السبت، 25 أغسطس 2007

فيلم حياتي 3

قبل مااكتب الموضوع المرة دي انا عايز اقول حاجة لخوانا واخواتنا
انا كاتب الموضوع ده مش من باب الترف الفكري والوقتي
انا واحد من الناس المؤمنين بتوصيل العبر عن طريق القصص والحكايات والمواقف فاتمني اننا نحاول نستفيد من المواقف في حياتنا لان في حياة كل منا فيلم برضه
وانا اسف جدا لان الكلام مش منظم اوي لانه بالنسبة لي ذكريات وفلاشات بفتكرها في دماغي فاللي بفتكره بحكيه
واسيبكم مع القصة
وصل بيا الحال المرة اللي فاتت اني بدات تظهر ليا عيوب لجماعة التبليغ وبدات اني اخذ موقف متحفذ شوية معاهم
بس كان في شئ جميل جدا جدا جدا في حياتي في الوقت ده
الكتور راغب السرجاني
يااااااه الراجل ده يااخوانا فعلا من اصحاب الفضل عليا كانت ايام جميلة جدا
احد اصدقائي كنت بروح معاه للدكتور راغب كل يوم الفجر (مش كل يوم يعني)وكان اكرمه الله عنده فطنة شديدة اوي وتظهر لك عندما تتحدث معاه وتعلمت منه اشياء كثيرة جدا وكانت فعلاايام من اجمل ايام حياتي
اه نسيت موقف مهم في بداية التزامي حصلي من والدتي
امي ربنا يديها الصحة والعافية عندها حاجة كده ايه هي
بتحلم بحاجات والحاجات دي بتتحقق فالمهم في مرة نزلت اصلي الفجر وكنت بقعد بعد الفجر شوية مع صحابي
فطلعت بعد الفجر بشوية كتير فلقيتها قاعدة لي وبدات تزعق فيا فقلت لها في ايه
قالت هتروح في داهية
قلت ليه
قالت انا حلمت انهم خدوك وقبضوا عليك ونزلت ادور عليك دلوقت في الشارع ملقتكش
امي حلمت بعد الادان بشوية ان في بوليس جه خدني ونزلت تدور عليا في الشارع بعد الفجر
وقالت لي بعدها صلي في البيت والكلام اللي مبيجبش همه ده
طبعا الحلم ده كان من الشيطان واعرفوا حاجة يااخوانا طول ماالشيطان بيجدك تتقرب الي الله لن يتركك في حالك بس الحمد لله تجاوزت الحكاية دي
تدخل اخر السنة التانية اللي كنت بعيدها وابتدي اتغير بالفعل وقرر اني لازم ابعد عن الجو ده
وغلبت نفسي في حاجات كتير ولله الحمد منها مثلا السجائر بطلتهاوالالفاظ الخارجة حديت منها كتير وقررت اني اروح اسافر لوالدي لمكان عمله وابعد عن الجو ده
وفي الوقت اللي بقرر فيه اني ابعد واسافر عشان اقعد بعيد عن الجو ده
تاتيك الفتن سعيا بين يديك
المعاصي اللي انت عجزت عنها تايتك سعيا تتحول بقدرة قادر في الشلة الموقرة لحلال مشاكل وحاجة كانت تغم
ولله الحمد انجح السنة دي وجائت لي فترة مشيت مع اخوانا السلفيين بس مش كتير فاخ منهم عمل معايا موقف فقفلت من جهته وهذا خطاء مني ومنه لاني عممت تصرف فرد علي جماعة وخطاء منه انه لم يراعي اني لازلت في بداية الطريق فياخذ باله من اي كلام لي معه فسبته برضه
الجعفري
وده بقي اقرب اصحابي وصديقي وان شاء المولي عز وجل زميلي القادم في المدونة
