الاثنين، 11 فبراير، 2008

غانا 2008 مش مجرد بطولة







بسم الله والصلاة والسلام علي رسول الله



ابدا لم يكن انتصار مصر في بطولة غانا 2008 مجرد فوز لبطولة كرة قدم وبس دايما يااخواني نتعلم ننظر لما وراء الكواليس ,ونستفاد بأكبر قدر ممكن ونستمتع قدر المستطاع,


انا عن نفسي والله استمتعت جدا كنت كل اما اشوف المنتخب بيلعب بحس بفرحه رهيبه بغض النظر عن مبارة زامبيا,كنت حاسس انه فريق عمل منظم جدا كل واحد عارف هو بيعمل ايه كل واحد بيعمل اقصي مافي استطاعته اول مرة اشوف لعيبة مصر بتجري بالطريقة دي كنا دائما بنعاني من اكياس الرمل في رجلنا بس اهو بفضل الله بدات الرجول تفك وهو ده اللي احنا ممكن نستفاده في هذه النقطه نبزل اقصي مافي وسعنا لنححق اهدافنا وهتتحقق صدقوني0


اما الشيء المهم بقي واللي هركز عليه وياريت كلكم تركزوا معايا علشان في حجات جميله جدا للي مكنش متابع الكوالبس0اول حاجه اول مره فعلا يتواجد عندنا جيل من اللاعبين بمثل هذه الاخلاق والالتزام حتي قي فرحتهم تلاقيهم بيسجدوا لله شكرا وهو ده فعلا الشعب المصري دائما وقت الشده والفرح يلجأ الي الله وهما دول المسلمين,مش كده وبس مسئول الامن عن المنتخب المصري وهو ضابط غاني طبعا وهو كان يدرس في الازهر كان بيقول ان الملاحظ في هذا المنتخب تدينه الشديد والرجل كان يصلي بهم الفجر كانوا يستيقظون وقت الفجر وكان حسني عبد ربه هو من يؤذن ويقيم الصلاة وهذا الضابط يصلي بهم وهو يحفظ علي فكره عشر اجزاء من القران0وقال ان هذا المنتخب لم يري في حياته فريق كره في تواضعه واخلاقه وخاصة ابوتريكه وقال لم يكن يعرف ان ابوتريكه بمثل هذه الاخلاق وكان لايكاد يترك ابوتريكه حتي قالوا انه حارس ابوتريكه وليس المنتخب,


