزاب وكانت اخر غزوه يقوم بها المشركون وبعدها اخذ النبي واصحابه زمام المبادره0
ثم مات النبي وحدثت رده رهيبه ولم تبق الا ثلاث مناطق فقط في الجزيره العربيه لم ترتد وكانت من اشد الفتن وتصدي الرجل الحديدي ابوبكر رضي الله عنه وبعد عام ونصف العام فقط يااخواني خرجت الجيوش لغزو فارس والروم0
وتوالت الاعوام تحمل في طياتها الكثير من الاحداث ولكن نقف عند الصليبين 4 امارات ضخمه في ديار الاسلام وضياع لبيت المقدس وانتكاسات شديده ثم يخرج صلاح الدين ليقود الامم ويحرر البلاد ويفتح بيت المقدس ويسقط معظم الامارات الصليبيه ثم ياتي قطز ويهزم سفاحي التاريخ ومصاصي الدماء التتار بلاء البشر وليس مثلهم احد0
اولم تسقط بني اميه لتأخذ الرايه بني العباس 0اولم يحمي الدين الاكراد اولم يسلم التتار انفسهم ويفتحوا البلاد اولم تغرب شمس الاسلام في وسط اوربا بضياع الاندلس حتي يمن الله علي المسلمين بشروق للاسلام في شرقها بفتح القسطنطينيه0
وهكذا هناك احداث كثيره لم نوردها ولكن كأمثله واستبشارات0
يااخواني كل مااريد ان اقوله ان المسلمين لن يموتوا وسيبقون مهما تجمع عليهم الاعداء سواء من الداخل اوالخارج كان هناك كفار وكان هناك يهود وكان هناك منافقون وبقي الاسلام وبقي المسلمون0
وسيبقي المسلمون في فلسطين وستبقي حماس والا من يحقق حديث النبي (لاتقوم الساعه حتي تقاتلون اليهود حتي ينطق الحجر والشجر يامسلم ورائي يهودي فاقتله) سيبقي المسلمون وسينتهي اليهود ويطردون ازلاء سيبقي المسلمون يااخواني من اجل اقامه شرع الله وتعليم الناس الخير والعدل من يعلم الناس القران والخير اذا ذهب المسلمون ومن يعبد الله وينصره اذا هلك المسلمون يااخواني ان هلاك المسلمون معناه نهايه الدنيا وماعليها0
وتبقي حماس صامده ويبقي اهل غزة صامدون وتبقي فلسطين انظروا الي حديث النبي (لاتزال طائفه من امتي ظاهرين علي الحق لايضرهم من خالفهم حتي تقوم الساعه قالوا اين يارسول الله قال ببيت المقدس واكنافها)نعم باقون يااخواني لايضركم من خالفكم وانتم علي الحق بأذن الله تعالي والله مولاكم هو وليكم وكفي بالله وكيلا0
وفي النهايه يااحبابي وصيه ان ندعوا لهم نعم الدعاء ثم الدعاء ثم الدعاء وان نوعي الناس وان نتبرع لهم ولوتستطيع عمل مابوسعك افعل والصيام والطاعات في تلك الايام العصيبه وماضعت فلسطين وحدث ماحدث الا بذنوبنا ومعصيتنا لله عزوجل
وابشروا يااخواني انما يسعي اليهود لكتابه نهايتهم ويسرعون فيها وان بدي عكس ذلك 0وماخرج فرعون يطاردموسي الا وكان وراءه الموت يطارده والموت اسرع من فرعون والله اقوي واسرع من اليهود0
اللهم لاتشمت الاعداء والمنافقين والعملاء باحبابك امة نبيك محمد يارب العالمين
فستذكرون مااقول لكم وافوض امري الي الله ان الله بصير بالعباد



___________________________________________________________________________________________ تحديث
ان شاء الله في مؤتمر حاشد لفك الحصار عن غزة في دارالحكمة في نقابة الاطباء يوم الخميس الساعة السابعة لازم نيجي يااخوانا باذن الله العالم كله قام ومصر نايمة في العسل لازم يكون المؤتمر ده حاجة كبيرة جدا نعتذر بها الي الي الله ولو بالقليل استعينوا بالله وتعالوا احنارايحين باذن الله وفي الغالب ان شاء الله في جمع تبرعات لشراء الاحتياجات لاخواننا في غزة فكله ان شاء الله يشخلل جيبه والتبربعات دي هاتوديها نقابة الاطباء بعد فتح معبر رفح
الله اكبر ولله الحمد

هناك 42 تعليقًا:

عصفور المدينة يقول...

