السبت، 8 ديسمبر 2007

الفضيحة !!!!!!!! اسف اقصد الجعفري

بسم الله والصلاة والسلام علي رسول الله عليه من الله افضل الصلاة واتم التسليم



انه في احد الايام حالكة السواد وهو يوم6 من شهر ديسمبر سنة1986



ولد ذلك المدعو بعد ماحرم والداه 6سنوات من الانجاب فمن الله عليهم بذاك المدعو الجعفري



صاموا وصاموا وصاموا وفطروا علي جعفري



ولا حول ولا قوة الا بالله





كل سنة وانت طيب ياحبي وكل سنة وانت الي الله اقرب وكل سنة وانت بتزيد علما وفهما



يالا خير طبعا الجعفري معملش عيد ميلاد لان ابوه الحاج الجعفري الاب صوفي



ايوه صوفي



(مستنين الحكم فيه يااستاذ عصفور وياضكتور خالد وجمعاوي كمان)



فهو بيعمله مش عيد ميلاد بيعمله ختمة ختمة صوفية كل سنة هتوقف لما يتجوز



وده كان ندر علي والده









علاقتي بالجعفري



علي فكرة يااخوانا انا والجعفري نعرف بعض من حوالي 15او 16سنة جيران سنين بتعدي علينا تخيل 16سنة



فصاحبنا ده كان ليه فضايح وهو صغير لاتنحكي ولاتنقرا حاجات تودي في داهية



وعشان اعرفكم الطفولة المشردة لذاك المدعو



ابوه بيقوله يابني انا اعرف ان اي عيل في الدنيا اول كلمة يقولها بابا او ماما اما انت فقلت يابن (البوبي)طبعا بلغة دارجة منحلة



كنت وانا طفل عيل غلبان فعلا ومؤدب وهو كان ركبه ميت شيطان فكان كل مانلعب مع بعض يشتمني ويجري وكان سريع جدا وكان له اسلوب في الجري كان يشد الشورت بتاعه لحد صدره فوق ويحط الشبشب فوق ويجري ومكنتش بلحقه بس كنت بصطاده وهو نازل من الاسانسير وواقوم اضربه واطلع لمامته واقول لها ياطنط جعفري ضربني (طبعا مبلقهاش جعفري)هو ليه اسم دلع اغلب الناس بيقولوه له الي الان رغم انه اشتغل



فالمهم كان طفل ومطلوب في محاكمة العدل الدولية في لهاي وكان من اكثر من اوذي منه الواد الغلبان اخوه



في مرة كانت ولدته عندنا قاعدة مع والدتي فلقينا الواد اخوه داخل وقالب وشه وبيقول لمامته وهي عند جارتها ماما جعفري كل حته الفراخ بتاعتي لقيت والدته كانت هتلتطم وعمالة تقول يافضحني يافضحني هي قعدت تقولهم الكلمة دي لحد مانزلت



وطبعا جرائم كثيرة جدااااا بس الوقت اللي يكتب ندخل في المرحلة اللي بعد كده



ثانوي


في فترة تلتة اعدادي وثانوي كان الحال اتقلب انا بقيت قتال قتلة واصبحت شخصية تانية (فترة المراهقة)وعم الجعفري ربنا هداه وكنا مع بعض في الدروس في الثانوية العامة حوالي 3دروس


وكان مثلا لو الدرس الساعة 7ننزل نستنا الاستاذ الساعة6ونطلع بعد الدرس بساعة
واثناء الدرس تدبير لمكائد للترزيل علي الاساتذة وبنت جارتنا اللي كانت معانا في الدرس بس
لاعلم ولا يحزنون
فهو كان ربنا هداه وابتدي يصلي فكنت معتبره شيخ
وكنت بسال نفسي ايه الي خلي الشخصية دي تهدي كده
ولاني مش متعود علي الالتزام فكنت بساله طيب يابني انت متعرفش بنات طب هاتجوز ازاي او ايه مواصفات البنت اللي انت عايز تتجوزها قالي اوصاف عادية لاي واحدة ملتزمة (الكلام ده في ثانوي)فقلت له طب متاخد واحدة يعني مش ملتزمة اوي واهديها انت قالي اش دراني كام واحد هداها قابلي ؟؟؟؟؟؟؟؟؟؟؟؟؟؟؟
جامعة
ربنا هدانا احنا احنا الاثنين في فترة تانية جامعة واسال الله ان يمن علينا بالثبات والهداية وبقينا احنا الاتنين من الاخوان
بس هو هزارنا مع بعض كده هاولع فيك وهو يقولي انت غلبان ومتعرفش تعمل حاجة
رغم ان الفارق الجسدي بينا واضح ولصالحي ولله الفضل والمنة بس هو بيقاوح
ففي مرة بيقولي بص ياعز المعركة اللي بيني وبينك مش بالقوة دي بالعقل فقلت له ده اللي مطمني وهذا مايهدا سريرتي اذا حدثت بيننا مواجهات
بجد فعلا
علي فكرة انا والجعفري متفاهمين جدااااااا فكريا مبنختلفش كتير وتوارد الخواطر والافكار بينا كتير اوي يعني مثلا نبقي قاعدين في لقاء وتيجي فترة الخواطر فهو مثلا هيقول خاطرة فالاية اللي هو بيقولها هي نفس الاية اللي كنت هاوقول فيها خاطرتي وبتحصل كتير جدااااااااااا
ومن كام يوم كنت تعبان فبكلمه لقيته تعبان بنفس المرض
بجد والله
التوافق بينا عالي جدا رغم اختلاف الشخصيات لكن الفكر واحد
والله ياجعفري
اني احبك في الله
وانت بالفعل صاحب فضل بل انت احد اسباب تعريفي بالاخوان
وبجد
اني احبك في الله
كل عام وانت بخير وبصحة وعافية
والسنة الجاية تكون واخد العهد من ابوك
اليعقوبي
والسلام

