الثلاثاء، 11 ديسمبر 2007

العلمانيين (عاصفه النار)1

بسم الله ...والصلاة والسلام علي رسول الله
ياستير يارب ايه ياعم العنوان ده عاصفه النار ...ايه ياعم انت احنا حاسيين اننا بنتفرج علي فيلم اجنبي رعب فيه ايه
لالا ده مجرد عنوان حركي مش اكتر علشان الموضوع مهم شويه
ايه بقي حكايه العلمانيين؟ ....اه والله انا بقي نفسي اعرف ايه حكايه العلمانيه دي وطلعت ازاي وازاي الفكره توغلت في مجتماعتنا
علشان كده انا قررت اقرأ شويه عنها وبافعل جبت كتب تتناولها ثم قررت اتناول الموضوع واعرضه ليكم
ليه بقي؟
علشان الاسباب الاتيه :
1-خطوره العلمانيه الشديده علي العقيده الاسلاميه
2-خوف والله علي الشباب من ان ينساقوا ورائها وينبهروا بتلك الفكره الضاله
3-المعركه الفكريه لاتزال مستمره بين الاسلاميين والعلمانيين
4-عرض حجج وادله ومعلومات قد تفيد البعض اذا تعرض لمواجهه فكريه من اي نوع
5-دفاع عن شموليه الاسلام وتبيين ان العلمانيه ضد الاسلام وشموليته
6- والاهم حتي يرضي الله حتي يرضي الله حتي يرضي الله
مستعدين يلا نطلق عاصفه النار يلالالالالالا
زززززززززززززززززززوووووووووووووووووووووووووووووووهههههههههههههههههههههههههههههههههههااااااااااااااااااااااااااااااااااااااااااا طرخ
بسم الله نبدأ
العلمانيه ذلك الشر المستطير الذي ابتلي الله به تلك البلاد وكأنه كان ينقصهم ماهم فيه من البلاء حتي تظهر تلك الفئه لتضل الناس ويسمع لها بعض الشباب فكان حتما لاهل الاسلام ان يتصدوا لهم وهو ماحدث في اوائل السبعينيات الي اوائل الثمانينات وبفضل الله وبرحمته هزم العلمانيون شر هزيمه ولعلها كانت الطامه الكبري علي العلمانيين والعلمانيه تلك المناظره الشهيره بدار الحكمه(مقر نقابه الاطباء)بين الاسلاميين والعلمانيين
وقد مثل الاسلاميين الشيخ محمد الغزالي رحمه الله ومثل العلمانيين محامي العلمانيه الشهير دكتور فؤاد زكريا وبفضل الله كان صوت الاسلاميين هو الاعلي وحجتهم هي الاقوي وان حاول فؤاد زكريا التملص من الهزيمه فلم يفلح ,واظهر الله الحق وبطل الباطل وكانت هذه المناظره بحق قد قسمت ظهر العلمانيين
ولكن الان صوتهم ارتفع ويحاولون الدخول الي عقول الشباب ودائما ما تراهم يصمون غيرهم بالجهل والتخلف والرجعيه ويدعون العلم والمعرفه والحريه وانهم لكاذبون بل تري بعضهم يطترف وحتي يقنع الشباب بفكرته يقول ان النبي صلي الله عليه وسلم كان علمانيا ولاحول ولاقوة الابالله يالله رحماك حتي النبي لم ينجوا من تدليسهم تخيلوا
فحاش لله ونعوذبه ان نقول هذا علي نبينا الكري
العلمانيه
ماهي العلمانيه
secularism
كما تم التعريف بها في المعجم الجديد(اتجاه في الحياه اوفي اي شأن خاص ,يقوم علي مبدأان الدين او الاعتبارات الدينيه ,يجب الاتتدخل في الحكومه او استبعاد هذه الاعتبارات استبعادا مقصودا فهي تعني السياسه اللادينيه البحته في الحكومه)وهي نظام اجتماعي في الاخلاق مؤسس علي فكره وجوب القيم السلوكيه والخلقيه ,علي اعتبارات الحياه المعاصره والتضامن الاجتماعي دون النظر الي الدين
وكما يصفها المستشرق -اربري- ان الماديه والعلمانيه والانسانيه والمذهب الطبيعي والوضعيه كلها اشكال للادينيه
والعلمانيه قسمان تبعا لموقفها من الدين
1-علمانيه محايده (الليبراليه)
2-علمانيه معانده(الماركسيه)
طبعا المحايده دي مش كويسه بس اخف وطئه من الاخري
اين نشئت العلمانيه ؟
نشئت في اوروبا
وقد تكون العلمانيه مبرره في اوروبا المسيحيه لماذا؟
طبعا كلنا عارفين ان اوربا في عصور الظلام كانت تحكمها الملكيه والاستبداد والطغيان وكانت الكنيسه تتحكم في جميع شئون الحياه وكانت هي الامر الناهي وكان البابا بالنسبه لتلك الشعوب هو كالرب يحرم لهم مايشاء ويحل لهم مايشاء وكانت الكنيسه لاتقبل اي نوع من انواع التدخل العقلي في شئون الحياه وكان كل من يحاول ان يبدي اي مظهر من التخل العقلي او البحث العلمي كان يعتبر مارق كافر وكان يعرض الي اشد الوان التعذيب لدرجه انه كان يحرق بالنار وهذه القصه الشهيره مع جاليليو عندما نادي ان الارض كرويه فأحرقوه بينما كان في بلاد الاسلام الامام بن حزم الاندلسي يتكلم في كتابه (الفصل في الملل والنحل)عن كرويه الارض بمنتهي السلاسه ولاعذب ولااحرق
بل والادهي والافظع يااخواني ان الكنيسه اقامت مايعرف بمحاكم التفتيش وهذه المحاكم تعد نقطه سوداء في تاريخ البشريه وان شاء الله اقدم بوست خاص عن محاكم التفتيش ذلك الشيء الفظيع المقززلكل من يبدي نوعا من المعرفه والعقلانيه
وكانت الكنيسه تعتبر ان المرض نوع من انواع العقاب من الله فلا يحق ان يعالج فكان لايوجد اطباء وهكذا من مظاهر القمع والتخلف

