الثلاثاء، 4 ديسمبر 2007

لو تاج لو

بسم الله والصلاة والسلام علي رسول الله عليه من الله افضل الصلاة واتم التسليم
تاج ارسلته لنا الاستاذة صانعة الحرية جزاها الله خيرا
اجاباتي هتبقي بالازرق اليعقوبي
اجابات الشخصية التانية اللي معايا في البلوج هتبقي بالاحمر الجعفري
والان مع التاااااااااااااج
لو مكنتش مصري بس عربي


كانت هتبقى إيه نظرتك للمصريين واللي بيحصل في مصر دلوقتي؟


كنت هتبقي نظرتي ليهم سلبيه لانهم سلبيين وبيتشطروا علي بعض وفراعنه كل واحد شايف نفسه ولايصيب الله قوما الابمايستحقوا بس كانوا بردوا هيصعبوا عليه لان الحال من بعضه في كل الدول العربيه وكنت هحط علي مصر امل كبير برده علشان هي الامل فعلا للامه دي


واللي بيحصل في مصر ميتحكيش من الاصل

لو عربي عادل هاقول لاتعايرني ولا اعايرك الهم طايلني وطايلك

واعتقد اني هاضع عليهم امل كبير لان المصريين بالفعل هم اللي علموا العرب سواء التيارات الاسلامية والحركة الاسلامية عامة اللي حركها المصريين والتيارات العلمانية المصريين لهم دور كبير في نشرها في الوطن العربي

تقدر تعول عليهم امل كبير

لوكنت أوروبي أو غير مسلم هتبقي إيه نظرتك للعرب والمسلمين؟


الحمد لله علي نعمه الاسلام ياربنا لك الحمد والشكر والفضل علي هذه النعمه وكفي بها نعمه ,بس السؤال ده محير جدا لان الواحد يتخيل نفسه غير مسلم امر صعب ,مش عارف بس كنت احتمال ابقي صعب شويه لاني من النوع لما بحب حاجه بتعصب ليها وبدافع عنها ,بس اكيد لو كنت قرأت في الاسلام بتمعن كنت هتبع النور الذي جاء به

نظرتي لهم انهم اناس متخلفين ورجعيين ولكني كشخص ارفض ان اكون مجرد تابع لايعلم شئ عن الذي يتبعه فلو قرات وعرفت الاسلام وهداني الله الي الاسلام

ساقول الحمد لله الذي هداني للاسلام قبل ان اري المسلمين

وان مت ولم اسلم لن اتركهم امام الله يوم القيامة

ربنا لاتجعلنا فتنة للذين كفروا

لوقالولك إنت بقيت رئيس جمهورية هتعمل إيه؟


ياسلام كنت هعمل ملعب كوره وحمام سباحه في القصر واصطبل خيل واعد العب انا وصحابي طول النهار وكنت هخلي الواد اليعقوبي رئيس الديوان وكنت هقعد في حته بعيده وهعيش الجيش احسن عيشه علشان يحميني


استغفر الله العظيم انا سرحت شويه


لابجد هستعين بالله العظيم وهنبتدي نركز علي محاور محدده مثل الاقتصاد والجيش والاعلام والتعليم والشئون الداخليه عامه


وبعدين ابتدي اجيب خبراء متخصصين محترمين في كل مجال مع علماء الدين وبعدين نبتدي نضع خطط مدروسه تكون نتاجها اعاده بناء الفرد بشكل عام ووضع بذور جيل يستطيع النهضه بالامه


واعداد الشعب وتربيته ليكون مهيء للحكم الاسلامي


ومحاسبه الجبارين في محاكمه شعبيه سريعه جدا امام جميع فئات الشعب وبعدين هرميهم في الزباله وهنفيهم بشكل سريع جدا ونطوي هذه الصفحه القذره من تاريخ البلد