ولابد طبعا من ان نقف مع ابوتريكة وشعار تعاطفا مع عزة نعم كم كنت رائع ياابوتريكه وانت توصل رساله قويه من خلال بطوله عالميه يشاهدها الملايين لم تنسي اخوانك المحاصريين ولعل والله هذه الحركه ادخلت فرحه عارمه في قلوب اخواننا في فلسطين وغزة لذلك تري الاف الفلسطينيين احتشدوا بالامس امام السفارة المصريه يهتفون لمصر وابوتريكه لعلها بسبب هذه الحركه المعبره عن الشعب نعم معبره عن كل مصري مسلم صادق يتضامن مع قضايا وطنه ولعله هوجم بسببها واخذ انذار بالايقاف وطبعا هذه سياستهم الكيل بميكيالين دائما انظروا الي صوة كاكا لماذا لم يأخذ انذار او يهدد بالايقاف ,طيب لماذا استيفن ابيا لاعب غانا لم يأخذ انذار اويهدد بالايقاف بعد رفعه علم اسرائيل اثناء مباراة التشيك في كأس العالم,بس ابوتريكة كان شجاع وقال في تصريح كنت مستعد ان اخذ ايقاف الي نهاية البطوله ولكنه الهدف وهو هدفنا يااخواني ان نوصل جميعا رساله الي الجميع نوضح فيها شمولية اسلامنا وقوته وروعته من خلال اعمالنا
كن عنوانا لاسلامك اينما تكون
كن عنوانا لاسلامك اينما تكون
كن عنوانا لاسلامك اينما تكون
ثم كانت فرحتهم فرحه فيها روعه والتزام فتجد الجميع يجري مع اللاعب الذي احرز الهدف ثم يسجدون شكرا لله ومعهم مدربهم ,لم يقف احدهم كما فعل دروجبا في كبرياء وغرور لاكلهم كانوا يسجدون ودي ايضا رساله من خلال الرياضه0
مش كده وبس انظروا بعد مباراة الكاميرون في النهائي اخذ علاء نبيل المدرب المساعد المصحف ورفعه امام الكاميرا وظل يقبله ياالله رساله رائعه والله يااخواني فعلها بمنتهي التلقائيه وده برده يعبر عن مدي ارتباط الامه بالدين ولوكانت بسيطه مش محتاجين فلسفات ولا تقوقعات البساطه والتلقائيه في توصيل الرساله شيء جميل جدا,طيب تعرفوا ابوتريكه ماذا قال عندما سألوه عن الهدف واحساسه بعده قال عندما احرزت الهدف تذكرت بعده مباشرة جبل عرفات والحج وقال لااعلم لماذا بس هو ده احساسي 0
طيب والمفاجأة لمن لايعرف طيب المنتخب المصري او لاعبي منتخب مصر تبرعوا من المكافأت التي حصلوا عليها كل لاعب تبرع بجزء لبناء مسجد في مدينة اكرا عاصمة غانا ,وعلي فكره كاموا متكتمين علي هذا الامر ولكن كيف لامر كهذا ان يكتم طبعا الصحفيين وبعض المسئولين في غانا اكدوا ذلك نعم ماشاء الله وهي اعظم رساله ان يتركوا من خلفهم بعد هذه الاخلاق الطيبه والرائعه مسجد يعبد فيه الله اناء الليل واطراف النهار وطبعا الكثير من الشعب الغاني مسلم0
والله فرحت بأخلاقهم واهتماماتهم وحسن سيرتهم اكثر بكثير من الفوز بالكأس ,دعنا من الكأس الماديات يااخواني مش كل حاجه المعنويات اهم بكثير جدا يمكن الكأس جاء في النهايه ليأكد رسالة التفوق وان وايه المشكله اني ابقي مسلم ملتزم ناجح ,والاخلاق والدين عاملين لاينفصلان بحال من اهم عوامل نهضة هذه الامه علي وجه الخصوص
-------------------------------------------------------------------------------------------