الجعفري ده اعرفه بقالنا حوالي 15او16 جاري في نفس العمارة
وكان له شئ يميزه وهو صغير ايه هو انه مكنش فيه شتيمة بيعجز لسانه عنها قاموس شتائم يمشي علي رجلين ولغاية اعدادي كان كده واهله ناس محترمين جدا لدرجة ان والدته كانت بتعيط منه عشان تتخيلوا
والده كان بيقول لوالدته متخديش الواد ده معانا في حته وكان يبلغ من العمر 4او5 سنين ليفضحنا وسط الناس حاجة صعبة جدا وكنت انا اقرب صحابه بس مكنتش زيه والحمد لله انا كنت مؤدب وانا صغير
ندخل في المهم ايه علاقة الجعفري بالكلام ده كله؟؟؟؟؟
علاقته ان ده كان واحد من الناس اللي ربنا جعلهم سبب لالتزامي
مرة واحدة في ثانوي بدات الحظ انه بدا يصلي وبدا لسانه يهدي من اللي بيقوله
وبدا تظهر عليه بوادر الالتزام مع احتفاظه بلسان به بعض الزفارة ولكن ليست كالاول
فبدات افكر ايه اللي خلاه كده ؟؟؟؟؟؟؟؟؟
وزادت علاقتي بيه في ثانوي وجامعة جدا اااا
وجدته رغم انه في جامعة خاصة مبيسعاش الي انه يكلم بنات والصراحة هو مكنش مهتم بالكلام ده وكان بيقولي ان الصحوبية والكلام ده غلط وكنت بحاول اقنع فيه انها عادي
وكان بياخدني وقتها لفين حد يعرف ؟؟؟؟؟؟؟؟؟؟؟؟؟؟؟؟
يوم رياضي للاخوان في المنطقة ومن هنا بدات معرفتي بالاخوان وكان مجرد يوم وبدات اتعرف علي الاخوان في المنطقة ولم يكن لهم تاثير عليا في المرحلة دي الا اني اتعلمت الصلام في اليوم الرياضي ده طب ازاي؟؟؟
كنت اروح هناك كان لازم اصلي قوانين اللعب معاهم كده ومقلش ادبي في اللعب واللي يشتم او يغلط يطلع بره شوية
فكنت مقطع في الصلاة او مثلا في نفس اليوم اللي فيه اللعب اكون مصلطش ولا صلاة فاروح هناك اصلي المغرب والعشاء اصل هما كلهم بيصلوا فقلت انا بنافق نفسي ولا ايه فكان الكلام ده بيئنب ضميري جدا
وتدخل تاني سنة وتزيد علاقتي بيهم شوية دون ان اشارك معهم في شئ ولكن كان تاثير الجعفري عليا كبيرلان بقي في الوقت ده جزء منهم وانا معرفش انا لقيت صحبي بقي كويس اخلاقيا فاستغربت ده اللي انا اعرفه وبدا يكلمني عنهم علي استحياء
وفي الوقت ده في اجازة السنة التانية كنت قطعت بالفعل مع البنات في الجامعة مقاطعة الي غير رجعة اما الولاد فدول صحابي الي الان ولله الحمد
وفي الوقت ده في الاجازة حولت جامعة القاهرة عشان ابعد عن ارض المعاصي بالنسبة لي هي عين شمس وبقيت طالب في تجارة القاهرة
وبعدها ياتي احد الاخوان في نهاية الاجازة ويقولي ان في رحلة ثلاث ايام الي احد المصايف الراقية جدا في بلدنا وان في واحد صاحبنا عنده شاليه هناك وانت هتروح معانا
وبدا الجعفري يقنعني بالحكاية دي
وكان اغرب مرة في حياتي اروح فيها مصيف ورجعت بعد المصيف ده شخص تاني تماما
ياتري ايه اللي حصل في المصيف ده اسف في المعسكر ده؟؟؟؟؟؟
نكمل المرة الجاية
اخوكم
اليعقوبي

