الأحد، 29 نوفمبر 2009

هو فيه إيه؟؟؟

كل عام وأنتم بخير وبصحة وعافية وتقبل الله منكم والعام القادم إن شاء الله تكونوا بخير حال
علي طريقة فيلم محمد فؤاد هو فيه إيه ؟؟
كنت قد قمت بتحميل مذكرات اعتماد خورشيد من علي النت بغرض القراءة وبعد كلامها المخيف ده الواحد ذهبت رأسه بعيدا ولا اعلم هل ستأتي أم لا
لما تخرج علينا اعتماد خورشيد وتقول أن صلاح نصر كان بيجهز للعمل مع الامريكان فهذه مصيبة غير متخيلة إطلاقا ،هل انتم متصورين أن رئيس المخابرات المصرية المصرية كان يعمل لحساب أمريكا
طب بلاش دي
مذكرات علوي حافظ والتي ذكر فيها كيف أن السفارة الامريكية كانت تساند الثورة وكيف أن عبدالناصر كان يجلس هو وعلوي حافظ ومندوب من السفارة في فيلا في الهرم ليجهزوا للثورة!!!!!!!!!
رغم أن عبدالناصر كان يتشدق مثلا بمحاربة أمريكا والحد من نفوذها
طب بلاش دي
يقال أن الوحدة بين مصر وسوريا خرجت من دماغ أحدهم أثناء جلسة كيف في سوريا فطلبت معاه أنه يحصل اتحاد مابين مصر وسوريا
وتم الاتحاد !!!!!!!!!!!!!!
طب بلاش ده ولا ده ولا ده
في قضية صلاح نصر صوت الشريف كان شغال إيه في المخابرات وقتها؟؟؟؟؟؟
وهو دلوقتي ماسك إيه ؟؟؟؟؟؟؟؟؟؟؟
وإيه دوره في البلد زي ماانتم عارفين ؟؟؟؟؟؟؟؟؟؟
طب بلاش ده
طيب المشكلة مابين هيكل ومصطفي أمين وصلت لدرجة إيه ؟؟؟؟

طب إيه اللي بيحصل في بلدنا دلوقتي شيخ الازهرلما طلع ومنع النقاب في المدارس
طب ليه لم يمنع مثلا الكباريهات و محلات الخمور وطلع وحارب الدعارة المرخصة باسم السياحة !!!!!!!!!!!!!!!!!!!!!!!!!!!!!!
هل هذا منطقي

طيب بلاش ده
اللي بيعتقلوا في الشرفاء في البلد من أي انتماء وبيقطعوا أرزقهم (وهم أضعف من ذلك ولا يمكلوا لانفسهم شيئا وأنا اعلم هذا)هما شغالين لحساب مين بالضبط هما عارفين ولا مكبرين دماغهم هما عارفين عقوبة الظلم ومعاونة الظالمين إيه ولا ناسين ولا إيه الحكاية معاهم بالظبط

طيب بلاش ده
مثلا مهاجمة التيار السلفي في بعض الاوقات للاخوان وللتيارات الاسلامية الاخري يعني أحنا خلاص قضينا علي العلمانية والفساد والسرقة والنهب وفضينا لبعض ،مثلا كثير من شيوخ السلفية يتحدثوا عن محاربة البدعة يعني توريث الحكم مش بدعة واعتقال الدعاة مش بدعة ولما الشيخ نفسه يطلع علي التليفزيون ويشرح آية في القرأن للناس ولا يكملها للنهاية لان اخرها يتحدث عن الجهاد في سبيل الله مش بدعة

وغيره وغيره وغيره
الواحد دماغه هاتنفجر من كثرة التفكير عامة لعله خير والاستعصام بكتاب الله وبصحيح سنة نبيه صلي الله عليه وسلم هو السبيل للخروج من هذه الدوامة لان لكل هذا إجابات في كتاب ربنا وفي سنة نبينا عليه الصلاة وأتم التسليم
(فتن كقطع الليل المظلم يصبح المرء فيها مؤمنا ويمسي كافر ويمسي مؤمنا ويصبح كافرا يصبح الحليم فيها حيرانا)
وكل عام وأنتم بخير
والسلام
اليعقوبي

هناك 13 تعليقًا:

جمعاوى يقول...

لما تعرف فى إيه إبقى قولى ..!!!!

محمد خيري يقول...

انت لسه هتبدا المشوار

ربنا يوصلك بالسلامة

صانعة الحرية يقول...

