الجمعة، 23 نوفمبر 2007

عن العلمانين احدثكم

بسم الله والصلاة والسلام علي رسول الله عليه من الله افضل الصلاة والتسليم
احدي المدونات التي والله تثير ضحكي وشفقتي علي ماهي فيه
قالت في احد تدويناتها
انها بعد قراة متعمقة في الافكار والاتجاهات والعقائد قررت ان تعطي ظهرها لكل مايمنعها من الاستمتاع بالحياة وهي حتي واضعة صورة فيها علامة اكس علي الديانات الثلاث
بس اللي بيضحكني ان هذه الشخصية في احدي تعليقانها كانت تقول لاحد المدونين وهو يضع في بنر مدونته صورة حسن نصرالله وجيفارا وبعض الشخصيات الاخري
فقالت له انا مش عارفة اتجاه حضرتك ايه بالظبط منين حسن نصرالله ومنين جيفارا ايه اللي جاب الشيوعية للسلفية
لاحول ولا قوة الا بالله
والله يااخواني هذه اشياء تدمي القلوب وهي اصبحت ظاهرة منتشرة في مجتماعتنا تجد اناس تتحدث عن امور لو كانوا يخشون الله لترددوا قبل كتابتها مئات المرات
هذه حملة تقوم بها قلة في امتنا بمن يدعون انفسهم بالعلمانين ،اصبح هؤلاء الناس يشككون في كل شئ في الدين ويشوهوا في تاريخ امتنا وفي الحركة الاسلامية بوجه عام سواء كانوا اخوان ام سلفيين
فلقد سمعت احدهم يقول في التليفزيون في مرة المذيع بيساله انتم ليه مختلفين ةمع الاخوان فقال اصل كل شوية وكل ماتكلمه يقولك قال الله قال رسول الله ،امال فين حرية الاراء وتداولها فين راي ورايك
والمصيبة ان هؤلاء يدعون انهم حماة للاسلام ومدافعين عن حياضه وهم اول المشككين بالباطل فيه وهؤلاء ليس لي عليهم الا كما قال تعالي:(وَإِذَا ذُكِرَ اللَّهُ وَحْدَهُ اشْمَأَزَّتْ قُلُوبُ الَّذِينَ لا يُؤْمِنُونَ بِالآخِرَةِ وَإِذَا ذُكِرَ الَّذِينَ مِنْ دُونِهِ إِذَا هُمْ يَسْتَبْشِرُونَ )
وتجدهم يقولون الدين لله والوطن للجميع
وقال تعالي:(لِلَّهِ مَا فِي السَّمَوَاتِ وَمَا فِي الأَرْضِ وَإِنْ تُبْدُوا مَا فِي أَنفُسِكُمْ أَوْ تُخْفُوهُ يُحَاسِبْكُمْ بِهِ اللَّهُ فَيَغْفِرُ لِمَنْ يَشَاءُ وَيُعَذِّبُ مَنْ يَشَاءُ وَاللَّهُ عَلَى كُلِّ شَيْءٍ قَدِيرٌ )
فالدين لله والوطن ايضا لله وهذه ذريعة اتخذها هؤلاء الناس من اجل فقط ان يكون الوطن للجميع فيحكم بقوانين البشر وليس باحكام واوامر الله
وتجدهم يقولون ان اختلفت معهم انك ظلامي وقد سمعت هذه الكلمة من اناس كثيرين وخاصة كانت تقال الي اخواني من التيار السلفي ولهؤلاء اهديهم قوله تعالي :(وَإِذَا قِيلَ لَهُمْ آمِنُوا كَمَا آمَنَ النَّاسُ قَالُوا أَنُؤْمِنُ كَمَا آمَنَ السُّفَهَاءُ أَلا إِنَّهُمْ هُمْ السُّفَهَاءُ وَلَكِنْ لا يَعْلَمُونَ )
ياعمي ده دكتور جامعي ده الكاتب فلان الفلاني ازاي
مشكلة الناس دي اخوانا انها قرات في كل شئ واي شئ حتي اذا طلبت منها ان تام الناس في الصلاة مثلا لم يقرا الفاتحة صحيحة بل انه لايعرف شئ عن دينه بل عرف عن لينين وماركس وجيفارا وسين وصاد ولكن كان لايقرا عن دينه ولايعرف عنه شئ واذا قرا في الدين وتحدث فيه تحدث فيه بهوي واختار الاراء الشاذة في الدين وركز عليها
يقول تعالي:( أَرَأَيْتَ مَنْ اتَّخَذَ إِلَهَهُ هَوَاهُ أَفَأَنْتَ تَكُونُ عَلَيْهِ وَكِيلاً )كان ماشي في الدنيا بمزاجه يقولك انا تحررت من قيد الاديان بل انك عندما قلت هذا فقد تحررت من قيد الدين ولكنك تكبلت بقيد الشيطان وهذا طريق نهايته0000000
مشكلة الناس دي انها كانت تعبد الله بهوي ان عبدته وسجدت له اساسا واطاعت امره
ووفي مثل :ا
لو مثلا انا عندي شقة وجبت نقاش وقلتله انا عايز الصالة يبقي لونها اخضر فقام هو ودهنها ازرق يبقي ايه رد فعلك
مش هاتجره علي اللي هو عمله حتي لو تعب فيه
وهتعقبه علي فعلته
ولله المثل الاعلي في ناس ماشية في دين ربنا بمزاجها ممكن تتحكم لطوب الارض واذا حدثتها عن الدين تقولك رجعية والدين بس نعبد ربنا بيه مش نتحكم بيه وفي الاخرة الناس دي عاقبتها اسال الله ان يعافينا ويثبتنا علي طريقه
هما شوية بشر شايفين الدنيا والدين بالمشقلب ويريدوا ان يشقلبونا كما تشقلبوا
ومعلش انا عارف ان الاسلوب مش جيد بس انا لااجيد الكتابة جيدا ولكني احاول ان انقل لكم في هذا البوست مارايت في الحياة وفي عالم التدوين وي امور اثارت غيظي للغاية واثارت عاطفتي للاسلام
والسلام
اليعقوبي