فاصل بس علشان باكل رز بلبن اتفضلوامعايا
يالامشمهم
الحمد لله الذي اطعمنا وسقانا
يلانكمل
لذا ياخواني ان المحلل الصادق يجد ان العلمانيه مبرره في الغرب المسيحي لانهم بالفعل كرهوا الدين بجميع مظاهره لماكانت تفعله الكنيسه حتي انه عند قيام الثورات في عصور التحرير كانت الشعوب هناك لها هتاف شهير(اشنقوا اخر ملك بأمعاء اخر قسيس)فبالله يااخواني هل رايتم الاسلام ديننا الحنيف يفعل هذا بأتباعه ام انه هدي ورحمه ونور الحمد لله علي نعمه الاسلام وكفي بها
وهنا ظهرت العلمانيه في الغرب المسيحي نتيجه لافعال الكنيسه
يبقي دلوقتي عرفنا تعريف العلمانيه وانواعها ونشئتها
ودلوقتي هنقول مبرراتها في المسيحيه
في مبدا اطلقته الكنيسه يقول(دع مالقيصرلقيصر وما لله لله)وهذا مبدأموجود ومتأصل عندهم فعندهم قيصر يدير الحياهوشئونها الماديه وغيرها والله له الجانب الروحي والمعنوي
وهذا مبدأ مخالف للاسلام لان عندن في الاسلام(قيصر ومالقيصر لله الواحد القهار)والارض كلها وماعليها لله.دي نقطه
النقطه الثانيه
المسيحيه ليس فيها تشريع لشؤون الحياه:
لاتمتلك المسيحيه تشريعا مفصلا لشؤون الحياه يضبط معا ملاتها وينظم علاقاتها ويضع الاصول لتصرفاتها .انما هي روحانيات واخلاقيات تضمنتها مواعظ الانجيل وكلمات المسيح فيه.
علي خلاف الاسلام الذي جاء عقيده وشريعه ووضع الاصول لحياه الانسان من المهد الي اللحد(ونزلنا عليك الكتاب تبيانا لكل شيء وهدي ورحمة وبشري للمسلمين )النحل89
وهذا مايتضمنه الفقه الاسلامي الذي ينظم جميع شؤون وحياه المسلم
اما المسيحي فليس عنده مثل هذا فلاينزعج كثيرا اذا حكمه قانون مدني وضعي لان هذا لايعطل قانون قائم لديه بعكس المسلم ان اي قانون يخالف قانون شريعته وعقيدته يزعجه كثير لانه يفصل بينه وبين عقيدته عقيده الاسلام عقيده رب العالمين (انما كان قول المؤمنين اذا دعوا الي الله ورسوله ليحكم بينهم ان يقولوا سمعنا واطعنا واولئك هم المفلحون)النور51
اما اخر نقطه فليس في الاسلام سلطه دينيه بابويه
علي ان العلمانيه ان فصلت دين المسيحي عن دولته لايضيع دينه ولاتزول سلطته لان لدينه سلطه قائمه بالفعل لها قوتها وخطرها ومالها ورجالها فهناك سلطتان بالفعل في المسيحيه السلطه الدينيه متمثله في البابا ورجال الاكليروس والسلطه الدنيويه فيمثلها الملك او رئيس الجمهوريه
فاذا انفصلت الدوله عن الدين عندهم بقي الدين في ظل سلطته الغنيه القويه المتمكنه يدعمه جيوشه من الرهبان والراهبات والمبشرين والمبشرات تعمل في مجالاتها المختلفه
بخلاف مالوفعلت دوله مسلمه بقي الدين بغير سلطان يؤيده ولاقوه تسنده حيث لاباباويه له ولاكهنوت ولااكليروس
واسف جدا للاطاله ان شاء الله البوستات القادمه هتبقي قصيره بس لنا فضلت ان اعطي مقدمه طويله واساسيات مهمه بعد كده ان شاء الله هتبقي نقطه وتعليق
هل العلمانيه مناقضه للاسلام ؟
البوست القادم
العلمانيين (عاصفه النار)2
اوعي وشك
اللهم اني اعوذبك من ان اشرك بك شيء اعلمه واستغفرك لما لااعلمه
(فستذكرون مااقول لكم وافوض امري الي الله ان الله بصير بالعباد)

