الجمعة، 7 مارس 2008

عملية اسقاط

بسم الله والصلاة والسلام علي رسول الله صلي الله عليه وسلم
كيف احوالكم عاملين دعونا نرفع في هذه المرحلة شعار يااهلا بالمعارك فهذا هو وقت المعارك وان لم يكن الان فمتي سيكون
طيب دعونا نتخيل اننا جميعا في فريق واحد ودخل فينا جون بسبب المدافع مثلا فعاتبه زملائه وهذا طبيعي فبدلا من ان يتعتذر ويداري علي خطئه اخذ يكيل الاتهامات للجميع من اول لاعب الهجوم الي لاعب الوسط وكان هذا الهجوم بغرض مايسمي بعملية اسقاط
اي القاء التهم علي الغير في لحظات الخطا ليدافع الاخرين عن انفسهم ويحول موضوع الحوار الي الدفاع عن نفسك بدلا من معاتبة المخطئ
والناظر بتدقيق الي الشعب المصري يجد انه من افضل الشعوب التي تجيد هذه الخدعة او العملية المساة بالاسقاط
مثلا كنت انا واخ نكلم بعض الشباب عن قضية فلسطين وغزة فوجدت ادهم بدون سابق انذار يقول لنا بس انا مختلف مع فكر الاخوان المسلمين !!!!!!!!ا
مش عارف ايه اللي جاب الاخوان في الكلام بس اللي ضايقني اوي ان الاخ بدا يدافع عن الكلام اللي قاله الشاب وغير بهذا دفة الحوار لان بعضنا لايريد ان يشعر بالذنب فيلجا الي مثل هذا الاسلوب ،ولكن دعونا نقول ان الحل لمثل هذه المواقف هو رد الفعل العكسي او الهجوم المضاد يعني لا تترك احد يدير دفة الحوار معك او يذهب بك بعيدا عن المشكلة
ماالذي جعلني اقول مثل هذا الكلام الذي جعلني اقوله هو الهجمة الشرسة التي يتعرض لها الاخوان والتيارات الاسلامية علي النت من بعض العلمانين والمخبرين والمرضي النفسيين
كلام بعضه منطقي في الحوار وبعضه خزعبلي اوهام في رؤوس اصحابها لا يملكون بها دليلا ،فقد رايت احداهن تتحدث عن بدلة المرشد واخري تتحدث عن سيارته واخري تدعي ان الاخوان يبلغون عن انفسهم ليكسبوا تعاطف الناس والله يااخواني بحس ان ده مرض نفسي فعلا
والحق يقال ان هناك من يتناقش بادب ويختلف معنا بكل احترام ونقده منطقي في بعض الاوقات وهذا من يتناقش معه وهناك من يريد ان يتعرف علي هذا الكيان الذي يدعي الاخوان وهؤلاءا يضا فوق اعيينا وراسنا من فوق الي ان يعرفوا من هم الاخوان
وبالنظر الي كلام بعضهم تجد انه والله في صالح الجماعة من الناحية العملية فالشعب يكره الحزن الوطني ويكره العلمانين وبعض افراد الشعب يكره الاخوان نتيجة للهجمة الشرسة التي يتعرضوا لها وعند الالتقاء بهم يعلم كذب هذه الادعاءات فقد وجدت طلبة كثيرين عندنا في الكلية يستفسرون عن الاخوان وليه بيقولوا عليكم كده وليه الكلام ده وعند النقاش ولله الحمد الكثيرين يقتنعوا ويصطدموا بواقع ويحدث داخلهم شئ غريب ان الواقع ومعاملة هؤلاء الافراد غير الذي يكتب عنهم ولله الحمد فنحن قوم عمليون
واقول لاخواني اتقوا الله في تعاملكم مع الناس كونوا عنوان مشرف للجماعة في التعامل مع الناس فكم من رجل اساء الي كيان كبير بسبب سلوكه السئ وكم من رجل اتبعه وامن به كثيرين بسبب اخلاقه وادبه
واقول لاخواني لاتنجرفوا الي وصلات الشتيمة والخروج عن النص الموجود الان علي النت وردوا علي الناس في الوقع وتواصلوا مع الناس في كل مكان فالناس لاتعرف الا من يحترمها ويحترم عقلها ودعونا نرد علي امثال هؤلاء في ارض الواقع وفي ميادين الشعب ولاتنتصروا لانفسكم واكظموا غيظكم وان لابد من الرد فلنكن عنوان لهذا والله اسال ان يغفر لي اي اساءة اسئتها لاحد في لحظة غضب
والله غالب علي امره ولكن اكثر الناس لايعلمون
فكم من امثال اولئك فعلوا نفس فعلتهم ومات غيرهم ومات معهم ظلمهم وكذبهم وتبقي دعوة الله سواء بالاخوان اوغيرهم
فقط ادعو ان يثبتنا الله في الايام القادمة
والسلام
اليعقوبي

هناك 25 تعليقًا:

فرنسا هانم يقول...

اخشى ان تزيد تلك الحمله مع مرحله الانتخابات القادمه

مشروع انسان يقول...

اكرمك الله

فعلا كتير من الاخوة ممكن ينجرف وراء اللى بيحصل
وتاخده حماسته
لطريق غير الطريق اللى عايزه وناويه

الامور عايزة تروى بشكل اكبر
وهدوء شوية
هو صحيح اللى بيحصل فينا كتير
وخصوصا سلبية الشعب

بس مدام اختارنتا الطريق يبقى لازم نعرف انه صعب وشاق

مش شاق بس عشان اللى ضدك
لا عشان كمان اللى لا ضدك ولا معاك
ولا حاسس بيحصل ايه فى الدنيا

ربنا يعينا ويثبتنا

Unknown يقول...

