الثلاثاء، 4 سبتمبر 2007

النهاية اننن اااااا

واحد يسالني ويقولي انت نيتك ايه ياعز في البوست ده اقولك علي طول ادخال السرور علي قلب مسلم
وقفنا فين المرةاللي فاتت
عند المحاكمات اه كان من نتايجها اني اطردت بره البيت شوية حلوين مش طوال بس نفسي صعبت عليا اوي وقتها وكنت ماشي عيني بتدمع في الشارع
ندخل في المهم في يوم من الايام كنت بسال خطيب المسجد الذي بجانب المنزل وهو شخصية محترمة للغاية ومن الناس اللي بحبها في الله جدا
فبقول له انا خايف ان اهلي لو جالي حاجة او حصلت لاي مشكلة امنية يقفلوا معايا
فقال لي حديث رسول الله (صلي الله عليه وسلم)الذي وكاني سمعته لاول مرةمنه
يقول رسول الله(صلي الله عليه وسلم"):من ارضي الله في سخط الناس رضي الله عنه وارضي عنه الناس ومن اسخط الله في رضي الناس سخط الله عليه واسخط عليه الناس।ا
وكان هذا الكلام في سنة تانية يعني قبل المحاكمات وبس نرجع تاني...............ا
بعد فترة من الزمن ولله الحمد تقبلوا الامر ده تماما في البيت ورموا طوبتي وبقينا في البيت بنتكلم عن الموضوع ده وعن الاخوان بس هما طبعا مش لازم يبينوا انهم موافقين عن كده بنكتفي بالدردشة والاستفزاز ؟؟؟؟؟؟؟؟؟؟؟؟؟؟؟
ايوه الاستفزاز
احنا كعائلة فينا شئ يميزنا اننا ولله الحمد نوعا ما دمنا خفيف ومستفزين يعني ممكن لو حطينا اي حد في دماغنا عندنا قدرة اننا نستفزه بس بهزار طبعا
واليكم بعض استفزاز امي لي (الكلام اللي جاي كان هزار مع امي)فمحدش يخده انه بجد
في مرة كانوا بيتكلموا عن تمويل الاخوان وبيبجيبوا فلوسهم منين
فانا اتنرفزت من البرنامج وحسبنت علي البشر اللي بتدعي علينا الاخوان اساسا لهم شركات كبيرة وكل الفلوس اللي بتيجي فهي تمويل ذاتي
وحاولت اشرح وجهة نظري لامي فهي اقتنعت وبعدها بفترة ناقشنا الموضوع تاني بس بغرض الاستفزاز يعني تجديد النية كان علي الاستفزاز
يعني تقولها ياامي نيتك ايه من الحوار ده ياامي تقولك استفز ابني
فبتقولي يابني انتم اساسا بيجيلكم تمويل من بره وامريكا وايران بتمولكم بتيجيبوا الفلوس دي كلها منين
فانا احاول اقنعها وهي فرحانة طبعا انها خرجتني بره الحوار فقلت اشمعني انا ارد رد اكثر استفزازا
فقلت لها :بصي يا حاجة انا هقولك علي الحقيقة احننا بنجيب فلوسنا منين
احنا من الاخر كده بنط علي المحلات باليل ونظبط اللي فيها وناخد اللي فيه النصيب ونمشي الناس لازم تدفع عشان دعوة ربنا
فقالت :بس كده ايوه قول الحقيقة
فضحكت وخلص الحوار ده
مرةتانية
بتقولي يابني انتم علي طول بتتضربوا وبيسحلوكم علي الارض زي العبيد كده
فانا سخنت فاقعد احكيلها عن غزوات المسلة واللي كان بيحصل في الظباط والعساكر
فتقولي ايه:ايوه يابني ماهما بنقواالجتت اللي زيك عشان ينفعوهم في حاجة زي كده في المظاهرات والخناقات انتم يا بني شويةبلطجية
فردعليها:ايوه يا حاجة احنا شوية بلطجية ومن الاخر كده من ليس معنا فهو ضدنا ومن الاخر كده اي حد هيزعلنا هنقفل معاه وهنزعله
طبعا الكلام اللي فات كله هزارمع امي
فانا لما اعوزاستفزها هي اوالواد اخويا اعمل ايه
اشغلهم الكمبيوترعلي اعلي صوت خد عندك
اناشيد بتاعة القسام والشيخ كشك الحاجات اللي بتعمل دوشة جامدة وممكن الكلام ده يكون الفجر
بعد الصلاة طبعا احنا مش عايزين نزعج حد
الكلام اللي فات ده هزاري في البيت اناوامي وبينضم لها اخويا غفر الله لنا
ولله الحمد الدنيا دلوقت كويسة جدا ادام الله هذه النعمة
في مرة الحكاية دي حكاها اخويا لواحد صاحبنا
فبيقول له :في مرة بقلب علي الجهاز بتاعنا قلقيت عليه حاجات تودي في داهية فقلت لامي انا هشيل الحاجات دي من علي الجهاز عشان منحرش في داهية(طبعا انا مكنتش في البيت والا كان سمع الجيران صوت زغاريت واقلام وشلالايت)مهداة لاخي
فقالت له(هكذا يحكي لي صاحبي):سيبها يابني يمكن دي الحاجة الوحيد العدلة اللي علي الجهاز
قلت لكم صدق رسول الله عليه الصلاةوالسلام
وبس
تقدروا تقولوا اننا عايشين في البيبت كويسين دلوقت بعد بعض المناوشات اللي بتاتي من خوفهم علي لاا كثر
وهنا تنتهي جزء من حياة اليعقوبي
وننبه لكم ان حقوق النشر محفوظة لصاحبها
عمو عز
كان في شبل كان علي طول يقولي ياعمو اقوله يابني استاذ بلاش عمو يقولي حاضر يجي المرةاللي بعدها يقولي نفس البتاعة
كان معكم بجوار البحر الابيض المتوسط
والسلام
اخوكم اليعقوبي