هناك 42 تعليقًا:

الفاتح اليعقوبي يقول...

ياجعفرررررررررررري يادوووووووووولي


ربناي اجرك يابن عمي علي البوست الجميل ده وربنا يعينك ويقويك وتكمل بقية البشر دي


كل ماافتكرهم وهما بتكلموا عن الاسلاميين ووصفهم بالرجعيين والظلامين
اتذكر قوله تعالي:(واذا قيل لهم امنوا كما امن الناس قالوا انؤمن كما امن السفهاء الا انهم هم السفهاء ولكن لايعلمون)0


فلنقلها معا مدوية
لاللعلمانية
لاللعلمانية
لاللعلمانية

لاللعلمانية
لاللعلمانية
والسلام

Unknown يقول...

واياك يابن عم ابويا
فعلا الاانهم هم السفهاء
ودائما مايصف المجرمون واهل الضلال اهل الصلاح والدعوه بالفساد حتي فرعون اذ يقول
(ذروني اقتل موسي وليدع ربه اني اخاف ان يبدل دينكم او ان يظهر في الارض الفساد)ولاحول ولاقوه الابالله
سيدنا موسي نبي الله هيظهر في الارض الفساد
والله هذه صفتهم الي ان تقوم الساعه
ونعم
فلنقلها معا مدوية
لاللعلمانية
لاللعلمانية
لاللعلمانية

لاللعلمانية
لاللعلمانية
وجزاكم الله خير

دكتور حر يقول...

جزاكم الله خيرا يا جعفري

الواحد فعلا استفاد وهيستفيد ان شاء الله من بقيية البحث بتاعك الجميل

لكن بس ياريت اللغه تبقى أخف سنه بسيطه عشان الموضوع ينتشر أكتر

وربنا يكرمك يا رب
ودمت بخير

عصفور المدينة يقول...

أضم صوتي لصوت د محمد

بارك الله فيك وثبتنا وإياك على دينه وأعاننا وإياكم على العمل به وتطبيقه في كافة شؤوننا

لقد قرأت أمس لأحد الناس يقول إنه كفر بالدين لأن الدين يتدخل في كل شئون حياته
يعني هو يعي هذه النقطة جيدا ورجع إلى القرآن حتى يبحث فوجدها هكذا
فشكرا لله الذي أنطقه بهذه الكلمة

Unknown يقول...

وجزاكم الله خير منه يادكتور ,وان شاء اللغه هتبقي ابسط في البوستات القادمه بس الحقيقه انا حاولت انقلها بشكل مبسط علي قدر المستطاع لان النقط دي انا طبعا جبتها من كتب فكنت بحاول الخصها وابسطها في الوقت نفسه, والله المستعان ودايما منورنا بتعليقاتك
ولاتنسانا من صالح دعائك

Unknown يقول...

استاذي الكبير اوي
والله يااستاذنا وعن يقين ان كل واحد منهم لازم يكون عارف الحق ولكنه لكبر في نفسه لايريد ان يتبعه او لان الدين يحرمه من شهوه معينه ويقف بينه وبينها حائلا فيتبع هواه
وقال الله تعالي (وماكنا معذبين حتي نبعث رسولا)يعني اكيد الناس دي وصلتلها رسائل كثير من الله
ويقول الله تعالي (ولتعرفنهم في لحن القول )يعلق الدكتور راغب السرجاني علي الايه فيقول
مامن منافق الاوينطقه الله بكلمات يعرف منها ويكشف الله بها عن مافي قلبه
وربنا يبارك في حضرتك ودايما منورن

صانعة الحرية يقول...

