الثلاثاء، 19 أغسطس 2008

فضفضة عشان الواحد ميتخنقش


أولا بعتذر لكل من علق علي بوستات ذكريات الجامعة 2و3أنا مسحتها لان بعض اخواني في الجامعة كلموني وقالوا لي أن هناك بعض الكلام الذي لايصح أن ينشر

لم اقتنع بالكلام وعندي إجابة لكل كلمة

ولكن أخوتنا وحبنا في الله قبل كل شئ ومسحت البوستات لكي لايكون في القلوب شئ

................................................

وبعتذر تاني لتقصيري في التعليقات الفترة الماضية ولكن هذا بسبب السحل الذي تعرضت له وسوف يتعرض له أي شاب مصري يحاول أن يدفع ضريبة خدمة الوطن (الجيش سابقا)وطبعا لااخفيكم سرا كم فرحت بمصر وكم فرحت بما رأيت من تسهيل في الاجراءات واستخراج المستندات المطلوبة وكيف أنهم يسهلون كل شئ عليك

وأجمل مافي الموضوع مثلا لما تروح الكلية عشان تجيب ال6جند ويقولك دي ضاعت وروح واحدة تانية

تيييييييييييييييييييت

حذفت للرقابة

طبعا بتنسي كل حاجة وتروح الرماية عشان تخرج ال6جند وتجد تعاون غير مسبوق من رجال الجيش المصري

وكل حياتك كوم واليوم المهبب اللي بتروح تكشف فيه ده كوم تاني

يعني أنا مثلا رحت الساعة الثامنة صباحا كأي مواطن ملتزم وقدمت ورقي وفضلت قاعد مستني علي دكة رخام من غير ضهر واللي حرق دمي

حاجتين

ان في ناس جائت الساعة العاشرة ومشيت قبلي أنا وكثير من المتقدمين لانهم بيحطوا الورق فوق بعضه مش بالترتيب يعني جيت بدري تمشي متاخر وعشوائية وحاجة تغم

الشباب اللي زي العسل اللي حاجتهم خلصت بسرعة بسبب الوسايط وكان في واحد معرفتنا كان ممكن يريحني من الهم ده كله ويخلص القصة معي هناك واخلص زي ماالشباب دول خلصوا

بس أخوكم عمل فيها الشاب المناضل الشاعر بهموم شعبه واهله ورفضت وأبت علي نفسي أن آتي بواسطة أني لي هذا ازاي اتجاوز من قدموا من قبلي ولان مش كل الناس عندها واسطة فرفضت أني أجيب الواسطة اللي تبعنا وقلت لالالالا ده حرااااااام وغلط

وبس

طبعا كل هذا الكلام كان قبل التقديم

أما بعد التقديم معنديش لكم إلآ كلمة واحدة

انسي

الللي تعرف تجيبه جيبه دي بلد زي ......العسل طبعا

...............................................

أي حاجة بكتبها في المدونة فهي تعبر بالاصل عن دماغي وفكري الشخصي ولست امثل اي كيان أو جماعة وهذا فيما يخص بالطبع الاراء ووجهات النظر وليس الاخلاق فكل واحد من الاخوان يمثل الاخوان اخلاقيا

..............................................

أجمل مافي الاخوان التنويع اللي فيهم وان كل واحد واحد منهم في الغالب ليه دماغه وده بيثري الجماعة ولو اصبحوا قوالب واحد لخروا ووقعوا منذ من بعيد فهذا يحكي وهذا يربي وهذا سياسي وهذا اجتماعي وهذا ثورجي وهذا شيخ ....وهكذا

..............................................

أنا أحب اخواني وبلادي (أعني بها امتنا جمعاء) وأهلي و المكان الذي اسكن به وأحببت العمل في الجامعة

وبحب كوكي (القطة بتاعتنا)وبحب حاجتي جدااا وممكن أزعل وأضايق نفسيا لو حاجة من حاجتي القديمة ضاعت

بس كل ده ليس بأحب إلي من ربي ومن رسول ربي عليه افضل الصلاة وأتم التسليم

أشهدكم أني أحب ربي ورسول ربي صلي الله عليه وسلم

..............................................

