السبت، 30 مايو 2009

تغيير جو




تحديث


الجعفري في تحد صارخ لعمه في الله بيقول لي لايفل الحديد إلا الحديد وربنا بيسلط أبدان علي ابدان
هو ده الجعفري الغلبان اللي قاعد أبو أخضر شوفوا كاشش أزاي
وفعلا لايفل الحديد إلا الصفيح






.............................................................................




السلام عليكم






في خطوة جادة لتغيير جو المدونة ولكسر الاتجاه العام السائر فيها قررت أني اكتب تدوينة نفك بها الجو ده شوية وهي مجموعة من الذكريات اللي مررت بها في حياتي طبعا قبل الالتزام وتمثل لي ذكريات جميلة ومواقف لم ينجيني منها إلا الله






طيب بلاش كلام كتير ندخل في المواقف






..........................................






الموقف الاول






(هوديكم القسم وأحبسكم)






كنت باخد مجموعة متميزة مع استاذ الفصل بتاع الرياضة وكان بيحبني جداا






أولا :عشان المجموعة المتميزة






وثانيا :لاني كنت شاطر جداا ولله الحمد في الرياضة






وكنت وقتها في أخر سنة في الاعدادية وكان الاستاذ ده عنده عيل كنا مستتقلين دمه وكان أصغر منا بسنتن و كان بيستخف دمه علي حس أبوه ففي مرة في الفسحة وكنا أربعة من نفس الفصل وكنا محمود ومسلم ومينا ويحي ولقينا الواد في وشنا علي سلم المدرسة






فالمهم سلمنا عليه وبدأنا نهزر معاه بس بغباوة وخلي أبوك يدينا اعمال السنة ياد وأقوله يخف علينا والواد بيضحك فقمت مكيله في وشه وبقوله بطل ضحك فالواد عيط وقم شاتم فقمنا مكيلين ليه أحنا الاربعة وضربناه جامد بس برضه قلبناها بهزار في الاخر وقلنا مش هانسيب الواد غير لما نصالحه وهو عشان يخلص مننا قال لنا أنه خلاص بقي كويس وسامحنا وبطل عياط ياحبيبي والكلام ده وخد المنديل أمسح وشك






فالمهم الواد خلع ورحنا علي الفصل ولقينا بعد كده الاستاذ ده طلع لنا الفصل بعد الفسحة وكانت حصة مش حصته ونادي علي أنا والتلاتة التانين وقلنا أيه اللي انتم عملتوه مع إيهاب ده قلنا كنا بنهزر معاه يااستاذ فقال لنا بتهزروا معاه الواد اتعور في وشه وجسمه ورم وحكي لنا حكاية طويلة عن الالام اللي بيعانيها ابنه الان



وقام قايل



يلا بينا علي المدير ،فاستاذن من استاذ الحصة وخدنا علي المدير





فالمدير بعتنا للناظر عشان كان في ايده شغل والناظر ثارت ثائرته وكان عايز يضربنا وبالفعل أحنا استعدينا للضرب أهم عصايتين ويعدوا





فلقينا الاستاذ بيقوله لا يااستاذ سامي متضربش حد فيهم أنا هاخد ايهاب وأعمله كشف طبي وأخرج اعملهم محضر واحبسهم وبعد كده وجه الكلام لينا أنا هاوديكم القسم وأحبسكم





فزملائي قعدوا يتحايلوا عليه خلاص يااستاذ أخر مرة والله ،وهو برضه مصمم وشوية يجروا علي الواد عشان يصالحوه وبرضه هو اللي معلق علي لسانه أنا هوديكم القسم وأحبسكم





وكل ده وأنا واقف لغاية دلوقتي شبه مرتبك مش مدي أي رد فعل





وبالفعل الاستاذ خرج علي أساس انه هايعمل اجراءات الحبس وحبسونا في غرفة الناظر لحين ظهور أي شئ أخر