ما شاء الله عليك اخى الفاضل
ربنا يعز حضرتك يارب
ما شاء الله
احيك على اهتمامك بموضوع زى ده واعطائه حقه
بس اسمح لى بنشر البوست فى المنتديات وفى رسايل على الايميل
ويبقى لكجزيل الشكر


(اولئك الذين ضل سعيهم فى الحياة الدنيا وهم يحسبون انهم يحسنون صنعا)و

Coca يقول...

اولا بوست جميل ومفيد وان شاء الله

اتابعه معاك

ثانيا كثير من العلمانيين يقولون ان الناس مخطئه في فهم العلمانيه ولكن عقلي غير متقبل تمام فكره الدوله التي تقوم علي تشريعات بشريه بحته وربنا لم ينزل هذا الدين ليكمل نقص عنده ابدا انما لو بصينا علي ديننا هنلاقي كتير جدا انها جاءت لمصلحتنا ولحماتنا لا لارضاء ربنا في شئ
موافقاك تماما علي البوست وربنا يكرمك انت واليقوبي علي المدونه المفيده

اجري على الله يقول...

اخونا الفاتح الجعفري موضوع جميل
وفعلا بلاء يستحق فتح نار النقض و التصحيح والتوعيه والحمد لله العلمانيه تشهد سقوط مدوي في مصر وغير مصر
واحنا كمسلمين ما ينفعش معانا الكلام ده علشان قراننا هو سر سعادتنا
هذا كتاب الله في تحكيميه عز ***وفيه صلاح كل فساد

شكرا على الموضوع الجميل
ولا للعلمانيه
الشاعر بن هلال

hui mu han يقول...

يا راجل ازاي تكتب عن العلمانيين ومتبعتليش انفيتشن عشان ارخم شوية

يلا ملحوقة

احنا ضد الاسلام قولي ازاي؟ انا مستني منك انك تكون موضوعي في كلامك اكتر من كده
هو انا لما اقول حرية اكتر ابقى صبأت وبعدين ياريت نبقى متحررين زي ايام الخلافة ومبنحرمش اي حاجة زي الوقت الحالي
اقرى القال دهhttp://ana70r.blogspot.com/2007/05/blog-post_24.html


اه العلمانية مبدئ من مبادئ اللليبرالية مش العكس
والماركسية ده فكر شيوعي ملهوش دعوة باليبرالية

على فكرة من اليبراليين سعد زغلول والوفديين كلهم تصور مكنوش كفرة ولما دمر عبد الناصر الحياة الحزبية ودمر معاها الفكر اليبرالي


وانا مستني عشان ارد هااعتبر البوست ده تسخين بس

Unknown يقول...

اختنا صانعه الحريه
وجزاكي الله خير منه وربنا يبارك في حضرتك
وطبعا حضرتك تنشريه براحتيك ومن غير استأذان وانا اللي ابقي شاكر لحضرتك لان دي رساله اتمني انها توصل لاكبر عدد من الناس حتي يعرفوا تلك المخاطر التي تحيط بهم
وجزاكم الله كل خير

Unknown يقول...

استاذه كوكا اهلا بحضرتك وشرفتي المدونه اظن ان الناس مش مخطئه في فهم العلمانيه ولاحاجه بصي حضرتك دعاه الباطل دايما يحيطوا باطلهم بشيء من الغموض ثم يزينوه للناس حتي يقعوا فيه طب ماشي انا هقول ان الناس فاهمه العلمانيه غلط طب ميطلعوا هما ويفهمونا الفهم الصحيح ويعرفونا العلمانيه واصولها وقواعدها بدل ميقعدوا يهاجموا الاسلاميين والاسلام وغير ذلك وجزاكم الله خير استاذه كوكا

Unknown يقول...

شاعرنا الكبير منور المدونه والدنيا كلها وانا سعدت بتشريف حضرتك للمدونه
وبفضل الله العلمانيه ضربت في مقتل في عالمنا العربي والاسلامي علي يد الاسلاميين بفضل الله وبرحمته ده اولا ثانيا بفضل فطره الشعوب الطيبه وايمانها الفطري بالله رب العالمين
وحبها الشديد للاسلام وشوقها الي العوده الي حكمه وشريعته
وجزاكم الله خير

Unknown يقول...

