الأربعاء، 19 سبتمبر، 2007

لاحول ولا قوة الا بالله

بسم الله والصلاة والسلام علي خير الرسل والنبيين محمد عليه من الله افضل الصلاة والتسليم


في جريدة المخبر اليوم اسف(المصري اليوم)يوم الاربعاء تم حوار مع استاذ عبد المنعم محمود واستاذة زهراء خيرت الشاطر واستاذ محمد حبيب والعظيم بن العظيم رفعت باشا السعيد غفر الله لنا وله وجزاه الله بما يستحق


طبعا يااخوانا هدخل في الموضوع علي طول لانه بالفعل نرفزني جدااااااااااااااااااااااااااااا


المحاور كان يسال الاخ منعم عن بعض الامور الشائكة وكان من ضمنها طبعا هل هناك جيل ثالث في الاخوان(علي غرار شبكة المحمول) اكثر انفتاخا علي التيارات الاخري وهل هذا الجيل عنده استغداد اكبر للجلوس نع تلك التيارات ام لا


وهل يقبل الجيل الثالث اذا امسك الحكم بهذه التيارات وفكرة تداول السلطة ,والاقباط والمراة وما الي هذا من الكلام الذي سائمنا وتاففنا من الحديث عنه


فكان هناك بعض الردود التي استفزتني جدا ومن بينها :ا


1ساله المحاور عن الاقباط فقال له منعم :انهم متضهادون مثلنا من قبل النظام الحاكم وما الي ذلك وان مصلحتهم مع التيارات التي تنادي بالاصلاح


سؤال بسيط من الذي قال ان الاقباط متضهادون بل العكس اعتقد انهم اخذوا حقوقا اكثر من حقوقهم ؟


اي اضطهاد يااخ منهم اصدرت اموالهم؟


اجائوهم في الفجر واقتحموا بيوتهم وكشفوا عورات بيوتهم؟


اسحلوا في المعتقلات بسبب ارائهم التي وقفوا فيها بجانب ؟

بلاش

ماذا فعلوا معهم في ازمة وفاء قسطنطين ؟

ماذا فعل بالمرتدين ؟

واعوا تصدقوا ان المرتدين دول دخلوا الاسلام بجد دي تمثيلية عشان يثار الموضوع ويطلع قانون لايجرم الارتداد ويسقط حق الردة

ويكمل المحاور والاخ منعم ويقول الاخ منعم رد غريب

المحاور هل ممكن ان يبقي ان يبقي فيه حزب قبطي او انهم يرفعوا شعار المسيحية هي الحل؟؟؟؟؟؟؟

فيرد الاخ منعم بالايجاب

ومكنش عنده اعتراض انهم يعملوا حزب نصراني او انهم يرفعوا شعار المسيحية هي الحل

مدام هم يعتقدون ان هذا هو السبيل لتحقيق خدمات البلاد وسيسمح لهم بذلك

عايزين نفرق بس يااخوانا بين المسيحية اللي بنؤمن بها وبين المسيحية التي من الاولي اننا نكفر بها

طبعا سيظهر من يقول يجب الايمان بالاديان السماوية الثلاث والكلام ده كله ماشي

لكن هل الدين الذي يعتنقه النصاري الان هو الدين الواجب علينا الايمان به ؟

طبعا لا ،لان الموجود الان هو دين وضعي من البشر وليس من عند الله فلا يجوز لنا الايمان به اوبهم اوبمنهجهم بل اننا امرنا بالكفر به

يقول تعالي:(الله ولي الذين امنوا يخرجهم من الظلمات الي النور والذين كفروا اوليائهم الطاغوت يخرجونهم من النور الي الظلمات )ا

فكيف يااخواني يسمح لهم بتكوين احزاب وبل يرشحون انفسهم ويحكومون بلادنا من المفترض يااخواني الا نفعل امرين :ا

1الا نداهن احد او نرضي احد علي حساب الله عز وجل

2ان اذا تكلمنا تكلمنا بعلم واضح وبينة من القران والسنة الصحيحة والا فالصمت اولي ولايجوز ان نقول هذا راي الشخصي في هذا الموضوع وهذا الامر بالاساس موضوع فقهي صعب فمن انا او انت حتي نرد علي امر مثل هذا من نحن حتي نعطي امر الاجتهاد وهو امر مقصور علي فقهاء الامة فقط وليس دعاتها

فاين دليلك يااخي من القران او السنة او من اجتهاد العلماء علي صحة كلامك

اين الدليل علي انه يجوز تكوين الاحزاب الاشتركية والليبرالية والشيوعيية والمسيحية ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اليس كل من ينادي الي غير دين الله هو ينادي الي طاغوت كلامي صح ام خطا؟

اليس معركتنا الاساسية مع هؤلاء الناس وليس مع النظام فالنظام سيقع ان عاجلا ام اجلا هذه سنة ثابتة فلو دامت لغيره لما وصلت له لانه في الاصل ليس الا مجموعة من المنتفعين وليسوا اصحاب فكر يعتنق مثل الاشتراكيين والليبرالين والعلمانيين؟