هناك 41 تعليقًا:

ابن حـجـر الـعـسـقـلانـى يقول...

جزاك الله خيرا على هذا المجهود
ما لفت انتباهى هو مقولة ذكرتها على لسان المدونة التى أخذت منها بعض العبارات

فهى تقول:"انا مش عارفة اتجاه حضرتك ايه بالظبط منين حسن نصرالله ومنين جيفارا ايه اللي جاب الشيوعية للسلفية" .. السؤال الذى أسأله لها .. من الذى قال أن حسن نصر الله سلفى ؟؟ اليس المفروض أن يكون شيعيا ؟؟ أعتقد أن هذا خطأ لا يقع فيه من يقول عن نفسه أنها قامت بقراءة متعمقة في الافكار والاتجاهات والعقائد قررت على أثرها ان تعطي ظهرها لكل مايمنعها من الاستمتاع بالحياة

و شكرا لك على مجهودك أخانا العزيز

دكتور حر يقول...

سلاماتي لليعقوبي
والله اللي حزن امتر هو الجهل مش موضوع العلمانيه
لأن العلمانيه في مصر فعلا مش موجوده إلا في افراد محدودين جدا

اما الجهل وقصور الدعوه والتبصير خاصة عند المدونين هي المشكله الكبر

عصفور المدينة يقول...

جزاك الله خيرا

فعلا تجد الإنسان يعي تفاصيل دقيقة عن أشياء وتواريخ وهو لا يصلي أصلا

رأيي أن كثيرا ممن يتبنى هذه الآرء يتبناها بدافع ما أسميه أنا

عوجة السقافة

عايز يتعوج ويعيش إنه مثقف ولا يخلون من تناقض دائما لأنهم يتحدثون فيما لا يعلمون وياليتهم رفضوا الإسلام وسكتوا ولكن تجد وبدافع من بقايا الدسن في قلوبهم ومحاولتهم إخماده وإراحة ضمائرهم يتتبعون المتدينين بالنقد والدين كذلك

وآخرون قوام عيشهم ودخلهم سب الدين
وياليتك تقرأ مقالة أخي خالد
muslimdoctor.blogspot.com

Unknown يقول...

التطرف في البعد عن الدين كارثه
انا كان عندي سؤال لمن يلجأ الملحد
لما بيتعلب بيقول يا رب ولا ايه لما بيتمني حاجه بيطلبها من مين
من ينكر وجود الله انسان قسي قلبه حتي جحد عقله و انكر حقيقه واضحه جدا
ربنا يهدي الجميع

انكار الدين و سب الاديان و الانبياء ده مرض و كره ذميم

بوست جميل جدا

البيروني يقول...