ومن الرسائل الهامه جدا اللي عايز اوصلهلكم ,ان جميع المحللين اجمعوا ان المنتخب الوطني المصري فاز لانه لعب كره جماعيه ,وهي دي ياجماعه دائما الكره المصريه كانت تعاني من الانا واللعب الفردي البحت وكل لاعب عايز يظهر نفسه ,انما في هذه البطوله كله كان يلعب لهدف واحد مش مهم مين اللي يحققوا المهم كلهم يوصلوا للهدف ده ,ولو المسلمين اتحدواوتجمعوا وكل انكر ذاته والله سيحققون الهدف لو تجمعت مصر وليبيا وفلسطين والعراق والسعوديه وتونس وتركيا وباكستان واندونسيا وبنجلدش والسنغال ونيجريا وجميع الدول الاسلاميه لتحقيق هدف واحد سيتحقق ,الجماعه هي من تحقق وتصل وليس الفرد 0
وكلنا مسئول عن الاسلام ليس الاخوان او السلفيين او غيرهم كل من يقول لااله الاالله محمد رسول الله يجب ان يجتمع تحتها لنصرة هذا الدين وكل واحد يستطيع ان يخدم الاسلام في مكانه هذا في الهجوم وهذا في الوسط واللي علي خط الباكات والليبرو والدفاع وصانع اللعب,
بس اهم حاجه محدش يتدخل في اختصاصات التاني بلاش الباك يطلع يهاجم يبقي محدش هيجيب جون وهنتهزم0
-------------------------------------------------------------------------------------------------نقطه ومن اول السطر حجات لم تعجبني
ليه ياجماعه دائما مانفتقد التوازن في مشاعرنا واهدافنا وتحركاتنا,ليه دائما مايأخذ الشيء اكثر من حجمه ,الحمد لله كسبنا واتفرجنا علي المباراه وخلصت البطوله ليه الجري في الشوارع حتي ساعات متأخره من الليل وتعطيل المرور واشعال النيران ,هو ايه اللي حصل احنا مفتحناش القدس ولاحررنا العراق انتهي الماتش فرحنا شويه وخلاص كل واحد يشوف حياته بلاش نروح شارع جامعة الدول وغيره ,الوقت ده فعلا هنحاسب عليه امام الله رفهنا عن نفسنا شويه وخلاص العمليه انتهت 0
اما الحاجه اللي تزعل فعلا نزول الفتيات في الشوارع والرقص والسهر الي الفجر في الشارع ايه ده ياجماعه لاحول ولاقوة الابالله هل هؤلاء فعلا نساء امة الاسلام بالله هل هذا يرضي الله اين اخلاق المراه المسلمه اين العفه والهدوء والرزانه الم تسمعوا قول الله (وقرن في بيوتكن)الم تسمعوا قول الله (ولاتخضعن بالقول)طيب ليه كده لماذا لاتتقوا الله في انفسكم وفي الناس ,دي والله من اكبر الاساءات للاسلام وللوطن ولكم ,ليسوا هؤلاء ببنات ولانساء امة محمد صلي الله عليه وسلم0
وبرده يقولك اصل الشعب المصري شعب رياضي فاهم في الكورة ده احنا عندنا 85 مليون مدرب طيب ازاي يعني ,انت مبتشوفش الناس وقت الماتشات ,طيب شيء جميل جدا فين الرياضه هو الرياضي يااحبابي من يمارس الرياضه واحنا بنتفرج علي الرياضيين وهما بيلعبوا بس احنا ملناش دعوه بالرياضه فتلاقي الناس قاعده علي القهوه وبيشيشوا والسجاير عماله تتطلع من حرقة الدم والانفعال بس ,طيب فين الرياضه ,ياريتنا بنلعب رياضه فممكن نلعب شوف صحابك واتفقوا علي يوم تلعبوا فيه كوره او سباحه او اي لعبه يوم واحد اجروا فيه بدل اما تتفرجوا بس ,والستات او البنات ممكن تلعبوا رياضه في بيوتكم سواء تمرينات رياضيه سويدي كده داخل بيوتكم ,لازم ننشط اجسامنا بارياضه بدل مانتفرج عليها0
-------------------------------------------------------------------------------------------------
واسف جدا للاطاله ,ولازم نستغل اي حدث لاننا بصراحه استغلاليين ومبنعديش اي حاجه,وجزاكم الله خير
فستذكرون مااقول لكم وافوض امري الي الله ان الله بصير بالعباد


