الثلاثاء، 22 أبريل 2008

بين اليسار المصري والاخوان

بسم الله والصلاة والسلام علي رسول الله صلي الله عليه وسلم
والله وحشني جدا بس والله غصب عني الجهاز كان بنتحر مليان فيروسات وكان في ظروف كده وخلاص انتهت بفضل الله واسف عن الانقطاع
في الفترة اللي فاتت حضرت كام ندوة ومؤتمر كان بيشارك فيها افراد من المعارضة المصرية منهم الاخوان ومنهم اليساريين ومنهم الليبرالين وبعدها كنت بحمد الله علي نعمة الاخوان والواحد عرف الفرق بين الجعجعة الفاضية والناس اللي شغالة من غير ماتتكلم
ندخل في الموضوع
الملاحظ ان القوي اليسارية في مصر ليس لها صيت قوي او انتشار شعبي قوي وده اما بيرجع لافكارهم اللي بعضها بنرفضها كشعب الاصل فيه التدين او انهم يعملون علي التغيير من اعلي فضاعت جهودهم كلها في محاربة السلطة ولكن كان من الواجب وقتها الانتشار بين الناس ،ولكن هناك شئ يميزهم جدا الا وهو انتشارهم بشكل كبير في وسائل الاعلام وخاصة المقروءة وكنت لما اقرا الجرائد بعد الاضراب اجد انهم لاينفكوا يخونوا هذا ويتهموا الاخوان بالعمالة للنظام وتلاقي واحدة طلعت تقولك ان النظام بيستجدم الاخوان في محاربة قوي المعارضة وان الاخوان ليس عندهم مشروع وطني والكلام الخايب بتاعهم العملية بمنتهي البساطة ان اليسار المصري اجهد نفسه في امرين في مقاومة الدولة والسلطة من جهة ومعارضة الاخوان من جهة اخري رغم اننا اكثر فئة في الشعب مضطهدة حتي البشر دي لما بتروح امن الدولة ويقعدوا شهرين ولا حاجة بيقعدوا يولوا ومش عايزين نتكلم كتير عن معتقلي الاخوان اللي بيقعدوا في المعتقلات بالسنين
وتجد امر اخر فيهم الا وهو العشوائية يعني متعرفش هما عايزين ايه بالظبط
وحسيت الكلام ده لما شاركت مع زملائنا منهم في المسيرة بتاعتهم يوم 6ابريل والله كوميديا والمسيرة ماشية وبعدين واحد يقول ايه يازملا نمشي منين فواحد يقول نكمل وواحد يقول يلا علي القبة وشوية واحد بيهتف فواحد يدخل يقاطعه وشوية واحد بيقول كلمة فواحد يدخل يقاطعه بالله عليكم ابجديات العمل المنظم غير متواجدة وكمان المصيبة الكبيرة ان ظابط امن دولة كان واقف بيصور بكاميرا المسيرة يعني فضيحة انما عندنا ولله الحمد كل واحد عارف ايه اللي واقف وماشي عادي واللي بيهتف واللي بيتعامل مع الامن والمخبرين يعني الحمد لله في نظام بيننا وهذا من فضل الله علينا
وحاجة كمان اننا مبنضيعش وقت كتير في الجدال والنقاش اللي مش هايجيب همه يعني بننزل وسط الناس علي طول فتجد ان لنا تاثير كبير ولله الحمد علي الناس او علي كثير من الناس وفي ناس بتختلف معانا وفي ناس بتكهرنا عادي ده الطبيعي علي فكرة مع اي كيان ضخم او صرح كبير مثل الاخوان
اخر حاجة الواحد تعب من كتر الشتايم اللي عمال يقراها في الجرايد وعلي النت كل يوم من كل من هب ودب وتلاقي ايه بقي واحد جاي يقولك ايه علي الاخوان عشان مشاركوش في الاضراب واسقط عليهم اية يقول تعالي فيها :(لو خرجوا فيهم مازادوكم الا خبالا)هههههههههههه
انا لما لقيت انهم بيستشهدوا بالايات دي قعدت اضحك ده في كتير منهم مبيصلوش اساسا مش عايزين نتكلم انما في اناس منهم احترمهم والله جدا
والحاجة اللي يقعدوا يوجعوا دماغنا بيها طول الليل والنهار اننا مطالبين اننا نعترف بالاخر يفترض ان الكلام ده لينا مش كده هههههه
هو احنا اللي طول الليل والنهار نوصف معارضينا بالتطرف والعمالة ونشتم فيهم رغم ان المفروض فكرهم فيه بيرحب بحرية الفكر والاعتقاد وياليتهم يفعلوا فكرهم ويطبقونه
عامة ياسادة ياافاضل مفيش اسهل من الكلام ولكن التطبيق والعمل والثبات هو الفيصل فالله المستعان من الاخر دي ناس بتخلص في البلد ومعندهمش مشروع مفهوم
والسلام
اليعقوبي

