السبت، 11 يوليو 2009

أخوة وأخوات

كيف أحوالكم أوحشتموني كثيرا وأشتقت لكم كثيرا ومعذرة لعدم التعليق أو الرد علي التعليقات في الفترة الماضية ولكنها كما تعلمون الظروف التي أعيشها فادعو الله لي بالثبات وبالخير وعندي لكم موضوع أريد أن أناقشه معكم لعلي أستفيد بوجهة نظركم فيه
كنت مع أحد أخواني من الكلية وهو لايزال طالبا بالكلية وتحدثنا سويا حول موضوع الاختلاط في الجامعة وهل يمكن للاخوة في الجامعة القيام بأعمال يشاركهم فيها بعض الاخوات أو البنات بهدف توصيل الفكر الاسلامي والدعوة إلي فصيل كبير في الجامعة ألا وهن البنات ؟؟؟؟؟؟؟؟؟؟؟؟؟
مارأيكم في هذا الموضوع أتمني أن يطرح الموضوع للنقاش في التعليقات وكل يدلي بدلوه وأتمني أيضا أن يشرك الكل في هذا الموضوع وفي البوست القادم بأذن الله سأطرح وجهة نظري في هذا الموضوع ولكن دعوني أسمع وجهات نظركم بخصوص هذا الامر لعلها تضيف أو تغير في وجهة نظري
والسلام
اليعقوبي

هناك 17 تعليقًا:

"النجم القادم" يقول...

رسالة من م . أسامة محمد سليمان
أحدالمعتقلين على ذمة القضيةالمعروفة بقضية فارس بركات
الذى القي به ناجى الجمال ضابط أمن الدولة بدمنهور من الدور الرابع

فقط وحصريا على مدونة اوعى تخاف

walaa rizk يقول...

المشكله مش انهم يتعاملوا مع الاخوات فى اعمال مشتركه المشكله فى كيفيه التعامل فى اخوه بتتعامل مع البنات العاديه احسن من الاخت ويبقى بيكلم الاخت وهو مش طايق نفسه والاخوات كذلك
محتاجيين نتوازن ونظبط المفاهيم وننطلق طالما لا نخترق حدود الاختلاط

وانا اصلا ليا رأيى فى حوار الاختلاط

فأحينا بنضخم الأمر واحنا لو مشينا الامور ببساطه هتمضى بسلام وكويسه واكيد هدفنا لانغضب ربنا اولا واخيرا

Soul.o0o.Whisper يقول...

السلام عليكم و رحمة الله و بركاته

أخى الكريم / الفاتح اليعقوبى

انا لا اى مشكلة فى التعاون المثمر مادامت الحدود ملتزمة من الطرفين

و انما المشكلة هى فى الكيفية

زى ما عاشقة الاقصى قالت احنا محتاجين توازن
و هاقولك دا بيحصل ليه
اصل الواحد لما بيدخل الالتزام بيبئا فاكر انه بئا حرام يكلم واحدة ..
و طالما واحد ملتزمة اكيد عندها نفس الفكرة

يبئا مش هترد عليه و هتعامله باسلوب وحش فهو ياخدها من قصيرها و يتعامل مع واحدة شايفة الامور عادى

و الاخت نفس النظام

فياريت نفهم ديننا كويس و بلاش تعقيدات

اما بئا بالنسبة للكيفية فتكون فى مسئولة للبنات و مسئول من الشباب
تكون الوصلة بينهم

و يا حبذا لو يكون اتنين اخوات او اقارب لان التواصل بينهم هيكون افضل

دى وجهة نظر مبدئية


دمت بود

جنّي يقول...

السلام عليكم

أرى أن لا يتم الاختلاط سدا للذرائع ..

وان يكون هناك عمل منفصل لكل من الاخوة والاخوات ..

اما العمل العام كالمحاضرات والندوات والحوارات فلا مانع بالضوابط الشرعية ..

تحيتي

وفاء~ يقول...

انا عن نفسى شايفة ان مسألة تعامل الاخوة مع الاخوات فى شغل مشترك ممكن
دا طبعا مادام وفق الضوابط اللى احنا عارفينها زى غض البصر وعدم الخضوع بالقول وغيرها لكن انابرضو شايفة ان دلوقتى مينفعش نطبق الموضوع ده علشان الامور دلوقتى مش زى زمان فتجنبا للمشاكل خلى كل واحد فى شغله لان ده هيبقى افضل..والسلام عليكم

ابو صهيب ( الجمعاوي الاصيل)سابقاً يقول...

