الجمعة، 25 أبريل 2008

الثبات

بسم الله والصلاة والسلام علي رسول الله صلي الله عليه سلم
اول امبارح خرجت اسراء عبدالفتاح من المعتقل وحمد لله علي سلامتها ولكن تصريحاتها كانت غريبة جدا بعد الاعتقال المذيع بيسالها انت عاملة ايه ؟فردت انها بخير وانه لم يسمها احد وعاملوها احسن معاملة
فبيسالها عن اضراب 4مايو قالت مش عارفه ومش عايزة اعرفه
طيب يااخوانا المفروض اننا نتعلم من المواقف اللي بتدور حوالينا ونحاول نحللها ليه قالت اسراء الكلام ده وعلي فكرة مش هي اول واحدة تعمل كده ياما بنشوف شباب كتير بيلتزم ومع اول شدة او خبطة او تحقيق صغير بيسيب الليلة كلها وبيكبر دماغه وبنشوف بنات بتلبس الحجاب فترة وبتخلعه طيب ايه السبب؟؟؟؟؟؟؟؟؟؟؟؟
في راي ان هذه المواقف تظهر الفرق بين رجال المواقف ورجال المبادئ
فرجال المواقف يموتون بمواقفهم ورجال المبادئ لايكفون حتي تنتصر مبادئهم وان اوذوا وذلوا واعتقلوا
تظهر الفرق بين يقاتل من اجل مبادئه وافكاره وبين من وجد موضة وهي مثلا ومهاجمة الحكومة فقال اعمل زيهم واشتم واهاجم وكان معتقد ان الدنيا سهلة
رحم الله الحاجة زينب الغزالي والحاجة امينة قطب والحاجة حميدة قطب النساء اللاتي تعرضن في سجون عبدالناصر للتعذيب والايذاء الذي لم يكن ليتحمله رجال اشداء ولا يتحمله الا من كان في قلبه عقيدة اسلامية قوية تحركه
اعتقد ان المطلوب ان يدافع الناس عن حقوقهم وهم يحركهم مبدئ لا ان يجعلوا نضالهم ودفاعهم عن الحقوق موضة وخلاص او موجة وركبناها ولا تجعلوا هؤلاء الطغاة والظالمين يؤثرون عليكم بسلطانهم فحبيب العادلي ورجالة الاشاوس موعدنا معهم عند ربنا ولكن اسال الله ان يجعل الله الموعد موعدين في الدنيا والاخرة هؤلاء الذين فتنوا الناس واضلوا الشباب واخافوهم من مجرد التفكير ولو التفكير فحسبنا الله ونعم الوكيل
واليهم اهدي لهم قوله تعالي :(يوم تقلب وجوهم في النار يقولون ياليتنا اطعنا الله واطعنا الرسول *وقالوا ربنا انا اطعنا سادتنا وكبرائنا فاضلونا السبيل *ربنا واتهم ضعفين من العذاب والعنهم لعنا كبيرا )ا
والي الذين رجعوا عن مبادئهم التي يفترض بما اننا مسلمون ان تكون هذه المبادئ لله خالصة له ومن نهج كتابه وسنة نبيه عليه الصلاة والسلام
اهدي لهم قوله تعالي :(ومن الناس من يقول امنا بالله فاذا اوذي في الله جعل فتنة الناس كعذاب الله ولئن جاء نصر من ربك ليقولن انا كنا معكم اوليس الله باعلم بما في صدور العالمين)ا
بلي الله اعلم بما في صدر كل منا
وفي الاخر الف مبروك لاسراء الخروج ولكم كنت اتمني ان تثبت علي مبدئها وتعيد النظر في الكلام الذي قالته وصرحت به واسال الله الثبات في كل مواقفنا وجهادنا
والسلام

هناك 17 تعليقًا:

khobayb يقول...

والله يا أخي .. لا أحب الحديث عن شخص لم يستطع الثبات على مبدئه

فإن الثبات من عند الله ..

وإن قلوب العباد بين إصبعين من أصابع الرحمن ..

نسأل الله لنا ولك ولأصحاب الحق الثبات عليه

---

صدقت في تفريقك الرائع بين أصحاب المواقف وأصحاب المبادئ

---

بورك فيك

مشروع انسان يقول...