سلاماتي لأجمل فاتح
أنا بردوا دخلت شوية لأحد المدونات التي تهدف أساسا لهدم أي تيار اسلامي صاعد اي كان طيفه وأخذت صاحبة المدونة تحكي عن مواقفها المتعددة نع املتحين و تتوعد أنها ستقضي عليهم و على كل صعود اسلامي زعما ان هذا التيار سيكون ديكتاتور جديد

ربنا يهديهم وبكرة هيعرفوا الفرق بين الاسلام والعلمانية

Unknown يقول...

اليعقوبي الكبير كلامك جامد يابني بس ركز شويه في الايات وانت بتكتبها وكل ده ومبتكتبش كويس احنا هنفتحها محو اميه
لابس ربنا يكرمك ياعز لازم ندافع عن الدين ضد الهجمات الشرسه والا فما ادينا ابسط حقوقه وهي الغيره عليه والدفاع عنه
والعلمانيين والله اعلم هم المنافقين الجدد وان اختلفت المسميات وجزاك الله خير

khobayb يقول...

يا جميل..

العلمانية دين .. شاءوا أم أبوا

الدين يعني المنهج الذي يسير الحياة

واختيارك ألا تتبع دينا سماويا ، وأن تتبع "منهج" اللادينية ، فهو في الواقع اتخاذ لدين جديد

فلا تغرنك أقوالهم

قاتلهم الله

الفاتح اليعقوبي يقول...

السلام عليكم
استاذي بن حجر
كلامك مظبوط المدونة هذه ومن علي شاكلتها يريدون ان ينخلعوا من الدين ومن احكامه فيتححجوا بتلك الحجج وهي انا اكاد اقسم انها لاتعرف اي شئ
في مرة كنت بعلق في احدي المدونات
وكان موضوع عن الزنا
فقلت الاية (الزانية والزاني فاجلدوا كل واحد منهما مائة جلدة)فقلت ان التقديم هنا علي غير عادة القران اي ان الغالب ان القران يقدم الرجل علي المراة
لان الزنا به مساحة اولية ممكن ان تغلقها المراة مبكرا

فهي دخلت هذه المدونة
وقالت في تعليقها علي تعلقي


قالت في توضيح الاية:(اولا الواو حرف جر يفيد المساواة واكملت تعليقها)
يااستاذي

هم مثتثقفون
والسلام

الفاتح اليعقوبي يقول...

دكتور حر
انا سعيد جدا بزيارة حضرتك في مدونتي
كلامك سليم
اللهم انا نشكو اليك ضعف اهل الحق في حقهم وقوة اهل الباطل في باطلهم
والسلام اخي الكريم

الفاتح اليعقوبي يقول...

استاذي عصفور المدينة
مصيبة تمر بها الامة اسال الله ان يعيننا علي ردها
قرات البوست الرائع بتاع ضكتور خالد
كله بوست قوي للغاية
والسلام

الفاتح اليعقوبي يقول...

استاذة ايمي
كلام حضرتك فكرني بموضوع
الاتحاد الشيوعي السوفيتي
عندما ارسل احد رواد فضائه لكي يرجع للعالم ليقول لهم انه لم يجد الله في السماء نظر هذا الرائد الفضاء من مركبته الفضائية الي الكرة الارضية وقال ياللهول من الذي يحمل كل تلك الكرة في السماء ويجعلها لاتقع (واعتقد ان كان اسمه تيتوف)

هذه صرخة من اعماق الفطرة كل شئ في النهاية يؤدي الي الله ولا حيد عن طريقه
والعلمانيون كذلك فهؤلاء من رضوا ان يتحاكموا الي البشر ورفضوا الاحتكام الي الله يعيشوا في مصيبة وانا ذكرت المثال بتاع النقاش ده عشان كده
ربنا هايحاسب الناس يوم القايمة عن تطبيقها لمنهجه ودينه وليس عن تطبيق مناهج البشر التي لايمر يوم الا وتثبت فشلها
واذا جاء احد بغير منهج الله وان كان مسلم فلن يقبل منه ولو ملئ الارض ذهبا


يقول تعالي:(قُلْ هَلْ نُنَبِّئُكُمْ بِالأَخْسَرِينَ أَعْمَالاً *الَّذِينَ ضَلَّ سَعْيُهُمْ فِي الْحَيَاةِ الدُّنْيَا وَهُمْ يَحْسَبُونَ أَنَّهُمْ يُحْسِنُونَ صُنْعاً (104)

والله المستعان
والسلام

الفاتح اليعقوبي يقول...

