الثلاثاء، 1 أبريل، 2008

ظلام بعد السبعين

بسم الله والصلاة والسلام علي رسول الله
ازيكم يااخونا عاملين ايه واحشني جدا والله وعذرا علي التقصير وعدم المتابعه نسألكم الدعاء
يبدوا وكما قال اخي محب الدين ان انا موعود بالعلمانيين والملحدين والناس دي ,حتي البرامج اللي انا باتبعها بالقيهم موجودين علي طول ,اروح ندوات او مؤتمرات الا قيهم بردوا وسبحان الله نفس الوجوة المظلمه مابتتغيرش ولاحول ولاقوة الابالله
ايه بقي الموضوع ,الموضوع ان انا كنت بااتفرج علي برنامج هكذا علمتني الحياة (ده برنامج مش الدرس بتاع الشيخ علي القرني)المهم البرنامج العظيم ومقدم البرنامج الاعظم كانوا جايبين مين بقي كانوا جايبين الروائي
شريف حتاتة
مين بقي شريف حتاتة ده ,الراجل ده روائي ودكتور طبيب وزوج الهانم الضالة المضلة نوال السعداوي,فلكم ان تتخيلوا ان تكون هذه زوجته والطيور علي اشكالها تقع مااعظم هذه الكلمة فعلا هذه المراه التي لم تجد سوي الله والاسلام لتعلن عليهم الحرب تحت الشعارات الزائفه التافهه التي يدعونها وهم ابعد مايكونوا عنها وحسبنا الله ونعم الوكيل,المهم هذا الرجل الشيوعي عضو حزب التجمع سابقا والذي له اصول يهودية من جهة الام وزوج نوال السعداوي الرجل الذي تخطي السبعين بقليل سنعلم اراءه في الدين!!!طبعا الدين الاسلامي فقط اما اليهودي او النصراني عفوا ممنوع الاقتراب او التصوير وسنعرف اراءه كذلك في العلماء والدعاة المسلمين طبعا ام القس والحاخام عذرا كذلك ممنوع حتي اشعار اخر ولاحول ولاقوة الابالله
---------------------------------
المهم بدات الحلقة عن حياته الشخصية وطرق تفكيرة واهتماماته وعائلته الكبيرة وكيف كان جده من كبار الاقطاعيين ,وغيرها من الكلمات العاديه جدا حتي الان,الي ان قابل الحب الاكبر وحبيبته نوال السعداوي التي كان لها اكبر التاثير علي شخصيته وكيف دفعته للكتابة في مجال الرواية والادب ,وكيف كانوا يعيشون وطريقة حياتهم ,برده الكلام ده مالناش فيه ايكش يحب عفركوش واحنا مالنا برده ,الي السؤال الفيصل من المذيع الجريء الذكي الحكيم الذي بادرة بالسؤال قائلا بنفس الصيفه اللي هاكتب بيها بالظبط
ايه رايك في المقولة اللي بتقول الرجال قوامون علي النساء؟
مقولة ايه ياعم انت دي اية يقول الله عزوجل
الرجال قوامون على النساء بما فضل الله بعضهم على بعض وبما انفقوا من اموالهم فالصالحات قانتات حافظات للغيب بما
حفظ الله واللاتي تخافون نشوزهن فعظوهن واهجروهن في المضاجع واضربوهن فان اطعنكم فلا تبغوا عليهن سبيلا ان الله كان عليا كبيرا
وبعدين انت بتاخد راي مين الراجل الشيوعي ده وبتاخد رايه في ايه في كلام ربنا في الحق في كلام الحق فماذا بعد الحق الا الضلال؟
طبعا الراجل ماصدق السؤال وطفح علينا بقي بكل اللي في جعبته وياما في الجراب ياحاوي وتقيء بالسواد اللي جواه واحنا شوفنا وجه للواحد قرف شديد جدا فعلا
طبعا بدا ان قال حاجه جديده جدا الحقيقه ان الاسلام موجود من الف وربعمائة عام (تكسب شورت)طيب وانا اعمل ايه يعني ايه الجديد ,اه اننا مينفعش نخلي منهجة من 1400 سنة ونمشي عليه النهاردة ده يبقي رجعية وتخلف ,واحنا بنطلع لقدام ولا بنرجع لوري ,طبعا ضيق افق شديد جدا وجهل حاد بالاسلام وخصائصة ومقاصده ومقاصد التشريع ,ايكش عايز الشيوعية ولا العلمانية اللي يحكمونا وشوفت عملوه ايه في تركيا وتونس
