الجمعة، 12 أكتوبر 2007

هدية العيد

كان يامكان كان في زمان كام تاج اتبعتولي
من مدونة هتكلم وهقول اسلام توفيق ومن مدونة واخرتها ومن مدونة كلوماشي
المهم انا عايز كل اللي يدخل هنا يعرفني كويس فانا اعتقد انه فرصة جيدة للتعارف ولمعرفة الاخرين
ندخل علي اول تاج وهو من اسلام توفيق واستاذة دعوة الفردوس
اسم مدونتك؟
يارب ثبات علي طريقك
لماذا اخترته وما نيتك من وراء اختياره؟
اخترته لاني حسيت في لحظة من اللحظات لما كنت عامل مدونة قبل دي اني حدت عن طريقي ونسيت نيتي وضياع النية معناه الضياع وتشتت الهدف ،الاسم بقي مهم اوي لاني اخاف ان اضل عن طريق الله كما ضل الكثير قبلي وكان اولهم ابليس عليه لعائن الله وعلي فكرة هو بيهنيكم بمناسبة فوات شهر رمضان واديكم هتحسوا بيه اليومين الجايين دول وربنا يثبتنا
هل فكرت في اغلاق المدونة؟
لما هحس ان المدونة دي لا نية لي فيها هقفلها ،واعتقد ان ربنا من علي بنعمة اني مبضحكش علي نفسي وازين لنفسي الغلط ممكن اغلط كتير بس بفوق في لحظة واخذ قرار معاكس
يعني في المدونة القديمة كنت قاعد ادام النت قبل الفجر ونزلت صليت وانا راجع من الصلاة فكرت في نواياي وطلعت اخذت قراري بغلق المدونة
صورتك في المدونة وايه رمزيتها؟
مفيش صورة
لماذا دخلت عالم التدوين من الاساس؟
في الاصل كنت بدخل اعلق علي بعض المدونات وقررت بعدها اني اعمل مدونة ل،مدونتي دي منبري الدعوي الخاص بي وهدفي منها توصيل بعض خواطري وافكاري ومحاولة لمعالجة اخطاء اراها امامي
جملة قيلت في وصف مدونتك؟
مش فاكر
التعليقات بالنسبة لك واهميتها؟
مهمة جداااااااااا بالنسبة لي وتمثل لي الكثير والكثير فهي نصح من قرا البوست لي وهي اثراء لمدونتتي وتشريف لها ويفترض من التعليقات ان اعرف بها طباع من يعلق عندي والمفترض ان من يعلق يكمل النقص في موضوعي
احلي بوست كتبته؟
انتحاريون ولكن
من احب البوستات الي قلبي والذي لم يقراه استاذنه يقراه لان هؤلاء الناس كفيلين http://hafedelya3qopy.blogspot.com/2007/09/blog-post_16.htmlبالبكاء عليهم
حد قل ادبه في التعليق ايه رد فعلك؟
لو اختلاف عنيف معايا عادي برد عليه انما لوشتيمة فاخره معايا الريسيكل بن
اسوا مدونة؟।
مدونات الملاحدة والمثيلين ومن علي شاكلتهم
هيحصل ايه لايميلك لما تموت؟
ما عرفش لاني هموت
اديت الباسورد لحد ؟
اه لمحمد صاحب مدونة كش ملك
ايه علاقتك بيه؟
واحد غلبان كنت بمد له يد المساعدةسواء كانت مادية اومعنوية كان جي الكلية ميعرفش اي حاجة وكنت ولله الحمد موكل بتعليمه كيفيية العمل الطلابي في الكلية وفوق ده كله انا عمه وعم عياله
صاحبي في الكلية
اسمك ايه ؟
اسمي الحقيقي محمود
المشهور بيه وسط صحابك؟
لا كتير
كل واحد يعرفني بيناديلي باسم
يعني مثلا
اليعقوبي و عز و نيجر ومحمود
شخصيتك نوعها ايه؟
انا من النوع الهزلي شوية يعني بحب الهزار وحاجة كده عندنا في العيلة اغلبنا دمنا خفيف يعني ابويا عمي وولاد
عمي وخلاني وود خالي اغلبنا بنحب الهزار
ومن الشخصيات الفطرية يعني بعامل الناس بفطرتي وبحاول اني مبعدش عنها ومبزعلش من حد خالص حتي لو ضايقني وجه شوفته ابتسم في وشي يبقي خلاص انتهت ،ومشكلتي اني معنديش صبر وبزهق بسرعة وبعاني من عدم النظام بس هتجاوز الازمة دي ان شاء الله
السفر بالنسبة لك؟
شئ جميل اوي لاني سافرت كتير من وجه بحري للصعيد وقعدت كتير هناك وتعلمت من طباع البشر اللي هنا وهناك
ودنيا بنشوفها وسياحة في الارض وضحك لما بروح الصعيد لانهم اخف دم بشر ممكن تقعد معاهم وهبقي انزل بوست عنهم ان شاء الله
المود بتاعك؟
حماسي وعايز ادغدغ اي حاجة ومبتسم علي طول مع صحابي لما بجي البيت علي حسب مزاجهم هما بكون
الصفات اللي اخدتها من بابا؟
اللون فانا اسمر زيه
النسيان فابويا بينسي علي طول ومبيشيليش لحد
انا عندي مبدا ان كل واحد منا هو جزء من ابوه وامه في كل شئ حتي صفاتنا بس انت بتحاول تحاول تخيليها صفات ايجابية شوية
الصفات اللي اخدتها من ماما؟
امي ما ربتنيش ستي هي اللي ربتني وخدت منها حته التعامل مع الناس ومع الله بفطرة وبدون تكلف
اكتر ست حاجات بتكرهها؟
الكفر
المعصية
الشيطان
الظلم
الافترا علي مخاليق ربنا
الست المترجلة والراجل اللي مش راجل
يعني من الاخر البشر الدبل فيس
اكثر ست حاجات بتحبها؟
الله ورسوله
دعوة ربنا
الشهادة في سبيل الله
مريم بنت خالتي (تحت السن)ا
العيال الصغيرة اللي دمها خفيف وبتناغش معاك فلو عيل
المكرونة البشاميل والاكل عموما
الشخصية اللي هتجوزها بعد كده رغم اني ماعرفهاش
الانترنت بالنسبة لك؟
شئ جميل وقاعد عليه وقت كتير بس مقطع يعني في اليوم حوالي ساعاتين مقطعين وسكينة ممكن تقطع بها الاكل وممكن تقتل بها
هتمرره لمين؟
لبابا وماما وعمو بالهرم وعمتي بمدينة نصر ولستي في تربتها
اي حد ما جاوبش علي التاج ده قبل كده يجاوب عليه ماشي
والسلام اخوكم
اليعقوبي