القلوب بين اصبعين من اصابع الحرمن
يقلبها كيف يشاء

ربنا يثبتنا
ومحدش يذمن نفسه وقت الفتنة

سبحان الله

فعلا لما سمعت كلامها كان شكلك غريب جدا
وكمية الشكر فى السجن
والمعاملة
بطريقة مبالغ فيها جدا

وتبراها من اضراب 4 مايو

ربنا يهدى الجميع ويثبيتنا جميعا

بنت الصالحين يقول...

الحمد لله علي رجوعها لاني بجد كنت متضايقه علشانها اوي

اما بالنسبه للي قالته
فالله اعلم بيها وباللي حصل معاها
جايز يكون كلامها صح
وجايز يكون غلط
الله اعلم وربنا يهدي الجميع

أنا حر يقول...

اسراء بطلة بالصدفة ده اللي اثبتته الايام
سبب التفافنا حوالين اسراء هو افتقدنا للرمز بس اللي انا مستغربله انه هي قالت انها كانت بتتعامل معاملة خمس نجوم ومع ذلك مقدرتش تصمد امال لو كان تم التعامل معاها زي المعتقلين التانيين كانت هتعمل ايه؟؟
حسبي الله ونعم الوكيل
تحياتي

Sally يقول...

الانسان ساعات بيتخبط لو حصله موقف جديد عليه ... لكن سريعا مايعود لرشده اذا وجد من يقومه

فافضل ان استطعنا ان نكون
اداءه التقويم لا اداءه الجلد

الفاتح اليعقوبي يقول...

السلاك عليكم
استاذي خبيب باشا
ربنا يكرمك ياجميل وادعو الله ان يثبتنا جميعا ويقوي عزيمتنا
وبارك الله فيك يااستاذي
والله يااخي اني احبك في الله
والسلام

الفاتح اليعقوبي يقول...

استاذي الكبير جدا امام الجيل
اللهم ثبتنا يااخي وفعلا كانت غريبة مسئلة شكرها في اللي حصلها هناك وكان بصراحة بزيادة اوي ربنا يثبتنا جميعا يااستاذي
والسلام

الفاتح اليعقوبي يقول...

السلام عليكم
استاذة عاشقة الفردوس
واحنا كمان فرحنا يااستاذة برجوعاها والله اعلم ايه اللي حصل معاها بس برضه مش كده الشكر الزيادة في امن الدولة مبالغ فيه اوي وربنا يثبتها ويثبتنا
والسلام

الفاتح اليعقوبي يقول...

السلام عليكم
استاذي انا حر
فعلا البطولة بالصدفة تنتهي بالصدفة ولا تكتمل البطولة بالصدفة الا في الافلام فقط والواحد بيسال لو كان حصل معاها زي بقيت المعتقلين كانت عملت ايه فعلا
وحسبي الله ونعم والوكيل
في اللي حظروا علي الناس مجرد التفكير
والسلام

غير معرف يقول...

بالنسبة لكلامها عن المعاملة ممكن يكون فعلا عندها حق لانها اصبحت محور احداث والكل مستنيها تخرج ويسمعوا عن تجربتها فممكن اتعامات كويس وبعدين هى اقترحت فكرة ودعت ليها مش موضوع تغيير قوانين دولة والحاجات الكبيرة دى يعنى اولا واخيرا فتاة شابه مقبله على الحياة ليها راى فمش لازم يكون رد فعلهم معها كانها قائدة حركة ثورية
ثانيا بالنسبة لرفضها انها تعرف اللى بيحصل ممكن من تاثير صدمة بعدها عن بيتها وانها مجربتش الحكاية دى قبل كده واولا واخيرا صعب اننا نحكم على حد غير لما نوضع فى مكانه

الفاتح اليعقوبي يقول...

استاذة رؤية
كلام حضرتك جميل جدا وموافقك عليه 100%بس يااستاذة لما يصبح الامر ظاهرة لازم برضه نوصل راي وانا لم اقصد الشخصية ذاتها ولكن كنت احاول ان احلل موقف وبالفعل النصح مطلوب وبرضه الاعلان ان هذا الموقف خطا مطلوب حتي لايعتقد احد ان فكره او التزامه او انتمائه او بحثه عن الحق مجرد نزوة في حياته

وكلام حضرتك ممكن لو ان هذا الشخص فعل هذا الامر بشكل فردي وليس شخصية عامة كاسراء فالامر ان تم بشكل عام يجب التحذير منه ومهاجمته بشكل عام حتي لايفتن الاخرين بهذا الموقف

وشكرا علي نصيحة حضرتك يااستاذة اللي فعلا والله استفدت منها
والسلام

Unknown يقول...

