الثلاثاء، 14 أغسطس 2007

انت من اي الاتجاهات





في مرة دار حوار بيني وبين احد اخواني حول موضوع التمثيل بالنسبة للنساء وكده فقلت له انا معترض علي الحكاية دي جدا ومش مؤمن بيها فقالي ايه ده انت شكلك كده من اليمين المتشدد



فقلت له :ايه اليمين المتشدد ده



فقالي :الاخوان اساسا ثلاث تيارات يمين متشدد ويسار منحل والوسط



(علي فكرة هو كان بيهزر معايا يعني الكلام كان كله ضحك)



بس انا عايز اقف لحظات هل فعلا الاخوان ثلاث تيارات هل الكلام ده صح ولا غلط



هل هناك يمين متشدد في الاخوان فكره اصولي سلفي (مثلما سمعت من بعض اخواننا اللي في احد التعليقات في احدي المدونات بيقول بلاش التفكير السلفي ده)



له مسلمات لا يتنازل عنها فقط هو تنظيميا تابع للاخوان
وافكار اصولية متاثرة بالتيار السلفي وشيوخه في مصر






ام ان هناك بالفعل تيار من اليسار المنحل في الاخوان اللي تاثر بالتيارات العلمانية (زي مايقال عن بعض اخوانا )له اجتهادته الخاصة به والتي لاتبني علي اساس شرعي



فقط اصبح تيار نضالي ثوري يهاجم النظام فقط للمهاجمة وان فعل شئ جيد يشكك في نواياه


ام ان هناك تيار وسط بينهم هما الاثنين ياخذ من هذا ومن هذا






انا مستني الردود والتعليقات اللي هاتضيف او تفيد في مثل هذا الموضوع وعايزن نعرف فعلا احنا رايحين الي اين بالتقسيمات دي ،وانت يالي هاتعلق من اي تيار فيهم



وهل التسميات دي بالفعل ليها وجود ام هي مجرد هزار من واحد صاحبي؟؟؟؟؟؟؟؟

والحق مع من هذه التيارات ان كان بالفعل ليها وجود؟
.............................................................
تحديث
مش مهم اللي يعلق يبقي من الاخوان انت ايه نظرتك من خلال رؤيتك او معاملتك
للاخوان علي النت او في الواقع العملي
والسلام


اخوكم اليعقوبي

هناك 16 تعليقًا:

قلب أبيــض يقول...

يعنى ايه كلمة وطن
سؤال محتاج من كل واحد فينا اجابة
شاركونى برايكم
قلب أبيض

عصفور المدينة يقول...

السلام عليكم طرح جيد
وكما تعلم أنني لست من الإخوان ولعلي في وجهة نظر بعض السلفيين الإخوان بتاع السلفيين

بس هل يا ترى من حقي إبداء الرأي؟
رأيي أن هذا السؤال ينقسم لشقين
شق واقعي
والشق الثاني في أصل فكرة الإخوان

فمطلوب أولا تحديد بل التذكير بماهية الإخوان
وينبني عليه تصنيف المنتسبين حسب قربهم أو بعدهم من التعريف

خطــاب يقول...

للاسف

كلام واقعى و حقيقى

ربنا يجعلنا من اهل اليمين

الفقير إلى الله يقول...

موضوع فعلا مهم لكن أظن ان فعلا الاخوان من وجهة نظري في الفترة الأخيره مبقتش التربية بتاعتهم زي الأول للأسف لهذا فعلا تجد البعض به أخطاء كثيرة فأصبحت تجد الأخ سامع الأغاني ويتفاخر بذلك أن هكذا متزن والاخ اللي بيهزر مع البنات , , , للأسف ونسينا حقيقتنا لكن حكاية العلمانيه لا يا راجل ما اظنش وصلت للدرجه ومعرفش ليه أصبح فيه كره لما يذكر اسم السلف مع ان الامام البنا قال اننا سلفيه وللاخ عصفور المدينه احنا دا


1 ) دعوة سلفية : لأنهم يدعون إلى العودة بالإسلام إلى معينه الصافي من كتاب الله وسنة رسوله.