انسينا ما فعله الشيوعيين في المسلمين في الاتحاد السوفييتي ام نسينا مافعله عبد الناصر بالاخوان بايعاذ من الاتحاد السوفييتي
ام لانري الان اكبر قوة ليبرالية في العالم وهي امريكا وهي تحارب الاسلام في كل مكان؟
يااخواني لن يستقيم امر الاسلام مع هذه الطواغييت بل ان المعركة الاساسية هي مع اصحاب الفكر والعقائد
اما الانظمة الظالمة فمن الواجب قولة الحق في وجهها ومقاومة فسادها ولكن هذه الانظمة طالما انها لم تحمل فكر بل هي مجموعة من المنتفعينن فسينتهوا بنهاية منفعتهم او بختلافهم حول منفعتهم
ثم يسال المحاور عن امكانية تولي المراة الحكم
فيقول اخونا منعم انه لامانع وان الفتاوي التي تحرم هذا قد مر عليها فترة كبيرة ويجب ان يتم اعادة النظر فيها من قبل العلماء نظرا للظروف الحالية من تكون دولة المؤسسات والاحزاب
الم يسمع اخي في الله حديث رسولنا عليه الصلاة والسلام(ما افلح قوم ولوا امرهم امراة)ا
واحد هيقول ياعم متعقدهاش مستحيل الشعب بتاعنا يختار نصراني او امراة
واقول لكم هذا الكلام هو مايفك عقد الحركة الاسلامية ويوغل صدور بعضهم الي بعض
والاهم من هذا اننا اصحاب منهج اسلامي وديننا يامرنا بكذا او بكذا فنقول مايرضي الله عزوجل ومايوافق سنة رسولنا عليه الصلاة والسلام
ويكتمل الحوار بسؤال من المحاور لمنعم عن الفن فيقول له وماله الفن فالامام البنا اسس مسرح للاخوان ونحن نؤمن بالفن وماشي محدش اختلف
فيقول له الاخ منعم وفيها ايه ماانا بسمع فيروز وجوليا بطرس في الاغاني الوطنية
الم يسمع اخانا ان اقامة المراة للاذان حرام ؟
فكيف لها ان تغني ونسمع صوتها ؟
وكلام كتير في الحوار يحرق الدم فارجو منكم شئ يااخواني
اننا نهتم شوية بجانب العقيدة والعلم الشرعي مادمنا تصدينا للدفاع عن الاسلام والدعوة الي الله فالرسول عليه الصلاة والسلام بقي ثلاثة عشرة سنة يعلم الناس العقيدة وعشر سنوات يضع اسس الدولة
انا كنت ناوي اتوقف عن التدوين في رمضان ولكن واضح اني هغير راي طالما ان هناك مايستفزني وما يستثيرني ،والله المستعان
والسلام
اخوكم اليعقوبي

هناك 29 تعليقًا:

جمعاوى روش طحن يقول...

أول تعليق

بص يا عم العيقوبى

باين عليك و إنت بتكتب غنك كتيير متنرفز و محروق دمك

صح ؟

إنت قلت بنفسك إنها جريدة المخبر اليوم


أما عن ردورد الأخ منعم

فأكيد دى وجهة نظره الشخصية

يعنى بتاعته هو بس

أكيد هو كان عارف إنه لا يتكلم باسم الجماعة

و لى عودة

بس قوم اشرب كوباية لميون و روق

آه نسيت

إبقى اشربها بعد الفطار ..مش دلوقتى
الله يكرمك

أبرار يقول...

السلام عليكم ورحمه الله وبركاتة
وبالبرغم أنى برضة متوقفة عن التدوين بس سبحان الله قولت أعدى على مدونة حضرتك وسبحان الله أنا وجدت موضوع حضرتك دة إللى فعلا كنت ناوية أتكلم عن بس من ناحية أخرى وأنا عارفة ومدركة أن كلامى دة هيدايق ناس كتييير بس فى النهاية دة رأى شخصى
أولا فكرة أنك تجد أخوانى مش ملم بأمور دينة وإن المفروض دة أسااس وشعار دعوتة دة مش حاجة جديدة لأن تركيز الأخوان فى الأول والأخر على السياسة بس بإسم الدين وأن الأخوان جماعة سياسية بشعار دينى طبعا أنا مقتنعة كويس جداااا أن الدين لاينفصل عن السياسة ولكن عندما يكون كل نشاطها مرتبط بالسياسة وتجاهل الأساس الدينى هو دة إللى مرفوض من وجهة نظرى
وأنا بإذن الله هكتب بوست عندى عن رأى المفصل عن الأخوان إنا بحترمهم ولكنى أختلف معهم قلبا وقالبا
أختك فى الله
أبرار

أبرار يقول...