المهم خلص الكلام ده وقام مسافر بينا علي حتة تانيه طبعا المنطقة اللي كله بيرزع فيها براحتة ويقسم الدين ويفسرة ,لاومن بجاحتهم وعقمهم انهم يقولولك الشيوخ اللي بيفتوا في الدين؟!!!!!!!!!!!!!!!!!!!!!!!!!لا ياشيخ منهم لله فعلا الشيوخ دول احنا هناخد الدين من حضرتك والدكتوره والشيوعيين والعلمانيين شيوخ ايه ياراجل دول مبيعرفوش اي حاجه في (التين)اه المهم دخل في منطقة الحجاب وطبعا زي ماحنا عارفين الشيوعيين والعلمانيين واي مصيبة دلوقتي عندهم فوبيا الحجاب والنقاب هانعمل ايه بقي ابتلاء لابد من الصبر عليه وطبعا الراجل بقي بحكم انه مفتي وحكم علمه الغزير بالدين وعنده خبره في الحياة راح قال ايه بقي قال الاتي وسامحوني ان كنت انقل لكم كلامه المقزز
قال في نساء محجبات بيحترمهم ونساء مش محجبات لايقدرهم لانه ينظر للشخصية فقط
كلام الي الان رائع جدا ومنطقي الي ان تدخل المذيع مصرا ومشمرا ذراعيه ان يعرف رؤيته في الحجاب بغض النظر عن اي شيء ,ويبدوا ان الدكتور شريف خاف من الزوجة علشان ممكن تطلقه ماهي كانت بتقول ,وليه الست مش هي اللي تطلق وتمسك العصمة ,طبعا افتكرها وافتكر انها ممكن تسود عيشته راح قاصر الخير طبعا مش الشر وقال الاتي
قال ان الحجاب رمز لتغطية الراس والعقل ,وله دلالة خطيرة علي حجب العقل وتغطية فروة راس المراه دليل علي ان من حقها عدم التفكير !!!وان ليس لها تماما اي حق لابداء الراي وحرية الفكر
وبادر بسؤال ابله كعادتهم البلهاء قائلا وليه الراجل ميغطيش شعر راسة هو كمان اشمعنا الست يعني
ثم حاول ان يبرر من الجهة الدينية طبعا باعتبارة من علماء الدين المتخصصين المتفقهين قائلا
سيدنا محمد (عليه الصلاة والسلام)طبعا هو مبيصليش علي النبي لما بيذر قدامه او وهو بيقول اسمه بس احنا هنصلي عليه صلي الله عليه وسلم ,المهم قال انه كان امر الحجاب لزوجاته فقط وليس لباقي النساء وكان شيء خاص جدا بيهم لانهم لهم خصائص مختلفة ولهم وضع مختلف عن باقي النساء ,هما طبعا كذلك ولكن ليس كما اردت ياهذا ولكن لنراجع الايات كده
يا ايها النبي قل لازواجك وبناتك ونساء المؤمنين يدنين عليهن من جلابيبهن ذلك ادنى ان يعرفن فلا يؤذين وكان الله غفورا رحيما
طيب ياعم الحاج هو مين نساء المؤمنين دول ناس جايين من الفضاء الخارجي ولا ايه ,وبعدين هو الامر هل يشترط علي نساء النبي فقط يمكن ان يأتي امر لنساء المؤمنين المسلمين ممثل في نساء النبي يعني مثلا يقول الله عزوجل
يا نساء النبي لستن كاحد من النساء ان اتقيتن فلا تخضعن بالقول فيطمع الذي في قلبه مرض وقلن قولا معروفا
طيب وهل معني ذلك ان من حق باقي النساء الخضوع في القول وان يقولوا قول غير معروف طبعا نساء النبي امهات المؤمنين وغير باقي نساء الامة من حيث لبفضل رضي الله عنهن اجمعين ,ولكن مكلفين مثل باقي النساء بالاعمال ولم يرفع عنهم عمل ولم يخصوا بعمل ففين بقي ان الحجاب شيء خاص بيهم ومن اين اتيت بهذا الكلام يافقيه العصر؟؟
ثم دخل شمال في الدعاة الجدد ومش عارف يعني ايه جدد ,هو في حاجه اسمها قديم وجديد اصلا ماهو ده برده من التخلف والعقم التفكيري الحاد اللي بنشوفه ,هو مش لكل عصر رجاله ولكل عصر خصائصه ولا الدعاه القدماء هيفضلوا عايشين الي الابد ,طيب علشان تتعلموا هو من طبيعة البشر اللي ربنا خلقهم انهم بيموتوا وبيتغيروا وكده يعني ,فلما بيموتوا في ناس غيرهم بيتولوا الناس دول ربنا اعطي لكل واحد فيهم شيء لتتبدل الاشخاص وتبقي الادوار ,يعني زمان كان في شيوخ الشيوخ ماتوا وجه ناس بقوا شيوخ وبرده كان في شيوعيين وملحدين وماتوا وجه شيوعيين ولحدين تانيين وكده يعني دي خصائص بشريه بنعشها علي هذا الكوكب