هناك 15 تعليقًا:

فرنسا هانم يقول...

هو انا هاعلق على نقطه المسيره غير المنظمه
اولا هى فعلا ماكانتشى منظمه باى حال من الاحوال
لا على مستوى المسيرات ولا على مستوى الاضراب ولا على اى مستوى
انما دى نواه
وطريق الالف ميا بيبتدى بخطوه
وانهارده احنا عرفنا ان فى ناس وطنيه فى البلد
وعرفنا يعنى ايه اضراب
واللى حصل المره السابقه من الممكن تداركه فى المره القادمه

وطني يقول...

هناك ما يشبه الإجماع على أن اليسار المصري يعيش أزمة حادة وفي نفس الوقت متعددة الجوانب .. فلا قيادة - ولو حتى فكرية - واحدة وإنما شتات أفكار , هناك أزمة وجود في الشارع وهم يستشعرون ذلك جيدا , بل يصل الأمر في كثير من الأحيان إلى الحقد على قدرة الإخوان على حشد الجماهير , اما مسألة المشاركة في الإضراب فهذه بدهية لأي مشتغل بالعمل العام .. أن إشتراك الإخوان في مثل هذا العمل كان سيكلف مصر كثيرا .. و أسر لك بسر .. لا أدري لماذا يساورني شك في أن الحكومة كانت تريد للإخوان أن يشاركوا .. و لا أدري كذلك لماذا تساورني الشكوك فيمن يدفعون بالإخوان دفعا للصدام مع النظام ( بطريقتهم هم و ليس بطريقة الإخوان )
خالص تحياتي

خبيب يقول...

ياي ..

انت م الإخوان اللي بان "كذبهم" يوم 6 أبريل ؟

و"خانوا" ثقة الشعب فيهم ؟

الإخوان اللي ميساووش غير 80 سنة بس من العمل الدعوي ؟

ومش محسوب عليهم غير مئات السنين من الاعتقالات والشهداء ؟

الإخوان اللي هما منظمين دول ؟ ولهم عقل وفكر وتخطيط وتنظيم بيتحركوا بيه ؟ مش كل ما نهيص ونقول إضراب يقولوا هيييييه

الإخوان اللي لو عملوا حاجة غلط هنكبرها 100 مرة ؟ ولو عملوا حاجة صح هنطلعها غلط وبرضه نكبرها 100 مرة ؟

ياي

امشي من هنا !

الفاتح الجعفري يقول...

اليعقوبي
افففففففف انت رجعت تاني
يالا مش مهم
المهم بقي ياعمي هما فعلا احسن اسم ليهم يسار هما فعلا يسار في كل حاجة وياعمي هما بيقولوا ويتشدقوا بالكلام بس ,بس سبحان الله عمر افعالهم تطابق كلامهم وحريتهم المزعومه لاجعل الله لهم صوتا
هما فعلا شوية اشرار اجتمعوا وارادوا تخريب البلد وتجريدها من هويتها
انا شخصيا اري ان التعامل مع غالبية اليسار ماهو الا تعامل مع ذئاب لايلبثون الا ان يغدروا لان هذا من طباعهم وشيمتهم
وسبق وان خانوا الله من قبل
نسأل الله السلامة
وجزاكم الله خير

nonoymm يقول...

