الفضيحة !!!!!!!! اسف اقصد الجعفري

بسم الله والصلاة والسلام علي رسول الله عليه من الله افضل الصلاة واتم التسليم

انه في احد الايام حالكة السواد وهو يوم6 من شهر ديسمبر سنة1986

ولد ذلك المدعو بعد ماحرم والداه 6سنوات من الانجاب فمن الله عليهم بذاك المدعو الجعفري

صاموا وصاموا وصاموا وفطروا علي جعفري

ولا حول ولا قوة الا بالله

كل سنة وانت طيب ياحبي وكل سنة وانت الي الله اقرب وكل سنة وانت بتزيد علما وفهما

يالا خير طبعا الجعفري معملش عيد ميلاد لان ابوه الحاج الجعفري الاب صوفي

ايوه صوفي

(مستنين الحكم فيه يااستاذ عصفور وياضكتور خالد وجمعاوي كمان)

فهو بيعمله مش عيد ميلاد بيعمله ختمة ختمة صوفية كل سنة هتوقف لما يتجوز

وده كان ندر علي والده

علاقتي بالجعفري

علي فكرة يااخوانا انا والجعفري نعرف بعض من حوالي 15او 16سنة جيران سنين بتعدي علينا تخيل 16سنة

فصاحبنا ده كان ليه فضايح وهو صغير لاتنحكي ولاتنقرا حاجات تودي في داهية

وعشان اعرفكم الطفولة المشردة لذاك المدعو

ابوه بيقوله يابني انا اعرف ان اي عيل في الدنيا اول كلمة يقولها بابا او ماما اما انت فقلت يابن (البوبي)طبعا بلغة دارجة منحلة

كنت وانا طفل عيل غلبان فعلا ومؤدب وهو كان ركبه ميت شيطان فكان كل مانلعب مع بعض يشتمني ويجري وكان سريع جدا وكان له اسلوب في الجري كان يشد الشورت بتاعه لحد صدره فوق ويحط الشبشب فوق ويجري ومكنتش بلحقه بس كنت بصطاده وهو نازل من الاسانسير وواقوم اضربه واطلع لمامته واقول لها ياطنط جعفري ضربني (طبعا مبلقهاش جعفري)هو ليه اسم دلع اغلب الناس بيقولوه له الي الان رغم انه اشتغل

فالمهم كان طفل ومطلوب في محاكمة العدل الدولية في لهاي وكان من اكثر من اوذي منه الواد الغلبان اخوه

في مرة كانت ولدته عندنا قاعدة مع والدتي فلقينا الواد اخوه داخل وقالب وشه وبيقول لمامته وهي عند جارتها ماما جعفري كل حته الفراخ بتاعتي لقيت والدته كانت هتلتطم وعمالة تقول يافضحني يافضحني هي قعدت تقولهم الكلمة دي لحد مانزلت

وطبعا جرائم كثيرة جدااااا بس الوقت اللي يكتب ندخل في المرحلة اللي بعد كده

ثانوي

في فترة تلتة اعدادي وثانوي كان الحال اتقلب انا بقيت قتال قتلة واصبحت شخصية تانية (فترة المراهقة)وعم الجعفري ربنا هداه وكنا مع بعض في الدروس في الثانوية العامة حوالي 3دروس

وكان مثلا لو الدرس الساعة 7ننزل نستنا الاستاذ الساعة6ونطلع بعد الدرس بساعة

واثناء الدرس تدبير لمكائد للترزيل علي الاساتذة وبنت جارتنا اللي كانت معانا في الدرس بس

لاعلم ولا يحزنون

فهو كان ربنا هداه وابتدي يصلي فكنت معتبره شيخ

وكنت بسال نفسي ايه الي خلي الشخصية دي تهدي كده

ولاني مش متعود علي الالتزام فكنت بساله طيب يابني انت متعرفش بنات طب هاتجوز ازاي او ايه مواصفات البنت اللي انت عايز تتجوزها قالي اوصاف عادية لاي واحدة ملتزمة (الكلام ده في ثانوي)فقلت له طب متاخد واحدة يعني مش ملتزمة اوي واهديها انت قالي اش دراني كام واحد هداها قابلي ؟؟؟؟؟؟؟؟؟؟؟؟؟؟؟

جامعة

ربنا هدانا احنا احنا الاثنين في فترة تانية جامعة واسال الله ان يمن علينا بالثبات والهداية وبقينا احنا الاتنين من الاخوان

بس هو هزارنا مع بعض كده هاولع فيك وهو يقولي انت غلبان ومتعرفش تعمل حاجة

رغم ان الفارق الجسدي بينا واضح ولصالحي ولله الفضل والمنة بس هو بيقاوح

ففي مرة بيقولي بص ياعز المعركة اللي بيني وبينك مش بالقوة دي بالعقل فقلت له ده اللي مطمني وهذا مايهدا سريرتي اذا حدثت بيننا مواجهات

بجد فعلا

علي فكرة انا والجعفري متفاهمين جدااااااا فكريا مبنختلفش كتير وتوارد الخواطر والافكار بينا كتير اوي يعني مثلا نبقي قاعدين في لقاء وتيجي فترة الخواطر فهو مثلا هيقول خاطرة فالاية اللي هو بيقولها هي نفس الاية اللي كنت هاوقول فيها خاطرتي وبتحصل كتير جدااااااااااا

ومن كام يوم كنت تعبان فبكلمه لقيته تعبان بنفس المرض

بجد والله

التوافق بينا عالي جدا رغم اختلاف الشخصيات لكن الفكر واحد

والله ياجعفري

اني احبك في الله

وانت بالفعل صاحب فضل بل انت احد اسباب تعريفي بالاخوان

وبجد

اني احبك في الله

كل عام وانت بخير وبصحة وعافية

والسنة الجاية تكون واخد العهد من ابوك

اليعقوبي

والسلام

لو تاج لو

بسم الله والصلاة والسلام علي رسول الله عليه من الله افضل الصلاة واتم التسليم

تاج ارسلته لنا الاستاذة صانعة الحرية جزاها الله خيرا

اجاباتي هتبقي بالازرق اليعقوبي

اجابات الشخصية التانية اللي معايا في البلوج هتبقي بالاحمر الجعفري

والان مع التاااااااااااااج

لو مكنتش مصري بس عربي

كانت هتبقى إيه نظرتك للمصريين واللي بيحصل في مصر دلوقتي؟

كنت هتبقي نظرتي ليهم سلبيه لانهم سلبيين وبيتشطروا علي بعض وفراعنه كل واحد شايف نفسه ولايصيب الله قوما الابمايستحقوا بس كانوا بردوا هيصعبوا عليه لان الحال من بعضه في كل الدول العربيه وكنت هحط علي مصر امل كبير برده علشان هي الامل فعلا للامه دي