حاجات بتخنقني بعض الاوقات منها علي سبيل المثال لا الحصر :_ا

لما بتحصل مسيرة كبيرة جداا كمسيرة غزة في وسط البلد واتاخد من وسط المسيرة 2000أخ ازاي دي بقي معرفش ليه، كانوا بيلموا كتاكيت والباقين كانوا فين وازاي اخ يشوف اخوه بيتاخد امامه وسكت كده وازاي يحطوا مثلا 30اخ مثلا جوة عربية والاخوة متعرفش تطلع منهم مش عارف والله لازم نبقي منظمين اكتر من كده في الاعمال الكبيرة وزي ماالامن له خطوط حمرء أحنا كمان عندنا خطوط حمراء مينفعش الامن يتجاوز فيها

بعض الاوقات بتخنق من بعض الاسلاميين من الذين لاتعرف هويتهم هل هم اسلاميين أم علمانين

أكره التشدد وعدم التدرج لان ليس كل الناس تستطيع فعل هذ ا

أكره قلة الادب من اي شخص

...............................................

كنت رايح لخالي وأنا راكب مكروباص فقعدت ورا وشوية سمعت صوت اغاني من قبيل (ما طلع وتولع ولا أنت بن لذينا ما طلع وتحشش ولا احنا في بنزينا ) وأغاني من هذا القبيل وكل شوية اغنية تشتغل اسخم من اللي قبلها

طبعا ده متوقع من سواقين الميكروباصات ولكن الغريب اني دققت والقيت سمعي فإذا ببنت تسمع هذه الاغاني بصوت عالي في موبايلها

أنا قلت يالهوي إيه اللي حصل فينا مينفعش اساسا بنت محترمة تقعد تسمع الحاجات دي لوحدها فما بالك انها بتسمعها في وسط ميكروباص يلا خير

الفاتحة علي الحياء

..................................................

بحب الكلمات دي جدااا

قد شدا بالعز شدوا وبذكراه ترنم

ظامئ ليس الي الماء ولا بالشهد يحلم

بل إلي

الموت

إلي الحور

إلي الحضن المنعم

وكفاية كده وابقي اكمل المرة القادمة بوستات الجامعة والمرة القادمة باذن الله سوف تكون عن انتخابات اتحاد الطلبة في 2006وممكن نتكلم عن احداث الازهر لو في وقت

والله المستعان

إني أحبكم في الله

اللهم إني أعوذ أن اشرك بك شئ اعلمه واستغفرك لما لا اعلمه

والسلام

اليعقوبي

هناك 26 تعليقًا:

حسن حنفى يقول...

مممممممممممم

ربنا يبارك في حضرتك

walaa rizk يقول...

والله يا اخ اليعقوبى

انا اول مادخلت المدونه مش لقيت البوست

قلت شكل الكمبيوتر بتاعى خرف

وقعدت ادخلت واخرج واعمل ريفريش

المه مخير ان شاء الله

بس ايه البوست الرائع ده

اولا موضوع الجيش

يبقى انت اكيد فى مصر

عيش اللحظه بقى

وبوركت على البوست الجميل ده

ربنا يعزك ان شاء الله

دعوة الفردوس يقول...

خيييييييييييييير


أجمل مافي الاخوان التنويع اللي فيهم وان كل واحد واحد منهم في الغالب ليه دماغه وده بيثري الجماعة ولو اصبحوا قوالب واحد لخروا ووقعوا منذ من بعيد فهذا يحكي وهذا يربي وهذا سياسي وهذا اجتماعي وهذا ثورجي وهذا شيخ ....وهكذا



سبحان الله كنت لسه ياربي من يوم واحد بتكلم في نفس الحوار
موضوع ان مش لازم كلنا نكون نفس الشخص
الأزمه بقى لما حد يبقى مدايق اوي ان كل الناس مش زي ماهو عايز

