الحمد لله الذي تتم بنعمه الصالحات

قدر الله سبحانه وتعالي ان ادخل الجيش اسالكم الدعاء

واعذروني الكام شهر الجايين دول بقي عشان الظروف اللي انتم عارفينها

واسف علي تقصيري في الفترة الماضية والقادمة

فاللهم لك الحمد كما ينبغي لجلال وجهك وعظيم سلطانك

والسلام

ذكريات في الجامعة 2

وأوضح شئ بسيط قابلت احد اخواني من الذين قرأوا البوست واقنعني بوجهة نظره ولم اكن مقتنع من قبل ولكن اخي جزاه الله عني خيرا اوضح لي وجهة النظر واقتنعت بها فعلا ولعله خير

...............................................
نرجع تاني

وقفنا في المرة الماضية عند اخر السنة الثانية ونجحت ولله الحمد ودخلت اجازة السنة الثالثة وحدث امر هز الامة الاسلامية كلها ألا وهو احتلال وضرب لبنان ونتذكر جميعا الاحداث المصاحبة له وتفاعلت الجماعة كلها مع الحدث ونتذكر بالطبع المؤتمر الجماهيري الحاشد في نقابة المحامين الذي حضره المرشد وقال وقتها انه علي ستعداد لارسال عشرة الالاف من الاخوان الي الاراضي اللبنانية

وبدل من يشكر له فعله خرجت اذناب الشر لتهاجم هذا الفعل الحميد وقالت معني هذا انكم لديكم جيش وانكم لديكم قوات مسلحة

وخرجت امرأة اعتقد انها اصيبت بلوثة عقلية تدعي فريدة النقاش لو تعرفونها وهي عضوة في حزب الفساد العقدي المسمي بالتجمع لاجمعهم الله

وقالت في احد الجرائد الاخوان مطالبون بان يكشفوا لنا عن الجيش الذي يمولونه ويخبئونه والحقيقة يااخواني

الاخوان بالفعل لديهم جيش!!!!!!!!!!!ا

اتستغربون ؟؟؟؟

لاتستغربوا

وهذا اعتراف مني كاحد الاخوان بقوة هذا الجيش وساقول لكم مما يتكون واين يختبيئ

الجيش اولا يتكون من

عدد 5انسان آلي منهم واحد تحت كوبري قصر النيل واربعة علي شكل اسود فوق الكوبري وهذه الالات علي اتم الاستعداد للاغارة علي الكرة الارضية كلها وليس مصر

وأول من ستهاجم هذه الالات ستهاجم مقر حزب التجمع حتي يكونوا عبرة لمن يعتبر

!!!!!!!!!!!!!!!!!!!
هؤلاء أناس بطونهم فارغة وتظفرت بما يقولون فخرجت تلك القاذورات من افواهم هم في الاصل ليس لديهم فكر ولا اي شئ يقدموه للناس اللهم الا الادعاء والافتراء علي الاخرين وتقليب الحكومات عليهم

واترككم مع رد الاستاذ محمد مهدي عاكف مرشد جماعة الاخوان المسلمين حفظه الله وثبت خطاه هو ومن عمل لهذا الدين وكان رد مفحم وبسيط فعندما سأل من اين ستاتي بعشرة الالاف جندي يحتاجون الي تدريب في الاصل كي يحاربوا فرد قائلا :(اليس شباب الاخوان من الشعب والم يقدموا الخدمة العسكرية في الجيش وتردبوا علي السلاح وعلي حمله وتدربوا تدريبات عسكرية أنا ساتي بهؤلاء )رد منطقي وعقلي

نرجع تاني

وعملنا وقتها مسيرة ومؤتمر في الاجازة ولم نجد عساكر الامن المركزي ولم نجد احد ورغم هذا لم نعطل لا طريق ولم نؤذي احد وهذه اخلاقنا ولكن اذا تعرض احد لنا فلنا حق الدفع عن انفسنا ولا يلومنا احد في هذا وهذا يكون في وقتها فلا مكان للانتقام والثار

ودخلت السنة الثالثة وكانت من اجمل سنين حياتي بالفعل وبدأ عمل في الكلية وكان الحملة في هذه السنة (قاوم تكون)ونزلت اغنية لها بنفس الاسم وكانت حملة رائعة ومناسبة للظروف المحيطة بنا في ذاك الوقت فلبنان تضرب ودخلت الدراسة مع رمضان فكان لزاما المقاومة

مقاومة النفس والظروف والفساد ومن ثم مقاومة الاعداء

وبدأنا بالفعل حملة جميلة ألا وهي شنطة رمضان وجمعنا نقود من الطلبة وتعاونت الطلبة معنا كثيرا وعملناها بالفعل فاتهمتنا ادارة الكلية باننا نلم تبرعات واخذنا تلك النقود لحسابنا للصرف علي انشطتنا

ويعلم الله انهم لكاذبون وكفي به شهيدا والطلبة بالطبع لم تصدق كلامهم وهم يعلمونهم ويعرفوننا باخلاقنا ولله الفضل والحمد من قبل ومن بعد

نقطة ومن أول السطر

...........................................................

انتخابات اتحاد الطلبة

في ظل التقدم السياسي الذي كانت تحققه الجماعة علي المستوي السياسي والاجتماعي وعلي المستوي الاعلامي وكان هذا علي المستوي السياسي الخارجي وكان هذا متمثلا في الفوز ب88كرسي في مجلس الشعب والانتشار الاعلامي الملحوظ علي القنوات الفضائية فكل الناس تتكلم عن الاخوان سواء بالسلب او بالايجاب وهذا مطلوب فالذي يتحدث بالسلب في يوم من الايام سيقرأ ويعرف من هم الاخوان

فكان واجبا إكمال تلك المسيرة وكانت انتخابات الاتحادات الطلابية هي المعترك القادم بين الاخوان وبين النظام الفاسد

وطبعا تختلف كثيرا بين ان تكون انتجابات اتحاد الطلاب بين ايدي امينة وبين ايدي اناس لاتحترم حريات الطلبة وافكارهم

فاتحاد الطلاب هو الذي يمثل الطلاب عند ادارة الكلية ويعرض مشاكل الطلبة الحقيقية علي الادارة

فليست كل مشاكل الطلبة رحلات وفسح وحفلات

فهناك المصاريف التي تزيد من عام الي اخر

وهناك النظم التعليمية التي كانت تدرس ايام السلطان قلاوون رحمه الله

وهناك اساتذة متعسفون ضد الطلبة

وهناك دورات تثقيفية وسياسية يجب ان يعلمها الطلبة ليعرفوا حقوقهم في هذ البلاد ودورهم اتجاهها