واللي بيحصل في مصر ميتحكيش من الاصل

لو عربي عادل هاقول لاتعايرني ولا اعايرك الهم طايلني وطايلك

واعتقد اني هاضع عليهم امل كبير لان المصريين بالفعل هم اللي علموا العرب سواء التيارات الاسلامية والحركة الاسلامية عامة اللي حركها المصريين والتيارات العلمانية المصريين لهم دور كبير في نشرها في الوطن العربي

تقدر تعول عليهم امل كبير

لوكنت أوروبي أو غير مسلم هتبقي إيه نظرتك للعرب والمسلمين؟

الحمد لله علي نعمه الاسلام ياربنا لك الحمد والشكر والفضل علي هذه النعمه وكفي بها نعمه ,بس السؤال ده محير جدا لان الواحد يتخيل نفسه غير مسلم امر صعب ,مش عارف بس كنت احتمال ابقي صعب شويه لاني من النوع لما بحب حاجه بتعصب ليها وبدافع عنها ,بس اكيد لو كنت قرأت في الاسلام بتمعن كنت هتبع النور الذي جاء به

نظرتي لهم انهم اناس متخلفين ورجعيين ولكني كشخص ارفض ان اكون مجرد تابع لايعلم شئ عن الذي يتبعه فلو قرات وعرفت الاسلام وهداني الله الي الاسلام

ساقول الحمد لله الذي هداني للاسلام قبل ان اري المسلمين

وان مت ولم اسلم لن اتركهم امام الله يوم القيامة

ربنا لاتجعلنا فتنة للذين كفروا

لوقالولك إنت بقيت رئيس جمهورية هتعمل إيه؟

ياسلام كنت هعمل ملعب كوره وحمام سباحه في القصر واصطبل خيل واعد العب انا وصحابي طول النهار وكنت هخلي الواد اليعقوبي رئيس الديوان وكنت هقعد في حته بعيده وهعيش الجيش احسن عيشه علشان يحميني

استغفر الله العظيم انا سرحت شويه

لابجد هستعين بالله العظيم وهنبتدي نركز علي محاور محدده مثل الاقتصاد والجيش والاعلام والتعليم والشئون الداخليه عامه

وبعدين ابتدي اجيب خبراء متخصصين محترمين في كل مجال مع علماء الدين وبعدين نبتدي نضع خطط مدروسه تكون نتاجها اعاده بناء الفرد بشكل عام ووضع بذور جيل يستطيع النهضه بالامه

واعداد الشعب وتربيته ليكون مهيء للحكم الاسلامي

ومحاسبه الجبارين في محاكمه شعبيه سريعه جدا امام جميع فئات الشعب وبعدين هرميهم في الزباله وهنفيهم بشكل سريع جدا ونطوي هذه الصفحه القذره من تاريخ البلد

وبعدين هجيب خبراء من بلاد النمور الاسيويه في الاقتصاد وهاارسل بعثات هناك

وفي التعليم اليابان

وهصبغ كل ده بصبغه اسلاميه

لاني مؤمن بتكامل الحضارات مش معقول هنبدأ من الاول او هنعتمد علي اوروبا وامريكا في نهضتنا

ثم هاارسي التشريع الاسلامي في البلاد ويكون هو الحاكم الفعلي في شتي الامور

وهخلي اليعقوبي المستشار العام ورئيس مجلسي الشعب والشوري ووزير الداخليه والخارجيه ومحافظ البنك المركزي

وبعدين البسوا قضيه فساد واسجنوا واقتلوا واطلع اعيط واقول انه انتحر!!!!!!!1

طبعا هاتجوز الاول عشان مصر لازم يبقي ليها سيئة (سيئة مصر الاولي )وبعد كده هاولع في الجفري والبسه قضية مخدرات عشان يبطل رغي وكلام كتير

بجد بقي

هاحاول اضع كل شخص في مكانه الصحيح اي ساعطي الامانة لمن يستحقها وبعد ذلك ممكن انام واتفرج علي بلدنا وهي بتكبر وبتزدهر

ثاني امر هاحاسب كل من ظلم شعبه وهيتحاكموا في محاكمة شعبية في احد اكبر الميادين

ثالث امر هارجع العلماء المصريين المتواجدين في خارج مصر سواء كانوا علماء دين او علماء لعلوم دنيوية واحملهم مسئولية البلد

وبعد ده كله لو البلد قامت وبقت زي الفل ان شاء الله وهذا طبيعي لبلدنا نبتدي الجهاد واتنازل عن الحكم واذهب الي الجهاد لان هذ امنية ادعو الله بها

لوسمح لك برؤية الرسول عليه الصلاة والسلام وإنك تقوله كلمة واحدة ؟

ياالله ان شاء الله هنقابل النبي صلي الله عليه وسلم وهترمي في حضن النبي حضن قوي كم اشتقت اليه

وهقوله كلمه علي وزن كلمه استاذنا عصفور المدينه

هقوله يارسول الله اني احبك في الله فيرد صلي الله عليه وسلم احبك الله الذي احببتني فيه

هاترمي في حضنه وهابكي بكاء شديد واقول له سامحني علي تقصيري في دينك

واخاف ان يردني

لو كنا في عصر ازدهار الأندلس كنت تتخيل نفسك إزاي؟

ان شاء الله احد الجنود في الجيوش المنطلقه لفتح الشمال الاوروبي

احلي شغل يامعلمين اشي فتوحات علي جهاد علي جواري

وابتغي فيما اتاك الله الدار الاخرة ولاتنسي نصيبك من الدنيا
يعني الله المستعان

لو خطبت واحدة أو اتخطبتي لواحدوأثناء الخطبة اكتشفت أو اكتشفتي إن الطرف الآخرغير قادر على الإنجاب هيكون