هناك 51 تعليقًا:

عصفور المدينة يقول...

حاجيلك بعدين بس باحجز وحجيبلك عريضة الحكم

دكتور حر يقول...

ربنا يهديكم ويبارك أخوتكم وينصر دعوتكم ويؤيد بالحق قادتكم
يل بر العالمين

معان ومشاعر رائعه وجميله أسأل الله لكم تمكينا وثباتا

ولا تنسونا من دعواتكم

دعوة الفردوس يقول...

لي عودة

الفاتح الجعفري يقول...

ماشيييييييييي ياعز ليك عيد ميلاد يترد عليك فيه
يعني فضحتني وشردت ابويا
يابني لازم تعرف ان 6\12\1986
يوم فارق في تاريخ البشريه
ان الدنيا استقبلت الجعفري
كان لازم ابويا يقيم الافراح ولازم يدبح شكر لله علي هديته اللي هو الجعفري طبعا
استغفر الله بهزر
وبعدين الصراع محسوم بيني وبينك ياعز الصراع الدائم بين العقل والعضلات واللي بيه اقدر البشر يتحكموه في معظم القوي الموجوده في الطبيعه
وليك مثال الفيل الانسان جابوه وحبسوه وفرج الناس عليه رغم الفوارق الرهيبه في الجسم
بس العقل يكسب
وبعدين
استغفر الله استغفر الله استغفر الله
يابني انما نحن في اقدار الله
سواء بي او من غيري كنت ستأتي الي الاخوان انما يصرفنا الله كيفما يشاء ويجعل بعضنا لبعض اسباب وطالما كان لك انت الفضل علي في حجات كتير ويشد بعضنا بعض في طريق الدعوه
حته لغه عربيه
واحبك الله الذي احببتني فيه ياسيدي
واشهد الله اني احبك في الله
وجمعنا الله في الدنيا والاخره اخوانا علي سرر متقابلين ولافرق الله بيننا ابدا في الدنيا والاخره في رحمته وع النبي واصحابه
سيبني اعيط شويه
اهيء اهيء اهيء اااااااااااااااااااااااههههههههههههه
وبعدين التوافق ده مش غريب انما الارواح جند من جنود الله من تعارف منها ائتلف ومن تنافر منها اختلف
الشيخ ابو الاعلي المودودي في اليله التي اعدم فيها الشهيد سيد قطب احس بأختناق شديد وعندما استيقظ علم انه تم اعدام سيد قطب رحمه الله
وكثير من الحوادث تدل علي ذلك
وبعدين انا فضيحه
انت عديت ياعز وانا مش هسيبك
حاكم انت عامل زي السوسته طول مانت دايس عليها برجلك تفضل كنه وتحتيك تسيبها تضرب في وشك
انما دلعت كتير وده اخرت ان الواحد اسي عليك وانت صغير لما كبرت بدأصوتك يعلي لالاياعز
انت لازم تتسبغ من اول وجديد
اللهم اني اشهدك اني احب عبيدك هذا فيك فارضي عنا وارحمنا وارزقنا الشهاده في سبيلك
اهيء لهيء اهيء اااااااااااااااااااااااااااااااااههههههههههههههههههههههههههوووووووووووووووووووووووووووووووووووه
وجزاكم الله خير

مهندس مصري يقول...

ربنا يخليكم لبعض ويديمها عليكم نعمة و يجمعنا بكم في الجنة
و بعدين كانت لازمتها ايه الفضايح يا عز لازم تجرس الواد الجعفري كده هي دي الأخوة في الله :)
ثم ما ربنا هادي ناس ياما غير الإخوان المسلمين ولا انت فاكرهم هم المهديين بس:(
بأهزر عارف انك بتحب كل المسلمين و فيهم مهتديين كتير إخوان و غيرهم و أشهد الله أني أحبكم في الله