ولكن التزوير واللعب في الصناديق هو جزاء كل من حاول ان يغيير

ولو تركوا انتجابات الاتحادات الطلابية لاكتسحها طلاب الاخوان وبلا منازع لان الطلبة لاتري في المدرجات غيرنا ووجدتنا بين اظهرها وجدتنا اصدقاء لهم واصحاب لهم

وعلي قدر مااستطعنا حاولنا ان نخدمهم ونؤدي اليهم خدمات ونوصل اليهم فكر

وسأسرد الانتخابات الطلابية في اكثر من جامعة

اولا جامعة القاهرة

كانت بالنسبة لنا حياة او موت في هذه السنة ودخلناها بكل قوة واعددنا لها عدتها وتقدم اخواننا لها وتم التعسف الاداري الذي قتل البلد

ففي بعض الكليات فتحت شبابيك شئون الطلاب في الساعة الحادية عشرة واغلقت ابوابها في وجه الطلبة مبكرا ولم يستطع احد استكمال الاجراءات فهناك تعسف غير طبيعي فاخواننا استوفوا جميع الاوراق المطلوبة ورغم هذا قابلوا تعنت من قبل ادارة الكلية

والاغرب من هذا امران

1ان اتحاد الطلبة السابق قد استوفي اوراقه كلها قبل كل الطلبة وخرجت لهم الاوراق قبل كل الناس بالرغم من انهم لم يقفوا وسط الطلبة في التقديم

2المفاجأة الكبري كانت في الاعلان المفاجئ عن فتح الترشح للانتخابات والاعلان عن غلقه بعدها بيوم وبالطبع هذا كان من اجل التعجيز فكيف ستتم اجراءات الورق في اقل من سويعات لاتتعدي الثلاث ساعات وهي مدة فتح شئون الطلبة

ولكن رغم هذا ترشح اخواننا ونزلوا بقائمة للطلبة

وابتدئت الوقفات الاحتجاجية امام ادارات الكليات ونزل طلاب الاخوان في القوائم الابتدائية

وجاء وقت القوائم النهائية

وقبل هذا استعددنا استعداد قوي لهذا الحدث فكان هناك اعتصام مفتوح وبيات دخل اسوار الجامعة

وكان هناك عدد محدد من اخواننا يجب ان يكونوا موجودين في ذلك الاعتصام وان قل هذا العدد عما هو مخطط له فقد يلغي اليوم

وجاء اليوم الموعود

وهذا يوم من اقوي الايام التي مررت بها في الجامعة اطلاقا

وكان كل اخ مستعد استعداد نفسي قوي للغاية انه قاعد في الجامعة لحد ماالقوائم النهائية تنزل وممكن تتم اعتقلات وسطنا وكل اخ كان مستعد

فجنودهم لاتخيفنا وعصيهم لاترهبنا

فنحن اصحاب حق واصحاب عقيدة ومهما اجمعوا امرهم فنحن نثق ان الله بجانبنا ولن يضيعنا ابدا فنحن نتحرك لتمكين دينه ولاخذ حقوقنا التي تسلب منا كل عام

وكان المتفق عليه ان يتم التكبير(أي بداية المسيرة) داخل الجامعة الساعة الثانية الا ربع فينضم طلاب الاخوان من خارج الحرم الي اخوانهم في الحرم

وظهرت نوايا ادارة الجامعة الخبيثة مبكرا وكان هذا عن طريق جحافل الامن المركزي التي احاطط بالجامعة مبكرا وابواب الجامعة التي اغلقت في وجه الطلبة

وكنا مستعدين بان نحقن قفل الباب بماء النار ان كان مغلقا وبالفعل تم التكبير وجري طلاب الاخوان من خارج الحرم الي ابواب الجامعة كما كان متفق عليه وبدأ الضرب في اخواننا في الخارج لقد كان عددهم صغيرا والامن كان متواجد بكثرة في الخارج واخوانهم بالداخل لا يستطيعون نجدتهم فقد حالت الاسوار بيننا وبينهم

وحقن قفل الباب ولم يكسر القفل كما يفترض ان يحدث

فأخذنا نرج الباب علي امل ان يكسر القفل ولم يكسر القفل ولكن كسر باب الجامعة وخرجنا في ساحة الجامعة في الخارج

ولي تعليق قد يقول قائل كيف تخربون المال العام وتكسرون باب الجامعة وقد اثارت هذا الموقف الراي العام وقتها

ولكن

كان من الاوجب السؤال

لما اغلقت ابواب الجامعة بالكامل في وجه الطلبة

من اين اتي حوالي 40عربة امن مركزي ولمن جاءت تلك العربات

لليهود

ام للامريكان

ام لمن ؟؟؟؟؟؟؟؟؟؟؟؟؟

اهناك احتلال فضائي للجامعة حتي ياتي كل هؤلاء

فالنوايا الخبيثة تفضحها الافعال

وكيف يكون شعور طلبة يرون اخوانهم في الخارج يضربون من اكثر من 700او 800عسكري امن مركزي

كان من الاولي لنا ان نقدم لهم وردة جميلة ونقول لهم شكرا انكم شطبتمونا من الانتخابات الطلابية

المطلوب منا ان نصمت ونحن نري حقنا نحرم منه منذ اكثر من احد عشر عاما

ماالمطلوب من المظلوم الا ان يدفع عن نفسه

ورغم هذا والله شهيد اننا لم نقصد كسر الباب ولكن كنا نقصد كسر القفل ليدخل لنا اخواننا ونحميهم من بطش كلاب الامن المركزي

ولكن قدر الله وماشاء فعل

ودخل اخواننا الذين في الخارج لنا واكملنا اليوم في الداخل وبعث بعدها رئيس الجامعة عمالا ليصلحوا باب الجامعة لحموه في ساعتها

وهدأت الاجواء بعدما توترت في البداية

حتي اننا كنا نقف امام ظباط الامن المركزي فجاء طعام للعساكر فقدموا لنا بسكويت وعصير وكان ده مع الاخوة اللي واقفة عند الباب وباقي الاخوة كانوا امام القبة في الاعتصام

في هذا اليوم هذا الباب كان خطا احمر بالنسبة لاخوانا ولايصح ان يكون في يد الامن لان هذا الباب قد يكون هو المخرج الوحيد للجامعة ان قدر الله وبتنا فيها فليس من العقل تركه في يد الامن فترك عليه عدد من الاخوة لحمايته

