السبت، 13 سبتمبر 2008

محدش يفهمني غلط؟؟؟

السلام عليكم
وانا عمال اقرأ التعليقات علي الموضوع اللي فات احسيت انكم بتواسوني عشان دخلت الجيش اعتقد كده؟؟؟
ماعدا الواد خالد حبيب قلبي هو اللي فاهمني
شغال ياصاحبي وهانتقابل قريب اوي باذن الله
بس بلاش بالله عليك النفخ فيا احسن افرقع ياعم خالد أنا تعبان جداا وعايز اللي يقومني
بس هو في حد يواسي حد علي قدر الله أو يطيب خطره عشان يرضي بما قدره سبحانه
ايمانا بالله هو ايماننا به سبحانه وبكتبه ورسله وملائكته وقدره خيره وشره
للعلم انا مزعلتش اني دخلت الجيش خالص
لاني كنت عارف اني داخل الجيش
فاكرين نتجية الكلية بتاعتي لما كنت شايل مادتين في التيرم الاول منهم واحدة ميتة متترفعش ولقيت نفسي اني ناجح فيهم
قبلها كنت حلمت اني نجحت
ولما قدمت في الجيش حلمت اني داخل الجيش
اكيد دخولي الجيش هو الخير اللي قسمه الله لي لاني المفروض مقدمش مع الدفعة دي خالص المفروض اني كان زماني بمتحن الدور التاني
ولكن قدر الله وماشاء فعل
بس ادعو الله لي عشان انزل عسكري ومدخلش ظابط
شدوا حيكلم الايام الجاية دي وادعو الله ان يفك كرب بلادنا
وادعو علي الظلمة كلهم واحد واحد
وبالذات اللي مضيقين علي الناس عيشتهم واكل عيشهم
وكان لي رأي في موضوع القافلة اللي كانت رايحة لغزة وعارف انه هايضايق ناس مني بس هذا رأي اسوقه باذن الله في البوست القادم
والسلام
اليعقوبي

هناك 26 تعليقًا:

محمد عبد الرحمن يقول...

يارب تقضى جيشك عسكرى جندى مجند تنال كل ما تتمنى يا محمود يا حبيبى

على فكرة أنا إتجوزت فعلا غريبة غنت الوحيد اللى لاحظت
عقبالك

walaa rizk يقول...

اخونا اليعقوبى

مش هنفهم غلط

وربنا فعلا قدر لك الخير

وان شاء الله ندعيلك تبقى عسكرى

وربنا يوفق حضرتك

ودمت بخير

ولاتنسنا من الدعاء

حسن حنفى يقول...

ربنا معاك يارب

يارب يوفق حضرتك

مهندس مصري بيحب مصر يقول...

بس بيتهيأ لي لو دخلت ضابط حيبقى أحسن للجنود اللي حيخدموا معاك و حيلاقوك خير قدوة ليهم ان شاء الله
عموماً ربنا ييسر لك ما فيه الخير
و يقدر لك الخير حيث كان و يرضيك به
:)
يا دفعة
:D

Unknown يقول...

ان شاء الله بوسعكم تحويل تجربة الجيش لفترة منتجة نافعة

اعمل لنفسك خطة .. وحاول تنفذها إن شاء الله

كأن تنوي دراسة شئ معين او حفظ جزء معين من القرآن وهكذا

ده غير العمل الدعوي

المسلم الصحيح يستطيع الإنجاز في أي مكان وتحت أي ظروف

احييك على سعة صدرك

دمت بخير اخي الفاضل

الفاتح اليعقوبي يقول...

السلام عليكم
استاذي محمد
ربنا يكرمك يااستاذي والله يااخي تعليقك بيسعدني جداا
اسال الله ان يديم الود بيننا
والف مبروك بس انت معزمتش حد
وطبيعي اني لاحظت لان اخوك برضه ليه رجالته في كل مكان
هههههههه
بهزر
الف مبروك
بارك الله لكما وبارك عليكما وجمع بينكم علي خير
ورزقك الله الذرية الصالحة واسرك بزوجك
والسلام

الفاتح اليعقوبي يقول...

الاستاذة عاشقة الاقصي
ربنا يكرمك يارب والحمد لله فعلا قدر الله الخير
وجزاك الله خيرا
والسلام

الفاتح اليعقوبي يقول...