ههههههههههههههههه
معلش بضحك على افففففففففف بتاعت الجعفري
معلش ههدي النفوس الاول
هههههههههههههه
حمد الله على سلامتك اخي اليعقوبي وربنا ما يحرمكوا من بعض
=================================
مفيش اسهل من الكلام ولكن التطبيق والعمل والثبات هو الفيصل فالله المستعان من الاخر دي ناس بتخلص في البلد ومعندهمش مشروع مفهوم

مفهووووووووووووووووم جدااااااااااااا
تحياتي

رؤية يقول...

فعلا
مفيش اسهل من الكلام ولكن التطبيق والعمل والثبات هو الفيصل
والكلام دا بقي قايسه علي كل حاجه

الفاتح اليعقوبي يقول...

السلام عليكم
استاذة فرنسا
يااستاذة انا لم اكن اقصد التجريح في خطوة الاضراب وعلي فكرة المفروض اللي كان ماسك المسيرة دي الاشتراكيين وكان يعيبها التنظيم رغم انهم تيار سياسي ويفترض انه عارف ازاي ينظموا مسيرة في جامعة لان النظام كان لن يسمح باي مسيرة منظمة خارج الاماكن المغلقة في الجامعة وعلي فكرة انا كنت مع الاضراب ده مش لحاجة بل لان الشعب كان لازم يكسر حاجز السلبية
والسلام

الفاتح اليعقوبي يقول...

استاذي وطني
ربنا يكرمك يااستاذنا الفرق بيننا وبينهم ان الاخوان رجال قضايا وهم رجال مواقف
القرارات يجب ان تدرس بعناية
والسلام

الفاتح اليعقوبي يقول...

السلام عليكم
استاذي خبيب
عمي الكبير جداااااا
يااااااااي انت طلعت من الاخوان الارهابين بتوع الدين وان الدين الاسلامي يحكم الدولة
يااااااااي
جامدة يااااااي دي يادكترة
كان نفسي اقابلك في مؤتمر القاهرة لكن خير ان شاء الله
والسلام

الفاتح اليعقوبي يقول...

جع جع حبيب قلبي
افففف بتقولي انا اف
انت هاتزيط ولا ايه ماانا ليل نهار شايفك
الجعفري اليمين المتطرف في الاخوان وكلامك مش كله صح ومش غلط بس راي ان فيهم بالفعل اناس محترمة جدا واعرفهم شخصيا ومنهم اناس عايزة ضرب النار وان كان الغالب الصنف الاخر وصنف الاخر ده ممكن يرحب باي توجه واي فكر طالما انه ليس فكر اسلامي
ولكن طالما انهم يتكلمون عن امور السياسة والفساد في البلد والحقوق فيها فهذا لاعيب فيه فهم ايضا مواطنون مصريون غصب عن اي احد ولكن العيب في العلمانين هو ادخال ارائهم واهوائهم الشخصية في امور الدين ولا يكتفوا بهذا بل ويحاولوا ان يفرضوا رايهم عليك بدعوي انهم اصحاب واننا ظلامين والله وحده يعلم من هم الظلامين الذين يضمرون السوء للدين فالاصل في الراي هو الحجة والدليل
وتاني حاجة
بلاش خانوا الله من قبل الكلمة صعبة اوي ياجع جع ملناش دعوة باللي خانوا الله واللي لم يخونوا الله فلنكتفي بانفسنا فنحن دعاة لاقضاة وان كان منهم او منهم غيرهم من الحد فانا اوافقك انها خيانة لله ولدينه اما من يشهد بان لااله الا الله وان محمد رسول الله فلا حكم لنا بمثل هذا عليه واسال الله الهداية لنا ولهم
ومتزعلش من الكلام
والسلام

الفاتح اليعقوبي يقول...