استاذي البيروني ربنا يكرمك ياجميل
انا سعيد يزيارتك جدا
سيبها تتوعد فلسوف نعلم لمن تكون عاقبة الدار
بعض الاوقات بيخطا بعض الملتزمين في حق بعض الناس لانهم بشر بس انا لااقبل شهادة من هم علي الشاكلة التي حكيت عنها
والسلام

الفاتح اليعقوبي يقول...

الفاتح الجعفري
انت ايه اللي جابك هنا يابني
اطلع بره
sign out

فعلا ياصاحبي لازم نوقف الناس دي عند حدها ونعلمها ان هذا الدين لازال له رجال يذودون عنه والسلام

الفاتح اليعقوبي يقول...

خبيب
حبيب قلبي بتنورني دايما
العلمانية دين كلامك صحيح مائة في المائة

ربنا يكرمك ياحبي كلامك واقعي ىجدا
والسلام

hui mu han يقول...

انت كان كل كلامك عن واحد ملحد لكن اتخذ العلمانية مسمى للهو بيعمله
زي الارهابي اللي بيتخذ الاسلام مسمى لعنف ضد مسلمين تانين وعشان مندخلش في مواضيع فرعية حزب الله مش جماعة ارهابية

انا مسلم اولا واخيرا ودول نماذج مسيئة لينا مش اكتر واول كتاب فتحته في حياتي القران

اما طريقة كتابتك فكانت انفعالية وانا عاذرك لان انا كمان لو شوفت المدونة دي هولع فيها

خمسة فضفضة يقول...

السلام عليكم ورحمة الله وبركاته

جزاك الله خيرا

اللهم يامقلب القلوب ثبت قلوبنا علي دينك

مهندس مصري بيحب مصر يقول...

أولاً بوست جيد و أشكر لك فيه غيرتك على الدين
ثانياً رائد الفضاء السوفيتي كان إسمه يوري جاجارين و بعد مقولته الكافرة بتاعة لم أجد الله مات في حادثة عربية شر ميتة بعدها بوقت قصير
ثالثاً العلمانية أو اللادينية تقوم على تحكيم العقل المطلق في كل شيء رغم أن العقل له حدوده التي لا يجب أن يتخطاها حتى لا يقع في الضلال الذي وقعوا فيه
ربنا يهديهم و يغفر لنا أجمعين
:)

الفاتح اليعقوبي يقول...

هاي مو هان
استاذي انا سعيد بزيارة حضرتك
انا عارف ان العلمانين المتطرفين هم الذين يصلون لمرحلة الالحاد بالله بس اغلب العلمانين لايلتزمون بمنهجية الدين لان العلمانية هي فصل الدين عن الدولة

تاني حاجة انا لااقصد حزب الله بذاته ولكني اتحدث عن شخصية ادعت وهي كذوب انها اطلعت علي اغلب العقائد وهي لاتدرك الفرق بين هل حسن نصرالله شيعي ام سلفي؟


عامة انا اعتقد ان الدين الاسلامي به من التشريعات والاحكام والقوانين والمعاملات ماتوسعت عن غيره من اديان او افكار كالاشتراكية والليبرالية وهكذا والامر فقط محتاج مراجعة من بعض العلمانين


لان بمنتهي البساطة هناك موضوع مثلا او قانون
فقال الله عز وجل فيه قول وقال فيه لينين قول وقال فيه ماركس قول وقال اي ان كان قول ايهما اخذ ان كنت مؤمن صادق ومخلص لله عز وجل؟؟؟؟؟؟؟؟؟؟
الاجابة عند اصحابها
والسلام

جمعاوى يقول...

البشوات الكبار

أيه يابنى إنت و هو

ما ترسوا لكم على شكل للمدونة

ما تشتغلوناش

أما عن الموضوع

فإنت عارف رأيى يا يعقوبى


سلامات

الفاتح اليعقوبي يقول...

خمسة فضفضة
وعليكم السلام ورحمة الله وبركاته
اللهم امين
سعيد بزيارة حضرتك للمدونة
والسلام

الفاتح اليعقوبي يقول...

