الاثنين، 10 ديسمبر 2007

تاج تاني تاج قرآني

بسم الله والصلاة والسلام علي رسول الله عليه من الله افضل الصلاة واتم التسليم
تاج من اختنا صانعه الحريه ولازم يتجاوب


الله المستعان

اجاباتي اليعقوبي هاتبقي بالاسود واجابات الاخ الثاني هاتبقي بالاحمر الجعفري

ماهى سورتك فى القران(اى احب سوره اليك تقرأها فى فرحك وفى حزنك)؟


سورة غافر احبها جدا

والله في صور كثيرة ولكني احب صورة الكهف وطه وسورة محمد

ماهى احب ايه اليك الايه التى دائما تتمناها؟


قوله تعالي (قل ياعبادي الذين اسرفوا علي انفسهم لاتقنطوا من رحمه الله)احبها جدا استشعر رحمه ربي وعظيم عفوه وهو اهل واهل واهل لها ان ربي وسع كل شيء رحمه وعلما

يقولتعالي:(وما اعجلك عن قومك ياموسي *قال هم اولاء علي اثري وعجلت اليك ربي لترضي)هذه الاية استشعر بها معني انه لم يحس بطعم الايمان من شعر بالوحدة وهو بمفرده حد فاهمني

ما هى اكثر ايه تخاف منها وتدعوا الله الا تكون من اصحابها؟


هذه الايه (يوم تقلب وجوههم في النار يقولون ياليتنا اطعنا الله واطعنا الرسولا)في اخر سوره الاحزاب


نعوذ بالله منها ونلجأ اليه منه سبحانه وتعالي

يقول تعالي:(هذا يوم لاينطقون *ولا يؤذن لهم فيعتذرون)ادعو الله لي الا اكون منهم

ما هى الايه التى تشعر بانها تتحدث عنك؟


لم احدث نفسي بهذا السؤال من قبل لكن عجبتني جدا اجابه اختنا صانعه الحريه


((واخرون اعترفوا بذنوبهم خلطوا عملا صالحا واخر سيئا عسى الله ان يتوب عليهم ان الله غفور رحيم

مش عارف والله بس انا بحس بحاجة تجي بعض ايات النار بحس انها بتتكلم علي وتاتي بعض ايات الجنة واحس انها ايضا تتكلم علي مش عارف والله الله المستعان ايات كثيرة

من هو احب صحابي واحب صحابيه اليك؟


سيدنا ابو بكر وامي ام المؤمنين حبيبه رسول الله امنا السيده خديجه

طبعا سيدنا ابوبكر الصديق رضي الله عنه وارضاه هذا الرجل احبه لانه احب الدين واحب الرسول عليه الصلاة والسلام حبا لم اري احدا يحبه من قبل

وطبعا الصحابة العشرة المبشرين بالجنة

وسيدنا انس بن النضر بحبه جدا بسبب موقفه يوم احد عندما قال اذا مات رسول الله فموتوا علي مامات عليه

اذا كنت على العهد النبى صلى الله عليه وسلم فمن كنت تحب ان تكون ولماذا؟


احب ان اكون سيدنا مصعب بن عمير


رجل رقيق القلب صادق النيه مجاهد مضحي فتح الله علي يديه دار الهجره بالدعوه والاخلاص


ومات شهيدا حامل للرايه رسول الله


اللهم احشرنا معهم يارب العالمين

زي سيدنا اسامة بن زيد او سيدنا علي بن ابي طالب

من احب نبى اليك بعد الحبيب صلى الله عليه وسلم؟



سيدنا ابراهيم خليل الرحمن وجد النبي وابا الانبياء عليه وعلي نبينا الصلاة والسلام

سيدنا موسي عليه وعلي نبينا افضل الصلاة والتسليم احس ان هذا النبي تحمل الكثير وسيدنا ابراهيم في اجاباته السريعة لله عز وجل طوال قصته وسيدنا لوط بعد سماعي لاية( اخرجوا ال لوط من قريتكم انهم اناس يتطهرون)بتعب لما بسمع الاية دي فبتخيل شعور سيدنا لوط ان ذنبه في هذه البلد الطهارة وبتخيل مدي فجر وكفر قريته

ما هو منتداك وموقعك المفضل؟


قصه الاسلام والموقع الشخصي للدكتور راغب السرجاني والموقعين يشرف عليهم الدكتور راغب


