السبت، 4 أغسطس 2007

خواطر في دماغي

انا مش عارف افتح للموضوع ازاي

بس هابتديه بحكاية لاني من الاشخاص اللي بيتعلموا باسلوب الحكايات اكتر من الوعظ (بل اني تعرفت علي الاخوان بالحكايات)

كانت ليا جدة (رحمها الله)وتعلمت منها الكثير والكثير من الامور التي تركت مرجع حافظ علي فطرتي في لاحظات الانفلات

فاكركانت جدتي دي ليها جملة كانت تعلمها لامي تعلموها
اصل من قطعني
اعطي من حرمني
اعفو عن من ظلمني

انا فاكر لما كانت تقعد في بيت جدي وتقرا القران رغم نظرها الضعيف قد ايه كان بيتعبها

فاكر الطيبة والحنان علي كل من حولها

فاكرها لما كانت تقوم تصلي

فاكر في مرة في عيد ميلادي وكانت اختها اللي هي خالة والدتي توفيت قبله بفترة قصيرة فمرضيتش تنكد علي في عيد ميلادي وخلتني اعمله في بيت جدي

فاكر انها قبل ماتتوفي بفترة قصيرة جدا راحت لاخوها عشان سنوية مراته وتجامله ،وفاكر وقتها اد ايه امي وخلاني وخالتي اتخنقوا معاها عشان تقعد لانها تعبانة صحيا

وفاكر يوم ما راحت لاخوها وكان في الدور السابع ومفيش اسانسير وطلعت وقتها السلم ده علي ايدها ورجلها من التعب وكانت تقعد تستريح علي السلم ومش قادرة تاخد نفسها

وفاكر انها قبل وفاتها باسبوع كانت بتقدم علي الحج ومقبلتش فخالي بيكلمها في التليفون وبيقلوها خلاص ياامي ربنا مش رايدلك ،وقعدت تزعق معاه عشان يقدملها في مكان تاني (مع رفضه عشان صحتها )فوقعت وهي بتكلمه في التليفون وتدخل المستشفي وتموت بعدها بااسبوع

وفاكر كويس جدا جدا جدا
قد ايه هي صبرت لما خالي توفي قدام عينها في 6شهور ولم تفعل الا مايرضي الله


وفاكر كويس اوي رؤية شوفتهلها بعد ماتوفيت

كاني في شقتنا وقت الفجر ،وغرفتي بقت ممر طويل مظلم وفيه كشك منور فيصيت عليه فلقيتها بداخله
فبسالها بلهفة في الرؤية

انت كويسة ياستي فتهز راسها بالايجاب
فبقولها انت في الجنة دلوقتي فتبتسم وتهز راسها بالايجاب

فتخرج معي للصالة وتقولي انا ماشية عشان هما عاوزني دلوقتي فبقولها مين فوجدت كئن السماء انشقت عن يد نزلت وامسكتها وطلعت بها لاعلي

وفي مرة امي شافتها وهي بتلف في الكعبة وبتمسك براس امي وتدخل راسها لكي تبوس الحجر الاسود

طيب انا بحكي القصة اللي انا عارف انها متهمش كثير منكم ليه؟؟؟؟؟؟؟؟؟
انا عايز اوصل حاجة ستي دي ست بسيطة للغاية مش هاقول انها الاخت السوبر الداعية الي الله والكلام الكبير ده كله
لا
كانت شخصية بتتعامل مع الله بفطرتها بتعبده بفطرتها
في ناس يوم القيامة كانوا بيعملوا اعمال في الدنيا (وهي اعمال واجبة)بيعتقدوا ان الاعمال دي هي اللي هاتنجيهم من عذاب الله فيجدوا الاعمال دي هباء منثورا
واعمال تانية كانوا لايلقوا لها بالا قد تنجيهم من خذي يومئذ

كان هناك احد العلماء وهو الامام جنيد
فبعدما مات وجده احد تلامذته في رؤية
فقال له الامام جنيد ان كل اغلب دروس العلم ضاعت كلها هباء مابين السمعة والرياء
وقال:ولكن لولا ركيعات في جوف الليل كنا نصليها لهلكنا
انا قصدي ايه من الفيلم ده
لاتحقرن من المعروف شيئا1
تعامل مع الله بفطرتك ولاتتكلف (مع التادب معه سبحانه وتعالي في دعائك وطلبك منه اي شئ)2
الطرق التي قد توصلك للجنة كثير فلاتحرم نفسك3
(متنساش تقرا البوست اللي قبل ده مهم للغاية وجاوب علي اسئلته مع نفسك)
اخوكم اليعقوبي

هناك 4 تعليقات:

عمر عاشق القرآن يقول...

فكرتنى بقول للقرضاوى (علامة هذا العصر) سمعته يقول بعد ان درس من العلم ما درس وحفظ من الأحاديث ومن الحكمة ما حفظ وفهم من الفقه ما فهم
وبعد ان درس فلسفات الفلاسفة و قرأ فى كل الأديان والاعتقادات

كان يدعو الله "اللهم ارزقنى ايمانا كايمان عجائز نيسابور"

لأنه راى فيه ايمانا على الفطرة بلا تكلف ولا تعقيد ولا فلسفة ولا ...

اسلام رفاعى يقول...

عذرا للتحليق خارج السرب
من اجل رفع الظلم عن المظلومين
ادعوك للمشاركة فى حملة رفع الظلم عن طلاب الاسكندرية المختطفين
التفاصيل بمدونتى

الفاتح اليعقوبي يقول...

استاذ عمر نورت المدونة
اللهم ارزقنا ايمانا كايمان عجائز نيسابور

صانعة الحرية يقول...

ربنا يرحمها يارب
الظاهر انها اثرت فى حضرتك اوى
ومن الواضح ايضا ان حضرتك من الذين لا ينكرون الجميل بل يعترفون به
جزاك الله خيرا

ساندوا اخوانكم في القوقاز

ممدونات مهمة للغاية

المدونات دي لازم تعدوا عليها وساندوا اصحابها جزاهم الله خيرا

مدونة ارض الحرب جزا الله صاحبها خيرا

كلنا مقاومة

مدونة اولادنا امانة (كيف نربي الاجيال القادمة)

نشقي ليعز ديننا وتسعد امتنا

نشقي ليعز ديننا وتسعد امتنا

جماعة قاداتها شهداء منصورة باذن الله

جماعة قاداتها شهداء منصورة باذن الله

About Me

صورتي
اليعقوبي احد الفاتحين القادمين باذن الله واتمني انا ذلك كل مااسال الله عليه ان يثبتني علي دينه وعلي طريقه والااضل عنه وان يرضي عني

لغتي الجميلة هويتي واصلي وديني

لغتي الجميلة هويتي واصلي وديني

اللهم ارحم اخي علاء رحمة واسعة

اللهم ارحم  اخي علاء رحمة واسعة

اللهم ارحم اخانا رحمة واسعة واجمعنا به في مستقر رحمتك

اللهم ارحم اخانا رحمة واسعة واجمعنا به في مستقر رحمتك
نسالكم الدعاء لاخانا