الأحد، 1 يونيو 2008

الالام تدعو؟؟؟

تحديث
الان  علي عاصفة النار
مؤتمر -كليرمونت-والبابا اوربان الثاني

بسم الله والصلاة والسلام علي رسول الله صلي الله عليه وسلم
في موقف في السيرة كده بفتكره وبيعجبني جدا هاقولوا لكم لعلنا نستفيد منه
بعد فتح مكة هم عكرمة بن ابي جهل بالهروب وبالفعل سافر الي البحر ليركب سفينة فلما لم يلحق بها هم بالانتحار ولكن زوجته لحقت به وكانت اسلمت ودعته الي ان يسلم ويذهب وييبايع رسول الله صلي الله عليه وسلم
فبالفعل عندما ذهب الي الرسول صلي الله عليه وسلم وجلس بيد يديه
قال للرسول صلي الله عليه وسلم :الالام تدعو
 واسلم بعدها رضي الله عنه وارضاه وحسن اسلامه واستهد في اليرموك 
بس الموقف اللي بندهش ليه الصراحة كلمة (الالام تدعو) ياااااااااااااااااااااااه بعد ده كله بيسال الرسول صلي الله عليه وسلم الالام تدعو ،بعد محاربة 21 سنة مابخل فيها سيدنا عكرمة بوقت او جهد او مال لمحاربة الدعوة ،بعد ده كله والسنين دي كلها بيسال الالام تدعو؟؟؟؟؟؟؟!!!!!!!!ا
كثير منا كمصريين او مشكلة من المشاكل اللي بتعيشها الامة الان مشكلة التعميم والحكم بجهل علي (منهج او فكر او جماعة او افراد)لكن
الحكم يجب ان يخرج بعد دراية بمن حكمت عليه برايك او قررت انك تحاربه او تعترض معاه 
يعني في احدي المرات في الكلية كنت بكلم طالب عن انتخابات اتحاد الطلاب وانه لازم يبقي ايجابي وكده ويتحرك ويشارك في المجتمع اللي هو فيه ،فقال لي بس انا مختلف مع الاخوان رغم اني لم اذكر له كلمة اخوان طوال الحديث ولم اقل له اذهب وانتخب طلاب الاخوان
فقلت في بالي خير لقيت واحد اخد وادي معاه في الكلية دي وبس فبقوله طيب سؤال بسيط هو مين اللي اسس الاخوان فقال لي معرفش ،فسالته طيب هما اتاسسوا امتي فقال لي معرفش فقلت له خلاص وحاولت اقنعه واوصله العملية براحة

واترك لكم التعيلق
هو واحد سمع كلمتين في جرنان تعبان فخلاص العملية بقت بالنسبة ليه ان الناس دي وحشة والسلام
طيب انا عايز ايه من التدوينة دي
عايز منكم اننا قبل مانحكم  علي احد نعرف من هو حتي اذا ماحكمنا علي احد نحكم عليه بفعله وفكره مش مجرد كلام سمعناه عن واحد او اي احد فنبني راي مسبق قاطع
وحتي لانظلم احد او نظلم 
فنبقي طوال حياتنا نقاتل السراب ونقاتل بجهل
وحتي لاياتي علينا زمان نسال من حاربناه عندما يمكن له
الالام تدعو
والسلام
اليعقوبي 





هناك 20 تعليقًا:

أميمة كامل يقول...

يقولون إن الإنسان عدو من يجهله

ويبدو أن الكثير يحبون هذا الشعور

فلا تجد إلا القليل الذى يريد

ان يعرف لعله يصبح غير عدو

التعميم وعدم الدقة و..و...

ربنا يصلح حالنا

امام الجيل يقول...