هناك 29 تعليقًا:

احمد الجيزاوى يقول...

التاج ممتاز وفعلا هو مناسب مع العيد
كل عام وانت بخير
وعيد سعيد عليك وعلي الاسره جميعا
وربنا يجعلك من المقبولين في رمضان ومن الذين أعتقوا في هذا الشهر العظيم
احمد الجيزاوى

Coca يقول...

اولا كل سنه وحضرتك طيب وعيد مبارك انشاء الله
ثانيا زي ما حضرتك قولت احلي ما في التاج انك بتعرف الشخص اللي ادامك
ثانيا كل دي اسماء بيندهوك بيها انا كنت فاكره ان اسم حضرتك عز فعلا بس كل الاسماء اللي معناها حلو جميله
طيب انا هقول استاذ عز برضو تمام كدا؟

الفاتح اليعقوبي يقول...

استاذ احمد الجيزاوي
ربنا يكرمك يااستاذي ويثبتك ويقبلك ان شاء الله
وكل عام وانت بصحة وعافية يارب
والسلام

الفاتح اليعقوبي يقول...

استاذة كوكا
ربنا يكرم حضرتك وانت بصحة وعافية والي الله اقرب

التعارف شئ جميل جدا ومعرفة الاخرين شئ مفيد بوجه عام في الامور الحياتية

كل دي اسماء بيندهولي بها
بس خير الحمد الله كل واحد بيقول اللي يريحه
وكل عام وانت بخير
والسلام

دعوة الفردوس يقول...

كل سنة وحضرتك طيب
وربنا يثبتك يارب
و يرحم جدتك
لاني حسيت انها كانت شخصية من الشخصيات اللي بحبها جدا
انا عندي تيتة مامة مامتي برده على فطرتها و طيبة جدااااااااااا
على فكرة يعني
كانت مسيحية واسلمت
وهربت مع جوزها اللي هو جدي لانه كان مسيحي هو كمان واسلم
و هربوا بقى من اهلهم و حاجات من دي
بجد دي اجمل حاجه فيها

الفاتح اليعقوبي يقول...

استاذة دعوة الفردوس
كل سنة وحضرتك طيبة وبصحة وعافية
ستي دي ربنا يرحمها كنت عامل بوست عنها واللي تعلمته منها
http://hafedelya3qopy.blogspot.com/2007/08/blog-post_2542.html

انا محتاجين فطرة سليمة حتي لانضل

وايه حكاية جد حضرتك وستك الاجات دي اقدار من عند الله عز وجل ربنا ياجرهم ويثبتهم يارب
عايز اعرف القصة ممكن حضرتك تنزليها في بوست لان الناس اللي بتكون علي دين غير دين الاسلام وبتسلم بيكون ليهم اثر قوي في النفوس
والسلام

صانعة الحرية يقول...