شيفا
حسن بيه حنفي
امين يارب
وجزاك الله خيرا ياجميل
والسلام

الفاتح اليعقوبي يقول...

بشمهندس مصري
حبيب قلبي
ازي معاليك
اعتقد أنا والله اعلم ان المسئلة مش زي ماانت فاهم
لان الكلام اللي بالك فيه في الجيش ده مبيكلش وبعدين لو قدر الله ودخلت ظابط هما من نفسهم شوية وهاينزلوني عسكري عشان بيعملوا تحريات في الكلية والمنطقة
وكفاية كده

وكل عام وانت بخير يااستاذنا وادعو لنا الله وانت هناك
والسلام

الفاتح اليعقوبي يقول...

الاستاذة نور
ربنا يكرمك يااستاذة
فعلا ابتدايت افكر هاعمل ايه

والله المستعان
دعوات حضرتك


والسلام

أختكم فى الله يقول...

ما شاء الله

انا سعيدة اوى بالايمان اللى عند حضرتك ده

يا ريت كلنا نبقى كدة والله

ربنا يكرمك ويعديلك فترة الجيش على الخير وتنبسط كمان وتتعلم فيها حاجات مفيدة باذن الله

كل سنة وحضرتك طيب

Unknown يقول...

ياعم نفهمك صح نفهمك غلط
المهم انك لبست
روح بقي ياعسكري حضر شنطتك ولمع دماغك وانسي ايام العز ياعز
--
انا بس كل خوفي انك متقدرش تستحمل الجيش لانك غلبان اوي
ربنا يسترها عليك
--
يارب ياعز ييسرك الامر كله ويختار لك مافيه الخير لدنيتك واخرتك
وجزاكم الله خير ياعسكري عز

خالد - كلام من القلب يقول...

عز حبيب قلبي

هما الدول الرجالة

والله منتظر بفارغ الصبر

اول تدوينة لك بعد اول اجازة تاخدها من الجيش


هتكون مثمرة قوي

هنتعلم منها كلنا كتييييييييييير

عز

بجد بجد بجد

بحبك فى الله

وقضيت معاك ايام والله يا محمود اغلى واجمل ايام عمري

بارك الله فيك ونفع الله بك الاسلام

ومستنين خواطرك

ايها الفاتح اليعقوبى

عمك فى الله

خالد

shaimaa samir يقول...

الحمد لله

لا الناس مش بتواسيك
اد ما احنا عارفين يعنى ايه جيش

بس خيرا
اهم حاجة الرضا
واليقين
واسال الله ان يرزقنا اياهم

والجعفرى رفيقك ؟؟ظ لم يدخل مثلك

لعله لم يدخل لتظل تلك المدونة مفتوحة بقيمتها

اسال الله لكما ولنا الاخلاص

عاشــــــ النقاب ـقــــة"نونو" يقول...

ربنا يوفقك لما يحبه ويرضاه
رمضان كريم
لعله خير
تحياتي

الفاتح اليعقوبي يقول...

السلام عليكم
أختنا في الله
ربنا يكرمك يارب ويجازيك خير
فقط وأنت بتدعي الله ادعي ب
يارب ثبات علي طريقك
فما اكثر تلك اللحظات الايمانية التي تجتاحنا ومااكثر مانكثنا علي اعقابنا ولكن اسال الله الثبات
والسلام

الفاتح اليعقوبي يقول...

الجعبري
مبلاش أنت ده أنت اساسا..... ولا بلاش احسن تزعل والناس تعرفك علي حقيقتك

ويلا ياحبيبي قف وأنت بتتكلم مع شاب التجنيد عز

لالالالالالالالالالالا
والسلام

الفاتح اليعقوبي يقول...

خالد بيه
ربنا يكرمك ياصاحبي
كانت ايام من
أجمل ايام حياتي اطلاقا ولم اعش مثلها
اسال الله ان يتقبل منا جميعا وايام الجامعة أحلي ايام مع احلي ناس

ومتخافش ياريس ابقي احكي اللي شوفته في الجيش
ويلا كله خير

واحبك الذي احببتني فيه

اللهم إنا نعوذ بك ان نحب فيك وانت لنا مبغض

والسلام

الفاتح اليعقوبي يقول...