( 2 ) وطريقة سنية : لأنهم يحملون أنفسهم علي العمل بالسنة المطهرة في كل شيء ، وبخاصة في العقائد والعبادات ما وجدوا إلى ذلك سبيلا .

( 3 ) وحقيقة صوفية : لأنهم يعلمون أن أساس الخير طهارة النفس ، ونقاء القلب ، والمواظبة علي العمل ، و الإعراض عن الخلق ، والحب في الله ، والارتباط علي الخير .

( 4 ) وهيئة سياسية : لأنهم يطالبون بإصلاح الحكم في الداخل وتعديل النظر في صلة الأمة الإسلامية بغيرها من الأمم في الخارج ، وتربية الشعب علي العزة والكرامة والحرص علي قوميته إلي أبعد حد .

( 5 ) وجماعة رياضية : لأنهم يعنون بجسومهم ، ويعلمون أن المؤمن القوي خير من المؤمن الضعيف ، وأن النبي صلي الله عليه وسلم يقول : (إن لبدنك عليك حقاً) و إن تكاليف الإسلام كلها لا يمكن أن تؤدي كاملة صحيحة إلا بالجسم القوي ، فالصلاة والصوم والحج والزكاة لا بد لها من جسم يحتمل أعباء الكسب والعمل والكفاح في طلب الرزق ، ولأنهم تبعاً لذلك يعنون بتشكيلاتهم وفرقهم الرياضية عناية تضارع وربما فاقت كثيراً من الأندية المتخصصة بالرياضة البدنية وحدها .

( 6 ) ورابطة علمية ثقافية : لأن الإسلام يجعل طلب العلم فريضة علي كل مسلم ومسلمة ، ولأن أندية الأخوان هي في الواقع مدارس للتعليم والتثقيف ومعاهد لتربية الجسم والعقل والروح .

( 7 ) وشركة اقتصادية : لأن الإسلام يعني بتدبير المال و كسبه من وجهه وهو الذي يقول نبيه صلي الله عليه وسلم : (نعم المال الصالح للرجل الصالح) ويقول : (من أمسي كالاً من عمل يده أمسي مغفوراً له) ، (إن الله يحب المؤمن المحترف)

( 8 ) وفكرة اجتماعية : لأنهم يعنون بأدواء المجتمع الإسلامي ويحاولون الوصول إلي طرق علاجها وشفاء الأمة منها .


وهكذا نري أن شمول معني الإسلام قد أكسب فكرتنا شمولاً لكل مناحي الإصلاح ، ووجه نشاط الإخوان إلي كل هذه النواحي ، وهم في الوقت الذي يتجه فيه غيرهم إلي ناحية واحدة دون غيرها يتجهون إليها جميعاً ويعلمون أن الإسلام يطالبهم بها جميعاً

جمعاوى يقول...

أخى اليعقوبى

أشكرك على طرحك للموضوع

و إن كنت أختلف مع صاحبك فى تسمية التقسيمات
بداية ..دعنا نتفق على أن الإخوان ليسوا مذهبا فقهيا

بمعنى أن ليس للإخوان مذهب فقهى واحد ينتهجوه( خد بالك أنا بأتكلم عن الفقه )
و الدليل على ذلك أنك قد تجد من الإخوان من هو مقتنع بالنقاب ( مع الإختلاف فيه ) و من هو مقتنع بالحجاب بشكله المعتاد
( و قش على ذلك اللحية أيضاً )
طيب و ده ماله باللى إحنا بنتكلم فيه ؟؟؟؟

أقوللك انا
قد يتتطبع الأفراد بمناهجهم الفقهية فى حياتهم العملية بمعنى أنك قد تجد من يؤيد النقاب مثلا متشدد فى بعض ارآئه
و هذا فى وجهة نظرى ظاهرة صحية جدا لاننا لا نعمل على تخريج ققوالب صماء متاشبه أو قل متطابقة
ع العموم معذرة على الإطالة

Sally يقول...