السلام عليكم استاذة عاشقة النقاب
ازي حضرتك يااستاذة
لا حضرتك تهدي النفوس ليه القصة وما فيها ان الجعفري ده غلبان وعمري مازعلت منه
لان العيب ان جه من اهل العيب مايبقاش عيب


بمناسبة المشروع الغير المفهوم في مرة في مؤتمر القاهرة بتاع الطلاب بكلم واحد اشتراكي ثوري وبقوله وماذا بعد الثورة وبعد قيام الشعب قال لي معرفش الشعب هو اللي يححد بعدها
ده اسمه في السياسة تهريج وفوضي ان لم يكن لك مشروع للبلاد بعد الثورة المزعومة فالافضل لك ان تجلس في بيتك لان اي ثورة شعبية يجب ان يحدث فيها تدمير وقتل وبعد كل هذا الشعب اللي يحدد اي شعب واي فكر هذا
والسلام

الفاتح اليعقوبي يقول...

السلام عليكم استاذة رؤية
ازي حضرتك
يفترض ان نقيس هذا الكلام علي كل افعالنا واتمني من الله ان يرزقنا جميعا العمل والاخلاص والثبات
والسلام

راحــله يقول...

انا مقرتش عن اليسار كفايه ولكن اعتقدان مع كل اخطائهم وسلبياتهم مقبولين كوجهه معارضه سواء ضعيفه او قويه لها اسلوبها الى قد يكون خاطىءاو صحيح فى بعض جوانبه ,,,,,اقصدانها ظاهرة صحيه لما يكون فى اكتر من جهه معارضه اخوان ويسار وكفايه وغيرهم بدل ما كان الاخوان لوحدهم والنظام نازل تقطيع فيهم اصبحوا دلوقتى مش ملاحقين البلد كلها معارضه :)
ومعلش كل شىء فى بدايته وفى لحظات ضعفه اكيد مش منظم ... كمان صعب تقارن بين الاخوان واى جهه معارضه فى مصر الاخوان تاريخهم قوى وعمق جدا اعتقد مفيش معارضه فى مصر تصمد امامه ..
تحياتى

الفاتح اليعقوبي يقول...

السلام عليكم
استاذة راحلة كلام حضرتك جميل وبالفعل اليسار مقبول كقوي معارضة اذا كان سيتكلم عن سياسات دولة او فساد او ظلم ولكنه غير مقبول عندما يحجر علي الافكار والاتجاهات بدعوي انهم اصحاب فكر اسلامي او مخالف لهم وتاريخهم القمعي في دول الاتحاد السوفيتي تشهد بهذا وتوضيح بسيط اليسار المصري تاريخه طويل وكانت بدايته قبل الاخوان وتعتقد انهم بدوا نشاطهم السياسي في عشرينات القرن الماضي مع ظهور الحزب الاشتراكي ووقتها واجهه سعد باشا زغلول علي مااعتقد
وسعدت بزيارة حضرتك جدا
والسلام

محمد عباس يقول...

انتا ياد يا اخواني يا ارهابي انتا

ليل نهار مع الناس دي وعمال تتكلم عليهم كده عيب عليك

امشي وانتا اخ نص كم كده

ساندوا اخوانكم في القوقاز

ممدونات مهمة للغاية

المدونات دي لازم تعدوا عليها وساندوا اصحابها جزاهم الله خيرا

مدونة ارض الحرب جزا الله صاحبها خيرا

كلنا مقاومة

مدونة اولادنا امانة (كيف نربي الاجيال القادمة)

نشقي ليعز ديننا وتسعد امتنا

نشقي ليعز ديننا وتسعد امتنا

جماعة قاداتها شهداء منصورة باذن الله

جماعة قاداتها شهداء منصورة باذن الله

About Me

صورتي
اليعقوبي احد الفاتحين القادمين باذن الله واتمني انا ذلك كل مااسال الله عليه ان يثبتني علي دينه وعلي طريقه والااضل عنه وان يرضي عني

لغتي الجميلة هويتي واصلي وديني

لغتي الجميلة هويتي واصلي وديني

اللهم ارحم اخي علاء رحمة واسعة

اللهم ارحم  اخي علاء رحمة واسعة

اللهم ارحم اخانا رحمة واسعة واجمعنا به في مستقر رحمتك

اللهم ارحم اخانا رحمة واسعة واجمعنا به في مستقر رحمتك
نسالكم الدعاء لاخانا