اما المنتديات ماليش منتدي مفضل

اخوان اون لاين وطريق الاسلام عندما اريد تنزيل شرائط جديدة

ماهي احب الاسماء التي تحب ان تنادي بها ؟


انا ليا اسميين واحد منهم دلع اتفرض عليا من وانا صغير وكل اصحابي القريبين واقاربي واهلي في المنزل بينادوني بيه وهقول عليه بس مش عايز تريقه ماشييييييي


هو هو هو (ميدو)شوفته الرخامه


بس اسمي الحقيقي هو الاحب اليه


احمد


فعلا هو الاسم الحبيب الي قلبي


وبحسه قوي علشان مبتنداش بيه كتير

هههههههههههههه

ميدو ياميدو هذا هو نشيد الاشبال عندنا كانوا بيقولوه ياشيخ ميدو ههههههههههههه

والله مش عارف كل واحد يعرفني يناديني باسم وخلاص انا بحب ايه اللي يريح الناس انما طبعا الاصل اللي بحبه اكتر محمود او عز

من هو كاتبك المفضل؟


الدكتور الصلابي


علي محمد الصلابي


كاتب ومحلل رائع في التاريخ الاسلامي


انصحكم بقرائه كتابه الدوله العثمانيه


هو كبير بس رائع

الامام البنا وكتابته كانت رائعة والشيخ ابوذر القلموني كتابه ففروا الي الله اعجبني واثر في كثيرا ومجدي مهنا العمود بتاعه في الممنوع بحترمه نوعا ما

مدون له فضل عليك او استفدت منه؟


طبعا اليعقوبي هو اللي دخلني عالم التدوين وانا اللي هخرجوه منه


واستاذنا حبيبي في الله عصفور المدينه


عمي جمعاوي روش طحن


راجل قرات ليه بوستين بالضبط هو


استاذي عمر محمود


اتأثرت بابوست بتاعه درس المحنه


بس انا اول مااقول مين بس احب افكر الشخص اللي معايا في المدونة اني صاحب نسبة ال51%في المدونة دي متنساش يعين ببساطة زي ماحطيتك هنا اعملك شيفت ديليت من علي المدونة

الاستاذ عصفور المدينة طبعا ربنا يكرمك ياابو يحي
في مدونة اسمها شيكو اون لاين دي اثرت في كثيرا مش بكتابتها ولكن باخر بوست ليها والتعليقات الي قبل ان يتوافاها الله رحمة الله عليها وعلي سائر المسلمين وناس كثيرين ربنا يجازيهم عني خيرا

من هو قاريء القرآن المفضل لديك؟


كتير فعلا بس بحب اوي


الشيخ ماهر المعيقلي


الشيخ مشاري راشد


الدكتور خالد ابوشادي

الشيخ مشاري راشد والشيخ العجمي والشيخ خالد ابو شادي

من هو منشدك المفضل؟


ايمن رمضان


خالد عبد القادر


طارق جابر

مشاري راشد وابو علي وابو خاطروطارق جابر0

ماهو نشيدك المفضل؟


ملكنا هذه الدنيا القرونا


نم في سلام

غرباء وسنخوض معاركنا معهم ونم في سلام ولبيك اسلام البطولة وان شاء الله هاشغلهم في فرحي يوم مااتزوج بجد مش بهزار

اذا كان لك دعوه واحده تدعوهاوستتحقق فبماذا ستدعوا؟


اللهم ارزقني مرافقه النبي في الجنه

اللهم ارزقني عيشة السعداء وموت الشهداء ومرافقة الصالحين والصديقين والانبياء والشهداء

من هو الداعيه المفضل لديك او شيخك المفضل؟


الدكتور راغب السرجاني


يارب اجزيه عني وعن الاسلام والمسلمين خير


الراجل ده فعلا عالم قوي جدا في التاريخ الاسلامي


ورئيس قسم المسالك البوليه في طب القصر العيني


يعني جمع بين العلم الشرعي والدنيوي


وتفوق في كليهما


انصحكم بسماع سلسله


الاندلس من الفتح الي السقوط

الشيخ محمد حسان والشيخ عبدالحميد كشك والدكتور راغب السرجاني

ماهي اكثر عباده تشعرك انك قريب جدا من الله ؟


قيام الليل منفردا في اخر الليل


لما اعملها بحس اني قريب اوي من ربنا


ولما بسمع دروس في الرقائق


بعدها برده بشعر بنفس الشعور

السجود بعض الاوقات بحس اني لما بسجد ابقي مش عايز اقوم من السجود بالذات لو اذنبت واسرفت علي نفسي وبكيت شعور لايوصف