ايه تصرفك؟

مش عارف موقف صعب جدا انا بجد حلمي في الدنيا ان انا يبقي عند بنات صغيرين ادلعهم والعبهم واربيهم كما يحب الله ويرضي وولد اعده انه يكون من جنود الدعوه في اي مجال

موقف صعب فعلا بس ممكن احط نفسي مكنها واشوف هي كانت هتعمل ايه وحسب الحب بيننا ساعتها ممكن استغني عن اي حاجه ونعيش مع بعض برده في بيت ننشئه علي طاعه الله ونجعل من كل اطفال المسلمين اولادنا نعلمهم الاسلام برده والمجالات كتير

اللهم ارزقني الذريه الصالحه

رب لاتذرني فردا وانت خير الوارثين

مش عارف والله هاعمل ايه نسيب كل حاجة للزمن والوقت هو اللي يحدد يمكن انا اللي اكون كده

اعتقد ان اللي حاططك التاج ده يتبع المذهب الحنفي كل شوية لوكذا لو كذا ايه ده

لو طلعت القمر هتكتب عليه ايه؟

نفس اجابه استاذ عصفور المدينه هسجد سجده وبعدين هكتب ربنا ماخلقت هذا باطلا سبحانك فقنا عذاب النار

هاكتب للذكري الخالدة اليعقوبي والجعفري اصل الكتابة علي الحيطان والارض دي عادة فرعونية يعني تشوف العابد بتاعة الفراعنة اكيد كانت نضيفة في عهدهم بس الشعب هو اللي كتب علي الحبطان بتاعتهم

بجد بقي هاسجد لله في المكان ده حتي يشهد لي عند الله يوم القيامة لاني احب ان تشهد لي الارض علي طاعتي لله واعوذ به ان شتهد علي في معصيتي له

لو مررت التاج لحد وماجاوبش هتعمل ايه؟

ياستير يارب علي اللي هيحصل يااااااه مش متخيل ابعت لواحد تاج ومايجوبش دنا كنت !!!1

يعني هعمل له ايه يعني هضربه جوه الكمبيوتر

ان شاء الله التمسله عذر

هاعمله ايه عنه مجاوبه مع السلامة منجلكش في حاجة وحشة

تمرر التاج لمين ل..1

استاذي عمر محمود

البشمهندس الكبير مهندس مصري

عمي وعم عيالي جمعاوي روش طحن

اختنا دعوه الفردوس

النجم ياسر شمس الدين

ايمي وكوكا

الكبير اوي وختامها مسك ض\خالد حبيب قلبي

الاستاذة اميرة محمد محمد محمد

اسلام ابو غزالة ليه بس

ولبابا وماما وخالي بمطروح وخالي في السعودية

الجعفري واليعقوبي

الفاتحون ليمتد

والسلام

فضائح بلدنا لاتتحكي ولا تنقرا تتشاف بس!!!!!!!ا

بسم الله والصلاة والسلام علي رسول الله عليه الصلاة والسلام

اول حاجة احب بس اقول للناس اللي بتعلق عندي اني بحبها في الله جدا لعلنا اجتمعنا علي خير باذن الله ولم نري بعضنا الا بعض الناس اللي انا قابلتهم

ندخل في الموضوع

النهاردة كان عندنا اعتصام في جامعة القاهرة وبالاخص في المدينة الجامعية عشان تم فصل 200طالب من المدينة الجامعية 25من الاخوان والباقي طلبة عادية جدا وليس لها اي نشاط وبالرغم من ان الطلبة دي من اصحاب التقديرات المرتفعة الا انهم استبعدوا واليكم بعض الاتهامات والتي تكاد تقتل القلوب وتقطعها اربا

انهم بيصلوا بالليل بالطلبة يعني من الاخر استبعدوهم عشان بيصلوا قيام ليل مع الطلبة وبيحثوا الطلبة علي صلاة القيام والتهجد

فضيحة صح

حرقة دم مش كده

حسبي الله ونعم الوكيل

مصيبة والله يااخواني قربك وطاعتك لله اصبح شئ تعاقب عليه وتحاسب عليه ولكن لنا الله واسال الله ان يرضي عنا ويتقبل منا ومن اخواني المستبعدين وادعو لهم يااخوانا لانهم بالفعل بيمروا بظروف صعبة للغاية طالب مغترب مستبعد والامتحانات علي الابواب ويمكن امكانياتته علي قد حاله بل اني اعرف بعض اخواني بالفعل حالتهم صعبة جدا وربنا يعينهم وياجرهم علي مااصابهم

وفي النهاية اتركم مع ايات ابكتني عندما سمعتها

يقول تعالي:( فَمَا كَانَ جَوَابَ قَوْمِهِ إِلاَّ أَنْ قَالُوا أَخْرِجُوا آلَ لُوطٍ مِنْ قَرْيَتِكُمْ إِنَّهُمْ أُنَاسٌ يَتَطَهَّرُونَ *فَأَنجَيْنَاهُ وَأَهْلَهُ إِلاَّ امْرَأَتَهُ قَدَّرْنَاهَا مِنْ الْغَابِرِينَ *وَأَمْطَرْنَا عَلَيْهِمْ مَطَراً فَسَاءَ مَطَرُ الْمُنذَرِينَ *قُلْ الْحَمْدُ لِلَّهِ وَسَلامٌ عَلَى عِبَادِهِ الَّذِينَ اصْطَفَى أَاللَّهُ خَيْرٌ أَمَّا يُشْرِكُونَ )ا

ولكن مايصبرنا ان العاقبة دائما للمتقين

اخوكم اليعقوبي

والسلام

عن العلمانين احدثكم

بسم الله والصلاة والسلام علي رسول الله عليه من الله افضل الصلاة والتسليم

احدي المدونات التي والله تثير ضحكي وشفقتي علي ماهي فيه

قالت في احد تدويناتها

انها بعد قراة متعمقة في الافكار والاتجاهات والعقائد قررت ان تعطي ظهرها لكل مايمنعها من الاستمتاع بالحياة وهي حتي واضعة صورة فيها علامة اكس علي الديانات الثلاث