ثم ما دام انت إخوان يبقى أكيد عارف الحكم الشرعي في الصوفية
لو كانت الصوفية زهد و نسك و طاعة و تعبد بالفرائض و النوافل الموجودة في كتاب الله و سنة رسوله فأنعم بها من صوفية
أما لو كانت غرائب و عجائب و بدع و تمسح بالقبور و زيارة للأضرحة و الموالد و إعتقاد في الأقطاب و تسييرهم لأمور الخلق مع الله
فقبحها الله من صوفية
و أستغفر الله العظيم
هدانا الله و إياهم و إياكم إلى إتباع كتاب الله و سنة رسول الله صلى الله عليه و سلم غير مبدلين و لا مفرطين حتى نلقاه يوم الدين
معلش يا جعفري الحق ما يزعلش و الحق أحق أن يتبع
و أعتقد إن والدك من الصنف الأول من الصوفية اللي هما بجد أحسن ناس
و ليا سؤال بره الموضوع
إزاي الواحد يخلي مدونته مشتركة زي ما أنت يا عز دخلت الجعفري
؟
و السلام عليكم ورحمة الله و بركاته

جمعاوى روش طحن يقول...

هاهاهاهاهاهاهاهاهاهاهاهاهاهاه

وقعت ولاحدش سمى عليك يا معلم

إنت ج تتقطع النهاردة يا جعفرى

بداية كده

الحمد لله أنا أكبر منك

و على رأى المثل

أكبر منك بيوم يعرف عنك بخماستاشر سنة

باين فعلا إنك طفولتك كانت مشردة و لامؤاخذه كمان كنت ف المراهقة واد دنجوااان

ولا إيه يا يعقوبى ؟

عندى دلوقتى لقاء ضرورى و الموبايل بيرن

ح أخلص و أرجع تانى

كل عام و أنتم الى الله أقرب
و على طاعته ادوم
و الى جنته أطلب
و عن معصيته ابعد

أمير القلوب يقول...

بارك الله في حبكم وزادكم حباً
وجمعكم على طاعته
وظلكم بظله يوم لا ظل إلا ظله
تقبل تحياتي

صانعة الحرية يقول...

السلام عليكم
الاول اسمحوا لى ان اعبر عن سعادتى بحبكم فى الله
وعلى فكره كنت بحسبكم ولاد عم
بس الاخوه فى الله اقوى من عروى النسب

وبالنسبه ليوم ميلاد اخونا الجعفرى
فكل عام وحضرتك الى الله اقرب وعلى طاعته اقوى وادوم ومن الجنة اقرب وعن النار ابعد
كل عام والقران ربيع قلبك
كل عام وانت على خطى الحبيب

اما عن الصفويه فانا مع اخونا المهندس المصرى فيما قال
ومنتظرين راى استاذنا عصفور المدينه

EmY يقول...

كل سنه و انت طيب
بس اليعقوبي شكله غيران منك
كده مافيش تورته انا اخد حقي ناشف 2 كيلو لحمه و فرختين
كل عام و انت الي الله اقرب و قادر علي طاعته و حسن عبادته

الفاتح الجعفري يقول...

معلش ياعز ان اللي هارد مش يوم ميلادي التاريخي

الفاتح الجعفري يقول...

استاذ عصفور المدينه براحتك ومستنينك

الفاتح الجعفري يقول...

دكتور حر
امين يارب
وجزاكم الله كل خير

الفاتح الجعفري يقول...

دعوه الفردوس
مع حضريتك
مستنينك

الفاتح الجعفري يقول...

الفاتح الجعفري
ايوه انا
برد علي نفسي
ربنا يبارك فيه ويعزني ويوفقني
وكل سنه وانا طيب بأذن الله وفضله
وانا معايا في الكلام اللي انا قولته تمام
وربنا يجزيني خير

عصفور المدينة يقول...

الحمد لله وصلى الله وسلم وبارك على عبده ورسوله محمد وعلى آله وصحبه أجمعين
بداية كدة أنا جاي أهدي النفوس بعد ما حجزت أول تعليق بعون الله قبل بازيد

مرة كنت منزل بوست باحكي فيه مواقف ووكنت بالليل منزله وقبل ما انزله كان فيه واحد بيكلمني ع الشات وبيحكي لي مغامراته ومواصفاته من حيث الطول والعرض والارتفاع وبعدين جه واحد جعفري فت عليه في صلاة الفجر في نفس اليوم إنه جري من البوبي أنا باقول يعني دي حاجة ما يتسكتش عليها

ثانيا بقى اربنا يديم محبتكما في الله

ثالثا نرجع لموضوع الصوفية طبعا مهندس محمد قال الكلام المظبوط بس يلاحظ حاجة الصوفية اللي هي الزهد والروحانيات دي مش موجودة حاليا ممكن تلاقي واحد زي اليعقوبي نسميه متصوف على هذه الطريقة لكن واحد ممن ينتسبون إلى الطرق الصوفية مش حتلاقي لأن الطرق في معظمها لها طقوس ولها التزامات ولها اعتقادات في المشايخ والأولياء ينميها أفراد الطرق لدى بعضهم البعض
ده مش موضوعنا
احنا موضوعنا هو كيفية التعامل مع الوالدين وكيف يتم دعوة الوالد في مثل هذه الظروف
أولا يجب التزام البر بحذافيره وعدم الوقوع في العقوق الذي يهلك دين الإنسان ودنياه بأي حال
من لين الكلام والطاع فيما لا يغضب الله وأيضا يمكن استعمال التعريض والتورية لأجل الالتزام بالبر دائما يعني ليست الشجاعة والصراحة التي تؤدي إلى العقوق هي من القوة في الحق بل هي عقوق ويكون أفضل منها التورية والتصنع والتعريض