ولا يهزك ياابو عز
وبعدين فعلا بااتغاظ جدا من موقف المدافع اللي كده
يعني انت ياعز اتسبعت ولبست كوبري ودخل فيك جون اخرص بقي ومتزودهاش واسكت انما بكل بجاحه تقول
ايه ياعم ده كان انفراااااد نقول لالا عيب
---------------------------
يابني الناس دي موجودين في كل زمان ومكان وبعدين هو احنا كلنا لو شعوب ايجابيه كان حالانا بفي كده
يابني لايصيب الله قوما الا بما يستحقوا
اهم حاجه ان يكون لنا هدف ورؤيه
وزي ماانت قولت الواقع لنا الواقع لابد ان نغيره انما اللي يكتب يكتب واللي يشتم يشتم
حسابهم عند ربهم
وجزاكم الله كل خير

عصفور المدينة يقول...

هؤلاء الذين يتركون المنطق ويتكلمون بلا منطق نقول عنهم
وما يسقطون إلا أنفسهم

عصفور المدينة يقول...

اتركوا جانبا الدفاع وتكلموا عن الأفكار والإنجازات

مهندس مصري بيحب مصر يقول...

سيبك انت
المهم قوة الحجة و المنطق السليم
و مع ده كله و قبله حسن الخلق و كظم الغيظ
و القدوة الحسنة
ربنا يهدينا كلنا لما فيه الخير

بنت الصالحين يقول...

اوجزت فاحسنت

جزاكم الله خيرا


وربنا يوحد صفوف المسلمين

الفاتح اليعقوبي يقول...

السلام عليكم
فرنسا هانم منورة يافندم ربنا يكرم حضرتك
الطبيعي حضرتك ان تزيد هذه الحملة وهي ليست الاولي ولن تكون الاخيرة ونحن لها باذن الله
يااهلا بالمعارك فالزمان يمضي والمكان يمر ويبقي صاحب النفس الاقوي وصاحب المنهج الاصوب
...................................
استاذي امام الجيل
ربنا يكرم حضرتك
كلامك ماشاء الله جميل جدا
الخطا ان ننجر الي ارضهم ولكن الاصوب ان نبثت علي ارضنا مهما حدث ولا ننخدع بتلك الترهات
وفعلا الطريق كله مشاق ومتاعب ربنا يثبتنا علي الحق ويصبرنا
يقول تعالي :(يابني اقم الصلاة وامر بالمعروف وانهي عن المنكر واصبر علي مااصابك ان ذلك لمن عزم الامور)0
وجزاك الله خيرا ياجميل
................................... حبيب قلبي جع جع
انا برضه اللي بيحصل في كده انت مشكلتك انك تعبان وبقيت احد اعمدة الدكة في المركز محدش بيرضي ياخدك وبتحاول تستدر عطف الناس عشان ياخدوك معاهم
ههههههههههههههه

كلامك صح يابن عمي الواقع لنا باذن الله والفيصل هو ارض العمل وليس ارض القول فما اسهل التنظير ولكن الامر مختلف فعلا في ارض الواقع والله المستعان و
لكن فعلا كما ذكر قببلك استاذ امام الجيل ان المشكلة الاكبر في سلبية الناس وعدم رغبتها في بذل مجهود في معرفة الحقيقة
وجزاك الله خيرا ياباشا
ومتخفش لما هانقسم بعد كده هبقي اخدك معايا
والسلام

الفاتح اليعقوبي يقول...

استاذي عصفور المدينة
ربنا يكرم حضرتك التحدث عن الاتنجازات الان هو الفيصل والافضل
وجزاك الله خيرا
...................................الهندسة المصرية كلها
ياباشا فعلا صاحب الحجة الاقوي والاهدي بالا في الحديث هو الذي سينتصر
..................................
استاذة عاشقة الفردوس
ربنا يكرم حضرتك واسال الله ان يتقبل منك دعائك
والسلام

محمد عبد الرحمن يقول...

حبيبى محمود

موضوع التدوينة متميز طبعا وسيكون تعليقى عليه فى نقاط
مسألة الهجوم على الإخوان ليست بالجديدة والمهاجمون إما لا يعرفون لهم فضلهم كفكر وجهاد وأخيرا كأشخاص
وهؤلاء أختلف معك فى أنك تعذرهم بجهلهم لأنه حتى مع جهلهم كان ينبغى لهم أن يطلبوا الحق من مظامه والمعلومة من مصادرها لا أن ينجرفوا خلف الدعايات المغرضة
والبقية حضرتك كفيت ووفيت فى الكلام عنهم

موضوع إدارة الحوار أوافقك فيه كل الموافقة
موضوع الدعوة بالقدوة أيضا أوافقك فيه كل الموافقة
خصوصا وأن أول ما أعجبنى فى الإخوان هو مدى تمسك من عرفت منهم بالخلق القويم


حبيبى
أنا إبتعدت لظروف خاصة وليس بسبب الغضب وأحاول الأن أن أجدد النشاط وتدارك ما فات

"النجم القادم" يقول...

السلام عليكم

بسم الله ماشاء الله
كلام ا اجمله
بالضبط هو ده الا مطلوب

لديك راى وانا لدى راى تعالى نتناقش بالادب ونتناقش بالمنطق

مش نتناقش بالشتيمة وقلة الادب

ورمى الناس بالاتهامات الجزافية الكاذبة

ولكن لكل منا رايه وتعليقه واتجاه لكن احترام الانسان فوق كل شئ

وربنا يعزك ياااااااااارب

تدوينة جميلة وانته اجمل

ربنا يباركلك

وخلينا نشوفك

محمود المصرى يقول...