ومر اليوم ودخل الليل بعد العشاء اعتقد

توالت الاخبار بشطب كل الطلاب المترشحين للانتخابات الطلابية سواء من الاخوان او اي طلبة او طلبة اشتراكيين في كل الكليات ماعدا كلية الحقوق تركوا بعض المرشحين من طلاب الاخوان وشطبوا البعض اللي هما اساسا مشهورين ومعروفين في الكلية وفي كلية حاسبات اعتقد لم يشطبوا احد اما الباقي لم يتبقي الا الخمس واربعون طالب وطالبة ممن زكاهم ووضع اسمائهم امن الدولة حيث لاامن ولا دولة وهذا في كل الكليات

واشتعل الموقف

وتقرر نقل الاعتصام الي خارج باب الجامعة

والامن تحفز بشدة و سمعنا وقتها ان في عربيات امن مركزي جديدة جاءت

وللاسف خرج عدد ضئيل جداا من اخواننا حوالي سبعين اخ اللي قدروا يخرجوا

جري اخواننا نحو باب الجامعة الصغير الي الخارج فجري عساكر الامن المركزي والضباط نحو الباب وسدوه تماما وحاول بعض اخواننا القفز من علي السور لينضموا الي اخوانهم فلم يستطيعوا لان الامن اوقف العساكر علي السور فبقي في الخارج حوالي 70او80اخ وحواليهم مالايقل عن 400او300عسكري

عساكر كتيرة جداااااا في اليوم ده وفعلا اللي ظهر لنا ان العساكر دول بيضربوا في اخواننا لانهم احاطوا باخواني في الخارج وواضح انه حصل احتكاك وبدا الضرب فالناس اللي جوة ثاروا وكانوا بالفعل طلعين برة بس الاخ اللي كان موجود وقتها هدأ الناس

لان بمنتهي البساطة لو اللي جوة الحرم خرجوا لاخوانهم برة طبيعي انهم هايحتكوا بالعساكر وكانت هاتبقي مجزرة وقتها

العساكر كتيرة

واخوانا مشحونين حقهم بيتاخد ادام عينيهم

فكانت هاتبقي مشكلة كبيرة لو قرر طلاب الاخوان بالعدد الموجود وقتها الخروج كانت هاتبقي ازمة صعبة اوي

وحصل موقف لن انساه

واد مخبر دخل من وسط العساكر (طبعا هما قافلين ابواب الجامعة كلها مانعين ان حد يدخل ولا يخرج من الجامعة)واخ قفشه يانهار ازرق علي الضرب اللي كله

طبعا هو مخبر بجح عدي من وسط عساكر الامن ووقف وسطنا فاكرنا مش عارفين بعض

وبس كل ضرب ماكلوش طول عمره

كل ايه ده كل وشرب وشم وشاف

مخبر غبي

واللي بعتينه أغبي منه

ووقتها فعلا الدنيا ولعت قلنا اننا مش ماشين ولازم اخوانا اللي بره يرجعوا تاني وسطنا او نخرجلهم والكلام ده كان شعور اخواني اللي جوة الحرم

وجاءت بعض الدكاترة

مثل دكتورة ليلي سويف ودكتور مجدي قرقر ودكتور مدحت عاصم وطلعوا للدكتور علي عبدالرحمن عشان يهدوا الدنيا عشان الطلبة اللي برة دول ميحصلهمش حاجة

واعتقد وقتها نزلت رتبة كبيرة اوي في المحافظة عشان تشوف اللي بيحصل والاخ اللي كان بيتفاوض معاهم وقتها فعلا ربنا يجازيه خير ويكون في عونه طالب جامعي بيكلم رتب ويتفاوض معاها راس براس اقل رتبة فيهم لواء

بس دول يخوفوا اللي بيخافوا

يخاوفوا الحرامية والنصابين وقتالين القتلة

انما احنا ولله الحمد لاهما ولا اللي اتخن منهم احنا اصحاب حق والناس دي بتساند اللي سلبوا منا حقنا

ومن الاخر ياخوانا الامن المركزي والشرطة هم شريك رئيسي وفاعل في خراب تلك البلاد

يقول تعالي :(إن فرعون وهامان وجنودهما كانوا خاطئين)يااخواني فرعون وهامان فقط محرضين وامرين علي الفساد ولاقوة لهم الا بجنودهما

فكلهم واحد

اللي بيامر بالسحل لمواطينه ومعارضيه من اهل بلده ومن سحل وقام بهذا الفعل المشين

واخوانا قالوا نروح عند القبة فرحنا هناك فتكلم الاخ وقتها وقال اننا نمشي ونخرج بشكل منظم

وهاج وقتها اخوانا ازاي نمشي

ازاي نسيب حقنا

كل واحد كان جي اليوم ده عامل حسابه علي بيات وعامل حسابه انه ممكن ميرجعش بيته

احنا قاعدين ومبلطين في الجامعة لان الاعتصام مفتوح

بس الضغط كان اقوي مننا

لان اللي سمعته ان الناس اللي طلعت بره دي لو احنا كلنا ممشيناش

الناس دي كانت هاتتسحل برة وتتاخد رحلة علي المقطم يكسروا حجارة وطوب هناك ويعبوا الهوا في زجاجات

فطبعا مينفعش نساوم علي اخوانا

فرقم واحد بالنسبة لنا هو الاخ وليس نجاح العمل

فرقم واحد هو سلامة كل من معنا وامنهم وحريتهم لان هؤلاء بمنتهي البساطة

يحملون شغلا دعويا في مناطقهم وفي الجامعة فاذا اعتقلوا من سيقوم بعملهم لدعوي هذا

ناهيك عن انهم طلبة ويفترض ان يدخلوا امتحانات

ولكن لعله خير

وانفض اليوم

اسال الله ان يتقبل

هذا يوم من اقوي الايام التي عشتها في جامعة القاهرة وكان له تبعات علي شخصيا

نكمل المرة الجاية

بس شوفوا الفيديو ده

شوفوا عدد العساكر اللي كانوا حوالين المسلة

اعتقد ان كان في يهود ولا انجليز جوة الجامعة عشان يحاوطوها كده

اسيبكم مع الفيديو هو يحكي

والسلام

اليعقوبي

فضفضة عشان الواحد ميتخنقش

أولا بعتذر لكل من علق علي بوستات ذكريات الجامعة 2و3أنا مسحتها لان بعض اخواني في الجامعة كلموني وقالوا لي أن هناك بعض الكلام الذي لايصح أن ينشر

لم اقتنع بالكلام وعندي إجابة لكل كلمة

ولكن أخوتنا وحبنا في الله قبل كل شئ ومسحت البوستات لكي لايكون في القلوب شئ

................................................

