الجمعة، 10 أغسطس 2007

حوار صريح


انا:ازيك يانفسي


نفسي:كويسة احسن منك


انا:انت ليه بتعملي فيا كده


نفسي:انت عبيط انا عملت فيك حاجة دا انا وانت واحد


انا :كل ده ومش عارفة انت عملت ايه


نفسي:عملت ايه فكرني كده


انا:البلاوي والذنوب والمعاصي اللي انت كل شوية بتعمليها ايه مش واخدة بالك انك كده هاتوديني في داهية


نفسي:انا هوديك في داهية دا انا عايزة ابسطك مش عايزة انكد عليك


انا:تبسطي مين بس انت كده بتظلميني


نفسي(في نرفزة):بظلمك ايه ماتهدي شوية انت نازل سلخ فيا كدا ليه


انا(في تاثر):خايف اننا منعرفش نرجع من اللي انت بتعمليه ده


انت اي حاجة بتيجي علي مزاجك بتعمليها


انت متبعة لشهواتك وملزاتك


انت بتعيني الشيطان عليا بدل ماتقفي معايا ضده


انت بقت همتك في الشر اكبر من همتك في الخير


انت مبتقيش تتطوعيني الا في الغلط بس


انا زهقت منك ومن قرفك00


نفسي(مقاطعة):متهدي ياعم النجم انت خدتني في دوكة كده ليه والمفروض ان انا اسكت ومرضش عليك


تتكلم وقد برقت عينها


انا بحاول اخليك تتستمتع بالدنيا وحلاوتها


انا بحاول اخليك ترضي عن نفسك بدل اللي انت عايش فيه


انا بحاول اشيلك من عناء التكلف في الدنيا عشان منظرك يبقي كويس ادام الناس


انا بحاول اريحك هاتاخد ايه من مقاومة شهواتك وملزاتك واحاسيسك وشعورك مش همة دول اللي بيبسطوك


صدقني ياحبيبي انا خايفة عليك من الهم بتاع الدنيا انا نفسي انك تنبسط دنيا واخرة


انا:اي استمتاع وانت بتبعديني عن ربنا


اي استمتاع وانت بتخليني بحتقر نفسي بسبب نقضي عهود كتير مع ربنا


اي استمتاع وانت بتاخريني في علاقتي مع ربنا


اي استمتاع ثم اي استمتاع ثم اي استمتاع وانت بتشديني لعذاب ربنا وغضيه


اي استمتاع وانت جعلتي الله اهون الناظرين الي


اي استمتاع ده الي هوديني للنار


نفسي:لالالا العملية مش كده انت لازم تنبسط ومتحرمش نفسك من حاجة وبرضه اعبد ربنا انا قصدي00


انا(مقاطعا):قصدك ايه اعبد ربنا زي ماانا عايز مش زي ما اراد هو و سبحانه وتعالي


علي العموم انا لازم اربيكي وامنعك من اللي انت بتعمليه ده كويس عشان تعرفي تحترمي نفسك وتعرفي ايه الصح من الغلط


نفسي (تربي مين ياغلبان):انت بتهرج


انا هو انت وانت هو انا


انا رغباتك الدفينه اللي بتحاول انك تقاومها


انا ذكرياتك القديمة بكل مافيها من سئ وجميل


انا0000


انا( مقاطعا في تحدي):هنشوف هاعرف اربيكي ولا


انا بتحاداكي


نفسي:وانا قبلت التحدي (وهي تضحك)مش هاتعرف تعمل حاجة


انا :الايام بيننا،سلام يا انا


نفسي :سلام يا انا




سؤال لينا كلنا هل احنا بالفعل تحدينا وقبلنا التحدي ولا00000000000000؟


والسلام


اخوكم اليعقوبي

هناك 11 تعليقًا:

شذى مولوتوف يقول...
أزال المؤلف هذا التعليق.
Fahd يقول...

اخي اليعقوبي
سلمت يداك
حديث كهذا يدور في داخائل كل منا ولكن العبرة الحقيقية منا بالفعل يصمد في التحدي
احساسك جميل اتمني ان يوفقك الله وتصمد في التحدي

عصفور المدينة يقول...