بسم الله الرحمن الرحيم

هو دا عيب الانتماء للجماعة انت لو غلطت بتحمل وزر الجماعة كلها , لكن لما تكون مستقل بتحمل وزر نفسك فقط , لكن طبعا الالتزام والحرص على كظم الغيظ وتخير الكلام الحسن عند الخطاب مسالة لكل المسلمين , اتفق معك فى دعوتك التى دعوت الجميع اليها .
اما موضوع بدلة المرشد فمين اللى اتكلم عنها انا رأيى ان المرشد بدلته مش شيك بصراحة جايز اكون ماليش فى البدل اوى لكن دا رأيى ولازم تتقبله .

MerMaid يقول...

الفاتح اليعقوبي
-----------------
بجد انا مش عارفة اقول ايه
يعني انتوا تاعبكم قوي اللي بيتكلم علي بدلة المرشد وجزمته و شرابه ومش تاعبكم اللي بيحصل في البلد ككل
يعني تفرغتوا كلكم للرد علي اللي بيقول الكلام ده
و فيه واحد من المعلقين قبلي بيطالب الحوار يكون بهدوء و ادب وعقلانية و معرفش ايه وهو اصلا ولا يعرف اي حاجة عن الحاجات دي
يعني هو بيشتم في بنتين في مدوناتهم بدون وجه حق الا انهم غلطوا في المرشد
طيب المرشد ده شخصية عامة و معرض للنقد ومعرض للكره و معرض للشتيمة كمان
هو الناس مش بتشتم في الريس؟؟؟
هو الناس مش بتشتم في الحكام ككل؟؟
يعني دي حاجة عادية انه يتشتم
و بعدين هو بشر زينا زيه مش معصوم و مش جه بحاجة جديدة اصلا
يعني ربنا سبحانه وتعالي نزلنا الايات والسور واضحة لينا
للبشر كلهم مش خص ناس دون ناس
يا ايها الناس اتقوا ربكم

و بعدين انا الصراحة مش شايفة فرق بين الاخوان و بين اي جماعة اخري او حزب
كله بيدور علي مصلحة الحزب او الجماعة
و عامة في النهاية كلها مصالح شخصية
و بعدين انت بتقول

نحن قوم عمليون؟؟؟

زي ايه مثلا؟؟؟ ممكن تقوللي
يعني علشان استجوابات مجلس الشعب و طلبات الحاطة تبقوا عمليين؟؟

الشعب بيكره الحزب الوطني وبيكره العلمانيين

اصلا تلات اربع الشعب ميعرفش يعني ايه علمانية
ولا يعرفوا ايه هي مجهودات الحزب الوطني
يعني مينفعش تقول الشعب كله

و باقي الشعب بقي ؟؟ محب للاخوان او منتمي ليهم مش كدة؟؟

اصلا ايه هي فكرة الجماعة؟؟ اقامة دولة اسلامية تحكم بشرع الله
طيب ما حنا بنطبق شرع الله حاليا في حياتنا اليومية و في معاملاتنا مع بعضنا
ليه عاوزين نصعد دور الدين الي السياسة و خدمة السلطان؟؟
يعني تفسير الايات القرانية و الاستشهاد بيها في غير موضعها ده ليه؟؟
الحقيقة انا دمي محروق جدا حاليا اولا من النجم القادم ثانيا لان البعض منكم لا يقبل ابدا الخلاف ولا الاختلاف مع الاخر بل لازم يا تقنعك يا تقنعني
مينفعش طيب افضل زي مانا و تفضل زي مانت و محدش يقنع التاني بحاجة ولا بقكر و نفضل برضه علاقتنا طيبة و كويسة مع بعض ؟؟؟

خلاص بقي حلينا كل حاجة وناقص نتناقش حوالين جزمة المرشد و عربيته وبدلته
طيب و باقي اللبس و الوان الكرافتات بتاعته مش داخل النقاش ؟؟؟؟

بجد حاجة مستفزة يا يعقوبي
عارف انا ايه اللي مضايقني ؟؟؟

ان انتوا بتهاجموا اي حد بيهاجم المرشد بتاعكم يعني كانه نبي من الانبياء
ده اللي مضايقني

تقديس الرموز

--------------------------
بص يا يعقوبي
صداقتي ليك حاجة و اختلافي معاك حاجة تانية خالص
اختلافي معاك في الراي و في الاراء لا يعني تقليلي من احترامي ليك انت او الجعفري

و سلمللي عليه

تحياتي

أمير القلوب يقول...

أخي الكريم
الفاتح اليعقوبي
بارك الله فيك على تسليط الضوء على هذا الموضوع المهم
ولكن عندي نصيحة لكل من هو مهتم بأمر دينه ودعوته كنت سمعتها من أحد إخواني الكرام وهي أن من يحمل هم دعوته وتملئ عقله وقلبه معاً فلن يجد وقتاً للرد أو حتى التفكير في هذه التفاهات والقال والقيل ممن يريدون أن يشغلونا عن دعوتنا ولذلك وكما قلت على كل فرد أن بعلم ويتقن كيف يدير دفة الحوار وأن يوصل الفكرة التي يريد إيصالها وبأسلوب جيد
حياك الله

الفاتح اليعقوبي يقول...