المهم يعني قالك الدعاة الجدد وخبط في قناة الناس من تحت لتحت ,ومسك عمرو خالد بقي وقال ايه قال اصله متفصل علي الناس الاغنياء وان الجمعات المتطرفة درست المجتمع كويس جدا وعرفت ان في اغنياء وفقراء وكده ,ياللمفاجأة نتائج مبهرة جدا الحقيقة كويس انهم اكتشفوا ان في فقراء واغنياء ماشاء الله اكتشاف قوي جدا ,المهم وقاموا فصلوا دعاة لكل طائفة (كمان يعني مكتفوش بالاكتشاف لاوبيخترعوا دعاة كمان ربنا يوفقهم)فعمرو خالد طائفة الاغنياء اللي بيركبوا مرسيدس وتيوتا ياسلام فاعملهم بقي دين علي قدهم مناسب ليهم ,اه طيب كويس مش فاهم يعني ايه مناسب ليهم يعني مثلا حللهم الخمر والربا والمقامرة ولا ايه مش فاهم والمعني في بطن الشاعر
المهم بعد هذا العك الاسود وطبعا قال كلام كتير لامجال للتعليق عليه انا قولت النقط الابرز في كلامه
ولكن سؤال للمذيع وللقناة ولكل من القي السمع وهو شهيد
بالله عليكم هل يجرؤ احد هؤلاء التعساء من العلمانيين والشيوعيين وغيرهم ان يجلس ويتكلم ويفصل ويفعص في النصرانيه ويجتهد فيها وكذلك في اليهودية ,ولو فعلها هل كان سيترك هكذا ,ولن تنقلب عليه الدنيا
هل لو تكلم احد المفكرين عن قس او راهب وعن افعال الكنيسه كما يتكلمون عن الازهر هل كانت ستمر مرور الكرام وسيصمت الجميع صمت الموت هكذا
هل لو قال احد علي غطاء راس القساوسة الذين لايستطيعون ان يظهرون بدونه ان يخلعوه لانه رمز لتغطية العقل هل كانوا سيتركوه ,او لعله اذا تكلم عن طاقية اليهود اثناء عبادتهم سيترك
هل اذا اعترض احد علي شيء او اجتهد في الانجيل او التوراة علي تحريفهم ومابهم من تحريف ووضع واشياء رهيبة من الشذوذ والضياع هل سيترك هكذا ام ستنقلب عليه الدنيا
لماذا تترك الكنيسة ويحارب الازهر
لماذا الهجوم علي الاسلاميين وترك اقباط المهجر واصحاب حملات التنصير والصهيومسيحيين الجدد
لماذا الهجوم علي الاسلام فقط لماذا الاسلام فقط
اقول لكم لانه الحق لانه الخير وهذه سنة الله ان يحارب الخير والحق في كل مكان ولينصرن الله من ينصره
فذلكم الله ربكم الحق فماذا بعد الحق الا الضلال فانى تصرفون
وانتهي حديث الرجل وقد اشفقت عليه نعم اشفقت عليه وعلي شيخوخته علي كبره ومرضه يحارب الاسلام يحارب الله ,وتخيلوا عائلة تكونت علي حرب الله والاسلام ,ويكفي انه احد افراد تلك العائلة ,وتذكرت وقلت ماابشع الظلام في الشيخوخة اللهم انا نعوذ بك من ضلالة علي كبر ومن سوء الخاتمة وان ترزقنا الموتة المطهرة بعد طول عمر وحسن عمل,لك الله يامن تعيش في الظلام بعد السبعين
وبعد انتهاء هذا البرنامج ذهبت الي قناة الناس زادها الله ووسع عليها لاجد من ,اجد حبيب قلبي وشيخي الشيخ
حازم صلاح ابو اسماعيل وشتان الفارق شتان الكلام وقد اظلم شيخنا بمقارنه كهذه ,ولكن ماشعرت به وهو يتكلم عن اخلاق النبي صلي الله عليه وسلم وخلقة قبل البعثة وحكمته وادارته للامور واعداد الله له ,تخرج من شيخنا الكلمات هادئة رزينة مبهجة تشرح القلوب وتغذي العقول ,كلمات طيبة اصلها ثابت وفرعها في السماء ,كلمات ترقرق القلب وتستشعر بالنبي وعظمته وتستشعر بحبه يسري بين ضلوعك وتمني نفسك بلقاء عند الحوض ورؤية للرسول الله متمنيا مفتقرا لصحبته ومرافقته نسال الله ذلك لجميع المسلمين
والفارق بين كلام الرجلين كالاتي بالظبط