اصلا مينفعش
يبقى كفايه علينا اخ واحد بقى
ولا ايه؟

عن الجيش والاوراق
انا بيطلع عيني كده في دفع المصاريف علشان كده بكبر دماغي عنها جدا وفي يوم ابعت بابا له معارف هناك بيدخل الشئون علطول من غير وقفه في شبابيك
اصل انا لما جرت اعمل زي حضرتك منفعش
وانا مش حمل البهدله دي
ده كل ده وهما اللي بياخدوا فلوس
بيذلوونا
امال لو هيدونا كان ايه حصل؟

ربنا يصلح الحال
عن الأغاني
حدث ولا حرج
وعن كون البنات اللي بتسمع
حدث ومتتحرجش اكتر
انا بتصدم في كلمات زي النيله وببقى بقول بيسمعوا ده ازاي مش فااااااهمه
لا وايه حافظين بالحرف وبيكرروا الكلام عادي كده

ربنا يهدي و يعيد الفطر السليمة للناس
بس في مثل بيقول كتر الحزن يعلم البكا
هو ده اللي حاصل
كتر الاغاني الزفت
و الكلمات المهببه دي
خلى الناس تتعود ان ده الموجود
واللي بنستغربه النهارده بكره بيبقى زي الفل وعادي وشغال ولذيذ

الف المعصيه لو جاز لنا القول
او الف المهاااااازل


الله المستعان

اتفق معك بشأن حبك لأشياءك القديمة و تغير نفسيتك في حال لاقدر الله فقدت شيء منها
انما كوكي؟
حد يحب القطط؟
اختلف معك تماااااما

دمتم بخير
وربنا يسهلكوا موضوع الجيش يارب

صانعة الحرية يقول...

الاعتذار مقبول وزادك الله فقها وفهما وعلما
ورزقك الطاعه
-----------
الروتيييييييييين
عمرى تقريبا ماوقفت فى طابور
للاسف بمشى الامور دى بالكوسه
وعلى راى عم الشيخ احمد لو نهر النيل بقى صلصه مش هيقضى الكوسه اللى فى مصر
---------
عجبتنى اوى اجمل ما فى الاخوان التنوع واتفق معك على ردك وعلى رد اختى دعو ة الفردوس
حتى بصفه عامه مش الاخوان بس الجماعات نفسها
سلف واخوان وتبليغ ما هو الا اثراء للدعوة وكلهم ابناء للاسلام
============
........
بحب الكلمات دي جدااا
قد شدا بالعز شدوا وبذكراه ترنم
ظامئ ليس الي الماء ولا بالشهد يحلم
بل إلي
الموت
إلي الحور
إلي الحضن المنعم

اطال الله عمرك فى طاعته ورزقك الاستشهاد فى سبيله

عاشــــــ النقاب ـقــــة"نونو" يقول...

اميييييييييييييييييييين
صدق الله العظيم
اما اعلق لحسن الواحدة مخنوقة
ابتديت بالفاتحة على الحياء
فيه بعيد عنك اكتر من كدة واضل ربنا يعافينا يارب
اما باقي التدوينة
اهم ما فيها عاوزة اقولك عليه
دلوقتي بقى الوضع اللي يلحق يعض في اخوه الاول ويجير على حقه وعيني عينك كدة وبقى وضع مؤرف كله
ومعلش اثبت على الخير والحق بس لازم يكون نفسك طويل واجتهد قبل ما تلجأ للطريق الاخر اللي برضه هتلاقي نفسك رايح له رغم انفك
والجيش للرجالة وعظيمة يا مصر يا ارض اللوا وربنا يبارك في الشباب الواعي اللي يفرح زيكم وشباب الاخوان يارب
التشدد في اي شيء غلط وقلة الادب مرفوضة ولو انها بقت سايدة وحضرتك فهم الناس اللي بتقولها انا مش موافق بيتعكل فيك ايه
سيبك خير خير
كل عام وحضراتكم بخير
وربنا يسهل ونحاول ونعافر نحضر اللقاء بتاع التوقيع
تحياتي

خالد - كلام من القلب يقول...