مهندس مصري
استاذي عامل ايه منور المدونة رغم انها منورة لوحدها


الذي اتحدث عنه كان رائد فضاء اخر وهو ليس يوري جارجرين وهو في الفضاء بعد نظرته للكرة الارضية قال من الذي يمسك تلك الكرة الا تقع



تحكيم العقل المطلق في كل شئ كانهم يريدوا للعقل البشري ان يثقل بكل شئ وحكموه في كل شئ

كانك احضرت البحر لكي تضعه في حفرة ضيقة
لكل شئ في هذا الكون حدود ومن تخطي الحدود لايلومن الا نفسه
ربنا يكرمك يااستاذي
والسلام

الفاتح اليعقوبي يقول...

جمعاوي باشا
ايه ياعم من الاخر كده كل يوم هنحط شكل جديد للمدونة وهنعمل اللي احنا عايزينه فيها
وكمان مش عارف رايك ومش عايز اعرفه
بنجم انا ولاايه
سلام والا اقولك كمان بلاش سلام

بهزر معاك ياحبي
ربنا يكرمك وشد حيلك في المذاكرة وابقي طمني عملت اهي في الامتحان
والسلام

ا بـن عــمــر يقول...

( فإن لم يستجيبوا لك فاعلم أنما يتبعون أهواءهم ومن أضل ممن اتبع هواه بغير هدى من الله إن الله لا يهدي القوم الظالمين }



{ ثم جعلناك على شريعة من الأمر فاتبعها ولا تتبع أهواء الذين لا يعلمون إنهم لن يغنوا عنك من الله شيئا وإن الظالمين بعضهم أولياء بعض والله ولي المتقين }

Coca يقول...

استاذ عز

التفكير في الدين بعقل شئ لابد منه ولكن

و بقلبك ايضا

فمعرفش ازاي اكلم واحد مش علماني لا مــــــلحد
لانه اصلا نفي ربنا ودي حاج بتخض منها

ازاي الانسان دا مش حاسس به
وبيتهيئلي اللي ناكر ربنا مقدرش اخد منه اي كلام ولا اسميه علماني اصلا
انا ممكن اختلف معاك واناقشك في جماعه الاخوان قد توصل لي اشيءا لم تكن علي بالي وقد لا
في الاخر ان عارف ني مسلمه او علي الاقل اي حد غيري انسان بيعبد ربنا
مش عارفه انا يمكن معرفتش ارتب افكاري بس انت هتفهم كلامي

والسلام

الفاتح اليعقوبي يقول...

السلام عليكم
ابن عمر
والله يااخي انا سعيد جدا بزيارتك لمدونتي
يااخي انت لم تتكلم كثيرا ولكن تعليقك هذا يكفي ويزيد
جزاك الله خيرا
والسلام اخي الكريم

Unknown يقول...

السلام عليكم استاذه كوكا وشرفتينا والله معلش انا ممكن ارد علي تعليقك اولا محدش قال اننا منفكرش في الدين بعقل بالعكس القرأن حث في ايات كثيره علي التدبر والتفكر ولكن الدين عظيم جدا وبه فروع كثيره منها مايحق لنا ان نفكر فيه ونستخدم عقولنا ومنها مالايجوز ان نتدخل فيه بالعقول زي علم العقيده مينفعش استخدم عقلي لانه مرتبط بصفات الله العلي القدير واسماؤه سبحانه وتعالي وايضا التشريعات مينفعش استخدم فيها عقلي يعني ليه ربنا مثلا خلي صلاه الظهر 4 ركعات والصبح 2 مثلا والفقه يحق للعلماء فقط ان يبحثوا بعقولهم لانهم عندهم من العلم واكيد العلم ده مجاش من فراغ اكيد درسوا سنين طويله وبذلوا مجهود غير عادي حتي منا الله عليهم بالعلم مايحفظهم من الشطط اما استخدام العقل فيكون في عباده التفكر اتفكر في خلق الله وملكوته واشياء كثيره يمكن ان اعمل العقل فيها ولااعتمد عليه لانه كما قيل في الاثر من اعتمد علي عقله فقد ضل ودائما مااعتمد علي الله حتي يهديني سبيلي
اذا فلا يمكن ان نقول نعتمد علي العقل اعتماد مطلق ولانقول نقصر استخدامه في الدين والا اصبحنا مثل النظام الكنسي فصل العلم والعقل والدوله عن الدين

وانا مع حضرتيك ان اللي ناكر وجود الله ملحد وليس علماني لان العلماني طالما ينطق الشهادتين ولاينكر ماهو معلوم من الدين بالضروره فهو مسلم ولكن العلمانيه ليس لها وجود في الدين وهي بدعه ضاله لايكفر صاحبها والله اعلم