وبعدين هجيب خبراء من بلاد النمور الاسيويه في الاقتصاد وهاارسل بعثات هناك


وفي التعليم اليابان


وهصبغ كل ده بصبغه اسلاميه


لاني مؤمن بتكامل الحضارات مش معقول هنبدأ من الاول او هنعتمد علي اوروبا وامريكا في نهضتنا


ثم هاارسي التشريع الاسلامي في البلاد ويكون هو الحاكم الفعلي في شتي الامور


وهخلي اليعقوبي المستشار العام ورئيس مجلسي الشعب والشوري ووزير الداخليه والخارجيه ومحافظ البنك المركزي


وبعدين البسوا قضيه فساد واسجنوا واقتلوا واطلع اعيط واقول انه انتحر!!!!!!!1

طبعا هاتجوز الاول عشان مصر لازم يبقي ليها سيئة (سيئة مصر الاولي )وبعد كده هاولع في الجفري والبسه قضية مخدرات عشان يبطل رغي وكلام كتير

بجد بقي

هاحاول اضع كل شخص في مكانه الصحيح اي ساعطي الامانة لمن يستحقها وبعد ذلك ممكن انام واتفرج علي بلدنا وهي بتكبر وبتزدهر

ثاني امر هاحاسب كل من ظلم شعبه وهيتحاكموا في محاكمة شعبية في احد اكبر الميادين

ثالث امر هارجع العلماء المصريين المتواجدين في خارج مصر سواء كانوا علماء دين او علماء لعلوم دنيوية واحملهم مسئولية البلد

وبعد ده كله لو البلد قامت وبقت زي الفل ان شاء الله وهذا طبيعي لبلدنا نبتدي الجهاد واتنازل عن الحكم واذهب الي الجهاد لان هذ امنية ادعو الله بها

لوسمح لك برؤية الرسول عليه الصلاة والسلام وإنك تقوله كلمة واحدة ؟


ياالله ان شاء الله هنقابل النبي صلي الله عليه وسلم وهترمي في حضن النبي حضن قوي كم اشتقت اليه


وهقوله كلمه علي وزن كلمه استاذنا عصفور المدينه


هقوله يارسول الله اني احبك في الله فيرد صلي الله عليه وسلم احبك الله الذي احببتني فيه

هاترمي في حضنه وهابكي بكاء شديد واقول له سامحني علي تقصيري في دينك

واخاف ان يردني

لو كنا في عصر ازدهار الأندلس كنت تتخيل نفسك إزاي؟


ان شاء الله احد الجنود في الجيوش المنطلقه لفتح الشمال الاوروبي

احلي شغل يامعلمين اشي فتوحات علي جهاد علي جواري

وابتغي فيما اتاك الله الدار الاخرة ولاتنسي نصيبك من الدنيا
يعني الله المستعان

لو خطبت واحدة أو اتخطبتي لواحدوأثناء الخطبة اكتشفت أو اكتشفتي إن الطرف الآخرغير قادر على الإنجاب هيكون


ايه تصرفك؟


مش عارف موقف صعب جدا انا بجد حلمي في الدنيا ان انا يبقي عند بنات صغيرين ادلعهم والعبهم واربيهم كما يحب الله ويرضي وولد اعده انه يكون من جنود الدعوه في اي مجال


موقف صعب فعلا بس ممكن احط نفسي مكنها واشوف هي كانت هتعمل ايه وحسب الحب بيننا ساعتها ممكن استغني عن اي حاجه ونعيش مع بعض برده في بيت ننشئه علي طاعه الله ونجعل من كل اطفال المسلمين اولادنا نعلمهم الاسلام برده والمجالات كتير


اللهم ارزقني الذريه الصالحه


رب لاتذرني فردا وانت خير الوارثين
مش عارف والله هاعمل ايه نسيب كل حاجة للزمن والوقت هو اللي يحدد يمكن انا اللي اكون كده
اعتقد ان اللي حاططك التاج ده يتبع المذهب الحنفي كل شوية لوكذا لو كذا ايه ده
لو طلعت القمر هتكتب عليه ايه؟