السلام عليكم ورحمة الله وبركاته
استاذي محمد ربنا يكرمك يارب ويعزك
موافق حضرتك في كلامك فقط لايمكن ان اعيب علي احد انه لايعرف الاخوان بالشكل الصحيح ولكن دعونا جميعا نعيب علي من يقصر في حق دينه عليه ونترك الاخوان وغيرهم فالاصل اننا كلنا مسلمون ونعمل لدين الله
اما من يهاجمون الاخوان فان كانوا سيهاجمون بمنطق وعقل فاهلا بهم فالاخوان جزء من الامة وليسوا فوق النقد ولكن هناك بشر يداروا ضعفهم خلف مهاجمة الاخوان وهذه هي المشكلة
واعلم والله يااخي ظروفك وكان الله في عونك يارب
...................................
عمي النجم اللي عملنا مشاكل
ربنا يكرمك ياجميل علي التعليق فعلا محتاجين نهدي شوية ونرد بالمنطق لا بالتطاول علي احد
...................................
محمود المصري
اول زيارة وانا سعيدب ها جدا هو ده فعلا عيب وميزة الجماعة في كده ان ممكن واحد بس يحسن لها وممكن واحد بس يسئ لها
وبالنسبة لبدلة المرشد والله دي حريته يلبس بدلة يلبس اللي هو عايزه بس للاسف دي ناس تافهة مش لاقية حاجة تقولها وهما مالهم يلبس اللي هو عايزه ومليبسش اللي هو مش عايزه
وتمني زيارتك دائما لي في المدونة
والسلام

الفاتح اليعقوبي يقول...

استاذة هاجر
اولا يااستاذة مفيش اي زعل طالما اننا سنتكلم بمنطق
ثاينا لاتجادلي ولاتناقشي يااخت هاجر لان الجدال سيضيع وقتنا
بهزر طبعا انت تقولي اللي انت عايزاه
ندخل في المهم
___________________________________

بجد انا مش عارفة اقول ايه
يعني انتم تاعبكم قوي اللي بيتكلم علي بدلة المرشد وجزمته و شرابه ومش تاعبكم اللي بيحصل في البلد ككل
يعني تفرغتوا كلكم للرد علي اللي بيقول الكلام ده


.....
بصي يااستاذة نحن ولله الحمد نعمل من اجل بلادنا ويهمنا ويحزننا مايحزنها ونريد لها الخير وبيتعبنا والله اللي بيحصل في البلد ولما بنتكلم مبنخفش من احد ونقول ما فيه مصلحة للبلد وياما تناقشنا في هذا الامر ولكن ايضا المرشد وهو استاذنا حفظه الله مينفعش كل من هب ودب يشتم فيه ممكن تكون ناس لاتعرف عنه اي شئ مجرد ظنون كاذبة او مخلوق معقد نفسيا فعمال يشتم في المرشد

تاني حاجة انت بتتقولنا احنا الكلام ده ليه ماتقوليه للناس اللي رايحة بتنتقد في تفاهات لاطائل من ورائها بدلا من النظر الي حال البلد ولا هو كلام وخلاص وبعدين حضرتك انا لم اري لك تعليق تنتقدي فيه من اخذ في النقد في الاخوان باسباب تافهة وسطحية ولا ايه بالظبط !!!!!!!!!!!!0
__________________2_________________
فيه واحد من المعلقين قبلي بيطالب الحوار يكون بهدوء و ادب وعقلانية و معرفش ايه وهو اصلا ولا يعرف اي حاجة عن الحاجات دي
يعني هو بيشتم في بنتين في مدوناتهم بدون وجه حق الا انهم غلطوا في المرشد
طيب المرشد ده شخصية عامة و معرض للنقد ومعرض للكره و معرض للشتيمة كمان
هو الناس مش بتشتم في الريس؟؟؟
هو الناس مش بتشتم في الحكام ككل؟؟
يعني دي حاجة عادية انه يتشتم
و بعدين هو بشر زينا زيه مش معصوم و مش جه بحاجة جديدة اصلا
........
يااستاذة هاجر والله انا كلمت الاخ ده علي الميل وعاتبته بسبب الموضوع ده والجعفري منزل بوست عشان الكلام اللي صدر من اخوة لنا بسبب استفزاز البعض لهم ونحن لاندافع عن الخطا
دي حاجة تاني حاجة
معلش يااستاذة ماانت شفت البوست الغريب وشوفت التعليقات اللي علي البوست اللي انت عارفاه اللي حصل فيه ده كله مشفتش رد لحضرتك بالقوة دي ليه وهي بتقول علي الاخوان وبتصفهم بالنفاق اشقت عن قلوبهم والله لو حد من الاخوان قال كده لكانت الدنيا اتقلبت ومقعدتش كانوا هايقولوا الاخوان بيكفروا النسا وبيعملوا للناس والكلام الفاضي ده كله من نصبها حتي تكون قاضيا ولا بس عشان كانت بتتنتقد في الاخوان واحنا ملناش صحاب يسئلوا فينا رغم ان رد البوست بتاعها عندي في كلمتين بس
وهي مالها ايه اللي يخصها هي او غيرها باللي هي قالته ندخل الانتخابات مندخلش ايه اللي يخص سعادتها هي او غيرها ده شان داخل الاخوان واللي مش عجبوا الاخوان لا يتنتخبهم ولا يقف جنبهم
وبعدين برضه متزعليش مني اخي النجم القادم غلطان وهما ايضا غلطانين لما استاذة يفترض انها مصرية داخلة تقول ان بالنسبة لها
مصر تقعد تحت الاحتلال سنين ولا ان الاخوان يمسكوها ساعة
انا مش هاعلق فقط اقول منتهي الوطنية