استاذ موهان شرفتنا ونورتنا وكل حاجه حلوه تلاقيها وكان نفسي اسيبلك شويه رزبلبن ملحوقه البوست الجاي
وبعدين انت ترخم براحتك ترخيم حضرتك شرف لينا يافندم
ايه رأيك في التثبيت ده
اولا يااستاذ موهان ضد الاسلام مش بمعناها الشامل الكفر نعوذبالله منه
لكن اي حاجه تعطل تشريع ولو تشريع بسيط جدا من تشريع جاء به النبي صلي الله عليه وسلم طبعا تبقي ضد الاسلام حتي الحجات الدقيقه جدا
لان الله يقول
(فلا وربك لايؤمنون حتي يحكموك فيما شجر بينهم ثم لايجدون في انفسهم حرجا مماقضيت ويسلموا تسليما)
دي نقطه
النقطه التانيه
حضرتك بتقول هو انا علشان عايز حريه شويه ابقي صبأت
اولا محدش قال كلمه صبأت دي خالص تماما البته لكن يااخي هو ليه احنا فاكرين ان الدين فيه شيء من الكبت والقهر او حتي شيء من التقييض ولو كان بسيط
يعني ايه حريه زياده شويه صدقني اقصي امال الحريه في الاسلام ومفيش اكتر من حريه الاسلام
ثانيا ان قلت في فرق بين الشيوعيه الماركسيه واليبراليه والفرق كبير
وعمر مكان العلماني الليبرالي كافر طالما لم ينكر ماهو معلوم من الدين بالضروره بس طبعا عنده مشاكل حسب موقفه من شموليه الاسلام في شتي نواحي الحياه
اما الماركسي فهو يرفض اصلا فكره الدين والغرق مابيين الغلاف الجوي والارض
بهزر طبعا فعلا الفرق كبير
وانا قولت تقسيمه العلمانيه حسب موقفها من الدين ولكن هناك تقسيمات اخري وسواء الليبراليه علمانيه او العلمانيه احد مبادئها ياسيدي انا مش مهم عندي المسميات ان المهم عندي الفكره الناس دي صدقني الناس دي الواحد بيخاف عليها اكتر مابيوقف ضدهم يااخي الواحد نفسه يشوف الناس كلها بتعبد ربنا وبتتبع منهجه كما يحب ويرضي لاكما نحب نحن
ويااخي ان شاء الله هكمل الحديث في البوستات القادمه
وسعدت بتشريفك للمدونه

ابو صهيب ( الجمعاوي الاصيل)سابقاً يقول...

بصراحة

وبكل وضوح

وبلاخجل

بوست جااااااااااااااااااااااااااامد

وملوش حل

بارك الله فيك

وجعله في ميزان حسناتك

ونعم لالالا للعلمانية

ياسر شمس الدين يقول...

يعقوبيان
الفكرة فى العلمانية هى فصل الدين عن الحياة وديه مشكله
فنفترض ان شخص حب يسرق فى مجتمع علمانى هيسرق طالما انه لن يقع تحت طائلة القانون يعنى لو هو مدارى وماحدش شايفة ومش هيتحاسب ممكن يسرق يقتل
ليه بقه لان الدين هو الضمير
لما تبقى لوحدك وماحدش شايفك وقدامك مليون جنيه
ممكن تسرقهم
فتفتكر ربنا فتقول حرام
الجنة ماضيعهاش بمليون ولا 1000
مليون

دعوة الفردوس يقول...

مريت مرور سريع على البوست
وواشح انه حاجه محصلتش
الوقت متاخر جدا
مضطره اقوم بدون قراءته
لي عوده غدا باذن الله

Unknown يقول...

الجمعاوي الاصيل
ربنا يبارك فيك يااستاذنا ومنورنا ومنور الدنيا كلها
ومتنساش تدعيلي
وجزاك الله كل خير

Unknown يقول...

استاذ ياسر شرفتنا والله
فعلا كلام حضرتك مظبوط ربنا يعزك
بس صدقني في نفوس بشريه ماديه زياده عن اللزوم او القلب تعبان علشان كده حكايه الجنه والنار متفرقش معاها كتير ولاترتدع تلك النفوس الابعقاب فوري امام اعينهم مثل قطع يد السارق مااكيد السارق الان عارف ان في جنه ونار ويوم قيامه وحساب لكنه برده بيسرق لكن لو شاف واحد ايده مقطوعه وعارف ان في قانون رادع في البلد اكيد هيفكر الف مره
وبعدين مين قال ان العلمانيين معندهمش قانون هما عندهم قوانين لكن قوانين وضعيه من صنع البشر فاكرينها وبكل اسف افضل من قوانيين الدين قوانيين رب العالمين
وجزاك الله خير استاذياسر

Unknown يقول...

استاذه دعوه الفردوس
جزاكم الله خير علي مروريك الكريم

جمعاوى يقول...

الباشا الكبييييييير


اللى مجرسنى و مسيحلى على مدونتى

تحليك للموضوع رائع

وإستشهادك بموقف العلامة الشيخ الغزالى رحمه الله فى مكانه

بس ..


...


ياليتنا نفقه

Unknown يقول...