نفس اجابه استاذ عصفور المدينه هسجد سجده وبعدين هكتب ربنا ماخلقت هذا باطلا سبحانك فقنا عذاب النار

هاكتب للذكري الخالدة اليعقوبي والجعفري اصل الكتابة علي الحيطان والارض دي عادة فرعونية يعني تشوف العابد بتاعة الفراعنة اكيد كانت نضيفة في عهدهم بس الشعب هو اللي كتب علي الحبطان بتاعتهم

بجد بقي هاسجد لله في المكان ده حتي يشهد لي عند الله يوم القيامة لاني احب ان تشهد لي الارض علي طاعتي لله واعوذ به ان شتهد علي في معصيتي له
لو مررت التاج لحد وماجاوبش هتعمل ايه؟


ياستير يارب علي اللي هيحصل يااااااه مش متخيل ابعت لواحد تاج ومايجوبش دنا كنت !!!1


يعني هعمل له ايه يعني هضربه جوه الكمبيوتر


ان شاء الله التمسله عذر

هاعمله ايه عنه مجاوبه مع السلامة منجلكش في حاجة وحشة

تمرر التاج لمين ل..1


استاذي عمر محمود


البشمهندس الكبير مهندس مصري


عمي وعم عيالي جمعاوي روش طحن


اختنا دعوه الفردوس


النجم ياسر شمس الدين


ايمي وكوكا


الكبير اوي وختامها مسك ض\خالد حبيب قلبي
الاستاذة اميرة محمد محمد محمد
اسلام ابو غزالة ليه بس
ولبابا وماما وخالي بمطروح وخالي في السعودية
الجعفري واليعقوبي
الفاتحون ليمتد
والسلام

هناك 36 تعليقًا:

دكتور حر يقول...

الله ينور يا شباب

إجابات زي العسل والله

عجبني قوي اللي مركز لما يمسك رئيس يتجوز ده

هههه
هو انت لسه مش هتجوز لحد ال40

احنا عندنا قوانين يا بيه


لكم اجمل تحيات
وكل عام وانتم بخير

دكتور حر يقول...

اجبات جميله
بس شكلكم بتحبوا بعض
قوي

صانعة الحرية يقول...

هههههههههههههههههههههههه
اضحككم الله كما اضحتونى
ايه يا اخ يعقوبى اخرتها تولع فى الاخ الجعفرى هههههههههه
اجابات رائعه ما شاء الله
بس على فكره انا اللى قلت هقول للحبيب انى احبك فى الله
استاذنا عصفور قال هيقوله السلام عليكم
بس اجابات موفقه بل رائعه

مشروع انسان يقول...

ايه التوافق ده
شوية والمدونة هتولع بيكم
ياه شفتوا الرئاسة والمنصب بيغيروا ازاى
احمدوا ربنا على النعمة اللى انتوا فيها بقى
محدش يعرف الايام بتعمل ايه
مخدرات وقضية :)
وربنا يرزقكم وتكونا جنود الفتح
بس من غير جوارى يا فالح :)
ويرزقكم الذرية الصالحة والزوجة الصالحة ابقوا اتجوزوا اختين بقى عشان تبقى مدونة عائلية
بارك الله فيكم

عصفور المدينة يقول...

الأول صلح كلمة الجفري خليها الجعفري عشان يا خد حقه

بعدين بقى ده أمتع تاج قرأته ربنا يبارك فيكم

عجبني الإجراءات الرئاسية بتاعتكم جدا

ابن حـجـر الـعـسـقـلانـى يقول...

يا سبحان الله.. من القلب للقلب رسول

واحد هايقتل التانى .. و التانى هايولع فى الأولانى

إيه التناغم و توارد الخواطر العالى دة

حاجة حلوة خالص الصراحة

Dr.khaled يقول...

الشباب دول تربية لاظوغلي ولا ايه؟؟؟

ايه يا شباب التكتيكات الجامدة دي؟؟

كان فيه سؤال المفروض يضاف على التاج...ليكم....