هناك 24 تعليقًا:

Coca يقول...

تمت بحمد الله والحياه مستمره
منتظره القادم

واعذرني كانت اسئلتي كتيره

عصفور المدينة يقول...

اطلع من دول بقى ده حوار استفزازي دي كلمة الحق بتطلع من ليس معنا يبقى علينا واقلام وشلاليت يا إرهابيك

على فكرة هي دي سنة الحياة الصدمة الأولة هي أشد شيء
ثبتك الله ورزقك السكينة

عمر عاشق القرآن يقول...

جمييييييييل بس طوييييييييييييل

جزاك الله خيرا

_________
ليك دعوة عندى
تعالى اتفضل عندى واستلمها

Unknown يقول...

انا زعلانه انو خلص

بس ليه مش بتقول الصراحه من الاول مش كفايه ارهاب كمان تمويل اجنبي

سؤال ليك بقي يا عمو عز
تحب تيقي رئيس لمصر
و ده سؤال اجباري

محمد عبد الرحمن يقول...

دى البداية ياباشا
كدة الأمور مستقرة فى رأيى بس هو التغيير كان صعب وكبير عشان كدة الإختبار فى الثبات كان صعب
هنيئا لك

تحياتى للأسرة الكريمة
أبقى شوفنا فى التمويل ورمضان داخل

بهزر طبعا
إنت عارف رأيى إن الأخوان نصرهم الله من أشرف الناس نفسا وأطهرهم يدا وأنظفهم وسائلا وهذا ما يغيظ النظم الغارقة فى الفساد منهم


بارك الله فيك

الفاتح اليعقوبي يقول...

استاذة كوكا
الحياة مستمرة ولله الحمد
اعذرك علي ايه يااستاذة انا فاتح المدونةدي عشان اتداول الاراء مع الناس مش عشان ادي البوقين والسلام ومدخلات حضرتك كانت فعلا بنائة ومحمترمة جدا
والسلام

الفاتح اليعقوبي يقول...