بس اللي بيضحكني ان هذه الشخصية في احدي تعليقانها كانت تقول لاحد المدونين وهو يضع في بنر مدونته صورة حسن نصرالله وجيفارا وبعض الشخصيات الاخري

فقالت له انا مش عارفة اتجاه حضرتك ايه بالظبط منين حسن نصرالله ومنين جيفارا ايه اللي جاب الشيوعية للسلفية

لاحول ولا قوة الا بالله

والله يااخواني هذه اشياء تدمي القلوب وهي اصبحت ظاهرة منتشرة في مجتماعتنا تجد اناس تتحدث عن امور لو كانوا يخشون الله لترددوا قبل كتابتها مئات المرات

هذه حملة تقوم بها قلة في امتنا بمن يدعون انفسهم بالعلمانين ،اصبح هؤلاء الناس يشككون في كل شئ في الدين ويشوهوا في تاريخ امتنا وفي الحركة الاسلامية بوجه عام سواء كانوا اخوان ام سلفيين

فلقد سمعت احدهم يقول في التليفزيون في مرة المذيع بيساله انتم ليه مختلفين ةمع الاخوان فقال اصل كل شوية وكل ماتكلمه يقولك قال الله قال رسول الله ،امال فين حرية الاراء وتداولها فين راي ورايك

والمصيبة ان هؤلاء يدعون انهم حماة للاسلام ومدافعين عن حياضه وهم اول المشككين بالباطل فيه وهؤلاء ليس لي عليهم الا كما قال تعالي:(وَإِذَا ذُكِرَ اللَّهُ وَحْدَهُ اشْمَأَزَّتْ قُلُوبُ الَّذِينَ لا يُؤْمِنُونَ بِالآخِرَةِ وَإِذَا ذُكِرَ الَّذِينَ مِنْ دُونِهِ إِذَا هُمْ يَسْتَبْشِرُونَ )

وتجدهم يقولون الدين لله والوطن للجميع

وقال تعالي:(لِلَّهِ مَا فِي السَّمَوَاتِ وَمَا فِي الأَرْضِ وَإِنْ تُبْدُوا مَا فِي أَنفُسِكُمْ أَوْ تُخْفُوهُ يُحَاسِبْكُمْ بِهِ اللَّهُ فَيَغْفِرُ لِمَنْ يَشَاءُ وَيُعَذِّبُ مَنْ يَشَاءُ وَاللَّهُ عَلَى كُلِّ شَيْءٍ قَدِيرٌ )

فالدين لله والوطن ايضا لله وهذه ذريعة اتخذها هؤلاء الناس من اجل فقط ان يكون الوطن للجميع فيحكم بقوانين البشر وليس باحكام واوامر الله

وتجدهم يقولون ان اختلفت معهم انك ظلامي وقد سمعت هذه الكلمة من اناس كثيرين وخاصة كانت تقال الي اخواني من التيار السلفي ولهؤلاء اهديهم قوله تعالي :(وَإِذَا قِيلَ لَهُمْ آمِنُوا كَمَا آمَنَ النَّاسُ قَالُوا أَنُؤْمِنُ كَمَا آمَنَ السُّفَهَاءُ أَلا إِنَّهُمْ هُمْ السُّفَهَاءُ وَلَكِنْ لا يَعْلَمُونَ )

ياعمي ده دكتور جامعي ده الكاتب فلان الفلاني ازاي

مشكلة الناس دي اخوانا انها قرات في كل شئ واي شئ حتي اذا طلبت منها ان تام الناس في الصلاة مثلا لم يقرا الفاتحة صحيحة بل انه لايعرف شئ عن دينه بل عرف عن لينين وماركس وجيفارا وسين وصاد ولكن كان لايقرا عن دينه ولايعرف عنه شئ واذا قرا في الدين وتحدث فيه تحدث فيه بهوي واختار الاراء الشاذة في الدين وركز عليها

يقول تعالي:( أَرَأَيْتَ مَنْ اتَّخَذَ إِلَهَهُ هَوَاهُ أَفَأَنْتَ تَكُونُ عَلَيْهِ وَكِيلاً )كان ماشي في الدنيا بمزاجه يقولك انا تحررت من قيد الاديان بل انك عندما قلت هذا فقد تحررت من قيد الدين ولكنك تكبلت بقيد الشيطان وهذا طريق نهايته0000000

مشكلة الناس دي انها كانت تعبد الله بهوي ان عبدته وسجدت له اساسا واطاعت امره

ووفي مثل :ا

لو مثلا انا عندي شقة وجبت نقاش وقلتله انا عايز الصالة يبقي لونها اخضر فقام هو ودهنها ازرق يبقي ايه رد فعلك

مش هاتجره علي اللي هو عمله حتي لو تعب فيه

وهتعقبه علي فعلته

ولله المثل الاعلي في ناس ماشية في دين ربنا بمزاجها ممكن تتحكم لطوب الارض واذا حدثتها عن الدين تقولك رجعية والدين بس نعبد ربنا بيه مش نتحكم بيه وفي الاخرة الناس دي عاقبتها اسال الله ان يعافينا ويثبتنا علي طريقه

هما شوية بشر شايفين الدنيا والدين بالمشقلب ويريدوا ان يشقلبونا كما تشقلبوا

ومعلش انا عارف ان الاسلوب مش جيد بس انا لااجيد الكتابة جيدا ولكني احاول ان انقل لكم في هذا البوست مارايت في الحياة وفي عالم التدوين وي امور اثارت غيظي للغاية واثارت عاطفتي للاسلام