لو اتخانقتوا الوقتي(لمدة تقل عن 3 ايام طبعا) ....هتقسموا المدونة ولا هتنفصلوا ؟؟

أبو دجانة يقول...

ربنا يخليكوا لبعض .. اللهم آمين

Unknown يقول...

الدكتور حر
حبيب قلبي
ربنا يخليك
ومنورنا
واليعقوبي ده حبيبي من ايام الجيزه
ومااعتقدش ان اليعقوبي هيجوز قبل سن 40
يكون عقل شويه

Unknown يقول...

اختنا صانعه الحريه
جزاكم الله خير علي التاج
واليعقوبي ميقدرش يولع فيه ولاحاجه ده غلبان جدا وتفكيره ميوصلوش انه يعمل حاجه زي كده
بس انا كان قصدي علي وزن استاذنا عصفور المدينه
انه لما يقابل النبي ويقوله السلام عليكم النبي صلي الله عليه وسلم هيقوله وعليكم السلام ورحمه الله وبركاته فيبقي النبي دعاله بالسلام والرحمه والبركه
وعلي وزنها اني احبك في الله فالنبي يقولي احبك الله الذي احببتني فيه
ومش عايز حاجه اكتر من حب ربنا
وعلي العموم كله في بوتقه واحده
وجزاكم الله كل خير

Unknown يقول...

اخونا امام الجيل بأذن الله
والله كلام حضرتك مظبوط الحمد لله رب العالمين فعلا بجد وحقيقه الكرسي بيغير النفوس ومش اي حد ينفع للمهمه دي
وعلي فكره اليعقوبي مش اخويا في النسب
هو اخويا في الله ودي اقوي وابقي نسبا
واللي يشوف عز وهو بيتكلم علي الجواري يقول انه واد مخلص وصحه يالا ربنا يوفقه
وربنا يجزيك خير يااخي

Unknown يقول...

استاذنا عصفور المدينه
ربنا يبارك فيك
معلش بقي اصله مكنش مركز وهو بيكتبها من كتر الرعب والخوف تلاقيه منمش امبارح
وجزاكم الله كل خير

Unknown يقول...

اخي ابن حجر ربنا يعزك يارب
فعلا توافق غريب
بس ياجماعه عز غلباااااااااااان فعلا
ميعرفش يدبح فرخه
ده حتي بيخاف من القطط
وجزاكم الله خير يااستاذنا

Unknown يقول...

ض\خالد
عمي وعم الشباب كلها
هقولها عاشر عز غلبان لو اتخنقنا عز ممكن يروح فيها من كتر الرعب والخوف
مابالك انه يفصل المدونه اكيد الحجات الصغيره دي مش هتيجي علي دماغه من كتر الاهوال اللي هيشوفها
وربنا يقدرنا علي فعل الخير

Unknown يقول...

ض\ خالد
متنساش تاخد التاج
وربنا يحفظك

Unknown يقول...

ابو دجانه
منورنا وربنا يكرمك
انا سعيد جدا بزيارتك
امين يارب
وجزاكم الله خير

الفاتح اليعقوبي يقول...

السلام عليكم
النت شبه اتصلح ولله الفضل والمنة
انا بقولها علي الملاء ياجعفري انا اسف انا مش هاولع فيك!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!ا








انا قلت الكلام ده لما قرات بعد اجاباتك علي التاج ولكن الان وبعد ما قرا تعليقاتك علي البوست نفسه
فانا شم هاولع فيك باسلوب عادي
1-هارمي عليك شكارة جير حي
2-هادلق عليك 3او 4شفاشق ميه
3 هاطفيك وانقذك بعد ماتكون اتشوهت
4-هادلدلك في بانيو مليان ميه نار وتكون رجلك دابت من ميه النار
5-وده الجانب الخطير والمهم
هارمي اللي فاضل منك (وطبعا انا هاحاول انك متكونش مت بعد ده كله وبتترجاني اني اموتك ولكن هيهات )علي كلبة بلدي عيالها وتكون لسه مخلفة عشان تنسل فيك قبل ماتتلهف جتتك


بس كده ياصاحبي
وتقدر تضيف التعليق ده للاجابات بتاعة ماذا لو اصبحت رئيس جمهورية
والسلام

دعوة الفردوس يقول...