استاذة شيماء سمير
ربنا يكرمك يارب
وأنا برضه عارف الجيش والله وعارفة كويس بس عادي
قدر الله وماشاء فعل

وأما ليه مخدوش الجعفري
فده علشان هما عايزين في الجيش ناس تستحمل والجعفري لو كل في الاطباق الصاج ممكن يموت منهم فقالوا يطلعوه احسن بدل مايجبلهم مصيبة اصله مش حمل البهدلة
هههههههههه

والمدونة باذن الله مفتوحة الي ان يشاء الله شيئا غير هذا

والله المستعان
والسلام

الفاتح اليعقوبي يقول...

الاستاذة عاشقة النقاب
ربنا يجازيك خير يارب
وسلامنا إلي استاذ خالد
والسلام

أميمة كامل يقول...

يارب تنزل عسكرى ويارب يقدر لك الخير حيث كان و يرضك به
كل عام و انت بخير

محمد خيري يقول...

صاعقة بقى يا مان وقوات خاصة

علشان متنساش اللى كنا بنعمله فى الجامعه

كان الله فى العون يا جندى مجند "مهيطل"


قولتلك راسلنى على الإميل ده وبسرعة علشان عايزك
eng_mohammed_khairy@yahoo.com

جنّي يقول...

السلام عليكم

يا سيدي الفاضل اجعلها لله وحاول تستفيد كانك في معسكر تتدرب فيه
واولا واخيرا دي بلادنا وليست بلاد الظلمة بمعني الدفاع عنها فريضة حتى ولو كانت تأن تحت ظلم الظالمين والفاسدين .. ولازم يكون في جيش في مصر واللى ناقص يسرحو الجيش كمان

ربنا معاك

دعوة الفردوس يقول...

طبعا مش هقولك اعمل وخلي اظن ان شاء الله انت قدها وقدود

تصدق طول عمري كان نفسي ادخل جيش جدا بس يبقى مع صحباتي
او سجن والله
معرفش هي الفكره كانت في البيات الاضطراري مع صحباتي

وبالنسبه للجيش حاسه الموضوع مفيد

بس حوار عسكري ده على مااسمع من قرايبي
اسمع انه اخر بهدله بالسبه للتحكمات وكده

عموما ربنا يقدر لك الخير حيث كان ويرضيك به
وأسألك أن تدعو لي نفس الدعاء

Empress appy يقول...

كل سنه وانتم طيبين يا شباب

جنّي يقول...

السلام عليكم ورحمة الله وبركاته

عيدكم مبارك

تقبل الله منا ومنكم
وكل عام وأنتم بخير
كل عام وأنتم من الفائزين
كل عام وقد حصدتم الجائزة
كل عام وأنتم ترفلون في ثوب الفرحة
كل عام وانتم مقبولون الصيام والقيام
كل عام وقد عفا الله عنكم في ليلة القدر

كل عام وأنتي منصورة يا أمتي

أخوكم
سعيد

ساندوا اخوانكم في القوقاز

ممدونات مهمة للغاية

المدونات دي لازم تعدوا عليها وساندوا اصحابها جزاهم الله خيرا

مدونة ارض الحرب جزا الله صاحبها خيرا

كلنا مقاومة

مدونة اولادنا امانة (كيف نربي الاجيال القادمة)

نشقي ليعز ديننا وتسعد امتنا

نشقي ليعز ديننا وتسعد امتنا

جماعة قاداتها شهداء منصورة باذن الله

جماعة قاداتها شهداء منصورة باذن الله

About Me

صورتي
اليعقوبي احد الفاتحين القادمين باذن الله واتمني انا ذلك كل مااسال الله عليه ان يثبتني علي دينه وعلي طريقه والااضل عنه وان يرضي عني

لغتي الجميلة هويتي واصلي وديني

لغتي الجميلة هويتي واصلي وديني

اللهم ارحم اخي علاء رحمة واسعة

اللهم ارحم  اخي علاء رحمة واسعة

اللهم ارحم اخانا رحمة واسعة واجمعنا به في مستقر رحمتك

اللهم ارحم اخانا رحمة واسعة واجمعنا به في مستقر رحمتك
نسالكم الدعاء لاخانا