اللهم آمين

إياك وإياي أن نعصى ربنا في هذه الأيام لا يؤتين إخواننا من قبل معاصينا لعل الله يطلع على قلوبنا فيستجيب لنا

عاشقه الفردوس يقول...

اللهم امين اللهم امين اللهم امين

جزاك الله خيرا فعلا فعلا النصر قادم ان شاء الله

الا ان نصر الله قريب


وياريت الكل ياخد بنصيحه استادنا عصفور المدينه

عاشقه الفردوس يقول...

استادنا الجعفري اضفت الكثير لتدوينتي الاخيره والله
ربنا يبارك فيك وليس بيننا استئدان في الرد علي احد المعلقين اخي
خصوصا ادا كانو لادين لهم

خمسة فضفضة يقول...

السلام عليكم ورحمة الله وبركاته

اللهم آمين ،


يارب يارب فرج كربهم وفك اسرهم واعنا علي نصرهم

MerMaid يقول...

امين يارب العالمين
بجد حاجة تقطع القلب
بس طالما انت موجود وزيك موجودين
يبقي النصر قادم ان شاء الله

تحياتي لكما
"(

EmY يقول...

معلش هارد الاول في موضوع ضرب النار الي حصل
انا كنت مستغربه جدا لانك واضح انك هادي مش عصبي زي اليعقوبي و لاقيتكوا انتوا الاتنين احتديتوا اوي في الكلام فكان شيء مش معهود عنكم
انا اختلفت معاكوا كتير بس كان في بينا احترام و مجرحناش في افكار بعض
بصوا في علامات استفهام كتير حول الاخوان و تاريخهم و افكارهم و كده

ياريت تكونوا اهدي و تطولوا نفسكم اكتر

تحياتي

ـــــــــــــــــــــــــــــ

الحقيقه انا مكسوفه من موقف العرب من الي بيحصل في غزه
ده لو كان بيحصل كده في اسرائيل كنا بعتنا معونات و اتحركنا شويه
بجد حاجه تكسف فين قوة الدبلوماسيه المصريه و فين الخارجيه من الي بيحصل ده
ربنا معاهم

تحياتي

جمعاوى روش طحن يقول...

ايه يا أبو الجعافيير

قصدى يا مودى

عاجبك اللى بيحصل ده

الوحد مالوش نفس يعمل حاجة

مش لاقى غير كلام الباشمهندس عصفور المدينة

ربنا يستر

الفاتح الجعفري يقول...

نعم والله استاذي الحبيب
لايؤتين اخواننا من قبل معاصينا
وجزاكم الله خير علي النصيحه
والله لكم اشتاق ان اري وجهك يااستاذنا
والله اني احبك في الله

الفاتح الجعفري يقول...

اختنا عاشقه الفردوس
جزاكم الله كل خير
وبلي ان نصر الله قريب
ونعم ليس بيننا استئذان ووالله لكم يحزنني ان اري ناس بهذه الطريقه ولكنها سنه الله في خلقه
هدي الله الجميع
وجزاكم الله كل خير

الفاتح الجعفري يقول...

اهلا بحضرتك يادكتوره
وامين امين
ربنا يتقبل منك يارب
وجزاكم الله كل خير

الفاتح الجعفري يقول...

استاذه ميرمايد
امين ربنا يتقبل منك
ووالله انا من اقل الناس في كل شيء وحضرتك واخداه فيه مقلب كبير
ولاننسي اخوان من الدعاء
وجزاكم الله كل خير

الفاتح الجعفري يقول...