وبعتذر تاني لتقصيري في التعليقات الفترة الماضية ولكن هذا بسبب السحل الذي تعرضت له وسوف يتعرض له أي شاب مصري يحاول أن يدفع ضريبة خدمة الوطن (الجيش سابقا)وطبعا لااخفيكم سرا كم فرحت بمصر وكم فرحت بما رأيت من تسهيل في الاجراءات واستخراج المستندات المطلوبة وكيف أنهم يسهلون كل شئ عليك

وأجمل مافي الموضوع مثلا لما تروح الكلية عشان تجيب ال6جند ويقولك دي ضاعت وروح واحدة تانية

تيييييييييييييييييييت

حذفت للرقابة

طبعا بتنسي كل حاجة وتروح الرماية عشان تخرج ال6جند وتجد تعاون غير مسبوق من رجال الجيش المصري

وكل حياتك كوم واليوم المهبب اللي بتروح تكشف فيه ده كوم تاني

يعني أنا مثلا رحت الساعة الثامنة صباحا كأي مواطن ملتزم وقدمت ورقي وفضلت قاعد مستني علي دكة رخام من غير ضهر واللي حرق دمي

حاجتين

ان في ناس جائت الساعة العاشرة ومشيت قبلي أنا وكثير من المتقدمين لانهم بيحطوا الورق فوق بعضه مش بالترتيب يعني جيت بدري تمشي متاخر وعشوائية وحاجة تغم

الشباب اللي زي العسل اللي حاجتهم خلصت بسرعة بسبب الوسايط وكان في واحد معرفتنا كان ممكن يريحني من الهم ده كله ويخلص القصة معي هناك واخلص زي ماالشباب دول خلصوا

بس أخوكم عمل فيها الشاب المناضل الشاعر بهموم شعبه واهله ورفضت وأبت علي نفسي أن آتي بواسطة أني لي هذا ازاي اتجاوز من قدموا من قبلي ولان مش كل الناس عندها واسطة فرفضت أني أجيب الواسطة اللي تبعنا وقلت لالالالا ده حرااااااام وغلط

وبس

طبعا كل هذا الكلام كان قبل التقديم

أما بعد التقديم معنديش لكم إلآ كلمة واحدة

انسي

الللي تعرف تجيبه جيبه دي بلد زي ......العسل طبعا

...............................................

أي حاجة بكتبها في المدونة فهي تعبر بالاصل عن دماغي وفكري الشخصي ولست امثل اي كيان أو جماعة وهذا فيما يخص بالطبع الاراء ووجهات النظر وليس الاخلاق فكل واحد من الاخوان يمثل الاخوان اخلاقيا

..............................................

أجمل مافي الاخوان التنويع اللي فيهم وان كل واحد واحد منهم في الغالب ليه دماغه وده بيثري الجماعة ولو اصبحوا قوالب واحد لخروا ووقعوا منذ من بعيد فهذا يحكي وهذا يربي وهذا سياسي وهذا اجتماعي وهذا ثورجي وهذا شيخ ....وهكذا

..............................................

أنا أحب اخواني وبلادي (أعني بها امتنا جمعاء) وأهلي و المكان الذي اسكن به وأحببت العمل في الجامعة

وبحب كوكي (القطة بتاعتنا)وبحب حاجتي جدااا وممكن أزعل وأضايق نفسيا لو حاجة من حاجتي القديمة ضاعت

بس كل ده ليس بأحب إلي من ربي ومن رسول ربي عليه افضل الصلاة وأتم التسليم

أشهدكم أني أحب ربي ورسول ربي صلي الله عليه وسلم

..............................................

حاجات بتخنقني بعض الاوقات منها علي سبيل المثال لا الحصر :_ا

لما بتحصل مسيرة كبيرة جداا كمسيرة غزة في وسط البلد واتاخد من وسط المسيرة 2000أخ ازاي دي بقي معرفش ليه، كانوا بيلموا كتاكيت والباقين كانوا فين وازاي اخ يشوف اخوه بيتاخد امامه وسكت كده وازاي يحطوا مثلا 30اخ مثلا جوة عربية والاخوة متعرفش تطلع منهم مش عارف والله لازم نبقي منظمين اكتر من كده في الاعمال الكبيرة وزي ماالامن له خطوط حمرء أحنا كمان عندنا خطوط حمراء مينفعش الامن يتجاوز فيها

بعض الاوقات بتخنق من بعض الاسلاميين من الذين لاتعرف هويتهم هل هم اسلاميين أم علمانين

أكره التشدد وعدم التدرج لان ليس كل الناس تستطيع فعل هذ ا

أكره قلة الادب من اي شخص

...............................................

كنت رايح لخالي وأنا راكب مكروباص فقعدت ورا وشوية سمعت صوت اغاني من قبيل (ما طلع وتولع ولا أنت بن لذينا ما طلع وتحشش ولا احنا في بنزينا ) وأغاني من هذا القبيل وكل شوية اغنية تشتغل اسخم من اللي قبلها

طبعا ده متوقع من سواقين الميكروباصات ولكن الغريب اني دققت والقيت سمعي فإذا ببنت تسمع هذه الاغاني بصوت عالي في موبايلها

أنا قلت يالهوي إيه اللي حصل فينا مينفعش اساسا بنت محترمة تقعد تسمع الحاجات دي لوحدها فما بالك انها بتسمعها في وسط ميكروباص يلا خير

الفاتحة علي الحياء

..................................................

بحب الكلمات دي جدااا

قد شدا بالعز شدوا وبذكراه ترنم

ظامئ ليس الي الماء ولا بالشهد يحلم

بل إلي

الموت

إلي الحور

إلي الحضن المنعم

وكفاية كده وابقي اكمل المرة القادمة بوستات الجامعة والمرة القادمة باذن الله سوف تكون عن انتخابات اتحاد الطلبة في 2006وممكن نتكلم عن احداث الازهر لو في وقت

والله المستعان

إني أحبكم في الله

اللهم إني أعوذ أن اشرك بك شئ اعلمه واستغفرك لما لا اعلمه

والسلام

اليعقوبي

ذكريات في الجامعة 1

الان علي عاصفة النار

سبحانه وتعالي عما يشركون

.........................................................................