هو انا مش بنتمي لاي اتجاه

بس اتعاملة مع شباب من اخوان
وفعلا ياعز معاك حق في اللي بتقوله
دا حال الاخوان من وجهة نظري

رؤية

انسااااااااانة....غريبة يقول...

هو انا مش من الاخوان بس فى رايى :

ان اى حزب او جماعة عامة ممكن يكون فيها الاتجاهات التلاتة والاتجاه السائد هو اللى يحددها هل هى يمين او يسار او وسط , يعنى اذا كنت انت مثلا وسط او يمين اكيد فى ناس من الجماعة يسار انت متعرفهمش

بس فى راى تانى لو الجماعة محددة مواصفات محددة للى بينتموااليها انهم يكونواكذا وكذا , فممكن تقول ان اصحاب الاتجاهات الاخرى اليسار او اليمين او الاتجاه اللى خارج هذا المواصفاتوالشروط عامة يكون مش من الجماعة اصلا بس بينسب نفسه ليهم وبكده مش هيكون فى اتجاهات تلاتة

اما رايى انا واللى استنتجته من كلامى مع احدهم ان الاخوان فيهم اتجاهات فعلا زى مانت قلت بس اكيد الاتجاه التالت اليسار معتقدش انه من الاخوان ولاايه ؟

مشروع انسان يقول...

اه فعلا كلام حضرتك واقعى جدا
بس مش لازم يكون بالصورة الكبيرة انه يكون متشدد اوى او منحل جدا اكيد فيه حدود بس ده على فكرة عادى بل وصحى وده من جمال الاخوان ان يكون فيها افكار وارء واتجاهات مختلفة عشان اللى بيقولوا انهم مش بيفكروا ومعندهمش دماغ غير اللى بيقول عليه المرشد والكلام ده
لا فيه افكار واختلافات ونقد وده صحى جدا اذا كنا كلنا كتلة واحدة وده استحالة يكون اصلا حتى الصحابة كان فيه منهم عمر وكان فيه منهم ابو جهل باعتبار تعريف الصحابة من شهدوا رسول الله صلى الله عليه وسلم وليس ابو جهل صحابى المهم الاختلاف موجود ولازم ومطلوب بس المهم طبعا عدم الحيدة عن نهج الرسول والسلف الصالح وان يكون حدودنا دين الله لا نتجاوزها

الفاتح اليعقوبي يقول...

قلب ابيض ان شاء الله هامر علي مدونة حضرتك وجزاك الله خيرا علي المرور
...............................
استاذي عصفور المدينة
من حقك يااستاذي ابداء رايك طبعا
انا قصدي من هذا هو راي من سيعلق هنا علي هذا الموضوع من خلال رؤته لواقع امامه
اما بالنسبة للشق الاول
فتعليق شاب بيحب اسلامه وضح الشق الاول بالنسبة للشق الثاني
اللي انا شوفته ان هذا الامر يختلف من شخص لاخر حسب مدي التزامه بهذه المبادئ
وان شاء الله هامر علي مدونة حضرتك الجديدة
والله يااخي اني احبك في الله
والسلام

الفاتح اليعقوبي يقول...

عمي خطاب
انا من رايك تماما وادعو ان يرزقنا الله اتباع الحق وان كان في غير مانهوي
................................
استاذ شاب بيحب اسلامه
انا سعيد جدا بمرورك عندي
والصراحة فضت واستفضت تقبل الله منك وجزاك كل الخير
والسلام

الفاتح اليعقوبي يقول...