وبعدها لقيت اتنين من اللي معايا





الاول يحي وعمل مجنون وقتها وعمل نفسه كأنه بيعيط واتجنن وعمال يرمي نفسه علي الارض ويعيط ولما أبصله الاقيه يضحك في الخباثة والتاني مينا القبها منوحة وقعد الارض وقعد زي اللي غرقت أرضه وعمال يقول يا مُرك يامينا وياحزنك يامينا وعياط جامد من الاتنين مينا ويحي بقي وصدقوا بجد أنه هايعمل كده





فأنا شوفت المنظر ده وهاتك ياضحك في غرفة الناظر أنا ومسلم (بضم الميم وفتح اللام) والناظر يقول لي يابني أنت مش خايف ده راح يعمل محضر أقول له مش هايعمل حاجة أنا عارف كله كلام وخلاص وكان في نفس المكتب الناظرة التانية بتاعت المدرسة بدأت تضحك لضحكي ويحي ده سخن أكتر في الجنان وقعد يغير في ملامح وشه كأنه بيعيط ولما أبصله ويشوفني جتلي هيسترية ضحك يقوم ضاحك فالابلة تقولي بتضحكوا دا أنتم هاتتحبسوا كمان شوية فيقلب يحي وشه تاني ويعيط ومينا فرش نفسه في الارض وقعد يولول والاستاذ دخل علينا بعدها شافني شكلي كان ميت من الضحك وقلت خلاص يااستاذ حمدي واتحيلت عليه شوية لحد لما سامحنا ووافق بس اننا ناكل عصايتين تلاتة نكالا بما فعلنا





وطبعا الثبات اللي كان عندي ده كان بسبب بعض الامور





أولها أن أبويا كان نائب رئيس مجلس الاباء وقتها ومدير المدرسة والناظر صحابه والمدرس ده نفسه صحبه فمكنش هايقدر يعملي حاجة





تاني حاجة أنا حسيت أنه بيعمل علينا فيلم لاني حافظ الاستاذ ده كويس





تالت شئ وهو المهم أنه كان نوعا ما بيحب الفلوس وأنا كنت باخد معاه مجموعة متميزة فلما يحبسني مين اللي هايقبضه أخر الشهر





....................................................





الموقف التاني





(جواب فصل نهائي من التعليم)





في تانية ثانوي كنت بتكلم في الحصة أنا واربعة زملائي فلقيت الاستاذ قام موقفني وقام رزعني عصايتين وكان اليوم برد جدااااا وكانت ايدي ناشفة فالعصايتين سمعوا في نافوخي وقام ضرب معايا برضه صاحبي اللي قلت لكم عليه في الموقف الاول اللي هو (مسلم ) والباقين قعدوا يضحكوا علينا في الخباثة فقمت قلت للاستاذ زي ماضربتني أنا ومسلم أضرب التلاتة التانين فقال لي أقعد مكانك ولو اتكلمت تاني هاضربك تاني





فقعدت فصحابي استفزوني تاني


فعدت عليه نفش الكلام زي ماضربتني أنا ومسلم أضربهم هما كمان



فما كان منه إلا أنه نزل علي جسمي بالعصايا فقمت واخد العصايا منه وراميها وزحت الدكة اللي بنكتب عليه (الديسك عندنا قطعتين دكة بنكتب عليها ومقعد بنقعد عليه ) وقمت مكلبش فيه وزنقته في الحيطة وكنت لسه هانوله في وشه لقيت الفصل كله عمال يغني يلا ياعز أديله ياعز يلا ياعز أديله ياعز فلقيت الاستاذ بيقولي أنت عايز تضربني أتفضل اطلع بره فقلت له طالع وسيبهالك وقمت واخد الشنطة وماشي من المدرسة كلها



وكان تاني يوم عندنا أجازة أربع أيام نيجي السبت أول الاسبوع الجاي بس قبل ما أمشي لقيت الاستاذ بيقولي أنا هاوريك فقلت له أعمل اللي انت عايزه



وطبعا الدنيا غمقت وخفت ليرفدني من المدرسة فكنت باخد درس كيمياء مع أستاذ من مديري المدرسة فحكيت له اللي حصل فقال لي بص لما ترجع أبقي أقوله أستاذ مأمون بيقولك خلاص يااستاذ حسين الموضوع انتهي