السلام عليكم
ما شاء الله على ردود حضرتك
كان فى فيها جديه وايضا فيها مزاح
غجبنى رد حضرتك على
1-ايميلك هيحصله ايه لما تموت
2-اخدت ايه من ماما
3- تهديه لمين
4-الحاجات اللى بتحبها وتكرهها
5- علاقة حضرتك بالاخ "كش ملك"ضحكتنى كتير
بصراحه البوست كله رائع ما شاء الله
بس يا ريت حضرتك توصى على الايميل
اكتب احاديث ومعلوماتت واعطيها للاخ اللى معاه الباسورد ووصيه اذا جاءت مصيبة الموت يعرف كل اللى على الايميل ويطلب منهم الدعاء بالرحمه
كل اسبوع مثلا يبعتلهم حديث او حاجه بحيث تبقى صدقه
يعنى
وربنا يطول عمر حضرتك فى طاعته يارب
وكل عيد حضرتك لله طائع ولنبيه تابع ولراية الاسلام والتوحيد رافع

رفقة عمر يقول...

كل سنه وحضرتك طيب
عيد سعيد
تقبل الله منك صالح الاعمال اللهم امين

خالد - كلام من القلب يقول...

حبيب وروح قلبى اللى بحبه جداً
وعمي كمان يلا عيد وكلام من ده بقى
.
التاج ده يمكن انا عارف ايجاباته كويس
لكن اللى كل نفسى اقوله لعز

ان بجد اللى عرفه كل اللى عرفه

فخور جداً بانه عرفه

وسعيد بذلك
الله يبارك فيك ويكرمك

والعيد القادم ان شاء الله تبقى هناك فى ......

عمرو المصري يقول...

كل عام وانتم بخير

تقبل الله منا ومنك

هدية المحارب للمجاهدين في العيد

تجدونها فقط

في

ارض الحرب

في انتظاركم هناك

كرم مسلم يقول...

السلام عليكم

كل عام وأنتم بخير

تقبل الله منا ومنكم

الفاتح اليعقوبي يقول...

استاذة صانعة الحرية
جزاك الله خيرا يااستاذة وربنا يكرم حضرتك
باذن الله هادي الباسورد بتاعي لاحد اخواني بتاع المدونة بحيث اني بعد مااموت يبقي يضع فيها احاديث وخواطر

والف شكر علي النصيحة وربنا يتقبل من حضرتك
وسعدت بزيارة حضرتك
والسلام

الفاتح اليعقوبي يقول...

استاذة رفقة عمر
كل عام وحضرتك بخير وبصحة وعافية
وربنا يتقبل
وسعيد بزيارة حضرتك لمدونتي

والسلام

الفاتح اليعقوبي يقول...

خالد حبيب قلبي
ربنا يكرمك ياجميل والله والله والله يااخي اني لاحبك في الله

اللهم اجعلني افضل مما يظنون واستر عنهم مالا يعلمون
والسلام

الفاتح اليعقوبي يقول...

عمرو المصري
كل عام وانت بخير
رحت وشفت ولازم كل المدونين يروحوا ويشوفوا
والسلام

الفاتح اليعقوبي يقول...

كرم مسلم
كل عام وانت بخير وبصحة وعافية وربنا يتقبل من حضرتك
وسعدت بزيارتك لمدونتي
والسلام

شقاوة شعب يقول...

كل سنة وانتوا طيبين

كل سنة وانتوا معييدين وفرحانين وواخدين عيدية كبييييرة

Unknown يقول...

كل سنه و انت طيب و بتدون و انا ادخل اعارضك

انا كمان كنت فاكره اسمك عز
بس انا فعلا معجبه بالتاج و بين شخصيتك و المرح الي فيها

انا بحترم فيك انك مش واخد الدين تاكشيره و كل حاجه حرام

بس كل ده مايمنعش اني زعلانه منك و انا باقول عليك كريم

فين العيديه يا راجل و لا حتي تفتكرني بطبق كحك بلاش علبه

اسلام ابوغزاله - مدونة ليه بس ؟ يقول...

رائع يا عز وربنا يكرمك

وكل سنة وانت طيب يا حبيبي

مدونه يلا نفضحهم يقول...

اول تجمع حقيقى للمدونين
لاول مرة بالاسكندرية
ملتفى الدفاع عن سجناء الرأى وحقوق الانسان
الخميس القادم الساعة الخامسة مساءا بنادى المحامين بجليم

محمد عبد الرحمن يقول...

كل عام وأنت بخير وطيب
إجاباتك دى تخلينى أكمل رسم شخصيتك فى خيالى
موضوع غرف الشات سهل جدا أضفنى عندك عاهوت ميل والياهوونتلاقى بإذن الله ونظبط الموضوع
salahuldin1@hotmail.com
salahuldin1@yahoo.co.uk
طبعا يشرفنى إنك تضيفنى لقائمتك لكن برضه بدون إحراجبك
سلامى للأسرة الكريمة

الفاتح اليعقوبي يقول...