الاخ عصفور المدينه
بايعنا قبل الفتح فمن ليس معنا فهو ضدنا اسلموا تسلموا الاسلام هو الحل
ده تحذير نهائي

بهزر طبعا يااستاذنا

ادعو الله لي يااستاذي فالجامعة داخلة بكل مافيها من خير وشر
فادعو الله ان يثبتنا علي طريق الحق
والسلام اخي في الله

الفاتح اليعقوبي يقول...

عم عمر
عامل ايه ياباشا
جزاك الله خيرا علي الدعوة وتقبل الله منك يا جميل
والسلام

الفاتح اليعقوبي يقول...

استاذة ايمي
ما انا قلت الصراحة من الاول واقنعتها واقتنعت بس امي لما بتعوز تستفزني بكدبني في حاجات انا مقتنع بها
ومهو مطلعش تمويل اجنبي الناس كل شوية الاخوان بتمولوا من بره الاخوان بيجيبوا فلوسهم منين
ادي الشركات اتقفلت من كتر مالناس اقعدت تنق فيها



نفسك تبقي رئيس لمصر؟؟؟؟؟؟؟؟
الصراحة لا
انا نفسي ابقي قائد من القادة اللي هيفتحوا القدس
وبتخيل منظر الجيش وهما واقفين علي باب الاقصي وعمالين نستشهد واحد ورا التاني
ده اللي في دماعي دلوقت

بس زمان الصراحة وانا عيل كان نفسي ابقي رئيس مصر
بس عشان اقفل المدارس
والسلام

الفاتح اليعقوبي يقول...

استاذي وعمي في الله طال الليل
كلامك فعلا جميل ولله الحمد وحده ان ثبتنا لاني مريت فعلا بمرحلة صعبة اوي كنت قررت اسيب شغل الجامعة اللي بحبه جدا
بس ولله الحمد وحده رزقني الله باخوة في جعلهم الله سببا في تثبيتي
تحياتك وصلت
بالنسبة للتمويل في مبدا اخدم نفسك بنفسك

ربنا يهديهم الناس دي الواحد والله بيزعل عشانهم اوي
انا مش عارف هاقابل ربنا ازاي بذنوبي فما بالك بمظالم 70مليون ولا بقوا 80دلوقت
ربنا يلطف بينا وبيهم
والسلام اخي في الله

جمعاوى يقول...

عمو عز

ايوا عمو عز

النهاية على غرار ما توقعت تماما

بس حلوة موضوع الاستفزاز ده

أخوك برده كان واقع فى مكب زى ده من حوال سنيين


بس مش وقته أحكية دلوقتى

لو ربنا حييانا

ح اكتبه بتايخ 20/11

و ماتسألش ليه التاريخ ده


و بالله عليك



سلاماتى للحاجة كتيير


قولها جمعاوى يا حاجة

بيسلم عليكى

و بيقولك

إدعيلوه

ahmed mefrh يقول...

عيله ميه ميه
و الله كويس جدا انك قدرت تنهى الموضوع دة بسلام لانه فيه اخوه كتيير متأثرين بظروف العائله
تحياتى يا فندم مهداه اليك و الى الوالده

ابو مفراح

M.Nassif يقول...

حلوة أوى تجديد النية للأستفزاز دى ربنا يكملك بأعصابك أنا مبطقش الكلام ده

الفاتح اليعقوبي يقول...

عمي جمعاوي
ربنا يكرمك ياصاحبي وهاستني يوم 11\20
بفارغ الصبر وربنا ييسرلك ياصاحبي
وهابلغ يا معلم وهاخليها تدعيلك
والسلام

الفاتح اليعقوبي يقول...

استاذنا ابو مفراح انا سعيد جدا بزيارة حضرتك
ربنا يثبتنا ويهديهم يارب
والله يااستاذ انك توفق في موضوع ده من عند ربنا بس
لابحول مني ولاقوة
بس هما بيلقبوا شوية علي خفيف
فادعلي ان ربنا يفضل هاديهم عليا
والسلام اخي في الله

الفاتح اليعقوبي يقول...