ثانيا جماعه الاخوان المسلمين ليست بدعا من الدعوات وليست بدعوه جديده مبتدعه فمنهجهم هو منهج اهل السنه والجماعه وليس لهم منهج خاص بهم واقتدائهم بالسلف الصالح وتحركاتهم علي اساس ديني فلقد اجتهدوا واخذوا من القرأن والسنه دستورهم واعملوا جميع مقاييس الشرع ولهم اجتهادهم ولاننكر علي اي جماعه اجتهادها طالما في نطاق القرأن والسنه واي سؤال او استفسار عن اي شبهه من الشبهات ان شاء الله ممكن حضرييك تطرحيه وهنبحث عنه ونستفسر قدر المستطاع
وجزاكم الله كل خير

الفاتح اليعقوبي يقول...

استاذة كوكا
ازي حضرتك يااستاذة عودا احمد الي مدونتنا والتعليقات المحترمة

انا فاهم كلام حضرتك واعتقد اني استوعبته وانا مع كلام الجعفري


انما عايز اضيف حاجة ياتي بعض المسلمين ينكرون بعض الاحاديث بدعوي انها لاتخالف عقولهم وهي في الحقيقة لاتلقي قبولا عندهم فاسهل شئ هو انكارها
وهم لايملكون علم شرعي سليم او اسس في علوم الدين مجرد قراة بعض الكتب والاعتماد علي عقولهم والمسئلة دي هانبقي نوضحها ان شاء الله بعدين



اما مسئلة العلمانين فبعضهم وصل للالحاد بالله عز وجل وهناك شخصية في البوست سمعتها بتقول:(في مرة المذيع بيساله انتم ليه مختلفين ةمع الاخوان فقال اصل كل شوية وكل ماتكلمه يقولك قال الله قال رسول الله ،امال فين حرية الاراء وتداولها فين راي ورايك )0
بالله عليك
عندنا مشكلة وعندي حلها من الله وحلها من ماركس وحلها من لينين وحلها من الاخوان او السلفيين او اي احد
اخذ انهي راي او انهي حكم
طبعا حكم الله هو تعالي قال :(ان الحكم الا لله)0


انا مقلتش ان كل علماني كافر ولكن هذه العلمانية لا اؤمن بها كمسلم ولو كان الرسول حيا بين اظهرنا عليه الصلاة والسلام كان سيصبح علمانيا ام مسلما لله عز وجل وهذه الاحكام التي لم ينزل الله بها من سلطان ماذا كان سيفعل بها ؟؟؟؟؟؟؟؟؟؟؟؟؟؟؟؟




تالت حاجة واهم حاجة
لو سمحتي حضرتك (والسلام )دي ماركة مسجلة عند عز بس يعني لايمكن استخدامها الا باستاذان صاحبها صاحب حق التوكيل بها
وبعدين انا حاسس انها مش طلعة سالسة كده عشان مش انا اللي كاتبها
عامة بصي يااستاذة مفيش مشكلة المرة دي
بس المرة الجاية مينفعش الا باخذ حق توكيلها من صاحبها


والسلام

البيروني يقول...

انا عجبني حدا الصورة اللي في الجنب

عن وحدة صف التيار الاسلامي بكل أطيافه

و أحببت ألا أمر إلا و أسجل أعجابي بها و دعائي بأن يتحقق المراد


و معلش التعليق بعيد عن الموضوع

Unknown يقول...

استاذنا البيروني منورنا انا مش عارف كل لما اجي اعلق عندك التعليق مينزلش والحكايه دي في مدونتك بس انا كتبت امبارح حوالي خمس تعليقات وكل اما بعلق التعليق يتمسح مش عارف ليه وطبعا انا برد مكان عز اذا كان عاجبه وربنا يبارك فيك وجزاكم الله خير

الفاتح اليعقوبي يقول...

السلام عليكم
اخي البيروني
اعزك الله خذها وضعها في مدونتك لتكون بذرة لوحدة صف اسلامي لطالما شقته واخرته الخلافات

الجعفري
مشفوش وشك هنا تاني بدل مااخطفك ماشي يلا ياحبيبي شوف سكتك
والسلام

صانعة الحرية يقول...