أيضا أرباب الطرق لا يصلح معهم في كثير من الأحيان النقاش بالأدلة الشرعية فالأفضل اللجوء إلى المناقشة العقلية وإبراز التناقض بأسلوب كذلك الذي سلكه إمام الموحدين إبراهيم الخليل

كان لي صديق والده من أكبر أعضاء المجلس الصوفي العالمي وكان هذا الشاب من الملتزمين وكان حكيما في معاملته لأبيه وعمه
وفي ذات مرة سأل أباه بخبث
بابا يعني إيه حلول واتحاد
رد الأب
مش عارف بس هما صح
!!!
ومن عجب أن صديقي هذا كان يهتف الناس طالبين منه المدد في الموالد لأنه ابن الشيخ

فالمقصد هو استخدام هذه الطريقة التي تثير لدى الإنسان التساؤل والتفكر في حاله وإبراز حال هؤلاء القوم وأيضا إعانة الوالد على الالتزام بالعبادات التي ربما يستهتر بها أصحاب الطرق من الصلاة في المسجد والاهتمام بالسياسة والشأن العام وقراءة كتب العلم الشرعي تدريجيا أو الاستماع للمشايخ من أهل السنة والمناقشة في أقوالهم بدون عصبية مما يغير الفكر تدريجيا

بارك الله فيكم لو انا اتكلمت بعيدا عن الموضوع صححوا لي مساري

الفاتح الجعفري يقول...

مهندسنا الكبير
عز ده هيتكدر تكديره علي اللي عمله هو كده دخل نفسه عش الدبابير
ربنا يبارك فيك يابشمهندس
والله كلام حضرتك كله صح
انا والدي راجل طيب جدا جدا هو عصبي جدا بس طيب وهو صاحب الفضل علي بعد الله عز وجل ورسوله
وربنا جعله سبب في انه يزرع فيه بذور خير فربنا يكرمه ويمن عليه ويدخله وامي الجنه
بس احب اقول لحضرتك حاجه
مفيش دلوقتي صوفيه صحيحه الا في اهل السنه
لان الصوفيه مش منهج يتبع انما هي اخلاق فاضله قائمه علي الزهد في الدنيا وطبعا الزهد في الدنيا مش دروشه انما ممكن تكون اغني الاغنياء وانت زاهد
وللاسف طريقه والدي فيها بدع كثيره كأغلب طرق الصوفيه
انما هي اخف منهم كثيرا في مغالاتهم في البدع
يعني تقدر تقول صوفيه معتدله الي حد ما
ولكن لاتخلوا من البدع
وللاسف معظم شيوخ الطريقه علماء كبار جدا في العلم
منهم كام استاذ تفسير الحديث بجامعه الملك فهد
ورئيس قسم الحديث سابقا في الجامعه الاسلاميه بالمدينه المنوره
واساتذه في الازهر
وطبعا كلهم ازهريين ولاحول ولاقوه الا بالله
يعني علماء فطاحل
لكن كلامهم غريب جدا
اللهم اهدي المسلمين ووحدهم
اما موضوع المدونه المشتركه انا مش عارف عز يجاوبك
وجزاكم الله خير

الفاتح الجعفري يقول...

ايه ياعم جمعاوي انت مقدرتش عليهم في مدونتك جي تتشطر هنا
الجعفري لايقع قد يمرض قد يدوخ ولكنه لايقع
ههههههههههههههه ربنا يعزك ياخويا
وبعدين ياعم انا مكنش ليه دعوه بالبنات طول عمري
يعني اشتم اتخانق ارخم اقل ادبي
كان ممكن ربنا يعفو ويغفر
بس مكنش ليه دعوه بالبنات
لغايه هنا وكنت بقف
ولازم تسيح لنفسك وتقول عندي لقاء
لقاء من اي نوع؟
ربنا يبارك فيك
وانت اطيب ياسيدي
اني احبك في الله

الفاتح الجعفري يقول...

امير القلوب فعلا
ربنا يبارك فيك
وامين
ومنور المدونه
وياريت تنورنا دايما
وجزاكم الله خير

الفاتح الجعفري يقول...

اختنا صانعه الحريه
فعلا والله الاخوه في الله اقوي من النسب واي شيء اخر
وجزاكم الله خير وامين يارب
والف شكر علي الدعاء الطيب ربنا يتقبل من حضرتيك ويجزيكي خيرا منه
وانا مع البشمهندس واستاذ عصفور المدينه
انا لسه شايف رده الان
وجزاكم الله خير

الفاتح الجعفري يقول...