الثبات ... قضية هامة جدا

لكن أحيانا الثبات على بعض المواقف بيكون من الحماقة

مثلا هي عندها هدف وطريق لنفسها ... لو موقفها هيتعارض معاه ، اكيد هتبطل وساعتها هتظهر غير ثابتة

ده غير ان لكل منا طاقة ... الله اعلم بها

ثبتها الله وثبتكم وايانا

راحــله يقول...

اخى الفاضل ...
باعتقادى ان التبات بيحميه الامان اى نوع من الامان وفى حاله اسراء كانت لوحدها وقررت تبقى ايجابيه بدون مقاييس ولله الفضل ثم لاسراء الزيت بقى من 10 جنيه الى 5 ونص اسراء فقدت الامان لو هنقارنها باصحاب المبادىء المدربين على مثل هذه المواقف يبقى بنظلمها ده موقف مفاجىء وخطييير بالنسبه لاى بنت فى الدنيا وبالتالى هى اسهل انها ترجع فى كلمها من الرجال ....نرجع تانى لموضوع الامـــان شعور الحاجه زينب الغزالى ومن معها بوقوف كيان كبير فى صورة القائد حسن البنا وقوفه خلفهم باعتقادى قواهم جااامد جدا حسسهم ده بالامان الى افتقدته اسراء يعنى من الاخر فى بنات من الاخوان بيتاخدوا لكن بيطلعوا يكملوا انما اسراء لوحدهااا والله اعلم
وضحت الفرق بين اصحاب المبادىء واصحاب المواقف بشكل رااائع

اسفه للاطاله
جزاك الله خيرا

الفاتح اليعقوبي يقول...

السلام عليكم
استاذة هند ربنا يكرم حضرتك يااستاذة كلام حضرتك عقلاني جدا وتحليل منطقي ولكن علي فكرة انا لم اكن اقصد اسراء في ذاتها ولكن كنت اتحدث عن ظاهرة عامة وهي رجوع كثيرين عن مبادئهم واارائهم
وجزاك الله خيرا
والسلام

الفاتح اليعقوبي يقول...

استاذة نور
فعلا الثبات قضية مهمة ولكن في بعض الاوقات يكون حماقة عندما لاتدري علاما تثبت ولمن تثبت فان لم يكن الثبات لله فهو في راي الحماقة وهذه الامور تقدر بموقفها يعني متي ارخي واتراجع ومتي اثبت ولو كان علي رقبتي
وجزاك الله خيرا
والسلام

الفاتح اليعقوبي يقول...

السلام عليكم
استاذة راحلة
كلام حضرتك وتحليلك محترم جدا وفعلا كثير من الاوقات الاخوة والترابط بيشعروا بالامان ولكن القرب والاعتقاد السليم في الله يشعر اكثر بالامان والله المستعان
وجزاكي الله خيرا
والسلام

روينا يقول...

يا مقلب القلوب ثبت قلوبنا على دينك
حمد الله على السلامه لاسراء
والله اعلم بحالها وربنا يهديهاويستعملها لنصره الاسلام والحق ويهدينا

ساندوا اخوانكم في القوقاز

ممدونات مهمة للغاية

المدونات دي لازم تعدوا عليها وساندوا اصحابها جزاهم الله خيرا

مدونة ارض الحرب جزا الله صاحبها خيرا

كلنا مقاومة

مدونة اولادنا امانة (كيف نربي الاجيال القادمة)

نشقي ليعز ديننا وتسعد امتنا

نشقي ليعز ديننا وتسعد امتنا

جماعة قاداتها شهداء منصورة باذن الله

جماعة قاداتها شهداء منصورة باذن الله

About Me

صورتي
اليعقوبي احد الفاتحين القادمين باذن الله واتمني انا ذلك كل مااسال الله عليه ان يثبتني علي دينه وعلي طريقه والااضل عنه وان يرضي عني

لغتي الجميلة هويتي واصلي وديني

لغتي الجميلة هويتي واصلي وديني

اللهم ارحم اخي علاء رحمة واسعة

اللهم ارحم  اخي علاء رحمة واسعة

اللهم ارحم اخانا رحمة واسعة واجمعنا به في مستقر رحمتك

اللهم ارحم اخانا رحمة واسعة واجمعنا به في مستقر رحمتك
نسالكم الدعاء لاخانا