في اخر يوم في امتحاناتنا السنة دي اخواننا في الدفعات التانية عملوا حفلة بسيطة لاخوانهم بتوع رابعة اللي ان منهم واثناء جلوسي مع اخواني فناداني احد زملائي في المدرج في سنة تالتة بس افترقنا لدخولي ادارة اعمال وهو كمل في محاسبة فوجدته ينادي علي فقمت من وسط الحفلة بتاعة اخواننا وسلمنا علي بعض فقال لي حاجة اسعدتني كثيرا وجدته بيقولي أنا جي ابشرك بحاجة فقلت له ربنا يكرمك ياعم يوسف في ايه ؟؟؟؟

فوجدته بيقولي بشرة بحق فقال لي :أنا جي اقول اني دلوقتي الحمد لله التزمت من فترة والحمد لله حالي اتغير وسيبت شلة البنات اللي كنت معاهم واتعرفت علي ناس كويسة ملتزمة فادعو لي ربنا يثبتنا

والله ياخوانا فرحت وقتها جداااا فرح فعلا قد تعجز كلامتي عن وصفه ويعبر عن وصفي هذا حديث النبي صلي الله عليه وسلم :(لان يهدي الله لك رجلا واحدا خير لك من الدنيا وما فيها او خير لك من حمر النعم او خيرلك مما طلعت عليه الشمس )نرجع تاني ليوسف

فقال لي أنا كنت عايز ابشركم عشان انا كنت بسال نفسي سؤال انتم ليه بتعملوا كده يعني وجعين دماغكوا وممكن الناس تنفضلكوا وانتم ماشاء مكملين

وخلصنا كلامنا وكلمني عن حاله شوية

وسلمت عليه وسلم علي ومشي

معلش انا ابتاديت من الاخر بس ده كان لازم لعله يثير حماس بعض اخوانا واخواتنا الذين يعملون في الجامعة في الدعوة الي الله ان مهما كان تعبهم والاذي اللي قد يتعرضوا له هو في النهاية يؤثر في البعض ولا يذهب سدي

واسال الله ان يتقبل منا جميعا ويرزقنا الاخلاص

فلاش باك

نجيب من الاول وتبتدي ذكرياتي في الجامعة وفي العمل مع طلاب الاخوان الذين شرفني الله بالعمل معهم وشرفني اكثر باني كنت منهم

البداية كانت عند التيرم التاني من سنة تانية كنت قاعد مع استاذي وهو ماشاء الله كان احد طلاب الاخوان في الجامعة وكان من الناس النشطة جدااا وكنت بقوله انا حابب اني اشتغل مع اخوانا في الجامعة وصلني بيهم

فقال لي توصيلك ده ممكن ياخد وقت روح علي طول قلهم انا اخوكم في الله فلان الفلاني وعايز اشتغل معاكم

ففعلا تاني يوم رحت فقالبلت اخواني في المدرج فسبتهم أسف قصدي وقفتهم وقلتهم انا اخوكم في الله فلان الفلاني ومن منطقة كذا وعايز اشتغل معاكم فالاخ خاف( وهو قال لي بعدها انا كنت فكرك مخبر ياعز)وقتها وقال لي طيب انت تعرف مين في منطقتك وسالني علي كام اخ في المنطقة عندي وهو اتاكد اني واحد من الاخوان بعدها والاخ ده بقي واحد من اعز واقرب الناس الي قلبي

وقابلته تاني يوم وطلعت نتيجة التيرم الاول ونجحنا ولله الحمد واتميشنا مع بعض شوية وتعرفنا علي بعض بشكل اكبر وقبل مااكمل كلامي بس انا عايز اوضح الظروف وحال الجامعة في السنة اللي انضميت فيها لاخواني في الجامعة

اولا :دي كانت اول سنة ينزل فيها طلاب التيار الاسلامي باسم طلاب الاخوان المسلمين والكلام في الجامعة اللي كان جي من اخوانننا المسئولين ان اي حد يسالك انت مين تقول له انا فلان الفلاني من طلاب الاخوان المسلمين

ثانيا :دخولي الجامعة كان بعد نجاح 88عضو من الاخوان في مجلس الشعب فكان ده دافع اننا نكمل بشكل اقوي ونستغل الفرصة دي والدنيا كانت سخنة والاحداث متلاحقة واستكملت باكتساح حماس للانتخابات

ثالثا :نظام الحملات والنظام ده اتطبق قبل دخولي بسنة وكان حملة يلا نحب بجد ثم حملة معا للاصلاح اللي كان فيها مسيرة جامعات مصر

واليكم بعض الصور عن تلك المسيرة الضخمة
العدد كان في اللمون يوميها

فكانت الظروف كلها تتجه نحو العمل لاثبات الذات وتوضيح الاخوان بالنسبة للطلبة في الجامعات

ونرجع تاني لكلامنا

فبدات شغل مع اخواني في الكلية وبدات في مدرجي وكنا بنتعب جدااا عشان نسكت الطلبة عشان نقرا القران ونقول الكلمة بالذات في مدرجنا العدد كان ضخم والمكان ضيق فكان مجلس الدفعة كله لازم يدخل المدرج ده عشان يسكته فاتفقت انا والاخ اللي هو مسئول المدرج واخواننا الاخرين باننا نتوغل وسط الطلبة يعني نعمل قوافل دعوية ومسابقات في قطاعات عشان الطلبة تعرفنا اكتر وتسكت لنا وبالفعل ولله الفضل والمنة كان حوالي اكتر من تسعين في المية من المدرج كان عارفناو في اخر السنة وفي السنوات اللي بعدها كنا بندخل المدرج لما بنقف علي المنصة عشان نقرا القران الكلمة قبل المحاضرات كان الطلبة كلها بتسكت لان بمنتهي البساطة يااخواني الناس بتحب اللي قريب منها ويتوغل وسطها ويبقي قريب منها ،منين كانوا هايسكتوا لنا وهما ميعرفوناش ازاي ؟؟؟

وكلامي ده يوجهوا لاخواني اللي شغالين الان في الجامعة وهي وصية من اخاكم ابقوا وسط الطلبة عشان الطلبة تتفاعل معاكم ولالاتعاملوا مع الطلبة بمنطق الامر والنهي

وكان من الحاجات الجميلة اللي الطلبة عرفتني بها الملبس كنت علي طول اشتري بجزء من مصروفي ملبس اعمل بيه مسابقات وقوافل دعوية

واختم البوست بموقف حصل

بعد حالة النشاط اللي اصابت طلاب الاخوان كان رد فعل الامن عنيف وعندنا في الجامعة مجالس التاديب نزلت ترف علي دماغة اخواني واستدعاءات امن الدولة وما شابه هذا