أَلَمْ تَرَ كَيْفَ ضَرَبَ اللَّهُ مَثَلاً كَلِمَةً طَيِّبَةً كَشَجَرَةٍ طَيِّبَةٍ أَصْلُهَا ثَابِتٌ وَفَرْعُهَا فِي السَّمَاء
تُؤْتِي أُكُلَهَا كُلَّ حِينٍ بِإِذْنِ رَبِّهَا وَيَضْرِبُ اللَّهُ الأَمْثَالَ لِلنَّاسِ لَعَلَّهُمْ يَتَذَكَّرُونَ
وَمَثَلُ كَلِمَةٍ خَبِيثَةٍ كَشَجَرَةٍ خَبِيثَةٍ اجْتُثَّتْ مِن فَوْقِ الأَرْضِ مَا لَهَا مِن قَرَارٍ
يُثَبِّتُ اللَّهُ الَّذِينَ آمَنُواْ بِالْقَوْلِ الثَّابِتِ فِي الْحَيَاةِ الدُّنْيَا وَفِي الآخِرَةِ وَيُضِلُّ اللَّهُ الظَّالِمِينَ وَيَفْعَلُ اللَّهُ مَا يَشَاء
احبك في الله ياشيخ حازم ,اسأل الله ان يرضي عنك وتلقاه راضيا مرضيا
لم يكن هذا الكلام هجوما علي شخص بقد ماهو ضرب مثل لافكار هؤلاء الناس وعرفة رؤيتهم وافكارهم ,وتحذير من هؤلاء مدعي الفكر والثقافة وهو والله اجهل من الدواب ولله الامر من قبل ومن بعد
فستذكرون مااقول لكم وافوض امري الي الله ان الله بصير بالعباد