حبيبي حبيبي حبيبي

اول ما هبتدي هقولك بحبك فى الله

وربنا يقويك ويوفقك

وحاسس بيك وبكل كلمة بتكتبها

وعلى لقاء

جمعاوى يقول...

)::

ابو صهيب ( الجمعاوي الاصيل)سابقاً يقول...

وماله ياعمنا

اظننا اتكلمنا في الموضوع ده

في زيارتكم

اخوك اتصدر ضابط احتياط

الزهراء يقول...

السلام عليكم ورحمة الله وبركاته

قد شدا بالعز شدوا وبذكراه ترنم
ظامئ ليس الي الماء ولا بالشهد يحلم
بل إلي
الموت
إلي الحور
إلي الحضن المنعم

كتبتم هذه الكلمات
فتحملها وما الموقف الذى مررتم به اثناء تقديم الاوراق الا تدريب على الجهاد
يسر الله لكم جميع الامور أخى الفاضل
بالنسبة للميكروباصات ومايحدث فيها
فلا أجد كلاما يوفى مدى بغضى لما يحدث فيها
.......
دمتم بكل الخير

محمد عبد الرحمن يقول...

وسع وسع يا أفندينا
اليعقوبى يتجهز للجيش

معك حق الكوسة هى سيدة الموقف حاليا

إنهيار الذوق العام فضيحة الوقت و واقع لا ينكره أحد
و أنا أحب الإخوان كلهم بتنوعهم و أخلاقهم

مصعب رجب يقول...

السلام عليكم
بص يا سيدي
أنا هعلق بدون ترتيب

الواسطة :
واكلة البلد لكن الفكرة في إن صاحب المبدأ عنده استعداد إنه يضحي علشانه .

الإخوان اللى بيعتقلوا من وسط المظاهرة :
بصراحة عندك حق

البنت بتاعة الموبايل :
على رأي المثل :
اللى اختشوا ماتوا
بس أنا عايز أعرف رأيك لو لقيت الأغنية دي طالعة كنغمة من موبايل واحد من الإخوة هتعمل فيه إيه ؟


والسلام ختام

Unknown يقول...

عايز تتغير ؟ وتبقى واحد تاني .. شاركنا .. على مدونتي

Unknown يقول...

الجعفري مختفي في ظروف غامضه ليه انت عملت فيه ايه الراجل كان طيب و كويس

مصر جهاتها الحكوميه تشرف سرعه و دقه و ادب و ابتسامه من الموظفين
يعني تحب اليوم الي تروح تعمل فيه حاجه في مصلحه حكوميه يبقي يوم مصر كلها داعيالك فيه

الفاتح اليعقوبي يقول...

السلام عليكم
حسن حنفي
ممممممممممممم
والسلام

الفاتح اليعقوبي يقول...

الاستاذة عاشقة الاقصي
ربنا يكرم حضرتك يااستاذة
جهازك متخربش ولا حاجة
موضوع الجيش هو ازمة انسانية بيعيشها اهل مصر كلهم اسف اقصد كل شباب مصر
ولكن الله المستعان
دعواتكم بالخير
والسلام

الفاتح اليعقوبي يقول...

الاستاذة دعوة الفردوس
كويس ان حضرتك بتنزلي والدك في المهام الصعبة دي
بس انا بستحرم وبتكسف اوي من حكاية الوسطة دي بالرغم من توافرها في كثير من الاحيان
ولكن الله المستعان

وبعدين كوكي دي مش قطة عادية
دي قطة تلمة بس كانك مربي عيل صغير
بس فعلا القطط غدارة غير الكلاب

وربنا يصلح الحال
والسلام

الفاتح اليعقوبي يقول...

الاستاذة صانعة الحرية
ايه كل الناس عايشة بالوسطة خلاص محدش عايز يقف في طابور

الله المستعان

وربنا يكرم حضرتك علي التعليق
والكلمات دي في نشيد اسمه عقد العزم وابرم لابو علي نشيد اكثر من رائع

اسمعيه
والسلام

الفاتح اليعقوبي يقول...