وبعدين محدش قال ان المرشد فوق النقد ولكن ايضا من اراد النقد يجب ان يكون منطقي ومهذب في كلامه والا قفالصمت اولي له في فرق بين انك تحب او تنتقده او تكره او تقل ادبك عليه
لما داخلين بيقولوا عليه نصاب وبتاع تلات ورقات طيب هو نصب علي مين او سرق مين مش نوضح ولاهي السنة لاتعرف الفرق بين النقد والتجاوز وبعد كده الناس تزعل مننا واي حد لما بيشتم الريس وبيرزع فيه ويقولوا عليه كذا وكذا يكفي حال البلد الان ليستحق كل هذا الكلام واي نعم المرشد شخصية عامة زي ماقلت بس برضه التطاول له حدود وانا اقسم لك ان اغلب من يسبون هذا الرجل لايعرفون قدره
ويعني ايه مجاش بحاجة جديدة ايه الجديد في نظرك ومع احترامي الشخصي لحضرتك ولوجهة نظرك وهوفي مين الان في البلد كلها الا الاخوان يااستاذة دي اكبر جماعة سنية في العالم كله تعرفي يعني ايه اكبر جماعة سنية في العالم كله يااستاذة لما تقراي عن الكتب اللي سطرت اللي عمله عبدالناصر في الاخوان وتعرفي ان من اكثر من اذاهم عبدالناصر كان استاذ محمد مهدي عاكف واقراي لتعرفي هذا الرجل قضي ثلث حياته في المعتقلات تقدري تعيشيها دي ولا ؟؟؟؟؟؟؟؟؟
___________________________________

و بعدين انا الصراحة مش شايفة فرق بين الاخوان و بين اي جماعة اخري او حزب
كله بيدور علي مصلحة الحزب او الجماعة
و عامة في النهاية كلها مصالح شخصية
و بعدين انت بتقول
..............
لان اعتقد حضرتك لاتري الواقع المصري جيدا من اين تعرفي الفرق بين الاخوان وغيرهم يااستاذة نحن لانبحث عن مصلحة الجماعة والا لكان الاخوان الان علي كرسي الحكم نحن نبحث عن مصلحة ديننا وبلادنا واذا كان الاخوان كما تقولين لوضوعوا ايديهم في ايدي النظام الامريكي ولوصلوا الي الحكم
ومعلش اصل انا اعرف شخصية بتقولك علي الاخوان دول بتوع امريكا
في فرق بين امريكا كنظام وبين امريكا كمجتمع مدني ومنظمات لما يتعرف الفرق بينهم يبقي نتكلم بعدها
يااستاذة من الذين سطروا تاريخ مصر في القرن الماضي كانوا الاخوان واقراي عن دورهم في جهاد الانجليز في القناة وفي فلسطين وفي الثورة ولماذا اعتقلهم عبد الناصر ثم نتحدث بعدها عمن يبحث عن مصلحته وارجوك لاتفعلي كما فعلت السيدة الفاضلة صاحبة البوست والتي تقرا للجرائد الحكومية الفاشية وتقرا للشخصية المريضة اوالذي يدعي رفعت السعيد هداه الله
___________________________________

نحن قوم عمليون؟؟؟

زي ايه مثلا؟؟؟ ممكن تقوللي
يعني علشان استجوابات مجلس الشعب و طلبات الحاطة تبقوا عمليين؟؟
.....................
اقول لحضرتك
يعني من الاخر نرد علي راض الواقع ومبنتكلمش وبس يعني من الاخر قوة انتشارنا كبيرة جدا ولله الحمد زنرد بخلاقنا وتعاملنا مع الناس قد يخطئ بعضنا لاننا بشر ولكن الخطا لايعم
يااستاذة لولا اننا عمليون مانتشارنا في العالم العربي والاسلامي بهذه القوة
لولا اننا عمليون ونعمل نرد علي ارض الواقع لكنا انتهينا من زمان
ولكي مثال
ايام الملك اكبر ثلاث قوي في الشعب
الوفد والاخوان ومصر الفتاة
بعد الثورة
اليساريين وانتهت قوة الوفد والاخوان ولم يجد عبدالناصر معهم بد الا باعتقالهم بعد عبدالناصر
هزائم متكررة لليساريين وظهور نجم الاخوان بقوة
ثم عهد مبارك
الاخوان والحزن الوطني ويبقي الاخوان رغم التضييق والاعتقال الذي يصل في بعض الاوقات الي القتل

يعني اقصد ايه لو ان هذه جماعة من الجهال ومن الهتيفة لفنت من زمن بعيد ولكنها دعوة مرتبطةب الله عز وجل فرغم ماحدث لهم فلازالوا موجدين بقوة علي الساحة اي اننا نرد عاي ارض الوقاع ولانكتفي بالكلام
ولو نظرتي بدقة للذين يهاجمون الاخوان لن تجدي لهم ثقل شعبي
يااستاذة قد اقول كلام لايفترض ان اقوله ولكن مثلا عندنا في كليتنا ولله الحمد واتلفضل والمنة من عند الله قد يكون لي لوحدي تاثير علي عدد كبير من الطلبة كبير جدا وكذلك اخواني ويعرفوننا ويحبون الاخوان وبنزيد يوم عن التاني ولله الحمد رغم مايحدث للجماعة ___________________________________