استاذه ايمي
شفاكي الله وعافاكي الف سلامه
اليعقوبي غلبان جدا هوطيب بحيث ان تفكيره لم يصل الي الغيره والخداع والحجات دي
هو علي سريرته
ربنا ياخد بأيده
2كيلو لحمه وفرختين
كيلو اللحمه ب37جنيه
والفرخه ب22 جنيه
37
37
22
22
____________
118 جنيه
ياحفيظ يارب
مكنت قعدت في بطن امي ارخصلي
بهزر بس العرق المنوفي ضرب
يافندم احنا ندبح لحضرتيك عز اسف اقصد خروف
امين ربنا يتقبل من حضرتيك
وجزاكم الله خير

الفاتح الجعفري يقول...

استاذي الحبيب والغالي اوي
عصفور المدينه
انا علي فكره رديت علي البشمهندس من غير مااشوف تعليقك علشان بس تعرف توارد الافكار والخواطر
فعلا اني احبك في الله
وبعدين تهديه النفوس دي مش فصالح عز ابدا
ياجماعه متخلونيش اقلب علي الواد الواد مش قدي
وانا مع حضرتك مظبوط تمام وانا رديت في التعليق علي البشمهندس
بس في الحقيقه والدي من النوع العصبي جدا
ولايقبل المناقشه والمجادله في اي موضوع
مابالك هذا الموضوع الذي يتعصب له بكل كيانه خصوصا ان حكايه الصوفيه دي متأصله في عائله والدي
من ايام جدي وجدتي رحمهم الله
يعني وراثه يعني والدي خد العهد من وهو عنده 14 سنه وهو دلوقتي عنده 60 سنه يعني بقاله 46 سنه متصوف
فحاجه صعبه ان انت تزحزحله مبدأه ولااملك الا ان ادعوا له
وهو راجل طيب ومبيخرفش ولا الطريقه اللي هما فيها من النوع الصعب جدا
يعني معندهمش الحلول والاتحاد
والدي مبيدبحش للاولياء ولايدبح لغير الله
ولايدعوهم
بس بيزرهم للاسف وطبعا بيعملوا بدع كثير اشهد الله اني بريء منها
وانا لي تجربه معاهم انا كنت في فتره اعدادي معاهم وكان والدي بيعدني اني اخد العهد ولكن من الله علي والوالد انشغل جدا في عمله فمكنش بيروح باستمرار ونجاني الله
ولي عليهم مأخذ كثيره جدا من اللي انا شوفته بعيني
واللهم اجعلني برا بوالدي واجعلهم في رضي دائم عني وارضي عني يارب
وانا الحمد لله مش شخص مثير للمشاكل داخل المنزل
وجزاكم الله كل خير

ابو مفراح يقول...

السلام عليكم
هيه دى بقى مشكله الصاحب اللى بيعرف كل حاجه عن صاحبه
ههههههههههههههه
ربنا يبارك فيكم و تكونوا شركاء فى جنات خلد
تحياتى ابو مفراح

ارسم بالرصاص يقول...

ماشاء الله .. ربنا يبارك لكم في صداقتكم .. ويجزيكم خير .. الصداقة كنز والحب ف الله اسمى معنى ... ربنا يجمعكم في فردوسه الأعلى

من الجميل انه تكون صداقتكم عمرها طويل كده .. يارب تتضاعف أعمار صداقتكم .. وتتوثق عراها ...


الفاتح الجعفري .. كل عام وانت الي الله تعالى أقرب .. ربي ينعم عليك بأعوام كثيرة ف طاعته

تحياتي لكما ..

هايدي

ياسر شمس الدين يقول...
أزال المؤلف هذا التعليق.
ياسر شمس الدين يقول...

هدية الجعفرى بوست فى مدونتى مخصوص عشانة
وربنا يجمعنا فى الجنة وعقبال 100 عام
يكونوا كلهم فى سبيل الله
قول امين

ض/خالد يقول...

أنا باحس إن الجعفري ده طفل طيب...قصدي شاب طيب..وان اليعقوبي متجني عليه...

ده إحساسي...
ميغركوش انه ماسك سيف في ايديه..ده سيف بلاستيك...واللي نازل منه مش دم ولاحاجة...دي تلاقيها مية بطيخ جمرا...

بصراحة يا جعفري...انت يابني اتبهدلت والراجل فضحك انه كان بيطحنك وانت صغير...
فانت يا اما تقوم عليه وتثأر لطفولتك البريئة...يا إما تسامحه بقلبك الطيب اللي زي قلب الخصاية...
وأنا أميل إلى الرأي الراجح في المسألة وهو انك تعقو عنه....

بخصوص الصوفية ... أنا يا عم ليس لي كلام بعد كلام الأخ المحترم (مهندس مصري)والأخ عصفور المدينة.....

إمضــاء/
مجرم حــرب

الفاتح الجعفري يقول...

اخونا ابومفراح
فعلا دي مشكله بس بالنسبه لعز مش بالنسبه لي
هو حرق ورق الكوتشينه بتاعه بدري
بس انا هتقل علي الرز لغايه مايستوي
ومنورنا وربنا يتقبل منك ويجزيك خير

الفاتح الجعفري يقول...