هناك 34 تعليقًا:

مهندس مصري يقول...

تذكرت بكلامك جزء من حديث قدسي يقول فيه الله سبحانه و تعالي فيما معناه: أحب الشيخ الطائع و حبي للشاب الطائع اشد و أكره الشاب العاصي و كرهي للشيخ العاصي أشد

ربنا يهدي الجميع

امام الجيل يقول...

لمثل هؤلاء تبسط الصفح
والصفحات
والقنوات

سواء لحيلة وغرض ماكر
وسواء لدنيا ومكاسب وشهرة

ولكن نحمد الله ان مثل هؤلاء قد القى بافكارهم فى القمامات ولا يتبعها الا ضعاف العقول او من عدموها

والحمد لله الشباب دلوقتى مهما بعدوا عن ربنا بس مش بيتبعوا هذا الكلام
يعنى يبقى عارف انه عاصى وبعيد عن ربنا
مع ان كلام مثل هذا المخرف ممكن يريح قلبه
بس ربك كريم
ومحافظ على دينه وعبيده ضد هؤلاء

ان كيد الشيطان كان ضعيفا
فما بالك بهؤلاء الاقزام

والله غالب على امره ولكن اكثر الناس لا يعلمون

روينا يقول...

جزاك الله خيرا وجعلنا واياك من الفريق التانى
انا دايما بدعى ربنا ان يدخلنى الفردوس الاعلى وان شاء الله اعمل رحله الى النار لكل اللى غلط فى الاسلام وجادل فيه
والله مش شماته بس انا فى الدنيا معرفتش اخد حقى وحق الاسلام منهم
وبرده انا مش بقول ان هما فى النار الله
اعلم بخاتمتهم ويارب اهديهم
واللهم احن خاتمتنا واغفر لنا ذنوبنا

عاشقه الفردوس يقول...

مافيش تعليق علي كلامه بعد ماعلقت


بجد واله بيصعبوا عليه هو وكل اللي بيالفوا في الدين
الحكايه مش سهله علشان يألفولنا
لاحول ولاقوة الا بالله


اللهم اهديهم يارب


جزاك الله خيرا ياجعفري وزادك الله علما وهدا وبصيره

فرنسا هانم يقول...

انت الغلطان يا جعفرى
ما كنت تخليك فى قناه الناس من الاول
كان لازم يعنى تسمع صاحبنا اللى بيقول الحجاب لتغطيه الرأس والعقل ؟
حاجه غريبه قوى ايه اللى جاب الجاب للعقل ؟
تغطيه الراس مالها ومال العقل
يا عم الراجل ده عايز علقه . سيبنى عليه

عمر المصرى يقول...

السلام عليكم
جزاك الله خيرا أخى الكريم
ولن نملك إلا أن ندعو الله أنيعيد مثل هؤلاء لرشدهم وصوابهم وأن يهديهم
وأن يرحم الله مشايخنا ويوفقهم ويسدد رميهم
تقبل تحياتى

طال الليل يقول...

نطق الرويبضة
صدق رسول الله صلى الله عليه وسلم

برافو يا جعفرى والله إنت عملت معاه أحلى واجب
يابنى أنا لو منه الشر بره وبعيد كنت زمانى دلوقتى دخلت قمقم ضلمة

بارك الله فيك

nonoymm يقول...

السلام عليكم اخي الجعفري
ربنا يبارك فيك يارب
انت طبعا عرف حديث الرويبدة
اهم دول يا افندم
صدقت يا حبيبي يا رسول الله
وبعدين الواحد يعني اما بيشوف الراجل دة بجد بسال نفس اللي حضرتك لمحت عليه في العنوان دة ايه دة عاوزين ايه دول
سبحان الله يعني رجل برة ورجل جوة
ربنا يهدي هنقول ايه
الحمد لله ان حضرتك نسمت قعدتك بالشيخ حازم اسماعيل اعزك الله واعزكم
تحياتي لمقالاتك اللي في الصميم الله يكرمك

appy يقول...

شوفت دى اخرة الفرجه على ناس طالعه من افلام كارتون مدبلجه
ليه بتعمل كده فى نفسك
بس تصدق فكرة
يعنى لما احب ابطل تفكير بعقلى البس طرحه ههههههههههه وااااااااااو ده عبقرى تصدق الدكتور 100مرة حالو يقنعنى انى اوقف النحله والدبور اللى فى دماغى علشان الصداع المزمن ده وانا مش نافع معايا مهدئات ولا حاجه
شوفت وحلها بسيط ازاى ياااااااا ده حلو قوى طيب هعمل التجربه واقولك على النتيجه هههههههه


اه بالحق متبقاش تتفرج على تليفزيون الجيران تانى خليك فى تليفزيون بيتكم هههههههههه

الفاتح الجعفري يقول...

مهندسنا الكبير
منورنا دائما
ياليته عاصي فقط يابشمهندس او معصية عدية وهو علي العموم ليس مسلم هو بيقول عن نفسه كده بس مش مشكلة انه مش مسلم فقط ولكن حربه للاسلام والمسلمين من علي ارض مسلمه ويترك هكذا
وحسبنا الله ونعم الوكيل
جزاكم الله خير

الفاتح الجعفري يقول...