استاذه ايمي
والله حضرتك شرفتينا ودايما بتشرفينا
وحاضر كلام حضرتك علي راسي من فوق والله
انا فعلا هكون اهدي من كده وصدقيني تاني لم اغضب للاخوان ولكني غضبت للتهكم علي اصحاب النبي والله هو ده اشد مااغضبني
غير تأويل كلام ربي بطريقه فعلا تثير الشفقه اكتر ماتثير الاسف
وان شاء الله اسمع نصيحه حضرتك
_________________
وطبعا حضرتك انا عارف ان في علامات استفهام كتير جدا كمان حول تاريخ الاخوان وافكارهم
بس حضرتك ده امر طبيعي جدا مفيش جماعه ولاحزب الا وكان هناك حوله وحول تاريخه علامات استفهام
بل دعيني اخذ حضرتك الي نقطه اوسع
اصحاب النبي وخير قرون البشر جاء حولهم علامات استفهام واديكي شوفتي بنفسك
يعني مفيش اي جيل اومجموعه الاواثيرت حولها الشكوك
ولكن دعيني اتكلم معك كأعلاميه دائما هدف الاعلامي ذو الضمير البحث عن الحق وحده واظهاره للناس مهما كان يعني حضرتك نحن لانسمع التاريخ من المستشرقين او العلمانيين وحدهم ولكن دائما هناك وجهة النظر والمضاده لها ونظرا لما تري من حال الاخوان من تضييقات ومنع وتعتيم اعلامي وفكري حول افكارهم بل وخروج افكار مضاده وتشويه متعمد وغير متعمد لهم ولتاريخهم ولافكارهم في المقابل لاتجدي الرد والدفاع فطبيعي ان ينظر الناس تلك النظره السوداويه لهم ولكن حضرتك انسانه متفتحه ويمكن ان تشاهدي الامر من منظور حرفي ومعتدل وبأكثر من زاويه يجب ان تبحثي عن الدفاع ووجهة النظر المقابله وتسئلي وتستكشفي وهذا والله هو من يريد الحق والخير والعدل في نفس الوقت
وطبعا انا ومحمود لانتكلم بلسان حال الاخوان بحال كماقلت وان هناك متحدث رسمي وهناك ايضا من هو علي علم ومعرفه بجميع الاحداث والتاريخ ومن عاصر تلك الاحداث يستطيع الرد خير منا ودعيني اضرب لك مثال ان بعض اعضاء مجلس قياده الثوره كشفوا فيما بعد عن ماكان يحدث للاخوان والغدر والخيانه التي تعرضوا لها وما حسين الشافعي ببعيد
يعني حضرتك التاريخ والتحليلات والهجوم علي الغير لاتنظري اليه من منظور واحد وانظري من عده اتجاهات
_______________
يعني مثلا مانخدش تاريخ الصحابه من العلمانيين والمستشرقين ثم نسيء اليهم ووالله انه لامر عظيم ولكن نرجع الي علماء التاريخ الاسلامي المتخصصين ونسئل ونعرف كالدكتور راغب السرجاني كمثال ونعرض الحجج ووالله يااستاذه ستجدي علماء التاريخ الاسلامي حججهم اقوي واصدق واقرب الي العقل ولكنهم حجبوا امثال هؤلاء عن الناس واطلقوا العنان للاخرين فقلبوا الامور وعكسوا الحقائق
______________
يعني يااستاذه طبيعي الهجوم علي الاخوان واثارة الشبهات حولهم من اعدائهم واعداء افكارهم يعني مثلا مش هيجي العلمانيين والاشتراكيين والماركسيين ويقولوا الاخوان علي خير وحق ومصلحين وصالحين مش هيحصل بس فعلا اللي مش طبيعي حجب الاخوان واعتقالهم ومنعهم من الدفاع عن انفسهم
وتحديدهم في جميع المحكات الرسميه
________________
وشاكر جدا علي النصيحه واسف للاطاله
ووالله لانغضب لانفسنا ولانحتقن من الهجوم علي الاخوان ولكن نحزن ونأسف ونتأثر من الهجوم علي اصحاب النبي وتأويل القران بغير علم
ومنورانا يااستاذه ايمي
وجزاكم الله كل خير

الفاتح الجعفري يقول...