استنوا كده ربع ساعة ادحك على البوست والتعليقات
..."فاصل مع الضحك"...

عدناااا
تاج زي العسل بجد
هزاره وجده
ماشاء الله لاقوة الا بالله
ايه الحب في الله ده
لالالا
هتخلوني اغبطكم بجد
أيووووووووه
اللي هيولع واللي يقتل وتلفيق قضايا ومية نار
دي مش اخوة عادية دي
ده حب بقووووووووووووووة
وغبااااااااااااااااااااااوة
اجابات رائعة جدا
عجبني استنوا اما احط البوست في صفحة تانيه
طبعا طبعا السؤال بتاع رئاسة الجمهورية
حتى البعثات للدول الاخرى دي جميله جدا والاجمل الصبغة الاسلامية
وبالنسبة لليعقوبي
حتة الجهاد ..رائعة ربنا يرزقنا بيها
وباقي الاجابات خطيرة بجد
ربنا يرزقكما الصدق والاخلاص والثبات

جمعاوى يقول...

الفاتحان ليمتد

اليعقوبى و الجعفرى

هو المفروض بقى الواحد يحط تعليقين ؟
واحد لليعقوبى وواحد لعز ؟

ع العموم

ح تبقى مجاهد يا عمنا ...

يا بختك

و التانى اللى مفكر إنه فى عزبع عمو الحاج
ع العموم أنا بأكتب و أنا مستعجل علشان عندى مدرسة

" ولاه يا عز عندى اربع فصول بنات ثانوية عامة النهاردة بامناسبة "


و لى عودة

أشهد الله إنى أحبكم فى الله

الفاتح اليعقوبي يقول...

السلام عليكم
انا اللي هارد المرة دي ياجعفري

الاستاذة دعوة الفردوس
ربنا يكرم حضرتك

انا مش هارد علي كلام الجعفري والتخبيط بس احنا فعلا بنحب بعض ومسئلة القتل والاغتيالات دي بعد الرئاسة يعني بعد ىالحكم ان شاء الله
لو مسكنا هيحصل كده طب لو ممسكناش وهذا احتمال مطروح بقوة هنفضل صحاب
واخوة في الله
بهزر طبعا
انا هاولع فيه قبل ماامسك الحكم


فكرة اننا نتواصل مع العالم الخارجي ده شئ جميل للغاية ومش معني اننا اسلاميين يبقي لازم ننغلق علي نفسنا ونتقاوقع ونحارب العالم كله
بل بالعكس التواصل السلمي والتواصل المعلوماتي هو الاصل
اما غير ذلك وهو الجهاد فيكون لدفع او لطلب وهذا الطلب يكون غالبا مع دول طاغية

بس
اما الجهاد فهو امنية لاينولها الا ذو حظ عظيم واسال الله ان اكون منهم وان يرزقنا جميعا هذه النعمة

اللهم تقبل دعائك يااستاذة وجزاك الله خيرا
والسلام

الفاتح اليعقوبي يقول...

جمعاوي باشا عمي وعم عيالي ان شاء الله


المفروض تعليقين فعلا بس لليعقوبي وللجعفري
مش لعز ولليعقوبي


اذا كنت تدعو لي يااخي ادعيلي ان الله يرزقني الجهاد والشهادة


اما التاني اللي مش هاجيب اسمه علي الكيبورد فعلا فاكر نفسه في عزبة عمو الحاج ربنا يتوب عليه يارب


وشد حيلك يابراد بيت
اسف شد حيلك ياجمعاوي عايزك تبقي مثال جيد ومحترم للاستاذ المسلم بجد الكلام ده في اساتذة بياثروا فينا جدا من غير ماهما يحسوا باخلاقهم وطباعهم


وخلي بالك بس من رقبتك
والسلام

احمد الجيزاوى يقول...

