السبت، 4 أغسطس 2007

عدنا

الحمد لله وكفي وسلام علي عباده الذين اصطفي
والصلاة والسلام علي رسولنا عليه افضل الصلاة والتسليم
لماذا بعدت فترة عن التدوين؟
ده لاسباب
ا-كنت محتاج ارجع نيتي لله عز وجل
ب-حسيت اني بدون لمجرد التدوين وبعلق لمجرد التعليق
ج-لقيت ان التدوين بياخذ وقت طويل مني ،في الوقت اللي محتاج اعمل فيه حاجات تانية
د-كنت لازم احدد انا عايز ايه من التدوين انا هاوصل ايه هاقدم جديد ايه
نظرة علي التدوين واللي بيدونوا واللي بيعلقوا
في خلال الفترة اللي بدات ادخل فيها المدونات لاحظت الاتي
1في ناس بتدون وخلاص وناس بتعلق وخلاص
يعني مثلا تلاقي مدون يقولك في بوست انه مش عارف يكتب ايه
وده هل لان مشاكل الامة انتهت فمش لاقين حاجة نكتب عنها ؟
ام هل لان المدون نسي هو بيدون ليه اونيته فسدت بالوقت (ماكان لله دام واتصل وما لغير الله انقطع وانفصل)؟
ام هل ده لانه زهق من اللي هو بيعمله فكان لازم يدور علي حاجة تانية يضيع فيها وقته؟؟؟؟؟؟؟؟؟؟؟؟؟؟؟؟؟؟؟؟؟؟
وفي ناس بتعلق والسلام
يعني لايضيف شئ للبوست فقط مجرد كلمة جزاك الله خيرا او بوست رائع ربنا يباركلك(فين الاضافة في تعليق زي ده فان لم تضف علي الحياة فانت زيادة عليها)
شوية اسئلة كنت بسالها لنفسي في فترة الانقطاع وعايز كل واحد يجاوب عليها
ا-هل بتجدد نيتك قبل ماتدون او تعلق او قبل ماتفتح النت اساسا؟
ب-هل تنتظر اوتتاثر بالرد علي بوستك او تعليقك والمدح فيهما؟
ج-هل بضيف جديد في المدونة ام هل انا مدون وخلاص؟
د-هل لو تحول التدوين لمجرد كلام وخلاص هاركب الموجة زي بقيت الناس؟
لو سمحتم جاوبوا الاسئلة دي وراجعوا انفسكم عشان منجيش في الاخر نلاقي عمل كنا معتقدين اننا هناخذ من وراه حسنات فانقلب علينا عملنا وذلك لاننا نسينا نوايانا واهدرنا وقت كثير في امر حلال مع وجود امور اخري حلال اضعناها
والسلام
اخوكم اليعقوبي

هناك 5 تعليقات:

Future_Preacher يقول...

السلام عليكم و رحمة الله وبركاته
أخي في الله
بارك الله فيك و في صدقك مع نفسك
و الله أنا سألت نفسي كل الاسئلة دي قبل ما أبدأ تدوين
و كنت دائما مترددة أني أتخذ الخطوة دي و كنت أتذكر قول الله تعالي " سنستدرجهم من حيث لا يعلمون"
فموضوع النية ده فعلا مهم فالنية السليمة هي شرط تقبل العمل الصالح و هي دينامو لتوليد المزيد من الاعمال الصالحة و النية السليمة ماهي الا ثمرة لبذرة العقيدة الصحيحة التي تنبت في القلب مروية بالأخلاص في حب الله عز و جل و الرسول صلي الله عليه و سلم و الصدق مع النفس لذلك اخترت اسم مدونتي بقلب سليم حتي أتذكر كلما أدخلها اني لابد ان أنقيه من أي شائبة تؤدي بي الي طريق اخر غير الطريق الذي انشده و أن أجدد نواياي
و الامر ايضا يحتاج جهاد مع النفس فانها أمارة بالسؤ الا ما رحم ربي حتي لا تعجب بنفسها اذا ما القي أحد عليها بعض الثناء أو كثر المعلقون في المدونة
و هذا الامر ليس متعلق بالتدوين فقط فحياتنا و خاصة بالنسبة لمن التزم ما هي الا جهاد مع النفس حتي لا نقع في المحظور
و أدعو الله في النهاية ان يطهر قلوبنا من النفاق و الرياء و يجعلها قلوبا سليمة ان شاء الله
و الحمد لله الذي بنعمته تتم الصالحات

ملك يقول...

السلام عليكم ورحمه الله

اكرمك الله ورزقك الاخلاص

صدقت حقا

ووصلت نصيحتك

عصفور المدينة يقول...