جميل
ربنا يكرمك
الموضوع ده مش شاغلنى بس
ده هاممنى بشكل فظيع والله
الفرقة التشرذم اللى بقينا فيه

وكمان لما يبقى مجرد سماع
ثقافة السماع وسمعت حد قال عن مش عارف مين
وقريت عن كذا انه

بدون ان يبحث ويجرب ويشاهد ويعامل

نخشى ان نكون ممن اتخذ الهه هواه

فلا يعجبه اى شئ الا رايه وفقط وكل من عارضه من قريب او بعيد بدون مناقشة فهو ضدى

والمثال ده من هذا الشاب هتلاقيه مع شباب كثيرون للاسف غيبوا عن الدين وسمعوا عن الملتزمين والاخوان ما سمعوا

وللاسف ما سمعوه يتفق مع اهوائهم

الموضوع كبير
ربنا يهدينا لما يحبه ويرضاه

انى احبك فى الله

جنّي يقول...

السلام عليكم
أخي الكريم
قد نعذر هؤلاء من دهماء القوم لأنهم يتعرضون ليل نهار لإعلام مضلل وكاذب صور لهم المسلم بصورة غير حقيقية مستغلين بعض افعال ممن فقدوا الفهم الصحيح للدين والدعوة .. لذلك وجب علينا نحن أن نقدم لهم أنفسنا بشى الصور أولها السلوك القويم الإسلامي ليجدوا فينا القدوة ونقول لهم إلى أي شئ ندعوهم كما صورها الإمام الشهيد حسن البنا في رسالته إلى أي شئ ندعوا الناس
شكر الله لك جهدك
تحيتي
said

د/أبويحيى وادم يقول...

السلام عليكم ورحمه الله وبركاته
جزاكم الله خيرا أخانا الكريم ووفقكم الله لما يحبه ويرضاه
معك حق
قضية التعميم وقضية عدم البحث عن الحقيقة
وقضية تصديق أى كلام من اى مصدر او بدون مصدر أصلا
كل هذه الامور تكون أما لضيق فهم وهذا يحتاج الى الصبر مع الشرح بهدوء
وأما يكون لفكرة مترسبة فى ذهنه فهذا أيضا يحتاج الى البيان العملى والبرهان
وأما يكون لاتباع هوى فهذا ندعوه وندعوا له
واما يكون أنه يعلم انك صواب ولكنه يصر على ماهو فيه ولايريد تغييره فهذا ندعوا الله له بالهداية وان مس بالثوابت نتعامل معه


ذكرتنى بيوم قابلت أحد الصيادله ولانه يعرفنى أخذ يناقشنى أو بمعنى اصح يحاول أستفزازى بسرد كم كبير من الشبهات والاباطيل وكل هذه الامور التى نعرف
فما كان منى الا ان قلت له
حضرتك فاضى اجلس معك فقال نعم
فجلست معه قرابه الثلاث ساعات لانى اعلم انه شخص ذو عقل
وقمت بدحر كل ماقال بالادله الموثقه وفى النهاية سالته أما فكرت بيوم من الايام ان تسال عما تسمع او تتحقق منه او تبحث عن صحه المصدر أو من اخبرك بهذا الامر قال لا
قلت له اذا لما تلقى باللوم على فى عدم دفع هذه الامور الواهية اصلا
انا مقصر فى كونى لم ارد ولكن هذا لضغوط امنيه وانعدام وسائل اعلامية كافية وانشغال بالاولويات الان
ولأكن يجب ان لا ننكر ان هناك تقصير منك ايضا فى هذا الجانب فاجاب بنعم فما كان من هذا الصيدلى سوى ان انتظم فى نفس الاسبوع ولله الحمد فى الصف
وفقكم الله واعتذر على الاطاله والسلام عليكم ورحمه الله وبركاته

الفاتح الجعفري يقول...