استاذه هايدي
امين يارب يتقبل منيك ويجزيكي كل خير
ايه الغياب الطويل ده
وحضرتيك نورتي المدونه
وجزاكم الله خير علي الدعاء جزاكي الله خير منه

الفاتح الجعفري يقول...

استاذ ياسر
امين يارب
وجي اخد الهديه
ودايما منورنا
ربنا يعزك ويباركلك

الفاتح الجعفري يقول...

ض\خالد
حبيب قلبي ربنا يبارك فيك
وعز مش متجني عليه ولاحاجه
هو اضعف من انه يعمل كده
عز ده غلباااااااان اوي
وبعدين ليه التسيح ده
دلوقتي الناس مش هتخاف من السيف
وبعدين مين اللي يسامح مين
انا ياما بهدلت عز
سامحني ياعز علي الاهوال اللي انا وريتهالك
معلش يادكتور الواد ده انا اسيت عليه زياده شويه
وربنا يبارك فيك يادكتور

مهندس مصري يقول...

طيب ما أنا عارف إن مفيش دلوقتي صوفية صحيحة الا في اهل السنة
بس قلت أقدم حسن الظن لإن بعض الظن إثم
ثم دا أبوك برضه و أنا ما أقدرش أخبط في الحلل :)
إنما لما إنت تقول ليس عليك حرج إنما مني غير منك
عموماً ربنا يهديه لما فيه الخير و يكرمه و يبارك له و كفاية إنه خلف واحد محترم و ملتزم زيك
و أحسبك كذلك و لا أزكي على الله أحداً
أخوك / محمد

مهندس مصري يقول...

آه صحيح فين إجابة السؤال يا عز لحن نقلبوها بحور دم هنا
انت مفكرنا بنهرجوا و لا ايه
:)
لا تجاوب و تقول المدونة المشتركة بتتعمل إزاي يا إما حاخلي الجعفري يجرب السيف البلاستيك بتاعه عليك
:D

الفاتح اليعقوبي يقول...

السلام عليكم
ازيك يابشمهندس انا مقدرش علي زعلك خالص

بص يااستاذي
هاتدخل علي
setting
هتلاقي اخر حاجة فيها اسمها
permission
بعد كده
add authers
ويعد كده تضع الميل الخاص بالشخص اللي هاتضيفه وبس وتدخل بعدها علي ميل الشخص اللي انت ضفته وتستلم رسالة منه وبعدها هايكون هو اضاف بعد استلامك الرسالة
هذا وبالله التوفيق
حلال حلال حلال

وبالنسبة لابو الجعفري والله ربنا يكرمه ويمن عليه بالخير
والعافية
كفاية صحيح الجعفري وكفي به ذنب
والسلام

دعوة الفردوس يقول...

ياربي
كل ماادخل اقرا تعليقات جديده وملقيش وقت
اعلق
وربنا لي عودة
بس هقوم اذاكر دلوقت علشان ماما متحاربنيش بسكينه مش بلاستيك

السكندرى يقول...

بارك الله فى إخوتكما
وثبت قدميكما على طريق الحق دائما

أهدى لكما هذه الأبيات

إن أخاك الحق من كان معك
ومن يضر نفسه لينفعك
ومن إذا ريب الزمان صدعك
شتت فيك شمله ليجمعك

على فكرة عجبتنى قوى الحكمة بتاعة الجعفرى

اللى قالك فيها

إيش دراانى كام واحد هدانى قبلها؟؟؟؟
بجد حكمة بالغة لذلك الجعفرى

تقبل الله منكم أخوتكم وأظلكم فى ظل عرشه يوم لا ظل إلا ظله
وحشركم على منابر من نور يوم العرض عليه سبحانه وتعالى

أخوك
أبو حنين السكندرى

جيــــــــــل الصحوة

عاشقه الفردوس يقول...

ماشاء الله
ربنا يديم الحب بينكم وتفضلو على طول اخوه متحابين فى الله

اللهم ثبت خطاكم واشرح صدوركم ويسر اموركم ورزقكم الاخلاص فى الاقوال والافعال وجعلكم من البارين بابائكم ... اللهم امين

عاشقه الفردوس يقول...

لالالالالالالالالالالالالالالالا ثوانى منوفى
انتو منوفيين

هههههههههههههههههههه
اهلا بالبلديات

اجدع ناس

ربنا يعزكم

الفاتح اليعقوبي يقول...

السلام عليكم
استاذة دعوة الفردوس دخولك بس يافندم يشرفنا
بس حضرتك متحلفيش عشان ممكن ندلت البلوج خالص وبعدها حضرتك تطعمي 10مساكين او تصومي 3ايام


مستنين رد حضرتك
والسلام

الفاتح اليعقوبي يقول...

