الاثنين، 26 نوفمبر 2007

فضائح بلدنا لاتتحكي ولا تنقرا تتشاف بس!!!!!!!ا

بسم الله والصلاة والسلام علي رسول الله عليه الصلاة والسلام


اول حاجة احب بس اقول للناس اللي بتعلق عندي اني بحبها في الله جدا لعلنا اجتمعنا علي خير باذن الله ولم نري بعضنا الا بعض الناس اللي انا قابلتهم


ندخل في الموضوع


النهاردة كان عندنا اعتصام في جامعة القاهرة وبالاخص في المدينة الجامعية عشان تم فصل 200طالب من المدينة الجامعية 25من الاخوان والباقي طلبة عادية جدا وليس لها اي نشاط وبالرغم من ان الطلبة دي من اصحاب التقديرات المرتفعة الا انهم استبعدوا واليكم بعض الاتهامات والتي تكاد تقتل القلوب وتقطعها اربا
انهم بيصلوا بالليل بالطلبة يعني من الاخر استبعدوهم عشان بيصلوا قيام ليل مع الطلبة وبيحثوا الطلبة علي صلاة القيام والتهجد
فضيحة صح
حرقة دم مش كده
حسبي الله ونعم الوكيل
مصيبة والله يااخواني قربك وطاعتك لله اصبح شئ تعاقب عليه وتحاسب عليه ولكن لنا الله واسال الله ان يرضي عنا ويتقبل منا ومن اخواني المستبعدين وادعو لهم يااخوانا لانهم بالفعل بيمروا بظروف صعبة للغاية طالب مغترب مستبعد والامتحانات علي الابواب ويمكن امكانياتته علي قد حاله بل اني اعرف بعض اخواني بالفعل حالتهم صعبة جدا وربنا يعينهم وياجرهم علي مااصابهم
وفي النهاية اتركم مع ايات ابكتني عندما سمعتها
يقول تعالي:( فَمَا كَانَ جَوَابَ قَوْمِهِ إِلاَّ أَنْ قَالُوا أَخْرِجُوا آلَ لُوطٍ مِنْ قَرْيَتِكُمْ إِنَّهُمْ أُنَاسٌ يَتَطَهَّرُونَ *فَأَنجَيْنَاهُ وَأَهْلَهُ إِلاَّ امْرَأَتَهُ قَدَّرْنَاهَا مِنْ الْغَابِرِينَ *وَأَمْطَرْنَا عَلَيْهِمْ مَطَراً فَسَاءَ مَطَرُ الْمُنذَرِينَ *قُلْ الْحَمْدُ لِلَّهِ وَسَلامٌ عَلَى عِبَادِهِ الَّذِينَ اصْطَفَى أَاللَّهُ خَيْرٌ أَمَّا يُشْرِكُونَ )ا
ولكن مايصبرنا ان العاقبة دائما للمتقين
اخوكم اليعقوبي
والسلام

هناك 18 تعليقًا:

الفاتح الجعفري يقول...

لاحول ولاقوة الابالله طب الواحد يقول ايه حسبي الله ونعم الوكيل يعني سايبين التبرج والسفور والاختلاط المهين وبيحسبوا ناس ليس لهاذنب الا انها تدعوا الي الله طب الناس دي هتقابل ربنا ازاي طب هتقوله ايه والله الاخوه لم يخسروا بل اوذوا في الله ويكفيهم انهم يقولون فيك يارب اوذينا والله معهم وهينصرهم وكما قال الدكتور راغب (انهم بوقوفهم امام الدعوه كمن يقف امام البحر سيعلوه البحر حتي يصل الي الشاطيء ) وحتما سينتصر الاسلام وسيغرقون هم في غيهم وضلالهم
اللهم وعليك بكل من اذي الدين اللهم وعليك بكل من حارب الدين اللهم وانصر من نصر الدين اللهم وخذل من خذل الدين امين امين امين يارب السموات ورب العرش العظيم

EmY يقول...

ايه الكلام ده دول لازم نشنقهم بيصلوا بالطلبه لا حول ولا قوة الا بالله ازاي يعملوا كده و المصيبه لا يكونوا بيصوموا رمضان كمان البلد باظت يا رجاله ولا ايه

هو الكلام ده بجد استبعدوهم علشان كده

حال البلد عدي المايل بمراحل مش عارفه اوصفه قاقول ايه

الفاتح اليعقوبي يقول...