شقلوة شعب
وحضرتك بخير وبصحة وعافية
امييييييييين

والسلام

الفاتح اليعقوبي يقول...

استاذة ايمي
كل سنة وانا طيب وحضرتك تدخلي تعرضي وارد حضرتك بخفي حنين لم تاخذي شئ من معارضتي فتعلمي شئ يااخت ايمي لاتجادلي ولاتناقشي يااخت ايمي قولي سمعنا واطعنا

بهزر طبعا
لي الشرف ان يعارضني اي احد يدخل المدونة بس بمنطق وهذا عهدي بحضرتك انت واستاذة كوكا

الدين ليس تكشير ابدا
سئل سيدنا عبد الله بن مسعود اكان يضحك رسول الله عليه الصلاة والسلام
فقال كان يضحك ويضحك ويضحك ولكنه كان لايقول الا صدقا عليه افضل الصلاة والتسليم
فيها ايه لما اضحك فلم ينص الدين ان الاسنان عورة ويجب ان تختفي خلف التكشيرة
بس كل حاجة ولها وقتها وميعادها ولها ادابها

عيدية ايه اللي حضرتك بتكلمي عنها الم تعلمي انها ادي البدع اليت استحدثت علينا
مينفعش
والسلام

الفاتح اليعقوبي يقول...

عمي ابو غزالة
كل عام وانت بخير اشوفك يوم الثلاثاء ياحبي متنساش
اني احبك في الله
والسلام

الفاتح اليعقوبي يقول...

تجمع المدونين
ربنا ييسر ان شاء الله ويوفقكم
والسلام

الفاتح اليعقوبي يقول...

استاذي محمد
ربنا يكرمك سااشتاذي ويلرب تكون الشخصية اكتملت في مخيلتك

وجزاك الله كل الخير
وكل عام وانت بصحة وعافية
والسلام

جمعاوى يقول...

معذرة يا ريس جيت متأخر بس النت مبهدلنى و الله
ع العموم إجابتك جامدة أوى

بالمناسبة مريم مرتبطة ؟
و يا عم أنا بعت لك الميل بتاعى و كمان رقم الموبايل يا تتصل يا إما تبعت كلمى شكرا و انا ح أبقى إتصل بيك ...شكلك فاهمنى

الفاتح اليعقوبي يقول...

عمي جمعاوي قلقت عليك انت فين ياريس
ربنا يكرمك
بس الحمد انك بخير وربنا يقوملك النت بالسلامة

مريم حبيبة قلبي مرتبطة انت بتهرج ولا بتنشن يااخ جمعاوي قولي انا زي اخوك ليك عليا لما يبقي عندها سنة ابقي اكلمك ابوها انما قبل كده مينفعش

فين ياجميل انت بعت الرسالة علي الجي ميل مفهوش حاجة
انا لسه خارج من عليه دلوقت
المشكلة اني معرفش الميل بتاعك والبروفايل عندي مبيفتحش اسم الميل بتاعك مستني رسالتك ياجميل
علي العموم
ده بتاع الهوت ميل
elya3qopy@hotmail.com
والسلام

Omar Elgarhy يقول...

عم الحاج

انا ضيفتك

اخر ميل انت حطيته فى الرد اللى قبلى ضيفته عندى على المازنجر

يا تأكسبت .. يا تتصرف علشان عايزك على الماسنجر
حالا

ساندوا اخوانكم في القوقاز

ممدونات مهمة للغاية

المدونات دي لازم تعدوا عليها وساندوا اصحابها جزاهم الله خيرا

مدونة ارض الحرب جزا الله صاحبها خيرا

كلنا مقاومة

مدونة اولادنا امانة (كيف نربي الاجيال القادمة)

نشقي ليعز ديننا وتسعد امتنا

نشقي ليعز ديننا وتسعد امتنا

جماعة قاداتها شهداء منصورة باذن الله

جماعة قاداتها شهداء منصورة باذن الله

About Me

صورتي
اليعقوبي احد الفاتحين القادمين باذن الله واتمني انا ذلك كل مااسال الله عليه ان يثبتني علي دينه وعلي طريقه والااضل عنه وان يرضي عني

لغتي الجميلة هويتي واصلي وديني

لغتي الجميلة هويتي واصلي وديني

اللهم ارحم اخي علاء رحمة واسعة

اللهم ارحم  اخي علاء رحمة واسعة

اللهم ارحم اخانا رحمة واسعة واجمعنا به في مستقر رحمتك

اللهم ارحم اخانا رحمة واسعة واجمعنا به في مستقر رحمتك
نسالكم الدعاء لاخانا