السلام عليكم ورحمه الله وبركاتة
أخى الكريم عندى سؤال محيرنى قوى وحضرتك بتتكلم عن المصرى اليوم ولحظت كتيير من المدونات عاملة حملة لمقاطعتها مع إنى شايفة إنها بتتكلم عن سلبيات كتييرة للحكومة وقرأت فيها أراء مؤيدة للأخوان
بصراحة أنا لم أشعر فى مرة من المرات أنها فيهاأراء أستفزتنى بالعكس أنا
شايفة إنها صيحيفة جريئة جداا
أنا لا أدافع عنها ولكنى بالفعل أريد أفهم لماذا هذا الكلام ضدها لعل رأى حضرتك يفتح لى أشياء لا أفهمها وأدرك أشياء لا أدركها
جزاك الله خيرا
أختك فى الله
أبرار

أميرة محمد محمد محمد يقول...

ايوه كده ربنا يكرمك كنت عايز تتوقف وتحرمنا من ارائك الرائعه

من حقك انك تتنرفز اذا كان الكلام صحيح وقد قاله منعم بالفعل ولم يتم تحريفه من قبل جريدة العبيط اليوم

لو منعم قال الكلام ده تبقي كارثه فوق دماغنا وارجو من الله الا يكون امثاله كثير

انا ادعو الله له بالهدايه لان من يتهاون في دينه ابتغاء مرضاة الناس وياريتهم ناس محترمين بالعكس دول كلهم منافقين ومعادين للدين سوف يخسر كثيرا وبالتاكيد سوف يخسر الاحترام

قد يكون كلامي قاسيا قليلا ولكن بالفعل ان كان منعم قال هذا الكلام فيستحقه

وانا قلت الكلام ده لان دي مش اول مره يعلن فيها الاخ منعم هذا الكلام

موضوع الاغاني ده هو معلن عنه في مدونته يعني مفيش حد بيتجني عليه

هو حر في نفسه ولكن الحمد لله معظم الاخوان نحسبهم لا يفكرون بهذا الشكل

ربنا معاك

الكواكبي يقول...

أنا رأيي انك تتوقف فعلاً عن التدوين في رمضان وبعد رمضان برضه يا ريت
ليه يا عم النرفزة دي كلها؟ ده حوار صحفي والراجل بيقول وجهة نظره
بص يا أخي الكريم فيه حاجة اتكلم عنها ابن القيم رحمة الله عليه اسمها تغير الفتوى بتغير الزمان والمكان والطبائع والعادات . . فاهم يعني ايه اغير الفتوى علشان طبائع الناس وعاداتهم اتغيرت!! لو استوعبت الأمر ده هاتقدر الى حد ما انك تفهم هذه النوعية من الآراء
يعني مثلاً موضوع ان المسيحيين يكون ليهم حزب . . قدامك حاجتين يا تقول ما فيش احزاب مرجعيتها دينية وتقفل الباب على كل الاسلاميين يا اما تقول ان ممكن المسيحيين يعملوا حزب؛ والحزب ده مش هايخشه غير مسيحيين ومش هاينتخبه غير مسيحيين او بعض المسلمين المقتنعين بأفكار الحزب ده زي بالظبط ما فيه مسيحيين بيدوا الإسلاميين صوتهم
اوزنها بميزان المصلحة الشرعية
الإمام الشاطبي رضي الله عنه قال انّى وجدت المصلحة فثم شرع الله
انا عايزك كده تسمي بالله وتهدى وتبطل نرفزة وحاول تطلع بره الصندوق وتتفرج على اللي جواه لأن وانت جوه الصندوق مش هاتشوف غير جنب واحد بس

EmY يقول...

الاول كل سنه و انت طيب
معلش يل يعقوبي باشا بس كلامك هو الي حرق دمي

اليعقوبي يقول...

عمي جمعاوي
ازيك ياحبي عامل ايه
صحيح انا كنت مترنفز جدا ان نزلت كتبت الموضوع يمكن بعد الساعة واحدة كنت هطق وبالفعل هو راي خاص بالاخ منعم ولايمثل الجماعة بالفعل

قولي خش اشرب خشاف اي حاجة بدل اللمون دااحنا في رمضان
والسلام

اليعقوبي يقول...

استاذة ابرار
جزاك الله خيرا يارب علي المرور وده من حظي حتي استفيد من تعليق حضرتك

وبالفعل راي حضرتك هو راي شخصي بس سامحيني يااختنا الكريمة بس رايك هو ايضا بعيد عن الواقع جدا
فالاخوان يااختنا كما علمنا وكما رايت انا في الواقع
وكما قال الامام البنا رحمه الله في وصفه للاخوان


دعوة سلفية : لأنهم يدعون إلى العودة بالإسلام إلى معينه الصافي من كتاب الله وسنة رسوله.

( 2 ) وطريقة سنية : لأنهم يحملون أنفسهم علي العمل بالسنة المطهرة في كل شيء ، وبخاصة في العقائد والعبادات ما وجدوا إلى ذلك سبيلا .

( 3 ) وحقيقة صوفية : لأنهم يعلمون أن أساس الخير طهارة النفس ، ونقاء القلب ، والمواظبة علي العمل ، و الإعراض عن الخلق ، والحب في الله ، والارتباط علي الخير .

( 4 ) وهيئة سياسية : لأنهم يطالبون بإصلاح الحكم في الداخل وتعديل النظر في صلة الأمة الإسلامية بغيرها من الأمم في الخارج ، وتربية الشعب علي العزة والكرامة والحرص علي قوميته إلي أبعد حد .