اخي الحبيب
اما الجيل
نعم يااخي للاسف هؤلاء اصبحوا الان اكثر نفيرا واعلي صوتا
وامامهم المنابر والقنوات وكل شيء في ايديهم لحرب الاسلام والمسلمين تحت شعار حرية الراي والتعبير وهو امر لهم فقط اما للاسلام والمسلمين فلهم السجون والمعتقلات ولهم تقوم المحاكمات
ونعم يااخي قد القي بفكرهم في القمامات لان الله بالغ امره ,والله غالب علي امره
ومثل من يقفون اما دعوة رب العالمين كمثل من يقف في وجه العاصفه او البحر سيزيحه حتما ليبلغ مايريد
والله المستعان
ربنا يحفظك ياخويا ويبارك فيك

الفاتح الجعفري يقول...

اختنا روينا
امين يارب ان يجعلنا جميعا من الفريق الفائز ومن حزب الله الغالب بأذن الله
نعم يااختنا ان منا الله علينا بالجنة بفضله وكرمه سنراهم ونسمعهم ونكلمهم وسنقول لهم انا وجدنا ماوعدنا ربنا حقا فهل وجدتم ماوعد ربكم حقا
والله المستعان
وجزاكم الله خير

الفاتح الجعفري يقول...

اختنا عاشقه الفردوس
نعم يااختنا ليس سهل او بسيط
اذ تلقونه بالسنتكم وتقولون بافواهكم ما ليس لكم به علم وتحسبونه هينا وهو عند الله عظيم
ونسأل الله لكل ضال وشريد وكل انسان ولنا جميعا الهدايه والثبات
جزاكم الله خير

الفاتح الجعفري يقول...

استاذتنا
فرنسا هانم
خلاص معلش هو اصلا مضروب لوحد مفيهوش حيل لعلقه
والله يااستاذه انا بااحب اشوف كل اليقافات والافكار واشوف القنوات الاخباريه والبرامج الثقافية بشكل عام زي القنوات الدينية بالظبط علشان بس اعرف الدنيا ماشية ازاي وايه الفكر اللي موجود ,ولازم الواحد يخالط الناس ويعرف طريقة تفكيرهم ويحاول الصبر علي آذاهم
شرفيني ونورتيني والله
جزاكم الله خير

الفاتح الجعفري يقول...

اخي عمرو المصري
نعم يااخي اللهم اهدي العصاة والضائعين واذن لدينك وشرعك ان يحكم
وان يبارك ويحفظ شيوخنا جميعا
شرفتني يااخي
جزاكم الله خير

الفاتح الجعفري يقول...

اخي الحبيب محمد
ربنا يحفظك ويعزك
نعم يااخي نطق الويبضه وصرخ وقال وعربد ولاحول ولاقوة الابالله
انا اعرف ان المارد فقط هو من يدخل القمقم ,ولكن لهؤلاء الجرزان الجحور فقط يدخلوا فيها ولايخرجوا بأذن الله
وجزاكم الله خير

الفاتح الجعفري يقول...

اختنا عاشقة النقاب
ربنا يحفظ حضرتك ويبارك فيكي
يقول رسول الله صلي الله عليه وسلم
من عاش علي شيء مات عليه ومن مات علي شيء بعث عليه
الرجل ده عاش عمره محاربا لله والاسلام وله تاريخ طويل جدا نسأل الله العافيه في الضلال والظلام وقد كون عائله مجرمه بحق يكفي ان تكون زوجته نوال السعداوي ولهم ابنه لها نفس الافكار
فليس كلامه بالغريب ولكن الغريب كما قال اخي امام الجيل ان تقام لهم المنابر وتفتح لهم الصحف والقنوات
جزاكم الله خير

الفاتح الجعفري يقول...

آبي
ايه ده انتي بترقبيني ولا ايه
وبعدين اه صحيح افلام الكارتون الرعب المدبلجه دي بقت مقرفه جدا فعلا
وبعدين هانعمل ايه بقي في النحله والدبور شكلهم في الايام دي مالهومش حل
روحي بقي للدكتور يلحق بأي مهديء او مبيد حشري وخلاص هههههههه
الله المستعان
نورتيني
جزاكم الله خير

mohand يقول...