السلام عليكم ورحمة الله وبركاته

اخي الفاضل اليعقوبي

وحشني جداً والله

احنا بس عاوزيين نعرف الاول ايه هو الاختلاط المقصود بالظبط

يعني انا واخت مثلاً هنعمل قافلة مع بعض بحيث نستهدف البنين والبنات معاُ

ده اللي انت تقصده

ولا ايه بالظبط علشان بس نفهم


ثانياً لو عمل عام مثلاً معرض مسيرة وقفة فطبيعي بيبقى في اختلاط وعمل مشترك بس متبقاش هيسه اللي عاوز يكلم اخت يروح يكلمها اكيد بيبقى فيه حد مسؤل من الاخوة وحد مسؤل من الاخوات ودول اللي ممكن يبقى الطلبات خلال حد فيهم من كلا الطرفين

نريد توضيح اكثر للفكرة كي نقول ارائنا
ودمتم بخير

بنت الصالحين يقول...

رأيي منن رأي الأستاذ جني

الإختلاط لايأتي بخير

اللهم الا لو ان كان فيه نقاط متفق عليها وفقط يوصل الاخوة هذه النقاط للاخوات ويتم العمل يعني لاداعي لاختلاق حجج للتحدث مع الاخوات : )

بنت الصالحين يقول...

آه علي فكرة

أصحاب مبدأ الاختلاط لا


مش متخلفين زي ماويسبر قالت : )

وليا كلام معاكي ع الميل ياويسبر <<< خافي مني : )

الفاروقة يقول...

انا مش فاهمة بالضبط حضرتك عايز رأينا في ايه ؟؟


عن شغل الإخوة والأخوات المشترك عامة

ولاانه يكون في مجموعة من الإخوة بيساعدوا الأخوات في شغلهم لتوصيل الفكر الإسلامي لشريحة البنات؟؟

بستان الحب يقول...

ابنى محمود (الفاتح اليعقوبى)موضوع فى غاية الخطوره والاهميه واستاذنك فى أن أطيل بعض الشىء لتوضيح وجهة نظرى :أنا لا أقبل على الاطلاق الاعمال المشتركه بين اخوة واخوات الجامعه بصفه خاصه للاسباب الآتيه وحتى مع وجود ضوابط :1 صغر السن 2قلة الخبره فى كيفية التعامل مع الجنس الاخر (ولها تفصيل طويل لا يتسع المجال له)3عرضت على مشاكل جعلتنى وبكل قوه أتبنى رأى عدم الاختلاط فى الجامعه حتى مع وجود ضوابط (مشاكل يصعب على ذكرها لكثرتها ومحتواها)4الافضل ان يتم التنسيق مع اخوه وأخوات كبار السن وذلك لسد ثغرات الشيطان ويكون العمل خالص لوجه الله بعيد عن أى شبهه ملحوظه أنا لا أتحدث عن حلال أو حرام ولكنى أتحدث عن علاقات انسانيه وخبرات سابقه رأيت نتائجها بأم عينى دمتم فى طاعه

على عبدالله يقول...

السلام عليكم

فكرة جميلة
:)
ممكن أقول رأيى ؟ :)
طيب
نتوكل على الله

ممكن اسأل سؤال ؟
هى ايه الفائدة من الاختلاط ؟
يعنى قصدى يستطيع الاولاد انجاز اعمال مثمرة دون الحاجة الى ((البنات))
وكذلك البنات بأمكانهن ان ينجزن اعمال مثمرة ومفيدة دون مشاركة ((الاولاد))

انا راى ان السؤال يكون هل من فائدة وراء الاختلاط ؟!
يعنى هل هناك عمل لا يتم الا بمشاركة البنات للاولاد ؟ وهل هذا العمل ضرورى ؟
ولو قلنا بجواز الاختلاط ! فهل ينفع فى ظل ((البيئة)) المحيطة دى ؟1 يعنى فى الجامعة نرى ما يندى له الجبين !

أنا رأيي اتباع قاعدة درء المفاسد مقدم على جلب المصالح
ومينفعش نضع رؤوسنا فى الرمال كالنعام ونقول مافيش مفاسد !! والا يبقى ماعندناش نظر !!

بارك الله فيك واعزك
تحياتى

Unknown يقول...

السلام عليكم
وبدأت حملة ( مين هيفطر أكتر )
هل ستشاركنا وتأخذ الأجر معنا
هيا اذن لنشمر السواعد ولنعلى الهمم
ولنخلص لله النوايا
الم تسمع قول النبى صلى الله علية وسلم ... عن زيد بن خالد الجهني قال : قال صلى الله عليه وسلم : " مَن فطَّر صائماً كان له مثل أجره غير أنه لا ينقص من أجر الصائم شيء "
أدخل على هذا الرابط وشاركنا
http://3amood.blogspot.com/

Unknown يقول...