الاستاذ ابوحنين
منورنا ياجميل والله

ربنا يكرمك علي التعليق الجميل بتاعك ده

بس مين اللي قالك انه كان بيقولها بحكمة هذا الجعفري لاتخرج منه الحكمة وان خرجت منه فقد ضلت بهذا طريقها
والسلام

الفاتح اليعقوبي يقول...

الاستاذة عاشقة الفردوس
ربنا يكرم حضرتك علي التعليق الاولاني
والتاني برضه


بس اقول شئ الحمد لله انا مش منوفي هو اللي منوفي


يعني بلد الحكم والسلطة والتسلط يعني بلد الاتنين اللي فاتوا والواحد اللي جاي ان شاء الله
يعني البلد اللي اقل واحد فيها ريس

ربنا يهدي المنايفة وغير المنايفة ويخفوا من علينا شوية
بره منايفة وعلي النت منايفة

احنا ممكن نسمي البلد
الجمهورية المنوفية المتحدة

مصر سابقا
والسلام

عاشقه الفردوس يقول...

الاخ اليعقوبى او الجعفرى
اهو انتو الاتنين واحد

استاذ اليعقوبى

علشان ماتعاتبناش
دخلت تانى وشفت ردى على موضوع فقرى ده
ههههههههههههههه
لقيته انى قلت
حلوه اوى كلمه فقرى دى
انا بتكلم على الكلمه نفسها مش على حرضتك او اى حد

عجبتنى الكلمه اول مره اسمعها
وبالذات فى الموقف ده

اتمنى ان العتاب يكون زال


جزاكم الله خيرا ودمتم الى الامام

الفاتح اليعقوبي يقول...

الاستاذة عاشقة الفردوس
يافندم احنا اثنان مش واحد


تاني حاجة انا اسف مش فاهم حاجة الكلام مش واضح والحروف داخلة في بعضها

انا اسف يااستاذة والله بس انا مش عارف حضرتك تقصدي ايه

ارجو التوضيح
وجزاك الله خيرا علي

والسلام اختنا الفاضلة

الجمعاوي الاصيل يقول...

باشا

جه وقت التقطيع

اصل لما(........)بيقع بتكتر سكاكينه

ايه يابني التشرد اللي انتوا فيه ده

بتفكروني بواحد صحبي انتيخ برده

كان متشرد وهو صغير اعرفه برده من

حوالي 12 سنة

وهو الجمعاوي روش طحن وكان منتهى

التشرد برده

يلا بقى تسييح بتسييح

وانا اللي اعرفه ياعز

انك جسمك مش كبير ولا حاجة

والجمعاوي الوش يشهد بكده

ولا انت العضلات وهو المخ

ماش يادنجوان

ازي رقبتك

عاشقه الفردوس يقول...

اخى الفاتح اليعقوبى او الجعفرى
انتم الاتنين
انا بعتذر بجد الرد اللى رديته هنا كان المقصود بيه الجمعاوى الاصيل
بس اخطات وافتكرت حضرتك اللى حطيت التعليق عندى


بعتذر بجد

اسفه مره اخرى

وبرده ربنا يزيدكم محبه واخوه

ربنا يعزكم

عمر محمود يقول...

أنا بجد حغير من الأخوة الجميلة دى
أخى الحبيب الفاتح الجعفرى
أولاً: كل عام وأنت بخير
ثانياُ: أعتذر عن الرد على التاج لانشغالى الشديد
ثالثاً: بلاش حكاية أستاذ دى أنا تلميذ لأى فاتح بس ياخد بإيدى للفتح

الفاتح اليعقوبي يقول...

الي الاخ الجمعاوي الاصيل
يالا بسرعة 10ضغط ومتجيش اللقاء الا مع ولي امرك

سيح براحتك عايزين نعمل مدونةعشان فضايح البشر دي اللي نخرت في جسد الجماعة ونوديهم ورا الشمس

مسئلة الجسم وبتاع لا انا عادي جدا بس جسمي اكبر من الجعفري ناهيك انه اساسا بيواجهني ولله فتخيل

بص ياعم النجم لازم تنزل مع جمعاوي الروش في العيد لازم تيجي ونتقابل بص متحاولش لاززززززززززززززم

مستني ردك
والسلام

الفاتح اليعقوبي يقول...

الاستاذة دعوة الفردوس

لالالالالالالالالالا
مينفعش كده
انا اليعقوبي وشريكي في المدونة هو الجعفري

ولا يهمك يااستاذة
والسلام

الفاتح اليعقوبي يقول...

الاستاذ عمر محمود
ربنا يكرمك يااستاذنا تاج ايه اللي مش هتجاوبه لا مش هاينفع لازم تجاوبه

عامة ربنا يكرمك يااستاذنا ويعزك ادعو الله لنا ان يديم اخوتنا علي الخير
والسلام

دعوة الفردوس يقول...

