الخميس، 13 مارس 2008

المدونات واصحابها

بسم الله والصلاة والسلام علي رسول الله صلي الله عليه وسلم
الواحد لما قرر يعمل مدونة في فترة من الفترات كان قرار في بدايته جميل وفاكر وقتها الادمان اللي حصلي من متابعة المدونات وده شئ جديد علي ووقتها علي مااتذكر قررت الغاء المدونة القديمة وكانت باسم اليعقوبي لاني حسيت وقتها اني عملتها عشان الهوجة اللي كانت طالعة وقتها وانا ارفض هذا علي نفسي لكني رجعت بعد وقفة مع نفسي ورايت من المدونات التي زرتها الكثير والكثير ورايت اناس تحمل فكرا كنت اعتقد انهم ليس لهم وجود في هذه البلاد وتعرفت علي شخصيات كثيرة اعتز بالفعل بمعرفتها،طيب وبعدين ياعم الحاج انت عايز ايه مننا
بس انا كان لي طلب وهو الناس التي توقفت عن التدوين في فترة من الفترات والناس اللي بتدون وخلاص يعني بندون بدون نية خالصة لله عز وجل بل من غير قضية تخدم بلادنا وامتنا ،زي مابيقولوا موضة وهوجة وطلعت وخلاص وانا عملت زي الناس مابتعمل
يعني هاقول علي امور تعلمتها اثناء التدوين و استفدت منها خلال الفترة التي دونت فيها
اولا :التواصل مع افكار مخالفة لي
ثانيا :التدوين قد يخدم قضايا تخص البلد والامة
ثالثا:يساعد في نشر الفكر الخاص باصحابه ان كانوا يملكون من الاقناع
رابعا :التعرف علي صداقات جديدة واناس محترمة نستفيد منها وان خالفناها الراي في بعض الاوقات
خامسا :الحملات التي قد تحرك الراي العام اتجاه قضية معينة وظهر هذا في كثير من القضايا التي تحركت عن طريق حملات في المدونات واشهرها التعذيب ومعتقلين الراي والمعارضين
سادسا :بعض المدونين قد يغيروا افكار اشخاص سواء بكتابتهم او باخلاقهم وتعاملهم
وهناك بعض الامور التي وجدتها ي المدونات ووقعت فيها بعض الاوقات واتمني اننا نتجانبها مثل :-
التكرار -التجاوز في الحوار -العند في بعض المدونين وتقفيل الافاق-اغلاق بعض المدونين لمدوناتهم او اعتزالهم الكتابة بغير سبب -ضياع الحماسة للكتابة -الدخول في حوارات وكلام قد يفسد الغرض من التدوين وغيره الكثير
وفي الاخر بقول لاي حد انا دايقته في حاجة او عكرت مزاجه او جيبت سيرته من غير قصد او بقصد يسامحني وانا والله مسامح اي حد غلط في حقي او جاب في سيرتي بسوء او بخير بس يااخوان حكاية الغيبة دي مؤذية جدا ومبنخدش بالنا منها والواحد ممكن يقع فيها كتير لاي سبب وعامة لاتنسوا ان نخلص اعمالنا لله عز وجل ونفهم لماذا ندون ولما ندون ولمن ندون لله عز وجل فبالتالي سنؤجر ونفوز بخيري الدنيا والاخرة او لغيره فلن ننال شئ
بس في حاجة عايز اقولها المدونين دول كلهم قابلتهم قبل كده وشوفتهم وبعتز فعلا بمعرفتهم
محمد وخطاب كش ملك -الجارحي ايام من حياتي -دكتور حر محمد ابوزيد -الجيزاوي-بيحب مصر -الصباغ خالو احمد-صح ولا غلط الشيخ وائل -الجمعاويين الاصيل والروش -شمس الزناتي ونوشا -حمادة زيدان - ومحمود الدوح -وم /محمود فوزي مصر والعالم-احمد سووو-البشمهندس المصري حبيب قلبي -واستاذي محمد طال الليل -وابن حجر العسقلاني صاحب الصحيفة الكاشفة وده بقي محدش يتخيل شكله عامل ازاي شاب صغير مش زي ما الناس كانت متخيلة وانا منهم -خالد كلام من القلب -الشهيد الحي قصة صنم -منذر -الدكتور المحترم اياد حرفوش اللي بحب اخلاقه جدا رغم اختلافنا معاه في ارائه لكنه محترم للغاية _ايمي وكوكا كله ماشي -ابي وكوكبها -مروة الزارع سلطة -محمد مدحت ابو جولدا حبيب قلبي
وبس كده واس ان كنت نسيت احد وكل شخصية انت اكيد بتضع لها شكل متخيله ولكن ان تراهم شئ اخر لكم خالص شكري الي كل من تعلمت منه شئ او اضاف الي شئ
وادعولنا نحسن الخدمة بتاعتنا انا والجعفري في الفترة القادمة والله المستعان
والسلام
........................................
تحديث
المدونين اللي انا ذكرت اسمهم دول انا اقصد اني شفتهم امامي وقابلتهم انما طبعا انا بعتز بمعرفة كل المدونين باكملهم اللي انا بدخل عندهم مش حد دون الاخر

هناك 28 تعليقًا:

عصفور المدينة يقول...