جمعاوي عمي وعم عيالي ياباشا انا تحت امرك انت تأشر واحنا ناكل انت بس اي موضوع عايز تخبيه قولهولي وتحت امر السياده لازم تعرف ياخويا ان شخبطت ولاد سعادتك امضه لينا ياسلام
وشهاده حضرتك دي يافندم شرف كبير اوي لينا معقوله ده كتير اوي علينا
ايه رأيك في الاونطه دي

دعوة الفردوس يقول...

فعلا بوست رائع ومهم جدا ومنتظرين باقي البوستات وربنا يعينك ويكمل الموضوع بهذا المستوى الرائع

ربنا ينفع بيك ويفتح عليك
اللهم امين

Unknown يقول...

اختنا دعوه الفردوس
اللهم امين وجزاكم الله خير ولاتنسونا من صالح دعائكم

ابو صهيب ( الجمعاوي الاصيل)سابقاً يقول...

جعفري باشا

ايه ياعمنا هو مفيش حاجة جديدة ولا

ايه

وبعدين ايه التسييح الجامد ده

لجمعاوري روش طحن على مدونته

كنت معاه ساعة مانت اتصلت بيه

واكن خايف جداً من تعليقك

واللي كان خايف منه كان

ربنا يستر عليك منه
هههههههههههههههههههههههههههه

Unknown يقول...

ميخا عمي وعم عيالي وعم جمعاوي كمان وعم الشباب كلها انا في الخدمه جمعاوي يقول وانا اسيح علي طول
وبعدين تصدق كده في حق عرب
ازاي تبقي مع جمعاوي ومتكلمنيش حق عرب ومش هيخلصوا غير ان انت تيجي مع جمعاوي والا هسيحلك انت كمان وربنا يقدرنا علي فعل الخير

صانعة الحرية يقول...

الفاتحااااااااااان
اليعقوبى والجعفرى
لكما عندى تااااااااااااااااااج

Dr.khaled يقول...

اتوكل على الله
وأنا هحمي ضهرك :)

أخوك (الدرع الخشبي ) :)

عمر محمود يقول...

لا ولا وألف ألف لالالالالالالالالالالالا
وعندى لكم رحلة لرفح
http://yalaya3mlak.blogspot.com/2007/12/blog-post.html

ابن حـجـر الـعـسـقـلانـى يقول...

السلام عليكم

معلش يا اخوانا .. اناجيت متأخر .. لكن جهازى و وصلة النت عطلونى كام يوم .. و على ما ظبطت الدنيا و جيت لكم .. كانت الحفلة خلصت .. معلش

لكن على العموم .. الله ينور .. أنا معاك تماما فى أن العلمانية هى شىء دخيل علينا .. و لكن للإنصاف .. ليست كلها شرا محضا .. فما أفرزته من حريات على المستوى الفردى و الاجتماعى ليعد نقطة إيجابية فى المجمل (و أكرر فى المجمل .. لأن الحرية هناك محدودة بقيم تختلف عن قيمنا) .. إلى جانب ما أفرزته من نظم سياسية تمكن الشعوب أن تختار حاكمها بحرية ..و تحاسبه .. بل و تعاقبه و تستبدل به من هو أفضل منه بلا ثورة و لا دماء و لا تعطل للنشاط الإنسانى

أنا لا أدافع عن العلمانية .. فأنا رأيى واضح فى ذلك الأمر كما هو مفهوم من مواضيع مدونتنا .. و لكنى رأيت أن من الإنصاف أن نذكر محاسن العلمانية كما تمت الاستفاضة فى ذكر مساوئها.. إذ لا يوجد من الأمور ما يعتبر أنه شر محض ..بل لا بد و أن يحتوى على قدر و لو بسيط من الخير .. و علينا كمسلمين أن ننتفع من المميزات كما نتجنب العيوب .. فالحكمة ضالة المؤمن

و أحييك على ذكرك لنقطة أن العلمانية هى أمر مناسب لتلك الحضارة الغربية .. فإن ظروفهم التاريخية تعد سببا طبيعيا لنشأة مثل هذه التيارات المادية

Unknown يقول...

اختنا صانعه الحريه
تاج مقبول وذنب مغفور
ان شاء الله البوست القادم ليه هجاوب علي التاج
وجزاكم الله خير

Unknown يقول...

ض\خالد
يافندم حضرتك الدرع الفولاذي ان شاء الله
وده شرف ليه والله ان حضرتك تحمي ظهري
وجزاكم الله كل خير

Unknown يقول...

استاذ عمر
منورنا
ومعاك في رفح في المريخ في اللي انت عايزه

Unknown يقول...