ههههههههههههههههههههههههههههه


عارف حسيت بايه وانت بتحكي

ان واحد مش بيحب اكله معينه ورايح ياكلها

يا عم انا امثال ده بشوفهم يا مشوفهمش
اشوفهم لو عايز اعرف فكرهم ماشي ازاي وبتكون مره واحده وخلاص انتهي


ومشوفهمش لو شوفتهم المره الاولي اللي عرفت فيها فكرهم

بس في الحالتين ولا يهزولي شعره من قناعتي الشخصية

اصل في ناس بطبعها مهزوزه
بتسمع كلام وتردده

وناس موزونه بتفهم المعني وتاكده

خلينا في الناس التانيه بالله عليك

سلام

مجداوية يقول...

انت قلت اخى الكريم بالظبط ما احسه عندنا ارى اناس فى مثل عمرهم ضالين فبالفعل اشعر بالشفقة عليهم ,,نوال السعداوى لديها ذكاء شديد وعقل اتعبها كثيرا وشت بها كثيرا ادخلته فى مجادلة مع الله فهى اعملت عقلها وتعمله على الدرجة القصوى فلسع منها واصبحت اقرب للخرف فتارة تجدها تتحدث بمنتهى الموضوعيه ثم فجأه لسعة العقل تظهر فتجد ان كل الصواب تحول الى باطل وهذا اخى الكريم اسلوب الشيطان واعوانه وهى لا بد ان يكون زوجها بمثل هذه النوعية والا ما كانت تزوجته ولا هو تزوجها فسبحان الله اللاسعين ملوا البلد سواء من غلاء المعيشة او من إعمال العقل على محطة ضغط عالى متوصلة على السد العالى,,ربنا يلطف بهم وبنا

appy يقول...

جعفرى

انت اكلت اليعقوبى ولا وديته فين يا ريت بالذوق كده تر وتعترف وانت عارف اصلم اصلم يعنى انى مراقبك طول الوقت
طلع اليعقوبى احسنلك انت عارفنى

تــــايه ومش تـــايه يقول...

والله احنا بندى للناس دى قيمه اما بنفكر نسمع او نناقشهم.بس اوقات بنحس اننا لازم نتكلم.
نعمل ايه بس









!!

فزلوكة يقول...

طالما أن الإسلام يقوى ويشتد
فهؤلاء أيضا سيهاجمون أكثر

لكن هذه الشخصيات قد فقدت مصداقيتها لدى رجل الشارع العادى
فلم يعد أحد يسمع لهم أو يهتم بكلامهم

أما تجرؤهم على الإسلام وخوفهم من النصرانية واليهودية
فأعتقد لإنه هناك من سيحاسبهم إذا ما أخطأوا فى حق أي منهما ولكن الإسلام فمباح

اليعقوبي يقول...

السلام عليكم
ازيك ياصاحبي
مثل هذا ومن شاببه ومن ناؤه كمثل الكلب ان تمل عليه يلهث او تتركه يلهث
بالبلدي كده كده لسانه هيفضل مدلدل ويرغي في اي حاجة
والسلام

ام يحيي يقول...

والله الواحد معدش يستحمل يسمع تفاهاتهم دي
ربنا ينتقم منهم ويبارك لنا في دعاة الاسلام
يحيي بيقترح انه يروح يعمل عملية استشهادية ويفجر نفسه في نوال و جوزها بس انا قولتله خسارة فيهم الحزام

الفاتح الجعفري يقول...

حبيب قلبي الغالي
ازيك يامهند عامل ايه
كلامك صحيح اكله بشعه علشان كده كنت هاارجع
بس طالما الناس دي بتطلع وتتكلم امام الناس لازم يلاقوا تيار مضاد لكلامهم ,ثانيا انا لااعيب عليه اعيب غلي القناة والبرنامج اللي جاب واحد زي ده
وبرده انا بااضرب به كانموذج ليس الا عن فكر الناس دول
وربنا ييسر الامر
جزاكم الله خير

الفاتح الجعفري يقول...

استاذتنا
والله انا اختلف مع حضرتك في ان عندها اي نوع من الذكاء او اعمال العقل
هي بالظبط كما قال الله عزوجل
ان هم الا كالانعام بل هم اضل
فعلا اشعر ان ليس لهم اي عقل
كثيرا ماانظر الي الاسلام وافكر فيه وفي شرعه واياته
اتعجب جدا من هؤلاء
علي العموم الحمد لله الذي عافانا
نورتيني والله
جزاكم الله خير

الفاتح الجعفري يقول...