ماهو املك في الحياه؟


ان يستخدمني الله في حمل دعوته والدفاع عنها


حتي القاه شهيدا وهو راض عني

ان يجعلني الله سببا في نصرة هذا الدين ثم اموت واقتل في سبيله

والله المستعان

من احب افراد عائلتك اليك؟


احنا عائله صغيره علشان كده كلنا قريبين من بعض


احنا 4 افراد انا واخويا وبابا وماما


وبحب بابا وماما الاتنين قد بعض علشان محدش يزعل

بحبهم كلهم بس كانت ستي الله يرحمها بحبها اوي والان بعد ابي وامي خالتي بفضفض معاها

هتمرر التاج لمين؟


لجمعاوي روش طحن


للجمعاوي الاصيل


لابن الاسكندريه


عاشقة الفردوس
دعوة الفردوس
ايمي وكوكا
والاستاذة شذي
استاذ عمر محمود
خبيب ود/نصيف
الضاكتور خالد
استاذة اميرة محمد محمد محمد
بارسم بالرصاص
احمد الصباغ
كل واحد يدخل علي


المدونه
بجد
لازم ياخذ التاج

هناك 32 تعليقًا:

دعوة الفردوس يقول...

الله أكبر أول تعليق
لولولولوي

التاج ده عاجبني جداااا
وبجد أختنا صانعة الحرية ممتازة فيه
ربنا يبارك فيكوا ويرزقكم الصدق والأخلاص
وحلوه حتة هو اللي دخلني التدوين وأنا اللي هطلعه منه

بس لو الأخ اليعقوبي له نسبة 51% من الأسهم يبقى هو الآمر الناهي

انتوا بتمررولي التاج وانا اصلا صانعة الحرية مررتهولي وفي واحد من قبله بتاع لو وانا الصراحه مش لاقيه وقت اجاوب حاجه ده حتى حلقات خدعونا فعلمونا اللي الاخ الفقير وأنا بنعملها سوا والمفروض الحلقه الجايه عليا ومش لاقيه وقت وربنا وشويه والأخ الفقير هيطرني من المدونة
أصل هو ساحب نسبة الـ 51%
أما الأختين الاخرتين
رمينا طوبتهم من زمان
كفايه رغي بقى
سلام

دكتور حر يقول...

الله الله الله

الله ينور عالرجاله
ايوه كده

هي دي امة النبي عليخ الصلاة والسلام
بس الافندي اللي عايز يشغل في فرحه سنخوض معاركنا معهم ده ناوي على ايه بالضبط

بكره تبقى عامل زي الفرخه

وهبقى أفكرك

ربنا يبارك في اخوكم يا رب
بس هو يعني المدونه بتاعتكم مفيهاش الا الاسود والاحمر بس

يا منايفه؟

عصفور المدينة يقول...

شفت يا محمود نصيحة الدكتور محمد فرخة أه انا ماقلتلكش إن الموضوع للدرجة دي

بس ما قلتش هما مين اللي سنخوض معاركنا معهم

إجاباتكم جميلة والأخ التاني ابو 49
لو اتلغت المدونة يشرفنا أي مدونة مستعدية تستقبله ونلم عليه تبرعات كمان

انتم جمال جدا بس لو دست شفت ديليت ابقوا قولوا حترموها فين المدونة دي عشان نروح ننقذها

عمر محمود يقول...

أولاً شكراً لذوقك وأخوتك الجميلة ... بجد يا ريت نتعرف
كل عام وأنت بخير
لو عاوز تروح تحج اتفضل نورنا

ابن حـجـر الـعـسـقـلانـى يقول...

إن شاء الله ربنا يكرمنا كدة و ندخل الجنة .. و أعتقد لو اجتمعنا مع بعضنا فى الجنة .. هالاقيكم لسة بتناكفوا بعض زى ما انتم هنا

ربنا يجعلنا مع النبيين و الصديقين و الشهداء و الصالحين

Unknown يقول...

اختنا دعوه الفردوس
جزاكم الله خير
مش مهم حضرتيك تجاوبي التاج دلوقتي ممكن تجاوبيه بعد العيد
او في الاجازه
وعز يبقي الامر الناهي
لاحول ولاقوه الابالله
51%دي نسبه صوريه بس علشان هو اللي عمل المدونه
وبعدين انا مسكه في حجات تانيه
لو لعب بديله هضيعه
وجزاكم الله خير

Unknown يقول...