استاذة عاشقة النقاب
جزاك الله خيرا يااستاذة
الحياء بحس انه نزع من بعض المسلمين فاصبحوا بلا فطرة ولا كسوف

وربنا يكرم حضرتك
وسلامنا لاستاذ خالد
هو فين صحيح محدش بيشوفوا
والسلام

الفاتح اليعقوبي يقول...

عمي في الله خالد بيه
عامل ايه ياحبي
احبك الذي احبتتني فيه
وان شاء الله نتقابل قريب ونولع الدنيا
والسلام

الفاتح اليعقوبي يقول...

جمعاوي بيه


((((((::::::
والسلام

الفاتح اليعقوبي يقول...

الجمعاوي الاصيل
ربنا يكرمك ياصاحبي
وباذن الله اطلع انا اعفاء وتلبس انت واللي قبلك عشر سنين
تلاتة في مصر والباقي هتكونوا تبع قوات حفظ السلام اللي هتكون في تشاد
تمام يافندم
والسلام

الفاتح اليعقوبي يقول...

الاستاذة الزهراء
لا مش انا اللي كاتبها بس دي كلمات في نشيد اسمه عقد العزم وابرم
وهو من اجمل ماسمعت

والميكروباصات بقت خراب خلاص
ربنا يصلح الحال
والسلام

الفاتح اليعقوبي يقول...

استاذي محمد
ان دخلت الجيش فهنيئا لهم
وان لم ادخل فقد خسر هنالك الجيش واحد من افضل من كانوا سيدخلونه
وانا افضل ان احرمهم من هذا الخير
الكثير ولكن يقدر الله ومايشاء يفعل

اما انهيار الذوق والاخلاق فهذه بلية اصابت بلادنا في هذه الايام اسال الله ان يحفظ نسائنا واهلنا جميعا منها
والسلام

الفاتح اليعقوبي يقول...

ابو اسامة
ازيك ياجميل
ربنا يكرمك والله
لو لقيتها علي موبايل اخ اعمل ايه

وفيها ايه يااخ ابو اسامة دي اسمها شمولية وتفاعل مع المجتمع
بهزر طبعا
بلاش نقول ممكن نعمل فيه ايه
سيبها للايام هي تداوي اللي بيحصل
والسلام

الفاتح اليعقوبي يقول...

استاذة نور
باذن الله لازم نتغير

ربنا يسهل الحال
والسلام

الفاتح اليعقوبي يقول...

استاذة ايمي
انا عملت في الجعفري زي ماانت عملتي في كوكا بس
انا مش هامشيه من المدونة لاني مشغله فيها بالسخرة
اما كوكا فشكلها ثارت عليكي واعلنت استقلالها

شكل أمة محمد كلها كانت بتدعي لي في اليوم ده
هذا كان يوم مشهود
والسلام

ساندوا اخوانكم في القوقاز

ممدونات مهمة للغاية

المدونات دي لازم تعدوا عليها وساندوا اصحابها جزاهم الله خيرا

مدونة ارض الحرب جزا الله صاحبها خيرا

كلنا مقاومة

مدونة اولادنا امانة (كيف نربي الاجيال القادمة)

نشقي ليعز ديننا وتسعد امتنا

نشقي ليعز ديننا وتسعد امتنا

جماعة قاداتها شهداء منصورة باذن الله

جماعة قاداتها شهداء منصورة باذن الله

About Me

صورتي
اليعقوبي احد الفاتحين القادمين باذن الله واتمني انا ذلك كل مااسال الله عليه ان يثبتني علي دينه وعلي طريقه والااضل عنه وان يرضي عني

لغتي الجميلة هويتي واصلي وديني

لغتي الجميلة هويتي واصلي وديني

اللهم ارحم اخي علاء رحمة واسعة

اللهم ارحم  اخي علاء رحمة واسعة

اللهم ارحم اخانا رحمة واسعة واجمعنا به في مستقر رحمتك

اللهم ارحم اخانا رحمة واسعة واجمعنا به في مستقر رحمتك
نسالكم الدعاء لاخانا