والسلام

اليعقوبي

المسلمون والتقدم العلمي

بسم الله والصلاة والسلام علي رسول الله
قولتلكم في البوست السابق اني هعرضلكم احدي التجارب الاسلاميه الناجحه كنموذج عملي
,ولكني وجدت ان اتحدث معكم بشكل عام عن تجربه معينه ثم اعرض لكم تجربه خاصه ان شاء الله ....
التجربه هي المسلمين والتقدم العلمي ....كما نعلم ان العرب قبل الاسلام كانوا غارقين في الظلمات والجهل وغير ذلك من مظاهر التخلف ....والعالم كله كان ينتظر من يضيء له الكون فبعث الله المسلمين لينشروا الرحمه والعدل والهدايه للناس .
ولم تقتصر انجازات المسلمين علي الفتوحات العسكريه والمعارك الحربيه فقط ولكن كان لهم انجازات علميه لاتقل اهميه وان زادت ولاينكر الغرب ان ماوصل اليه المسلمون من فتوحات علميه قد ساعده كثيرا في ماوصل اليه.
وان كان الكثير من المسلمين لايعرف للاسف الشديد ماوصل اليه اجداده الاوائل وماحققوه ويستمع دائما الي كلام العلمانيين اومن صوروا التاريخ الاسلامي في صورة مؤامرات وفتن وصراعات وغفل وتناسي تلك الانجازات العظيمه .
ويجب ان تعلموا احبائي انني عندما اعرض لكم بعض الانجازات انها لاتمثل شيءفي بحور الانجازات العلميه للمسلمين التي كتب فيها كتب ومجلدات ضخمه ولكن كما قلت انا اعطي نبذه صغيره ومن اراد البحث فعليه بأن يجتهد ويبحث.

نبدأ بعلم الطب لانه من اكثر العلوم التي تميز فيها المسلمون:

المسلمون هم اول من اسس المستشفيات في العالم ,بل انهم سبقوا غيرهم في هذا الامر بأكثر من 900 سنه لان اول مستشفي اوروبي كانت في باريس بعد 9 قرون .

وكانت المستشفيات تعرف باسم (البيمارستانات) وكان منها الثابت ومنها المتنقل وكان المتنقل هذا يتنقل علي الجمال الي القري البعيده

ومن ابرز علماء المسلمين في هذا العلم ابو بكر الرازي وله العديد من الانجازات فهو يعد بحق معجزة الطب عند المسلمين ,فهو مبتكر خيوط الجراحه المعروفه بالقصاب ,كما انه اول من صنع مراهم الزئبق ,وقدم شرحا مفصلا لامراض الاطفال والنساء والولاده والامراض التناسليه وقدم شرحا في جراحه العيون وامراضها,وكان من رواد البحث التجريبي وهو اول من استطاع ان يفرق بين النزيف الشرياني والنزيف الوريدي ,واول من وصف عمليات استخراج المياه من العيون. وهذا قليل من كثير عن ابو بكر الرازي فقد ظل كتابه الحاوي في الطب الذي يقع في 24 مجلد يدرس في اوروبا لمدة خمسه قرون وهو من اعظم الكتب في الطب,

وايضا بن النفيس مكتشف الدوره الدمويه الصغري احد اعظم الاكتشافات في تاريخ الطب والذي قام علي اكتشافه الكثير من الانجازات بعد ذلك

المسلمون وعلم الهندسه الميكانيكيه:

عرف المسلمون علم الهندسه الميكانيكيه باسم علم (الحيل النافعه) الذي شكل مع فروع اخري مثل هندسه الاشكال والمخروطات ,وهندسه المساحه ,وهندسه البصريات,منظومه عبقريه لعلوم الهندسه الاسلاميه.

وكان الغايه من ذلك العلم عند المسلمين (الحصول علي الفعل الكبير من الجهد اليسير ) بمعني استخدام الحيله مكان القوه والعقل مكان العضلات والاله مكان البدن ,ولعل من اهم انجازات المسلمين في استخدامهم لهذالعلم ماظهر واضحا في الامكانيات التي استخدمها المسلمين في رفع الاحجار ومواد البناء لاتمام الابنيه العاليه من مساجد ومآذن وقناطر وسدود ....فيكفيك ان تري الارتفاعات الشاهقه لمعالم الحضاره الاسلاميه ,فهل تري سور مجري العيون ايام السلطان صلاح الدين والذي كان ينقل الماء من فم الخليج علي النيل الي القلعه في جبل المقطم ,فكانت هناك ساقيه تدار بالحيوانات لترفع الياه مسافه عشره امتار فتدفق في القناه فوق السور وتسير بطريقه الاواني المستطرقه حتي تصل الي القلعه .

ومن ابرز علماء المسلمين في هذا العلم بنو موسي بن شاكر وتوصلوا الي عمل سراج لاينطفيء في الريح العاصف ,ونافوره يفور منها الماء فتره علي شكل ترس وفتره متماثله علي شكل قناه .

ومنهم ايضا ابن خلف المرادي الذي عاش في القرن الخامس الهجري والف كتاب في الحيل النافعه بعنوان (الاسرار في نتائج الافكار) واكتشفت كخطوطه هذا الكتاب حديثا في مكتبه لورنيين بفرنسا ,ويحوي الكتاب اجزاء هامه حول الطواحين والمكابس المائيه كما يشرح نحو ثلاثين نوعا من الالات الميكانيكيه ويصف ساعه شمسيه متطوره جدا.

المسلمون والعلوم الاخري:

ولعل من ابرز انجازات المسلمين ايضا انهم اضافوا الي الدنيا علم الجبر والمقابله ومخترع هذا العلم الشهير هو (محمد بن موسي الخوارزمي) والمسلمون هم الذين اخترعوا الصفر في الحساب وكذلك اخترعوا الكسر العشري والجذور والمربعات المتواليه والمكعبات وحدد المسلمون القيمه الوضعيه للرقم وهو في خانه الاحاد او العشرات او المئات او الالوف ,كما جاء الشاعر عمر الخيام بعد الخوارزمي ليقوم بحل المعادلات من الدرجه الثالثه والرابعه.

ويأتي بعد ذلك العالم المعجزه جابر بن حيان ابو الكيمياء الاسلاميه اذ ينسب اليه اكثر من خمسمائه مؤلف في هذا العلم وهو اول من حضر حامض الكبريتيك (زيت الزاج ) واكتشف حامض النيتريك وكلوريد الزئبق .