( 5 ) وجماعة رياضية : لأنهم يعنون بجسومهم ، ويعلمون أن المؤمن القوي خير من المؤمن الضعيف ، وأن النبي صلي الله عليه وسلم يقول : (إن لبدنك عليك حقاً) و إن تكاليف الإسلام كلها لا يمكن أن تؤدي كاملة صحيحة إلا بالجسم القوي ، فالصلاة والصوم والحج والزكاة لا بد لها من جسم يحتمل أعباء الكسب والعمل والكفاح في طلب الرزق ، ولأنهم تبعاً لذلك يعنون بتشكيلاتهم وفرقهم الرياضية عناية تضارع وربما فاقت كثيراً من الأندية المتخصصة بالرياضة البدنية وحدها .

( 6 ) ورابطة علمية ثقافية : لأن الإسلام يجعل طلب العلم فريضة علي كل مسلم ومسلمة ، ولأن أندية الأخوان هي في الواقع مدارس للتعليم والتثقيف ومعاهد لتربية الجسم والعقل والروح .

( 7 ) وشركة اقتصادية : لأن الإسلام يعني بتدبير المال و كسبه من وجهه وهو الذي يقول نبيه صلي الله عليه وسلم : (نعم المال الصالح للرجل الصالح) ويقول : (من أمسي كالاً من عمل يده أمسي مغفوراً له) ، (إن الله يحب المؤمن المحترف)

( 8 ) وفكرة اجتماعية : لأنهم يعنون بأدواء المجتمع الإسلامي ويحاولون الوصول إلي طرق علاجها وشفاء الأمة منها .


فما يميز الاخوان في راي دونا عن اي حزب او جماعة هي الشمولية ومسئلة انهم مهتمين بالسياسة علي حساب الدين فده راي خاطئ
انا شغلتي مع الاخوان مش شغلة سياسية ولكن انا لي راي خاص بي في ناحية السياسة
فيااختنا الكريمة هناك الكثير من الدعاة وعلماء للامة من الاخوان اهذه سياسة
الايام المسجدية التي تكون في الاحياء ويدعي اليها الشباب وكانت هذه من الامور التي اثرت في شخصيا اهذه سياسة
قوافل الدعوة والامر بالمعروف والنهي عن المنكر اهذا سياسة


يااختي كثير من الملتزمين للاسف لايعرفون اصل رسالة الاسلام
اهو دين هدفه العلم ؟
ام هو دين هدفه الحكم والسياسة ؟
ام ماذا
اصل رساتلة الاسلام هي رسالة اصلاح لكل شئ
يقول تعالي علي لسان سيدنا شعيب:(ان اريد الا الاصلاح ماستطعت وما توفيقي الا بالله)0
يقول تعالي:(وماكان ربك مهلك القري بظلم واهلها مصلحون)0
لم يقل الله عالمون او مؤمنون او صالحون او قانتون او عابدون
بل قال تعالي مصلحون
مصلحون للعقيدة والعبادات وللاخلاق والحكم وكل شئ

في النهاية كلام حضرتك يدل ان حضرتك حكمتي علي الاخوان من الاعلام المصري ولم تخالطيهم كثيرا
انا وبصدق اري ان كثير من الاخوان ليس لهم اغراض سياسية ولكم اخوانا الذين يعملون في السياسة لابد ان يكون لهم بوق اعلامي حتي يتحدثوا عن ارائهم
ولكن اخواننا الذين يعملون في الجانب الدعوي ليس من اولويات عملهم عمل بوق اعلامي لعملهم فاسال الله ان يكون هذا لله


اما الاستاذ عبد المنعم فهذا استاذ لي وانا لااساوي بجانبه شئ ولم ابتلي مثلما ابتلي هو ولكن هذا رايه الشخصي من باب الامر بالمعروف والنهي عن المنكر وهذا واجبه علي كاخ لي في الله
ولو قال هذا ىالكلام في جلسة لذهبت اليه وكلمته سرا ولكن هذا الكلام كان علي الملاء فكان يجب ان يكون الرد علي الكلام علي الملاء وهذا لاقلل من شان اخي في الله

واختنا كلنا نحتاج الي علم والي فقه واقع حتي نعرف مجتمعنا جيدا
والسلام

اليعقوبي يقول...

الاستاذة اميرة
جزاك الله خيرا علي المرور
اسلك ان تدعو لنا كلنا ان يغفر الله لنا
وانا بعثت للاخ منعم في مدونته اطلب رايه ورده علي هذا الكلام ولوكان لم يقله وهوفي جريدة المصري اليوم يوم الاربعاء الماضي ساشيل ذلك البوست واعتذر له علي الملاء فهوز رغم كل شئ اخ لنا واستاذنا ولم نبتلي مثله
والسلام

اليعقوبي يقول...