يادكتور محمد
ربنا يكون في عون اللي هتجوز عز
واحده فعلا لازم تكون مجاهده وصابره
وانصحها تشغل نشيد
من يوقف حقدا اسود
وهم وغم
علشان التاني ده يستريح
ومالهم المنايفه
علي فكره انا بس اللي منوفي
واقل واحد فينا رئيس جمهوريه
وربنا يباركلك يادكتور ويعزك

Unknown يقول...

استاذي عصفور المدينه
الحمد لله لي ضهر اتسند عليه علشان عز ميقعدش يرغي كتير
ويعرف ان بيجيلي عقود احتراف خارجيه وانا هتنطط عليه وهعمله تسعيره
البوست ب6,75 قرش
والتعليق ب2,25 قرش
هياعز ولا اسيبك واطلع بره
واشوف مستقبلي
وجزاكم الله خير يااستاذنا

Unknown يقول...

استاذ عمر
ربنا يبارك فيك يارب
والله انايشرفني ان انا اتعرف علي حضرتك
وان شاء الله هعمل ايميل علي الهوت ميل وابعتوه لحضرتك
انا الايميل بتاعي علي الياهو مبستخدموش كتير
وحاضر جي اخد التأشيره
وجزاكم الله خير

Unknown يقول...

استاذنا بن حجر
امين يارب العالمين
وعز مش هيبقي فضيلنا هتلاقي
طالع يجري وري الحور العين
ياهتلاقي عمال يلغ كالعاده
جمعنا الله جميعا في جنته مع نبيه واصحابه
وجزاكم الله خير

khobayb يقول...

مشكور يا حبيبي على تمرير التاج
التاج رائع
والإجابات أروع
--
وحركة الإجابتين بلونين مختلفين حركة لذيذة وغالبا هنقلدها عندنا ( الحال من بعضه )
--
بس سيبتو ايه للي بعدكو يقوله ؟
:)

صانعة الحرية يقول...

ههههههههههههههههههههههههههههه
الاجابات رائعه والتعليقات اروع
حلو الاحتراف بره دى
ربنا يعزكم والله ببقى سعيده جدا لما بشوف حبكم فى الله ده
ربنا يبارك فيكم يارب
وجزاكم الله خيرا على اجابة التاج
اما عن الايه
فلم اشعر بها الا فى رمضا ن يمكن لان كان لى مع بابا ختمه تفكر فحسيت بالمعنى ده لاول مره
وجزاكم الله خيرا

ارسم بالرصاص يقول...

السلام عليكم ورحمة الله و بركاته
والله وأنا سعادتي اكتملت بإهداء هذا التاج الى و فعلا متشكرة جدا علي الثقة اللي حضرتك وضعتها فيا
وإن شاء الله أكون عند حسن ظنك

مشروع انسان يقول...

جزاكما الله خيرا
ورزقكم الله بذلك القلب الحى النابض
كنت لسه بكتب تعليق فى البوست
اللى فات ليكم بس النت فص
وملحقتش
بجد ربنا يكرمكم خير صحبة
ربنا يخليكم لبعض

Coca يقول...

عذرا للتأخير

اولا كل سنه والجعفري بخير يارب
حقا طفوله مشرده

التاج دا جميل اول مره اشوفه
ان شاء الله ننزل قريبا بالاسواق

انا كنت عايزه اسال علي حاجه معلش

اولا ليه التسميه بتاعتكوا الفاتحان نسبه للفتح
هي ايه فكره الفتح نفسها
معلش يا استاذ عز ويا احمد
جهل بس احب اعرف منكم

الفاتح اليعقوبي يقول...

السلام عليكم
خبيب
ياسعدي ياهناي خبيب عندنا
يافندم شفت انا اللي اصطدك الاول في تاج اي خدمة

يااستاذنا والله ربنا يكرمك انت استاذنا فيه حاجات كثيرة طوال بنا نفس

والسلام اخي الفاضل

الفاتح اليعقوبي يقول...

صانعة الحرية
ربنا يكرم حضرتك ويعينك علي طاعته اه فعلا احنا بنحب بعض في الله جدااااااا
بس الفكرة ان ده هزارنا مع بعض
والسلام

الفاتح اليعقوبي يقول...

بارسم بالرصاص
الشكر لله يااستاذة بس ثقة ايه وبتاع ايه؟؟؟؟؟؟
دي مش مهمة وطنية يااستاذة ده تاج عادي ربنا يعينك وتوجاوبيه افضل جواب
والسلام

الفاتح اليعقوبي يقول...