تمام كدة
:)

فرنسا هانم يقول...

خدمه اليعقوبى والجعفرى محسنه ومعدله كمان
ولو فى حاجه للامام يبقى بيزيد الذهب بريقا
تحياتى لكما
اليعقوبى والجعفرى

mohand يقول...

انا اتناسيت يا رجاله

جمعاوى يقول...

طول عمرك دماغ يا عز

مهندس مصري بيحب مصر يقول...

و لو ان الكلام حلو وعاجبني
:)
بس لازمته ايه دلوقتي؟

و لا لمجرد التذكير
و بعدين يا ترى يا هل ترى حتحسنوها إزاي ؟
:)

مشروع انسان يقول...

كلام جميل
فعلا ربنا يكرمك
لازم نجدد نوايانا دايما لما ندون

ونشوف بنتكلم فى ايه ولمين
وايه اثره وافيديته

الموضوع اكبر مما نتصور

جزيت خيرا

صانعة الحرية يقول...

السلام عليكم
بوست رائع وجه فى وقته
وفعلا اهم حاجه النيه
احنا بندون ليه؟؟
هل فعلا علشان هوجه المدونين زى ما حضرتك قلت او هوجة التدوين
ولا فى هدف كل واحد بيسعى له من خلال التدوين
جزاكم الله خيرا على هذه التذكره الطيبه
جعلها الله ف ميزان حسناتكم

الفاتح اليعقوبي يقول...

السلام عليكم
استاذي الكبير
ربنا يكرمك يارب
...................................استاذتنا فرنسا هانم
ربنا يكرم حضرتك والله اسال ان لايكون في عملنا هذا نصيبا الا الله وتحياتنا لكي يااستاذة
...................................
عمي وعم عيالي
ليه ياباشا كده انت عمرك ماتتنسي ابدا يانهار
بس الناس اللي انا حاططها دي انا شوفتها وقابلتها وجها لوجه بس انما انت مكانك في القلب محفوظ ياكبير
والسلام

الفاتح اليعقوبي يقول...

الجمعاوي الروش الطحن
ربنا يكرمك يامعلم انت بتقول ايه انا بقيت دماغ من يوم ماشفتك ياراجل انت بتقول ايه
داانت حبر علم اخ دولي من الاخر
وحشني انت وميخا جدااااااااااا
...................................
البشمهندس الكبير عمنا
ربنا يكرمك ياجميل
بس الكلام ده كان للاتي :0
وجدت مدونين كثيرين بطلوا تدوين بالرغم من انهم هما اللي شجعوني علي التدوين في البداية وافول نجم كثير من المدونات المشهورة وكثرة المدونين بشكل غير طبيعي فكان يجب التذكير لنفسي ولغيري واخيرا
في رسالة جاءت لي من استاذي العزيز عصفور المدينة هي اللي حركت بداخلي هذه الامور
وبس
وربنا يحفظك ياهندسة والسنة الجاية ابقي فرحان فيك وانت في الكوشة

...................................
استاذي امام الجيل ربنا يكرمك يارب واتمني رؤية حضرتك في اي فرصة قريبة ان شاء الله
والنوايا
كان في اخ يقولنا كده
رجل بلا نية كخروف بلا لية
..................................
ام القسام حمد لله علي سلامتك يااستاذة ويارب تكوني بخير حال
كلامك سليم وربنا يتقبل دعائك بس هي فعلا هوجة ومش لازم نعمل زي مالناس بتعمل يابي الله علينا الا نعمل له ومن اجله
والسلام

Unknown يقول...

اليعقوبي باشا ايه سر البوست ده هاتغتال المدونين ولا ايه
متقلقش علي مستقبلك التدويني بعد الاعتقال الي هاعملهولك هامنعك من الكتابه و القرايه و اخلي الجعفري يعذبك

المدونين في منهم ناس محترمين جدآ و غالين اوي عليا و اتعلمت منهم حاجات كتير اوي و استفدت منهم بس مش هاقولك مين

يارب تكمل تدوين و تفضل انت و الجعفري وسطنا دايما علشان اتخانق معاكوا

تحياتي

بنت الصالحين يقول...

استاذنا اليعقوبي
جزاك الله خيرا علي التدوينه دي والله
وكتير فعلا بننسي الهدف من التدوين

رزقنا الله واياكم الاخلاص في الاقوال والافعال

Unknown يقول...