ايه ياعم اليعقوبي التقل ده
انت كده ماشي علي الطريق واوعدك انك خلال 42 سنة هتوصل لنفس مستواي دلوقتي اه تقلقش طول ما انت علي الخط بتاعي
,,,,
للاسف الجهل وقلة الحيلة يذهبان بصاحبهم الا الهاوية
وكما قيل الجهل ظلام
,وصدقني وجدت ان كثير من المختلفين مع الاخوان بشكل خاص والاسلاميين بشكل عام بسبب اتباع شهوات او جهل مطبق علي العقل ,واحد عايز الحياة كده لاحلال ولا حرام ,او واحده عايزه النساء تطلع متبرجات كاسيات عاريات ,وتقولك الاخوان والدين بيقول كذا
عامة ,الله يحكم بين الناس فيما كانوا فيه يختلفون
وجزاكم الله كل خير ياعم الامور
:)

دكتور حر يقول...

تكرم يا عز

دلوقتي بس اقدر اقولك توكل على الله واكتب
تعليمي اثر فيك

:))

بس يا ريت الكلمة تعدل الى
الام تدعو

مش الالام تدعو

وأفة العصر التعميم والجهل
كما قال دكتور حر

وربنا يعينك يكرمك يا غالي

الفتى العمري يقول...

الجهل ضلالة
والهوي هلاك
والبصيرة من الله
انك لا تسمع الموتى ولا تسمع الصم الدعاء اذا ولوا مدبرين
فالاصم والاعمي لايري ولايسمع الا مايريد
والسلام عليكم ورحمة الله وبركاته

الفاتح اليعقوبي يقول...

السلام عليكم
استاذة اميمة
ربنا يجازيك خير كلامك صحيح يااستاذة واعتقد انه يتوقف علينا دور مهم وهو التعريف بما هو مجهول عند الناس لعلهم يكونوا بعدها اولياء لا اعداء
والسلام

الفاتح اليعقوبي يقول...

امام الجيل
ازيك ياجميل عامل ايه اتجوزت ولا لسه ؟؟
خلي الشيخ محمد يشوفلك اخت من كفر مصيلحة واهو من جاور السعيد يسعد
هههههه
والله يااخي اني احبك في الله
وفعلا القصة في حتة السماع بدون مشاهدة مع مراعاة ان القليل منا هو من يصف بدقة بدون تهويل او تفريط
العملية محتاجة قراءة ومشاهدة
والله المتسعان ويصلح حال الجميع
والسلام

الفاتح اليعقوبي يقول...

استاذي جني
علي فكرة المشكلة في راي الشخصي هي الاعلام يعني لو الحكومة تعتقل الاخوان اللي في مصر كلهم او الاخوان اللي في مصر يسلموا نفسهم للحكومة في مقابل اعطاء وزارة الاعلام لاحد منا والله في راي الشخصي ده كفاية
ربنا يلطف ببينا ويعينا علي توصيل دعوة الله كماينبغي ان تكون
والسلام

الفاتح اليعقوبي يقول...

دكتور ابا يحيي وادم
اعانك الله علي فكرة انا في النقاش لما بلاقي اللي قدامي بيستفزني بقصد وهو عارف الصح من الغلط بكله مبخليهوش شايف ادامه بس دول قليلين فاغلب من تناقشت معهم اما كان لعرض وجهة نظر او ان اصحح له مفهوم معين
التحاور مطلوب لكسر حالة التعميم والتربص ويحتاج الي المام من المتناقش لتوصيل وجهة النظر الصحيحة ورد الشبهات حولها
وعامة ربنا يجازيك خير
وسعدت بزيارة حضرتك لمدونتي
وسلامي ليحيي وادم اوي قول لهم عمو عز بيسلم عليكم
والسلام

fahd يقول...

امممممممممم

انت عايز توصل لايه بالظبط يا عم الفاتح


كويس

الفاتح اليعقوبي يقول...