هناك 38 تعليقًا:

خبيب يقول...

ألف مبروك يا سيدي للمنتخب الوطني

المشكلة أنه إذا كان اللاعبون متدينون ويحاولون إيصال رسالة ما ..

فإن إعلامنا يحول الأمر إلى شخص اللاعبين أنفسهم ويسطح هذه القيم ويهمشها

أبو تريكة يذكر العالم بقضية غزة ن فيحول الإعلام الأمر إلى خلط الرياضة بالسياسة !

عموما .. أتمنى أن أرى الفريق كله يحمل هذه الرسالة ، وأنا سعيد بهم

ابن حـجـر الـعـسـقـلانـى يقول...

أخى الكريم

أحييك على كلامك الجميل .. أحييك بشدة

أنا كنت ناوى أكتب فى التعليقات موضوع الجامع اللى فى غانا دة ... لكن لقيتك مش سايب حاجة إلا ما قلتها

الله ينور عليك

دكتور حر يقول...

ايه يا عم احمد الجمال ده

ربنا يكرمك يا رب
خبر جميل بتاع المسجد ده

وفعلا الواحد اول مره يحس انها مش مجرد بطوله ربنا يكفيهم شر شياطين الإنس والجن اللي في مصر دول

وأي خطوه في هذا المضمار رائعه وهتمثل الكثير ان شاء الله

لأن فعلا كل العرب أحبو وتعاطفوا مع المنتحب المصري

وهنا بقى
الرياده المصريه والأصل المصري الحقيقي

مش للجماعه التانيين اللس الشيطان بيقوللهم حرام عليكم


جزيت كل الخير يا غالي

The Last Samurai يقول...

فعلا جميل و الله اللي انت كاتبه ... و أنا من ساعة ما قريت ردك في مدونة الضكنور خالد ... حبيت بس أشكرك على الرد المتزن الهادئ ... المقدر للأمور على قدرها ... لا يستصغرها و لا يستكبرها


حقيقة خلتني اتفائل بعدما قربت أيأس بجد

و زي مانت قلت الموضوع مش كورة بس ... فسه كواليس أعمق بجد

سلام يا عم الفاتح ... وربنا يفتح عليك

وطني يقول...

لسة حالا جاي من عند ساموراي أبو سيف مخرجنا الكبير
و أكرر نفس ما قلته عنده
الله عليك
الله عليك وعلى اتزانك
شكرا
خالص الحب
تحياتي

ماشي صح يقول...

ألف ألف مبروك
والشباب ذولا يستاهلوا كل خير
الله يوفقهم ومن انتصار إلى انتصار
مبروك لمصر ولكل العرب

الفاتح اليعقوبي يقول...

السلام عليكم
الباشا التعبان
بصي ياصاحبي تاثير الشخصيات العامة في المجتمع بيكون كبير جدا سواء علي المستوي المحلي او العالمي وهناك متغيرات جديدة في العالم ولازم نتستغلها لصالحنا ونوصل بها مظاهر ومفاهيم اسلامية بدل من رفضها وربنا يهدك اسف يهديك
والسلام ياعم النجم
طب خلي حد غيرك يتكلم عن الرياضة فاكر لما بنقسم الفرق بيحصل ايه


بتبقي كمالة
ههههههههههههههههههههه

الجعفري كمالة
ههههههههههه
والسلام

appy يقول...

انا مبسوطه اولا لمصر بس عاوزة اقولك كلمه قولتها لاخ ليه عزيز قبل كده عارف احنا محتاجين ايه
اولا احنا عملين زى الورد الجميل اللى محتاج جناينى شاطر قوى وعنده ذوق واحساس وبيشوف الالوان صح يجمعنا فى بوكيه جميل يا رب تكون فاهم المعنى

MerMaid يقول...

العزيز الجعفري

بجد احييك علي ملاحظاتك الجميلة القوية و تحليلك ليها رائع فعلا و يفوق الروعة
انا برضه اول مرة احب حد من لاعبي كرة القدم
حبيت قوي ابوتريكة و التزامه الخلقي والديني
و الحضري كذلك و أحمد حسن
جميعهم امثلة رائعة الحقيقة علي الالتزام والتدين
بجد البوست ده من احلي البوستات اللي قريتها عن الكورة
و طبعا الوحدة و العمل الجماعي والترابط و الاحترام و حب الاخر من اهم عوامل النجاح
و من اهم عوامل الاتحاد و تجنب الفرقة
طبيعي انهم يكسبوا طالما متحدين ولديهم هدف واحد
ياريت يستفيدوا منهم القائمين ع الدولة والاحزاب المتفرقة
لو ليهم هدف واحد كان زماننا حلينا مشاكلنا من زمان بس للاسف تعددت الاهداف تحت مسمي الوطنية وحب الوطن

تحياتي ليك
:)
هاجر

الفاتح الجعفري يقول...

د/خبيب
شرفتنا جدا ونورتنا ربنا يحفظك
والله هم يعملون ونحن نعمل والله يمن علي من يشاء
ومكر الله اشد واسرع والحمد لله اعلام ابوتريكه ورسالته اقوي من الاف الاقلام الكاذبه,والكلمات المغلفه بالخبث والحقد,الناس الان اكثر وعيا وفهما والحمدلله
وجزاكم الله كل خير

الفاتح الجعفري يقول...