الكواكبي
اولا:جزاك الله خيرا ياعمنا
ثانيا:تغير الفتوي اخي الكريم بتغير الزمان والمكان شئ جميل وانا موقن بشئ مثل هذا واعلمه ةجيدا وارفض بعض الفتاوي لانها بالفعل قيلت في اناس من خمسمئة عام علي الاقل ولا تناسب وقتنا هذا
بس يااستاذي برضه مش في المقابل نهدم ثوابت الاسلام
يعني مثلا من ثوابت الفقه الاسلامي في اهل السنة والجماعة انه لايجوز للمراة او لغير الاديان الاخري ان يتولي الولاية الكبري في بلاد المسلمين
ولو حضرتك نظرت فقط للتاريخ نظرة مدققة ستجد ان كل هذه التيارات كانت موجودة في عهد الخلافة الاسلامية الراشدة
زي مافي علي وقتنا شيوعيين وليبرالين ووماركسين وعلمانيون ونصاري ويهود
كان علي عهدهم ايضا معتزلة ومرجئة وجهميين وخوارج ونصاري وشيعة ويهود
ولكن في عهذ الخلافة والعلماء وفقهاء السلف لم يخرج احد ليقول ان هذا تعبير عن رايهم ودي حرية شخصية وانه يجب احترام ارائهم
بل اخرجوا كتب العلم للرد علي هؤلاء المخرفيين وانكروا عليهم فعلهم وقالوا فيهم مايرضي الله ورسوله عليه الصلاة والسلام ولم يداهنوهم بسبب انهم علي كراسي الحكم ولك في فتنة خلق القران عبرة وهي تعبير عن اصطدام الاسلام السليم مع طائفة مثل المعتزلة وماسببوه من فتنة كبيرة في تاريخ الامة



اما مسئلة ان تقفل الباب علي كل الاسلاميين
يااستاذي الفاضل انا وانت ندعي اننا اسلاميون اي ان مصدر تشريعنا ووارائنا هي الكتاب والسنة الصحيحة واجتهاد السلف الصالح مع علماء الخلف الربانين الذين لم يتاثروا باي شئ سواء كان حاكم او محكوم او ثقافة غربية صح كلامي 0
يبقي نقول اللي يرضي الله ورسوله عليه الصلاة والسلام مش عشان نكسب موقف سياسي نخالف العقيدة واساسيات فققه مصر بلد اسلامي تحكم بالاسلام وسيحكمها مسلمين ان شاء الله ويعيش في ظل الاسلام في هذه البلد كل من المسلمين وغير المسلمين يحكمون بالاسلام وترك لاصحاب الاديان الاخري حريتهم الدينية دون تضييق او كبت لشعائرهم الدينية وهذا ليس معناه اننا انه من حقهم تاسيس حزب وان يسعوا للترشيح للرئاسة

واسمع هذه الاية يااخي بقلبك وليس باذنك
يقول تعالي:(ودوا لو تدهن فيدهنون)0
الله عز وجل يحذر رسوله عليه الصلاة والسلام من المداهنة والتفريط في اساسيات دين الله ويحذره انه لو انه تنازل ولو في امر صغير ستبدا سلسلة من التفريط


يقول رسول الله (صلي الله عليه وسلم):عليكم بسنتي وسنة الخلفاء الراشدين من بعدي عليكم بها عضوا عليها بالنواجذ0
هذا هو سبيل من يدعي انه اسلامي هذا الحديث اصل من اصول ديينا يااستاذي

لو الرسول عليه الصلاة والسلام بين اظهرنا الان وهو قائدنا
اكان سيسمح بتكون حزب مسيحي في بلاد تحكم بشرع الله وتقول المصدر الرئيسي للتشريع هو الشريعة الاسلامية


حاجة كمان علي فكرة يااستاذي انا عايش الدنيا اللي حواليا كويس وشايف الصندوق من جوه ومن بره بس للاسف زي مافي ناس جواه مخرجوش منه في ناس معرفوش اللي فيه
والسلام وانا سعيد بزيارةة حضرتك لمدونتي وشكرا علي نصيحة حضرتك الذهبية اللي في اول التعليق

ونصيحة في نشيد اسمه الا من يدعي الفهم
والله بياثر في جدا ولما بحس ان نفسي في حاجة وبدات تعتقد انها كبيرة شوية بسمعه وانصحك يااخي اسمعه زي ماانا بنصح نفسي اني اسمعه
والسلام

اليعقوبي يقول...

الاستاذة ايمي
وحضرتك بصحة وعافية وبخير دايما يارب
من اهم الاشياء في الدنيا ان الانسان يعرف قدراته كويس
يعني انا مثلا لما جيت اشوف قدرات ذكائي وجدت اني بتميز بحكاية الاستنتاج يمكن عندي قدرة علي الحفظ ويمكن فهمي بطئ شوية بس بفهم بالوقت
ولكن ولله الحمد اعرف استنتج امور كثيرة جيدا من حولي سواء من ردود افعال او تصرفات
والصراحة انا كنت متوقع ان حضرتك مش هيعجبك كلامي خير
بس اجب اعرف ليه بتوضيح اكبر وياريت حضرتك تكوني مصحبة كلامك بادلة من القران والسنة فهذا هو الحكم بيننا بما اننا مسلمون
يقول تعالي:(والله لايؤمنون حتي يحكموك في ما شجر بينهم ثم لايجدوا في انفسهم حرج مما قضيت ويسلموا تسليما)0
صح
والسلام

Dr.Nassif يقول...