هناك 16 تعليقًا:

عصفور المدينة يقول...

الله يحفظك مش انا قايلك المصيف ممنوع
والكلام على السلفيين ممنوع

جزاك الله خيرا بس انا مستغرب إزاي الفترة دي واللفة دي كلها كنت مقطع في الصلاة لحد اليوم الرياضي

وبخصوص موضوع الشيطان ممكن نتخيل الحرب مع الشيطان حرب مع شخص عدو بس أشد الأعداء
وهو نظرا لأنه لا يستطيع الظهور والمواجهة فربما إذا فشل معك ان يستعدي عليك احدا أو يوسوس لمن يضع العقبات في طريقك أو يؤذيك وهذه من وسائله نعوذ بالله من شره

انت قلت لي اسم المدونة بتاعتك إيه
:D

عصفور المدينة يقول...

على فكرة أنا حكايتي أفظع وفيها أهوال تعمل فيلم من نوع أكشن ولكن لا استطيع أن أحكيها نفسي ييجي يوم اعرف بس مستحيل

الفاتح اليعقوبي يقول...

استاذي وحبيبي في الله استاذ عصفور المدينة
المصيف ممنوع ليه بقي كل حاجة في الدنيا بدل هي باطارها الشرعي خلاص
اما عن اخواني السلفيين انا مقلتش حاجة انا حكيت موقف ومقلتش ايه هو الموقف
لاني بعد كده امنت بشئ ان الحركة الاسلامية في مصر ليست الا اخوان وسلف لانهم بيمثلوا الوسط


حكاية الصلاة واليوم الرياضي انا بدات اني اواظب علي الصلاة في الاجازة بتاعة السنة التانية
لاني كنت وسط جو فعلا صعب اوي بس بالوقت كانت مقاومتي بتزيد
اما ايام اليوم الرياضي فانا كنت وقتها في اوائل سنة تانية وهو للاسف الاحداث كلها مش مرتبة يعني اللي بيجي علي دماغي بكتبه
الشيطان العدو رقم واحد لي في هذه الفترة
اما الان فاصبحت النفس هي رقم واحد وهوبيسخنها عليا علي الان

يارب ثبات علي طريقك
يارب ثبات علي طريقك
يارب ثبات علي طريقك
يارب ثبات علي طريقك
يارب ثبات علي طريقك
يارب ثبات علي طريقك


احكي يااستاذنا لعل الناس تعرفك اكثر ولعل احد يستفيد ويعتبر
والسلام

Coca يقول...

جميل احلي حاجه التشويق للي جاي من القصه
تحياتي

khobayb يقول...

ممممممم

قصدك تقول الإخوان ضحكوا عليك ؟ وعملولك غسيل مخ ؟
الإرهابيين !!! غسالين المخاميخ

:)

الحمد لله إنهم غسلولي مخي أنا عن ذات نفسي

نضفوه !!!

الفاتح اليعقوبي يقول...

استاذة كوكو
جزاك الله كل الخير علي المشاركة
ودائما المجهول مرغوب مرغوب حتي اذا جاء فترت النفوس تجاهه
والسلام

الفاتح اليعقوبي يقول...

عمي خبيب
ضحكوا عليك وعليا بس علي رايك نضفوه
اللهم ارزقنا نضافة المخ
والسلام

محمد عبد الرحمن يقول...

اللهم ثبت أخى عز على طريق مرضاتك
وألأحقنى وإياه بمن سبقت لهم منك الحسنى
جميل جدا وضوحك وجذابة هى صراحتك
أكمل ياسيدى لعل أمارتى بالسوء تعتبر وتستحى على دمها
أخى الكريم أحيى فيك أنك لم تتحامل على السلفيين
بالرغم من أنى لم أشرف بالإنتماء للسلفيين ولا للإخوان إلا أن الشباب هنا وهنا لهم تقدير كبير عندى

أميرة محمد محمد محمد يقول...