امام الجيل
عمنا الكبير واستاذنا عامل ايه يافندم

انت بترد لي اللي حصل معايا ماشي
شكرا علي فكرة دخلت علقت عندك ودخلت بعدها ملقيتش التعليق مش عارف عفاريت ايه اللي سارحة في النت اليومين دول


ربنا يتقبل منك ويعفو عنا وعنك يارب
والسلام

الفاتح اليعقوبي يقول...

كوكا
اول حاجة محدش يقول علي طفولة الجعفري انها مشردة لانها مش كده لو وجدنا كلمة ابشع من مشردة ممكن نضعها

تاني حاجة
وحضرتك بصحة وعافية

تالت حاجة
لماذا الفاتحان طيب؟؟؟
نفسنا نبقي من جنود نصرة هذا الدين ويفتح الله علي يدينا ماعجز عنه الكثير وفقط نستخدم في رجوع الاراضي الاسلامية المغتصبة
ونكون مجاهدين فاتحين لان الجهاد حلم اسال الله ان يتحقق لنا جميعا


وفي الاخر سؤال بسيط
ليه كوكا؟؟؟؟؟؟؟؟
مستني الرد
من حقي مرة اسال
والسلام

جمعاوى يقول...

على فكرة تامن مرة أحط التعليق و النت يفصل
بقالى يومين مش عارف أعلق

ما علينا



البشوات الكبارررر

واحد بنسبة 51% يعنى ناجح بالعافية

ة التانى بنسبة 49 % يعنى شايل مادتيين


هاهاهاهاها

منورين يا رجالة


اللهم بارك إخوتكم


أما عن إجابات التاج

فلو ماكنتوش جاوبتوا كده

يبقى إنتوا مش

اليعقوبى و الجعفرى


ماشى يا ميدو


هاهاهاها

قال ميدو قال


إخص ع الرجالة

Unknown يقول...

ماشي ياعم جمعاوي
ليك يوم
وبعدين ماله ميدو ماهو مقطع الدنيا بره مع توتنهام ومدلزبره
يعني نجم كبير
والاشبال عندنا كانوا بيقولولي ياشيخ ميدو
وتيجي الامهات والاباء يسئلوا الشيخ المحفظ اللي ماسك المسجديقولوا هو فين الشيخ ميدو
الشيخ كان بيزعل جدا ويقولي يابني انت كبرت علي ميدو دي
اقول له ياشيخنا مكرها اخاك لابطل هعمل ايه يعني
والنشيد زي ماقالك عز
ميدو ياميدو
العيال فضحني بيه كل اما نروح في حته
يالا الله يسامح اللي كان السبب
وبعدين مسيري اعرف اسم الدلع اللي كانت بتناديك بيه الممرضه وساعتها عينك ماتشوف الاالنور
هات دراعك هه
ماشي ياجمعاوي ليك يوم
وهتشوف

ابو صهيب ( الجمعاوي الاصيل)سابقاً يقول...

اهلاً اهلاُ اهلأ

البشوات الكبار اوي اوي اوي

ايه الحلاوة والجمال ده

ولا ايه ياميدو

الا قولي هو ميدو ده من ايه

هههههههههههههههههههه

تم استلام التاج من صانعة الحرية والرد عليه

أميرة محمد محمد محمد يقول...

ربنا يكرمكم انتم الاثنين ويخليكوا لبعض
اجاباتكم جميله
الفاتح اليعقوبي بيقول انكم متفاهمين علي الرغم من اختلاف الشخصيات
انا اعتقد ان الفاتح الجعفري(الاخ احمد)ربنا كرمه وحرمه من صفة السخريه المميزه لاخونا اليعقوبي
انا بقيت بعمل حساب تعليقاتك وباخدها علي اساس تدريب علي كظم الغيظ ههههههههههه
شكرا علي التاج

Coca يقول...

اليعقوبي

ببساطه شديده دا كان اسمي اللي بابا كان بيحب يناديني بيه الله يرحمه

وهو كان اول اسم دلع ليا ايام الطفوله المشرده بردو

Unknown يقول...

اهلين اهلين اخ ميخا
وبعدين بقي انا قولت مش عايز تريقه
تيجي منك انت
انا كنت خايف من جمعاوي
طلع الجمعاويه كلهم واحد
ماشي ياعمنا ليك يوم برده
وكله محطوط في اللسته
وجي اعلق عندك دلوقتي

Unknown يقول...