ولقد نجح علماء الكيمياء المسلمون في اختراعات كيميائيه كثيره منها (تقطتر الخل وتصنيع الزجاج واخترع الورق الغير قابل للاحتراق وتحضير انواع من الطلاء تمنع الصدأعن الحديد واستنباط طرق لتحضير الفولاذ وتنقيه المعادن وصناعه البارود.

المسلمون وعلم الفيزياء:

فقد بحث المسلمون في جميع فروعها ولقد سموا الضوء بعلم البصريات او علم المناظر ومن ابرز علماء المسلمين في هذا العلم الحسن بن الهيثم وابو اسحاق البيروني وينسب للاخير تعيين الكثافه النوعيه لثمانيه عشر نوعا من انواع الاحجار الكريمه,ووضعه قانون الكثافه النوعيه وهو اول من اعلن ان سرعه الضوء اسرع بكثير من سرعه الصوت

الانسان الالي !!!!!

ولعل من الغريب ان المسلمين توصلوا الي فكره اشبه بفكره الانسان الالي الي حد بعيد حيث طلب احد الخلفاء من (محمد بن اسماعيل الجزري ) ان يصنع له اله تفنيه عن الخدم كلما رغب في الوضوء ,فصنع له اله علي هيئه غلام منتصب القامه وفي احدي يديه ابريق ماء وفي الاخري منشفه ويقف فوق عمامته طائر ,فأن حان وقت الصلاه يصفر الطائر ثم يتقدم الغلام نحو سيده ويصب الماء من الابريق بمقدار معين , فأذا انتهي الخليفه من الوضوء يقدم له الغلام المنشفه ثم يعود الي مكانه!.

المسلمون واول فريق علمي في التاريخ :

يعتبر بنو موسي بن شاكر (محمد واحمد والحسن ) ابناء موسي بن شاكر اول فريق علمي في التاريخ , وابدعوا في علوم الهندسه والفلك والرياضيات وكان لهم الكثير من الانجازات

ولعل ابرزها الانجاز الاهم والاكبر وهو قياس محيط الارض وهي المهمه التي كلفهم بها الخليفه المأمون ,وترأس الفريق الاخ الاكبر محمد بن موسي بن شاكر الذي كان له باع طويل في العلم والسياسه ولم يفصل بينهما المهم كان الفريق يضم مجموعه من الفلكيين والمساحيين(علماء المساحه ) والعجيب ان النتئج جاءت قريبه الي حد بعيد فقد توصل الفريق الي ان محيط الارض يساوي (66ميلا عربيا )اي ما يعادل (47,356كم) لمدار الارض وهي نتيجه مقاربه جدا للطول الحقيقي لمدار الارض والذي عرف حديثا وهو (40,000)كم تقريبا

كل هذا قليل جدا جدا من كثير وهو ماستطعت ان انقله اليكم فهناك الكثير من العلوم لم اتناولها لكم مثل الجغرافيا وباقي فروع الهندسه والصيدله والفلسفه وغيرها ومن اراد فعليه ان يبحث وقد حضرت لكم معظم هذه الماده من موقع قصة الاسلام

كل هذا التقدم بسبب الاسلام النور المبين من رب العالمين كان يحكمهم الاسلام وتقدموا في شتي المجالات ابدا لم ولن يكن الاسلام عائق للتقدم بالعكس نحن امه عزت وسادت يوم عاشت مسلمه ,وان شاء الله اعرض لكم فيما بعد تجربه دوله من الدول الاسلاميه نهضت وحكمت وانتصرت بالاسلام واسف للاطاله ومامن تقصير فمني وما من توفيق فمن الله وجزاكم الله خير

(فستذكرون مااقول لكم وافوض امري الي الله ان الله بصير بالعباد)

مواقف من الصعيد الجزء الثاني

بسم الله والصلاة والسلام علي رسول الله عليه من الله افضل والتسليم

اوحشتموني جدا والله والقصة ان النت عندنا فصل فترة المهم خير

ندخل علي الموضوع عدل من غير لف ولا دوران

انا كنت بتكلم علي امور رايتها في احدي بقاع مصر وهي الصعيد رايت عادات وتقاليد غريبة شوية ميعرفهاش غير اللي عاش معاهم فترة من الزمن يعني ندخل في المهم

المراة

اللي انا شوفتوا هناك ان في احدي الاوقات المراة كانت شئ مهمل في المجتمع يعني لادور لها الا تربية الاولاد ولامشاركة مجتمعية لها (والمراة عامة لها مشاركة في المجتمع ولكن بضوابط شرعية)فكانت اشبه بالوعاء الذي ينجب للرجل

ولكن بمرور الوقت والتقدم بداوا يسمحوا للمراة بالتعلم وبدات يظهر منهم نساء متعلمات يشاركوا في المجتمع

ولكن لازالت هناك عائلات لامجال معها الي هذا وانا اعرف هذه العائلات المراة عندهم لاتتعلم ولا تخرج من بيتها نهائيا لدرجة انه ايام السيول اللي اجتاحت الصعيد في التسعينات الناس دي بيوتها تحت الجبل فكانت السيول تجرف كل شئ حتي البيوت

فبعض هؤلاء الناس تركوا النساء الي دخلت المياه بيوتهم وقتلت بعضهن

ومرة احد رجال هذه العائلات وهم للعلم من الهوارة ذهب للحج واخذ زوجته معه فعندما رجع كانوا قد فصلوه من العائلة

دي ناس انا شوفتها هناك ولن اقول جهال ولكنهم من اكبر عائلات الصعيد والمتعلمون فيهم كثير

القبلية

عشان اوضح القبلية هناك هذه البلدان واقصد قنا تحديدا وده اللي شوفته ان هناك قوي في المجتمعات هناك العرب والهوارة والاشراف والنصاري التيارات الاسلامية هناك ضعيفة شوية

فعشان مثلا تضمن معركتك الانتخابية انت تظبط مع كبير العائلة دي وهو يجيبلك اهله وناسه ويخلصلك القصة وما فيها بس انت ظبط معاه

وبسبب القبلية دي فضل الصعيد فترة من الزمن غارق في بحور الدم من القتل بسبب التار وهناك كثيرين ولائهم الاول والاخير للعائلة او التقاليد وليس للدين