السلام عليكم
وبدأت حملة ( مين هيفطر أكتر )
هل ستشاركنا وتأخذ الأجر معنا
هيا اذن لنشمر السواعد ولنعلى الهمم
ولنخلص لله النوايا
الم تسمع قول النبى صلى الله علية وسلم ... عن زيد بن خالد الجهني قال : قال صلى الله عليه وسلم : " مَن فطَّر صائماً كان له مثل أجره غير أنه لا ينقص من أجر الصائم شيء "
أدخل على هذا الرابط وشاركنا
http://3amood.blogspot.com/

محمد عبد الرحمن يقول...

أخى الحبيب محمود

الإختلاط فى الذى يفرضه العمل العام مسألة تحتاج إلى نظر
ومع تحفظى على فكرة الإختلاط من همى لقاعدتى سد الذرائع ودفع الضرر فالضرورة فى الغشتراك فى عمل ما ينبغى له أن يكون محل نظر وإعتبار الفقهاء الثقات
لا ننسى طبعا الطبيعة المتحفظة لأسرنا ومجتمعنا

دمت بخير وفقك الله

إسراء يقول...

السلام عليكم
أؤيد رأي أمي (بستان الحب)تماما
فلا داعي للإختلاط حتى بدعوى العمل الدعوي
ولنفوض إخوة وأخوات كبار السن
وجزاكم الله خيرا

آن الأوان يقول...

السلام عليكم

اولا فعلا محتاجين توضيح عن شكل المشاركة فى الاعمال

اصلا فى مشاركة فى الاعمال زى مثلا مؤتمر القاهرة

لكن لو اعمال يومية فى الكلية او مثلا قافلة اعتقد ماينفعش

بس اعتقد كمان ان احنا من كثر ما احنا واخدين الموضوع افش لما نفكر ان يكون فى مشاركة بتظهر مشاكل

فى طبيعة الحياه و الجامعة بيكون فى مشاركة يعنى مثلا المودل الموجودة فى الجامعة الناس كلها شغالة مع بعضها فى مودل الموضوع فيها بايظ بس فى مودل تانية الموضوع ماشى تمام

فى الجمعيات زى رسالة مثلا الدنيا برده ماشية

فى نفس الوقت الحال حاليا مش مشجع ان احنا نزودله موضوع الاختلاط و مشاركة الاخوات مع الاخوة

ممكن المشاركة لو هايتعمل حفلة مثلا فى المدرج او الاعمال العامة عامة

مع ان مثلا كان فى تجربة الاخوة مع الاخوات فى حاجة و بعدين الاخوات انفصلت عن الاخوة و انا حاسة انهم بيتقدموا

و فى برده تجارب للمشاركة بس فى الدراسة زى فريق ادارة و فريق update

Unknown يقول...






شركة تنظيف فلل بالقطيف
شركة تنظيف شقق بالقطيف
شركة تنظيف مجالس بالقطيف
شركة تنظيف موكيت بالقطيف
شركة تنظيف سجاد بالقطيف
شركة عزل اسطح بالقطيف
شركة مكافحة حشرات بالقطيف
شركة تسليك مجاري بالقطيف











ساندوا اخوانكم في القوقاز

ممدونات مهمة للغاية

المدونات دي لازم تعدوا عليها وساندوا اصحابها جزاهم الله خيرا

مدونة ارض الحرب جزا الله صاحبها خيرا

كلنا مقاومة

مدونة اولادنا امانة (كيف نربي الاجيال القادمة)

نشقي ليعز ديننا وتسعد امتنا

نشقي ليعز ديننا وتسعد امتنا

جماعة قاداتها شهداء منصورة باذن الله

جماعة قاداتها شهداء منصورة باذن الله

About Me

صورتي
اليعقوبي احد الفاتحين القادمين باذن الله واتمني انا ذلك كل مااسال الله عليه ان يثبتني علي دينه وعلي طريقه والااضل عنه وان يرضي عني

لغتي الجميلة هويتي واصلي وديني

لغتي الجميلة هويتي واصلي وديني

اللهم ارحم اخي علاء رحمة واسعة

اللهم ارحم  اخي علاء رحمة واسعة

اللهم ارحم اخانا رحمة واسعة واجمعنا به في مستقر رحمتك

اللهم ارحم اخانا رحمة واسعة واجمعنا به في مستقر رحمتك
نسالكم الدعاء لاخانا