ايه ياابو الجماجيم
ميدو ياعم مش مودي
وبعدين فعلا الواحد تعبان ومالوش نفس والله بس ده وقت العمل والامتي العمل ياكبير
وطبعا كلام استاذ عصفور المدينه
من الاخر بس كلامك برده يهمنا ولا احنا مالناش نفس
وعلي العموم وجودك بس يافندم امل لينا يعني حضرتك تأشر واحنا ناكل وشخبطة ولاد سعادتك امضه لينا
ولاننسي اخوانا من الدعاء في كل صلاه بل في كل سجده
وجزاكم الله خير

الجمعاوي الاصيل يقول...

السلام عليكم ورحمة الله وبركاته

الخوف ان تكون معاصينا هي الحائل بين النصر واخواننا في غزة

وان مايحدث لهم ماهو الا تقصير منا فلينظر كل منا في نفسه ولنعيش اجواء غزة كي نشعر بما يشعرون اللهم حرر ارضهم واضئ قلوبهم بنور الاسلام ونور الايمان وثبتهم يارب العالمين

مهندس مصري يقول...

الحمد لله أن الفلسطينيين عبروا و اشتروا اللي عايزينه

الفاتح اليعقوبي يقول...

النصر قادم بغ\عز عزيز او بذل ذليل
يقول رسول الله صلي الله عليه وسلم :(ان الله ينصر هذا الدين بالرجل الفاسق0

وادعيلي انا بكلمك قبل 6ساعات من اخر انتحار
والسلام

دعوة الفردوس يقول...

عصفور المدينة said...
اللهم آمين

إياك وإياي أن نعصى ربنا في هذه الأيام لا يؤتين إخواننا من قبل معاصينا لعل الله يطلع على قلوبنا فيستجيب لنا

21
:(

الفاتح الجعفري يقول...

عمي ميخا
نعم والله صدقت
ان معاصينا هي الحائل بين نصرة اخواننا في كل مكان
اللهم اغفر وارحم وتجاوز عن ماتعلم
اللهم انصر اخواننا المستضعفين
وجزاكم الله خير ياعم ميخا

الفاتح الجعفري يقول...

عم عز
نعم والله بعز عزيز او بذل ذليل
وربنا ييسرك الامر
وبعدين هو انت كل امتحان تنتحر مفيش مره تعيش ابدا
اعوذ بالله
وان شاء الله اشوفك النهارده
وان شاء الله تعدي علي خير
وينجحك ياعز يابني
وجزاكم الله كل خير

الفاتح الجعفري يقول...

اختنا دعوة الفردوس
حمد الله علي السلامه
ونعم والله صدق استاذنا عصفور المدينه
وجزاكم الله خير

صانعة الحرية يقول...

سبحان الله
على فكره انا فاكره انى علقت هنا الصبح
============
ما علينا
كنت بقول ايه فى التعليق بتاع الصبح
كنت بقول انى انا كمان متفائله جدا وحاسه ان النصرقادم
ما دام فى شباب واعى وفاهم وشيل هم اسلامه بجد
============
وكنت بقول كمان ان الظاهر ان مؤتمر النقابه على مستوى الجمهوريه
لانه عندنا النهارده ايضا وفى نفس الموعد تقريبا

================
وكنت بقول جزاكم الله الفردوس الاعلى من الجنه

امام الجيل يقول...