استاذي ابن حجر
واحشني جدا
ربنا يبارك فيك
والله اللي عملوه يفرح فعلا
وكلنا لازم نفخر بيهم لاخلاقهم والتزامهم قبل لعبهم
وجزاكم الله كل خير

الفاتح الجعفري يقول...

حبيب قلبي
الدكتور الكبير اوي
واحشني جدا
ربنا يعزك يارب
فعلا والله ربنا يحفظهم من شياطين الانس والجن
ماصدقنا نلاقي امثله محترمه وملتزمه زهقنا بفي من الاشكال التانيه دي
وفعلا العرب كلهم حسوا بفخر وتوحد علي هذا الفريق علشان كده تجد فرحه في فلسطين والامارات والسعوديه.والمفروض اننا نستغل اي حدث لخدمة دينا
لان زي ناقولتلك احنا استغلاليين
وطبعا مصر هي مصر مهما حاول الخبثاء اظهارها علي ماهي عليه برده هي مصر
عارف يادكتور واحد جزائري صاحبي قالي مصر مصر فسادها ظاهر وكنوزها مدفونه,صدق والله الكنوز مدفونه ويجب ان تظهر
وجزاكم الله كل خير

الفاتح الجعفري يقول...

ساموراي
منورني والله وشرفتنا فعلا
وربنا يبارك فيك علي الكلام الجميل ده
والله في حجات كتير جدا تدعوا للتفائل ودائما انا لااحب النظره التشائميه ,وان شاء الله الامه دي هترجع تاني وستقود العالم بعز عزيز اوبذل ذليل
والله المستعان
وجزاكم الله كل خير

الفاتح الجعفري يقول...

استاذي وطني
نورتني فعلا وشرفت المدونه
ولاتنسانا من صالح دعائك
وجزاكم الله كل خير

الفاتح الجعفري يقول...

ماشي صح
يارب يوفقهم فعلا
وهما فعلا يستاهلوا كل خير
ومبروك لكل العرب والمسلمين
ونورت المدونه واتشرفت بوجودك
وجزاكم الله كل خير

الفاتح الجعفري يقول...

عز اللي انا عمه ومعلمه
مابلاش انت ياعم انا بس مش عايز تفضحك خلاص مش هقول
لما عدتلك من الجون وعملتههالك متقشره والجون فاضي وحطتها بره
ههههههههه
احول بقي
ولما لبستك كوبري واعدت تجري ورايا من نص الملعب وكنت عايز تشدني وبرده حطتها جون
هههههههههههههه
غلبان بقي
وياما رقصتك ولميتك وعملت فيك البدع
ولو كنت ناسي ياما في الجراب ياحاوي
هههههههههههههههههههه
ابعد عن الجعفري
اذا رايت اسنان الجعفري بارزه لاتحسبن ان الجعفري يبتسم
هههههههه
شوفت البرود
ودمت بخير ياكبير

الفاتح الجعفري يقول...

استاذه اابي
شرفتينا والله
وتقريبا انا فهمت المعني
فعلا كل مسلم فيه خير واختلافنا رحمه
وعايز اقولك مثل مطابق لمثلك ,من حلاوة الورد الوانه الاحمر والاصفر والبنفسجي وغيره لو كله بقي لون واحد هيفقد رونقه بس المهم انه يبقي من تربه واحد من تربه واحده اما الالوان فتعطيه رونق وجمال
,عارفه يااستاذه كان في شيخ بيقول المسلمين عاملين زي السكر
بس محتاجين نقلب السكر
ودائما منورانا
وجزاكم الله كل خير

الفاتح الجعفري يقول...