السلام عليكم
سبحان الله انا فاكره انى قرأت البوست
ومتاكده انى علقت
ولكن طلع تهيئات
المدونات لحست عقلى ولله الحمد

المهم
الموضوع رائع
ويمكن انا محسيتش بخطر العلمانيين غير بعد اشتراكى فى الفيس بوك
وشوفت الاسئله اللى بيطرحوها
وطبعا الشباب كله فى الضياع
وبيقدروا يقنعوهم باجابتهم وارائهم
كان احدهم كاتبموضوع عن
هل الالام يمكن ان يحكم دوله
رديت عليه رد عادى
نعم يستطيع مع توضيح بسيط
عاوزه اقول لحضرتك ان بعد كام يوم بشوف الموضوع لاقيته اقنع الكل انه مينفعش
وكلامه يدل على انه عارف تاريخ واحداث
ولكن من البروفيل بتاعه
والصوره اللى حاطتها يبدوا انه مش ملتزم على الاطلاق
اخى مشكلة العالمانيه الان
ان الشباب مش فاهم
وسهل انهم ينخدعوا ويسيروا ورائهم

والدليل على عدم فهمهم هذه الجمله التى كتبتها الفتاه

فقالت له انا مش عارفة اتجاه حضرتك ايه بالظبط منين حسن نصرالله ومنين جيفارا ايه اللي جاب الشيوعية للسلفية

من قال بان نصر الله سلفيا؟؟؟
الشباب محتاج توعيه
والمفروض دا دور الشباب الواعى اللى زى حضاراتكم
من هنا
ادعوكم للمشاركه فى الفيس بوك مثلا
وتوعية الشباب
والله الشباب ضايع ومحتاج حد زيه يفهمه
جدد نواياك اخى الفاضل وحاول تفضى نفسك لله كمان شويه
وادخل حارب من اجل اعلاء كلمة الحق
وجزاك الله خيرا على هذا البوست الرائع
ومعذرة لو كنت خرجت بره الموضوع

ياسر مدني ...دينامو الإخوان يقول...

أنا إتفصلت م الجامعة يا جدعاااااااااااااااااااااااان
الحقووووووووووووووووووووووووني

أميرة محمد محمد محمد يقول...

دي واحده دماغها فاضيه
بجد ربنا يهدي لولا الايمان بالله لما كانت هذه الحياه تحتمل لحظه واحده
بالفعل هي لاتفهم شئ حسن نصرالله لا يمت للسلفيه بشئ وانا بحترم جيفارا اكثر منه مع اعتراضي عل الاتنين

الفاتح اليعقوبي يقول...

السلام عليكم
استاذة صانعة الحرية فعلا لازم نتحرك

سيدنا عمر بن الخطاب اللهم اني اشكو اليك ضعف اهل الحق في حقهم وقوة اهل الباطل في باطلهم

الله المستعان الواحد يفضي نفسه شوية عشان دعوة الله وتوعية اخواني الشباب
والسلام

الفاتح اليعقوبي يقول...

استاذ ياسر دينامو الاخوان
شد حيلك كلنا لها وجايلك ان شاء الله
والسلام

الفاتح اليعقوبي يقول...

استاذة اميرة
منورة مدونتنا
فعلا يااختنا الايمان بالله شئ لاتطاق الحياة من غيره
ربنا يهدينا الي سواء السبيل

معلش بقي وسامحيني يااستاذة
حضرتك ارائك غريبة جدااااااااااااااااا
ومش فاهمهة الصراحة ماشي حضرتك مبتحبيش حسن نصرالله وانا ايضا لا احبه طب ازاي تحترمي جيفارا اكثر منه رغم ان الثاتني ملحد والاخر مهما فعل وعنده فساد في العقيدة فهو مؤمن بوجود الله رغم اي شئ
ارجو من حضرتك تنزلي مجموعة بوستات توضحي فيها ارائك كلها
والسلام

Coca يقول...

استاذ عز

بخصوص موضوع الاحاديث دا انا فعلا موافقاك عليه

لاني فكرت في الموضوع دا ولقيت كلامك صح

ولعلم حضرتك ناس كتير بتلعب في موضوع عدم صحه احاديث كتيره وبيشوه بكده الاسلام الا ان فهمه اصلا للحديث غير صحيح
وقد يكون برضو في احاديث غير صحيحه

اما بخصوص حق التوكيل بقي فأعذرني عليها ادفع غرامه

ياسر شمس الدين يقول...