اصلا ايه هي فكرة الجماعة؟؟ اقامة دولة اسلامية تحكم بشرع الله
طيب ما حنا بنطبق شرع الله حاليا في حياتنا اليومية و في معاملاتنا مع بعضنا
ليه عاوزين نصعد دور الدين الي السياسة و خدمة السلطان؟؟
يعني تفسير الايات القرانية و الاستشهاد بيها في غير موضعها ده ليه؟؟
.................
ههههههههههههههه
اسف جدا بس الكلام يضحك واين هو شرع الله الذي يطبق يااستاذة ده مش واخد بالي خالص
تقصدي الاعتقال بدون وجه حق
ولا تقصدي ظلم المواطنين
ولا تقصدي الغلا والفساد
ولا تقصدي المساجد اللي بتتقفل
ولاتقصدي الشيوخ اللي بيوقفوها وبيتركوا الرقاصات والكابريهات مفتوحة لحد تاني يوم والجامع يتقفل بعد الصلاة بربع ساعة والا يتبلغ عليك
ولاتقصدي التطبيع مع اليهود والارتماء في حضن دولة سافلة زي امريكا (الشيطان الاكبر)
رغم مدابحهم للمسلمين في كل مكان
ولا تقصدي البلد اللي هاتتورث
ومش عافر والله تقصدي ايه بالظبط بكلمة الشريعة اللي بتتطبق دي

اما مسئلة الدين والسياسة
فهي بسيطة للغاية لو عرفتي معني السياسة ومعني الدين ستعرفي وقتها ان السياسة بمفهومها الحالي هي جزء من الدين ومبدا فصل الدين عن الدولة هو نفسه فصل السياسة عن الدين كلاهما سواء والكلام ده ينفع مع مناهج منقوصة وليس مع الاسلام
اما استشهادنا بالايات والتني في غير موضعها
اي ايات تقصدين حضرتك حتي نعلمها وفقط اريد منك الاستشهاد الصحيح ؟؟؟؟؟
___________________________________

مينفعش طيب افضل زي مانا و تفضل زي مانت و محدش يقنع التاني بحاجة ولا بقكر و نفضل برضه علاقتنا طيبة و كويسة مع بعض ؟؟؟

خلاص بقي حلينا كل حاجة وناقص نتناقش حوالين جزمة المرشد و عربيته وبدلته
طيب و باقي اللبس و الوان الكرافتات بتاعته مش داخل النقاش ؟؟؟؟

.........................
يااستاذة براحة خالص كلام حضرتك مخالف للواقع هنا القصة ليست في الاختلاف ولكن القصة في من يختلفون والاختلاف سنة كونية فليس يومنا كله نهار وكله ليل
ولسنا كلنا ذكور وليس كلنا اناث واشكالنا مختلفة وعقولنا ومستويات ذكائنا مختلفة
ولكن الواجب هو احترام الاخر واسف يااستاذة حضرتك الكلام ده تقوليه لناس غريبة جدا بتحالو زي ماقلت في البوست تعمل عملية اسقاط عشان تتوه القضية كلها من اولها لاخرها
ليه النقد الشديد في الاخوان ده هو احنا اللي ماسكين البلد عشان نتهاجم بالشكل ده ولا يمكن احنا الحكومة والناس بتهاجمنا عشان احنا اللي خاربين البلد عايزين نبقي منطقيين شويتين في امرو خاصة بالجماعة محدش من برة الجماعة ليه دعوة بها واقصد هنا السياسات الخاصة بنا يعني نترشح في انتخابات منترشحش ده امر خاص بنا نحن صح ولاغلط وقد نقنع الناس بوجهة نظرنا اما فرك الجماعة فمن يريد الانتقاد فلينتقد بموضوعية مش بقلة ادب ويشتموا ويسبوا وكاننا ليس لنا هل ولسنا بشر فكما اننا نخطئ ونصيب فايضا نغضب اذا استفزنا احد


وبقولها لحضرتك تاني انت بتقولي الكلام ده ليا ليه دلوقتي بتاع جزمة المرشد وبدلته هوم انا اللي قلنا الكلام ده وعملنا بوستات عشان نتريق علي الراجل ونسبه بدون وجه حق الا باشياء في انفسنا اخرجناها يااستاذة في ناس مش لاقية حاجة تقولها في بعض الاوقات فعمالة تجيب من اليمين والشمال ومتعرفلهاش فكر ولا دماغ مجرد قد وكره وكرهوا الاخوان لذاتهم وليس فكرهم ومنهجهم
___________________________________

بجد حاجة مستفزة يا يعقوبي
عارف انا ايه اللي مضايقني ؟؟؟

ان انتوا بتهاجموا اي حد بيهاجم المرشد بتاعكم يعني كانه نبي من الانبياء
ده اللي مضايقني

تقديس الرموز
..................
واين الاستفزاز هنا نحن لانقدس احد فكل ياخذ منه ويرد عليه الا المعصوم صلي الله عليه وسلم
بس برضه الاستفزاز شئ صعب ومن حق الاخ علي اخاه هو رد غيبته يعني لو حد شتم حضرتك لازم ارد غيبتك
والمرشد يخطئ ولطالما توجه له انتقاد من داخل الجماعة نفسها والرجل يقبله ولكننا لاننشر غسيلنا علي الملاء فنحن اخوة في الله قبل كل شئ ولكن اذا كان النقد بدون وجه حق وبتجاوز فهذا الذي لايليق
صح ولا غلط

وعامة اسف ان كان كلامي بيبا فيه حدة ولكن للاسف هذا عيب في كتابتي للردود ولكن والله لم اقصد قط الاساءة
وجزك الله خيرا علي النصح يااستاذة وبالنسبة لمن اساءوا في الرد فوالله قد عاتبناهم ونرفض هذا الفعل تماما وهم اخطاوا ولكن لكي نكون منصفين ولانحمل معايير مزدوجة يجب ان نسرد كل من اخطا ونوضح للجميع من اين بدا اللغط اولا
والسلام استاذتي الفاضلة

غير معرف يقول...