ماشاء الله عليك اسلوبك يجذب الانتباه ومشوق ومن الواقع واعتقد ان اكتر حاجه تقدر توصل بيها لقلب اللي قدامك انك تحكى باسلوب كانه حدوته اوفيلم صدقني ده بياثر اكتر وبيوقع اي حواجز بينك وبين اللى بتكلمه ولو في انسان عاصي هيحب يسمع النصيحه بالطريقه دي افضل من النصيحه المباشره.انا كمان عدت سنه واحمد لله كان ده اكبر حاجه خلتني اقرب من ربنا لان الدفعه اللى كنت فيها ماكانتش تساعد علي اي خير .سبحان الله وعسي ان تكرهوا شيئا وهو خير لكم.استمر في الافلام بتاعتك

جمعاوى يقول...

اليعقوبى بيه

تحياتى لأخوك الجعفرى

لانه عرف يجيب لطريق ربنا واحد زيك

يا مولانا

متابع بشغف يابن أخويا

Sally يقول...

ربنا يثبتك ع الطريق ياغز يارب
ويبارك لكل من اثر في هدايه مسلم


في انتظار التكمله
رؤية

الفاتح اليعقوبي يقول...

اخي طال الليل
جزاك الله خيرا علي المرور
واللهم تقبل دعائك يارب امين
لست كما تظن ياااخي ادعو الله لي ولك لن يهدي نفوسنا الامارة بالسوء يارب
والسلام

الفاتح اليعقوبي يقول...

اختنا اميرة محمد محمد محمد
فعلا في القصص او الواقع الملئ بالقصص موصل جيد للدعوة
اجمل حاجة في الدنيا ان الشخص يبقي صريح وميلفش ويدور
فعلا عسي ان تكرهوا شيئا وهو خير لكم وعسي ان تحبوا شيئا وهو شر لكم
ممكن الواحد لو كمل نجاح عادي فهيقول طب ايه المشكلة ماانا كويس وبنجح وماشي تمام لكن الله يبعث رسالة حتي ننتبه
والسلام

الفاتح اليعقوبي يقول...

جمعاوي باشا
الجعفري واليعقوبي
جامدين جدا الاسمين دول صح يامعلم
الفاتحون ليمتد (الجعفري واليعقوبي)0
والله يا عم جمعاوي ربك لما يريد اننا نمشي في طريقه خلاص انسي
بس اهم حاجة ياصاحبي
يارب ثبتنا علي طريقك
اصل اللي دخلوا الطريق ووقعوا كتير
والسلام

الفاتح اليعقوبي يقول...

استاذه رؤية
هههههههه
جامدة حكاية غز
غز يعني عوالم علي فكرة بضم الغين
علي العموم خير ماشي

يارب جازي كل من اثر في هداية مسلم بكل خير يارب هذا هو النعيم المقيم
وصدقيني حضتك هو ده اللي يبقي لنا عندما يتركنا كل شئ
والسلام

أُكتب بالرصاص يقول...

اليعقوبي

عجبتني صراحتك
جدا

والموضوع على فكرة شائك جدا


بس برافو عليك لصراحتك

ساندوا اخوانكم في القوقاز

ممدونات مهمة للغاية

المدونات دي لازم تعدوا عليها وساندوا اصحابها جزاهم الله خيرا

مدونة ارض الحرب جزا الله صاحبها خيرا

كلنا مقاومة

مدونة اولادنا امانة (كيف نربي الاجيال القادمة)

نشقي ليعز ديننا وتسعد امتنا

نشقي ليعز ديننا وتسعد امتنا

جماعة قاداتها شهداء منصورة باذن الله

جماعة قاداتها شهداء منصورة باذن الله

About Me

صورتي
اليعقوبي احد الفاتحين القادمين باذن الله واتمني انا ذلك كل مااسال الله عليه ان يثبتني علي دينه وعلي طريقه والااضل عنه وان يرضي عني

لغتي الجميلة هويتي واصلي وديني

لغتي الجميلة هويتي واصلي وديني

اللهم ارحم اخي علاء رحمة واسعة

اللهم ارحم  اخي علاء رحمة واسعة

اللهم ارحم اخانا رحمة واسعة واجمعنا به في مستقر رحمتك

اللهم ارحم اخانا رحمة واسعة واجمعنا به في مستقر رحمتك
نسالكم الدعاء لاخانا