حمدا لله على سلامتك
عندي عدة تدوينات تعالج هذا الموضوع ولا استطيع أن أعلق هنا تعليقا بسيطا يلخص كل هذه التجربة
http://ctybrd.blogspot.com/2007/07/blog-post_3396.html
http://ctybrd.blogspot.com/2007/05/blog-post_20.html
http://ctybrd.blogspot.com/2007/05/blog-post_19.html
http://ctybrd.blogspot.com/2007/05/blog-post_1676.html
http://ctybrd.blogspot.com/2007/05/blog-post_04.html
http://ctybrd.blogspot.com/2007/04/blog-post_17.html
http://ctybrd.blogspot.com/2007/02/blog-post.html

تخيل انت بقة الموضوع مهم قد إيه

دعوة الفردوس يقول...

السلام عليكم

أخونا الفاضل ...عــــــــــــــــز

عودا أحمد سعدت جدا بعودة حضرتك بعد الوقفة دي اللي وقفتها مع نفسك ونقلتها ليا

نيجي بقى للبوست
في شوية نقط عاوزه اعلق عليها بس اعذرني لو مش مترتبه

احيانا بيكون الشخص اللي بيعلق مش لاقي اضافه للي حضرتك قلته فاحتراما لك بيكتب جزاكم الله خيرا او ماشابه ذلك من باب الاحترام والتقدير لما كتبت
ولكني اتفق معاك ان التعليقات هامه جدا والا مكنتش هستفيد بتعليق حضرتك اللي من يوم ماكتبته رحت ورجعت وانا لسه محطتش ولا بوست جديد :)

نيجي لاسئله
جاوبت عليها كلها على فكره مع نفسي
بس خلي الاجابات ليا علشان ربنا الاخلاص

ونسال الله ان ينفعنا بعملنا
لكن سؤالي بعد رجوعك ايه هيتغير في اليعقوبي "عز"؟؟

الفاتح اليعقوبي يقول...

السلام عليكم
اختنا بقلب سليم
جزاك الله خيرا علي زيارة المدونة والتعليق
اللي خدت بالي منه في القران ان في بعض الايات بحس انها ايات رعب وتخوف جدا
منها الاية (سنستدرجهم من حيث لا يعلمون)0
(وقدمنا الي ماعملوا من عمل فجعلناه هباء منثورا)0
ربنا يثبتنا ويعلمنا الاخلاص
...............................
اختنا ملك
جزاك الله خيرا علي المرور علي المدونة
........................
اخي في الله عصفور المدينة
تعرف يااستاذي علي فكرة انا احترمت حضرتك جدا من تعليقاتك واني احبك في الله يااستاذنا
وجزاك الله خيرا علي المواضيع دي
..................................
اختنا دعوة الفردوس
جزاك الله خيرا
التعليق لازم في رائ يكون بيضيف جديد والا يبقي مالوش لازمة اما انه بيضيف او بيصلح او بيعرض وجهة نظر مخالفة

في الوقت اللي كنت بعلق فيه عند حضرتك وجدت حاجة اني بقيت ملطوع ادام النت فترة كبيرة حتي وصلت ان صلاتي بدات تفسد من كثر التفكير
فكان لازم اقفل المدونة فترة هي مش كبيرة بس عشان ميبقاش في تاثير علي في الفترة دي عشان اصلح نفسي من غير مؤثرات

تالت حاجة
علي فكرة عز هو اليعقوبي
مفيش فرق
اتمني اني اللي يدخل مدونتي يتغير او يتاثر مش دخل وخلاص وكانه مادخل

ساندوا اخوانكم في القوقاز

ممدونات مهمة للغاية

المدونات دي لازم تعدوا عليها وساندوا اصحابها جزاهم الله خيرا

مدونة ارض الحرب جزا الله صاحبها خيرا

كلنا مقاومة

مدونة اولادنا امانة (كيف نربي الاجيال القادمة)

نشقي ليعز ديننا وتسعد امتنا

نشقي ليعز ديننا وتسعد امتنا

جماعة قاداتها شهداء منصورة باذن الله

جماعة قاداتها شهداء منصورة باذن الله

About Me

صورتي
اليعقوبي احد الفاتحين القادمين باذن الله واتمني انا ذلك كل مااسال الله عليه ان يثبتني علي دينه وعلي طريقه والااضل عنه وان يرضي عني

لغتي الجميلة هويتي واصلي وديني

لغتي الجميلة هويتي واصلي وديني

اللهم ارحم اخي علاء رحمة واسعة

اللهم ارحم  اخي علاء رحمة واسعة

اللهم ارحم اخانا رحمة واسعة واجمعنا به في مستقر رحمتك

اللهم ارحم اخانا رحمة واسعة واجمعنا به في مستقر رحمتك
نسالكم الدعاء لاخانا