استاذي جمعاوي
فعلا كلام حضرتك صحيح بس المشكلة بتحصل لما اي اخ يتبع مذهب فقهي معين انه يحاول يفرضه علي اخوانه كل حاجة فعلا بتيجي بالاقناع وبالفعل اكثر مايميز الاخوان انهم متنوعون في افكارهم فده بيثري الجماعة من حيث الفكر وبالتالي العمل
الاخوان بالفعل ليسوا مذهب فقهي او فرقة من الفرق وهذا كلام العلماء وليس كلامي
...............................
استاذه رؤيه
الامر مش معمم تماما
انا تعلمت شئ في طريق التزامي
الامر ليس جماعات الجماعات في نظري افضل
والجماعات المشتغلة في الحقل الدعوي لاتحاسب كلها ولكن اللي تعلمته ان كل شخص له تصرف يحاسب عليه
والسلام

الفاتح اليعقوبي يقول...

اختنا انسانة
ممكن بالفعل تلاقي اتجاهات مختلفة داخل اي حزب او جماعة ،بس لو كانت النية لمصلحة الجماعة فده بيري الجماعة اما لو كان لمصالح شخصية وتكتلية فده بالفعل بيقضي علي الحزب او الجماعة
بالنسبة لجملة حضرتك الاخيرة
الامام حسن البنا رحمه الله قال جملة جميلة جدا علي الاخوان
(كم من ليس فينا وكم فينا ليس منا)
............................
استاذ امام الجيل
ربنا يوحد صفوف الحركة الاسلامية ككل ويوحد صفوف الاخوان علي مايحب ويرضي
وجزاك الله خيرا علي المرور وانا سعيد جدا بمرور حضرتك
والسلام

ما علينا يقول...

اعتقد ان الكلام اللي اتقال
وان كان على سبيل الهزار والتهريج
الا اننا ان تمعنا قليلا حولنا
وجدنا بعض ملامحه

انا اتحدث عن واقع اعايشه
واكثر ما لاحظته
ان الاخوان يسعون الى حشد عدد كبير
جذب الكثيرين لمؤازرتهم
والمنهج الغالب عليهم سياسي بحت
وواجد من الاخوان
جانبين
احدهما ملتزم معتدل
يحيا الاسلام روحا قلبا وقالبا
باعتدال ووسطية

والجانب الاخر هم المهتمون بالجانب السياسي اكثر
مهمشين امور كثيرة في الدين
بدعوى فقه الاولويات
وهذه جملة سمعتها كثيرا
ومنها موضوع اللحية
خاصة وانها لم تعد مصدر ازعاج كما كانت منذ سنوات

وغير ذلك من انهم متهاونين في الكثير من امور الدين
والكيل بمكيالين

ولكني لم اجد منهم ابدا من هو قد اقترب الى حد العلمانية

اما الفكر السلفي
فهو اصبح تيار منفصل منذ زمن
وكثيرا السلف على خلاف فظيع مع الاخوان

نهاية
كل تنظيم وارد جدا
ان يكون لها جوانب ضعف

الله المستعان

الفاتح اليعقوبي يقول...

الاخت ماعلينا
انا سعدت جدا بتعليق حضرتك
بالنسبة لمسئلة الحشد الكبير فده طبيعي ان اي اتجاه صاحب فكر يجب ان يكون له اتباع كثيرين يقوا من شوكته ،بس للحق الحكاية دي ليها مزايا وعيوب مش هنتكلم في المزايا خلينا في العيوب
في اشخاص بالفعل غير قادرين علي حمل تبعات هذه الدعوة وليس لديهم حماسة لها (دعوة الله)بل اصبحوا عبء عليها هو وجد اقرب صحابه او شلته بقوا اخوان فبقي زيهم وخلاص
......................
الجزئية التانية
المنهج الغالب علي الاخوان ليس السياسة مين اللي قال كده
افضل مايميز الاخوان عن اي تيار تاني سواء كان ديني او سياسي هو التنظيم والتخطيط يعني احنا عارفين هنعمل ايه كمان سنة دي كل القصة
اما السياسة ففي ناس من اخوانا هما تنظيميا مشتغلين بالسياسة وده شغلهم في الجماعة انما مش السمة الغالبة علي الجماعة هي السياسة (طبيعي اللي بيشتغل في السياسة بيكون مسلط عليه الاضواء)ومش اي حد مننا يكون شغال بالسياسة انا شخصيا مليش دعوة بشغل اخوانا السياسي في الجماعة السياسة في الجامعة لها اهلها