يا صديقى أعصابك
مهم جدا للأخ انه ميسمحشى للعبط ده يستهلك من طاقته النفسية لأنك هتجد نفسك فى النهاية محاط بكم غير طبيعى من الضغوط اللى لازم كانسان مؤمن برسالة متسمحلوش يصيبك باليأس او الزهق
عموما ربنا يعينك و صحيح انما الهم ما أهمك
جزاكم الله خيرا

EmY يقول...

اليعقوبي باشا اولآ انا معترضه علي الهجوم علي صحيفة المصري اليوم دي جريده مستقله و محايده بس مش شايفه كل حاجه سوده
لما بيحصل حاجه كويسه بتقول و بتشوف السلبيات كمان
و كمان مش ضد الاخوان علي طول الخط
بس النقد ليهم مهم هما مش معصومين
و انا معاك ان الاقباط مش مضطهدين لأن مفيش سبب لاضطهادهم
الدين مش عيب يعني
مسلم مسيحي في الأخر مصري
بيحب مصر المسلم مش هايحب مصر شويه زياده
بس انا ضد ان هما خدوا اكتر من حقهم
ايه الي هما خدوا زياده و ايه حقنا و حقهم
احنا كلنا واحد مصريين اني مسلم ده مايدنيش حق زياده عن مصري مسيحي
انا ضد اقامه احزاب لي اساس ديني اسلامي او مسيحي
بس المسيحين من حقهم المشاركه في الحياه السياسيه بكل صورها

اليعقوبي يقول...

دكتور نصيف
حبيب قلبي كل سنة وانت طيب وتقبل الله منك
للاسف الواحد كان لازم يرد علي الموضوع بهدوء شوية بس والله هذا الكلام خرج فقط حمية لله ولدينه ولراي شخصي لي داخل الجماعة فجماعة الاخوان ليست عز او نصيف او منعم او فلان او علان بل هي كيان كبير يرفع شعار واحد
ويحمل هدف واحد وهونصرة دين الله ورسوله عليه الصلاة والسلام

وجزاك الله خيرا يااخي
اني احبك في الله
والسلام

اليعقوبي يقول...

استاذة ايمي
للاسف صحيفة المصري اليوم اللي حضرتك بتكلمي عليها كانت كلام لبعض الاخوان لم يقولوه وكان لها مقالات اقل مايقال عنها انها ليست نقد ولكن قلة ادب مثل حمدي رزق
واحد اخواني في الكلية وهو صاحب مدونة احدي المدونات وكان برضه بياخذه منه كلمة عابرة تعاملوا معاها بطريقة القص واللزق
ونسب كلام لبعض اعضاء مكتب الارشاد لم يقولوه ويتسبب بسببه مشاكل
بصي يااستاذة يمكن حضرتك تسمعي عن الفساد في الصحافة لكن لما يكون لكي احد في هذا المجال ويقول للكي هذا يختلف
اي رئيس تحرير طلع طيارة الرئاسة يبقي خلاص علمي عليه لان مش اي صحفي يطلع طيارة الرئاسة
اي نعم هي جريدة لها راي وتعرض امور كثيرة ولكن هذا هو الهدف خلق شئ من المعارضة المقننة بالحكومة
وهذا مختلف


تاني حاجة الاقباط
يااختي الفاضلة ممكن اطلب من حضرتك طلب اقرا عن ماللاقباط وما عليهم في كتب الفقه الاسلامي يعني حضرتم مثلا اشتري كتب الفقه للامة او نزليها من علي النت واحكمي مالهم وما عليهم
هم مصريون وديننا علمنا ان نحترمهم ولا نكرهم علي ديننا ونعطيهم حريتهم الدينية وما الي ذلك وحريتهم في بلادهم من امور مالية وحقوقية واجتماعية وصحية وما الي ذلك من خدمات تقدمها الدولة لاي مواطن دون تفرقة بينهم في الديانة
اما ما عليهم فهذا متروك لحضرتك ابحثي حضرتك فيه في كتب الفقه للامة الاربعة وهم من اعظم من جاء في امتنا من العلماء

اما الاحزاب
تاني مصر دولة اسلامية مش نصرانية او قبطية يعني تحكم بشرع الله مش بشرع سين اوصاد من جماعات او اجزاب لو كان في الاسلام انه يسمح ان تقام احزاب نصرانية فهنا نقول سمعنا واطعنا واذا لم يكن في الاسلام ان تقام احزاب نصرانية فهنا ايضا نقول سمعنا واطعنا


ملاحظة يااستاذة
الله عز وجل لم يصفهم في القران ويقول عنهم مسيحيين بل قال سبحانه وتعالي عليهم نصاري
فالمسيحييون معناها هم من اتبعوا سيدنا عيسي عليه السلام كرسول ونبي منزل وليس اله او ابن اله
والنصاري هم من نصروا سيدنا عيسي ووقفوا بجانيه ولكن منهم من حرف دين الله المنزل الي سيدنا عيسي عليه السلام
اما الاقباط فهم اهل مصر القدامي اي قبل الفتح الاسلامي
والسلام

Dr.Nassif يقول...