السلام عليكم
الجعفري حبي واعتزازي
فعلا كسبوا والله ورفعهم الله وابتالهم في دينهم ودائما يبتلي المرء علي قدر دينه

وسيغرقون في غيهم وضلالهم وستبقي دعوة الله خالدة وشامخة فوقهم وفوقنا وفوق كل جبار ومعتدي
والسلام

الفاتح اليعقوبي يقول...

استاذة ايمي
البلد باظت فعلا

علي فكرة الكلام ده بجد ومن كام سنة لموا 20طالب كانوا بيصلوا بالليل

دي احد التهم الموجهة ومن التهم ايضا تحقيقات حدثت مع بعض الاخوة في كلياتهم وفصل طبعا من تحقيقات امنية في كلياتهم طب ايه اللي جاب الكلية للمدينة الجامعية


وفي بعض ملفات اخوانا المستبعدين بيتهموهم بالصلاة بالليل في المدينة اللي هي صلاة التهجد لان الصلاة بالليل مش من لوائح المدينة
وهل عبادة الله محتاجة اذن من احد
عامة خير
والله المستعان علي مايصفون و
والسلام

جمعاوى روش طحن يقول...

الباشا الكبيير


منور و الله


وحشتنا


أم عن الموضوع

يعنى يا راجل يحرضوا الطلاب على قيام الليل و مش عاوزهم يتجاوزا


طب إزاى ؟

يعنى عاوز الطلبه يبقوا قريبن من ربنا ..طب غزاى


منكم لله مليتوا البلد

ده لسان حالهم اللى بيقول كده يا جدعان مش أنا

الفاتح الجعفري يقول...

اخي انت حر وراء السدود:::اخي انت حر بتلك القيود
اذا كنت بالله مستعصما::: فماذايضيرك كيدالعبيد
اخي هل تراك سئمت الكفاح :::والقيت عن كاهليك السلاح
فمن للضاحايا يواسي الجراح ويرفع رايتها من جديد
اخي انني اليوم صلب المراسي :::ادك صخور الجبال الرواسي
غدا سااشيح بفأس الخلاصي :::رؤوس الافاعي الي ان تبيد

ياسر شمس الدين يقول...

يا اخوانا الجامعه عندها حق
مش الناس ديه اتزبطت وهى بتصلى
وكمان بيصلوا بالليل
يا نهار اسود
بص يا فاتح بلدنا ديه عايزة تطلع عنينا دنيا واخرة مش اول حاجه الواحد بيتحاسب عليها الصلاه
يبقى لازم بلدنا تمنعنا نصلى امال هيدخلوا النار لوحدهم مش لازم يلاقوا شعب يونسهم فى جهنم برضه
الجامع اللى عندنا فى سموحه اتاخد من سنتين عشان كنا بنصلى القيام فى رمضان فى الشارع والعربيات ما كناتش عارفه تمشى
يعينى
انا نفسى يقربوا من اى كنيسة كده ولا احنا اللى ملطشه بس اللى يربى دقنة يتبهدل اللى يحلق دقنة ويصلى يتبهدل اللى يقعد على القهوة ويحشش ده كفاءة وعيل تمام الخمورجية ناس زى الفل
الرقاصات ومطربات البورنو فى ميلودى ومزيكا تمام بورتو مارينا ومايهوات القطعه والقطعتين والخمور والزنا دول شباب خلاصة
لكن تقولى صلاه بقى وجع دماغ وبالليل كمان ده تهريج يا راجل ده عيال متزمتين ارهابين متعصبين على راى الشيخ وجدى ربنا يعينة

دكتور حر يقول...

ربنا يعينكم يا فاتح والله

طب مهو كده عادي خالص

وأهو انت ذكرت الآيه
يعني اللي معاكم ده طبيعي خالص

يا حبيبي الامام البنا ما قعد في الدعوه اكتر من 15 سنه مفيش اي مشكله بتقابله زعل جدا وشك في طريقه انه يكون غلط عشان مفيهوش عقبات

اصبروا وتواصو بالحق والصبر
وربنا معاكم ان شاء الله

عصفور المدينة يقول...

ناجحون إن شاء الله وربح بيعهم
اللهم فرج كربهم

coca يقول...

هو دا الخوف بجد بدل ما يكونوا لحمايه الطلبه بقوا بيقبضوا عليهم

احنا في بلد اسلامي من حق كل مسلم يؤدي الفروض كما يشاء المصيبه ان الحكومه بقت شايفه ان كل اللي بدقن وكل منقبه ارهابي وكل حد يقول تعالي نصلي يبقي متطرف نقبض عليه
رببا يستر علي البلد دي مش عارفه رايحين بينا علي فين

AbdElRaHmaN Ayyash يقول...