استاذه اميره
ربنا يبارك في حضرتيك
اعتقد ان الاختلاف في الشخصيات بيني وبين اليعقوبي هو اساس التفاهم بينا غير العشره والجيره والاخوه في الله كحل ده برده
وطبعا قبل كل ده القلوب جند من جنود الله من تعارف منها ائتلف ومن تنافر منها اختلف
وفعلا عز اسلوبه ساخر شويه عني بس ميهمكيش منه ادخلي فيه شمال ومتكظميش غيظك ولاحاجه اليعقوبي عامل زي الارض لازم تتسبغ علشان تنتج
وان شاء الله مسنيين اجابه التاج
وجزاكم الله خير

Unknown يقول...

استاذه كوكا ربنا يبارك في حضرتيك
والفاتحان ليه؟
زي ما عز قال كده
هو حلم وامنيه وافتقار الي الله ان يستخدمنا
ويفتح بنا كما يحب سبحانه وتعالي
يفتح بنا في دعوته
في الجهاد
في العلم
في اي مجال
المهم اننا نقدم لدين ربنا حاجه
نعرف نقف بين يديه بها
صدقيني لو الواحد عمل حساب الوقوف بين يدي الله هتفرق معاه
الامام علي يقول
اني لاعلم اناس يتساقط لحم وجهها خجلا من الله
تخيلي ربنا لما يسألنا
ماذا قدمنا لدينه
ماذا اجبنا نبيه
اللهم اجعل اعمالنا تجيب عنا
ثانيا ماله اسم كوكا
ماكلنا بندلع من والدينا
علي فكره النبي كان بيدلع السيده عائشه
كان يقول لها ياعائش
اه الدلع علي ايامهم كان كده
النبي والصحابه كانوا بيدلعوا زوجاتهم وبيحبوهم جدا بس للاسف في ناس دايما تصور الاسلام علي انه ارهاب وتعصب وجهل
ابدا والله ده حب ورحمه وعدل
وجزاكم الله خير استاذه كوكا

Sally يقول...

اليعقوبي ... الجعفري
جزاكم الله خير
وجعلكم من اهل القران
ردودكم جميله جدا
ما شاء الله

بنت الصالحين يقول...

ماشاء الله تاج تاااااااااااااااانى
ايه ده تاجين ليا مره واحده فى اسبوع واحد
يلا خير خير

بس بجد
على الرغم ان فيه متناقضات كتير الا ان برده تحس ان فيه تشابه كبير بينكم
ماشاء الله ولا قوة الا بالله
اللهم كما جمعكم فى الدنيا على محبته يجمعكم فى الاخره فى ظل عرشه

بس بجد اجابات هايله
جزاكم الله خيرا
ثبتكم الله واعانكم

الفاتح اليعقوبي يقول...

السلام عليكم
استاذة رؤية
جزانا واياكم يااستاذة

امين ان شاء الله

حضرتك لازم تاخذي هذا التاج
مستنين اجاباته
ماشي يااستاذة

والسلام

الفاتح اليعقوبي يقول...

عاشقة الفردوس

تاج تاني اهو خير مفيش مشكلة اي خدمة
هذا فقط لعملاء يارب ثبات علي طريقك


هو في تشابه كبير بينا في الفكر والفهم بس بنختلف كتير امر عادي

وجزانا واياكم يااستاذة
ربنا يكرم حضرتك
والسلام

ساندوا اخوانكم في القوقاز

ممدونات مهمة للغاية

المدونات دي لازم تعدوا عليها وساندوا اصحابها جزاهم الله خيرا

مدونة ارض الحرب جزا الله صاحبها خيرا

كلنا مقاومة

مدونة اولادنا امانة (كيف نربي الاجيال القادمة)

نشقي ليعز ديننا وتسعد امتنا

نشقي ليعز ديننا وتسعد امتنا

جماعة قاداتها شهداء منصورة باذن الله

جماعة قاداتها شهداء منصورة باذن الله

About Me

صورتي
اليعقوبي احد الفاتحين القادمين باذن الله واتمني انا ذلك كل مااسال الله عليه ان يثبتني علي دينه وعلي طريقه والااضل عنه وان يرضي عني

لغتي الجميلة هويتي واصلي وديني

لغتي الجميلة هويتي واصلي وديني

اللهم ارحم اخي علاء رحمة واسعة

اللهم ارحم  اخي علاء رحمة واسعة

اللهم ارحم اخانا رحمة واسعة واجمعنا به في مستقر رحمتك

اللهم ارحم اخانا رحمة واسعة واجمعنا به في مستقر رحمتك
نسالكم الدعاء لاخانا