راسلتك وصلت ، وأسلوبك رائع ، وكلامك منطقي جدا

بس أنا من نحيتي رغم أني ادعي اني انسان عقلاني جدا وصبور لأقصى حد ونفسي طويل ، إلا أنني مع هؤلاء أنقلب إلى العكس بالذات الي حججهم واهيه جدا ، ممكن دا يكون عيب عندي ابقى أحول أصلحه ان شاء الله ، بس الي بيخليني اعمل كده ان الناس دي قدمت الكتير قوي للبلد ، والي بيهاجمهوم مقدموش البديل ولا عايزين يقولوا ايه الحل ، لا أتصور أبدا أن يهان أمامي رمز محترم ايا كان هذا الرمز وأصمت .

الي بتقول بقى اننا اهتمينا بالدفاع عن المرشد وسبنا الباقي ، فعشان المرشد دا يمثل قيمة الأبوه فا مش لازم نسكت يعني معلش مش هسمع بابايا بيتهان واسكت

ومش عارف انا ليه هذا الكم من الحقد الأعمى والأسود على الاخوان

ربما انا مش اخوان وبعيد عن الاخوان تنظيميا من فتره طويله لكن دا ميدنيش الحق أبدا أني أهاجمهم بشكل فج وغير محترم زي ما بيعمل البعض ، الناس دي في الاخر ضحت كتير اوي ، والي ميعرفش يسأل قد ايه النقد الي بيوجه للجماعه من افرادها ويشوف هما بيتقبلوه ولا لا، عشان الجماعه ربت افرادها على كده

المشكله ياعزيز ان الناس دي بنت افكارها على سمع بسي يعني واحده جريت في دماغ واحده وواحد لعب في دماغ واحد وانجرت وراها بدون ادنى اعمال للعقل

وبعدين تلاقي الي بيتكلم ويقولك عرفونا وهتولنا حد يقعد معانا يفهمنا ولما تعمل كده وتزنقهم يقولك لا انا عايزحد من القيادات

طيب بلاش القيادات الي عايز يقعد مع المرشد مفيش اسهل من كده مكتب الارشاد مفتوح للجميع لمن يملك الشجاعه ويذهب ويروح يسأل ويفهم ويتحاور في الي هو عايزه

أنا مثلا لما بكون مختفلف مع الجماعه في حاجه ومش لاقي عقاد نافع بقوم طالع على مكتب الارشاد وبلاقي هناك كل حبوبفهم الي انا عايزه براحه وعلى اقل من مهلي ، مع ان الناس دي المفروض انها مش فاضيه لواحد زيي ، لكن عشان هما اتربوا وبيربوا على كده فلازم يعملوا كده


انا عندما اثور فأنا أثور كشاب مصري أصيل لا يحب أن يرى اهانة الرموز المحترمه ويسكت أما الي بيقولوا دا شخصيه عامه زيه زي حسني مبارك ، فطبعا عمر ما هيكون في وجه تشابه أبدا لان مينفعش نقارن بين لص وقاتل ومصاص للدماء ووبين اناس قضوا أعمراهم في الدفاع عن الوطن ايا كان انتمائهم

اما حسني فهو الي جاب اهانته لنفسه ويستاهل اكتر من كده

المشكله كمان يا أخي الفاضل ان الناس دي بتهري في نفس الكلام الي بيتقال بقاله 50 سنه حتى مفيش تجديد في الافترائات والاتهامات كأنهم بيرضعوها من صغرهم زي ما هي كده

ختاما يقول المثل العربي
إن الكلاب تعوي والقافلة تسير

khobayb يقول...

واقول لاخواني اتقوا الله في تعاملكم مع الناس كونوا عنوان مشرف للجماعة في التعامل مع الناس فكم من رجل اساء الي كيان كبير بسبب سلوكه السئ وكم من رجل اتبعه وامن به كثيرين بسبب اخلاقه وادبه

رائع يا أخي

شكرا جزيلا

---

اسمحلي أعلق تعليق صغير على التعليق المتميز لعروس البحر

:)

"و بعدين انا الصراحة مش شايفة فرق بين الاخوان و بين اي جماعة اخري او حزب
كله بيدور علي مصلحة الحزب او الجماعة"

ممتاز

جملة صحيحة تماما

وهو ده الفرق : المصلحة ، أو - خلينا نسميه - الهدف

اللي هدفه الفلوس مش زي اللي هدفه السلطة مش زي اللي هدفه عودة الإسلام مثلا

والأهداف ، لا يمكن نحكم عليها من تصرفات الأفراد ، لأن تصرفات الأفراد ممكن يكون فيها شبهة هوى أو احنا بنسئ تفسيرها

وإلا مثلا حكمنا على الإسلام - من واقع بناته اللي في الشوارع - إنه دين هدفه العري !!

أعتقد نحكم عليها من مناهجها ودساتيرها اللي اعتمدتها

ولا حضرتك رأيك ايه ؟

"النجم القادم" يقول...

السلام عليكم

استاذنا الفاضل

تحياتى لك وشكر على الرد الجميل

الاخت الفاضلة ميراميد

انا لا اعرف حضرتك ولكن اخى الفاضل قد رد على سيادتك فلن ارد انا

وتحياتى لكى

Empress appy يقول...