فقلت له لا أنا مقدرش أقوله كده يعني أبقي عمل فيه ده كله وبعدين اقوله استاذ مأمون بيقولك خلاص ده كان يتجن عليا



قوله أنت كده فقال لي للاسف أنا في دورة دلوقتي ومش هاجي المدرسة دلوقتي خالص



فما كان من الاستاذ مأمون مدرس الكيمياء إلا أنه اعطاني ورقة مفادها أن الاستاذ حسين يعدي الموضوع



ورجعت المدرسة وأول مارجعت أعطيت الاستاذ حسين الورقة اللي أعطاها لي الاستاذ مأمون فنرفزته أكتر مني ولقيته بيقولي يعني أنت تعديت علي استاذك وكمان جيبلي واسطة بتقولي فوت ياحسين



أنا هاوريك



وعندنا في المدرسة كل دور له مدير لان المدرسة كانت كبيرة أوي وعدت الحصة الاولي



وبين الحصة والاولي والتانية لقيت مدير المدرسة كلها بعتلي فقلت بس جالك الموت ياتارك الصلاة



ودخلت مكتب المدير فوجدت أستاذ حسين اللي أنا عملت معاه المشكلة فسبق هو بالكلام وقال لمدير المدرسة هو ده الطالب اللي تعدي عليا في الفصل فدافعت عن نفسي وحكيت لمدير المدرسة اللي حصل وأنه ضربني بالعصايا علي جسمي



فلقيت مدير المدرسة بيقولي قرب لي يا محمود فقربت ولقيته بيكتب جواب فصل



فقال لي تعرف ده إيه قلت له لا



قال ده جواب فصل نهائي من التعليم يعني متجيش المدرسة تاني خالص أنت تعليمك هايقف لحد كده وتجيب أبوك عشان يستلم ورقك من الادارة فقلت له حاضر



فقال لي يلا بقي بسرعة هات شنطتك من الفصل ويلا علي البيت ومتنساش تجيب أبوك بكرة



فقلت له حاضر وأنا مش دماغي حاجة خالص



فرجعت البيت وكان يوم سبت وهو يوم أجازة عند شغل والدتي فرجعت البيت حوالي الساعة عشرة فهي لقتني في وشها فقالت لي أنت إيه اللي جابك بدري كده وكانت بتقشر كوسة عشان الغداء فقلت لها أدوني فصل نهائي من التعليم فقامت رقعة بالصوت وقمت شدا السكينة ورفعتها عليا فجريت علي برة الشقة وطبعا هي مجريتش ورايا فقالت لي تعالي



وقعدت فهمت مني اللي حصل وقالت لي روح لاستاذ العربي اللي بتاخد معاه درس بتاعك وبالفعل كلمته ورجعت المدرسة وصالحني علي أستاذ العربي بتاع الفصل والحمد لله الفصل من التعليم وقف ومكملش



......................................................



الواحد لما بيفتكر الذكريات الاليمة بتاعة الدراسة والواحد كان وحش أزاي بيبص لحاله دلوقتي فبقول الحمد لله أنه هداني لاقرب من هذا رشدا



لاأقول أني شيخ المشايخ الان ولكني أخطئ أحيانا وأصيب أحيانا ولكن الفرق بين الامس واليوم هو أني الان إذا أخطأت الان علمت أني مخطئ فأحاول أن أرجع



وبالامس لم أكن أبالي كثيرا ولا قليلا بما يحدث



وشعور اخر ينتابني عند تذكر هذه الذكريات أن العمر يمر سريعا جداااا بل أسرع مما نتخيل أو نتصور فهذه الذكريات كأنها كانت البارحة وليس كأنها مر عليها أكثر من سبع سنوات أو أكثر



علي الرغم من هذه الذكريات التي كلما أتذكرها أظل أضحك إ إني لااتمني الرجوع لتلك الايام فكثيرا مايحمل لنا الماضي ذكريات شبه جميلة أو سعيدة ولكن بحاضرنا وشخصياتنا الان نرفضها ونشجبها إذا فعلها غيرنا الان



وأعتذر علي التأخر في الرد للظروف التي تعلموها فقط أدعو الله لي



والسلام



اليعقوبي



هناك 15 تعليقًا:

Soul.o0o.Whisper يقول...