أحبك الله الذى أحببتنى فيه
وأنت طيب يا سكر وحشتنىىىىى

emy

أنت متعبة ليه مبارك بقاله 27 ولا 28 سنه يقول يمين نروح يمين يقول شمال نروح شمال حاجة غريبة أوى كل ده و لسه حضرتك عايزه يبقى عندك حق فى النقاش و الفهم و المعارضة و الحوار!!!!!
ياعينى عليك يا مبارك عمرك راح هدر يابنى
:)

غير معرف يقول...

جزاك الله خيرا
موضوع تجديد النيه ده حلو اوي
انا حبيت اوضح لحضرتك وللجميع
انه تم تحريف الحوار والتغيير فيه تماما وهو مادفع زهراء لكتابة توضيح وسيتم نشره ان شاء الله لانهم غيرو في الكلام تماما لخدمة اهدافهم مما اظهر نواياهم السيئة حسبي الله ونعم الوكيل

EmY يقول...

انا بعتلك ميل لو سمحت شوفه و رد عليا
شكرآ

KIMOOOZ يقول...

انت كلامك انت اللى حرق دمى
معلش يعنى مش الاخ منعم اللى مش عارف يتكلم
الاخ منعم قال كلام مظبوط جدا
يا اخى و ماله لما يتعمل اى حزب لأى توجه ايا كان
هو انت مش فى جماعه بتقول انها عايزه تعمل دوله على مدنيه بمرجعيه اسلاميه
عارف يعنى ايه دوله مدنيه
ديه يعنى حريه انشاء احزاب بمجرد الاخطار للجهات المسؤوله طالما انها لا يكون فيها ميليشيات عسكريه
يعنى اشتراكى ليبرالى مسيحى اى حاجه يا معلمى
و الشعب هو اللى يحكم ده ينفع و ده مينفعش
هو ده اللى مخوف الناس مننا
اننا نيجى و نمسك السلطه و بعدين نقول مره واحده
هوب
مفيش غيرنا و اقفل بقى حزب الوفد عشان ريبرالى و اقفل الناصرى عشان اشتراكى
و اقفل و اقفل
بالله عليك تابع كويس و اقرا كويس
على فكره اراء منعم هى اراء كل اساتذتنا من عصام العريان و عبد المنعم ابو الفتوح و المرشد نفسه
بس كده احسن ايدى وجعتنى من الكتابه

عصفور المدينة يقول...

ربنا يكرمك يا عز وحشتني
وجزاك الله على غيرتك
أعتقد طبعا كما قال الأخوة أن ربما يكون تم تحريف العبارات لكن لا أعتقد أن يتم تحريف المحتوى
والمشكلة أن المساحة بين المداراة وبين تمييع القضايا قد اختفت عند بعض الناس
والأفضل إذا كانت المداراة تصل إلى هذا الحد أن يتم تجنب الحديث العام
والمشكلة أن يكون هذا الكلام هو اعتقاد فعلي وهو مايبينه السياق العام وباقي منهج الإنسان وسكوته على تبيين اعتقاد آخر مخالف لذلك المعلن طوال حياته فمتى يتم البيان إن كان يعتقد خلاف ما يظهر لأجل المداراة ومتى يعلم الناس الحق الحقيقي

بل وأضيف بعد قراءة كلام آخر حول هذا الموضوع
ومتى نعظم سنة الرسول وأقواله وأفعاله

لا ينبغي علينا أن نلوم السابين للنبي صلى الله عليه وسلم ونحن نسفه سنته صباح مساء ونساوي أقواله وأفعاله بغيره من البشر الخاطئين بل وربما أعليناها فوق أقواله وأفعاله
اللهم ارحمنا
أخي جزاك الله خيرا مرة أخرة
وأردد معك عنوان مدونتك
يارب ثبات على طريقك

مع تحيات أخيك المنقطع عن التدوين

اليعقوبي يقول...

د0نصيف ازيك ياحبي
وانت كمان وحشني ياجميل
بس ما ينفعش ياصاحبي ربنا يكرمك سيب كل واحد يقول اللي هو عايزه دي قناعات تغير بالوقت ان بحث صاحبها عن الحقيقة والسلام

اليعقوبي يقول...

الاخ المجهول جزاك الله خيرا
استاذن حضرتك اتاكد من هذا الامر حيث ان كان صحيح سانزل بوست اعتذار لاستاذ منعم
والسلام

اليعقوبي يقول...

kimoooz
نورت مدونتي يااستاذنا
طبعا ده راي حضرتك الخاص انا لم اقل اننا هنلغي المجتمع المدني في مصر الذي يتساوي فيه كل المصريين امام القانون وفي الخدمات

بس كلام حضرتك ده هو العلمانية بعينها سيب الشعب يختار لالالالالالا ياصاحبي ربنا يامر بكذا وكذا فيخضع له الحاكم قبل المحكوم شائوا ذلك ام ابو ومش معني ده ان الحاكم يصبح الحاكم بامر الله وماغيره

دي اراء يااستاذنا وانا لااوافق علي راي استاذ منعم وده حقي ومش اعيد كلامي حضرتك اقرا التعليقات وهتعرف اجابتي
والسلام
واتمني زيارتك لمدونتي المتواضعة ثانيا

اليعقوبي يقول...