اخى الفاضل -- اختى الفاضلة
ادعوكم للتضامن مع دعوة الداعية الاسلامى الكبير ( عمرو خالد )والانضمام
الى ---- ( حملة حما يه ) ------
فى انتظاركم ولاتترددوا نحن فى حاجة اليكم
برجاء التواصل للمساهمة وشكرا لكم مقدما....للمزيد يمكنك زيارة مدونتى
او زيارة موقع عمرو خالد مباشرة

Empress appy يقول...

ايه ده انا اسمى مكتوب
ربنا يكرمك بجد والله انا سعيده جدا بمعرفتكم انت والجعفرى وبجد انتم ناس محترمه جدا وربنا عالم انا بستفيد منكم قد ايه ربنا يقرب افكارنا واتجاهتنا اكتر يا رب

مروة الزارع يقول...

ياااااااااااااة

انا مش مصدقة ان اسمى جة فى البوست عندك

بجد انا هتجيلى سكتة قلبية من الفرحة

غير معرف يقول...

السلام عليكم ورحمة الله وبركاته
أخى الكريم : الفاتح الجعفرى
بارك الله فيك
كلامك دخل القلب لأنه خارج من قلب صادق

أخوك
محمد

محمد عبد الرحمن يقول...

يا عالم محدش يسمع كلامه الأستاذ هو إنت يا عز باشا اليعقوبى أما أنا فأمامك وأمام الجعفرى مجرد مدون هاو وكاتب مبتدئ

حبيب قلبى
كتير أقرأ تدويناتك إنت وحبيبى الجعفرى وألاقى نفسى أقول
قولت اللى فى نفسى
تمام كده
بس ألاقى التعليق مش هيضيف حاجة فأسكت

بنوته مصرية يقول...

كدا برضة انت نسيتني انا كمان


كلامك مية مية

ربنا يوفقك
تحياتي لك
رودي

ياسر شمس الدين يقول...

تعالى يا باشا شوف المعركة اللى عندى
معلش ادخل ضرورى على حدوتة

Sally يقول...

جزاكم الله خير علي التذكرة

الفاتح اليعقوبي يقول...

السلام عليكم
استاذة ايمي
يااهلا بالمعارك فعلا يااستاذة لو تركنا لك التدوين فمع من ستتعاركين لااحد طبعا الا نحن وربنا يكرم حضرتك
.................................
عاشقة الفردوس
وجزاك يااستاذة وربنا يكرم حضرتك
وربنا يتقبل دعائك يارب
................................
استاذ حسن توفيق
ان شاء الله يااستاذنا وانا سعيد بزيارة حضرتك
...............................
استاذ ابي
ربنا يكرم حضرتك يااستاذة
بل نحن من نسعد بمعرفة الناس المحترمة دي كلها علي النت والتواصل معها
...............................
استاذة مروة الزارع
يااستاذة ربنا يكرم حضرتك ويحفظك يارب
وشكرا علي المرور ولما حضرتك هتجيلك سكتة قلبية يبقي هنستفيد من مين في مدونة السلطة
والسلام

الفاتح اليعقوبي يقول...

السلام عليكم
استاذي الكبير محمد الجرايحي
فينك يااستاذي اين انت وفعلا الجعفري صاحب قلب صادق ربنا يخده اسف ربنا يحفظه
.......................
استاذي الكبير جدااااا
محمد طال الليل
والله انت اللي استاذنا واستاذ عشرين واحد زينا وربنا يكرمك واسال الله ان يجمع ودنا في الدنيا والاخرة
..........................
بنوتة مصرية
ياسلام يااستاذة وهو انا اقدر انسي حضرتك ده ينفع ده حتي عيب
سعيد باول زيارة لحضرتك واتمني ان حضرتك تنورينا دايما
............................
عمي الكبير جدا ياسر باشا
جايلك يازعيم ويااهلا بالمعارك
........................
استاذة بالله المستعان
حمد لله علي السلام يااستاذة وعودا احمد للتدوين
وجزاك الله خيرا
والسلام

ابن حـجـر الـعـسـقـلانـى يقول...

أخى الكريم اليعقوبى

و الله انت شخص محترم جدا و جاد جدا و بجد كنت سعيد جدا لما قابلتك مع إننا ما اتكلمناش كتير ... و أنا كمان كنت حاسس ببعض الحرج و ما كنتش عارف أتكلم

و بجد عاجبنى فيكم انت و الجعفرى إنكم أهدافكم واضحة و أفكاركم مرتبة .. ربنا يكرمكم و يوفقكم

أنا تقريبا قرأت كل تدويناتك لكن أنا مقصر جدا فى التعليقات .. بجد اعذرنى لأنى فى الفترة الأخيرة مابابقاش فاضى حتى أرد على تعليقات الناس فى المدونة عندى

و مستنيين يا عم منكم كل جديد و كل جميل

روينا يقول...