السلام عليكم و رحمة الله و بركاته

"وطبعا الثبات اللي كان عندي ده كان بسبب بعض الامور
أولها أن أبويا كان نائب رئيس مجلس الاباء وقتها ومدير المدرسة والناظر صحابه والمدرس ده نفسه صحبه فمكنش هايقدر يعملي حاجة
تاني حاجة أنا حسيت أنه بيعمل علينا فيلم لاني حافظ الاستاذ ده كويس
تالت شئ وهو المهم أنه كان نوعا ما بيحب الفلوس وأنا كنت باخد معاه مجموعة متميزة فلما يحبسني مين اللي هايقبضه أخر الشهر"

اه ...كوسة بئا
ماااااااااشى


"يلا ياعز أديله ياعز يلا ياعز أديله ياعز"

كماااااااااااان
لالالالا
دا انت طلعت شرير خالص
:)



ربنا يعفو عنا جميعا يارب
و ييسرلك امورك




دمت بود

Soul.o0o.Whisper يقول...

اه .. بسيت اقول

اوووووووووووول
تعلييييييييييييييييق


:)

Soul.o0o.Whisper يقول...

بسيت؟؟؟

قصدى نسيت معلش
غلطة مطبعية

محمد عبد الرحمن يقول...

ولا كأك عملت حاجة مع إبن المدرس وبتضحك
يابني يا حبيبى إبن المدرس ده حماية
عرف يعنى إيه يعنى نتقبله زىما هوه كدة بعبله عشان منصدعش تقدر تقول أمر واقع
قدر ونصبر عليه
بس برضه لما أنتو مستغلسين الواد بتناكفوه لييييه


ربنا يوفقك يا حبيبى وييسر أمورك

Unknown يقول...

طول عمرك بلطجي يابني وواخد الدنيا بالشكل ده
هو طبعا الميزة ان بعد ما ربنا منَ عليك بالالتزام انك سخرت البلطجة دي بشكل كويس انما برده لسه بلطجي ده ميمنعش
وبعدين انت هتحكي ايه ولا ايه ولا ايه ,, انت جرائمك لا تعد ولا تحصى وبعدين التفاصيل اللي انت حكيتها في القصص دي ناقصة كتير
هههههههه
وبعدين انت كل شوية تحكيلنا قصص حياتك ,,يعني نستفاد ايه من فيلم صراع في المدرسة اللي انت عملنا صداع بسببه
عامة اللي انت شوفته في الجيش يخليك تقول اكتر من كده واللي هتشوفه معايا اكتر بكتير ,, وربك بيسلط ابدان علي ابدان ولا يفل الحديد الا الحديد
--
وبرضه لازلت عند كلمتي
غلباااااااان يا عزو
--
وجزاكم الله خير

مهندس مصري بيحب مصر يقول...

دا انت كنت طالب مشاغب بقى
:)
أنا على العكس كنت في حالي

الفاتح اليعقوبي يقول...

السلام عليكم
استاذة Soul.o0o.Whisper
ياسلام أول تعليق بس ده أول وتاني وتالت تعليق
أه يااستاذة فترة الاعدادي والثانوي كانت حاجة صعبة جداا الحمد لله أن ربنا عداها علي خير
وربنا ييسر الحال
ويرزق الخير
والسلام

الفاتح اليعقوبي يقول...

أستاذي الحبيب طال الليل
كيف أحوالك يااستاذي وحشني جداا والله
وبعدين اليوم ده كنت عمال أضحك لحد مانفسي أتقطع والواد الصراحة كل علقة وحشة أوي وأهي عدت زيها زي غيرها الحمد لله
والسلام

الفاتح اليعقوبي يقول...