كانت احصائية بيقولها مدير امن قناالسابق في برنامج البيت بيتهم من فترة وهي انه كان فيه حوالي 725او اكثر قليلا او اقل قليلا حالة تار في قنا وحدها

وفي بلدان هناك كانوا عشان اهل القتيل يفضلوا فاكرين تارهم كانوا بيدفنوا قتلاهم في الحوش بتاع البيت

يعني دي امثلة وفي كتير

الدين

شئ جميل تلاحظوا هناك ان فيه ناس كتير بتصلي بس القصة في ايه (وجدنا ابائنا كذلك يفعلون )طبعا الا من رحم الله وجدت ناس يصلون وبعضهم يحتكم الا العادات والتقاليد قبل الدين وجدت ناس يصلون وحياتهم وتصرفاتهم غريبة للغاية

ومن الاشياء الملفتة للنظر اوي انتشار الصوفية بينهم بغباء وبكثرة غير عادية والتخريف في دين ربنا وفي مرة ابقي انزل بوست للختمة اللي رحتها لهم واحكي لكم علي اللي حصل فيها

بس الملتزم منهم ملتزم بحق يعني بياخذ الامر بجدية تامة بلا تهريج او استهبال وعلي فكرة الامن هناك شبه مؤيد للظاهرة دي وان لم يعلن يعني هناك لاتجد تيارات اسلامية منتشرة اوي نظرا لبعض الظروف الامنية الصعبة للغاية

والبدع في الدين كثيرة يعني مثلا بعد الصلاة تلاقي واحد جالك بيقولك الاذكار بصوت عالي ياعمي مينفعش غلط الرسول عليه الصلاة والسلام مكنش بيعمل كده مفيش فايدة

واغلب الصعايدة القناوية علي المذهب المالكي برضه(وجدنا ابائنا كذلك يفعلون)ا

المخدرات والحشيش والافيون

محدش يضحك الناس دي اصحاب مزاج عالي وكنت مثلا هناك في احدي البلدان الصبح اهلها بيشتغلوا وباليل بيحششوا تلاقي وانا اسف ملحين وحاطط الجوزة في بوقه عادي جدا وشبه مفيش رقابة فعالة من الامن علي الكلام ده ليه؟؟؟؟؟؟؟؟

الاصل في القصة دي ان موزعين او تجار المخدرات الكبار هناك كانوا شغالين تحت عين الامن ودي كانت صفقة

الجماعات الاسلامية اللي كانت متبنية العنف كانت بتعمل عمايلها وتتطلعه علي الجبل فوق بيستخبوا والامن صعب انه يطلعلهم فوق في الجبل يعني تقدر تقول مش ارضهم فكانوا بيعملوا صفقات مع تجار المخدرات والسلاح اللي هناك زي عزت حنفي ونوفل سعيد انهم يتعملوا مع البشر دي ويظبطوهم في مقابل اطلاق ايديهم في المخدرات والسلاح ولما الامن بيلاقيهم زودوها وبداوا يرغوا وهيفضحوا الدنيا يعملوا الفيلم ده كله عشان يوقعوهم وللعلم نوفل سعيد الامن معرفش يوصله لان بلده تحت الجبل (حمر دوم)بس سلطوا عليه بن عمه اللي قتله

تجد ان الدولة هي اللي بتخلق الارهاب والمخدرات والبلاوي السودة دي بايدها مش بايد حد تاني

وعشان كده تلاقي البلد هناك فعلا المخدرات والسطل علي عينه الا من رحم الله

خفة الدم والاخلاص

البشر هناك فعلا يااخوانا تقعدوا معاهم بالذات لما يبقوا مبسوطين بيخربوا الدنيا متعرفش تقفل بوقك من الضحك ومشكلتهم انهم بيهزروا في اي وقت وبتجاوز شوية يعني المهم انهم يضحكوا وخلاص

اما الاخلاص فحدث ولا حرج تلاقي لو حد منهم حج يكتب كده علي بيته

الحاج فلان الفلاني وحرمه حاجا وزارا سنة مثلا1420هجريا و1999م

في مرة كنت قاعد هناك مع واحد بيحكي لي علي واحد من بلدهم وسماه لي كان عنده تجارة عني محلات وكان ناقصه ان يتكتب عليه محلا ت الحاج فلان الفلاني فبيقولي انا كنت بروح احج كل سنة خدمة حجاج او سواقة فقال لي خدني معاك السنة دي وهاطلع معاك بيقولي خدته ياااستاذ محمود ولقيته جايب في عزاله شوال فحم وشوال معسل

ويجولي يااستاذ محمود واحنا في التفتيش في المينا السعودي في كلاب بعض الاوقات تفتش في العزال بيجولك لجيتلك الكلب بيشمشم في شوال الفحم والمعسل وشوية لجيت الكلب رجد زي ابو الهول جنب الشوال والراجل السعودي بتاع المينا لما عرف اللي جوا الحاجة بيجول والله يااخي ماتنفع لك حجة هكذا يجوله ملكش دعوة وانت مالك

الراجل اللي بيحكي لي بيقولي يااستاذ محمود مصلاش هناك اساسا

فربنا يلطف بينا

الكرم

حاجة تلاحظها هناك ان الناس كرمة للغاية ومينفعش تدخل بيته الا لما يكرمك كويس جدا والراجل هناك راجل بجد يعني تلاقي فيه نخوة ورجولة مش دياثة ودم بارد

انا فاكر كنت بروح بعض البيوت كانهم بيعلفوا فيك علفا (مفعول مطلق)وهم اهل كرم واشهد لهم بذلك

وفي الاخر انا كان قصدي ايه من التدونتين دول انا كنت اوجه الضوء علي بقعة بدات الدولة تنظر اليها بعد فترة كبيرة من تركها ،منطقة مليئة بالخير الكثير سشواء في ابشر او في الثروات ومحتاجين اننا كدعاة نلفت نظرنا ليها شوية لان الناس هناك محتاجين فعلا اللي يعلمهم دينهم وبعض الامور فيه

بس انا كنت بحكي علي امور شوفتها بعيني وممكن يكون حد شاف حاجة تانية

والسلام

اليعقوبي

فلا وربك .......