الاجابه رائعه بس
سؤال محيرنى هو انت مستنى لمه تبقه رئيس وتتجوز دة بيمسك وهو عندة 40 سنه
وله مستنى تكون نفسك
احمد الجيزاوى

Unknown يقول...

اليعقوبي
غلبااااااااااااان والله
انت صعبت عليه
مكنتش اعرف ان الرعب يعمل تهيؤات واحلام يقظه كده
انا مش هضغط علي اعصبك اكتر من كده لحسان تجنن وتعمل زي الراجل اللي في فيلم شيء من الخوف وتمشي في المدينه بهدوم مقطعه وتقعد تعيط وتقول
انا سفاح انا داهيه انا مصيبه سوده انا 100 جعفري في بعض اه اسف 100 عتريس في بعض
لاعادي ياابو عز متعملش في نفسك كده
اه انت عندك شوجر ولسه صغير والصغيرين هما اللي بيقعوا
ربنا يكون في عونك

Unknown يقول...

استاذ احمد الجيزاوي
منور المدونه
ربنا يبارك فيك
ماهو انا وعز هنبقي طفره
هنعمل انقلاب
ونمسك بدري
اشمعنا جمال عبد الناصر
يعني كلها سنتين ان شاء الله ونمسك
بس العبه دور فيفا 2007
واللي يكسب يبقي الريس والخسران رئيس الوزراء
وياريت تنورنا دايما يااستاذنا
وجزاكم الله خير

صانعة الحرية يقول...

احم احم
اقول ولا هتضربووووونى









لكم عندى كمان تااااااااج
بس اجاباته كلمه ورد غطاها
ياريت تيجوا تستلموه

Unknown يقول...

اختنا صانعه الحريه
ان شاء الله نستلموه ونجاوبه

اجري على الله يقول...

اولا انا شايف ان في توافق جميل اوي بينكم
لدرجة ان الاجابات غايه في الحراره
وانشاء الله ترجع تاني ايام الاندلس ونشوفكم في جيوش الفاتحين -من سأل الله الشهادة بصدق بلغه الله منازل الشهداء ولو مات على فراشه- تاج جميل جدا جدا

الشاعر بن هلال

بنت الصالحين يقول...

ههههههههههههههههههههههههههههههههههه


لالابقى خلاص كفايه ضحك

بجد بجد مدونه جميله جدا
ماشاء الله

ربنا يعزكم ويثبتكم على طاعته


التاج بقى تحفه كل اما اقول لا خلاص ده هيدخل فى الجد مقدرش مابطلش ضحك
اللهم افتح بينكم بالحق وهو خير الفاتحين باذن الله

دمتم اخوه متحابين فى الله

مهندس مصري بيحب مصر يقول...

التاج جميل جداً ربنا يخليكوا لبعض

و بعدين كده تدبسوني دا أنا هربان من التاج ده من عند البشمهندس عصفور المدينة بعد إجاباته الرائعة قوم التاج ده يفضل ورايا ورايا

ماشي لمعزتكم عندي حأجاوب التاج بس إصبروا عليا شوية احسن مطحون في الشغل اليومين دول
أحلى سلام للحبايب
:)

الفاتح اليعقوبي يقول...

السلام عليكم
استاذنا الشاعر بن هلال
منور مدونتنا ربنا يكرمك علي فكرة بالفعل انا وهو متوافقين

ربنا يتقبل ان شاء الله ونكون من جنود فتح الاندلس بس نرجع فلسطين اولا

وانتظروا البوست القادم
والسلام

الفاتح اليعقوبي يقول...