وحصل بالفعل موقف مشين في حق وزارة التعليم العالي كلها

كان عندنا معرض في الكلية بنعرض فيه بعض الشرائط الاسلامية والسيديهات وبعض الكتب الادارية والكتب العامة وكلها منتجات مرخصة فانا كنت واقف علي المعرض انا ومعي اتنين من اخواني فجاء معاد محاضرتي فقلت لهم انا رايح المحاضرة ولما اخلص هاجي لكم

وحضرت ورجعت ففوجئت بفاجعة الاستاذ الدكتور المبجل عميد الكلية هو ومعه رائد اتحاد الطلاب في كلية التجارة جامعة القاهرة نزلوا بنفسهم مش بعتوا حد ولا الحرس وفكوا المعرض وخدوا كارنيهات اتنين من اخوانا فعملنا اعتصام امام مكتب العميد عشان الكارنيهات ترجع والمفاجأة الكبيرة جداا ان يتعمل استدعاء امن دولة لواحد من اخواني الاتنين دول بعدها بيوم وكارنيهو يروح امن الدولة !!!!ا

فضيحة والله يااخواني ازاي عميد كلية او دكتور يرضي انه يتحول لمجرد تابع ذليل لضابط امن دولة بالله عليكم ازاي حتة ظابط بنسر علي كتفه يمشي كلية باللي فيها من اول العميد لحد الجزماتية اللي في الكلية اللي بيشتغلوا له مخبرين علي الطلبة

ازاي أنا ارضي علي نفسي وانا دكتور جامعي ان حتة ظابط لاراح ولاجيه يامرني ويخليني زي المخبر بتاعه بنفذ اوامره بس ومقدرش اقول له لا

وكمل الامن بلاويه في السنة دي وكان لازم يكون هناك رد فعل من اخوانا وكان رد فعل فعل قوي وصعب و هو يوم الغضب الجامعي

اللي هانتكلم عليه باذن الله البوست القادم

والسلام

اليعقوبي

بيمارستان العلمانين

غالبا عندما تتحدث مع العلمانين أو عندما تسمع ارائهم ووصفهم مخالفيهم بالمتخلفين او الارهابين او الظلامين والكثير من تلك التهم المعلبة جاهزة الصنع التي تلوكها السنتهم ليل نهار عندما تختلف معهم

عامة خير ومفيش مشكلة وانا اكتب البوست هذا لاوضح فقط عكس كلامهم

اولا

مسئلة الارهاب

لما تبحث في التاريخ الحديث عن الارهاب سيتم تلقائيا تسليط الضوء علي الاسلامين سواء كانت القاعدة او طالبان او اي جماعة اسلامية اخري ،يعني تلاقيهم بيجيبوا من الشمال واليمين وتلاقيهم شوية يقولوا الاخوان اغتالوا النقراشي والخازندار وشوية يكلموك عن العمليات الارهابية اللي حصلت في خان الخليلي للاقصر لبعض الاخطاء والانتهاكات والتطرف التي انتكها البعض باسم الدين

طيب سؤال بنساله دلوقتي ،أعتي الجرائم اللي ارتكبها الاسلاميين المتطرفين كانت ايه ؟؟؟

11سبتمبر مش كده مات فيها كم واحد قالوا فوق الخمسة الالاف

طيب

نمسك بقي العلمانين او اصحاب الفكر العلماني علي مستوي العالم وجرائمهم

نتتكلم مثلا عن فرنسا وجرائمها في افريقيا والالاف الذين قتلوا وقتلهم لمليون جزائري اثناء احتلالهم للجزائر ولا نتكلم عن انجلترا الدولة العظمي والاحتلال وسرقة ونهب الثروات وبيع الرقيق والنخاسة بتوع حقوق الانسان ؟،ولا نتكلم عن الملايين اللي قتلوا في الحرب العالمية الاولي والثانية ،اسلاميين برضه اللي قتلوا الملايين دول ولا الاسلاميين هما اللي قصفوا مدينة دريسدن الالمانية ولا الاسلاميين هما اللي القوا القنبلة الذرية علي هيروشيما ونجازاكي ومات فيها فوق الثمانين الف في ضربة واحدةوشوهوا اجيال قادمة ووطبعا لاننسي ام الاجرام العالمي روسيا الشيوعية وقتلها ملايين المسلمين هي واذانابها من كلاب الصرب

ومن الصعب عندما نقيم فعل مثل الحادي عشر من سبتمبر ان نقيمه منفردا علي انه ارهاب ومن الخطا ان نقيم ونحكم علي رد الفعل ولا نقيم الفعل الذي تسبب في ردة الفعل هذه

أليس هذا ارهابا وانا رايت والله بام عيني احد العلمانين في رده علي احد معلقيه في مدونته يدافع عن الصرب ومافعلوه في البوسنة والهرسك والجبل الاسود قائلا ان هذا رد فعل طبيعي علي فتح الدولة العثمانية لتلك البلاد !!!!!ا

لاتعليق

طيب بلاش ده كله اصلي عارف اللي هايتقال ،هايتقال طيب دي دول اوربية ودول خارجية واحنا ملناش دعوة بيهم واحنا اهم حاجة عندنا بلادنا وولادنا وبتنجانا

نمسك بقي جرائم علمانيو الوطن العربي وفضائحهم

تجد أن من اوائل من باعوا قضية مصر مع انجلترا في فترة الملك كان مين غير حزب الوفد اللي الانجليز كانوا بيشكلوا الحكومات ويأمروا الملك بتعيينها

وطبعا نفتكر الانحطاط الاخلاقي اللي كانت وصلت ليه مصر وقتها من اباحة للجنس والعهر حتي ان وزارة الصحة المصرية اعتقد سنة 44أو 45الغت حكاية البغاء اللي كانت بتم في كباريهات عماد الدين وفي ناس بعدها استاءت للغاية من هذا القرار أليس هذا هو طرح العلمانين الاخلاقي في بلدنا

عبدالناصر الرجل الاشتراكي القومي طبعا مع احترامي لتاريخه ووطنيته ولا اشكك في هذا والإ اكون مجحف له بس انا هاتكلم البلاوي اللي هو عملها واللي اتسبب فيها