استاذنا الكبير ابن حجر
اكيد طبعا العلمانيه فيها محاسن ولكن كأي نظام بشري به ثغرات كثير ونحن قوم اعزنا الله بالاسلام وانا عارف ان حضرتك مش مع العلمانيه لكن النظام الاسلامي نظام شامل ليس به ثغرات
وعلي فكره العلمانيه حتي تمكن في اوربا قامت علي مذابح ودماء كثيره
لكنهم الان معك يستطيعون التغيير دون انقلابات او دماء
لكن عامه النظام العلماني بحلوه ومره لايفيد
لان فوائده يوجد خير منها في الاسلام
وان شاء الله في احد البوستات سوف اعرض نموذج لدول اسلاميه تعلمنت وماحدث فيها بسبب ذلك
وجزاكم الله خير

غير معرف يقول...

نيتى النصيحه
الأسلوب دى فى الكتابه والنقد والكلام عن هذه الأمور ماااااات من زماااااان
متخلوش الناس التنيا تدحك علينا

وعيزك يا اخى تفرق بين المحتوى المعلوماتى للمقال والأسلوب الذى عرضت به المعلومات

Unknown يقول...

الاستاذ اللي مكتبش اسمه
اولا حضرتك مكتبتش اسمك ليه ايه المشكله انك تكتب اسمك
انا بس هسأل حضرتك اسأله
اسلوب ايه اللي مات من زمان ومات ازاي يعني وياريت حضرتك كنت تقول نوعيه الاسلوب اللي انا بكتب بيه يمكن اسلوب النمر المقنع وانا معرفش
وكتابه ايه ونقد ايه
واني امور اللي الكلام مات فيها
ماهو اما حاجه من اللي اتنين
ان حضرتك اله الزمن توقفت بيك او انا وقعت في العصر الحديث ده
العلمانيه عمر الكلام فيها ماهيموت الالما هي نفسها تموت وطول ماالشيء موجود الكلام فيه ممتش ولاحاجه
وبعدين اللي ينرفز في كلامك
انه كلام مبهم ربنا يهديك كل كلامك الغاز
والناس اللي هتضحك علينا هما مين بقي ياريت تحددهملي لو سمحت ماهو اي موضوع في الدنيا ممكن اي نوعيه من الناس تضحك عليه انهي ناس بالضبط ممكن واحد يتكلم عن العلم والحضاره وناس تضحك وناس تتكلم عن الدين واحكامه والناس تضحك
فماحدش من الناس دي يفرق معايا
وبعدين اذا كانت نيتك النصيحه
تكتب اسمك بكل شجاعه
تحدد وجهة نظرك بوضوح
السلبيات في البوست
وعلاجها
انما تقولي كلام مات وصحي وناس هتضحك علينا
للاسف كلام حضرتك مبهم
وصدقني فكرت اني امسح تعليقك بس احتراما ليك انا هخليه

(وعيزك يا اخى تفرق بين المحتوى المعلوماتى للمقال والأسلوب الذى عرضت به المعلومات)
اه حضرتك ممكن تقولي ازاي
اكيد ومن الطبيعي ان كل انسان يبقي لي اسلوبه المخصص ليه وبيحاول يصبغه علي اي شيء وطبعا وجهة نظر حضرتك تحترم بس هي فين وجهة النظر دي
ومن الاخر انا مبحبش الاسلوب الفلسفي
ياريت كنت توضح رأيك بشيء من الوضوح
اظن من رؤيتي ان البوست كان بينقل فكره محدده حاولت اوصلها بصوره واضحه
فلو شايف نقط عندك فيها اعتراض قولها ونتناقش فيها
وعامه اناقولت قبل كده مش مهم عندي اي حاجه غير ان الناس تاخد الفكره لامهم مسميات ولاطريقه ولااسلوب
اكيد كل انسان عنده اخطاء نسأل الله ان يجبرها لنا
واصلح الله نفسي ونفسك وقلبي وقلبك وجعل نواينا له خالصه

مدونه يلا نفضحهم يقول...

تتشرف اسرة "يالانفضحهم "ا


بدعوة سيادتكم لافتتاح مقرها بالاسكندرية


مركز ضحايا


للاستشارات القانونية والتأهيل النفسى


مع مفاجأة الافتتاح


محاضرة يلقيها الناشط الحقوقى


الاستاذ / اسلام لطفى "المحامى "ا


بعنوان (مبادىء واساسيات حقوق الانسان )ا


وذلك يوم الجمعة الموافق 14/12/2007 فى تمام الساعة الواحدة ظهرا


العنوان :- 9ش مسجد الايمان متفرع من شارع اسكندر ابراهيم خلف جزارة الزهيرى - ميامى - الاسكندرية


ت:- 5484897 - 0166885063

Dr.khaled يقول...