هي دي البلد
اقول ايه بس
ربنا ينتقم منهم
و ربنا هيحاسبهم على كل اخ او اخت عانوا بسببهم
ربنا يصبركم
و يارب تكونوا بخير
لك سلام

عمر محمود يقول...

بشراك أخى بقول الله بعد بكائك " ونريد أن نمن على الذين استضعفوا فى الأرض ونجعلهم أئمة ونجعلهم الوارثين ونمكن لهم فى الأرض ونرى فرعون وهامان وجنودها منهم ما كانوا يحذرون "

صانعة الحرية يقول...

يا بختهم
والله يا بختهم
حتى لما يموتوا هيلاقوا حاجه يقولوها لربنا
كنا خدام دعوتك
وفعل بنا كذا وكذا
يا بختهم
وكما قال استاذى وابى الفاضل عصفور المدينه
ربح بيعهم
ان شاء الله ربنا يكرمهم ويوفقهم
اما عن ما يحدث من اضطهاد للملتزمينم ومحاربه للاسلام
فهذا طبيعى
بدا الاسلام غريبا وسيعود غريبا كما بدا فطوبى للغرباء
اللهم اجعلنا منهم
والايه فى محلها اخى الفاضل
اردد هذه الايه منذ انتخابات الشورى اللى قبل دى
يعنى من حوالى خمس سنين
وحسبنا الله ونعم الوكيل
وقادم قادم يا اسلام

مهندس مصري يقول...

ربنا يكرمهم و يجعله في ميزان حسناتهم
أنا كنت بأشوف الحاجات دي من عشر سنين في مدينة أسيوط الجامعية بس كان بيبقى إعتقال مش طرد
حسبنا الله و نعم الوكيل

همسة قلم يقول...

حسبنا الله ونعم الوكيل على اللى بيحصل ده

لما الدين يكون جريمة والصلاة تكون سبب في الاستبعاد وكأنكم بتسرقوا او بتعملوا شئ مش كويس..

وطبعا في المقابل سايبين الناس التانية على راحتهم ولا كأن فيه حاجة

عجبي على زمن اصبح الدين فيه تهمة نعاقب عليها

حسبنا الله ونعم الوكيل

الفاتح اليعقوبي يقول...

السلام عليكم
لكل من علقوا جزاكم الله خيرا ولكن ادعو لاخوانكم المستبعدين فظروفهم بالفعل صعبة للغاية
وجزاكم الله جميعا كل الخير
والسلام

ابو مفراح يقول...

السلام عليكم
و الله اخى هذه مصيبه و جلل كبير جدا و الله اخى لن يخذل الله اخواننا العالقين فى العراء فى المدينه الجامعيه او امام مكتب رئيس الجامعه و ستكون الاحتفالات بالمئويه وبال عليهم جميعا

تحياتى اليك
ابو مفراح

عبد الرحمن مدني يقول...

أدعوكم للتضامن مع دينامو الإخوان
معا ضد التدخل الأمني داخل أسولر الجامعه
معا ضد الفصل التعسفي

ساندوا اخوانكم في القوقاز

ممدونات مهمة للغاية

المدونات دي لازم تعدوا عليها وساندوا اصحابها جزاهم الله خيرا

مدونة ارض الحرب جزا الله صاحبها خيرا

كلنا مقاومة

مدونة اولادنا امانة (كيف نربي الاجيال القادمة)

نشقي ليعز ديننا وتسعد امتنا

نشقي ليعز ديننا وتسعد امتنا

جماعة قاداتها شهداء منصورة باذن الله

جماعة قاداتها شهداء منصورة باذن الله

About Me

صورتي
اليعقوبي احد الفاتحين القادمين باذن الله واتمني انا ذلك كل مااسال الله عليه ان يثبتني علي دينه وعلي طريقه والااضل عنه وان يرضي عني

لغتي الجميلة هويتي واصلي وديني

لغتي الجميلة هويتي واصلي وديني

اللهم ارحم اخي علاء رحمة واسعة

اللهم ارحم  اخي علاء رحمة واسعة

اللهم ارحم اخانا رحمة واسعة واجمعنا به في مستقر رحمتك

اللهم ارحم اخانا رحمة واسعة واجمعنا به في مستقر رحمتك
نسالكم الدعاء لاخانا