1-اخرجوا ال لوط من قريتكم انهم اناس يتطهرون
2- نحن قوم اعزنا الله بالاسلام فإن ابتغينا العزة فى غيره اذلنا الله..وقد حدث
3- منكم من يريد الدنيا ومنكم من يريد الاخره .. وهؤلاء قد ركنوا الى الدنيا

بنت الصالحين يقول...

: ))

بلد فيها علمانيين في اعلى المناصب اما اللي بيدافع عن كتاب الله وعن سنة رسوله لااااااا لازم يكونو تحت تحتتتتتت وفي السجوون والمعتقلاااات


ها ايه رأيك

مش حكاية حلوة ؟؟؟


طيب ايه اللي مزعلك بئى ؟؟؟؟؟؟؟

شعب غرييييب

!!!!!!!!!!


أسأل الله العظيم ان يعز الاسلام وينصر الملسمين ياااااارب العالمين


:::::::::::::::::::

بس شيوخ السلفيين بيتكلمو ع الاخوان ؟؟

انا قريت وشفت فيديو عند مم

تقريبا إمام الجيل

الشيخ محمد حسين يعقوب قال اما سألوه عن الاخوان قالهم

استنى اجيب الرابط ان شاء الله

الله لايفرق بين المسلمين وبعضهم البعض يااارب

آميــــــــن

بنت الصالحين يقول...

هو دا الرابط

وفيه فيديو كمان

http://emamm.blogspot.com/2009/09/blog-post_22.html


كنت بستمتع جدا بقراءة مدونتكم ومدونة الاستاذ عصفور

كنت سبحان الله بشعر ان فيه فارق

اخوان وسلفي الاتنين جنبنا الى جنب

أدام الله الألفة والوحدة بين أبناء الأمة اللهم آميـــن



أعتذر عن الإطالة

السلام عليكم

Empress appy يقول...

اعتماد خورشيد دى مهبوشه فى عقلها على فكره
بص كمل كل الجوانب واقرى كتب صلاح نصر نفسه علشان تفهم اللعبه ماشيه ازاى ده ميمنعش انه جبر بس هو كان قوى لا يستهان بها كونه يتعلم العلم ده كله فهو فعلا بصرف النظر عن بلاويه عقليه جباره تستحق الفهم والتركيز

صاحب المضيفة يقول...

ومازال التفكير مستمرا

حتى



الجنون


كل عام وأنت بخير يا صديقي

جلال كمال الجربانى يقول...

فيه أن مصر عيانه
وربنا يشفى

مهندس مصري بيحب مصر يقول...

يا عزيزي أنصحك بقراءة هذه التدوينة
http://www.tadwen.com/melhamy/?p=519
و تحميل الكتاب الموجود بها و قراءته
أنا من ساعة ما قريته و أنا في حالة صدمة
بس فسر لي حاجات كتير قوي
و بعدها إقرا كتاب لعبة الأمم لمايلز كوبلاند و حتلاقيه في الفور شير
و بعدها اكتب تدوينة تانية بقى تقول لي دماغك وصلت لحد فين

وفاء~ يقول...

يا اخى مفيش حاجة
D: ابتسم انت فى مصر

مشتاق لله يقول...

اللهم عام خير علي امتك ونصر وفتح

Adabclub يقول...

بتسال فيه ايه ؟
ما فيش حاجة
والله فعلا مش هزار
ما عدش فيه حاجة خلاص

الفاروقة يقول...

لا تعلييييييق!!!!

ساندوا اخوانكم في القوقاز

ممدونات مهمة للغاية

المدونات دي لازم تعدوا عليها وساندوا اصحابها جزاهم الله خيرا

مدونة ارض الحرب جزا الله صاحبها خيرا

كلنا مقاومة

مدونة اولادنا امانة (كيف نربي الاجيال القادمة)

نشقي ليعز ديننا وتسعد امتنا

نشقي ليعز ديننا وتسعد امتنا

جماعة قاداتها شهداء منصورة باذن الله

جماعة قاداتها شهداء منصورة باذن الله

About Me

صورتي
اليعقوبي احد الفاتحين القادمين باذن الله واتمني انا ذلك كل مااسال الله عليه ان يثبتني علي دينه وعلي طريقه والااضل عنه وان يرضي عني

لغتي الجميلة هويتي واصلي وديني

لغتي الجميلة هويتي واصلي وديني

اللهم ارحم اخي علاء رحمة واسعة

اللهم ارحم  اخي علاء رحمة واسعة

اللهم ارحم اخانا رحمة واسعة واجمعنا به في مستقر رحمتك

اللهم ارحم اخانا رحمة واسعة واجمعنا به في مستقر رحمتك
نسالكم الدعاء لاخانا