دكتور ناصف
ربنا يكرمك يارب
امين يارب
وانا سغيد جدا بزيارة حضرتك
والسلام

Sally يقول...

ثبتك الله ياعز

الفاتح اليعقوبي يقول...

استاذة رؤية
عودا احمد باذن الله
وربنا يثبتنا جميعا علي دينه وطريق هدايته
امين يارب
والسلام

EGYPT EYES يقول...

والله فكرتيني بصديق ليا اخواني أحب ستفزازه دائما يعني خد عندك لو اتفرجنا على ماتش للأهلي والزمالك والأهلي كسب عالطول ألحقه وأقوله يابني انتم جماعه عايشين على الولاء والطاعه ويفضل هو يحاول يقنعني أن الولاء والطاعه دي شبه الألتزام الحزبي عندنا احنا الناس العاقلين وهكذا وزي ماأنت عارف طبعا مفيش في الدينا اجمل من أنك تستفز اخواني متحمس
تحياتي D:

الفاتح اليعقوبي يقول...

استاذ عيون مصر
مفيش حاجة في الدنيا اجمل من انك تستفز واحد اخواني لا فيه
انك تستفز واحد يساري وبص من الاخر كده ياكبير انا في الاصل محدش بيعرف ياخد معايا عيش ولا حلاوة يعني انت لو كنت قلتلي كده
كنت هقوله ايوه احنا عندنا ولاء وطاعة وجت اومر من مكتب الارشاد ان كلنا نبقي اهلوية ومن الاخر كده ملكش دعوة احنا اخوان فقي بعضنا
وخليك في جوزك يااسماعيل بيه
بهزر معاك يااستاذي
علي فكرة انا بتعمد استفز المتعصبين بوجه عام وليس الاخوان فقط ولكن بشكل هزار وتهريج حكم شكلهم بيقبقي جامد وهما متنرفزين
والسلام

عصفور بلا أجنحة يقول...

جامد بس طويل حبتيين

أبرار يقول...

السلام عليكم ورحمه الله وبركاتة
جميل أن حضرتك تكتب قصة إلتزامك وتتكلم بدون تحفظ عن إنتمائك لجماعة
غير مرضى عنها من قبل الحكومة
مش كل الناس عندها الجرأة دى حتى مع نفسها
بتمنى لحضرتك التوفيق
أختك فى الله
أبرار

الفاتح اليعقوبي يقول...

عصفور بلا اجنحة
انا سعيد بزيارتك وان شاء الله هتجاوز الازمة
والسلام

الفاتح اليعقوبي يقول...

استاذة ابرار
والله جزاك الله خيرا يااستاذة
بس في بالفعل مدونين كثيرين من الاخوان ولاينكروا هذا
اهم شئ
ان لم يكن لله علي غضب فلا ابالي
والسلام

ساندوا اخوانكم في القوقاز

ممدونات مهمة للغاية

المدونات دي لازم تعدوا عليها وساندوا اصحابها جزاهم الله خيرا

مدونة ارض الحرب جزا الله صاحبها خيرا

كلنا مقاومة

مدونة اولادنا امانة (كيف نربي الاجيال القادمة)

نشقي ليعز ديننا وتسعد امتنا

نشقي ليعز ديننا وتسعد امتنا

جماعة قاداتها شهداء منصورة باذن الله

جماعة قاداتها شهداء منصورة باذن الله

About Me

صورتي
اليعقوبي احد الفاتحين القادمين باذن الله واتمني انا ذلك كل مااسال الله عليه ان يثبتني علي دينه وعلي طريقه والااضل عنه وان يرضي عني

لغتي الجميلة هويتي واصلي وديني

لغتي الجميلة هويتي واصلي وديني

اللهم ارحم اخي علاء رحمة واسعة

اللهم ارحم  اخي علاء رحمة واسعة

اللهم ارحم اخانا رحمة واسعة واجمعنا به في مستقر رحمتك

اللهم ارحم اخانا رحمة واسعة واجمعنا به في مستقر رحمتك
نسالكم الدعاء لاخانا