الاستاذة عاشقة الفردوس
اضحك الله سنك

اسعدتنا زيارة حضرتك للمدونة اول مرة

التاج فعلا جميل بوجه عام وحضرتك ممكن تاخذيه لانه لاي حد يعلق

ونتمني زيارة حضرتك للمدونة


اللهم تقبل دعائك واجعلنا من الفاتحين
ويرزق حضرتك الفردوس
والسلام

الفاتح اليعقوبي يقول...

الهندسة كلها استاذنا الكبير
مهمندس مصري
لالالالالالالالالا
التاج هيتجاوب انهاردة دلوقتي مفيش حاجة اسمها شغل التاج اهم من اي شغل لا مينفعش متحاولش يابشمهندس



ربنا يكرمك ياحبي وييسرلك شغلك
وامورك كلها
والسلام

Unknown يقول...

ايه يا عم انت وهو
هو فيه ايه
قتل وقضايا مخدرات هى الدنيا بتغير النفوس كده .مكنش العشم
بس بوست رائع بجد استمتعت به جدا
خاصتا حبكم لبعض اوووووووووووووووووووووووووووى
ربنا يخليكم لبعض بس بلاش الأفكار الشيطانيه بتاعة الحكم ده
هههههههههههه
سلام

Coca يقول...

ربنا يديم الموده والحب بينكم

بس يعني استاذ عز هيولع في الجعفري يعني

انا بهدي النفوس

فكره المدونه المشتركه دي جميله جدا بجد
ولعلمكوا لما بداتها مع ايمي واحنا في اختلاف كتير بينا وفي ارأنا الا ان كل طرف فينا بيحترم ويناقش الاخر واتمني ان الناس تتعلم حاجه من ان المشاركه في عمل لازم تقوم علي الاحترام المتبادل
وتاج مقبول هننزلوا البوست اللي جاي
والسلام ,,, اهو بستخدمها في الفاتحان ليمتيد بس

الفاتح اليعقوبي يقول...

السلام عليكم
استاذ ابن الاسكندرية
منورنا ياجميل ربنا يعزك

فعلا الدنيا بتغير النفوس الله المستعان
بالنسبة للحب هاوضح مسئلة الحب دي البوست الجاي


ماشي ياعمنا بلاش الافكار الشيطانية دي بس عشان خاطرك انت بس

شرفتنا زيارتك ياجميل
والسلام

الفاتح اليعقوبي يقول...

الاستاذة كوكا
ازي حضرتك


لالا يافندم هدي النفوس براحتك هي هدية لوحدها


فعلا فكرة المدونة المشتركة دي جميلة جدا
بس فعلا بجد انا والجعفري مش مختلفين مع البعض وهاوضح ده الببوست الجاي


ومستنين التاج
من استاذة هتلر واستاذة كيندي
والسلام

ساندوا اخوانكم في القوقاز

ممدونات مهمة للغاية

المدونات دي لازم تعدوا عليها وساندوا اصحابها جزاهم الله خيرا

مدونة ارض الحرب جزا الله صاحبها خيرا

كلنا مقاومة

مدونة اولادنا امانة (كيف نربي الاجيال القادمة)

نشقي ليعز ديننا وتسعد امتنا

نشقي ليعز ديننا وتسعد امتنا

جماعة قاداتها شهداء منصورة باذن الله

جماعة قاداتها شهداء منصورة باذن الله

About Me

صورتي
اليعقوبي احد الفاتحين القادمين باذن الله واتمني انا ذلك كل مااسال الله عليه ان يثبتني علي دينه وعلي طريقه والااضل عنه وان يرضي عني

لغتي الجميلة هويتي واصلي وديني

لغتي الجميلة هويتي واصلي وديني

اللهم ارحم اخي علاء رحمة واسعة

اللهم ارحم  اخي علاء رحمة واسعة

اللهم ارحم اخانا رحمة واسعة واجمعنا به في مستقر رحمتك

اللهم ارحم اخانا رحمة واسعة واجمعنا به في مستقر رحمتك
نسالكم الدعاء لاخانا