بسم الله والصلاة والسلام علي رسول الله ..........اما بعد
في البدايه يعتذر الكاتب الكبير اوي جدا طحن اليعقوبي عن كتابه البوست لان النت قاطع بقاله فتره ربنا يرجعهوله بالسلامه!
كنا قد تحدثنا في البوست السابق عن شموليه الاسلام في ايجاز ونتحدث في هذا البوست عن الاحتكام الي الاسلام
كما ذكرنا من قبل ان الاسلام شريعه ومنهج انزله الله من فوق سبع سماوات ليحكم به الناس وهو الدستور الخالد وقانون رب العالمين ماتركه من جبار قسمه الله .
لكن يسأل سائل اوالزام لنا ان نحكم الاسلام في ادق شئون حياتنا؟ الاجابه نعم وذلك مصداقا لقوله تعالي (فلا وربك لايؤمنون حتي يحكموك فيما شجر بينهم ثم لايجدوا في انفسهم حرجا مما قضيت ويسلموا تسليما) اللهم طهر قلوبنا ونفوسنا , نعم والله يااخواني لايتم الايمان حتي نحكم الله ورسوله في ادق شئون حياتنا , مش كده وبس لالالالا ولايكون في نفوسنا حرج مما قضي الله , وكراهيه حكم الله تحبط العمل (ذلك بأنهم كرهوا ماانزل الله فأحبط اعمالهم) ,واحد يقولي ايه ياعم انت متخف شويه احنا كلنا مسلمين انت مالك سخنت كده ليه.
اه معلش بس لازم تعرفوا يااخواني ان الشيطان يزين للا نسان العمل ويلبس عليه الحق بالباطل بل ويزين له الباطل في صوره حق يعني واحد يقولك ياعم احنا بنلجألربنا وبنصلي وبنعمل كل اوامر الدين بس الرسول قال (انتم اعلم بشؤن دنياكم) اه ,شوفت اللبس الخطير هنا يبقي لازم ياجماعه نسأل اهل العلم ونتبعهم الحديث هنا جاء في موقف معين وهو تلقيح النخل ولا مجال لذكره. اناقصدي ان الشاهد ان في ناس بتعمل قص ولزق في الدين يعني حديث جاء في موقف خاص يأتي هؤلاء ليعمموا الخاص (يلبسون الحق بالباطل ويكتمون الحق وهم يعلمون) وفي ناس بتتبعهم بغير علم .
وهنا نرد رد بسيط جدا ان تجزئه ماانزل الله الي ديني وغير ديني تجزئه مضلله ولا ترجع الي اساس سليم بمعني انه اذا سمعنا امر الله في (واقيموا الصلاة) نقول سمعا وطاعه لانه من امر الدين واذا سمعنا (وآتوا الزكاة) قلنا عفوا يارب ان هذا من امر الدنيا نعوذ بالله منه ان نقول مثل هذا وسبحان الله العظيم ان الاسلام فروع شتي منها الخاص بالله الواحد والخاص بالناس والمعاملات الماليه والاجتماعيه وهذا ماذكرناه من قبل
ودعني اقول هنا ان من فطره الله التي فطر الناس عليها انهم دائما ما يحتاجون الي تشريع يحكمهم في كل شيء في طعامهم وثيابهم وعاداتهم وحياتهم وموتهم ومن رحمه الله بنا انه سبحانه وتعالي هو المشرع لنا فاسمع الي قوله تعالي (كان الناس امة واحدة فبعث الله النبيين مبشرين ومنذرين وانزل معهم الكتاب بالحق ليحكم بين الناس فيما اختلفوا فيه)
ولكن ياسبحان الله فتري كثير من المسلمين وللا سف نبذ هذا المعيار وترك حكم الله وراح يلتمس الحكم والتشريع من غيره...ومن ابتغي الهدي في غيره اضله الله...
ويجب ان تعلموا يااخواني ان لله سنن ثوابت لاتتبدل زي ايه مثلا زي ان الماء يغلي عند درجه 100 يعني مستحيل يغلي عند 99 او 101 والشمس تطلع من الشرق وتغرب من الغرب وهذه القوانين وضعها الله لتستقيم حياه البشر وهي تسري علي المؤمن والكافر كذلك من سنن الله لهذه الامه انها لاتنهض وتتقدم الا بالاسلام وتحكيم شريعه الله وهذا ليس بجديد وهنا اريد ان اضرب لكم مثل فمن المعروف علميا ان التجربه ام الحقائق والادله فمثلا من المعروف ان الماء يتفاعل مع الصوديوم فمهما اثبتت النظريات عكس ذلك فتلك النظريات باطله لانه بالتجربه العمليه الماء يتفاعل مع الصوديوم كذلك لاتنهض تلك الامه الا بالاسلام وهذا بالتجربه العمليه منذ عهد النبي الي الدوله العثمانيه وكلما تركنا الاسلام هزمنا وضربت علينا الذله وكلما عدنا اليه نهضنا وحكمنا الارض وهذا بالتطبيق وان شاء الله اعرض لكم تجربه من هذه التجارب فيما بعد..
ويجب ان تعلموا يااخواني انني عندما اعرض لكم هذه الموضوعات انني اشك في عدم ايمانكم بها لا والله ولكن للا سباب الاتيه
1-من باب فذكر ان الذكري تنفع المؤمنين
2- من باب العمل يقول النبي (اعلموا ما شاء لكم ان تعلموا لن تؤجروا حتي تعملوا بما علمتم) .
وان الله متم نوره ودينه وسيظهره علي الدين كله ولكن اين دورنا في هذا وماذا نجيب الله عندما يسألنا ماذا قدمنا لدينه
3-محاوله للرد علي بعض الشبهات التي يلقيها من حين الي اخر من يعارضون فكره الحكم الاسلامي
واشهد الله اني احبكم في الله ,اللهم اني اعوذ بك من ان اشرك بك شيء اعلمه واستغفرك لما لا اعلمه ....(فستذكرون مااقول لكم وافوض امري الي الله ان الله بصير بالعباد) وجزاكم الله خير.