جرا ايه يا عم متشد حيلك شوية..
ولا عايز تشجيع زي الكورة؟؟

(شد ف شعرك شد..والمقال التالي جاي بالهيد)
:)
اتحاد رابطة مشجعي الفاتحين :)

Unknown يقول...

تجمع المدونيين
الله المستعان
يسر الله لكم امركم

Unknown يقول...

ض\خالد
عمي الكبير
ربنا يبارك فيك
لسه ياشخنا البوست الجاي هنجاوب فيه علي التاج انا واليعقوبي
وبعدين البوست بتاع اليعقوبي لان لي 51%من المدونه
ولازم يكتب البوست
والا هيطردني ويرميني في الشارع
واليعقوبي ده شراني ونظره ضعيف وميعرفش ابوه في الحجات دي
والله ربنايبارك فيك
الله المستعان ياشيخنا
ادعيلي بالله عليك
وان شاء الله البوست هينزل الاسبوع القادم بأذن الله
واسأل الله لك ايمانا لايرتد و نعيما لاينفذ وقره عين لاتنقطع ومرافقه النبي في الجنه
وجزاك الله كل خير
اني احبك في الله

no chance يقول...

السلام علكيم
اولا انت عندك حق ففى كل لى قولته

والمشكلة ان الناس المسلمين اللى بيايدو العلمانية مش بيبصو للموضوع بالبساطة اللى انت قولته بيها
وبيبو لمدا التطور الىى وصل بيه الغرب باستخدامه لللعلانية مع ان دة تفكير غلط خالص والاصل فيه ان الشيطان خلانا نشك فى شمولية الدين بتاعنا
وبصراحة اكتر الناس الاسلاميين او الاخوان مع انهم صح والله يكون فى عونهم بجد بس من حقهم ينخرطو شوية فى المجتمع ويحدثو من اساليبهم ويجارو عله الزمن ولاز يعرفو ان الحياة فى 2007 تختلف عن 2006 والتغيير فى الدنيا بقى سريع اوى علشان كدة ازم اساليبى تختلف ووسايلى تكتر طبعا انا مش بنقدهم انا بس بقول لو عملو كدة ممكن يستقتبوو شريحة من الناس شايفاهم رجعيين ومتخلفين ولسة عايشين فى ايام زمان الناس دى لما تشوف واحد مثلا اخوان فاهم وقارئ وهارش اليلة هيتقبلو كلامه وربنا يكون فى عون الاخوان واللى زيهم واللى احسن منهم معلش رغيت كتير بس مدونتك هى اللى حلوة اعمل اى؟

Unknown يقول...

استاذنا
no chance
منور المدونه ربنا يبارك فيك
والاخوان ياسيدي شريحه من المجتمع وبيحاولوا يجاروا العصر ولكن بيتعمل عليهم تعتيم اعلامي رهيب ومنهم رموز علميه واقتصاديه وسياسيه قويه بيتعمل عليها تعتيم اعلامي زي
الاستاذ يوسف ندا الراجل ده رجل اقتصاد عالمي ومن الاخوان
والاستاذ خيرت الشاطر رجل اقتصاد وسياسه بارع
والاستاذ عبد الرحمن سعودي
والكتور راغب السرجاني
وغيرهم
وصدقني الناس اللي بتقول علي الاخوان رجعيين لو سألتهم يحددوا هما رجعيين ازاي ويقلولك اسباب مقنعه اشك
وربنا يبارك فيك وسعيد جدا بزيارتك

ساندوا اخوانكم في القوقاز

ممدونات مهمة للغاية

المدونات دي لازم تعدوا عليها وساندوا اصحابها جزاهم الله خيرا

مدونة ارض الحرب جزا الله صاحبها خيرا

كلنا مقاومة

مدونة اولادنا امانة (كيف نربي الاجيال القادمة)

نشقي ليعز ديننا وتسعد امتنا

نشقي ليعز ديننا وتسعد امتنا

جماعة قاداتها شهداء منصورة باذن الله

جماعة قاداتها شهداء منصورة باذن الله

About Me

صورتي
اليعقوبي احد الفاتحين القادمين باذن الله واتمني انا ذلك كل مااسال الله عليه ان يثبتني علي دينه وعلي طريقه والااضل عنه وان يرضي عني

لغتي الجميلة هويتي واصلي وديني

لغتي الجميلة هويتي واصلي وديني

اللهم ارحم اخي علاء رحمة واسعة

اللهم ارحم  اخي علاء رحمة واسعة

اللهم ارحم اخانا رحمة واسعة واجمعنا به في مستقر رحمتك

اللهم ارحم اخانا رحمة واسعة واجمعنا به في مستقر رحمتك
نسالكم الدعاء لاخانا