جزاك الله خيرا
وشكرا على زيارتك لمدونتى
يشهد الله ان الكلام ده حاسه انه رساله من ربنا ليا
انا كنت ناويه اقفل المدونه بتعتى لانى مكنتش لاقيه لها نيه(العيب فيا مش فى المدونات ) وكنت حاسه ان المدونات ضرها اكبر من نفعها جزاك الله خيرا مره اخرى على النوايا اللى حضرتك اضفتها اللهم استعملنا ولا تستبدلنا
امين امين امين

أمير القلوب يقول...

أخي الكريم
الفاتح اليعقوبي
بارك الله فيك على هذه التذكرة الطيبة ونفع بك الإسلام والمسلمين
بس خلينا على بالك
حياك الله

ابن حـجـر الـعـسـقـلانـى يقول...

أنا بعت ليك إيميلين يا يعقوبى ... ابقى شوفهم الله يخليك

مسلم يقول...

جزاكم الله خيراً علي النصيحه

موضوع النيه ده بيأرقني شخصياً بس من بدري شويه؛ لدرجة إننا من أوائل البوستات كان بوست إسمه جاي هنا ليه

و انا من هؤلاء الذين ينقطعون عن التدوين لمدد طويله

ندعو الله الثبات علي الحق

جزاك الله خيراً

عاشــــــ النقاب ـقــــة"نونو" يقول...

بارك الله فيك
اذا كان كل حاجة ي حياتنا تبقى
منظمة ولها هدف ونبتغي فيها رضى الله سبحانه وتعالى طببعا هتفرق عن اي حاجة تانية والتدوين كمان لازم يكون برده له هدف ومنظم وبرده نفيس عن الواحد بس بما يرضي الله
لانه كل كلمة فيه لها تاثيرها
ولو اتحول التدوين في رايي لمملء فراغ وتضييع وقت وخلاص مش هيفرق عن اي منتدى من المنتديات اللي بنشوف اغلبها فاضية للتهريج وخلاص
وهيبقى زي قلته
والمدون اللي بيبطل يدون ممكن يكون حاسس انه مش بيضيف لا لفسه ولا للي حواليه اعتقد هو اللي بيختار يبطل لحد ما بيلاقي نفسه تاني ويدون المهم ان يبقى فيه هدف دة رايي الشخصي
بورك قلمك اخي
اعتذر عن تاخري في الزيارة لك كت متابعة

الفاتح اليعقوبي يقول...

السلام عليكم
استاذي بن حجر ربنا يكرمك ياجميل ويجازيك خيرا والاميل وصل ولا
.........................
استاذة رينا
ربنا يكرم حضرتك بس انا لم ازر مدونتك ولكنه الجعفري شريكي في المدونة والله اسال ان ينفع بنا جميعا
................................
استاذي امير القلوب
ربنا يجازيك خيرا يااستاذي واسف والله ان كنت مقصر مع مدونة حضرتك ولكن ادعو الله لي فالوقت متاكل عندي
......................
مسلم
والله يااحي موضوع النية هذات يؤرق اي شخص يخاف علي نفسه اسال الله لنا جميعا الاخلاص وانا زيك بانتقطع فترة عن التدوين برضه
ةلكن لعله خير فقط ارجو الا ننسي اهدافنا من التدوين
............................
عاشقة النقاب
ربناي يكرم حضرتك يااستاذة ويحفظك كلامك كله مظبوط
والسلام

ساندوا اخوانكم في القوقاز

ممدونات مهمة للغاية

المدونات دي لازم تعدوا عليها وساندوا اصحابها جزاهم الله خيرا

مدونة ارض الحرب جزا الله صاحبها خيرا

كلنا مقاومة

مدونة اولادنا امانة (كيف نربي الاجيال القادمة)

نشقي ليعز ديننا وتسعد امتنا

نشقي ليعز ديننا وتسعد امتنا

جماعة قاداتها شهداء منصورة باذن الله

جماعة قاداتها شهداء منصورة باذن الله

About Me

صورتي
اليعقوبي احد الفاتحين القادمين باذن الله واتمني انا ذلك كل مااسال الله عليه ان يثبتني علي دينه وعلي طريقه والااضل عنه وان يرضي عني

لغتي الجميلة هويتي واصلي وديني

لغتي الجميلة هويتي واصلي وديني

اللهم ارحم اخي علاء رحمة واسعة

اللهم ارحم  اخي علاء رحمة واسعة

اللهم ارحم اخانا رحمة واسعة واجمعنا به في مستقر رحمتك

اللهم ارحم اخانا رحمة واسعة واجمعنا به في مستقر رحمتك
نسالكم الدعاء لاخانا