قتله لالاف الاخوان في المعتقلات والتعذيب اللي قد تستحي الوحوش في البرية ان تفعله باقرانها ،هو مش ده برضه ارهاب هو مش القتل والتعذيب بدون محاكمة ولا جريرة مش ارهاب برضه ولما تيجي تبحث عن أسباب ظهور الجماعات المسلحة والتكفيرية في مصر سببهم مش الاخوان سببهم عبد الناصر والقمع اللي بيتميز بيه الفكر الاشتراكي واللي يرجع للتاريخ يجد ان الاخوان اصطدموا مع هؤلاء في السجون واخرج وقتها المستشار الهضيبي عليه رحمة الله كتاب دعاة لا قضاة عشان يرد علي الجماعات التكفيرية والصراحة هي فتنة صعبة تخيلوا ناس بتتعذب اشد انواع التعذيب في السجون واتقتل قدامها احب الناس اليها وكانوا بيعذبوا علي يد رجال الثورة الذين تدور حولهم امور من انتمائهم للفكر الشيوعي الالحادي زي المهبب عليه وعلي عينه اللي اسمه حمزة البسيوني وشمس زفت بدران وصفوت الروبي فكان طبيعي يخرج التطرف والعنف كرد فعل طبيعي لهذا السلوك الغير انساني

طيب بلاش عبدالناصر

خلينا مع صدام بتاع البعث الاشتراكي

ومحدش يطلع يقول لي ده بطل قومي، ربنا يرحم موتي المسلمين كلهم بس ده كان جزار وقتال قتله وديكتاتور زيه زي السفاح حافظ الاسد اللي قاتل فوف الثلاثين الف في حماة وحدها ممن عارضوه وخد عندك من دا كتير

بلاش ده كله

القتل والتعذيب كان سمة الفكر الاشتراكي ي اوطاننا

أما الان الفكر الليبرالي ماشاء الله خيانة وعمالة وتطبيع مع اعداء الامة وبيع لقضايا الامة مقابل المال والحفاظ علي السلطة

وخد عندك مين اللي بايع القضية الفلسطنية من اوائل الثمانينات الي الان اليست منظمة التحرير الفلسطنية وعلمانيو فلسطين من فتح الي الجبهة الشعبية لتحرير فلسطين

ثانيا

العلم والعلوم

يتهم الكثير من المعطلين واصحاب الاهواء (العلمانين)الفكر الاسلامي السليم انه ضد التطور والتقدم وانه سيصيب البلاد بردة علمية وهذا قول باطل اريد به باطل لان اي قارئ بسيط للتاريخ يعلم ان التطور الانساني في المجال العلمي والنهضة العلمية الحديثة التي استفادت منها اوربا كانت بدايتها من عند الحضارة الاسلامية ونقل اليهم عن طريق الحروب الصليبية وعن طريق الاندلس

يعني الدين الاسلامي ليس ضد العلم والتقدم العلمي وستجدوا الكثيرين من العلماء المسلمين الذين اثروا الحضارة الانسانية وستجد الكثير من الاسلاميين علي مستوي علمي وثقافي عالي ومكانة يشهد لهم بها القاصي قبل الداني

ثالثا

المضحوك عليهم او بيمارستان العلمانين

كلما تحدثت مع العلمانين عن انتشار الفكر الاسلامي بين الناس وانتشار الاسلاميين وسط الناس فيرد عليك احدهم فيقول لك انك شخص متخلف وبتضحك علي الناس وبتستغل طيبة قلبهم وجهلهم

هههههههههه

والله العظيم دي شغلانة تجيب المرض

طيب بما اننا متخلفيين وظلاميين والناس اللي بيحبونا جهلة مش عارفين حاجة

أنا من مكاني هنا امام شاشة الكمبيوتر اطالب بالمحافظة علي الثروة الانسانية التي تسير وسطنا دون ان نشعر بها ألا وهي العلمانيون

واطالب بعمل بيمارستان خاص بهم علي غرار بيمارستان العباسية للعقلاء (بلاش بيمارستان دي طيب خليها منتجع صحي احسن)عشان الناس دي بس هي اللي فاهمة وسطنا وفاهمة اكتر مننا وبيفكروا قبل مااحنا نعرف يعني ايه تفكير فعشان كده احنا المفروض نحافظ عليهم من الجهلة والظلاميين اللي هيبقوا طبعا بره البيمارستان عشان نحميهم من الجهل والتخلف

وعشان ممكن يوحاشونا وهما بعاد عننا نبقي نزورهم كل يوم ماعدا يوم الجمعة

طيب وليه صحيح منحطهمش في اقفاص زجاج عشان محدش من المتخلفين يلمسهم ونخلي البيمارستان بتذاكر ونخلي الاطفال يقعدوا يتفرجوا عليهم وهما بيقرأوا الكتب الخاصة بهم عشان نتعلم منهم ونقسم الاقفاص يعني مثلا قفص نكتب عليه قفص الاشتراكيين وقفص تاني نكتب عليه قفص اليبراليين وقفص مش عارف ايه

والله الواحد بيقول الكلام ده من خنقته محدش يزعل من الكلام بس لما تلاقي ناس بتدعي الاسلام كذبا وزورا وولائها الاول والاخير لهواها الشخصي وماشيين بهواهم وبيخلطوا الاوراق وبيهاجموا الاسلام عن طريق مهاجمة الاسلاميين يعني مثلا في واحدة ماشية في المدونات عمالة تسأل اخواننا المدونين ايه رايكم في بن لادن والزرقاوي ودي بقي الصراحة أي الشخصية دي اتوقعلها قفص لوحدها في بيمارستان العلمانين أو لو معرفناش نصطدها ،آسف قصدي ندخلها المنتجع فاتوقع انها تنكش شعرها وتطلع تجري ورا العيال الصغيرة في الشارع وتقولهم قولوا رايكم في بن لادن وقولوا رايكم في الزرقاوي أو تقعد تحدف طوب علي اللي رايح واللي جاي في الشارع ده طبعا لو مصطدنهاش ،يووه قصدي لو مدخلنهاش المنتجع

والله العظيم الواحد اتخنق من البشر دي خلاص واضح انها هربت منهم خالص وكدبوا كدبة وصدقوا نفسهم قالوا انهم مثقفين ومستنرين ولو مكنتش بتقرأ نفس كتبهم اللي بيقرأوها تبقي ظلامي وجاهل ولا حول ولاقوة الا بالله

بس خير نعوضها عليهم في البيمارستان باذن الله

بيمارستان =مستشفي

والسلام

اليعقوبي

لله العزة ولرسوله

بسم الله والصلاة والسلام علي رسول الله

جيلا بعد جيل في ذات السبيل ..نسعى للعلا والقصد النبيل

والزاد التقي من قبل الرحيل..وهو النور من مشكاة الرسول

هذا منهج للصحب الجليل..لا لن نهتدي من غير الدليل

فالتقوي اذا مصباح الوصول ..لا لاترتضوا للنجم الافول

حكم عادل في العهد الطويل ..قد عمَ المدى كالظل الظليل

ميزان علي قسط لايميل ..والاقدام لا يخشي المستحيل

---------------------------------------------------

بسم الله الرحمن الرحيم

يقولون لئن رجعنا الى المدينة ليخرجن الاعز منها الاذل ولله العزة ولرسوله وللمؤمنين ولكن المنافقين لا يعلمون