مثلي قوي متجيش هنا تاني
سلام

اليعقوبي يقول...

استاذي واخي في الله عصفور المدينة منور مدونتي دايما
انا معاك في كل كلمة قلتها
وادعو الله لي يااخي والسلام

الباحث عن الحقيقة يقول...

السلام عليكم ورحمة الله وبركاته
اولا احييك على الموضوع الجميل والاحساس الحماسى الذى تكتب به
ثانيا: الاقباط اخدوا اكتر من حقهم بكتير
وللاسف بقينا نعمل حساب لـ7 فى المائه من الشعب المصرى على حساب الـ93% الباقيه
فيه ديمقراطيه اكتر من كده
الاقباط دعوه بتتلكك بها الحكومه واعنى الحزب الوطنى من اجل القضاء على اى طموح الى تكوين حزب اسلامى فى مصر زى حزب الوسط بتاع ابو العلا ماضى
وللاسف يجب على الاخوان وغيرهم عند ذكر الاقباط ان يتكلموا عنهم كأقليه لا كمواطنين على السواء
ليييييه؟
لان هذا هووضعهم الحقيقى
هم فعلا اقليه
ويجب معاملتهم كأقليه كما فى كل دول العالم واعنى اوربا وامريكا
زى ما بيعاملوا الاقليات هناك نعاملهم
يعنى ألغاء اعيادهم من قائمة الاجازات الرسميه ..ماهو مش احنا احسن من فرنسا
إلغاء تشريعاتهم الخاصه فى الزواج والطلاق
احنا برضه مش احسن من فرنسا او اى دوله اوربيه
انتم عارفين ايه اللى ناقص
الاقباط ياخدوا حكم ذاتى
طبعا عندهم قوانينهم الخاصه واقتصادهم الخاص واعيادهم الرسميه يبقى فاضل ايه تانى

Sharm يقول...

واضح ان منعم كان مسقط شبكة

طال الليل يقول...

السلام عليكم ورحمة الله

أخى الحبيب عز اليعقوبى
لا حول ولا قوة إلا بالله
نكأت جرحا ولامست قرحا
عفا الله عنك وعنا جميعا بما فينا أخانا منعم
فى رأيى أن كثيرا مما جاء على لسان الرجل جانبه فيه الصواب وبعد فيه عن السداد وربما حمله عليه جو الحوار ونوعية الأسئلة وطريقتها فاندفع هداه الله يجيب لا معبرا عن رأى الدعوة وأهلها وأحسبهم بخير بل كان يتحدث عن رأيه فإذا بكلامه ينشر على أنه رأى الإخوان فى جيلهم الجديد وحاشا للدعوة أن تداهن وتتملق
أما عن موضوع الفن فلابد أن ينصح الرجل فى ذلك ولكن على بريده أوهاتفه

ولى بمشيئة الله عودة بعد العيد فى موضوعى الأقباط والأحزاب


آلمنى أخى غضبك وسرنى فى الوقت نفسه إذ لمست فيه غيرة على دين الله ودعوة الإسلام

alnagar يقول...

بجد انا مصطدوم
من بعض الاراء الغريبة
اللي قريتها هنا
ومفيش حاجة
أقولها غير ان احنا
محتاجين هدنة صمت
حتي نفهم ثم نتكلم
بعد ذلك
كل سنة وانتم طيبين

ساندوا اخوانكم في القوقاز

ممدونات مهمة للغاية

المدونات دي لازم تعدوا عليها وساندوا اصحابها جزاهم الله خيرا

مدونة ارض الحرب جزا الله صاحبها خيرا

كلنا مقاومة

مدونة اولادنا امانة (كيف نربي الاجيال القادمة)

نشقي ليعز ديننا وتسعد امتنا

نشقي ليعز ديننا وتسعد امتنا

جماعة قاداتها شهداء منصورة باذن الله

جماعة قاداتها شهداء منصورة باذن الله

About Me

صورتي
اليعقوبي احد الفاتحين القادمين باذن الله واتمني انا ذلك كل مااسال الله عليه ان يثبتني علي دينه وعلي طريقه والااضل عنه وان يرضي عني

لغتي الجميلة هويتي واصلي وديني

لغتي الجميلة هويتي واصلي وديني

اللهم ارحم اخي علاء رحمة واسعة

اللهم ارحم  اخي علاء رحمة واسعة

اللهم ارحم اخانا رحمة واسعة واجمعنا به في مستقر رحمتك

اللهم ارحم اخانا رحمة واسعة واجمعنا به في مستقر رحمتك
نسالكم الدعاء لاخانا