والله غالب على امره

حقا اخى يجب ان تمتلا قلوبنا ثقة فى الله فى هذه الايام وهذه المواقف حتى نستطيع مواصلة السير ومواصلة الجهاد

تقبل الله منا

خطوات عملية
-----------
لجنة الإغاثة والطوارئ:
-للتبرع على أرقام الحسابات الآتية:
بنك فيصل: 212051
بنك مصر: 18810/1/101
البنك التجاري الدولي (CIB): 4-9000291-10
بنك قناة السويس: 0/1/21090
-أو تبرع مباشرة في مقر إتحاد الأطباء العرب على العناوين التالية :
42 ش القصر العيني - دار الحكمة – القاهرة - جمهورية مصر العربية.
نقابة أطباء القاهرة-مدينة نصر-تقاطع شارع علي أمين مع شارع مصر للطيران-بجوار المخبز الآلي
22شارع بورسعيد -الشاطبي- الإسكندرية
373شارع جمال عبد الناصر-المندرة-الإسكندرية-تلفون: 0101930344

احمد الجيزاوى يقول...

احب بس اقولك لك على هذا البوست جزاك الله خيراوجعله فى ميزان حسناتك
اخوك
احمد الجيزاوى

ا بـن عــمــر يقول...

جزاك الله خيرا على بث هذا الأمل فينا مرة أخرى
الهم نصرا مؤزرا وتمكينا لدينك يارب العالمين

الشريف / جمال طة يقول...

أمثلة شعبية سعودية فى بلد الحرمين

نـــــــــــــــــافـق تـــــــوافق
يــــــد ماتقدر تدوسهــــــا بوسهـــــــــــــا
يــــــد ماتقــدر تكــسرها صافحهــــــــــا
الرجــــــــال نســــــــــاء الـى أن تقضــــــى المصالــــــــــح
أقدمــــوا علـــــى قضــــاء حوائجكــــم / مصالحكم نســــــاءأ
مامــــــــن شجــــره الا وهـــــــــزهــــــا الريــــــح (كناية عن الخنات
مايطلـــع الرجــــال غـــير من تحــــت الرجال ( كناية عن الخنات
اللــــــى يكــــــبر قرصـــــــه نرقــص له
أدهــــــــــن السيــــــــــــــير يسيـــــــر
مـــا من مصلــــــــى الا وطالـــب مغفـــرة ( لاأحد يخدمك لوجه الله
اللـــــــــــى مااتخــــــنت ماهــــو برجــــــــال
انقضـــــــــــــت عازتــــــى / (مصلحتى / كـس أخــــــت جارتــــى
هــــــــــذه هـــــى مثـــل وقيم التعامل فى المجتمع السعــــــــــودى

الفاتح الجعفري يقول...

اختنا ام القسام
ربنا يبارك في حضرتك
وعلي فكره بتحصلي كتير ببقي فاكر اني علقت في مدونه وبعدين القي نفسي معلقتش
علي العموم حصل خير
وان شاء الله الامل موجود دائما وقال رسول الله صلي الله عليه وسلم(الخيرفي وفي امتي الا ان تقوم الساعه)
والمؤتمر فعلا علي مستوي الجمهوريه
وتقبل الله منك
ومن علينا جميعا بالفردوس الاعلي
وجزاكم الله كل خير

الفاتح الجعفري يقول...

اخي امام الجيل
بارك الله فيك
وان شاء الله تمتليء قلوبنا ثقه في وعد الله
وجزاكم الله كل خير علي تلك الخطوات

الفاتح الجعفري يقول...

حبيب قلبي
عمي الجيزاوي كله هنا
والله باسعد جدا لما اشوف تعليقك
وجزاكم الله خيرا منه
وربنا يبارك فيك يارب

الفاتح الجعفري يقول...

اخي بن عمر
وجزاك الله خير منه
وان شاء الله النصر قادم والتمكين قادم ولكن نسئل الله ان يستخدمنا
ومنورنا دائما
واحسن الله اليك

Dr-Online يقول...

اللهم انصرهم
واحميهم
ولا تجعل للكافرين عليهم سبيل

شكرا علي البوست الهايل
والمدونة الاجمل

زيارتي الاولي لهذة المدونة
ولكنها اعجبتني كثيرا

MerMaid يقول...