---------

والذي نفس محمد بيده لو وقفت الدنيا بحدها وحديدها ليقضي الله امرا كان مفعولا ليهلك من هلك عن بينه ويحيى من حي عن بينه

وانه اما ثلاث

الله ام الشيطان

الدين ام الهوى

الجنة ام النار

لا غير ذلك ,ولاحياد بل هو طريق واحد هو صراط مستقيم ما كان عليه النبي واصحابه وتابعيهم بإحسان الي يوم الدين ,ومن خالف نهجهم فليس علي شيء ,سينصر الله هذا الدين وليبلغ الاسلام مابلغ الليل والنهار بعز عزيز او بذل ذليل

من كان يظن ان لن ينصره الله في الدنيا والاخرة فليمدد بسبب الى السماء ثم ليقطع فلينظر هل يذهبن كيده ما يغيظ
-----------

ولله العزة ولرسوله وللمؤمنين ولكن المنافقين لايعلمون

نعم والله لايعلمون ونحن علي ذلك من الشاهدين بل لعلهم ظنوا ان لهم العزة ,وان لهم القوة والاسباب ,ولكن الله يملي لهم ان كيده متين

اللهم اجعلنا في جندك وتحت لوائك وانصرنا وانصر بنا الاسلام

فستذكرون ما اقول لكم وافوض امري الي الله ان الله بصير بالعباد

الحمد لله كما ينبغي لجلال وجهه وعظيم سلطانه

بسم الله والصلاة والسلام علي رسول الله صلي الله عليه وسلم

والله العظيم وحشني جدا جدا جدااااااا ووحشني جو التدوين والمدونين المحترمين اللي اعرفهم وكنت علي طول بسال الواد الجعفري عليكم وربنا يبارك فيكم يارب

المهم اخوكم الحمد لله بخير حال وتميت 22عام في شهر يونيو الماضي وخلصت امتحانات والمفاجاة الكبيرة جدااااااااااااااااااااااااااااااااااااااااا اني نجحت طبعا وقد يسال سائل وايه المفاجأة اللي في كده ده الطبيعي اني انجح واي طالب الطبيعي انه ينجح

فارجع واقول لا دي مفاجأة ومن العيار التقيل جداا في حياتي ايه اللي حصل؟؟؟؟؟؟؟؟

انا اساسا كان معايا مادتين التيرم الاول واحدة الدكتور نفخنا فيها والتانية دخلت امتحن امتحان مجموعة غيرمجموعتي فالاولي كانت ماتت وشبعت موت ولامجال لرفعها والتانية كانت هاتترفع فقلت بقي شد حيلك ياواد التيرم التاني وانجح صافي وخد المادتين في دور سبتمبر مع العلم اني مشدتش حيلي ولا حاجة فالمهم خلصت امتحانات ومستني النتيجة وكنت خايف جداا عارفين طبعا انتم نظام وفاضلك زلطة وتتطلع بره هو ده اللي كنت حاسه لو شلت في مادة نقول بعدها باي باي عز نشوفك السنة الجاية

وقعدت طبعا بقي عمال افكر وأخطط لحياتي لو نجحت وعديت دور سبتمبر هاقدم جيش في شهر يناير ولو خدت اعفي مش قبل شهر مارس او ابريل فتخيلوا الخنقة وقعدت بقي اظبط الدنيا والكورسات وهانزل اشتغل ولا مشتغلش في الفترة دي وبس يااخوانا

وجاء يوم النتيجة!!!!!!!!ا

كنت راكب الميكروباص مع ابويا ورايحين نزور زوج خالتي وانا في الميكروباص لقيت رسالة بعتها ليا اخ وبيقولي( مبروك ياريس وعقبال الاخت اللي هاتتجوزها)حاسس بيا الاخ ده -فانشكحت الصراحة انشكاحة كبيرة اوي وقلت لابويا وابويا فرح بس برضه لغاية كده مش مفاجأة الحمد لله اني نجحت وطبعا بقي هاظبط الدنيا عشان اذاكر لدور سبتمبر فبكلم اخ بعدالرسالة اللي جائت لي بدقائق فقلت اتاكد اعرف انا عملت ايه التيرم التاني لقيت الاخ اللي بكلمه بيقولي مبروك ياعز فقلت الله يبارك فيك ياحمادة انت عملت ايه قال لي انا داخل دور سبتمبر وانت عاديت صافي ياعز !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!ا

ازاي يابني

قال لي مكتوب انك جايب مقبول

فقلت له يابني انا كان معايا مادتين التيرم الاول منهم واحدة ميتة

فقال لي لا انت ناجح صافي

فقلت لابويا كده كان هايطير من الفرحة مصدقش وكلمت امي اقول لها مصدقتش فكلمت ابن خالتي يتاكد من النتجية لقي اني عديت صافي ولله الحمد

ياااااااااااااااااااااااااااه يااخواني شوفتوا كرم ربنا علي اخوكم عامل ازاي والله لو بقيت عمري كله اشكر ربنا علي النعم والفضل ده كله مش عارف ها أدي أو اوفي نعمه علي ازاي كنت لسه بفكر في اللي هيحصل ودور سبتمبر ودور مش عارف ايه لقيت ربنا بعت لي هدية ونعمة من عنده فله الحمد كما ينبغي لجلال وجهه وعظيم سلطانه مش عارف اقولكم ايه ،اللهم لك الحمد

دي معجزة يااخوانا انك تبقي نازل في مادة وتلاقي نفسك ناجح فيها التيرم التاني

وفي النهاية بحب اهني مصر والامة الاسلامية قاطبة من اقصاها الي ادناها علي خروج عز من الجامعة

والف مبروك يامصر واحب اطمنكم ان البلد دي لسه بخير وان الكوسة اللي فيها البلد زي مافيها عيوب ليها مزايا والحمد لله الذي تتم بنعمته الصالحات

وانتظروا ان شاء الله ذكرياتي في الجامعة

..............................................................

تحديث

أنا بس عايز اذكر حاجة لوالدتي ربنا يجازيها خير لانها قبل النتيجة بكام يوم ختمت القرآن في ثلاثة ايام ودعت جامد فالواحد وجد النتيجة كده وهذا فضل من الله وهي جاءت كده من عند ربنا بفضل الدعاء والقرآن وربنا يوفق الجميع

والسلام

اليعقوبي