أخيييييييييييييرا هعلق

قبل التعليق
كلمة لليعقوبي
ايه تعمل ديليت للبلوج دي
من باب يعني تخليني أصوم تلاتة أيام
مش فاهمه يعني لقتني حلفت قولي البلوج تحت امرك لحد ماتعلقي
مش اعمل ديليت للبلوج
ده تهديد ده ولا ايه
وكفايه كده

نيجي للتعليق اللي محلوف عليه مايشوف النور ده ومعموله عمل في رجل سحليه
الحمد لله لقينا السحليه وفكينا العمل بعد اجراء عمليه بتر للساق اليمنى على وجه السرعه

انه ليوم أغر في تاريخ البشرية اليوم اللي اخونا الجعفري ولد فيه
افتكر عن اليوم ده اني كنت ايامها حاسه ان في ربكه غير طبيعيه وان الدنيا كانت بتستعد وتتزين وتتعطر وتتفشخر لقدوم مولود عجيـ قصدي غريـ قصدي سعيد اسمه الجعفري
كل عام وانت الى الله أقرب وعلى الطاعات أدوم وعن المعاصي أبعد و لسنة النبي أتبع وللحق أظهر ومن اخوانك أقرب ولأبويك أبر وفي جنياك أنجح وفي آخرتك أفوز
والهي يارب الهي يارب ينولك اللي بالك من خير ويبعد عنك شيطاين الأنس والجن ويجعل هذا العام خير مما مضى وأن يجعل الغلبة فيه لعملك الصالح يارب
ربنا ياخدك










شهيد في سبيله غير مفتون

أظن كده كفينا ووفينا وربنا يتقبل
نيجي بقى للي أخوك اليعقوبي عمله في حضرتك
الصراحه يعني حاجه ميتسكتش عليها ولا هو يعني مستقوي نفسه وبعدين قايل كلام عن عمو وطنط وجايب سيرة العيله وبتاع
انا بس بحاول أكون حمامة سلام زي بتاعة أولمرت كده
حلو أووووووي المناسبات اللي بتعمل فضايح زي دي كده
جميله الصراحه
والأجمل بقى لما ترد عليه في يوم ميلاده ببوست فيه تكشف الحقائق وتزال الغيوم وينزع عن الحق رداء الزيف
كلام كبير والله
والأجمل والأجمل
تسييح أخونا الجمعاوي الأصيل لصديقه الأنتيخ جمعاوي روش طحن
والأجمل والأجمل والأجمل لما الجمعاوي يرد عليه
واحنا كمتفرجين على المباراة الرائعة دي
مستمتعين ونمتمنى من الفريقين أداء أفضل وأقوى وأكثر هجوما الماتش الجاي
وعقبال لما ربنا يوقعني في مدونة من عندنا كده ويبقالها يوم زي ده
ويلا كفايه كده
دمتم جميعا بخير
وكل سنة وانتوا طيبين واللي يقرا التعليق يدعيلي دعوة حلوه

الفاتح اليعقوبي يقول...

الاستاذة دعوة الفردوس
هههههههههههههه

ليه كده يااستاذة
ربنا يكرم حضرتك اهم حاجة ان العمل اتفك وحضرتك علقتي خير يافندم



بالنسبة للجعفري احنا جيران بقالنا 16سنة من ايام الزلزال بتاع 92
فانا اعرف عيلته كلها وهو يعرف عيلتني كلها والله يااخوانا فعلا في حاجات وفضايح مينفعش اكتبها عن الجعفري كان طفل مش طبيعي


والدته كانت بتبكي منه ووالده كان بيخاف ياخده معاه في اي حتة وبس كفاية كده


اما بالنسبة للجمعاوي الاصيل والروش الله المستعان اقابلهم بس ونشتغل في شغل التسييح بجد عشان يبقي بالادلة

وشكرا علي تعليق حضرتك يااستاذة
والسلام

غير معرف يقول...

الدليل الشامل للمدونات العربية

سياسة - اقتصاد - ثقافة - حوار - أدب وشعر - والمزيد

http://blogsguide2.blogspot.com/

ساندوا اخوانكم في القوقاز

ممدونات مهمة للغاية

المدونات دي لازم تعدوا عليها وساندوا اصحابها جزاهم الله خيرا

مدونة ارض الحرب جزا الله صاحبها خيرا

كلنا مقاومة

مدونة اولادنا امانة (كيف نربي الاجيال القادمة)

نشقي ليعز ديننا وتسعد امتنا

نشقي ليعز ديننا وتسعد امتنا

جماعة قاداتها شهداء منصورة باذن الله

جماعة قاداتها شهداء منصورة باذن الله

About Me

صورتي
اليعقوبي احد الفاتحين القادمين باذن الله واتمني انا ذلك كل مااسال الله عليه ان يثبتني علي دينه وعلي طريقه والااضل عنه وان يرضي عني

لغتي الجميلة هويتي واصلي وديني

لغتي الجميلة هويتي واصلي وديني

اللهم ارحم اخي علاء رحمة واسعة

اللهم ارحم  اخي علاء رحمة واسعة

اللهم ارحم اخانا رحمة واسعة واجمعنا به في مستقر رحمتك

اللهم ارحم اخانا رحمة واسعة واجمعنا به في مستقر رحمتك
نسالكم الدعاء لاخانا