آبي
انا مش محتاج اخطف اليعقوبي لانه (اصلم اصلم)
مفيش اي خوف منه
ههههههههه
نورتيني
جزاكم الله خير

الفاتح الجعفري يقول...

تايه ومش تايه
شرفتني والله
نعم بنديهم قيمه بس زي ماانت قولت لازم نتكلم الناس دول برضه خطرهم قائم وموجود مهما كان ولازم يلاقوا تيار مضاد مهما كان
علي العموم الله الهادي
نسأل الله الهداية لجميع البشر
جزاكم الله خير

الفاتح الجعفري يقول...

فزلوكة
نعم والله اما الاسلام فمباح من حق اي شخص ان يتكلم بلا حساب او عقاب او اي شيء
والناس دول اصلا لم يكن لها مصداقيه في يوم حتي تفقدها بل هم الكاذبون والمضلون دائما
حسبنا الله ونعم الوكيل
شرفتيني
جزاكم الله خير

الفاتح الجعفري يقول...

ابن عم ابويا
اليعقوبي
انت ايه اللي جابك هنا ومجتش الكورة ليه كنت هاتتقطع فعلا يعني ,يلا مش مهم
كلامك صح طبعا لسانهم هايفضل مدلدل لغاية اما يتقطع بأذن الله
فصبر جميل
يلا بقي روح ذاكرك كلمتين ربنا يزيح عنك
ههههه
جزاكم الله كل خير ياعمنا

الفاتح الجعفري يقول...

ام يحيى
شرفتينا ونورتي المدونه
والله فعلا ربنا ينتقم منهم وينصر الاسلام في كل مكان في اعتقادي ان امثال هؤلاء اخطر من الف عدو خارجي
وانهم من اشد الاسلحه في يد اعداء الاسلام
ويحيى طبعا اغلي مليون مره انه يفجر نفسه في امثال هؤلاء
واي مسلم دفر منه برقبة هؤلاء
الله المستعان
وجزاكم الله خير

خبيب يقول...

بارك الله فيك يا أخي وفي ردك

اشتقت إليكما

---

كلامه سطحي ينهار عند أول نقاش منطقي

هش للغاية

وجمهوره قليل ، لأنه يعارض الفطرة السليمة

بينما الإسلام دين الفطرة السليمة

الفاتح الجعفري يقول...

اخي خبيب
ربنا يحفظك
كان نفسي اشوفك جدا والله,لو اعرف انك كنت موجود في المؤتمر يوم الجمعه كنت ذهبت ,ولكن شاء الله ان اكون موجود يوم الخميس والسبت
قدر الله وماشاء فعل
ان شاء الله نلتقي قريبا
هو الناس دول بالفعل اثبتوا عقم تفكيرهم وسوء نياتهم ,ولكن نضرب المثل فقط علي كلام هؤلاء ,والله المستعان علي مايصفون
نوتني فعلا يااخي
جزاكم الله كل خير

ساندوا اخوانكم في القوقاز

ممدونات مهمة للغاية

المدونات دي لازم تعدوا عليها وساندوا اصحابها جزاهم الله خيرا

مدونة ارض الحرب جزا الله صاحبها خيرا

كلنا مقاومة

مدونة اولادنا امانة (كيف نربي الاجيال القادمة)

نشقي ليعز ديننا وتسعد امتنا

نشقي ليعز ديننا وتسعد امتنا

جماعة قاداتها شهداء منصورة باذن الله

جماعة قاداتها شهداء منصورة باذن الله

About Me

صورتي
اليعقوبي احد الفاتحين القادمين باذن الله واتمني انا ذلك كل مااسال الله عليه ان يثبتني علي دينه وعلي طريقه والااضل عنه وان يرضي عني

لغتي الجميلة هويتي واصلي وديني

لغتي الجميلة هويتي واصلي وديني

اللهم ارحم اخي علاء رحمة واسعة

اللهم ارحم  اخي علاء رحمة واسعة

اللهم ارحم اخانا رحمة واسعة واجمعنا به في مستقر رحمتك

اللهم ارحم اخانا رحمة واسعة واجمعنا به في مستقر رحمتك
نسالكم الدعاء لاخانا