التحدي دائم وفيه وعي به ولكن المشكلة النسيان والمعركة سجال
جميل النقار الزوجي الذي كتبته أنت

جمعاوى يقول...

أخى اليعقوبى

عجبتنى فكرة حوار مع النفس دى

شفها ف مدونات قبل كده

بس مش بالطؤيقة الشيقة دى

جزاكم الله خيراً على التذكرة

Sally يقول...

ما شاء الله
يعني دي اول زيارة ليا
فاعتبرني صديقك عندك بقي من دالوقتي

اسلوبك رائع ما شاء الله
واكيد لازم كلنا نقبل التحدي خصوصا واحنا داخلين علي شهر شعبان

جزاك الله كل خير وقواك علي نفسك التي بين جنبيك فجعلها لك نفسا مطمئنة

رؤية

الفاتح اليعقوبي يقول...

اخي فهد
جزاك الله خيرا علي الرد
ان لم يدور حديث كهذا بداخل كل منا فنحن لانحاسب انفسنا وتركناها لهواها تلعب بنا كيفما شائت
وبعدين ايه ياعم كلمة ربنا يوفقك وتصمد في التحدي المفروض انك تقول نصمد في التحدي

الفاتح اليعقوبي يقول...

استاذي عصفور المدينه
انا بفرح جدا لما بلاقي حضرتك دخلت المدونة ادعو الله لي ان يعينني علي نفسي
والله يااخي اني احبك في الله

الفاتح اليعقوبي يقول...

استاذ جمعاوي
انا سعيد بزيارة حضرتك لمدونتي وجزاك الله خير علي الرد

الفاتح اليعقوبي يقول...

اختنا رؤية
جزاك الله خيرا علي المرور والتعليق
ان لم نتحدي في حياتنا فنحن بهذا لانحس بطعم الحياة
وياافندم مدونتك وتشرفي فيها وقت ماانت عايزة
امين لنا كلنا ان تكون نفوسنا مطمئنة

انسااااااااانة....غريبة يقول...

ولا ,و ده اجابة السؤال بصراحة


بس الحقيقة ان الواحد احيانابيكون قادر يتحداها وعايز ده واحيانا بيكون مش قادريتحداها لانه مش عايز ده هو عايز الحاجات اللى هى عايزاها ونفسه يتحداها بس مش قادر

مشكلة خطيره جدا يوم متبقى انت ونفسك واحد مش عدوين

اذا حدثت نفسك يوما فقل لها يا نفس قد ازف الرحيل

موضوع ممتاز وجزاك الله خير

الفاتح اليعقوبي يقول...

اختنا انسانة
سلفنا الصالح كان بيتعامل مع النفس معاملة تانية وكانوا يروضونها علي طاعة الله مش متبعينها وخلاص
وتشرفنا بزيارة حضرتك
والسلام

ساندوا اخوانكم في القوقاز

ممدونات مهمة للغاية

المدونات دي لازم تعدوا عليها وساندوا اصحابها جزاهم الله خيرا

مدونة ارض الحرب جزا الله صاحبها خيرا

كلنا مقاومة

مدونة اولادنا امانة (كيف نربي الاجيال القادمة)

نشقي ليعز ديننا وتسعد امتنا

نشقي ليعز ديننا وتسعد امتنا

جماعة قاداتها شهداء منصورة باذن الله

جماعة قاداتها شهداء منصورة باذن الله

About Me

صورتي
اليعقوبي احد الفاتحين القادمين باذن الله واتمني انا ذلك كل مااسال الله عليه ان يثبتني علي دينه وعلي طريقه والااضل عنه وان يرضي عني

لغتي الجميلة هويتي واصلي وديني

لغتي الجميلة هويتي واصلي وديني

اللهم ارحم اخي علاء رحمة واسعة

اللهم ارحم  اخي علاء رحمة واسعة

اللهم ارحم اخانا رحمة واسعة واجمعنا به في مستقر رحمتك

اللهم ارحم اخانا رحمة واسعة واجمعنا به في مستقر رحمتك
نسالكم الدعاء لاخانا