اما حكاية تهميش جوانب من الدين فده سامحيني كلام خاطئ
رسول الله (صلي الله عليه وسلم)في صلح الحديبية عمل ايه ؟
وايه كان موقف سيدنا عمر بن الخطاب ؟
الظاهر من هذا الصلح هو تنازل المسلمين صح هذا مااعتقده فاروق الامة عمر(رضي الله عنه)فقال وقتها لماذا نرضي الدني في ديننا وحضرتك ارجعي للمعاهدة من الاول ووقفي عند مواقفها وفقهها
اما مسئلة اللحية
مين قال ان اللحية مبتعملش مشاكل لغاية دلوقتي
الفكرة اننا ممكن نتقابل كاخوان كثيرا ولقاءات فيها حوالي 20الي25 اخ فتخيل بس منظر 20او 25ملتحي دخلين بيت في ظل الهد الاستخبارتي اللي النظام معيشنا فيه مشغل نص البلد علي النص التاني
قال رسول الله (صلي الله عليه وسلم):رفع عن امتي السهو والنسيان وما استكرهوا عليه 0
نحن لم ننكر مسئلة اللحية ولكن لكل شئ وقت وعلي فكرة انا اغلب الوقت مطلق لحيتي بس بتحصل ظروف كتير بتخلني اخفها
واسال الله ان يرزق بلدنا امر رشد يعز فيه اهل طاعته ويذل اهل معصيته ويمكن فيه لدينه

..................ز
بالنسبة لحكاية هجوم التيار السلفي علي الاخوان
انا هاقول لحضرتك حاجة
انا لم اكن لااخوان وبتنجان ولا سلفي ولا خلفي ولا اي حاجة كنت عايش لدماغي بالطول والعرض شب زي اي شب في الجامعات المصرية
وجيت فعلا فكرت اني التزم ومشيت مع التبليغ والدعوةوومشيت مع السلفيين لكني لم اجد ضالتي في هذين الاتجاهين بل وجدت ضالتي مع الاخوان وهبقي انزل بوست عن الحكاية دي في مرة ان شاء الله

وجزاك الله خيرا واسف جدا علي التطويل

عصفور المدينة يقول...

أحبك الله الذي أحببتني فيه
جمعنا الله وإياك وجميع إخواننا في الجنة

ياسر سليم يقول...

العريان وراء القضبان

شاركنا فى حملة التضامن مع الدكتور عصام العريان

على مدونتى

ساندوا اخوانكم في القوقاز

ممدونات مهمة للغاية

المدونات دي لازم تعدوا عليها وساندوا اصحابها جزاهم الله خيرا

مدونة ارض الحرب جزا الله صاحبها خيرا

كلنا مقاومة

مدونة اولادنا امانة (كيف نربي الاجيال القادمة)

نشقي ليعز ديننا وتسعد امتنا

نشقي ليعز ديننا وتسعد امتنا

جماعة قاداتها شهداء منصورة باذن الله

جماعة قاداتها شهداء منصورة باذن الله

About Me

صورتي
اليعقوبي احد الفاتحين القادمين باذن الله واتمني انا ذلك كل مااسال الله عليه ان يثبتني علي دينه وعلي طريقه والااضل عنه وان يرضي عني

لغتي الجميلة هويتي واصلي وديني

لغتي الجميلة هويتي واصلي وديني

اللهم ارحم اخي علاء رحمة واسعة

اللهم ارحم  اخي علاء رحمة واسعة

اللهم ارحم اخانا رحمة واسعة واجمعنا به في مستقر رحمتك

اللهم ارحم اخانا رحمة واسعة واجمعنا به في مستقر رحمتك
نسالكم الدعاء لاخانا