ميرمايد
اولا جزاكم الله كل خير علي التعليق
فعلا ابوتريكه من الناس اللي تركت بصمه اخلاقيه عاليه جدا ستظل مدي التاريخ ان شاء الله اثقلتها طبعا موهبته العاليه
ياريت يبقي في كل عمل ابوتريكه في اخلاقه وتواضعه وامكانياته العاليه والتزامه
وياريت الكل يتحد ويقف جنبا الي جنب من اجل نهضة هذا الوطن وهذه الامه التي في حاجه ىالي قائد وعمل شاق قوي
وجزاكم الله كل خير

عمك وعم عيالك مستقبلا اليعقوبي يقول...

الرد الكافي علي اي جعفري ماشي حافي


طبعا اكيد الناس مصدقتش الهجس اللي انت عمال تقوله ده وبس عايز اقولك حاجة صغيرة فاكر لما بنيجي نقسم الفرق مين اللي بيتركن وبيخدوه اخر واحد
انا هاسيب لك الاجابة


وبعدين ايه اللي انت كاتبه ده يعني ايه اذا رايت اسنان الجعفري بارزة فلا تظن انه يبتسم

اكيد مبيضحكش طبعا

اكيد هايعضنا

يلا امشي من وشي دلوقت عشان ابقي ارحمك لما الاعبك كورة
والسلام

الفاتح الجعفري يقول...

ياااااااعز
دي مش دائما
وسعات بتدخل فيها مصالح واهواء شخصيه
ومصالح سياسيه
واللي يسمعك يقول الناس بتموت عليك
وبعدين مش هجص ولاحاجه
لبستك كوبري ولا لا
وضيعت كوره والجون فاضي ولا لا
وبتترقص زي الورقه ولا لا
ومبتعرفش تلعب ولا لا
وانت غلبان ولا لا
ايه ياعز خليك في كوزك لغاية اما نعوذك
وبلاش افضحك كده ادام الناس انت غلبان وطيب اه مش هنختلف ,بس كوره والكلام ده لا ملكش فيها
ياكميروني ياجاسوس
هههههههههههههههههههه

Soul.o0o.Whisper يقول...

الأخ الفاضل / الفاتح الجعفرى

ما شاء الله
مقالة حضرتك رائعة جدا
أنا فعلا ماكنتش أعرف كدا عن منتخبنا

و لا حتى حد أثار قدامى موضوع التدين و الاخلاق دا

الناس كلها بتتكلم جبنا كام و مين عمل
بس بجد الكلام اللى حضرتك قلته خلانى بجد بجد أحترمه جدا جدا
معلش سامحنى أصلى ماليش فى الكورة
بس جزاه الله خيرا اللى قاللى على مقالة حضرتك دى

و اللى فعلا يزعل
إنك تلاقى اللاعيبة كدا
و الناس تعمل كدا فى الشارع
طيب لما يصوروا الناس و تذاع عالميا
فعلا تضاد فظيييييييع فى رد الفعل

ناس لما فرحت سجدت لربنا
رفعت المصحف
تبرعت لبناء مسجد

و ناس لما فرحت
رقصت و غنت
و سهرت للفجر

ياترى لما نقول اسلام هيصدقوا مين فينا؟؟؟
أتمنى فعلا إننا نفهم الموضوع بكل جوانبه
مش بس ناخد اللى احنا عاوزينه
و مش نبص على الباقى

تحياتى لشخصك الفاضل
و بإذن الله مش هتكون الزيارة الأخيرة

الفاتح الجعفري يقول...

استاذه
soul.o0o.whisper
اهلا بحضرتك يادكتوره ونورتي المدونه
شوفي دائما مانعاني من الاعلام التافه الغير واعي ,دائما الاعلام يركز علي التفاهات والصغائر من الامور
وبالفعل هذا المنتخب يستحق ان يكون ظاهره رياضيه ويضرب بهم المثل في اخلاقهم في هذه البطوله
-----
اما مظاهر الفرح والرقص فاللاسف دي حاجه تحزن فعلا وتدعوا للاسف علي اخلاق سقطت من بعض الناس
وزي ماقولت اين حياء النساء ورزانتهن ومايجب ان تكون عليه المراه المسلمه
بس اهو الدنيا احسن من زمان علي الاقل بقي في نقد وفي حجات ايجابيه في الاول كانت مشاكل اكتر بكتير
واللهم اهدي شباب امة الاسلام
وفعلا حضرتك شرفتي المدونه
وجزاكم الله كل خير

أنا إنسان يقول...