الجعفري بيه
جعفري بيه
ياسلام وانا في ديك الساعة لما ابقي زي سعدتك كمان 42 يعني قربت
ياسلام ياليتني مش عارف ياليتني ايه بس خير

كلامك صح والاصل فينا كمسلمين سواء كان لنا اي اتجاه اننا نرجع جميعا لكتاب الله فهو الفيصل بيننا جميعا فيما نختلف فيه اما الذين يتبعون هواهم فهؤلاء لاتابه لهم عليهم وادعيلهم ربنا يهديهم ويصلح حالنا وحالهم
يقول تعالي :(ومن ظلم ممن اتخذ اله هواه واضله الله علي علم وختم علي سمعه وقلبه وجعل علي بصره غشاوة افمن يهديه من بعد الله )ا
والسلام ياعم الكتكوت

الفاتح اليعقوبي يقول...

الباشا الكبير
محمد بيه ابو زيد
عامل ايه ياكبير
اهم حاجة المنايفة يكونوا راضين عننا عشان نعرف نكتب
بس المشكلة اني ماعرفش الهمزة اللي بتتكتب تحت الالف بتتكتب ازاي علي الكيبورد ومينفعش اكتب
(الام تدعو)
هاتقرا غلط
نرجو الافادة من العضو المحترم وجزاكم الله خيرا يافندم
والسلام

الفاتح اليعقوبي يقول...

الفتى العمري
كلام جميل يااستاذي
الجهل مصيبة سودة علي كل اللي من وصم به
وعليكم السلام ورحمة الله وبركاته
والسلام

الفاتح اليعقوبي يقول...

عمنا فهد
منورنا ياكبير
عايز اوصل لايه
عايز اوصل اننا عندما نتحول الي قضاة بافواهنا يجب ان نحكم بالعدل وبما تقتضيه الظروف حتي لانظلم احد بحكمنا عليه بدون ان نعرف ماهو او الي ماذا يدعو
عايز اوصل اننا نقرا شوية ونعرف مع من نتحدث او من نعادي ولما نعادي ومن ونحب ولما نحبه
والسلام

حطم القيود يقول...

معنى رائع

بورك قلمك

التدوينه بتاع لماذا الاخوان بالتحديد بجد رائعه ...كلام منطقي ومستساغ

جزيتم خيرا

monaliza يقول...

دعوة مميزة للغاية للتعرف عن كل ماحولنا حتى نستطيع اصدار احكامنا

الفاتح اليعقوبي يقول...

السلام عليكم
استاذة حطم القيود ربنا يجازيك خيرا يااستاذة
وسعدت بزيارة حضرتك للمدونة
..............
استاذة موناليزا
جزاك الله خيرا المعرفة شئ جميل ومطلوبة بوجه ضروري عند الحكم علي احد و موالاته او معاداته
والسلام

nonoymm يقول...

السلام عليكم
هي دي المشكلة التعميم ومعه فدة صدر بباطل

ربنا يهدي
تحياتي

ساندوا اخوانكم في القوقاز

ممدونات مهمة للغاية

المدونات دي لازم تعدوا عليها وساندوا اصحابها جزاهم الله خيرا

مدونة ارض الحرب جزا الله صاحبها خيرا

كلنا مقاومة

مدونة اولادنا امانة (كيف نربي الاجيال القادمة)

نشقي ليعز ديننا وتسعد امتنا

نشقي ليعز ديننا وتسعد امتنا

جماعة قاداتها شهداء منصورة باذن الله

جماعة قاداتها شهداء منصورة باذن الله

About Me

صورتي
اليعقوبي احد الفاتحين القادمين باذن الله واتمني انا ذلك كل مااسال الله عليه ان يثبتني علي دينه وعلي طريقه والااضل عنه وان يرضي عني

لغتي الجميلة هويتي واصلي وديني

لغتي الجميلة هويتي واصلي وديني

اللهم ارحم اخي علاء رحمة واسعة

اللهم ارحم  اخي علاء رحمة واسعة

اللهم ارحم اخانا رحمة واسعة واجمعنا به في مستقر رحمتك

اللهم ارحم اخانا رحمة واسعة واجمعنا به في مستقر رحمتك
نسالكم الدعاء لاخانا