البني آدم اللي اسمه الجعفري
مين ده اللي طول عمره بلطجي يابو لسان ونص ومتخليناش نفيض ونستفيض في موضوع لسانك ده خليها مقفولة أحسن
فاكر درس الالماني أنت ونبا
ههههههههههههههههههههههههههههههههه
ولا بلاش عشان الدنيا متولعش علي دماغك وبعدين إيه لايفل الحديد إلا الحديد ومش أنت ولله الحمد اللي هاتقف معي وجه المنافسة وأنت عارف
أني ممكن أكلك صاحي وفي وجبة واحدة

والقصص دي يانجم عشان أفهمك أن الايام بتعدي بسرعة وأحنا لازم نعمل لها حساب لان الذكريات دي كأنها لسه امبارح بالنسبة لي ولك وعامة بالنسبة للغلب
الصور تشهد علي وعليك
وخلي الناس تشهد مين اللي هايفل مين يابتاع الحديد

والسلام

الفاتح اليعقوبي يقول...

عمنا في الله بشمهندس مصري
كويس أن الواحد يبقي في حاله بس هي الفترة دي كانت صعبة أوي
فترة مراهقة وانطلاق ولم يكن الالتزام علي الاجندة الشخصية عندي ولكن الله ييسر لي الامور فالحمد لله
والسلام

Unknown يقول...

عزو الغلبان الفلسان
يا بني الحبيب الم تعلم ان الصراع غالبا ما يكون نسبي ليس بالجسم ولا القوة
وبعدين ممكن يكون واحد بيعتمد علي جسمه وقوته وشكله
وواحد بيعتمد علي الله عزوجل
فلمن الغلبه اذا ؟؟
العملية بتيقي محسومة
هو ده اللي انا بعلمهولك
ولكن معلش الجيش بوظك شوية هي ديتها علقتين وترجع تتعدل تاني
---
وبعدين عايز اقولك ان الصورة دي قبل ما تدخل الجيش .. حاليا انت تعبان وغلبان وعيان بلا تفاصيل واي كلام تاني هطلع المخفي يااا عزو
هههههههههههههه
قال ذكريات قال
تكونش فاكر نفسك عرابي
وبعدين فاكر انت درس الانجليزي ولا الكيميا ولا ولا
--
ومتنساش تاخد العلاج
هههه
جزاكم الله كل خير

مجرد مدونة يقول...

دانت كنت شقي اوي
اللهم بارك :))
مدونتك جميلة اوي جزاك الله خيرا

غاوي حرية يقول...

يخربيت عقلك يا يا يعقوبي .. ايه يا ابني ده كله


ربنا كرمك انه هداك يا عمنا

وكويس انك غيرت الجو شوية يا حبي

وربنا يكرمك يا رب

Dr.khaled يقول...

الله يهديك...

ويسامحك...
ووتبطل مشاغبة

shaimaa samir يقول...

انا للاسف مقراتش كل المواقف

ووقت طويل لم اعلق ولكنى اتابع الموضوعات وااقراها لاانكر انها قراءة سريعة
ولكنى متابعة

:)

اعانكم الله وسدد خطاكم

ونسالكم الدعاء

ساندوا اخوانكم في القوقاز

ممدونات مهمة للغاية

المدونات دي لازم تعدوا عليها وساندوا اصحابها جزاهم الله خيرا

مدونة ارض الحرب جزا الله صاحبها خيرا

كلنا مقاومة

مدونة اولادنا امانة (كيف نربي الاجيال القادمة)

نشقي ليعز ديننا وتسعد امتنا

نشقي ليعز ديننا وتسعد امتنا

جماعة قاداتها شهداء منصورة باذن الله

جماعة قاداتها شهداء منصورة باذن الله

About Me

صورتي
اليعقوبي احد الفاتحين القادمين باذن الله واتمني انا ذلك كل مااسال الله عليه ان يثبتني علي دينه وعلي طريقه والااضل عنه وان يرضي عني

لغتي الجميلة هويتي واصلي وديني

لغتي الجميلة هويتي واصلي وديني

اللهم ارحم اخي علاء رحمة واسعة

اللهم ارحم  اخي علاء رحمة واسعة

اللهم ارحم اخانا رحمة واسعة واجمعنا به في مستقر رحمتك

اللهم ارحم اخانا رحمة واسعة واجمعنا به في مستقر رحمتك
نسالكم الدعاء لاخانا