رائع الن كل واحد فينا يحاول يطلع الايجابيات والسلبيات اللي في كل موقف بيحصل
ورائع جمعك ما بين اللعيبه التلاته اللي اظهروا شعارات دينيه
كانها حجر في فم كل من يعترض على ما فعله الرائع ابو تريكه
عجبني حياديتك
وعجبني اكتر عدم انغماسك في الفرحه
وعقلانيه الحكم

Ahmed Al-Sabbagh يقول...

حبيبى واخى وصديق عمرى

اولا انا بعتذر عن تأخرى عن مدونتك الجميلة

ثانيا بقى والله انا جاى وحاسس بكل كلمة هتكتبها

وقولت استحالة الجعفرى يكتب كلام زى اللى بتكتبة الناس

اكيد هيتكلم عن نقط فيها الافادة كلها

الالتزام

والاخلاق

والروح العالية

بجد تسلم ايدك

بوست جميل وممتع ومفيد جدا جدا

والف مبرووووووووك للفوز

تحياتى

اخوك احمد

EmY يقول...

الجعفري
ازيك عامل ايه يارب تكون بخير
فعلا اهم ما يميز البطوله دي هي اخلاق اللاعيبه العاليه و احترامهم محصلش منهم سب للحكام ولا بلطجه ولا قلة ادب بالعكس كانوا صوره مشرفه جدا

فعلا مظاهر الاحتفال عندنا غريبه جدا و عايزه تعديل كبير

بوست جميل اوي

تحياتي و سلامي ليك و لليعقوبي

دعوة الفردوس يقول...

قلت كل مايمكن ان يقال بخصوص هذا الامر
وفي ذلك رد على المفرطين والمغالين في هذا الامر
اعشق مشاحناتك مع اليعقوبي

سلام بقى سمعت صوت غريب وقاعده في الشقه لوحدي الفجر
ربنا يستر
لو غبت اسالوا عني

ض/خالد يقول...

ياريت الناس تلعب رياضة يا عز
بدل ما هي بتتفرج
زي منتا قلت

ياريت كمان حافظ على سلامة قلوبها وتنقيتها
زي ما بنحافظ على سلامة قلوبنا
..
ياريتنا نشوف المصريين اللي خرجوا في الشوارع
هيعملوا ايه في موضوع سب النبي -ص-

وانا لله

امام الجيل يقول...

جميل
الحمد لله وده كويس ربط كل افعالنا بالدين والمفروض يكون ده الطبيعى عندنا كلنا
اعتقد بكده الحمد لله وصلت رسالة للناس
وممكن تكون كرة القدم مفيدة وعامل بناء
مش تضييع للوقت والهاء للامة
ربنا يهدى الجميع
جزيت خيرا

اجري على الله يقول...

السلام عليكم معشر الفاتحين
كان واحد صاحبي بيقولي -وهو من
الملتزمين- انه لاول مره كان بيدعي للمنتخب لانه حس ان اللعيبه بتوصل فكره ودعوه وكان خايف انهم يخسروا لانهم اصبحوا يمثلوا شكل اسلامي نحزن ان هزم

ثانيا ابو تريكه ماسبلناش فرصه اننا ما نخدمش قضايا امتنا حتى لو في ملعب الكره
فما بالك بالمترو والميادين العامه والكليات والمكتبات ...الخ

تحياتي الجمه
اتمنى ان نتواصل
الشاعر بن هلال

النجمة الصامدة يقول...

oo.comبجد أنا مش عارفة أشكر حضرتك ازاي على المقال ده
بجد مقال جامع ووافي

صراحة من اجمل أو ربما هو أجمل ما قرأت بخصوص هذا الحدث

جزاك الله عنا خيرا

............
شاركني بالتصويت على فكرة كتابي الأول
www.somood.blogspot.com

الفاتح الجعفري يقول...