ازيكم يا ولاد
ازيك يا استاذ جعفري ؟
ازيك يا استاذ يعقوبي؟

بجد مفتقدين جديدكم
مستنيين الجديد

تحياتي لكما
:)

حـريــة الــفـكــر والابــداع يقول...

اللهم انصر الحق وانصر اهل فلسطين ووحد شمل العرب وانزع ما يحول فى قلوبهم ووحد صف الفتحاوين والحمساوين
اللهم امين

محمد الجرايحى يقول...

قال صلى الله عليه وسلم : الخير فى أمتى حتى قيام الساعة.

إنه لاينطق عن الهوى ، إنما هو وحى يوحى

ونسأل الله تعالى أن يفرج عن إخواننا فى غزة وأن ينصر الإسلام ويعز المسلمين
بارك الله فيك أخى الكريم
وأحيى طرحك الطيب
أخوك
محمد

أميرة محمد محمد محمد يقول...

ربنا يكرمك يا أخي و تكون من أسباب النصر
ربنا يقدرنا و نقدر نعمل حاجه

Ahmed Al-Sabbagh يقول...

اللهم اميييين

تسلم ايديك

وجزاكم الله كل خير

وحشتنا

Ahmed Al-Sabbagh يقول...

الجعفرى

و

واليعقوبى


ليكم تاج عندى

تعالو خدوه

ومنتظر الرد عليه لما وقتكم يسمح

اجابتكم تهمنى

أحمد

الفاتح الجعفري يقول...

dr-online
ربنا يبارك فيك يارب
ووالله شرف لينا مرورك وتعليقك عندنا
وامين يارب تقبل الله منك
وجزاكم الله كل خير

الفاتح الجعفري يقول...

استاذه ميرمايد
جزاكم الله كل خير علي المرور والسؤال
ان شاء الله هينزل التاج النهارده هنا
وموضوع علي عاصفة النار بكره

الفاتح الجعفري يقول...

حرية الفكر والابداع
امين امين امين
ونورتنا والله
وجزاكم الله كل خير

الفاتح الجعفري يقول...

استاذي
ازي حضرتك يااستاذ محمد
واسئل الله ان تكون بخير
وامين يارب تقبل الله منك
وجزاكم الله كل خير
ولاتنسانا من صالح دعائك

الفاتح الجعفري يقول...

استاذه اميره
حمد الله علي السلامه
غياب طويل جدا
ان شاء الله الامتحانات تكون عدت علي خير
وامين امين يارب
ان شاء الله يستخدمنا الله جميعا في نصر هذا الدين
وان شاء الله نعمل حاجه
وجزاكم الله كل خير

الفاتح الجعفري يقول...

عمي وحبيبي في الله
الصباغ
منورنا دائما
وان شاء الله نجاوب علي التاج النهارده
وجزاكم الله كل خير

ساندوا اخوانكم في القوقاز

ممدونات مهمة للغاية

المدونات دي لازم تعدوا عليها وساندوا اصحابها جزاهم الله خيرا

مدونة ارض الحرب جزا الله صاحبها خيرا

كلنا مقاومة

مدونة اولادنا امانة (كيف نربي الاجيال القادمة)

نشقي ليعز ديننا وتسعد امتنا

نشقي ليعز ديننا وتسعد امتنا

جماعة قاداتها شهداء منصورة باذن الله

جماعة قاداتها شهداء منصورة باذن الله

About Me

صورتي
اليعقوبي احد الفاتحين القادمين باذن الله واتمني انا ذلك كل مااسال الله عليه ان يثبتني علي دينه وعلي طريقه والااضل عنه وان يرضي عني

لغتي الجميلة هويتي واصلي وديني

لغتي الجميلة هويتي واصلي وديني

اللهم ارحم اخي علاء رحمة واسعة

اللهم ارحم  اخي علاء رحمة واسعة

اللهم ارحم اخانا رحمة واسعة واجمعنا به في مستقر رحمتك

اللهم ارحم اخانا رحمة واسعة واجمعنا به في مستقر رحمتك
نسالكم الدعاء لاخانا