امممممممممم
ربنا يبارك فيك هو ده اللى عاوزة اقوله ان البعض يسئ وده غلط وبيدى فرصه لاى حد يتكلم ويكرهه ربنا يهدى الجميع يا يعقوبى وبعدين يا سيدى اللى يتكلم براحته بلاش دايما تاخدم موقع الدفاع انتم اصلا مش متهمين وانا بجد اتمنى ان كل الاخوان يكونوا بأخلاقك انت والجعفرى وعلى فكرة ده مش كلامى لوحدى كلام كل الناس اللى عرفتكم وانتعارف انى مش بعرف اجامل وكلام طوب

تــــايه ومش تـــايه يقول...

السلام عليكم
انا كنت عند الجعفرى وقريت بوست عن نفس الموضوع وانتم الاتنين يا ريت كتير من الناس تكون زيكو
ومن حقك ومن حق غيرك انو يعتقد اللى يعتقدو بس مش من حق حد فينا اننا نجرح فى بعض بالشكل ده طالما اننا بنقول غايتنا واحده .الناس اللى بتهيص وتشتم دى هما تيهين اصلا ومش عارفين هما عاوزين ايه ومعنهمش استعداد يسمعو

الفاتح اليعقوبي يقول...

السلام عليكم
استاذي امير القلوب
جزاك الله خيرا علي النصيحة يااستاذي
فعلا بعض الاوقات هو بيكون فضي وبس محتاجين نرد علي ارض الواقع ونعمل في صمت
وجزاك الله خيرا علي المرور يااستاذي
...................................
عبدالرحمن باشا فارس عمي وعم عيالي
ازيك ياجميل وحشني والله
بس والله في فعلا ناس بحترمها وبحترم اسلوبها في النقد وان اختلفنا في الراي ولكننا نحترم بعضنا واحترم اراءهم لاني اعلم ان اراءهم بغرض النصح والتصحيح وليس الكيد والكره مثل استاذة ميراميد فاننا نحترم رايها انا والجعفري وياسيدي زيارتك نورتني وذودتنا والله ياجميل
...................................
استاذي خبيب
ربنا يكرمك ياجميل وعايزين نشوفك
هههههههه
كلامك ماشاء الله جميل جدا بالتاكيد هناك فرق بين الجميع والاستاذة هاجر من الشخصيات اللي ربنا يكرمها فعلا ويجازيها خير
وحضرتك استاذنا وربنا يعزك يارب
والسلام

الفاتح اليعقوبي يقول...

عم النجم
عامل ايه ياباشا
ربنا يكرمك يارب وشكرا للاهتمام
...................................
ابي
ازي حضرتك يااستاذة عاملة ايه
ربنا يكرمك علي تعليقك واسال الله ان يجعلنا افضل مما يظن الناس ويستر عنهم مالا يعلمون
وربنا يكرم حضرتك
...................................
تايه ومش تايه
يادي النور ويادي الهنا ايه الحلاوة دي انا هاقفل المدونة كده باذن متكونش اخر زيارة
فعلا حكاية حرية الاعتقاد هذه يفترض انها مكفولة ولكن المشكلة فينا احنا وليس في الاختلاف ذاته
وربنا يكرمك ياسيدي
الامام البنا كان له كلمة رائعة
فلنتحد فيما اتفقنا عليه وليرحم بعضنا بعضا فيما اختلفنا فيه
والسلام

Unknown يقول...

أنا مش ناوي ادخل في نقاش عن الاخوان والسلفيين و...و...و
لاني زهقت منهم كلهم
والسبب والحل
أنا ان شاء الله افرد لهم بوست مع خلق الاتحاد

بس ياريت حضرتك تعرف ان الهجوم كل ما زاد على اي احد
فمعنى ذلك انه اصبح قوه
واصبحت شمسه اكثر سطوعا

وياريت الشمس دي تبقى شمس الاسلام
الاسلام وبس

بنت الاسلام يقول...

اخي الفاضل

الحق حقا

لا احد من البشر ملاك

الكل خطاء


ولنا ان نتقبل النقد

ونصلح من انفسنا

المهم ان يكون نقد بناء

وفي الاول والاخر

كلنا اصحاب هدف واحد

وهو مصلحة هذا الوطن

تحياتي

ساندوا اخوانكم في القوقاز

ممدونات مهمة للغاية

المدونات دي لازم تعدوا عليها وساندوا اصحابها جزاهم الله خيرا

مدونة ارض الحرب جزا الله صاحبها خيرا

كلنا مقاومة

مدونة اولادنا امانة (كيف نربي الاجيال القادمة)

نشقي ليعز ديننا وتسعد امتنا

نشقي ليعز ديننا وتسعد امتنا

جماعة قاداتها شهداء منصورة باذن الله

جماعة قاداتها شهداء منصورة باذن الله

About Me

صورتي
اليعقوبي احد الفاتحين القادمين باذن الله واتمني انا ذلك كل مااسال الله عليه ان يثبتني علي دينه وعلي طريقه والااضل عنه وان يرضي عني

لغتي الجميلة هويتي واصلي وديني

لغتي الجميلة هويتي واصلي وديني

اللهم ارحم اخي علاء رحمة واسعة

اللهم ارحم  اخي علاء رحمة واسعة

اللهم ارحم اخانا رحمة واسعة واجمعنا به في مستقر رحمتك

اللهم ارحم اخانا رحمة واسعة واجمعنا به في مستقر رحمتك
نسالكم الدعاء لاخانا