اليعقوبيان
جزاكم الله خير
بس انا ليا وجه نظر تانية شويه عن الناس اللى بتعلق
اولا انا معرفش المدونة اللى حضرتك بتتكلم عليها بس انا شايف ان التنوع فى الافكار مهما كانت الافكار ديه ايه ده اثراء للحياة الثقافيه للمجتمع
والعلمانية على ما اد ما العبد لله بيكرهها بس انا نفسى تطبق فى اليومين دول فى بلدنا
استنه ما تفهمنيش غلط
يعنى انا نفسى ان سيادته المفتى لما يتسال فى موضوع غير دينى يقفل بقه وما يجاوبش ويقول احنا بلد علمانى زى ما قال نظيف انا ماليش دعوة بالناس الطماعين اللى غرقوا فى ايطاليا
لما يتسئل عن اى حاجه غير الدين هو وشيخ الازهر لما مثلا يتسئلوا عن الانتخابات يقولوا احنا بلد علمانى
ومالناش دعوة وكفايه يبهدلوا فى دينا عشان خاطر سلطة او حاكم وده يكون احسن تطبيق من وجه نظرى للعلمانية
اللى اتعملت عشان تدمر الاسلام وتخرب عقول المسلمين وتدعو الى فصل الدين عن الدنيا وبعد كده تدعو الى الغاء الدين من اساسه وكل ده بتحركة اصابع صهيونيه
وعلى فكرة لو قريت يا باشا كتاب احجار على رقعة شطرنج هتلاقى ليه المبادئ ديه بتنتشر فى بلاد معينه ومين الطابور الخامس اللى ورا نشر الافكار ديه
ربنا ينجينا من الدنيا ديه على خير ويرحمنا

ياسر شمس الدين يقول...

يا فاتح لو عايز اشكال للمدونة غير بتاعه البلوجر خش على الموقع ده هتلاقى اشكال ممكن تعجبك
http://designs.bloggerbuster.com/

الفاتح اليعقوبي يقول...

استاذة كوكا
ربنا يكرم حضرتك ويعينك وانا موافق علي كلام حضرتك

وخلاص مفيش مشكلة حضرتك ممكن تستخدمي الماركة المسجلة بتاعتي مجانا
وذلك لزوار مدونة يارب ثبات علي طريقك فقط
والسلام

الفاتح اليعقوبي يقول...

استاذ ياسر شمس الدين
عامل ايه ياجميل ربنا يحفظك
بس القصة وما فيها بمنتهي البساطة

ان هؤلاء الشيوخ ليسوا بشيوخ حقا ولكنهم اناس يملكون علما باعوه علي ابواب الحكام فالخطا منهم

وليس كل قول يقال او فعل من شخص نتراجع بعده عن مبدئنا ان الدين جزء لايتجزا من الدولة


وانا افهم وجعهة نظرك ياجميل بس القصة وما فيها ان مواقف كهذه حدثت ايام الرسول عليه الصلاة والسلام من محاولة المشركين مساومة الرسول صلي الله عليه وسلم علي انه يحكم يوم ويحكمون هم يوم
او يعبدون الله يوم ويعبد هو الهتم يوم
فرفض الرسول عليه الصلاة والسلام ليعلمنا عدم التنازل عن المبادئ الاسلامية مهما كان المقابل او الفائدة العائدة من ورائها


فالعبرة هي تطبيق الاسلام صحيحا ومقاومة من يحاولون جعله مطية للحكام والسلطة
وشكرا ياباشا علي اللينك الجامد ده
والسلام

ساندوا اخوانكم في القوقاز

ممدونات مهمة للغاية

المدونات دي لازم تعدوا عليها وساندوا اصحابها جزاهم الله خيرا

مدونة ارض الحرب جزا الله صاحبها خيرا

كلنا مقاومة

مدونة اولادنا امانة (كيف نربي الاجيال القادمة)

نشقي ليعز ديننا وتسعد امتنا

نشقي ليعز ديننا وتسعد امتنا

جماعة قاداتها شهداء منصورة باذن الله

جماعة قاداتها شهداء منصورة باذن الله

About Me

صورتي
اليعقوبي احد الفاتحين القادمين باذن الله واتمني انا ذلك كل مااسال الله عليه ان يثبتني علي دينه وعلي طريقه والااضل عنه وان يرضي عني

لغتي الجميلة هويتي واصلي وديني

لغتي الجميلة هويتي واصلي وديني

اللهم ارحم اخي علاء رحمة واسعة

اللهم ارحم  اخي علاء رحمة واسعة

اللهم ارحم اخانا رحمة واسعة واجمعنا به في مستقر رحمتك

اللهم ارحم اخانا رحمة واسعة واجمعنا به في مستقر رحمتك
نسالكم الدعاء لاخانا