انا انسان
شرفتني ومنورنا دائما
وانها يااخي سياسة الكيل بمكيالين
والعنصريه ضد الاسلام والمسلمين
وجزاكم الله كل خير

الفاتح الجعفري يقول...

اخويا وحبيب قلبي
الصباغ
دائما مشرفني ربنا يبارك فيك ويعزك
وربنا يكرمك علي الكلام الجامد ده
وجزاكم الله كل خير

الفاتح الجعفري يقول...

استاذه ايمي
وانا بقول المدونه منوره
والله يااستاذه كلام حضرتك كله صح
والالتزام الديني والسمت الاسلامي حسس العرب كلهم ان ده مش منتخب مصر ده منتخب لكل العرب
علشان كده الجميع احتفل بيهم
وجزاكم الله كل خير

الفاتح الجعفري يقول...

اختنا دعوة الفردوس
ربنا يبارك في حضرتك ويعزك
وفعلا شرفتي المدونه
وياستي عز ده غلبااااااااااااان
وبعدين الصوت ده متخافيش منه
تلاقي جن ولاعفريت رايح يصلي الفجر
هههههههههه
ربنا يحفظك يارب ويمن عليكي
وجزاكم الله كل خير

الفاتح الجعفري يقول...

د/خالد
تصدق عيب عليك والله
ماتعرفش تفرق بين اخواتك
ياعم
انا الجعفري=احمد
اليعقوبي=عز
وطبعا كلامك كله صح
وياريت الناس تلعب رياضه ويبطلوا فرجه شويه
وجزاكم الله كل خير

الفاتح الجعفري يقول...

اخي امام الجيل
بارك الله فيك
ودائما منورنا
وياريت يااخي نستغل اي حدث لنشر دعوة الاسلام
بأخلاق وحب وتفوق
وجزاكم الله كل خير

الفاتح الجعفري يقول...

اخي بن هلال
الشاعر الكبير جدا ان شاء الله
نعم والله صدقت يااخي خاصة وان المنتخب اخذ شكل اسلامي رائع بالتزام واخلاق عاليه وسجود لله ورفع المصحف
وفعلا ابوتريكه نموذج رائع جدا وفعلا لم يترك لنا فرصه علشان منوصلش الرساله
انا فعلا بحب وبااحترم ابوتريكه جدا
ربنا يحفظه ويبارك فيه
وجزاكم الله كل خير

الفاتح الجعفري يقول...

اختنا صمود
ربنا يباركلك وييسر لك كل امرك
وجزاكم الله كل خير علي هذا الثناء
وان شاء الله جي اشارك في التصويت
وتمنياتي بالتوفيق والنجاح الدائم

ساندوا اخوانكم في القوقاز

ممدونات مهمة للغاية

المدونات دي لازم تعدوا عليها وساندوا اصحابها جزاهم الله خيرا

مدونة ارض الحرب جزا الله صاحبها خيرا

كلنا مقاومة

مدونة اولادنا امانة (كيف نربي الاجيال القادمة)

نشقي ليعز ديننا وتسعد امتنا

نشقي ليعز ديننا وتسعد امتنا

جماعة قاداتها شهداء منصورة باذن الله

جماعة قاداتها شهداء منصورة باذن الله

About Me

صورتي
اليعقوبي احد الفاتحين القادمين باذن الله واتمني انا ذلك كل مااسال الله عليه ان يثبتني علي دينه وعلي طريقه والااضل عنه وان يرضي عني

لغتي الجميلة هويتي واصلي وديني

لغتي الجميلة هويتي واصلي وديني

اللهم ارحم اخي علاء رحمة واسعة

اللهم ارحم  اخي علاء رحمة واسعة

اللهم ارحم اخانا رحمة واسعة واجمعنا به في مستقر رحمتك

اللهم ارحم اخانا رحمة واسعة واجمعنا به في مستقر رحمتك
نسالكم الدعاء لاخانا